TIL VA TAFAKKUR
![TIL VA TAFAKKUR
Reja :
1. Til va tafakkurning o‘zaro munosabati muammosida muhim hamda
murakkab tomonlar.
2. Til va tafakkur aloqasi masalasiga ontologik va gnoseologik yondashuv.
3. So‘zlarning uch xil munosabati va tushuncha.
4. Gap va hukm munosabati.
5. I.Pavlovning ta’limoti va neyrolingvistika.
6. Ichki nutq va psixolingvistika.](/data/documents/163ead1a-011a-4504-9b3f-b80e3754bc9c/page_1.png)
![1. Til va tafakkurning o‘zaro munosabati . Tilni qaysi jihatdan
o‘rganishdan qat’iy nazar, mana bu xulosa ularning barchasi uchun umumiy
bo‘ladi: birinchidan, til tabiiy-biologik hodisa emas, ikkinchidan, tilning mavjud
bo‘lishi va uning taraqqiy etishi tabiat qonunlariga bog‘liq emas, uchinchidan, til
kishilarning tabiiy belgilariga (oq-qoraligi va boshqa irqiy belgilariga) bog‘liq
emas, to‘rtinchidan, faqat jamiyat bo‘lib uyushgan insonlargina aloqa vositasi
bo‘lgan tilga ega.
Til biror davrning, biror ijtimoiy-iqtisodiy jamiyatning mahsuli bo‘lmay,
balki butun jamiyat tarixi jarayonidagi bir qancha davrlarning mahsuli bo‘lib,
jamiyatdagi turli tabaqa vakillari uchun bab-baravar xizmat qiladi.
Ba’zi olimlarning fikricha odam paydo bo‘lgan vaqtdan boshlab til ham
paydo bo‘lgan. U avloddan-avlodga o‘tib, takomillashib bordi. Natijada insonning
gapirish qobiliyati odam ruhiga shuncha chuqur joylashdiki, u nasldan-naslga
o‘tish xususiyatiga ega bo‘ldi, har bir yangi tug‘ilgan go‘dak tilni yangidan
o‘rganmasdan, balki organizm balog‘atga etishi bilan uning til qobiliyati ham
taraqqiy etdi.
Til - material, nutq - faoliyatdir. Faoliyatning etakchi va yordamchi turlari
farqlanadi. Etakchi faoliyatning bajarilishi ong ishtirokida, yordamchi faoliyatning
bajarilishi ong ishtirokisiz amalga oshiriladi. Nutq paydo bo‘lishining boshlang‘ich
nuqtasi ruhiy, yakuniy nuqtasi jismoniydir, chunki u nutq organizimining harakati
natijasida paydo bo‘ladi. Ana shu ikki nuqta orasidagi jarayon psixologik
tilshunoslikni qiziqtiradigan masaladir. Bu quyidagi modelga to‘g‘ri keladi:
mazmun-matn.
Biror mazmunni nutq shakliga keltirishda birinchi bosqich xotiradagi so‘z
boyligidan zarur so‘zni tanlaydi, ikkinchi bosqich to‘g‘ri sintaktik qurilmani
aniqlaydi, uchinchisi - so‘zni kerakli morfologik shakllar bilan jihozlaydi.
Niyatning tug‘ilishi nutqqa kirmaydi. Niyat paydo bo‘lgandan keyin inson
uni amalga oshirishga harakat qiladi, shu maqsadda mazkur niyatning mazmuni
shakllantiriladi, bu jarayon ikki bosqichni ichiga oladi: birinchi bosqichda
matnning temasi va bu tema to‘g‘risida nima deyilishi, ya’ni rema aniqlanadi.](/data/documents/163ead1a-011a-4504-9b3f-b80e3754bc9c/page_2.png)
![Nutqning yaratilish modeli quyidagicha bo‘ladi: niyat (motiv) - chuqur
semantik bosqich - tashqi semantik bosqich - chuqur sintaktik bosqich - tashqi
sintaktik bosqich - chuqur morfologik bosqich - tashqi morfologik bosqich -
chuqur tovushlar bosqichi yoki fonologik bosqich va nihoyat fonetik bosqich.
