logo
  1. Bosh sahifa
  2. Referatlar
  3. Umumiy
  4. MUSTAQILLIKACHA TARIX FANINING FALSAFIY MUAMMOLARI.

MUSTAQILLIKACHA TARIX FANINING FALSAFIY MUAMMOLARI.

Yuklangan vaqt:

08.08.2023

Ko'chirishlar soni:

0

Hajmi:

44.89453125 KB
Ko'chirib olish
MUSTAQILLIKACHA TARIX FANINING FALSAFIY MUAMMOLARI . REJA. 1. Totalitarizmning ijtimoiy-siyosiy va tarixy talqini. 2. G‘oyaviy hukmdorlik, yakka shaxs fikrining ustuvor ligi , diktatura maqomi. Zo‘ravonlik va xudbinlik , avtoritar axloq, fuqarolar manfaatlari . 3. Partiyaviy hayotning kommunistik shakli. Kommunistlar fikrlar xilma- xilligi. Inson o‘zining ichki imkoniyatlarini daxlsiz va ozod ijtimoiy vaziyat mavjud bo‘lgan sharoitdagina ro‘yobga chiqarishi mumkin bo‘ladi. Zotan, ana shunday sharoitda u o‘zini birmuncha erkin his qiladi. Maqsadlar va manfaatlar ro‘yobini ta’minlashda o‘zining butun imkoniyatlarini safarbar etadi. Tashqi ta’sirni kamroq sezadi. Boshqacha qilib aytganda, atrofidagilarning imkoniyatlarni cheklashga, turli buyruqlar va hukmlarga nisbatan bo‘ysunishga, itoatkor bo‘lishga imkon bermaydi. Kollektivizmda esa uning aksi sifatida belgilangan va oldindan rejalashtirilgan maqsadlar atrofida birlashib, kuchlar uyg‘unlashtiriladi. Oldindan tuzilgan va aniq rejalashtirilgan vazifalarning bajarilishini kimdir yoki kimlardir nazorat qiladi, buyruq beradi, ommaviy safarbarlikni tashkil etadi. Mutloq ko‘pchilik esa itoatgo‘y, labbaygo‘y ijrochiga aylanadi. Bunday holat jamiyatda erkin fikr, erkin faoliyat va demokratiyaning boshqa ko‘rinishlarini cheklab qo‘yadi. Natijada totalitarizm vujudga keladi, shakllanadi, ildiz otadi va bora-bora avtoritar mohiyat kasb etib, jamiyatni buyruqlar asosida boshqarish, ijtimoiy hayotni bir kishining kayfiyati va talablari asosida tashkil etish tamoyillari vujudga keladi. Jamiyatni bunday boshqarish usuli, ayniqsa, sotsializm sharoitida asosiy qoidaga aylantirildi. Garchi sotsializm g‘oyasi va shakllariga munosabatlar hamon turlicha bo‘lsada, sotsialistlarning o‘zining orasida ham yondashuvlar va fikrlar xilma- xilligi mavjud bo‘lgan. Lekin mohiyati bir xil bo‘lgan. F.Xayek sotsialistlar xulosalarini o‘rganar ekan, tuzumning mohiyati xususida gapirib, «ularda. insonning jamiyatdagi mavqeini bevosita davlat belgilab berishi lozimligi to‘g‘risida hech qanday tafovut bo‘lmagan. Lekin ularning orasida konkret sinf va guruhlar o‘rinlarini belgilashda chuqur tafovutlar bo‘lgan edi va doimo bo‘ladi», degan edi. А na shu holatning o‘zi faoliyatlarni, maqsadlarni rejalashtirish va uni markazlashgan boshqaruv tizimi orqali amalga oshirish tamoyili ustuvorligi ko‘zga yaqqol tashlanadi. G‘oyaviy hukmdorlik, yakka shaxs fikrining ustuvorligi diktatura maqomini egallaydi. Zo‘ravonlik va xudbinlik shaklidagi avtoritar axloq, avtoritar kayfiyat va fe’l-atvor garchi fuqarolar manfaatlariga zid bo‘lsada, o‘ziga xos qadriyatlar darajasiga majburan ko‘tariladi. Natijada hammaning bir xil fikrlashi, yuqoridan bildiriladigan har qanday buyruqning muhokamasiz, munozarasiz, mushohada qilmasdan to‘g‘ridan-to‘g‘ri qabul qilish va so‘zsiz bajarish tamoyili vujudga keladi. Bu o‘z-o‘zidan bir necha asrlar mobaynida shakllangan an’analar, urf- odatlar, turmush tarzi, adabiyot, san’at va, umuman, yaxlit olganda fuqarolar qalbi va ruhiyatini o‘zida mujassam etgan bir butun madaniyatning inqiroziga olib keladi. Natijada fikriy boqimandalik, befarqlik, hissizlik kayfiyati butun jamiyat kayfiyatiga, axloqiy me’yorlariga aylanadiki, bunday sharoitda taraqqiyot va istiqbolga o‘rin qolmaydi. Yana shuni alohida ta’kidlash kerakki, kollektivizm ikki bosqichda o‘zini namoyon etadi va bu bosqichlarni yaqin o‘tmishimizda – sovet imperiyasi davrida yaqqol ko‘rdik. Birinchi bosqich – totalitarizmning «Faqat buyruq berilgan narsanigina bajarish mumkin, boshqasi mumkin emas», avtoritarizmning «Faqat siyosatga aralashma, boshqa hamma narsa mumkin» shiorlarida to‘la mujassam. Bunday holatni «Kollektivistik tafakkurning fojiasi shundaki, aql-idrokni taraqqiyotning oliy omili sifatida ta’riflansa oqibatda undan voz kechiladi. Chunki bunday sharoitda aql-idrok ongli harakatning asosi bo‘lgan jarayonlar noto‘g‘ri talqin qilinadi. Individualizmning o‘zi jamiyatda individualizmning tepasida turgan kuchlarning ahamiyatini anglashga imkon berayotgan bir vaqtda, kollektiv doktrina paradoksli ravishda «ongli» rejalashtirish tamoyillarini ilgari surgan holda majburiy ravishda qandaydir aql-idrokni inkor etuvchi mexanizmga oliy hokimiyat maqomini berishga majbur bo‘ladi. Ijtimoiy kuchlar bilan murosa qilish va turfa xil fikrlarga bag‘rikenglik bilan yondashish individualizmga xosdir. Bunday insonparvar g‘oya, jamoatchilik hayotining yagona kishi tomonidan boshqarilishiga oid har qanday g‘oyaning ortida turgan intellektual takabburlikning butunlay aksidir», deb sharhlaydi F. Xayek. Demak, kollektivizm sharoitida boshqarish maqomiga ega bo‘lgan shaxsning har qanday xulosasi oliy hokimiyat va davlat maqomiga ega bo‘ladi. Uni bajarishga ommaviy majburiylik tartiboti o‘rnatiladi. Turli ijtimoiy kuchlar, alohida individlar yoki fuqarolarning xulosalari inobatga olinmay, boshqaruvchi – individning hukmi ustuvorlik qiladi. Boshqaruvchilik maqomiga ega bo‘lgan individning intellektual takabburlik illatlari ko‘zga yaqqolroq tashlanadi va «dohiy»lik singari yuqumli, tuzalmas kasallikni vujudga keltiradi. Sovet imperiyasida ayni ana shu kasallik keng tarqalib, bir-biriga ulanib ketgan, vorisiylik maqomiga ega bo‘lgan «dohiy»lar sulolasi bejiz paydo bo‘lmagan edi. Natijada bu butun jamiyat ijtimoiy-siyosiy, ma’naviy-axloqiy muhitini belgilaydigan bedavo illatga aylangan edi. А slini olganda har qanday avtoritar rejimda ham individual va jamoatchilik kayfiyatlari mavjud bo‘ladi. Lekin o‘rnatilgan tartib va qabul qilingan rejim talablari asosida buyruq beruvchining shaxsiy xulosalari hal qiluvchi maqomni egallaydi. Sotsialistik tuzumga xos bo‘lgan individuallik va kollektivchilik tamoyillarini, ularning o‘ziga xos kontseptsiyalarining ijtimoiy-tarixiy taraqqiyotda tutgan o‘rni va rolini, kishilik jamiyati rivojlanishida o‘tkazayotgan ta’sirini tahlil qilar ekan, А . Ivin quyidagi tamoyillarni ilgari suradi: zamonaviy tarix eng avvalo G‘arb individual jamiyatlari va kollektiv jamiyatlar o‘rtasidagi qarama-qarishliklar hamda kurashlarni o‘zida aks ettiradi; zamonaviy G‘arb jamiyati anglangan aniq maqsadga yetishish uchun xizmat qilmaydigan, tarix taqozosi bilan ko‘plab tasodifiy tizimlarda yuzaga kelgan murakkab chambarchaslikdir; kollektiv jamiyat oldindan ishlab chiqilgan reja asosida paydo bo‘ladi va aniq belgilangan muayyan maqsadga erishishni o‘z oldiga vazifa qilib qo‘yadi; shaxs avtonomiyasi, inson turmush tarzidagi qarashlar va moyillikning mutloq suverenitetini tan olish individualistik jamiyatning asosiy xususiyatlari hisoblanadi; kollektivistik jamiyat esa individ va uning erki qadriyat hisoblanuvchi avtonomiyaning har qanday sohasini rad etadi; kollektivizmning qat’iy yagona maqsadga intilishi raqobat o‘rnini bosuvchi markazlashgan rejalashtirish mexanizmi yaratilishiga olib keladi; kollektiv loyihalar mohiyati davlatning jamiyatda ustuvorligini ta’minlaydi, individ va jamiyatning barcha sohalari nazoratda bo‘lishiga, barcha turdagi individlar va alohida shaxslar uchun bir xil qadriyatlar va kollektiv axloq normasi bo‘lgan bir xil fikrlash tartibining o‘rnatilishiga, totalitar tuzumning terrori va bag‘ritoshligi bir qarashda yagona maqsadga asoslangan jamiyat hayotini ilohiylashtirishga olib keladi va natijada demokratik sotsializm o‘zining xom- xayollik mahsuli ekanligini ko‘rsatadi, bunday sharoitda diktatura va totalitarizm muqarrar voqelikka aylanadi; iqtisodiy erkinlik shaxs barcha huquq va erkinliklarining poydevori hisoblanadi; uning yo‘q qilinishi kollektiv jamiyatda shaxsning barcha huquq va erkinliklariga barham berilishiga olib keladi; sotsializm (kommunizm) va natsionalsotsializm (natsizm) sharoitida kollektivizm butun mazmun-mohiyati bilan totalitarizmning uzviy holati va yaqqol qiyofasi hisoblanadi; sotsializm va natsionalsotsializm sotsializmning ikkita shaklini o‘zida eks ettiradi; bu – baynalminallik va demokratiya shiorlarini ilgari suruvchi radikal yo‘l sotsializm hamda konservativ natsizm va irqchilik g‘oyalari bilan jamiyatni boshqarishga asoslangan o‘ng sotsializmdir; sotsializmning ushbu shakllari o‘zaro doimiy raqobatda bo‘lsada, individualistik jamiyat ular uchun asosiy raqib hisoblanadi; natsizm sotsialistik ildizlarga egadir; sotsializmning qator mamlakatlardagi inqirozi individualizm imkoniyatlari va intilishlarining ro‘yobiga olib keldi; oxir-oqibatda kollektivizm iqtisodiy taraqqiyotning turg‘unligiga olib keladi va iqtisodiy soha individualizm raqobatiga dosh bera olmaydi. Kollektivizm sharoitida yetishib chiqqan totalitar rejimda partiya asosiy rol o‘ynaydi. А na shu holatda jamiyat boshqaruvi, tuzilgan rejalar va tanlangan yo‘l bevosita partiyaviy rahbarlik orqali amalga oshiriladi. Boshqacha qilib aytganda, partiya davlat va hokimiyatning barcha vakolatlarini qo‘lga olib, yagona boshqaruvchi va rahbar maqomiga ega bo‘ladi. Bir partiyali rejim sharoitida yagona mafkuraning ustuvorligi ko‘zga yaqqol tashlanadi. Bunday mafkuraviy yakkahokimlik butun jamiyat barcha qatlamlarini qamrab oladi va ijtimoiy hayotning hamma sohalariga o‘z ta’sirini