PEDAGOGIK TEXNOLOGIYA ASOSLARI. INNOVATSION PEDAGOGIKA. TA’LIMNING INTERFAOL METODLARI. O‘YIN TEXNOLOGIYALARI
PEDAGOGIK TEXNOLOGIYA ASOSLARI . INNOVATSION PEDAGOGIKA. TA’LIMNING INTERFAOL METODLARI. O‘YIN TEXNOLOGIYALARI REJA 1. “Pedagogik texnologiya”, “metodika”, “metod” tushunchalari. 2. Pedagogik texnologiyaning mezonlari. 3. Pedagogik texnologiyaning rivojlanish bosqichlari. 4. Pedagogik texnologiyalarning tuzilishi, maqsadi, vazifalari, metodologik asoslari. 5. Ta’lim texnologiyasining darajalari. 6. Ta’lim texnologiyasining turkumlanishi. 7. Taksonomiya tushunchasi.
Pedagogik texnologiya tushunchasi va uning mohiyati XXI asr globallashuv, axborot-kommunikasiya texnologiyalari va internet asri, ilg‘or pedagogik texnologiyalar hamda barcha sohalarda raqobat asri hisoblanadi. Shu bois, XX asrning oxirlariga qadar pedagog, metodist olimlar kimni, nimani va qanday o‘qitamiz degan savollar doirasida tadqiqot ishlari olib borgan bo‘lsalar, XXI asrdagi shiddatli ijtimoiy-iqtisodiy, fan-texnika taraqqiyoti ta’lim tizimini shaklan va mazmunan modernizasiya qilishni taqozo etdi. Ta’lim-tarbiya jarayoni samaradorligini oshirishning muhim omili sifatida zamonaviy pedagogik texnologiya hamda axborot-kommunikasiya tenologiyalaridan unumli foydalanishga ehtiyoj paydo bo‘ldi. Darhaqiqat texnologiya- (yunoncha ”techne”- mahorat san’at, “logos”-tushuncha, ta’limot) ishlab chiqarishning biror sohasida xomashyo material, yarim fabrikat va shu kabilarga ishlov berish yoki qayta ishlash ularning holati, xossalari va shaklini o‘zgartirishda qo‘llaniladigan usullar (metodlar) majmui demakdir. i Jumladan, qishloq xo‘jaligi, sanoat ishlab chiqarishda yangi texnika va texnologiyalarni qo‘llash natijasida yuqori sifat va miqdor o‘zgarishida samarali natijaga ega bo‘linadi. Pedagogik texnologiyalar g‘oyasining asoschilari AQShning pedagog, psixolog olimlari B.Blum, L.Larsen, B.Skinner, D.Finn, D.Kratval hisoblanadi. Ularning bu sohaga qo‘shgan ulushlari: o‘quv maqsadlari taksanomiyasi (1956y. B.Blum) audiovizual ta’lim (1946 y. L.Larsen), dasturli o‘qitish tizimi (1954 y . B.Skinner), o‘qitish texnologiyalari (1961y. D.Finn), dasturlashtirilgan ta’lim (LOGO) ,1968y.S.Peypert), tarbiya texnologiyalari (----D.Kratval) ning nazariy asoslarini yaratdilar. 60-70 yillarda pedagogik texnologiyalar sohasidagi turli ilmiy-nazariy g‘oyalarning paydo bo‘lishi, shakllanishi va amaliyotga tadbiq etilishining geografiyasi yanada kengaydi. AQSh, Italiya, Angliya, Fransiya, Yaponiya, Kanada, Koreya, Rossiya, Vengriya va boshqa mamalakatlarda maxsus pedagogik nashrlar, markazlar, Assosiasiyalar, ilmiy tadqiqot institutlari va ularda bo‘limlar tashkil etildi. 