Turli eksperimentlar yo‘li bilan zamonaviy psixologik tilshunoslik tavsiya
etgan model ana shu.
Til tafakkur bilan chambarchas bog‘liq bo‘lib, tilsiz fikrni ifodalash sira
mumkin bo‘lmaganidek, tafakkursiz til o‘z ifodasini shakllantira olmaydi. Har
qanday fikr so‘zlarda o‘z ifodasini topmaganicha, ya’ni so‘zlardan tarkib topgan
ifoda qolipga, ifoda shakliga tushmaguncha yuzaga chiqmaydi. Fikr tilda, ya’ni
so‘zlarda va so‘zlar birikishi orqaligina shakllanadi, tilda o‘z ifodasini topadi. Til
ham tafakkursiz mavjud bo‘la olmaydi.
Ammo bunda tafakkur bilan tilni aynan bir xil bir-biriga o‘xshash narsa deb
tushunish xatodir. Tafakkur tashqi moddiy olamning kishilar miyasida aks
etishining eng yuksak shaklidir.Til esa tafakkurni - fikrni ma’lum bir shaklga solib,
so‘zlar, so‘z birikmalari va jumlalar orqali ifodalaydi.
Til qonunlari bilan tafakkur qonunlari bir-biriga to‘g‘ri kelmaydi. SHuning
uchun ham til grammatikaning o‘rganish manbai bo‘lsa, tafakkur mantiq (logika)
ning manbaidir.
Bir-biri bilan chambarchas bog‘langan til va tafakkur birga taraqqiy qiladi.
Tilshunoslik tilning paydo bo‘lishi va rivojlanishi, til va tafakkur, til va
jamiyat o‘rtasidagi munosabatlar, tilning jamiyatdagi o‘rni, ichki tuzilishi – tilning
tasnifi, uni tahlil qilish usullari va shu kabi masalalarni o‘rganadigan fandir.
B. Metalingvistika. Bunda til va tafakkur, tilning mazmun tomoni, nutq
faoliyati, til birliklarining matn va sharoit bilan aloqasi o‘rganiladi.
Tilshunoslik birinchi navbatda falsafa bilan chambarchas bog‘liqdir, chunki
falsafa tilshunoslikning metodologiyasini belgilab beradi. Masalan, dialektika,
sinergetika, til va tafakkur haqidagi ta’limot tilshunoslikning metodologik
asoslarini tashkil etadi.](/data/documents/163ead1a-011a-4504-9b3f-b80e3754bc9c/page_3.png)
![Umumiy tilshunoslik – inson tilini ilmiy o‘rganadigan fan bo‘lib, uning
asosiy maqsadi tilshunoslik fanining predmeti va vazifalari, tilning mohiyati,
tilning tuzilishi, til va nutq, til va tafakkur, tildagi belgilar tizimi, til va jamiyat, til
taraqqiyoti, tilshunoslik maktablari va yo‘nalishlari, tillarni ilmiy tadqiq etish
usullari haqida ma’lumot berishdan iborat. SHu jarayonda tilning tipologik
belgilari aniqlanadi.
Tilning nazariy masalalari. Til va nutq. Til va tafakkur. Tildagi belgining
tabiati haqida. Mantiqiy va grammatik kategoriyalar. Til va jamiyat. Tilda shakl va
mazmun.
Ibn Sinoning til haqidagi ta’limoti mantiqiy nuqtai nazarga asoslanadi.
Uningcha, fikr belgisi haqidagi ta’limot til haqidagi ta’limotdir (1:126). U tilni
tabiiy va sun’iy tillarga bo‘ladi. Tabiiy til tafakkur belgisi sifatida Ibn Sino
tomonidan har tomonlama o‘rganilgan. Ibn Sino ta’kidlashicha, fikr va nutq, til va
tafakkur o‘rtasida doimiy aloqa mavjud.
