MAKTAB O‘QUVCHILARINI MATEMATIK OLIMPIADALARGA TAYYORLASHNING METODIK TIZIMINI TAKOMILLASHTIRISH
MAKTAB O‘QUVCHILARINI MATEMATIK OLIMPIADALARGA TAYYORLASHNING METODIK TIZIMINI TAKOMILLASHTIRISH KIRISH ………………………………………….……………5 I BOB. MAKTAB O‘QUVCHILARINI MATEMATIKADAN FAN OLIMPIADALARIGA TAYYORLASH METODIK TIZIMINING NAZARIY ASOSLARI 1.1 -§ . Matematika fani olimpiadasi shakllanishining qisqacha tarixi ……………………………………………………………8 1.2-§. Matematika bo‘yicha fan olimpiadalariga tayyorlash jarayonida tavsiya qilinadigan masalalar mazmuniga qo‘yiladigan talablar …………………………………….…………………15 1.3- § Matematika bo‘yicha fan olimpiadalariga tayyorlash jarayonida tavsiya qilinadigan masalalarni yechish metodikasiga qo‘yiladigan talablar …………………………………………17 I bob bo‘yicha xulosalar…….………………………………20 II BOB. MAKTABLARDA O‘QUVCHILARNI MATEMATIKADAN FAN OLIMPIADALARIGA TAYYORLASH BO‘YICHA MASALALAR TIZIMINI SHAKLLANTIRISH VA ULARDAN FOYDALANISH METODIKASI 2 . 1 -§ . Maktablarda o ‘ quvchilarni matematikadan fan olimpiadalariga tayyorlash bo ‘ yicha GMAT masalalar tizimini shakllantirish va topshiriqlarini yechish metodikasi ……………………...……22 2.2-§. Maktablarda o ‘ quvchilarni matematikadan fan olimpiadalariga “ sonlar nazariyasi ” bo ‘ yicha masalalar tizimini shakllantirish va topshiriqlarini yechish metodikasi ………………………….…37 1
2.3-§ . Maktablarda o‘quvchilarni matematikadan fan olimpiadalariga “planimetriya”ga oid ayrim teoremalarni isbotlash va ularga oid nostandart masalalarni yechish metodikasi……………………47 II bob bo yicha xulosaʻ lar………………………………………59 III BOB. TAJRIBA –SINOV ISHLARINI TASHKIL ETISH VA UNING NATIJALARI 3.1 -§ . Tajriba –sinov ishlarini tashkil etish ………………………...…59 3.2 -§ . Tajriba sinov ishlarining natijalari va tahlili …………..…….….61 III bob bo yicha qisqacha xulosalar…………….………………64 ʻ Xulos alar …………………………………….…………………6 5 Foydalanilgan adabiyotlar ro yhati ʻ ……………….…………66 2
KIRISH Magistrlik dissertatsiyasining asoslanishi va uning dolzarbligi. Iqtidorli o‘quvchilarni aniqlash va ularning ijodkorlik qobiliyatlarini rivojlantirish ta’lim tizimining ustuvor yo‘nalishlari qatoriga kiradi. Ushbu yo‘nalishda respublikamizda muhim muayyan ishlar amalga oshirilmoqda, jumladan “Prezident” maktablari, ijod maktablari, san’at maktablari va muayyan fanlar chuqurlashtirilib o‘qitilishga yo‘naltirilgan maktablar tashkil etildi. Prezidentimiz tashabbusi bilan taklif etilgan “Bir million dasturchi” loyihasini amalga oshirish dolzarb masala bo‘lib turibdi. Bu masalani hal qilish maqsadida magistraturaga va doktoranturalarga qabul rejalari miqdori ko‘paytirilmoqda va matematiklarga imtiyozlar berilmoqda. Ushbu yo‘nalishda fan olimpiadalari va turli tuman ijodiy tanlovlar o‘tkazish va ularga o‘quvchilarni jalb qilish zamonaviy ta’lim tizimining muhim muammolari hisoblanadi. Bugungi kunda ilmiy-tadqiqot ishlarini olib boruvchi ijodkor talabalar, magistrantlar va doktorantlarni tayyorlashda o‘quvchilar o‘rtasidagi fan olimpiadalarining roli beqiyosdir. Shu maqsadda fan olimpiadalarining maqsadlari, vazifalari, ularni tashkil etish , olimpiadalarga tayyorlash, o‘quv materiallari yaratish va olimpiadachilarni o‘qitish metodikalarini takomillashtirish masalalari dolzarb bo‘lib turibdi.