80-yillardan boshlab Rossiyada ham pedagog olimlar tomonidan pedagogik txnologiyalarning ilmiy-nazariy asoslari keng tadqiq etila boshlandi. Jumladan, V.P.Bespalko (Shaxsga yo‘naltirilgan ta’lim) ,V.M.Monaxov (Aksiomatik yondashuv), M.A.Choshanov (Muammoli-modulli o‘qitish texnologiyasi), V.F.Shatalov (O‘quv materialining belgili modellari asosida ta’limni jadallashtirish texnologiyasi), I.P.Volkov (Rejalashtirilgan o‘qitish), G.K.Selevko (Pedagogik texnologiyalar tasnifi), N.F.Galizina ilmiy pedagogik jixatdan tadqiq qilindi. 90- yillardan boshlab O‘zbekistonda ham pedagogik texnologiyalarga oid dastlabki ilmiy tadqiqot ishlari paydo bo‘ldi. Shundan buyon pedagogik texnologiyalarning ilmiy-nazariy jihatlari N.S.Saidahmedov, J.Yo‘ldoshev, R.Jo‘rayev, U.Nishonaliyev, B.L.Farberman, N.Azizxo‘jayeva, U.Tolipov, A.Abduqodirov, A.Pardayev, R.Ishmuhammedov va boshqalar tomonidan tadqiq etib kelinmoqda. Respublikamizda “Innavasion texnologiyalar markazlari”, “Zamonaviy ta’lim”, “Fan va texnologiyalar” jurnallari tashkil etilgan. Ushbu atamaning mohiyati turli olimar tomonidan turlicha izohlanadi. Lekin u turlicha izohlansada biri ikkinchisini inkor etmaydi, balki bir birini ma’qullaydi, to‘ldiradi, uning yangi- yangi qirralarini asoslaydi. Bespalkoning fikricha pedagogik texnologiya-o‘quv jarayonini amalga oshirishning mazmunli texnikasi. Bu o‘qituvchi mahoratiga bog‘liq bo‘lmagan pedagogik muvaffaqiyatlarini kafolatlay oladigan o‘quvchi shaxsini shakllantirish jarayonini ifodalash-loyihalashdir.
ngdeq Педагогик технология - педагогик мақсадларга эришишда фойдаланиладиган шахсий имкониятлар, жиҳозлар ва методологик воситаларда амалда бўлишнинг тизимли йиғиндиси ва тартибини билдиради. (М.В.Кларин) Педагогик технология - зарур шароит яратиш орқали ўқувчи ва ўқитувчининг ўқув жараёнини лойихалаштириш, ташкил этиш ва ўтказиш бўйича педагогик фаолиятнинг ҳар томонлама ўйлаган моделидир. (В.М.Монахов). Педагогик технология - бу ўқитувчи (тарбиячи)нинг ўқитиш (тарбия) воситалари ёрдамида ўқувчи (талаба)ларга муайян шароитда таъсир кўрсатиш ва акс таъсир маҳсули сифатида уларда олдиндан берилган шахс сифатларини жадал шакллантиришни кафолатлайдиган жараёндир. (Н.Сайидаҳмедов) Педагогик технология - илмийликка асослангани ҳолда, вақти ва маконга нисбатан дастурлаштирилган, олдиндан аниқ белгиланган натижага олиб келувчи, педагогик жараёнларга оид компонентларнинг барчасини бирдек ишга сола олувчи тизимдир. (Р.Жўраев)Педагогик технология- ўзида турли муаллифлар (манбалар)нинг барча таърифлари мазмунини қамраб олган мазмуний умумлашма ҳисобланади. (Г.К.Слевко). Педагогик технология- таълим мақсадларига ва шахснинг ривожланишига қаратилган педагогик фаолиятни муттасил равишда ривожлантириш тизимини лойиҳалашдир. (Н.Азизхўжаева)
