Qadimgi xitoyning g'arbiy o'lkalar bilan aloqalari
MAVZU: Qadimgi xitoyning g'arbiy o'lkalar bilan aloqalari. REJA: Kirish. 1.Qadimgi Xitoyning tabiiy sharoiti 2. Qadimgi Xitoyning Buyuk ipak yo‘li orqali g‘arbiy o‘lkalar bilan aloqasi. 3.Qadimgi Xitoy madaniyati. Xulosa
1.Qadimgi Xitoyning tabiiy sharoiti. Biz Xitoy deb ataydigan mamlakatni xitoylarning o'zlari goh Chjuna Go (O'ta podsholik), goh Chjunx va (O'rta ravnaq) deb yoki biron sulola nomi bilan masalan Sin deb ataydilar. Keyingi nom ba'zi o'zgarishlar bilan G'arbiy Yevropa va Sharqning geografik nomlar uyxatiga ham kiritilgan. Xitoy davlati avval boshda xuanxe havzasida tashkil topib, keyinchalik hozirgi chegaralarigacha sekin-asta kengayib borgan Xitoy adabiyotida Xuanxe Yurakni ezadigan daryo " deb tilga olingan. Bu daryo o’zanini tez-tez o'zgartgan, qirg oqning yumshoq tuprog ini yorib o'tib, keng maydonlami suv bosib ketish xavtidan xalos qilingan. Xitoy xalq ertaklarida Yuy degan afsonaviy podsho daryo qirg'oqlarini mustahkamlash ishlarini tashkil qilishgani uchun ko'klarga ko'tarib maqtalganligi tasodifiy hol emas. Shimoliy Xitoyning (sariq tuproq) yerlari juda unumdordir. Qadimgi Xitoyda qalin o'rmonlar ko'p bo'lgan (hozir ko'p joylarda kesilib yo'q bo'lib ketgan, faqatgina chekka-chekkalaridagina qolgan). Qadimgi Xitoy yozuvchilarining tasvirlariga qaraganda, bunda yovoyi hayvonot va o'simliklar juda ko'p bo'lgan, buni arxeologik qazishmalar ham tasdiqlaydi. Hozir odamlar zich yashayotgan joylarda ilgari bug'ular o'tlab yurgan. Qadimgi Xitoy qo'shiqlari to'plami (Shi Szin) da har yili bo'ladigan ommaviy ov tasvir etilgan, bunda to'liq. yonut, yovvoyi mushuk ovlaganlar: bu ommaviy ovlar hozirgi vaqtda yovoyi hayvonlar deyarli qolmagan Xuanxe havzasida qilingan. Xitoy tog'larida ruda va boshqa foydali qazilmalarning ko'pligi mamlakat ekonomikasining taraqiyitida muhim rol o'ynagan. Mavjud ma'lumotlarga qaraganda Xitoyning juda qadim zamondagi aholisi etnik jihatidan juda xilma-xil bo'lgan. Asil Xitoyliklarning o'zi 0'z tarixlari tongida Xuanxe daryosining o'rta oqimidagi havzada yashaganlar, xullas, keyinchalik esa sekin –asta daryoning boshi va etagiga yilib borganlar. Millodan avvalgi 1ming yillikda va yangi era boshlaridagina ularming asosiy teritoriyasidan tashqariga ko‘chib borib joylashishi keng tus olgan.Bu ko‘chishlar vaqtida xitoylar shimolo-sharqda manjur-tungus qabilalari,shimoli -g‘arb va g‘arbda turk va mo‘gul , janubi-g‘arbda esa sintibet qabilalari va bashqalar bilan goh dushmanlik munosabatida , goh do‘stona munosabatda bo‘lganlar.Xitoylar ko‘p asrlar davomida xorijiy xalqlardan syun-nu degan xalqlarga qarshi kurash olib borganligi asl nusxa manbalarda ayniqsa ko‘p eslatiladi.Kiyinchalik ular (eramizning IV asrida) Yevropaga ham yetib kelishgan va bunda ularning nomini o‘zgartirib gunnlar deb ataganlar.