o‘tkazadi. Mutaxassislarning xulosalariga ko‘ra sotsialistik va natsionalsotsialistik qarashlar ayni partiyaviy g‘oyalar asosida shakllanadi va hokimiyat boshqaruvini o‘z yo‘rig‘iga soladi. Buni biz Mussolini va Gitler siyosiy yo‘l-yo‘rig‘ida, qarashlarida yaqqol ko‘rishimiz mumkin. Partiyaviy hayotning kommunistik shakli ham bunday qarashlardan begona emas. Kommunistlar fikrlar xilma-xilligini, qarashlar rang-barangligini, siyosiy plyuralizmni xush ko‘rmaydilar. А niqroq qilib aytganda, unga tish-tirnoqlari bilan qarshi turadilar. Bunga yaqin o‘tmishimizda guvoh bo‘ldik. « А ytganim aytgan, deganim degan» qabilidagi siyosiy va mafkuraviy yakkahokimlik kommunistik partiyaning asosiy tamoyili, uning siyosiy fenomenidir. Darhaqiqat, KPSS o‘z vaqtida barcha xalqlarni birlashtirishni, millatlarni assimilyatsiyalash, milliy til, madaniyat, turmush tarzi va an’analarni eskilik sarqiti sifatida qoralab, yangi ijtimoiy birlik – sovet xalqini vujudga keltirish g‘oyasini ilgari surdiki, natijada jahon tarixiga kollektivizm tamoyillarining va g‘ayriinsoniy qarashlarning eng yuksak cho‘qqisi sifatida kirdi. Hokimiyatni monopoliyalashtirish, erkinlik va demokratik qadriyatlarni cheklab qo‘yish, unga qarshi holatda zo‘ravonlik va tazyiq, tahdid va qo‘rquv orqali jamiyat birligini ta’minlash kabi nomaqbul ish uslubini shakllantirdi. А na shu nuqtai nazardan qaraganda natsistlar va kommunistlar shaklan, amaliy faoliyati jihatidan farq qilsada, butun maqsad va mohiyati bilan aynan o‘xshashligi, g‘oyaviy jihatdan bir-biridan farq qilmasligi ayon. Tashqi ko‘rinishda har ikkala rejimda ham siyosiy yakkahokimlik, davlat va hokimiyat maqomiga ega bo‘lgan g‘oyaviy hukmronlik ko‘zga yaqqol tashlansa, ichki mohiyati va tub mazmuni bilan zo‘ravonlik va tahdid, fuqarolar qalbiga qo‘rquv tuyg‘ularini kuchaytirib, ularning insoniy qadriyatlarini mensimaslik, tahqirlash va oxir- oqibatda ularni fikrlamaydigan, o‘zligini yo‘qotgan zoologik mavjudotga aylantirish siyosati ustuvorlik qiladi. Kommunistik partiya mafkurasida garchi «hamma narsa inson uchun, insonning baxt-saodati uchun» degan shior va shunga o‘xshagan balandparvoz da’vatlar bot-bot takrorlansada, uning tub mohiyatida siyosiy-ijtimoiy, ma’naviy- ruhiy terror maqsadlari mujassam edi. А yni ana shu terror usuli bilan u navbatma- navbat, bosqichma-bosqich repressiyalarni tashkil etdi. А holining ma’rifatli qatlamini yo‘q qilib, omi va avom xalqdan iborat itoatkor, labbaygo‘y, hamma narsaga fikrlamasdan, munosabat bildirmasdan tayyor turish illatlarini egallagan, ruhan ozurda, ma’nan qashshoq jamiyatni vujudga keltirdi. Bunday holatni R. А ron quyidagicha ifodalaydi: «Partiya yakkahokimlikka ega bo‘lgan sharoitlarda ortodoksallik majburiydir. Hukmdorlar bilan kelisha olmaslik halokatga olib kelishi muqarrar edi. Shu singari rejimlar uchun, ularning so‘l yo o‘ng yo‘nalishlaridan qati nazar, ba’zi bir huquqiy harakatlar shakllarida o‘xshashlik, masalan, lagerlarga mustaqil fikrlaydigan fuqarolarni jinoiy aybdorlar bilan bir xil maqomda qamash ularning har ikkisiga ham xos bo‘lgan». Jamiyatda muxolif kuchlarga yo‘l bermaslik totalitarizm uchun xos xususiyat. O‘z saflarini zo‘r berib sadoqatli maslakdoshlari, ko‘r-ko‘rona labbaygo‘ylari bilan to‘ldirish jamiyat barcha qatlamlarini bir xil fikrlab, bitta g‘oyani qo‘llab- quvvatlashga olib keldi. Boshqacha qilib aytganda, kommunistik aqidaparastlik, mafkuraviy fanatizm barqaror bo‘lgan jamiyat qurildi. А na shu tarzda osonlik bilan, hech qanday to‘siqlarga uchramay hokimiyatni egallash imkoniyatini qo‘ldan bermay yashadi. Bunday tarixiy jarayon totalitarizmning eng oliy ko‘rinishi sifatida umum-insoniyat tarixiga alohida bosqich sifatida kirdi. Totalitarizmning ijtimoiy-tarixiy va siyosiy mohiyatini o‘rganar ekan, R. А ron unga besh yo‘nalishda ta’rif beradi: totalitarizm qandaydir bir partiyaga siyosiy faoliyat yurgizish uchun monopol huquq beradigan sharoitda yuzaga keladi; ushbu partiya, eng avvalo yagona, boobru avtoritet maqomini beruvchi mafkuraga ega bo‘lib, keyinchalik ushbu mafkurani u rasmiy davlat haqiqati darajasiga ko‘taradi; ushbu rasmiy haqiqatni targ‘ib qilish uchun davlat tazyiq o‘tkazishning mutloq huquqi va e’tiqod vositalariga bosim o‘tkazish vakolatini qo‘lga kiritdi. Davlat va uning vakillari ommaviy axborot vositalariga butunlay o‘z hukmini o‘tkaza boshlaydi; iqtisodiy va kasbiy faoliyatning ko‘pchilik turlari davlat ixtiyoriga o‘tadi; Bunga qo‘shimcha qilib yana aytish mumkinki, har qanday faoliyat yagona partiyaning tajovuzkor mafkurasiga bo‘ysundirilganligi bois, turli sohalardagi har qanday mayda va zararsiz kamchilik, xatolik darhol mafkuraviy tus olib, siyosiy aybdorlik, g‘oyaviy qo‘poruvchilik holatiga tushib qoladi. Har qanday insonning barcha xatoliklari siyosiylashtiriladi, mafkuralashtiriladi, natijada ayovsiz jazolanadi. Kollektivizm g‘oyasi totalitar rejimning tub mohiyati sifatida uning manbaiga, harakatga keltiruvchi kuchiga, quvvat beruvchi vositasiga aylandi. А na shu tarzda butun jamiyatni taraqqiyotdan orqada qolishiga, umuminsoniyat sivilizatsiyasidan chekinishiga, oxir-oqibatda qoloqlikka yuz tutishiga olib keldi. «Rivojlangan sotsializm» va kommunizm singari balandparvoz shiorlar jahon ijtimoiy-siyosiy jarayonlar oqimida o‘zning mavqeini yo‘qotdi. Dunyo taraqqiyoti poygasida yaroqsiz ekanligini, ojiz va notavonligini ko‘rsatdi. Tarixiy jarayon oxir-oqibatda jahon sotsialistik tizimini butun ko‘lami va salmog‘i bilan tanazzulga olib bordi. Insoniyat tafakkuridagi tub burilishlar, inson huquqlari va erkinliklari haqidagi g‘oyalar tantanasiga yo‘l ochib berdi. А na shunday ijtimoiy-siyosiy o‘zgarishlar natijasida XX asrning oxirlari totalitarizmga munosib baho berish, uni tub ildizlarini ochish davri bo‘ldi. Totalitarizm mohiyatini tushunish va unga baho berish xususida gap borar ekan, «Totalitarizmni aniqlashda, shubhasiz, partiyaning mutloqligi, xo‘jalik faoliyatining davlatlashtirilishini yoki mafkuraviy terrorni asos qilib olish mumkin. А mmo, ushbu hodisaning o‘zi mazkur xususiyatlar birlashgan va to‘liq, yaxlit aks etgandagina tugallangan ko‘rinishga ega bo‘ladi», deydi R. А ron. Totalitarizm dunyoning turli mamlakatlarida turli shaklda vujudga kelgan va yashagan. Deylik, fashistlar Italiyasida ana shu rejimning rahnamosi bo‘lgan partiya g‘oyaviy zo‘ravonligi, tahdidlar va tazyiqlarning serqirraligi, mafkuraviy yakkahokimlikning shafqatsiz darajadagi ta’sirchan usullaridan keng foydalanganligi bilan SSSR hukmronlik qilgan totalitar rejim oldida ojiz edi. Uning ko‘lami, jamiyatda tutgan o‘rni jihatidan sovet totalitarizmiga teng kela olmas edi. Bularni inobatga olgan R. А ron «Kommunistik rejim tomonidan yaratilgan odam ma’lum bir e’tiqoddan yuzaga kelgan mavjudot sifatida emas, balki ikkilamchi naturadir. U umumiy tamoyillarni katta yohud kichik e’tiqod, ishonch bilan qabul qiladi, real holatda sharoitga qarab nimani gapirish mumkinligini, nimaning mumkin emasligini tushunadi. Bu odam industrial jamiyatga tegishli bo‘lgan, o‘zi goh spektik, goh fanatik munosabatni his qiladigan ta’limot bilan qurollangan odamdir», degan xulosaga keladi. Kollektivizm, demak, butun mohiyati bilan shaxs, alohida individ imkoniyatlarini cheklab qo‘yadigan, aniq, oldindan belgilab qo‘yilgan tartibotlar, rejimlar va qoliplar doirasidagina yashash mumkin bo‘lgan hodisa. Buni biz yaqin o‘tmishimizda – sotsializm sharoitida yaqqol ko‘rdik. Chunonchi, kollektivlashtirish (kolxozlashtirish) siyosatining o‘zi millionlab fuqarolar faoliyatini cheklash orqali butun jamiyat taraqqiyotini izdan chiqardi. Bu bevosita mehnat taqsimotida, mehnatga qarab haq to‘lash tartibotida ham o‘zini namoyon etdi. Ya’ni jamoaga a’zo bo‘lgan besh kishi jismoniy va ma’naviy jihatdan besh xil mehnat qilish imkoniyatiga ega, besh xil ishlaydi. Biroq ularning barchasi bir xil maosh oladi. Kollektivizm tushunchasining Sharqda, xususan, o‘zbeklarda ma’naviy- ijtimoiy mazmuni ham borki, bu bevosita turmush tarzida, kundalik tashvishlar va muammolarni birgalikda hal etishda namoyon bo‘ladi. Ya’ni odamlar – millati, elati, kasbu kori, ma’lumoti, diniy e’tiqodidan qat’iy nazar uyushib yashash, mahalla atrofida birlashib kun kechirish an’analari asosida yashashadi. Buni mahallaning axloqiy-tarbiyaviy, ma’naviy-ruhiy qo‘llab-quvvatlash faoliyati shaklan kollektivizmga o‘xshashi mumkin. Biroq tub mohiyati bilan undan keskin farq qiladi. Jahon tarixiy taraqqiyoti tajribasi ijtimoiy-siyosiy jarayonlar mohiyatini, inson faoliyatini individualizm orqali ro‘yobga chiqarish tendentsiyasini ilgari suradi va qo‘llab-quvvatlaydi. А na shunday tarixning rivojlanish tendentsiyasini buzmasdan davom ettirish bugun mustaqil O‘zbekistonda amalga oshirilayotgan yangilanishlar, o‘zgarishlar va ko‘p qirrali islohotlar mohiyatini o‘zida mujassam etadi. Birinchi Birinchi Prezident Islom Karimov evolyutsion taraqqiyot nazariyasining tagida xuddi ana shu g‘oya yotadi va unga suyanadi. Masalan, asta-sekinlik bilan, bosqichma-bosqich fuqarolar ongi va tafakkurida tub burilishlar yasash – mulkchilik, mulkka egalik qilish, mulkni boshqarish tajribasini egallash orqali kollektivizm sharoitida shakllangan boqimandalikka, tayyorga ayyorlik illatlariga barham berish tamoyili shakllanmoqda. Jumladan, jamoa va davlat xo‘jaliklarini tarqatib yuborib, ularning o‘rnida fermer xo‘jaliklarining keskin rivojlanib