FRIDRIX BARBAROSSANING TASHQI SIYOSATI REJA: 1.FRIDRIX BARBAROSSA 2.FRIDRIX BARBAROSSANING ITALIYAGA YURISHI

FRIDRIX BARBAROSSA Germaniyani 1138-yildan boshqargan Gogenshtaufenlar sulolasining taniqli vakili Fridrix I Barbarossa (‘’Mallasoqol’’) (1152-1190-yy) bo’lgan. Fridrix I jasur va shafqatsiz sarkarda bo’lishi qatorida, iqtidorli diplomat, davlat ishlarini mukammal o’zlashtirgan hukmdor edi. U o’zining kuch-qudratini, erishish mushkul bo’lgan maqsadga- german imperatori boshchiligidagi jahon imperiyasini tuzishga qaratdi. Fridrix I Vengriya, Chexiya, Polsha, Daniya qirollari tomonidan o’z hokimiyatining ustunligini tan oldirishga intilgan. Lekin Angliya va Fransiyadan ustunlikka erishish orzusi imperatorning Germaniyadagi real hokimiyatiga mos kelmas edi.

FRIDRIX I BARBAROSSA

FRIDRIX BARBAROSSANING ICHKI SIYOSATI Fridrix I ning hukmronligi davrida mamlakatdagi mustaqil knyazliklar faoliyati markaziy hokimiyatni ancha zaiflashtirib qo’ygan edi. Imperator qator gersog va graflarga yon bosish orqali o’zaro urushlarga chek qo’yib, mamlakatda osoyishtalik o’rnatish, hatto imperiyani birmuncha kengaytirishga ham erishadi. Barbarossa o’z knyazligini tuzish va bu tadbir orqali hokimiyatni mustahkamlashga intilgan. Ammo uning asosiy tayanchi bo’lgan vasallari, ministeriallar va mayda ritsarlar nisbatan kuchsiz bo’lganlar. Bu vaziyat Fridrixni cherkov ustidan ham hukm o’tkazishga intilishiga olib keladi.

FRIDRIX I NING CHERKOV BILAN MUNOSABATLARI Fridrix I ni Vorms konkordatiga zid ravishda yepiskoplarni o’z odamlaridan tayinlashga intilishi papa bilan yangi mojaroga olib keladi. Bu nizoning ildizi chuqur bo’lib, papa ham imperator singari jahon imperiyasini tuzish rejasini ko’ngliga tuggan. Fridrixning Shimoliy Italiyaga yurishi esa, papalikga bevosita xavf solar edi. Mojaro 1137-yili Bezansonda reyxstagda papa legati Roland o’z homiysining maktubini o’qib berishidan boshlanadi. Unda Fridrix I ga imperiya papa tomonidan in’om etilgani ta’kidlangan edi. Bunga javoban Fridrix I devonxonasi Rim huquqiga asoslanib, imperator o’z hokimiyatini bevosita Xudodan olganini bayon etadi. Papaning dunyoni boshqarishga da’vosiga javoban imperator manifestlarida Fridrixning da’volari asoslab beriladi.