Xitoylar bilan qo‘shni yashagan etnik guruhlarning anchagina qismi xitoylar ichida singib, ularning tili va madaniyatini o‘zlashtirganlar. Lekin hozir ham janubiy Xitoyning ba‘zi joylarida va g‘arbiy Xitoyning ancha qismida aholi xitoy tilidan o‘zga tilda gapiradi, ularni zo‘rlik yo‘li bilan xitoylashtirish uchun ko‘p marta urninilishiga qatamay, o‘zlarining mahalliy madaniy an‘analarini saqlab qolganlar. 2.Qadimgi Xitoyning Buyuk ipak yo‘li orqali g‘arbiy o‘lkalar bilan aloqasi. Kishilik jamiyati paydo bo'libdiki, uning taraqqiyot jarayoni hech qachon aloqalarsiz bo'lmagan. Odamlar, urug' jamoalari, qabilalar, elatlar, xalqlar va nihoyat ularni hududiy- iqtisodiy va siyosiy birlishtirgan mamlakatlar o'rtasida doimo aloqalar bo'lgan va bu aloqalar tufayli yo' llar paydo bo'lgan. Biz qadimgi davr tariximizga nazar tashlar ekanmiz, kishilik jamiyatining bronza davridan e'tiboran, ba'zi joylarda undan ham ancha avval, ma' lum ixtisoslashgan yo'llar paydo bo'lganligini bilamiz. Ularning paydo bo'lishida qabilalar, xalqlar va davlatlararo aloqalardan kelib chiqqan iqtisodiy, etnik, siyosiy va madaniy ehtiyojlar sabab bo'ldi. Tarixda miloddan avvalgi VI-IV asrlarda Eron ahmoniylari saltanati davrida uning hududi bo'ylab «shoh yo'li» tarkib topganligini bilamiz. Lekin unga qadar O'rta va Yaqin Sharqda Badaxshon lazuritiga bo'lgan ehtiyoj «Lazurit yo'li»ning vujudga kelishiga olib kelgan. Ana shunday qadimgi yo'llardan biri, G'arb bilan Sharqni bir necha ming yillar davomida bir-biriga bog'lab kelgan «Buyuk ipak yo'li» edi. Bu yo'l orqali Sharqdan (Xitoydan) G'arbga (Vizantiyaga) oqib borgan savdo mollari, asosan, Xitoy ipagi bo'lsa-da, bu yo'l fanga atigi XIX asrning 70 yillarida nemis olimi K.Rixtgofen tomonidan Ipak yo'li» nomi bilan kiritildi. Unga qadar «Ipak yo'li» «G'arbiy meridional yo'li» deb kelinardi. «Buyuk Ipak yo'li» haqidagi ilk yozma ma'lumotlar miloddan avvalgi 138 yilga to'g'ri keladi: Xitoy imperatori Vu Di topshirig'i bilan Markaziy Osiyoga yuborilgan elchi va sayyoh Chjan Syan «Buyuk ipak yo'li»ni o'rganadi va bu to'g'rida o'z tasnifini beradi. Shu davrda xunnlar Xitoyning shimoliy tumanlarini talon-taroj qilar edilar va imperator Chjan Syanni ko'chmanchi xunn qabilalariga qarshi kurashda ittifoqchi va hamkorlar topish uchun jo'natadi. Elchi xunnlar qo'liga asir tushadi va o'n yilcha hibsda yotadi. U asirlikdan qochib, Markaziy Tyan'shan dovonlari orqali Issiqko'lga chiqadi. Norin daryosi bo'ylab Farg'ona vodiysiga keladi. Bu erda o'zi uchun vodiydagi shaharlarni kashf qiladi. Bu shaharlar Farg'ona podshohligiga qarashli ekanligini bilib oladi. Tabiiyki, clchi xitoyning xunnlarga qarshi kurashda Farg'ona hukmdorining yordamini olmoqchi bo'ladi. Lekin Farg'ona hukmdori faqat savdo aloqalarini o'rnatish istagini bildiradi. CHjan Syan janub sari sayyohatini davom ettiradi. Oloy vodiysidan o'tib, yana xunnlar qo'liga tushadi. Bir yildan keyin vataniga qaytadi. Elchi Xitoy imperatoriga «sayyohati» haqida gapirib beradi. U Xitoyga Farg'ona otlaridan birini va beda urug'idan olib borgan edi. Bu otni xitoyliklar samoviy deb ataganlar. Imperator Vu Di o'z saroyi yaqinida beda ektiradi.