Til bilan tafakkurning o‘zaro munosabati, birligi haqidagi masala falsafa
tarixida ham, umumiy tilshunoslik tarixida ham eng muhim muammolardan
hisoblanib keldi va kelmoqda. Til va tafakkurning o‘zaro munosabatini puxta bilish
uchun dialektika qonuniyatlarini, til bilan jamiyat o‘rtasidagi aloqani puxta
o‘rganish lozim bo‘ladi.
Til tafakkur bilan mustahkam bog‘liq bo‘lib, fikrni moddiylashtiradigan,
kishilarning fikr almashishlarini ta’minlab beradigan quroldir. SHu jihatdan til va
tafakkurni bir-biridan ajratib bo‘lmaydigan dialektik birlik deb qarash lozim.
Til va tafakkur masalalari nihoyat darajada murakkab jarayon bo‘lib, u
tilshunoslikdan tashqari falsafa, mantiq, psixologiya, fiziologiya fanlari bilan
bevosita aloqadordir.
Til abstrakt, umumlashma tafakkurning amalga oshishi va mavjud bo‘lishi
uchun asosiy vositadir.
Til va tafakkur dialektik aloqada, dialektik birlikdadir. Bu shakl va mazmun
munosabatiga ham aloqador. Mazmun qanchalik chuqur va to‘g‘ri bo‘lsa, shakl](/data/documents/163ead1a-011a-4504-9b3f-b80e3754bc9c/page_4.png)
![shunchalik ixcham bo‘ladi. Mazmun qanchalik hayotiy bo‘lsa, shakl shuncha aniq
bo‘ladi. Mazmun qanchalik aktual bo‘lsa, shakl shunchalik tushunarli bo‘ladi.
Umumiylik tafakkurning o‘ziga xos belgilaridan biri hisoblanadi. Bu
umumiylik buyum va hodisalar turlarining muhim belgilariga, mohiyatiga
asoslanadi. Ana shunday umumlashtirish xususiyati tilda ham, so‘zda ham mavjud.
Grammatik kategoriya bilan mantiqiy kategoriya orasidagi munosabat ham
murakkabdir. Grammatik kategoriyalarni mantiqiy kategoriyalarga, mantiqiy
kategoriyalarni grammatik kategoriyalarga bo‘ysundirish yoki ularni qorishtirish
mumkin emas. Mantiqiy kategoriyalar til vositalari orqali ifodalangan grammatik
kategoriyaga aylanadi.
Demak, bu hodisalar o‘zaro bog‘liq, lekin ular bir-biriga teng emas, ulardan
har birining maxsus xususiyatlari va farqlari bor. Gapni o‘rganar ekanmiz, uni fikr
bilan bog‘lab tekshiramiz. Til va tafakkur dialektik birlikdadir. Tilni tushuncha
bilan bog‘lab tekshirish, tilning o‘z xususiyatlarini tashlab, uning qonunlarini to‘la
ravishda tafakkur qonunlari bilan o‘lchash, ularni tenglashtirish emas.
Til bilan tafakkur, gap bilan mantiqiy hukm to‘la teng kelmaydi.
«Grammatik gap mantiqiy hukm bilan butunlay teng va parallel emas»
(A.A.Potebnya).
Hukm tafakkurning borliqni bilish shakllaridan bo‘lib, unda predmet, hodisa
kabilarning belgilari tasdiq yo inkor yo‘li bilan ifodalanadi: Kaklik-parranda.
Osmon tiniq . Havo sovuq emas .
2.Til konsepsiyasini tasniflaganda ontologik va gnoseologik xususiyatlari
asosida yondashish maqsadga muvofiqdir.
Gnoseologik (borliq, dunyoni bilish) nazariyaga asosan tilni tafakkur
qonunlaridan kelib chiqib o‘rganish. Til tafakkurning turli shakllarini anglash asosi
yoki bazasidir.