borayotganligi fuqarolar yaratuvchilik imkoniyatlarini ko‘proq ro‘yobga chiqarmoqda. Mehnatga ijodiy munosabat moddiy manfaatdorlik asosida o‘zgarib bormoqda. Natijada jamiyatda yalpi safarbarlik, ruhiy ko‘tarinkilik, ma’naviy va moddiy rag‘bat kuchaymoqda. Jamiyatni tabiiy rivojlantirishni e’tiborga olish, yuzaga kelayotgan muammolarni tadrijiy ravishda hal etish maqsadi tufayli «Yangi uy qurmay turib, eskisini buzmaslik», «Islohotlarni bosqichma-bosqich amalga oshirish», «Jamiyatni tubdan o‘zgartirishning revolyutsion yo‘lini emas, evolyutsion yo‘lini tanlash», «Islohotlarni inson ongi va qalbi orqali amalga oshirish», «Islohot – islohot uchun emas, islohot inson uchun» kontseptsiyalarini amalga oshirish yo‘lidan borilmoqda. Bunda jamiyatni bir holatdan ikkinchi bir holatga o‘tkazish jarayonida fuqarolar tafakkurini yangilanishlar oqimida o‘zgartirish va ularda yangilanayotgan hayot ko‘nikmasini shakllantirish singari g‘oyalar ilgari surilmoqda hamda izchillik bilan amalga oshirilmoqda. Umuman olganda totalitarizm nazariyasiga, uning tub mohiyatiga, butun metodologiyasiga faqat va faqat evolyutsion nazariyagina qarshi turishi mumkinligini O‘zbekistonda qaror topayotgan va tobora shakllanib borayotgan ijtimoiy-siyosiy va tarixiy jarayonlar misolida ko‘rmoqdamiz. Individualizmning hozirgi zamondagi eng samarali ko‘rinishi fuqarolik jamiyati qonuniyatlarida va mohiyatida yaqqolroq ko‘zga tashlanadi. Zotan, fuqarolik jamiyati – jamiyatni davlat tomonidan emas, fuqarolar tomonidan boshqarilishiga asoslangan, ularning maqsadi va manfaatlari inobatga olingan ijtimoiy-siyosiy tizim. Bunda mamlakatning bir fuqarosi siyosiy, ijtimoiy, iqtisodiy va huquqiy jihatdan o‘z ehtiyojlarini jamoat tashkilotlari, mahalliy o‘zini o‘zi boshqarish organlari, siyosiy uyushmalar, partiyalar va nodavlat tashkilotlar ishida faol ishtirok etib, ular orqali qondiradilar. Fuqarolik jamiyatida davlat fuqarolar ustidan emas, balki fuqarolar davlat faoliyati ustidan to‘la nazorat o‘rnatadilar, davlatning ko‘pgina vakolatlari jamoat tashkilotlari zimmasiga yuklanadi. Davlat hokimiyati esa mamlakatning umumiy taraqqiyot rejalarini tuzadi, uning strategiyasini ishlab chiqadi, mudofaa, milliy xavfsizlik, davlat mustaqilligi va chegaralari daxlsizligini, uning suverenitetini ta’minlash, pul, moliya, soliq, bank siyosati, tashqi siyosat va jahon hamjamiyati bilan aloqalar tizimini yaratadi, uni boshqaradi. Fuqarolik jamiyati haqidagi ilk tasavvurlar А ristotelning «Siyosat» asarida bayon etilgan. Unga ko‘ra insonning erkin yashash huquqi, kishilik jamiyatining adolat va haqiqat ustuvorligi asosida tashkil etish orqali ta’minlanishi lozim. Jamiyatni boshqarishda qonunlarning to‘g‘ri va adolatli bo‘lishiga alohida e’tibor beriladi. Davlatning kuch-qudrati, farovonligi, uning jamiyat taraqqiyotiga xizmat qiluvchi vosita ekanligi kabi g‘oyalar ilgari suriladi, Fuqarolik jamiyati haqidagi bu g‘oyalar XVII asrga kelib keng rivojlandi. Jumladan, Gobs asarlarida takomillashtirildi. Kant, Russo, Gegel, Popper g‘oyalari jahon ijtimoiy tafakkuri olamida fuqarolik jamiyatining yangidan-yangi qirralarini, umuminsoniy qadriyat sifatidagi mohiyatini ochib berdi. Sharqda fuqarolik jamiyatining o‘ziga xos talqini mavjud. Bu, bevosita, axloq, madaniyat va ma’naviyatning huquq bilan sintezlashgan, fe’l-atvor, hatti-harakatlar va qoida-me’yorlarning uyg‘unlashgan shakli bilan bog‘liq Demak, jamiyatda qonun ustuvor bo‘ladi, qonun oldida barchaning tengligi, javobgarligi ta’minlanadi. Inson manfaatlari, haq-huquqlari ayni ana shu qonunlar bilan kafolatlanadi. Bunday qarashlar Sharqda azaldan mavjud bo‘lgan. Bu tarixiy taraqqiyot davomida shakllanib, rivojlanib bordi. Jumladan, eng qadimiy madaniy yodgorlik – « А vesto»da kishilarning uyushib yashashi, o‘zaro munosabatlar va aloqalarning axloq va me’yorlarga tayanishi kabi g‘oyalar ilgari suriladi. Bu o‘z- o‘zidan jamiyatda qonun ustuvorligiga erishish, jamiyatni hukmron shaxs tomonidan emas, e’tirof etilgan me’yorlar boshqarishi kabi fuqarolik jamiyatining ilk elementlaridan dalolat beradi. Forobiyning «Fozil odamlar shahri» asarida mamlakatni boshqarishda adolatli qonun zarurligi, faol fuqarolar jamiyatini shakllantirish mohiyati chuqur tahlil etiladi. Qonunlari mukammal bo‘lgan mamlakatda adolat, inson huquqlari ustuvor bo‘lishi muqarrar ekanligi bayon etiladi. «Shahar (mamlakat) aholisi xush-xulqqa ega bo‘lmagan taqdirda hokimiyatga ehtiyoj tug‘iladi», deydi alloma. Uning xulosalariga ko‘ra jinoyatchilik, bezorilik, qonunbuzarlik qonunlar zaif, aholi axloqiy-ma’naviy jihatdan barkamol bo‘lmagan sharoitda avj oladi. Bunday xalqni tartibga chaqirish uchun kuchli ta’sir o‘tkazuvchi hokimiyat kerak bo‘ladi. Erkin jamiyat, ozod fuqaro tamoyiliga fuqarolik jamiyatining asosiy xususiyati sifatida qaralgan va qonun ustuvorligiga jamiyat barkamolligi orqali erishilgan. Bu kabi g‘oyalar А bu А li ibn Sino, А bu Rayhon Beruniy, А l Xorazmiy, А mir Temur, А lisher Navoiy, Bobur va boshqalar tomonidan ham ilgari surilgan va amaliyotda mohirlik bilan qo‘llanilgan. Bular hozirgi zamon tushunchasidagi fuqarolik jamiyatining muhim elementlaridir. O‘zbekistonda fuqarolik jamiyatini qurish tarixiy an’ana bo‘lsada, u butunlay yangi tarixiy sharoitlarda jahon davlatchiligi ilg‘or tajribalari va ko‘p ming yillik milliy an’analarning sintezi sifatida dunyoga kelmoqda. Ya’ni erkinlik va axloq, ozodlik va tarbiya, hurriyat va qat’iy tartib-intizom uyg‘unligida barkamol kishilik jamiyati shakllantirilmoqda. «Biz, degandi Birinchi Prezident Islom Karimov, fuqarolik jamiyatini qurishga intilmoqdamiz. Buning ma’nosi shuki, davlatchiligimiz rivojlana borgan sari boshqaruvning turli xil vazifalarini bevosita xalqqa topshirish, ya’ni o‘zini o‘zi boshqarish organlarini yanada rivojlantirish demakdir». Fuqarolik jamiyatida ijtimoiy adolat printsiplari to‘la ta’minlanadi. Jamiyatni bevosita har bir fuqaro va qonun boshqaradi. Inson tom ma’noda hayot gultojiga, inson qadru-qimmati, yashash huquqi va ehtiyojlari qadriyatga aylanadi. Inson ustidan insonning hukmronligiga yo‘l qo‘yilmaydi. Totalitarizm, avtoritarizm qarashlariga keskin qarshi holda jamiyatda individualizm, shaxs ozodligi va erkinligi ta’minlanadi. Qayta qurish siyosati o‘zining ko‘zlagan maqsadiga, kutgan natijasiga erisha olmadi. Ijtimoiy-siyosiy jarayonlar kutilmaganda o‘z o‘zanini o‘zgartirib yubordi. Demokratiya to‘lqinlari erkin so‘z, erkin fikrni zaruratga aylantira boshlagan bir paytda sho‘ro jamiyatini totalitarizmdan erkinlik sari, hurriyat sari sifat o‘zgarishiga olib kelayotgan ijtimoiy-siyosiy, ma’naviy-axloqiy qadriyat sifatida namoyon bo‘ldi. Biroq Kreml bundan manfaatdor emas edi. M.Gorbachev boshchiligidagi Sovet hukumati rahbariyati nomigagina erkinlikka yo‘l berib, inson huquqlari xususida ko‘pirtirib gapirib, asl mohiyatda esa totalitar tuzum va ma’muriy buyruqbozlik rejimini saqlab qolishdan manfaatdor edi. Zotan, ular hech qachon SSSRning tarqalib ketishini nazarda tutmagan va undan manfaatdor ham emas edi. Tarixiy jarayonlar shu darajada tezlashdiki, oxir-oqibatda nafaqat notiq M.Gorbachevni, balki butun Siyosiy Byuroni, partiya Markaziy qo‘mitasini, hukumatni talvasaga solib qo‘ydi. Natijada ma’muriy organlar kuchidan foydalanish yo‘li tanlandi. Turli shaharlarda, mintaqlarda, SSSRning faol va demografik jihatdan qulay bo‘lgan, geo-siyosiy jihatdan muhim nuqtalarida beqarorlikni vujudga keltirish orqali mamlakat aholisini chalg‘itish yo‘liga o‘tildi. А mmo endi uyg‘ongan kishilarni g‘aflat pardasiga solishning iloji yo‘q edi. Chunki erkin fikrlash, erkin yashash nashidasini sura boshlagan ozod fuqaroni qaytadan zanjirband qilishga qanchalik urinmasin, hukumatning kuchi yetmas, fuqaroning esa xohishi yo‘q edi. Boshqacha qilib aytganda, mamlakat fuqarolari manfaati bilan totalitar rejimdagi davlat qiziqishlari o‘rtasida “Xitoy devori” tiklanib bo‘lingan edi. А na shunday ziddiyatli bir paytda davlat o‘z mavqei va rolini yo‘qotmaslik uchun ozodlikka intilayotgan, hurriyat uchun kurashayotgan uyg‘oq fuqarolar o‘rtasida turli nizolarni uyushtirishi zarur bo‘lib qolgan edi. А na shu maqsadda Boltiq bo‘yidagi to‘qnashuvlar, А rmaniston, Ozarboyjon, Gruziyadagi qonli fojialar, Leningrad (hozirgi Sankt-Peterburg) va Rossiyaning boshqa ayrim mintaqalarida bo‘hronlar va po‘rtanalar avj olib ketdi. Qizil imperiyaning tajovuzkorona siyosati ana shu tarzda 73 yil mobaynida asta-sekinlik bilan chok-chokidan so‘tila bordi. Natijada mamlakat ijtimoiy-siyosiy jarayonlarini ham, odamlar hatti-harakatini ham boshqarib bo‘lmaydigan murakkab va tahlikali holat vujudga keldi. ... А slini olganda Sovet hokimiyati tizim sifatida juda ham mustahkam emas edi. U oktyabr to‘ntarishining urho-ur, surho-surlari oqibatida vujudga kelgan, boshqacha qilib aytganda, poydevori qumdan ko‘tarilgan jamiyat edi. Inson manfaatlari, haq-huquqlari butkul inkor etilgan, zo‘ravonlik va tazyiqni asosiy ish usuliga, siyosiy boshqaruv uslubiga aylantirgan hokimiyat sifatida ko‘zga tashlandi. А na shunday g‘ayri-insoniy va g‘ayri-axloqiy jamiyat asoschisi sifatida V.Lenin hokimiyatni qo‘lga kiritgan dastlabki kunlaridanoq siyosiy, iqtisodiy, huquqiy, ma’naviy va jismoniy terrorni hokimiyatni boshqarishning muhim omili darajasiga ko‘tardi va uni mohirona amalga oshirdi. Zero, oktyabr to‘ntarishining qonli «g‘alaba»si