Keyinchalik u Xitoyning butun shimoli bo'ylab ekiladigan bo'ladi. Xitoyliklar anor, uzum, bodring va yong'oq ekishni ham yo' lga qo’yadilar. Shunday qilib, CHjan Syan yurgan yo'l bo'ylab miloddan avvalgi I1-I asrlarda Xitoyni Markaziy va G'arbiy Osiyo bilan bog'lovchi jahon ahamiyatiga ega Buyuk ipak yo'li deb ataluvchi narvon yo'li o'tadigan bo'ldi. «Ipak yo'li» Xitoyning qadimgi markazi Siandan boshlanib, Lanchjou orqali Dunxuanga keladi. Dunxuanda u ikkiga ajraladi. «lpak yo'li»ning janubi-g'arbiy tarmog'i Takla-Makon sahrosi orqali Xotanga, undan Yorkentga kelib, Pomir tog'ining daralari orqali Vaxonga, undan Baqtriyaning bosh shahri Zariaspga (Balx) kelgan, Balxda yo'l uch tarmoqga ajralib, uning g'arbiy tarmog'i Marvga, janubiy tarmog'i Hindistonga, shimoliy tarmog'i Termiz orqali Darband, Nautak, Samarqandga qarab ketgan. «Ipak yo'li»ning shimoli-g'arbiy tarmog'i esa Dulxuandan Bami Kuchi, Turfan orqali Tarim vohasiga - Qashg'arga borgan. Undan Toshqurg'on orqali O'zgan, O'sh, Quva, Axsikent, Ponga, undan Asht dashti orqali Xo'jand, Zomin, Jizzaxga, so'ngra Samarqandga Nautaka yo'li bilan birlashgan. Yo'l Samarqanddan g'arbga - Dobusiyaga, Malik cho'li orqali Buxoro va Romitanga, undan Varaxsha orqali Paykent va Forobga borib Amul' shahriga o'tgan. Amulda Marvdan Urganch tomon Amu bo'ylab ketayotgan yo'lga qo'shilgan. Qadimda Marv shahri o'zining qadimiy an'analari va har tomonga ketuvchi savdo karvon yo'llari tutashadigan geografik qulayliklariga ko'ra ipak yo'lidan eng yirik shahar edi. SHuningg uchun ham Marvda mahalliy din - zardushtiylik ibodatxonalaridan tashqari Hindistonning budda, Vizantiya xristian olamining tayanchlari bor edi. Qadimgi ipak yo'li ungacha shu mintaqadan o' tgach «lazuriyot yo'li», «shoh yo'li» asosida Marvdan G'arbga tomon katta karvon, savdo yo'li bo'lib Xitoy, Hindiston va O'rta SHarqni YAqin SHarq va O'rta er dengizi mamlakatlari bilan bog'lab turardi. Tarixiy yozma manbalar va arxeologik materiallarning guvohlik berishicha, Marvdan g'arbga tomon ketgan ipak yo'li Eronning Gekotolepil, Apaliya va Ekbatana (Xamadon) shaharlariga va ulardan o'tib Mesopotamiyaning Ktesafon va Bag'dod shaharlariga borgan. Undan Dajla (Tigr) daryosining o'ng sohili bo'ylab shimolga ketib, Anjioxiya (Antokiya) orqali Damashqqa, undan Tir va Quddus shaharlari orqali Misrga o'tib ketgan. Marvdan chiqqan shimoliy yo'l esa Amul' orqali Urganchga, undan SHimoliy Kaspiy bo'ylab SHimoliy Kavkazga, so'ngra Qora dengizning shimolidan Konstantinopolga borib, Bosfor va Dardanel orqali O'rta Er dengiziga o'tib, Vizantiya shaharlarini aralagan. Xitoy imperatorlari Ipak yo'li g'arbda joylashgan mamlakatlar bilan savdo va diplomatik aloqalar qilganlar. Ular o'z elchilarini katta sovg'a- salomlar bilan O'rta Osiyo, Eron, Misopotamiya va Kichik Osiyo davlatlariga yuborgan. Masalan, Xitoy sayyoxi Gap In milodiy 97 yilda fors qo'ltig'igacha etib borgan. Makedoniyalik May Tisian esa 100 yilda Lanchjougacha etib borgan. Ammo Markaziy Osiyoliklar hamda eronliklar hech