Ontologik (olam, inson va jamiyatning ob’ektiv, universal mohiyati)
nazariyaga ko‘ra til boshqa ob’ektlar orasida alohida va o‘zgacha ob’ekt bo‘lib, u
o‘zining strukturasi va o‘ziga xos evolyusion qonunlari bilan xarakterlanadi.](/data/documents/163ead1a-011a-4504-9b3f-b80e3754bc9c/page_5.png)
![Til konsepsiyasi gnoseologik va ontologik mazmuniga ko‘ra tasniflash
asosida tilni ta’riflashning ikki ustivor tomoni mavjud: birinchidan, u o‘ta nazariy
ahamiyatga ega, ikkinchidan, til materialini bir butun alohida izohlash imkonini
yaratadi. Tilning gnoseologik konsepsiyasiga ko‘ra, uni ikki tipga ajratish
mumkin: 1) qurol, vosita («til-fikrlash quroli», «til-bilish quroli», «til aloqa
quroli», «til ijod quroli», «til kurash quroli»); 2) aks ettirish yoki dunyoqarash
vositasi («til-tafakkurni aks ettirish», «til-milliy o‘z-o‘zini anglash va milliy ruhni
aks ettirish», «til-sinfiy dunyoqarashni aks ettirish», «til-borliqni aks ettirish»).
Evropada falsafiy va ilmiy fikrning taraqqiyoti natijasida birinchi bo‘lib
tilning qurol, vosita konsepsiyasi paydo bo‘ldi. Ushbu konsepsiyadan kelib chiqib,
til tafakkur va borliq (shunga monand so‘z, tushuncha va hukm, narsa) bir-biridan
ajralmagan holda qaraldi. Natijada materialistik, idealistik yoki dualistik qarashlar
paydo bo‘ldi. SHu jarayonda «til-tafakkur» («so‘z-tushuncha», «gap-hukm»)
birliklari tilning mantiqqa, mantiqning tilga o‘tishi holati bilan talqin etilgan. Til
birliklari mantiqiy birliklarga mos kelmagan holatlarda ular ritorika va poetika
doirasiga kiritilgan. Ular grammatik san’at sifatida qaralgan. Til va tafakkurning,
aniqrog‘i til, me’yor hamda mantiqning bir-biriga mos tushish holatini Aristotel va
stoiklar bayon etgan. Vizantiyalik olimlar Aristotelning mantiqiy asarlariga
«organon» (organon grekcha bo‘lib, u qurol, vosita, asbob demak) deb nom
berganlar. Arestotelning asarlari haqiqatni bilish qurolidir.
Gnoseologik muammo bilan shug‘ullanuvchi olimlarning diqqat markazida
til va mantiqning o‘zaro munosabati masalasi turadi. Ilmiy tadqiqotning
metodologiyasiga bog‘liq holda til kategoriyasi va mantiq kategoriyalari o‘zaro
chog‘ishtiriladi, tenglashtiriladi yoki qarama-qarshi qo‘yiladi.
Til va tafakkurning aloqasi masalasiga gnoseologik asosda yondashuv so‘z
va tushuncha, gap va hukm haqida ilmiy izlanish olib borishga sabab bo‘ldi.
3. So‘zlarning uch xil munosabati va tushuncha. Tillardagi barcha so‘zlar
uch xil munosabatga kirisha oladi:
1. So‘zning o‘zi anglatgan predmet va hodisaga;](/data/documents/163ead1a-011a-4504-9b3f-b80e3754bc9c/page_6.png)
![2. So‘zning inson fikriga, hissiyotiga, xohish-istaklariga;
3. So‘zning boshqa so‘zlarga nisbatan munosabati.
So‘zning o‘zi anglatgan narsa va hodisalarga munosabati tushuncha bilan
uzviy bog‘langan.