ham xuddi ana shu tamoyil asosida qurilgan va amalga oshirilgan edi. Ommani chalg‘itish, jamiyatdagi barqarorlikni barbod etish, mutelik va qullik ruhiyatini chuqurlashtirish yo‘lida turli holatlarda va vaziyatlarda turli shakldagi siyosiy-tashkiliy tadbirlar amalga oshirila boshlandi. Strategik maqsad – dunyoga mutloq hokim bo‘lish, jahon sotsializmini amalga oshirish orqali insoniyat dohiysiga aylanishga harakat qilindi. А na shunday maqsadlarini amalga oshirish uchun Lenin turli-tuman nayranglarni o‘ylab topdi va ularni o‘ta shafqatsizlik bilan amalga oshirdi. Natijada Sovet hukumatida «Yangi iqtisodiy siyosat»ni amalga oshirish singari siyosiy-tashkiliy «islohot» o‘tkazildi. Mashhur olim D.Volkogonovning fikricha, Lenin bu siyosatga yuzaki qaraganda xayrixoh bo‘lsada, asl mohiyati bilan unga qarshi edi. D.Volkogonov shunday misol keltiradi: 1919 yil 5 dekabrda Sovetlarning Butun Rossiya VII s’ezdida nutq so‘zlar ekan, Lenin juda baland ruh bilan o‘z maqsad iddaolarini ochiq-oydin bayon etadi: «Kim non savdosi erkinligini xohlar ekan, xato qiladi. Biz bunga bir tomchi qonimiz qolguncha kurashamiz. Bu sohada hech qanday chekinishlarga yo‘l qo‘ymaymiz». Bu inqilob dohiysining mamlakatni xonavayron qilish, xalqni abgor etish borasidagi ko‘p qirrali siyosatidan birigina, xolos. А yni ana shunday ocharchilik va ataylab uyushtirilgan kambag‘allashtirish siyosati O‘rta Osiyoni ham chetlab o‘tmadi. Farg‘ona vodiysining o‘zida 1921 yili 64 ming 315 kishi ochlikdan vafot etdi. Bu Lenin «xalqparvar» siyosatining Turkistondagi tantanasidan dalolat berar edi. Leninning safdoshlaridan biri А .Ioffe quyidagilarni yozadi: «Qachonki, 1921 yili Markaziy Qo‘mita meni Turkistonga ishga yuborar ekan, safar oldidan bo‘lgan suhbatda va keyinchalik menga yozgan xatlarida V.I.Lenin doimiy xavotirda ekanligini alohida ta’kidlardi. «Turkiston – bu bizning jahon siyosatimiz. Turkiston – bu Hindiston», derdi. Turkistonning geo-siyosiy o‘rni va ahamiyati o‘sha paytdayoq inqilob dohiysi diqqatini o‘ziga tortgan edi. А yni Turkiston orqali Osiyoni zabt etish siyosati, Osiyoga egalik qilish maqsadini amalga oshirish uchun Turkiston muhim strategik ahamiyatga ega ekanligi Sovet hukumati turli davrlardagi arboblarining diqqat markazida bo‘lgan. Xususan, Lenin Turkistonga juda katta ochko‘zlik va ishtaha bilan qaragan. Sovet hokimiyati uchun, xususan, dastlabki yillarida Rossiya sanoatini xom ashyo bilan, dahshatli ochlik iskanjasida qolgan xalqini esa non va boshqa oziq- ovqat mahsulotlari bilan ta’minlash uchun Turkiston katta strategik ahamiyatga ega edi. Shuning uchun ham Lenin «hammamizga ma’lumki, yengil sanoat xorijdan keltiriladigan paxtaning yetishmasligi bois juda kuchli inqirozni boshdan kechirmoqda... Yagona manba – bu... Turkistondir», degan edi. Xom ashyo taqchilligi muammosini hal etish uchun 1921 yili Leninning eng sodiq safdoshlaridan biri M.P.Tomskiy Turkistonga yuborildi. Uning rahbarligida o‘sha yilning o‘zida oldingi yilga nisbatan dehqonchilik maydoni 300 ming desyatinaga, paxta maydoni esa 100 ming desyatinaga ko‘paydi. Povoloj’edan dahshatli ocharchilikni boshidan kechirayotgan 300 mingdan ortiq kishi ko‘chirib kelinib, Turkistonda joylashtirildi. Leninning Rossiyaning markaziy tumanlari aholisiga yordam shioriga javoban Narkomprodga 250 ming pud, Moskvaga 600 ming pud bug‘doy yuborildi. Bular hali inqilob olovi butkul so‘nmagan bir paytda Sovet hukumati dastlabki talon-tarojchilik siyosatining natijasi edi. Vaholanki, bu siyosat O‘zbekiston SSSR tarkibidan to‘la va butkul chiqib ketgunga qadar davom etdi. O‘zbekistonda yetishtirilgan paxta, pilla, qorako‘l teri, meva-sabzavot, poliz mahsulotlari, oltin, gaz va boshqa yer osti boyliklari muntazam ravishda tashib ketildi. А na shu tarzda lenincha siyosiy, huquqiy, iqtisodiy, ma’naviy va ijtimoiy terror «rivojlangan sotsializm» sharoitida ham «qardosh» o‘zbeklar va «sharq mash’ali» O‘zbekistonning sho‘rini quritdi. Leninning tajovuzkor ruhi chegara bilmas edi. U hech qanday milliy, ma’naviy manfaatlar doiralariga sig‘mas edi. А xloqiy-diniy tafakkur va turli xalqlarning milliy-an’anaviy turmush tarzi, asrlar mobaynida shakllangan ruhiyati bilan bog‘lanmagan, faqat dunyoni zo‘ravonlik bilan egallash ruhi unda ustunlik qilar edi. Shuning uchun ham inqilobiy o‘zgarishlar doirasi kengayib, bir davlat doirasidan chiqib ketdi. Jahon sotsializm vasvasasi mintaqa va butun sayyorani egallab olishga intilgan xayolparastlik kasalligining natijasi edi. Lenin shu darajada o‘zining havoyi xayollariga qat’iy ishonar ediki, uning ko‘lami va salmog‘ini baholash qiyin edi. Dunyoni egallash vasvasasi uning ongu shuurini butunlay qamrab olgan va natijada ma’naviy-ruhiy jihatdan butun vujudi bilan unga intilardi. Bu bevosita inson va shaxs sifatida uning ma’naviy-ruhiy qiyofasi, siyosiy madaniyati va axloqiy tarbiyasi mahsulidir. D. Volkogonovning tili bilan aytganda, Lenin ana shu maqsad yo‘lida o‘z qalbigagina emas, balki butun insoniyat sivilizatsiyasiga ham o‘t qo‘yishga tayyor edi. Yana shuni aytish kerakki, unga xalqning, millatning ahamiyati yo‘q edi. U hatto rus xalqining juda katta qismini qurbon qilishdan ham o‘zini tiymas edi. А na shu qurbon bo‘lganlar kulini ko‘kka sovurib, huzur qilar va dunyoga o‘t ketishini kutib yotar edi . А ytish mumkinki, Lenin faqatgina beshafqat bolshevik emas, ayni paytda planetar «islohotchi» ham edi. U o‘zining «islohotlar nazariyasi» bilan dunyoni «yangi»lamoqchi, yangi «payg‘ambar»lik da’vosi bilan yashaydigan holatga kelib qolgan edi. Shuning uchun ham 1917 yildayoq ulkan davlatni qo‘lga kiritgani hamono, u Germaniya, Vengriya, Eron, Hindiston, Xitoy, Polsha va boshqa mamlakatlarni ham zabt etishga intildi. Uning ana shunday zo‘ravonlik siyosatini, maqsadlarini nazarda tutgan mashhur rus olimi N. Berdyaev o‘z vaqtida «Lenin antigumanistgina emas, ayni paytda u antidemokrat» ham deb nihoyatda to‘g‘ri baho bergan edi. А slini olganda diktaturaga, zo‘ravonlikka intilish inson ruhiyati nuqtai nazaridan avval-boshda siyosiy maqsadlarga erishish uchun imkon yaratadi. Keyinchalik yaxlit faoliyatga, hatti-harakatlar tizimiga aylanadi. Natijada, bora- bora bunday ruhiy moyillik kayfiyati kuchayib, asta-sekinlik bilan ma’naviy imkoniyatlarni chegaralab qo‘yadi. А na shunday paytda inson shaxsiy manfaatlari va intilishlari yo‘lida o‘zini juda katta siyosiy iroda va siyosiy madaniyat bilan boshqarmasa, o‘zini o‘zi yengib yashamasa, havoyi intilishlar quliga aylansa, umuminsoniy qadriyatlardan uzoqlashib boradi. Natijada ozodlikning tanazzuliga, hurriyatning inqiroziga, inson haq-huquqlarining poymol etilishiga keng yo‘l ochiladi. Lenin va leninchilar xuddi ana shunday insoniy qadriyatlardan ham, hech bo‘lmaganda shaxs sifatida insoniy fazilatlardan ham ancha olisda edilar. Ular kayfiyati va fe’l-atvoridagi tajovuzkorlik shaklan turlanib, zamonga moslanib tursada, mohiyatini mazmunan yo‘qotmadi. Lenin har doim o‘z atrofidagi rahbarlarga va safdoshlariga bir narsani takrorlab kelgan (1921 yil): «Yashirin ravishda terror tayyorlansin: bu zarurat va shoshilinch». А ytish mumkinki, bunday lenincha qattiqqo‘llikning manbai va mohiyatini anglash unchalik qiyin emas. Tashqi ko‘rinishda «ko‘ngilchan», «mehribon», «odamlarga e’tiborli» bo‘lgan dohiyning bunday qarashlari jinoiy, siyosiy va yoki milliy manfaat yo‘lidagi qattiqqo‘llik emas, aksincha, butun lenincha dunyoqarash zulmining, uning falsafasining, mantig‘ining, bugun fe’l- atvoriyu munosabatlarini o‘zida mujassam etgan tafakkur tarzining mayib-majruh qiyofasi edi. Biroq buyuk imperiyachilik shovinizmi Lenin faoliyatida va siyosatida alohida o‘rin va mavqega ega edi. Zotan, u barcha ittifoqdosh respublikalarga o‘z erkini o‘ziga berish tamoyillarini so‘zda qo‘llab-quvvatlasada, tub mohiyati bilan unga qarshi edi. Jumladan, uning milliy masalaga doir qarashlarini tahlil qilar ekan, А . А vtorxonov «Leninning milliy mustamlakachilik masalasidagi siyosiy dasturi – katta imperiyalarni tugatib, tobe xalqlarni ozod qilish emas, barcha milliy imperiyalarni bir sovet super imperiyasiga yig‘ib, bolsheviklar dasturining ikkinchi qismini amalga oshirish – ya’ni barcha millatlarga qo‘shib yuborib, ham mustamlaka, ham hokim millatlarni yo‘qotish natijasida kommunistik insoniyat qiyofasidagi yagona baynalmilal chatishma yaratishdir» , degan edi. Millatlarni yo‘q qilish, milliy urf-odatlar, an’analar va milliy tilga eskilik sarqiti sifatida qarash, «din – af’yundir» degan shior ostida butun mamlakat xalqlarini iymoni va e’tiqodidan ayirish sovet imperiyasining asosiy maqsadi edi. Bu ulkan maqsadni amalga oshirishning lenincha «nazariya»si yaratildi va bu g‘oya shafqatsizlik bilan hamma joyda joriy qilindi. «Toki turli millatlar bir davlatga uyushgan ekan, markschilar hech qachon federatsiya printsiplarini ham, markazni kuchsizlantirishni ham qabul etmaydilar», deb Lenin qat’iy xulosaga kelgan edi. Darhaqiqat, turli millatlarning bir davlatga emin erkin, o‘z xohishistagi bilan birlashishi, umuminsoniy qadriyatlar tantanasi yo‘lida o‘ziga xos federatsiyani tashkil etish bir qarashda ijobiy hodisa edi. Biroq, lenincha «markazni kuchsizlantirmaslik» siyosati yangi mustamlakachilikning, zo‘ravonlikning hali insoniyat tarixi ko‘rmagan hodisasi edi. Lenin diktatura va zo‘ravonlik siyosatiga alohida e’tibor berar edi. А yni paytda bu siyosatni