qachon Xitoy bilan Vizantiya yoki Xitoy bilan YAqin Sharq davlatlari o'rtasida bevosita savdo aloqalarining shakllanishidan manfaatdor emas edilar. CHunki bu harakatning «ostida» juda katta iqtisodiy siyosat etar edi. Ayniqsa, Ipak yo'li uchun kurash IlI asrdan boshlab Eron bilan O'rta Osiyo o'rtasida hayot-mamot kurashi tusini olgan. Bu borada Eron bilan Parfiya o'rtasida qattiq kurashlar ketgan. Markaziy Osiyo orqali Xitoydan g'arbga o'tadigan savdo karvon yo’llari doimo sug'dlar nazoratida bo'lgan. Sug'd savdogarlari o'zlarining bu yo'ldagi hukmronligini saqlab qolish uchun SHarqiy Turkistonda, Yettisuvda, Oltoydan to Enisey sohillariga qadar bo'lgan hududlarda, Shimoliy Xitoyning Shansi viloyatida, Dunxuan kabi qator shaharlarda o'z karvonsaroylarini va qishloqlarini barpo etganlar. III-VII asrlarda Markaziy Osiyo va O'rta SHarq orqali o'tgan «Ipak yo'li»ning nazorati sug'dlarning qo'lida bo'lgan bo'lsa, VIII asr o'rtalariga kelib xalqlararo munosabatlar tizimida tub o'zgarishlar yuz berdi. «Ipak yo'li»ning g'arbiy qismi arablar nazoratiga o'tdi. XIII asrga kelib Chingizxon ipak yo' lining barcha tarmoqlari bo'ylab nazoratni o'z qo'liga kiritdi. Bu holat to XIV asr o'rtalarigacha davom etdi. Mug'ullar hukmronligi davrida Xorazmning Mahmud yalovoch doirasidagi savdogarlari asosiy rolni o'ynadilar. Agar «lpak yo'li» orqali Xitoydan G'arb mamlakatlariga, asosan, ipak, ilk o'rta asrlardan boshlab, qog'oz eksport qilingan bo'lsa, bu mamlakatlardan Xitoyga shisha,jundan ishlangan har xil gazlamalar, gilam, palos, oyna, metall, zeb-ziynat bezapklari, qimmatbaho toshlar, har xil dorivorlar, arg'umoq otlar keltirilgan. Ana shu savdo yo'llari orqali Xitoyning bronza oynalari va kvadratikli tangalari Farg'ona vodiysi va Sirdaryoning o'rta havzasi rayonlariga keng tarqalgan. Buyuk Ipak yo'li birgina iqtisodiy ahamiyat kasb etmay, balki u diniy, madaniy meros yutuqlarini tarqatuvchi, mamlakatlararo diplomatik aloqalarni ta'minlovchi yo'l ham edi. Mas, Hindistonning budda dini shu yo'l bilan Xitoyga Markaziy Osiyo orqali kirib kelgan. IV-VIII asrlarda Xitoyning tashqi olam bilan savdo aloqalari kengaydi. Ilk feodalizm davrida Xitoyda ipakchilik rivojlanib ketdi va ipaklar arzon narhda Markaziy Osiyoga Sug'd savdogarlari orqali kirib borgan. Ular faqat mol olib, mol sotuvchi va undan foyda oluvchi jamiyatning boy qatlami hisoblanmay, balki o'zoq safarlarga katta savdo karvoni bilan ketuvchi savdogar, diplomatlar, ziyo tarqatuvchilar, u yoki bu hududdan yangi joylarga ilg'or xo'jalik ixtirolarini olib boruvchi nufuzli kishilar hisoblanardi. Ular bir vaqtning o'zga mamlakatlar urf- odatlari, kuch va qudrati, xududiy joylashishi, tabiati va davlatni boshqarish tizimini chuqur bilishda o'ta xushyor davlat ayg'oqchilari vazifasini ham o'tar edilar. Davlat boshliqlari ularning kuzatish mahorati va bergan ma'lumotlari asosida o'z tashqi siyosatlarini rejalashtirar edilar. Bunday ulkan va