Ilk o‘rta asrlarda Hindiston
Mavzu: Ilk o‘rta asrlarda Hindiston Kirish I Bob Ilk o'rta asrlarda Hindistondagi ijtimoiy-siyosiy munosabatlar. 1.1 Guptalar davlati. 1.2 Xarsha davlati. 1.3 Ilk o'rta asrlarda Hindistonda ijtimoiy-iqtisodiy munosabatlar. II Bob Ilk o'rta asrlarda Hindistondagi davlatlarning ichki va tashqi siyosati. 2.1 Hindistondagi davlatlarning bosqinchilar zulmiga qarshi kurashi. 2.2 Ilk o'rta asrlarda Hindiston madaniyati. III Xulosa IV Foydalanilgan manba va adabiyotlar ro'yxati.
Kirish Kurs ishi mavzusining dolzarbligi. Yurtboshimiz I. A. Karimov 1998-yil 14- iyulda bir guruh tarixchi olimlar va yetakchi jurnalistlar bilan bo‘lib o‘tgan uchrashuvda tarix fani, uning bugungi ahvoli va istiqbolini chuqur tashkil etish haqidagi o‘z fikr mulohazalarini bildirib, bu yo‘nalishda tarixchi olimlar oldiga qator vazifalarni qo‘ydi. Prezidentimiz: ”Muayyan masalada turli fikrlarni berish, bahs orqali haqiqat oydinlashuviga erishish lozim. Tarixiy voqealarni, shaxslar faoliyatini izohlash yo‘li bilan odamlarni asl haqiqatdan ogoh etishimiz kerak”, - deb ta’kidladi. Ushbu vazifalardan eng muhimi - yangi jamiyatimizni isloh qilish va yangilash jarayonini boshqaradigan va ta’minlaydigan, hozirgi davr talabi asosida yangicha fikrlaydigan yoshlarni tarbiyalash, muhimi, ular ongiga milliy istiqlol, Vatanga sadoqat va vatanparvarlik g‘oyalarini yanada chuqurroq, singdirish va teran anglatishdan iboratdir. Birinchi Prezidentimiz o‘zining “Yuksak ma’naviyat – yengilmas kuch” nomli asarida shunday yozadi:” O‘z tarixini bilmaydigan, kechagi kunini unutgan millatning kelajagi yo‘q. Bu haqiqat kishilik tarixida ko‘p bora o‘z isbotini topgan.”. O‘zbekistan Respublikasi istiqlolga erishishi natijasida jamiyatimizning barcha sohalarda tubdan o‘zgarishlar amalga oshirilmoqda. Xususan, Vatanimiz tarixida milliy vatanparvarlik nuqtai-nazaridan qiziqish ortmoqda. Hindiston davlatining shakllanish tarixini o'rganish bizga bu davlatlarni naqadar uzoq tarixga ega ekanligini ko'rsatadi. Bu davlatlar faoliyatini o‘rganish va yutuqlarini o‘z davlatimiz an'analariga moslashtirgan holda joriy etish kelajagimiz taraqqiyotini belgilash mumkin.Kurs ishining asosiy maqsadlaridan biri Hindistonning ilk o‘rta asrlarda shakllangan Gupta va Xarsha davlatlarining siyosiy tarixi, boshqaruv shaklini o‘rganish va ularni o‘z ma'naviyatimizdan kelib chiqqan holda zamon bilan hamohang holda milliylashtirish darajasiga baho berishdan iborat. Hozirgi texnika taraqqiy etgan davrda o‘z davlatimizning jahon hamjamiyatida o‘z so‘zi bo‘lgan davlat bo‘lishini istar ekanmiz, biz bunday o‘z davrining rivojlangan davlatlari faoliyatini o‘rganishimiz va ularning ijobiy yutuqlarini o‘z davlatimizda joriy etishga intilmog‘imiz kerak, bular esa kurs ishi
mavzusining dolzarbligini ko'rsatadi. " Ilk o‘rta asrlarda Hindiston" mavzusi bo‘yicha, bu hududda davlatlarning vujudga kelishi, davlatlarning tashkiliy tuzilishi, davlatlarda savdo va shaharsozlik an‘analarining rivojlanishi, Ilk o‘rta asrlar tarixida Hind davlatlarining tarix sahnasiga chiqishi va bu davlatlar vujudga keltirgan madaniyatning jahon sivilizatsiyasiga qo'shgan hissasi kabi masalalarini yangi manba va adabiyotlar hamda zamonaviy komunikatsiya vositalari orqali o‘rganish, tadqiq qilish mavzuni muhim jihati hisoblanadi Kurs ishining obyekti va predmeti. Gupta va Xarsha davlatlarining vujudga kelishi bu davlatlarning yangi hind madaniyati shakllanishida tutgan o‘rni, va bu madaniyatning ilk o‘rta asr davlatlari siyosatiga, ilim-fan taraqqiyotiga, madaniy aloqalar rivojiga ko‘rsatgan ta'sirini manbalar asosida yoritib berish. Gupta davlati, shuningdek Xarsha davlatining boshqaruv tartiblarini o‘rganish va bu davlatlarning Hind davlatchiligi rivojidagi o‘rnini aniqlashdan iborat. Kurs ishining maqsadi va vazifalari. Kurs ishining asosiy maqsadi , yozma, lingvistik va numizmatik materiallarni kompleks o‘rgangan holda ilk o‘rta asrlarda vujudga kelgan hind davlatlari tarixi va boshqaruv tartiblarini, ularning Hind va Osiyo davlatchiligi taraqqiyotiga qo'shgan hissasi, shuningdek Hind madaniyatning shakllanish tarixini o‘rganishdan iborat. Mazkur maqsaddan kelib chiqib, quyidagi vazifalar belgilandi: - Gupta davlati haqidagi umumiy ma'lumotlarni yoritib berish; - Hind madaniyatning jahon ilm-fani, siyosati va madaniy hayotiga ko'rsatgan ta'sirini ochib berish; - Xarsha davlati shakllanishining mazmun mohiyatini aniqlash; - Gupta va Xarsha davlatlaridagi siyosiy idoralar faoliyatini tahlil qilish. - Ilk o‘rta asrlardagi Hind madaniyatning jahon ilim-fani taraqiyotida tutgan o‘rniga baho berish. Ishning yangiligi va ahamiyati. Ushbu mavzu keng qamrovli b о ‘lib, bu mulohazalar tarix fani uchun dolzarb nazariy muammolardan biri hisoblanadi. Mavzuning yangiligi shundan iboratki, ilk o‘rta asrlarda Hindistonda eng mashhur davlatlardan biri bo'lgan Gupta va Xarsha
davlatlarining vujudga kelishi tarixi va boshqaruv tartiblarini, shuningdek bu davlatlarning siyosiy tarixi, boshqaruv tartiblari va hind madaniyatining shakllanish tarixini yoritishda ilk o‘rta asrlar davrida va keyingi davrlarda hind davlatlari haqida yozilgan ilmiy adabiyotlar asosida tahlil etilgan. To’plangan ma’lumotlardan Oliy o’quv yurti talabalari kurs ishi, referat, mustaqil ish, amaliy mashg’ulotlarga tayyorlanishda qo’llanma sifatida foydalanishi mumkin. Kurs ishining tuzilishi va hajmi. Kurs ishi. Kirish, ikki bob, besh paragraf, xulosa, foydalanilgan manba va adabiyotlar ro'yxati hamda ilovalardan iborat. Ishning umumiy hajmi ilovalar hisobga olinmaganda 34 betni tashkil etadi.