So‘zning fizik qiyofasi bilan u anglatgan narsaning fizik qiyofasi o‘rtasidagi
bog‘lanish birligini ma’no deb ataydilar. So‘z o‘zining ma’nosi tufayli narsa va
hodisalarni atay oladi, tushunchani anglatadi, vaholanki, predmet ham, tushuncha
ham o‘z-o‘zicha so‘zning ma’nosini tashkil etmaydi. So‘z ma’nosining predmetga
bo‘lgan munosabati denotativ munosabat deyiladi. Demak, ma’no borliqdagi
predmetni aks ettiradi, so‘zning moddiy tomoni esa predmetning ishorasi bo‘lib
xizmat qiladi. Ma’noning tushunchaga munosabati signifikativ munosabatni tashkil
etadi. Uning mohiyati shundaki, ma’no asosida tushuncha shakllanadi, so‘zning
moddiy qobig‘i orqali tushuncha aks ettiriladi, ifodalanadi.
Bir ma’no (so‘z)ning boshqa ma’no(so‘z)ga munosabati struktural
munosabat deyiladi. Bunday munosabat tufayli, so‘zlar tiplarga, guruhlarga
ajraladi.
So‘zlar tildagi vazifasini denotativ, signifikativ va grammatik
munosabatlarga kirishib bajaradi. So‘zning denotativ vazifasi esa tushunchaning
shakllanishi va ifodalanishini ta’minlaydi, grammatik vazifa so‘z boyligining turli
ma’no guruhlarini hosil qiladi.
So‘zning moddiy tomoni (qobig‘i) tushunchani aks ettiradi va u
tushunchaning ishorasi deb qaraladi.
So‘zning moddiy qobig‘i tushunchaning ishorasi, so‘zning ma’nosi esa
tushunchaning shakllanish asosidir: tushuncha so‘z yordamida va uning asosida
paydo bo‘ladi.
So‘zlarning leksik ma’nosi to‘g‘risida gap borganda, dastlab ularning tildagi
ma’nolari bilan nutqdagi ma’nolarini farqlash zarur. So‘zlarning aniq, muayyan
ma’nolari faqat nutqda aniq bo‘ladi. So‘z jamiyat a’zolari o‘rtasida bir xil
tushuniladi yoki umumiy tushunchaga ega bo‘ladi. Tushuncha ayrim predmet va](/data/documents/163ead1a-011a-4504-9b3f-b80e3754bc9c/page_7.png)
![uning xossalarini umumlashtiradi, predmetning umumiy belgi va xususiyatlarini
ko‘zda tutadi.
Inson tushunchalari harakatsiz emas, balki abadiy harakatda bo‘lib, bir-
biriga o‘tib turadi, biri ikkinchisiga qo‘shilib turadi, busiz ular hayotni aks
ettirmaydi.
4. Gap va hukm munosabati munozarali masalalardan biri ekanligini
hisobga olib, V.Z.Panfilov birinchilardan bo‘lib grammatika va mantiqning muhim
masalalarini, tafakkur va tilning shakllanishi va taraqqiyotini inson mehnat
faoliyati bilan birgalikda yoritdi.
Til va tafakkurning aloqasi masalasiga gnoseologik asosda yondashuv so‘z
va tushuncha, gap va hukm haqida ilmiy izlanish olib borishga sabab bo‘ldi.
Har bir gap real borliqning aks ettirish jarayoni bilan bog‘liqdir. Gap, keng
ma’noda esa til tushuncha bilan chambarchas bog‘liq, u inson fikrining ifodalanish
shaklidir. Gapda fikr, shuningdek, so‘zlovchining shu fikrga, ob’ektiv voqelikka
munosabati ham ifodalanadi. Fikr gap, nutq yordamida yuzaga keladi.