Pedagogik texnologiya atamasiga berilgan yuqoridagi ta’riflar “YuNESKO” ta’rifidan kelib chiqqan holda shakllantirilgan bo‘lib, barchasining negizida o‘quv va tarbiya jarayonining natijalarini aniq bashorat qilgan holda uni loyihalashtirish va yuqori samaradorlikka erishishning kafolati yotadi. Ta’lim tizimi iste’molida “Pedagogik texnologiyalar”, “Zamonaviy pedagognik texnologiyalar”, “Ilg‘or pedagogik texnologiyalar” kabi atamalardan foydalanilmoqda. Ushbu tushunchalarning maqsad va mazmuni bir xil bo‘lsada, ularning xususiy ishlatilish jarayoni turlicha bo‘lishi mumkin. Pedagogik texnologiyalar ta’limni tashkil etishning an’anaviy shakllariga nisbatan quyidagi konseptul ijtimoiy xarakterdagi imkoniyatlarni yaratilishi bilan xarakterlanadi: - O‘zbekiston Respublikasining “Ta’lim to‘g‘risida”gi Qonuni hamda Kadrlar tayyorlash milliy dasturi talablari asosida hukumatimiz va davlatimizning ma’naviy, jismoniy kamol topgan, erkin va mustaqil fikrlaydigan, respublikamizni jahon hamjamiyatiga yanada integrasiyalashuviga munosib hissa qo‘shadigan, ilg‘or texnika va texnologiyaga oid bilim, ko‘nikma va malakaga ega bir nechta kasb sirlarini egallagan chet tillarda erkin so‘zlasha oladigan, raqobatbardosh mutaxassislarni tarbiyalash bo‘yicha olib borilayotgan muhim chora- tadbirlar muvaffaqiyatli amalga oshiriladi. - zamonaviy pedagogik va axborot-kommunikasiya texnologgiyalaridan foydalangan holda o‘qitishning ilg‘or uslublarini amaliyotga joriy etish uchun shart-sharoit imkoniyatlar yaratiladi; - zamonaviy o‘quv-uslubiy materiallardan foydalanish zamirida ta’lim-tarbiya jarayoni puxta rejalashtiriladi, bashoratlanadi, loyihalashtiriladi, natija kafolatlanadi; - ta’lim-tarbiya jarayoni subyektlari mavjud ilmiy-nazariy, metodik zaxiralaridanoqilona foydalanadilar, vaqtni unumli sarflaydilar, pedagogik ijodiy faoliyat vujudga keladi, kommunikativ kompetentligi namoyon bo‘ladi; - jamoada iqtisodiy-ma’naviy muhit barqaror bo‘ladi, uni innovasion boshqarishga erishiladi; Педагогик технология - дунё фан-техника тараққиёти талаблари асосида кадрлар тайёрлаш сифат самарадорлигини таъминлаш мақсадида ўқитувчи ва ўқувчининг интеллектуал имкониятлари, маҳорати илғор педагогик тажрибалар, фан ютуқларидан унумли фойдаланган ҳолда ўқув-тарбия жараёнини модернизация қилиш, лойиҳалаштириш, олдиндан режалаштирилган, юқори натижага эришиш кафолатидир. (О.Мусурманова) Педагогик технология - таълим шаклларини такомиллаштириш вазифасини кўзлаган ўқитиш ва бошқаларни ўзлаштиришнинг барча жараёнларини техника ва инсон омилларида, уларнинг биргаликдаги ҳаракатлари воситасида яратиш, татбиқ этиш ва аниқлашнинг изчил методи демакдир . (ЮНЕСКО)
- “O‘qituvchi global internet tarmog‘i, multimedia tizimlari va masofadan o‘qitish usullaridan foydalangan holda, zamonaviy innovasion pedagogika, axborot kommunikasiya texnologiyalarini egallash va ularni o‘quv jarayoniga faol tatbiq etish” bo‘yicha o‘z kasb mahoratini, ilmiy-pedagogik faoliyatini doimiy oshirib borishga ma’suliyat bilan yondoshadi. Pedagogik texnologiyani o‘ziga xos xususiyatlari ham mavjud bo‘lib, ular