[1] Tadqiqot ob’ekti . Maktablarda matematika bo‘yicha fan olimpiadalarini o‘tkazish jarayoni. Tadqiqod predmeti . Maktablarda o‘quvchilarni matematikadan fan olimpiadalariga tayyorlash tizimi. Tadqiqot maqsadi . Maktablarda o‘quvchilarni matematikadan fan olimpiadalariga tayyorlash tizimini takomillashtirish asosida olimpiadalarda erishiladigan natijalarni yaxshilash va o‘quvchilarning matematik tayyorgarligini oshirish. Tadqiqot vazifalari . 3
1. Fan olimpiadalariga tayyorlash muammolariga bag‘ishlangan nazariy va ilmiy-uslubiy adabiyotlar tahlili asosida tayyorlashning metodik tizimini tashkil etadigan asosiy omillarni aniqlash. 2.O‘quvchilarga matematikadan fan olimpiadalarda beriladigan masalalar mazmuniga qo‘yiladigan talablarni ishlab chiqish. 3. O‘quvchilarga matematikadan fan olimpiadalarda beriladigan masalalarni sohalar kesimida mazmuniga ko‘ra turlarga ajratish va ularni yechish bo‘yicha muayyan metodik tavsiyalar ishlab chiqish. 4. Maktablarda o‘quvchilarni matematikadan fan olimpiadalariga tayyorlash bo‘yicha masalalar tizimidan amaliyotda foydalanish metodikasini ishlab chiqish. Tadqiqotning ilmiy yangiligi: 1.Matematikadan fan olimpiadalariga oid ilmiy-uslubiy adabiyotlar tahlili amalga oshiriladi; 2. Olimpiada materiallari ilmiy uslubiy jihatdan o‘rganiladi; 3.Olimpiada masalalari toifalarga ajratilib sinflashtiriladi; 4.Olimpiada masalalarini yechish bo‘yicha metodik tavsiyalar ishlab chiqiladi; Tadqiqodning asosiy masalalari va farazi . Matematikadan fan olimpiadalariga ta’lim tizimining ilmiy asoslangan muayyan tor doiradagi maqsadi, mazmuni, shakli, metodi va vositalari tayyorlanish jarayonida to‘g‘ri tashkil etilib amalga oshirilsa, yuqori natijalarga erishiladi. Tadqiqod mavzusi bo‘yicha adabiyotlar sharhi (tahlili) . Olimpiadalar tarixi o‘rganildi : a) Xalqaro matematik olimpiadalarning shakllanish tarixi va asoschilari o‘rganildi. b) Mustaqil Davlatlar Hamdo‘stligi (MDH) da matematik olimpiadalarning shakllanish tarixi o‘rganildi. c) O‘zbekistonda matematik olimpiadalarning shakllanish tarixi va asoschilari o‘rganildi. 4
Tadqiqotda qo‘llanilgan metodikaning tavsifi . - muammolariga bag‘ishlangan nazariy va ilmiy-uslubiy adabiyotlarning , olimpiadalarda tushgan masalalarning nazariy tahlili: - pedagogik tajribalarni umumlashtirish va o‘rganish; - olimpiadalarga tayyorlash , uni tashkil etish va o‘tkazish jarayonida bevosita ishtirok etish; - so‘rovnoma va suhbatlar o‘tkazish. Tadqiqot natijalarining nazariy va amaliy ahamiyati. 1.Olimpiadalarga tayyorlanish uchun ilmiy-uslubiy adabiyotlarning tahlil etilgan majmuasi aniqlanadi; 2. Olimpiadalarda tushadigan masalalarning mazmuni va turlari haqida to‘liq ma’lumotga ega bo‘linadi; 3.O‘quvchi va o‘qituvchilar uchun metodik qo‘llanma sifatida foydalanish mumkin; 4.Olimpiadalarni tashkil etish ularga tayyorlanish bo‘yicha ko‘rsatmalar olish mumkin; Ish tuzilmasining tavsifi. Dissertatsiya ishi 68 sahifadan iborat bo‘lib, kirish, uchta bob, xulosa, amaliy tavsiyalar va foydalanilgan adabiyotlar ro‘yhatini o‘z ichiga oladi. 5