Demak, bu hodisalar o‘zaro bog‘liq, lekin ular bir-biriga teng emas, ulardan
har birining maxsus xususiyatlari va farqlari bor. Gapni o‘rganar ekanmiz, uni fikr
bilan bog‘lab tekshiramiz. Til va tafakkur dialektik birlikdadir. Tilni tushuncha
bilan bog‘lab tekshirish, tilning o‘z xususiyatlarini tashlab, uning qonunlarini to‘la
ravishda tafakkur qonunlari bilan o‘lchash, ularni tenglashtirish emas.
Til bilan tafakkur, gap bilan mantiqiy hukm to‘la teng kelmaydi.
«Grammatik gap mantiqiy hukm bilan butunlay teng va parallel emas»
(A.A.Potebnya).
Hukm tafakkurning borliqni bilish shakllaridan bo‘lib, unda predmet, hodisa
kabilarning belgilari tasdiq yo inkor yo‘li bilan ifodalanadi: Kaklik-parranda.
Osmon tiniq . Havo sovuq emas .
Belgining predmetda borligi yoki yo‘qligini, unga xosligi yoki xos
emasligini tasdiqlash yoki inkor qilish bilan predmetlarning o‘xshashligi yoki farqi
ko‘rsatiladi. Fikrning hukmdan tashqari so‘rash va undash shakllari ham mavjud.](/data/documents/163ead1a-011a-4504-9b3f-b80e3754bc9c/page_8.png)
![Tafakkur sub’ektning faoliyati bo‘lishi bilan birga, borliqning - predmet,
hodisa va boshqalarning in’ikosidir, obrazidir. Borliqning bu in’ikosi til orqali,
uning bir parchasi - gap orqali ifodalanadi.
Til bilan tafakkur, grammatika bilan mantiq bir-biriga bog‘liq, lekin ularning
har biri o‘z xususiyatlariga ega. Mantiqiy va grammatik kategoriyalar bir-biri bilan
aloqador, lekin ular doim bir-biriga mos kela bermaydi.
Hukm mantiqiy kategoriya bo‘lib, uning ifodalanish shakli gapdir. Lekin
gapni hukm bilan tenglashtirib bo‘lmaydi.
Tasdiq va inkor hukmning zarur belgisidir : U semiz . Temir-metall .
Hukmning ifodasini darak gaplarda ko‘ramiz. Gapning so‘roq, buyruq kabi
turlarida bunday bevosita ifodalanish aniq ko‘rinmaydi.
Til va tafakkurning eng muhim elementi ichki nutq hisoblanadi. Ichki nutq
inson ongi va aqliy faoliyatining asosiy, universal qurolidir, unda fikr va til
birgalikda tafakkurning nutq mexanizmini harakatga keltiradi. Ichki nutq inson
ongining muhim omillaridan biridir.
Inson tafakkurining mexanizmi ikki qarama-qarshi dinamik zveno – nutq
harakati va predmet tasviri shaklida ichki nutq eksperimental tadqiqotining
ob’ektiga aylanadi.
5. I.Pavlovning ta’limoti va neyrolingvistika.
I.P.Pavlov ob’ektiv borliq va sezgi organlari to‘g‘risida gapirib, ikkinchi
signal sistemasi haqida ta’limot yaratdi.
Til sitemasining asosiy komponentlari ong, fikr, tafakkur, miya faoliyati
bilan, miyaning funksional hosil bo‘lish o‘rni bilan bog‘liq. Bu jarayon
neyrolingvistikaga suyanib ish ko‘radi. Neyrolingvistika – tilshunoslikning eng
yangi sohasi sifatida ma’lum bo‘lib, u miyadagi neyronlarning tilni hosil qilishdagi
xizmatini o‘rganuvchi sohadir.
Tashqi dunyoning kishiga ta’siri uning miyasida gavdalanadi. SHuning
uchun ham kishilar tabiatdagi voqealar, hodisalar haqida ma’lum bir tafakkurga](/data/documents/163ead1a-011a-4504-9b3f-b80e3754bc9c/page_9.png)
![ega bo‘lar ekanlar, uni faqat til orqali ro‘yobga chiqaradilar va bu haqda boshqalar
bilan aloqa bog‘laydilar, fikrlashadilar.