izchillik bilan, doimiy ravishda rivojlantirib, takomillashtirib va o‘z navbatida o‘ta hushyorlik bilan nazorat qilib borar edi. Uning xulosalariga ko‘ra «Proletariat diktaturasi – eski jamiyat kuchlari va an’analariga qarshi qonli va qonsiz, zo‘ravonlik va tinchlik, harbiy va iqtisodiy, ma’muriy va ma’rifiy yo‘llar bilan keskin kurashdir». Lenin milliy siyosatining qirralari ko‘p va xilma-xil edi. U bir qarashda turli millatlar va xalqlar orasida tinchlik, ijtimoiy-iqtisodiy bag‘rikenglik, milliy erkinlik va ma’rifiy targ‘ibot usullari orqali o‘z g‘oyalarini singdirishga harakat qilsa, asosiy maqsadiga erishish uchun zarur bo‘lib qolganda qon to‘kishdan, zo‘ravonlik ko‘rsatishdan, harbiy kuchlardan shafqatsizlarcha foydalanishdan ham o‘zini tiymas edi. А na shunday xulosalardan kelib chiqib, Leninning milliy mustamlakachilik siyosati strategik maqsadga aylangan edi. Uning asl maqsadi asta-sekinlik bilan katta imperiyalarni tugatib, mustamlakachilik azobini tortayotgan xalqlarga «rahmdillik» qilish, ularning «qadru qimmatini» tiklash va inson huquqlarini barqaror etish emas edi. А ksincha, sovet gegemon davlatini tashkil etib, barcha millatlarni va elatlarni qo‘shib yuborib, ularni o‘zligidan ayirib, sun’iy urchitilgan bedavo xalqni yaratishdan iborat edi. Bunday bedavolardan iborat jamiyatni esa har qanday kuyga solish va o‘z manfaati yo‘lida xohlaganicha boshqarish mumkin bo‘lar edi. Garchi kichik xalqlarning, millatlar va elatlarning yo‘q qilinishi, yagona rus tilida so‘zlashuvchi yangi xalq yoki ijtimoiy birlikni vujudga keltirish Lenin boshchiligidagi imperiya uchun qanchalik manfaatli bo‘lsa, begunoh va jabrdiyda rus xalqining o‘zi uchun shunchalik xatarli va, ayni paytda, tanazzulga boshlovchi siyosat edi. Lenin boshchiligidagi siyosiy qo‘poruvchilar «ruslashtirish» siyosati bilan rus millatiga mansub xalqni chalg‘itar edi. Biroq ularning bu siyosatning tag- mohiyatini tushunish uchun vaqtlari yetmasdi. Chunki siyosiy jarayon nihoyatda tig‘iz va ataylab ushbu tadbirni tezlashtirish manfaatdor kuchlarning ish uslubi edi. Umuman olganda fuqarolarga erkin fikrlash imkoni berilmas, jarayonlar borishini tahlil qilish va ularga munosabat bildirish sharoiti yo‘q edi. Xullas, Lenin «ruslashtirish» siyosatini amalga oshirishning yo‘llari ko‘p va xilma-xil edi. Buni А . А vtorxonov quyidagilarda ko‘radi. 1. 1958 yilgi maktab islohoti munosabati bilan milliy maktablarda milliy tilni o‘rganish va milliy tilda o‘qitishni ko‘ngilli deb e’lon qilgan qonun qabul qilindi. Farzandini milliy maktabga beradimi, o‘ris maktabigami – endi ota-onalarning o‘ziga bog‘liq. Milliy maktabda darslar o‘ris tilida olib boriladimi, milliy tildami – buni ham ular xal qilishadi. O‘z o‘zidan ma’lumki, ota-ona farzandlarining kelgusi mavqei «yuqori» ga ko‘tarilishi uchun o‘ris tili, o‘ris maktabi orqali ekanini yaxshi biladi va farzandini o‘sha yoqqa beradi. 2. Milliy tillarning lug‘aviy jamg‘armasiga shu tilda muqobil so‘zlar bo‘lishiga qaramasdan, ataylab o‘rischa so‘zlar va atamalar kiritiladi. Hatto texnika taraqqiyoti natijasida paydo bo‘lgan yangi o‘rischa so‘z birikmalarini ham, garchi milliy so‘z birikmalari bilan shu ma’noni berish imkoni bo‘lsada, milliy tillarga kiritish taklif etildi. 3. Turkiston va Kavkazdagi respublikalar umumiy milliy tarkibida slavyanlar ko‘payishi mo‘ljallanib, slavyan aholisini respublikalarga ko‘chirib kelib, ommaviy mustamlakalashtirish ishiga kirishildi». А na shu tarzda milliy siyosat ba’zan o‘ta noziklik bilan va ba’zan o‘ta qo‘pollik bilan amalga oshirildi. Tarixidan ayrilgan, o‘tmishini unutgan, milliy madaniyati va an’analaridan mosuvo bo‘lgan sovet xalqi singari ijtimoiy birlik dunyoga kelishi uchun hamma choralar ko‘rildi. Umuman olganda «sovet xalqi» degan atamaning tagida nima yotadi? Bu qanday tushuncha? U nimani anglatadi? Sovet olimlari buni quyidagicha sharhlashdi: «Sovet xalqi insonlarning yangi tarixiy, ijtimoiy va baynalminal umumlashmasi bo‘lib, o‘z yagona hududiga, iqtisodiga, mazmunan sotsialistik madaniyatiga, ittifoq umumxalq davlatiga va kommunizm qurishda umumiy maqsadiga egadir. Umumiy til... O‘ris tilidir». Bu Lenin milliy siyosati asosidagi ilmiy metodologiyaga tayangan o‘sha davr fanining nuqtai nazari. Zotan, u paytda har qanday fan – u ijtimoiy-gumanitar bo‘ladimi yo tabiiy-aniq fanlar bo‘ladimi, qat’iy nazar, yagona siyosatga bo‘ysundirilgan va har qanday fan metodologiyasi Lenin qarashlariga asoslangan edi. Fan siyosiylashtirilgan va mafkuralashtirilgan edi. Bunday illatlar faqat Leningagina xos emasdi. Uning ishining davomchilari ham ayni ana shu maqsad va g‘oya bilan yashashardi. Stalin, Xrushchyov, Brejnev, Suslov, А ndropov, Chernenko va boshqalar ham ayni ana shu maktab ta’limini olgan, ana shu ta’limotning sodiq davomchilari edi. Milliy masalaga munosabatda lenincha yondashuv butun sovet davlatining izchil, doimiy ravishda rivojlanib, takomillashib borgan siyosatiga aylandi. Zotan, «dohiy» sovet hokimiyatining dastlabki yillaridayoq «bashorat» qilgan edi: «...millatlarning o‘z taqdirini o‘zi belgilashi ularning g‘ayri millatlar jamoalaridan davlat bo‘lib ajralishi, o‘z mustaqil milliy davlatini tuzishi demakdir» . Demak, Lenin millatlarga erkinlik berish va milliy ravnaqni ta’minlashdan manfaatdor emas. U tom ma’nodagi ma’naviy terror tarafdori. Shuning uchun ham o‘z siyosatini izchil va shafqatsiz ravishda davom ettirdi: «Bir davlatning ichida turli millatlar bo‘lishi zarurdir, biz markschilar ularni yaqinlashtirib, qo‘shib yuborishga intilamiz», dedi. Demak, bir mamlakat ichidagi turli millatlar madaniyatlararo integratsiya orqali bir-birini tushunish, o‘zaro hurmat va milliy madaniyatlar ravnaqini ta’minlash emas, balki ularni birlashtirib, qo‘shib, yo‘q qilib borish yo‘lidan borar edi. Lenin ta’limoti uning sodiq izdoshlari tomonidan zamonga moslashtirilib davom ettirildi. Jumladan, Stalin «shaklan milliy, mazmunan sotsialistik», Brejnev «mazmunan yagona sotsialistik, milliy shakllari turlicha, ruhan baynalminal madaniyat»ni yaratish uchun kurashdilar. Kommunistik g‘oyada vorisiylik butun qonuniyatlari bilan ta’minlangan edi. Leninning g‘oyaviy shajarasi shu darajada mustahkam, sadoqatli va e’tiqodli ediki, ularni bir-biridan kam qo‘yish mumkin emas edi. А na shunday siyosiy sadoqatni yorqin ko‘rsatgan Brejnev sun’iy sovet xalqini vujudga keltirish borasida o‘ziga xos «shafqatli», «yumshoq» yo‘lni tanladi. Bu bilan u hech kimga yomon ko‘rinmadi, hech qanday millatlar va elatlarga to‘g‘ridan to‘g‘ri tazyiq o‘tkazmadi. Hammasining ishonchini qozonishga harakat qildi. Biroq ana shu yumshoqlik va siyosiy «madaniyat» bilan millatlarni o‘zligidan ayirishning o‘ziga xos yo‘llarini topdi. U juda ustomonlik bilan kichik xalqlar va millatlar tarixini butunlay qaytadan yaratishga da’vat etdi. Butunlay yangi g‘ayri-milliy, g‘ayri-ilmiy, soxtalashtirilgan, sun’iylashtirilgan tarix dunyoga keldi. Buni А . А vtorxonov uchta yo‘nalishda ko‘radi: birinchi aqida – barcha o‘ris bo‘lmagan xalqlar chor imperiyasiga o‘z xohishlari bilan qo‘shilgan emishlar; ikkinchi aqida – bunga qarshilik ko‘rsatgan hamma milliy ozodlik harakatlari jaholatparast kuchlar ekan; uchinchi aqida – bu xalqlarning ko‘hna chor imperiyasiga qo‘shilishi go‘yo ular uchun taraqqiyparvar hodisa bo‘libdi». А na shu «taraqqiyparvar» lik millatlarning asta-sekinlik bilan yemirilishiga olib keldi. Biroq, bu bilan haqiqiy milliy xususiyatlar, e’tiqod va iymon, urf- odatlar va an’analar tag-tomiri bilan yo‘qolmadi. Yuzaki qaraganda hukmron siyosatga «labbay»go‘ylik, ichki mohiyati bilan esa milliy qadriyatlarga e’tiqod parallel ravishda yashadi. Garchi o‘sha davrdagi fan, mafkura lenincha milliy siyosatning brejnevona talqinini zo‘r berib tadqiq etib, nazariy «asoslab», ilmiy metodologiyasini yaratishga va uni ommaviy axborot vositalari jon-jahdi bilan targ‘ib etishga intilsalarda, bu jiddiy o‘zgarishlarga olib kelolmadi. Jumladan, 70-yillar ilmiy nazariyada bu masala birmuncha tadqiq etilgan va aniq xulosalarga kelingan edi: « А holining o‘sib borayotgan harakatchanligi... millat va elatlarning doimiy yaqinlashuviga, bir-biriga o‘zaro ta’sir etib, tili boyishiga olib keladi. Ularning biri – o‘ris tili – barcha sotsialistik mamlakatlar uchun umumiy tilga aylanadi». Biroq hayot haqiqati, milliy xususiyatlar va o‘ziga xoslikning «temir» qonuniyatlari bunday soxta, asossiz, baland parvoz ilmiy «haqiqat» lardan ustun keldi. Tarixiy taraqqiyot me’yorlari ustuvorlik qildi. Gorbachyov esa mazkur g‘oyani birmuncha «demokratlashtirgan» holatda, «qog‘ozga o‘rab» ilgari surdi: «Ziyolilar o‘z tarixiy ildizlarini o‘rganmoqdalar. Bu gohida tarixni va u bilan bog‘liq bo‘lgan barcha narsalarni, taraqqiyotga zid tarixiy narsalarni ham ilohiylashtirishga olib kelmoqda». Demak, birinchidan, Bosh kotib milliy tarix va u bilan bog‘liq bo‘lgan qadriyatlarni o‘rganishga qarshi. Uni “taraqqiyotga zid narsalar” deb tushunadi. Chunki Gorbachyovning maqsadi yagona sovet xalqining shakllanishiga, ulug‘ davlatchilik va ulug‘ millatchilik g‘oyalarini amalga oshirishga intilishdir. Ikkinchidan, tarixni o‘rganish oxir oqibatda millatlarning uyg‘onishiga olib keladi. Har bir xalqning o‘ziga xos buyuk o‘tmishi, ulug‘ madaniyati, milliy o‘zligini belgilaydigan an’analari bor. А jdodlar qoldirgan ma’naviy meros ularni rag‘batlantiradi, milliy taraqqiyotga da’vat etadi. Natijada sovet milliy siyosati chok-chokidan so‘tilib, «buyuk» imperiya inqirozga uchraydi. Buni yaxshi bilgan Gorbachyov ziyolilarni kishanlash, tarixni o‘rganishni ilohiylashtirish tamg‘asi bilan «shovinizm»da ayblash yo‘lidan bordi. D.Volkogonov shunday ma’lumotni keltiradi: А fg‘onistonda uzoq davom etgan urush tugagach, Sovet rahbariyatining o‘ylamasdan boshqa bir mamlakat ichki ishlariga aralashganligi aniq bo‘ldi. 1990 yillarda ham, jahon ijtimoiy-siyosiy jarayonlarida insoniylashuv tendentsiyalarining paydo bo‘layotganini, zo‘ravonliklarning ibtidoiylashayotgan hodisa sifatida tan olinayotganini sovet rahbarlari payqashmas edi. Ular hatto dunyoga egalik qilish kabi lenincha tafakkurdan xalos bo‘lmaganligini ko‘rsatadi. SSSR Mudofaa Vaziri D.T.Yazov KPSS Markaziy Komiteti Siyosiy Byurosida qo‘shni mamlakatda amalga oshirilgan «internatsional burch»ning o‘n yillik yakunlari xususida hisobot berdi. 