quyidagilardan iboratdir: - dars jarayonida beriladigan materiallarning ilmiy-nazariy qimmatga egaligi; - o‘quv tarbiya jarayonini puxta loyihalashtirilishi, dasturlanishi; - o‘qituvchi va o‘quvchida subyekt-subyekt sifatidagi kommunikativ qobiliyatining to‘liq safarbar etilishi; - o‘quv tarbiya jarayonida o‘qituvchi ijodkorligi, kasbiy kompetentligi, tashabbuskorligi, navatorligining yaxlit namoyon etishi yuzasidan umumpedagogiq psixologik hamda o‘quv fani chuqur bilimga, amaliy tayyorgarlik bo‘yicha bilim, ko‘nikma vamalakalarga ega bo‘lishi; - ta’lim-tarbiya jarayonini tashkil etishga innovasion yondoshuv, AKTdan unumli foydalanish,yangi va zamonaviy ta’lim texnologiyalarning amaliyotda tatbiq etilishi; - ta’lim-tarbiya jarayonini innovasion boshqarish va unga rahbarlik; - ta’lim-tarbiya maqsadiga yetish, yuqori natijani qo‘lga kiritish uchun inson imkoniyatlari bilan texnik quvvatning yakdil xarakatga keltirilishi; - har bir texnologiyaning metodi jihatdan individualligi lekin metodologiyaning ko‘zlagan maqsadning bir xilligi, pedagogik muvaffaqiyatlarning kafolatlanganligi; - “o‘quv tarbiya jarayoni takrorlanuvchanligini ta’minlanishi va tezkor qaytuvchan aloqaning mavjudligi”; - pedagogik faoliyatning qiziqarliligi, sinfning yoppasiga faolligini ta’minlanishi, o‘quvchi bilimini to‘liq namoyon etishga, qobiliyatini ro‘yobga chiqarishga qaratilganligi, vaqtdan unumli foydalanilishi, har ikkala subyektning o‘z ustida ishlash motivining yuqoriligi; - o‘quvchidagi bilish faoliyatini, o‘zlashtirish darajasini samaradorligini ta’minlashga yo‘naltirilganligi bilan xarakterlanadi. Pedagogik texnologiyalarning negizida o‘quvchi va o‘qituvchining ijodiy pedagogik faoliyati yotadi. Ilmiy - nazariy faoliyat jarayonida o‘qituvchi ilmiy, nazariy, metodik xarakterdagi manbalarni o‘rganadi va o‘z faoliyati jarayonida undan ijodiy foydalanadi. O‘quvchi esa yangi ilmiy- nazariy bilim egallaydi. O‘z tajribalari asosida ilmiy-metodik materiallar (tezis, ma’ruza, maqola, uslubiy qo‘llanma, o‘quv qo‘llanmasi, darslik va b.q) tayyorlashi va chop etilishi mumkin. V.Ye.Pisarev va T.Ye.Pisarevalarning fikricha ilmiy pedagogik faoliyat nazariy va tajriba-sinov ko‘rinishlaridan iboratdir. Pedagogik faoliyatning amaliy jihati esa o‘qituvchining ilmiy-nazariy, metodik bilimni o‘quv-tarbiya jarayonida o‘quvchi bilan bo‘ladigan kommunikativ faoliyatida ijodkorlik va mahorat bilan namoyon etishdir. Har ikkala subyektning ham o‘quv fani bo‘yicha samaradorlikka erishish mezonlari aynan shu bosqichda o‘zini namoyon etadi. Ruhiy- Ижодий фаолият – бу ўқитувчи ва ўқувчидаги аниқ ягона мақсадга қаратилган руҳий, интеллектуал салоҳият, қобилият, маҳоратни бирлаштириш замирида илмийкашфиётлар,ихтиролар яратиш демакдир . Ижодий педагогик фаолият мазмунан 3 та турга бўлинади. Яъни, - илмий-назарий; - амалий; - руҳий-коммуникатив .