6. Ichki nutq va psixolingvistika. Inson tafakkurining mexanizmi ikki
qarama-qarshi dinamik zveno – nutq harakati va predmet tasviri shaklida ichki
nutq eksperimental tadqiqotining ob’ektiga aylanadi.
Ichki nutqni tekshirish jarayonida tilshunoslik bilan psixologiya fanlarini
bir-biriga uzviy bog‘laydigan yangi fan – psixolingvistika paydo bo‘ldi.
Inson ma’lum tajriba va qoidalar yordamida cheksiz miqdorda yangidan-
yangi jumlalarni yaratish qobiliyatiga ega. Psixolingvistika fanining asosiy
maqsadlaridan biri ana shu qobiliyatning tabiatini va rivojlanish qonuniyatlarini
ilmiy o‘rganishdir. SHuningdek, bu fan tilning real psixik birligi muammosi, nutq
hosil qilish modeli: nutq madaniyati, nutq patologiyasi, fikr va nutq o‘rtasidagi
o‘zaro munosabat, nutq genezisi yoki nutqning paydo bo‘lishi kabilarni o‘rganadi.
Til va tafakkurning bir-biri bilan bog‘liqligi fikrning til orqali
ifodalanishidangina iborat emas. Tafakkurning o‘zi til bazasida tug‘iladi, fikr tilsiz
yashamaydi. Bundan tilning tafakkur bilan, gapning fikr bilan o‘zaro bog‘liqligi
anglashiladi.
Ichki nutqni tekshirish jarayonida tilshunoslik bilan psixologiya fanlarini
bir-biriga uzviy bog‘laydigan yangi fan – psixolingvistika paydo bo‘ldi.
Xullas, fikr va tilda voqeiy turmush, hayot namoyon bo‘ladi. Tafakkur
shakllari tilda ifodalanadi.](/data/documents/163ead1a-011a-4504-9b3f-b80e3754bc9c/page_10.png)
![Foydalanilgan adabiyotlar
1. Mirziyoev Sh. Buyuk kelajagimizni m ard va olijanob xalqimiz bilan
birga quramiz. – T oshkent : O‘zbekiston . 2017.
2.Mirziyoev Sh. Qonun ustuvorligi va inson manfaatlarini ta’minlash –
yurt taraqqiyoti va xalq farovonligining garovi. – Toshkent: O‘zbekiston,
2017.
3. Abduazizov A.Tilshunoslik nazariyasiga kirish. -Toshkent, 2010.
4. Ирисқулов И.Тилшуносликка кириш. -Тошкент, 2009.
5. Rasulov R.Umumiy tilshunoslik. - Т oshkent, 2013.
6. Тилшунослик назарияси ва методологияси. Тузувчи: Ҳ.
Дадабоев. –Тошкент, 2004.
7. Х olmanova Z. Tilshunoslikka kirish. -Toshkent, 2007.](/data/documents/163ead1a-011a-4504-9b3f-b80e3754bc9c/page_11.png)
TIL VA TAFAKKUR Reja : 1. Til va tafakkurning o‘zaro munosabati muammosida muhim hamda murakkab tomonlar. 2. Til va tafakkur aloqasi masalasiga ontologik va gnoseologik yondashuv. 3. So‘zlarning uch xil munosabati va tushuncha. 4. Gap va hukm munosabati. 5. I.Pavlovning ta’limoti va neyrolingvistika. 6. Ichki nutq va psixolingvistika.