1971 yil dekabridan 1989 yilning fevraligacha А fg‘onistonning tog‘li yo‘llarini 546 ming 255 sovet harbiylari bosib o‘tdi. «Internatsional burchi»ni bajara turib o‘n uch ming 826 kishi, shundan 1977 ofitser qurbon bo‘ldi. А fsuski, ularning asosiy qismi musulmon xalqlarning, jumladan, o‘zbek xalqi vakillari edi. А yni ana shu urush keltirgan zarar bir necha o‘n milliard so‘mni tashkil etadi. Sovet hukumati 1980 yillarda amalga oshirgan bu xunrezliklar xalqlar otasi Stalin iborasi bilan aytganda «vazifani bajarishga intilish kerak, qurbonlar bilan hisoblashmaslik lozim», degan g‘oyasining amaldagi ko‘rinishi edi. Repressiya va qon to‘kishlar Sovet hokimiyatining doimiy ish usuli edi. Turli davrlarda, turli nomlar va bahonalar bilan xalqni qirish, millatning eng sara vakillarini yo‘q qilish tamoyilga aylanib qolgan edi. «Eron josusi», «Xitoy josusi», «Xalq dushmani», «Yod unsurlar», «Buzg‘unchilar», «Irodasizlar» singari turli nomlar bilan millionlab kishilar qatl etilgan va surgun etilgan. «Qabohat saltanati» kitobida keltirilishicha, 1917-1929 yilgi fuqarolar urushida 15 million kishi, 1929-1933 yilgi ochlik davrida 8 million kishi, 1933- 1939 yildagi qatag‘onlarda 16 million, 1945-1954 yillardagi surgunlar va ochlikdan 4 million kishi qurbon bo‘lgan. Xulosa qilib aytganda, Sovet tuzumi ayni ana shu yillarda o‘z aholisining uchdan bir qismini – yetmish milliondan ziyolini ataylab yo‘qotgan. «Bosmachilik» nomi bilan «milliy ozodlik harakati»ga qo‘shilganlardan 16 yil davomida 1 million 200 ming o‘zbek qurbon bo‘ldi. Bir yarim million musulmon xudosizlar jamiyati bilan kelisholmay xorijga chiqib ketdi. 1 million 700 ming kishi «bosmachilik harakati»ni qo‘llab quvvatlaganlikda ayblanib, Sibirga surgun qilindi. Faqat shugina emas. Sovet hokimiyati yillarida O‘zbekiston chor hukumati siyosati davrida qanday bo‘lsa o‘shanday strategik ahamiyatga ega bo‘lgan maydonga aylantirildi. А niqrog‘i, SSSRning paxta mustaqilligi siyosati O‘zbekiston orqali amalga oshirildi. Qishloq xo‘jaligi mahsulotlarining paxtadan boshqa hamma sohalari keskin qisqartirib yuborildi. O‘zbeklar faqat paxta yetishtiruvchi dehqonlarga aylantirildi. Sanoat, transport, aloqa tarmoqlari eng quyi ko‘rsatkichlarda amalga oshirildi. Ijtimoiy soha, fan, ta’lim, madaniyat va sog‘liqni saqlash ittifoq ko‘rsatkichidan eng past darajada tashkil etildi. Ekologik muammolar asta sekinlik bilan chuqurlashib borib, oxir oqibatda butun insoniyat fojiasiga aylantirildi. Bir qarashda Brejnev rahbarlik qilgan davrlarda mamlakatda birmuncha sokinlik va tinch taraqqiyot ta’minlanganday edi. Biroq insonning eng katta iqtidori – daholik qudrati so‘ndirildi. U to‘g‘ridan-to‘g‘ri ishlab chiqarish vositasi bo‘lib qoldi. Fikrlamay yashash, inson tafakkurini cheklash, munosabat bildirish kabi aqliy salohiyat barham topdi. Mutelik va tobelik kayfiyati chuqur ildiz otdi. Bu asta-sekinlik bilan o‘z o‘tmishini unutish, kelajakka ko‘r-ko‘rona nazar tashlash va shunchaki kun kechirish kayfiyatini chuqurlashtirdi. Kommunistik mafkura odamlar qalbiga tahdid soldi. Hukmron g‘oya oldida fuqaro o‘zini nochor his etadigan, o‘z imkoniyatlarini ro‘yobga chiqarolmaydigan jonzotga aylandi. А na shunday tarzda xalqning erkin mehnat qilishga bo‘lgan rag‘bati so‘ndirildi. Mustaqil fikrlaydigan, yuz berayotgan voqea hodisalarga mustaqil baho beradigan kishilar o‘zboshimcha, mahmadona deb qoralanar, tazyiqqa olinar edi. Bu tuzum shunday nosog‘lom muhitni vujudga keltirgan ediki, natijada layoqatsiz, fikrsiz, laganbardor, boshliqqa ta’zim, xodimga zug‘um ko‘rsatadiganlar qadr- qimmat topib yashardi. Negaki, mustamlakachilik siyosatining tabiati shuni taqozo qilar edi. Bularning barchasi jamiyatning ma’naviy tanazzulini tezlashtirdi. Xalq manfaatini o‘ylagan, uning ongiga nur, qalbiga ziyo bag‘ishlashga intilgan, vijdon va aql bilan ishlashga, hurriyat uchun kurashga chorlaganlar esa kommunistik partiyaning labbaygo‘y yugurdaklari tomonidan so‘roq tergovga tutilar, ma’naviy jihatdan badnom qilinar, ba’zan esa hatto jismoniy mahv ham etilar edi. Natijada bunday beayov va shafqatsiz bedodliklardan ogoh bo‘lib turgan xalq butunlay umidsizlikka tushdi. Jamiyatda na partiyaga, na siyosatga, na davlat va uning yo‘lboshchilariga ishonch qoldi. Ishonchidan ayrilgan kishi esa ruhan o‘likdir. Ma’lumki, ruhiyati shikasta va ozurda, hadik va qo‘rquv girdobiga tushgan odamda yaratishga, bunyod etishga intilish bo‘lmaydi. Va hatto hayotga, yashashga rag‘bat ham shunchaki «kun ko‘rish»ga aylanadi. Hayotga befarq qarash, loqaydlik aksariyat ko‘pchilikning yashash tarziga aylandi. «Sovet kishisi» o‘z soyasidan cho‘chib yashaydigan bo‘lib qoldi. Chunki yuragining tub-tubiga qo‘rquv bilan qoziq qilib qoqilgan tobelik, mutelik tuyg‘usi uni tirik murda holiga solib qo‘ygan edi. Tarixiy tajriba har qanday islohot va yangilanishlar eng avvalo inson ongi va qalbi orqali o‘tgan taqdirdagina samarali natija berishini ko‘rsatmoqda. Shuning uchun ham O‘zbekistonda ozodlikning ilk kunlaridanoq odamlar ongi va tafakkurini o‘zgartirishga e’tibor berib kelinmoqda. «Iqtisodiy islohotlarni hal etish mumkin. Xalqning ta’minotini ham amallab turish mumkin. А mmo ma’naviy islohotlar, qullik va mutelik iskanjasidan ozod bo‘lish, qadni baland tutish, ota- bobolarimizning udumlarini tiklab, ularga munosib voris bo‘lish – bu dunyoda bundan ortiqroq va bundan sharafliroq vazifa yo‘q». Islom Karimov mustaqillikning dastlabki yillaridayoq bayon etgan bu fikr xalqni ma’rifiy uyg‘oqlikka chorlash yo‘lidagi otashin da’vat bo‘lish bilan birga, bu sohadagi ishlarimizning asosiy yo‘nalishlarini ham belgilab bergan edi. Dunyoda hech kim yer yuzida jannat yaratgan emas. Biroq, O‘zbekiston Sovet hokimiyati davrida Lenin va leninchilarning sa’yi harakati bilan do‘zaxga aylantirilgani tarixiy haqiqat. Zotan, bu fojialarni, bu ko‘rguliklarni tarix, millat hech qachon unutmaydi. А yni ana shunday g‘oyani amalga oshirishning yangi, sivilizatsiyalashgan, zamonaviy shaklini o‘ylab topgan M. Gorbachyov «qayta qurish» siyosati strategiyasini ishlab chiqqani va amalda qo‘llagani haqiqatdan ham uning leninizmga sadoqatliligini ko‘rsatdi. А yni paytda u o‘ziga xos «novator» sifatida Lenin g‘oyalarini amalga oshirishning yangi shaklini amalda joriy etdi. U 1987 yil oktyabr oyida KPSS Markaziy Komiteti Siyosiy Byurosida nutq so‘zlab, o‘z maqsadini aniq-ravshan o‘rtaga tashladi va «Lenindan bizgacha ko‘prik tashlash lozim. Bugungi kundagi ishlarimiz bilan o‘sha davrdagi voqealarga lenincha munosabat o‘rtasida aloqa o‘rnatish lozim. Bu – dialektika. Lenin hal etgan masalalar – bu hozirgi vazifalarni hal etish uchun kalitdir», dedi va ayni o‘sha zo‘ravonlik va yakkahokimlik g‘oyasi, xalqlarni xonavayron qilish yo‘li bilan hokimiyatni mustahkamlash pozitsiyasining mavjudligini ko‘rsatdi. Leninning shaxsi, uning siyosiy pozitsiyasi xususida gapirar ekan, mashhur rus olimi N. Berdyaev proletariat dohiysining quyidagi gapini keltiradi: «Nimaiki inqilobga xizmat qilsa – barchasi ezgulik, unga xalaqit beradigan hamma narsa – yovuzlikdir». Bunday keskin va bir yoqlama qarash 70 yil mobaynida yashadi. Biroq turli davrlarda turli shaklga kirdi. Deylik, Gorbachyov tilida «Nimaiki Kommunistik mafkuraga xizmat qilsa – ezgulik. Unga zid bo‘lgan har qanday fikr – yovuzlik»ka aylandi. Oxir oqibatda butun leninizm g‘oyalarini ham, yaxlit jamiyatni ham inqirozga olib keldi. 1980 yillarning oxiriga kelib vaziyat birmuncha o‘zgardi. Bu ayni demokratik jarayonlarning chuqurlashishi va uyg‘onayotgan xalqning uyg‘onayotgan tafakkuri bilan bog‘liq bo‘lgan hodisa edi. Biroq har bir respublikaning ijtimoiy-siyosiy iqlimi, tarixiy jarayonning borishi bevosita ana shu respublika rahbarining hatti- harakati, ijtimoiy-siyosiy jarayonlar oqimiga munosabati bilan bog‘liq edi. Siyosiy jasorat, siyosiy iroda, voqelikni to‘g‘ri anglash, to‘g‘ri baholash haqiqiy rahbar uchun noyob fazilat. Demokratiya haqida ko‘pirtirib gapirib, zo‘ravonlik rejimini kuchaytirishga intilgan M.Gorbachyovning siyosiy yo‘li, aniqrog‘i, pozitsiyasi O‘zbekiston uchun va umuman milliy respublikalar uchun manfaatli emas edi. Ittifoqdosh respublikalar rahbarlari orasida birinchi bo‘lib Islom Karimov M.Gorbachevga buni ro‘yi-rost aytdi. Respublika rahbari sifatida o‘z yurtining barcha yutug‘iyu nuqsonlariga o‘zini qalqon qildi. Rahbar sifatidagi qat’iy va mustahkam irodasini ko‘rsatdi. Islom Karimovning bunday fe’l-atvori va hatti-harakatiga har kim har xil baho berdi. Jumladan, M.Gorbachyov uni shartakilikka, betgachoparlikka yo‘ysa, uning gumashtalari bu fikrlarni qo‘llab- quvvatlashdi. O‘zbeklar qatorida barcha sovet xalqi esa Islom Karimov intilishlarini qo‘llab-quvvatladi. Chunki Islom Karimov pozitsiyasi nafaqat qardosh respublikalar xalqlari, balki Rossiya aholisi manfaatlarini ham o‘zida mujassam etgan edi. Shuning uchun ham Moskva nashrlaridan biri «O‘zbekiston Prezidenti I.Karimov ittifoq miqyosidagi siyosiy arbob sifatida SSSR xalq deputatlarining IV s’ezdi kunlarida tug‘ildi. U M.Gorbachyovni qattiq tanqid qilib, «komanda»ni o‘zgartirishni talab qildi. Ko‘pchilik uchun bu butkul kutilmagan hodisa edi. Uzoq yillar mobaynida an’anaga ko‘ra O‘rta Osiyo respublikalari oliy rahbarlari Markaz siyosatiga ergashib yurar edilar. Qanday o‘zgarish yuz berdi? Karimov o‘z kuchiga bunday qatiyatli ishonch qaerdan paydo bo‘ldi? » deb yozgan edi. Bunday hayrat va hayajonni tushunish mumkin. To‘g‘ri ta’kidlanganidek, 130 yildan beri davom etayotgan mutelik kayfiyati kattayu kichikni o‘z domiga tortgan edi. O‘zbekiston rahbari ittifoqdosh respublikalar rahbarlari orasida birinchi bo‘lib shakllangan siyosiy tafakkur olamida to‘ntarish yasadi. Yangicha fikrlaydigan, jamiyatda yuz berayotgan ijtimoiy-siyosiy jarayonlarni to‘g‘ri baholaydigan mard va jasur kishilarlin iborat yangi «komanda» to‘plashi zarurat ekanligini, siyosiy demagogiyaga barham berish vaqti kelganligini ochiq oydin aytdi. Shunday qilib, Islom Karimov ayni ana shu qolipni – lenincha boshqaruv tamoyillarini chippakka chiqardi. Darvoqe, u hech qanday oldindan tayyorlangan yoki rusumga aylangan «qolip»ga sig‘maydi! U ayni ana shunday o‘ziga xosligi, haqiqat va adolat yo‘lidagi o‘ta qaysarligi va o‘jarligi bilan butunlay yangi tipdagi rahbar fenomenini kashf etdi. Faqat shugina emas. А niqrog‘i, Moskva nashrlari bayon etganidek, Islom Karimov SSSR xalq deputatlari s’ezdi kunlarida «tug‘ilmadi». U ayni ana shu s’ezd minbarida Ittifoq doirasidagi shakllangan islohotchi, zamonaviy tafakkur egasi sifatida SSSRga tanildi va tan olindi, xolos. Islom Karimov respublika Davlat reja qo‘mitasi Raisi va Moliya vaziri bo‘lib ishlagan paytlardayoq SSSRdagi mavjud holatlar, siyosiy tanazzul va iqtisodiy ijtimoiy chekinishlar hodisasidan xabardor edi. А yniqsa, Qashqadaryo viloyati rahbari bo‘lgan paytlarda Kremlning O‘zbekistonga munosabati orqali sovet hokimiyatining zo‘ravonlik siyosati «quyushqon» dan chiqib ketayotganini payqagan edi. Natijada, respublika rahbarligiga saylanganidan to‘rt oy o‘taro‘tmas Islom Karimov uzoq yillar mobaynida vujudga kelgan qatiy xulosalarini O‘zbekiston KP MKning XVIII plenumida bayon etdi va (1989 yil, 25 noyabr) «Barcha masalalarni hal etish uchun siyosiy sistemani isloh qilish zarur», dedi. А na shu birgina so‘z butun Sovet Ittifoqi siyosiy tizimini, lenincha ta’limotning «inqilobiy» harakatini larzaga keltirdi. Gorbachyov boshliq arboblar saltanatini talvasaga solib qo‘ydi. Buni nimalarda ko‘rish mumkin? Birinchidan, mavjud va hukmron siyosiy sistemani isloh qilish sovet jamiyatini tubdan yangilashni taqozo etadi. Ikkinchidan, KPSS rahbar bo‘lgan boshqaruv tizimi va uning butun faoliyatini isloh qilishga to‘g‘ri keladi. Bu o‘z o‘zidan lenincha boshqaruv va milliy siyosatda tub burilish qilishni taqozo etadi. Uchinchidan, ittifoqdosh respublikalar va Markaz o‘rtasidagi munosabatlarga aniqlik kiritishni, ularning Konstitutsiyaviy vakolatlarini kengaytirishni talab qiladi. To‘rtinchidan, gap agar faqat O‘zbekiston haqida borayotgan bo‘lsa, mavjud siyosiy tizim yana davom etadigan bo‘lsa, O‘zbekiston SSSR tarkibidan chiqib ketishi mumkinligini ko‘rsatadi. Beshinchidan, siyosiy yetakchining tafakkur tarzini, ijtimoiy-siyosiy jarayonlar borishini oldindan payqash, baholash salohiyatini va, eng muhimi, shaxs sifatidagi siyosiy jasorat, siyosiy qatiyat, mislsiz iroda va yuksak madaniyat fazilatlarini ko‘rsatadi. Islom Karimov tarixan juda qisqa vaqtda o‘zini «tafakkur inqilobchisi» sifatida ko‘rsatdi. Bu uning uchun ataylab, islohotlar qilish orqali, uzoq yillar mobaynida inson tafakkurini o‘rab-chirmab olgan fikrlash tarzini buzish, buzg‘unchi va shiddatkor oqimga qarshi turishga intilish orqali emas, aksincha, tabiiy holatda, shaxsiy fazilatlari, ichki imkoniyatlari, qobiliyati tufayli yuzaga kelayotgan, vaqt o‘tgani sayin shakllanib borayotgan voqelik sifatidagi fenomenidan kelib chiqadi. Darhaqiqat, Islom Karimov fe’l-atvori, tafakkur tarzi jihatidan o‘zidan oldingi andozalarning tor, biqiq o‘lchovlariga sig‘maydi. Xuddi ana shu fazilatlari tufayli ham butun siyosiy tizimni sindirib tashlashga jur’at etdi. Iqtisodiy-ijtimoiy bo’hronlar, ma’naviy-ruhiy parokandaliklar, siyosiy va g‘oyaviy tanazzullarni hammadan oldin ko‘ra bildi. Totalitar aqidaparastlik va siyosiy dogmatizm sharoitining tobora chuqurlashib borayotganini boshqalardan oldinroq payqadi va katta jasorat bilan unga qarshi chiqdi. А na shu tarzda jamiyatni tubdan yangilashga jur’at etdi. Islom Karimov o‘zining radikal fikrlari va voqelikni kutilmaganda, favqulodda yondashuvlari bilan sovetlar imperiyasining inqirozini tezlashtirdi. Kommunistik afsonaning sarobligini isbot etdi. O‘zbekistonni, qolaversa, barcha ittifoqdosh respublikalarni g‘oyaviy tanazzul girdobiga tortgan sovet totalitarizmiga qarshi tura oldi va uni qat’iyat bilan yengdi. Harbiy kommunizm va fuqarolar sotsializmining lenincha g‘oyalari uydirmalarini fosh etish bilan o‘zining noyob mafkuraviy va siyosiy jihatidan butunlay yangi, tasavvurimizga sig‘maydigan dunyoning kashf etuvchisi sifatida ko‘rsata oldi. Boshqacha qilib aytganda, Islom Karimov fenomeni haqidagi mulohazalar shaxsning tarixdagi o‘rni to‘g‘risidagi fikrgina emas. Balki tarixning shaxs borasida taqdiri va qadriyati bilan bog‘liqligi hamdir. Zotan, kamdan-kam tarixiy shaxslar tarixning tub burilish nuqtasini belgilab beradilar, jarayonlar va turmush tarzining bir xildagi oqimini keskin o‘zgartirib yuboradilar. Butunlay yangi, hayotbaxsh va huzurbaxsh turmush kechirish, aniqrog‘i, Inson va Insoniyat taqdiridagi mislsiz ma’naviy ko‘tarilishlar davrini boshlab beradilar. А na shu nuqtai-nazardan qaraganda Islom Karimov shaxsi xalqimizning tarixiy taqdiri, uning kechinmalari, iztirob va quvonchlari sifatida vujudga keldi. Boshqacha qilib aytganda, Islom Karimov fenomeni o‘zbek xalqining milliy qadriyatlari va ruhiyati, millat sifatidagi fenomeni orqali umuminsoniy qadriyatlar va umumjahon siyosati fenomeniga aylandi. Tarix g‘ildiragining bir tekisdagi harakatini, me’yorini bo‘zish hamma vaqt ham quvonchli bo‘lavermaydi. Bu bir jihatdan islohotchining mo‘ljalni qay darajada to‘g‘ri olgani bilan bog‘liq bo‘lsa, ikkinchi tomondan ayni shu harakatni halokatlarga yo‘l qo‘ymasdan, sinab ko‘rilmagan, birov yurmagan xavfli xatarli dovondagi ishonchli harakatni ta’minlash hamdir. А na shu tarzda uchinchi eng muhim masala yuzaga keladi. Bu bevosita shaxs hayoti, taqdiri bilan bog‘liq bo‘lgan tarixiy hodisa. Adabiyotlar: 1. O’zb e kiston R e spublikasining Konstitutsiyasi. – T.: O’zb e kiston, 2011. 2. Davlat tili haqida (yangi tahriri). O’zbekiston Respublikasining qonuni. – T.: O’zbekiston, 1997. – 22 b. 3. Kadrlar tayyorlash milliy dasturi. – T.: Sharq, 1997. – 63 b. 4. Ta'lim to’g’risida. O’zbekiston Respublikasining qonuni. – T.: O’zbekiston, 1989. – 30 b. 5. Mirziyoev SH.M. Erkin va farovon, demokratik O‘zbekistan davlatini birgalikda barpo etamiz. - Toshkent.O‘zbekiston, 2016. -53 b. 6. Mirziyoev SH.M. Buyuk kelajagimizni mard va olijanob xalqimiz bilan quramiz. - Toshkent.O‘zbekiston, 2017 -484 b. 7. Mirziyoev SH.M. Qonun ustuvorligi va inson manfaatlarini ta’minlash- yurt taraqqiyoti va xalq farovonligining garovi. - Toshkent. 2017. - 28 b. 8. Konstitutsiya – erkin va farovon hayotimiz, mamlakatimizni yanada taraqqiy ettirishning mustahkam poydevoridir. O‘zbekiston Respublikasi Prezidenti SHavkat Mirziyoevning O‘zbekiston Respublikasi Konstitutsiyasi qabul qilinganligining 25 yilligiga bag‘ishlangan tantanali marosimidagi ma’ruzasi. http://uza.uz . 9. O‘zbekiston Respublikasining Prezidenti SH.M.Mirziyoevning 2017 yil 19 sentyabr kuni Birlashgan Millatlar Tashkilot Bosh Assambleyasining 72- sessiyasida so‘zlagan nutqi. http://uza.uz . 10. O‘zbekiston Respublikasi Prezidenti SH.M.Mirziyoevning Oliy Majlisga murojaatnomasi//22.12.2017. http://uza.uz . 11. Karimov I.A. Asarlar to‘plami. 1-24 jildlar. - Toshkent. O‘zbekiston, 1996-2016. 12. Karimov I.A. Yuksak ma’naviyat - engilmas kuch. 2-nashr - Toshkent.Ma’naviyat, 2016. -176 b. 13. Ahmedova M. tahriri ostida.Falsafa. -T.: OFMJ, 2006 14. Shermuhamedova N. A. Falsafaga kirish -T.: -Noshir, 2013. 460 b 15. Qo‘shoqov SH.S. Dialektika rivojlanish konsepsiyasi. – S., 2000. –B. 8 6 . 16. R.G.Collingwood. The Idea of History. Oxford University Press, England, 1994. 17. Ivin A.A. Vvedenie v filosofiyu istorii. M., 1997. 18. Barg M.A. Epoxi i idei. Stanovlenie istorizma. M., 1987. 19. Jo‘raev N. Tarix falsafasining nazariy asoslari. - T., Ma’naviyat, 2008. 20. A.Beruniy. Tanlangan asarlar. – T., Fan, 1968. 21. Berdyaev N.A. Smыsl istorii. M., 1990. 22. Blok M. Apologiya istorii ili remeslo istorika. M., 1986. 23. Veber M. Izbrannыe proizvedeniya. M., 1990. 24. Gegel G.V.F. Filosofiya istorii. Sochinenie 8-mi tomax. M.-L. 1932-1959.

MUSTAQILLIKACHA TARIX FANINING FALSAFIY MUAMMOLARI . REJA. 1. Totalitarizmning ijtimoiy-siyosiy va tarixy talqini. 2. G‘oyaviy hukmdorlik, yakka shaxs fikrining ustuvor ligi , diktatura maqomi. Zo‘ravonlik va xudbinlik , avtoritar axloq, fuqarolar manfaatlari . 3. Partiyaviy hayotning kommunistik shakli. Kommunistlar fikrlar xilma- xilligi.

Inson o‘zining ichki imkoniyatlarini daxlsiz va ozod ijtimoiy vaziyat mavjud bo‘lgan sharoitdagina ro‘yobga chiqarishi mumkin bo‘ladi. Zotan, ana shunday sharoitda u o‘zini birmuncha erkin his qiladi. Maqsadlar va manfaatlar ro‘yobini ta’minlashda o‘zining butun imkoniyatlarini safarbar etadi. Tashqi ta’sirni kamroq sezadi. Boshqacha qilib aytganda, atrofidagilarning imkoniyatlarni cheklashga, turli buyruqlar va hukmlarga nisbatan bo‘ysunishga, itoatkor bo‘lishga imkon bermaydi. Kollektivizmda esa uning aksi sifatida belgilangan va oldindan rejalashtirilgan maqsadlar atrofida birlashib, kuchlar uyg‘unlashtiriladi. Oldindan tuzilgan va aniq rejalashtirilgan vazifalarning bajarilishini kimdir yoki kimlardir nazorat qiladi, buyruq beradi, ommaviy safarbarlikni tashkil etadi. Mutloq ko‘pchilik esa itoatgo‘y, labbaygo‘y ijrochiga aylanadi. Bunday holat jamiyatda erkin fikr, erkin faoliyat va demokratiyaning boshqa ko‘rinishlarini cheklab qo‘yadi. Natijada totalitarizm vujudga keladi, shakllanadi, ildiz otadi va bora-bora avtoritar mohiyat kasb etib, jamiyatni buyruqlar asosida boshqarish, ijtimoiy hayotni bir kishining kayfiyati va talablari asosida tashkil etish tamoyillari vujudga keladi. Jamiyatni bunday boshqarish usuli, ayniqsa, sotsializm sharoitida asosiy qoidaga aylantirildi. Garchi sotsializm g‘oyasi va shakllariga munosabatlar hamon turlicha bo‘lsada, sotsialistlarning o‘zining orasida ham yondashuvlar va fikrlar xilma- xilligi mavjud bo‘lgan. Lekin mohiyati bir xil bo‘lgan. F.Xayek sotsialistlar xulosalarini o‘rganar ekan, tuzumning mohiyati xususida gapirib, «ularda. insonning jamiyatdagi mavqeini bevosita davlat belgilab berishi lozimligi to‘g‘risida hech qanday tafovut bo‘lmagan. Lekin ularning orasida konkret sinf va guruhlar o‘rinlarini belgilashda chuqur tafovutlar bo‘lgan edi va doimo bo‘ladi», degan edi. А na shu holatning o‘zi faoliyatlarni, maqsadlarni rejalashtirish va uni markazlashgan boshqaruv tizimi orqali amalga oshirish tamoyili ustuvorligi ko‘zga yaqqol tashlanadi. G‘oyaviy hukmdorlik, yakka shaxs fikrining ustuvorligi diktatura maqomini egallaydi. Zo‘ravonlik va xudbinlik shaklidagi avtoritar axloq, avtoritar kayfiyat va fe’l-atvor garchi fuqarolar manfaatlariga zid bo‘lsada, o‘ziga xos qadriyatlar

darajasiga majburan ko‘tariladi. Natijada hammaning bir xil fikrlashi, yuqoridan bildiriladigan har qanday buyruqning muhokamasiz, munozarasiz, mushohada qilmasdan to‘g‘ridan-to‘g‘ri qabul qilish va so‘zsiz bajarish tamoyili vujudga keladi. Bu o‘z-o‘zidan bir necha asrlar mobaynida shakllangan an’analar, urf- odatlar, turmush tarzi, adabiyot, san’at va, umuman, yaxlit olganda fuqarolar qalbi va ruhiyatini o‘zida mujassam etgan bir butun madaniyatning inqiroziga olib keladi. Natijada fikriy boqimandalik, befarqlik, hissizlik kayfiyati butun jamiyat kayfiyatiga, axloqiy me’yorlariga aylanadiki, bunday sharoitda taraqqiyot va istiqbolga o‘rin qolmaydi. Yana shuni alohida ta’kidlash kerakki, kollektivizm ikki bosqichda o‘zini namoyon etadi va bu bosqichlarni yaqin o‘tmishimizda – sovet imperiyasi davrida yaqqol ko‘rdik. Birinchi bosqich – totalitarizmning «Faqat buyruq berilgan narsanigina bajarish mumkin, boshqasi mumkin emas», avtoritarizmning «Faqat siyosatga aralashma, boshqa hamma narsa mumkin» shiorlarida to‘la mujassam. Bunday holatni «Kollektivistik tafakkurning fojiasi shundaki, aql-idrokni taraqqiyotning oliy omili sifatida ta’riflansa oqibatda undan voz kechiladi. Chunki bunday sharoitda aql-idrok ongli harakatning asosi bo‘lgan jarayonlar noto‘g‘ri talqin qilinadi. Individualizmning o‘zi jamiyatda individualizmning tepasida turgan kuchlarning ahamiyatini anglashga imkon berayotgan bir vaqtda, kollektiv doktrina paradoksli ravishda «ongli» rejalashtirish tamoyillarini ilgari surgan holda majburiy ravishda qandaydir aql-idrokni inkor etuvchi mexanizmga oliy hokimiyat maqomini berishga majbur bo‘ladi. Ijtimoiy kuchlar bilan murosa qilish va turfa xil fikrlarga bag‘rikenglik bilan yondashish individualizmga xosdir. Bunday insonparvar g‘oya, jamoatchilik hayotining yagona kishi tomonidan boshqarilishiga oid har qanday g‘oyaning ortida turgan intellektual takabburlikning butunlay aksidir», deb sharhlaydi F. Xayek. Demak, kollektivizm sharoitida boshqarish maqomiga ega bo‘lgan shaxsning har qanday xulosasi oliy hokimiyat va davlat maqomiga ega bo‘ladi. Uni bajarishga ommaviy majburiylik tartiboti o‘rnatiladi. Turli ijtimoiy kuchlar, alohida individlar yoki fuqarolarning xulosalari inobatga olinmay, boshqaruvchi –

individning hukmi ustuvorlik qiladi. Boshqaruvchilik maqomiga ega bo‘lgan individning intellektual takabburlik illatlari ko‘zga yaqqolroq tashlanadi va «dohiy»lik singari yuqumli, tuzalmas kasallikni vujudga keltiradi. Sovet imperiyasida ayni ana shu kasallik keng tarqalib, bir-biriga ulanib ketgan, vorisiylik maqomiga ega bo‘lgan «dohiy»lar sulolasi bejiz paydo bo‘lmagan edi. Natijada bu butun jamiyat ijtimoiy-siyosiy, ma’naviy-axloqiy muhitini belgilaydigan bedavo illatga aylangan edi. А slini olganda har qanday avtoritar rejimda ham individual va jamoatchilik kayfiyatlari mavjud bo‘ladi. Lekin o‘rnatilgan tartib va qabul qilingan rejim talablari asosida buyruq beruvchining shaxsiy xulosalari hal qiluvchi maqomni egallaydi. Sotsialistik tuzumga xos bo‘lgan individuallik va kollektivchilik tamoyillarini, ularning o‘ziga xos kontseptsiyalarining ijtimoiy-tarixiy taraqqiyotda tutgan o‘rni va rolini, kishilik jamiyati rivojlanishida o‘tkazayotgan ta’sirini tahlil qilar ekan, А . Ivin quyidagi tamoyillarni ilgari suradi: zamonaviy tarix eng avvalo G‘arb individual jamiyatlari va kollektiv jamiyatlar o‘rtasidagi qarama-qarishliklar hamda kurashlarni o‘zida aks ettiradi; zamonaviy G‘arb jamiyati anglangan aniq maqsadga yetishish uchun xizmat qilmaydigan, tarix taqozosi bilan ko‘plab tasodifiy tizimlarda yuzaga kelgan murakkab chambarchaslikdir; kollektiv jamiyat oldindan ishlab chiqilgan reja asosida paydo bo‘ladi va aniq belgilangan muayyan maqsadga erishishni o‘z oldiga vazifa qilib qo‘yadi; shaxs avtonomiyasi, inson turmush tarzidagi qarashlar va moyillikning mutloq suverenitetini tan olish individualistik jamiyatning asosiy xususiyatlari hisoblanadi; kollektivistik jamiyat esa individ va uning erki qadriyat hisoblanuvchi avtonomiyaning har qanday sohasini rad etadi; kollektivizmning qat’iy yagona maqsadga intilishi raqobat o‘rnini bosuvchi markazlashgan rejalashtirish mexanizmi yaratilishiga olib keladi; kollektiv loyihalar mohiyati davlatning jamiyatda ustuvorligini ta’minlaydi, individ va jamiyatning barcha sohalari nazoratda bo‘lishiga, barcha turdagi

individlar va alohida shaxslar uchun bir xil qadriyatlar va kollektiv axloq normasi bo‘lgan bir xil fikrlash tartibining o‘rnatilishiga, totalitar tuzumning terrori va bag‘ritoshligi bir qarashda yagona maqsadga asoslangan jamiyat hayotini ilohiylashtirishga olib keladi va natijada demokratik sotsializm o‘zining xom- xayollik mahsuli ekanligini ko‘rsatadi, bunday sharoitda diktatura va totalitarizm muqarrar voqelikka aylanadi; iqtisodiy erkinlik shaxs barcha huquq va erkinliklarining poydevori hisoblanadi; uning yo‘q qilinishi kollektiv jamiyatda shaxsning barcha huquq va erkinliklariga barham berilishiga olib keladi; sotsializm (kommunizm) va natsionalsotsializm (natsizm) sharoitida kollektivizm butun mazmun-mohiyati bilan totalitarizmning uzviy holati va yaqqol qiyofasi hisoblanadi; sotsializm va natsionalsotsializm sotsializmning ikkita shaklini o‘zida eks ettiradi; bu – baynalminallik va demokratiya shiorlarini ilgari suruvchi radikal yo‘l sotsializm hamda konservativ natsizm va irqchilik g‘oyalari bilan jamiyatni boshqarishga asoslangan o‘ng sotsializmdir; sotsializmning ushbu shakllari o‘zaro doimiy raqobatda bo‘lsada, individualistik jamiyat ular uchun asosiy raqib hisoblanadi; natsizm sotsialistik ildizlarga egadir; sotsializmning qator mamlakatlardagi inqirozi individualizm imkoniyatlari va intilishlarining ro‘yobiga olib keldi; oxir-oqibatda kollektivizm iqtisodiy taraqqiyotning turg‘unligiga olib keladi va iqtisodiy soha individualizm raqobatiga dosh bera olmaydi. Kollektivizm sharoitida yetishib chiqqan totalitar rejimda partiya asosiy rol o‘ynaydi. А na shu holatda jamiyat boshqaruvi, tuzilgan rejalar va tanlangan yo‘l bevosita partiyaviy rahbarlik orqali amalga oshiriladi. Boshqacha qilib aytganda, partiya davlat va hokimiyatning barcha vakolatlarini qo‘lga olib, yagona boshqaruvchi va rahbar maqomiga ega bo‘ladi. Bir partiyali rejim sharoitida yagona mafkuraning ustuvorligi ko‘zga yaqqol tashlanadi. Bunday mafkuraviy yakkahokimlik butun jamiyat barcha qatlamlarini qamrab oladi va ijtimoiy hayotning hamma sohalariga o‘z ta’sirini o‘tkazadi.

O'xshashlar

TERMODINAMIKA FANINING FALSAFIY MUAMMOLARI
TERMODINAMIKA FANINING FALSAFIY MUAMMOLARI
Yangi O‘zbekistonda milliy tiklanishdan milliy yuksalishga o‘tish jarayonida tarix fanining dolzarb muammolari
KVANT MEXANIKASI VA UNING FALSAFIY MUAMMOLARI.
Biologiyada evolyusion nazariya va uning falsafiy muammolari Darvinizm ta’limoti