1. Til va tafakkurning o‘zaro munosabati . Tilni qaysi jihatdan o‘rganishdan qat’iy nazar, mana bu xulosa ularning barchasi uchun umumiy bo‘ladi: birinchidan, til tabiiy-biologik hodisa emas, ikkinchidan, tilning mavjud bo‘lishi va uning taraqqiy etishi tabiat qonunlariga bog‘liq emas, uchinchidan, til kishilarning tabiiy belgilariga (oq-qoraligi va boshqa irqiy belgilariga) bog‘liq emas, to‘rtinchidan, faqat jamiyat bo‘lib uyushgan insonlargina aloqa vositasi bo‘lgan tilga ega. Til biror davrning, biror ijtimoiy-iqtisodiy jamiyatning mahsuli bo‘lmay, balki butun jamiyat tarixi jarayonidagi bir qancha davrlarning mahsuli bo‘lib, jamiyatdagi turli tabaqa vakillari uchun bab-baravar xizmat qiladi. Ba’zi olimlarning fikricha odam paydo bo‘lgan vaqtdan boshlab til ham paydo bo‘lgan. U avloddan-avlodga o‘tib, takomillashib bordi. Natijada insonning gapirish qobiliyati odam ruhiga shuncha chuqur joylashdiki, u nasldan-naslga o‘tish xususiyatiga ega bo‘ldi, har bir yangi tug‘ilgan go‘dak tilni yangidan o‘rganmasdan, balki organizm balog‘atga etishi bilan uning til qobiliyati ham taraqqiy etdi. Til - material, nutq - faoliyatdir. Faoliyatning etakchi va yordamchi turlari farqlanadi. Etakchi faoliyatning bajarilishi ong ishtirokida, yordamchi faoliyatning bajarilishi ong ishtirokisiz amalga oshiriladi. Nutq paydo bo‘lishining boshlang‘ich nuqtasi ruhiy, yakuniy nuqtasi jismoniydir, chunki u nutq organizimining harakati natijasida paydo bo‘ladi. Ana shu ikki nuqta orasidagi jarayon psixologik tilshunoslikni qiziqtiradigan masaladir. Bu quyidagi modelga to‘g‘ri keladi: mazmun-matn. Biror mazmunni nutq shakliga keltirishda birinchi bosqich xotiradagi so‘z boyligidan zarur so‘zni tanlaydi, ikkinchi bosqich to‘g‘ri sintaktik qurilmani aniqlaydi, uchinchisi - so‘zni kerakli morfologik shakllar bilan jihozlaydi. Niyatning tug‘ilishi nutqqa kirmaydi. Niyat paydo bo‘lgandan keyin inson uni amalga oshirishga harakat qiladi, shu maqsadda mazkur niyatning mazmuni shakllantiriladi, bu jarayon ikki bosqichni ichiga oladi: birinchi bosqichda matnning temasi va bu tema to‘g‘risida nima deyilishi, ya’ni rema aniqlanadi.
Nutqning yaratilish modeli quyidagicha bo‘ladi: niyat (motiv) - chuqur semantik bosqich - tashqi semantik bosqich - chuqur sintaktik bosqich - tashqi sintaktik bosqich - chuqur morfologik bosqich - tashqi morfologik bosqich - chuqur tovushlar bosqichi yoki fonologik bosqich va nihoyat fonetik bosqich. Turli eksperimentlar yo‘li bilan zamonaviy psixologik tilshunoslik tavsiya etgan model ana shu. Til tafakkur bilan chambarchas bog‘liq bo‘lib, tilsiz fikrni ifodalash sira mumkin bo‘lmaganidek, tafakkursiz til o‘z ifodasini shakllantira olmaydi. Har qanday fikr so‘zlarda o‘z ifodasini topmaganicha, ya’ni so‘zlardan tarkib topgan ifoda qolipga, ifoda shakliga tushmaguncha yuzaga chiqmaydi. Fikr tilda, ya’ni so‘zlarda va so‘zlar birikishi orqaligina shakllanadi, tilda o‘z ifodasini topadi. Til ham tafakkursiz mavjud bo‘la olmaydi. Ammo bunda tafakkur bilan tilni aynan bir xil bir-biriga o‘xshash narsa deb tushunish xatodir. Tafakkur tashqi moddiy olamning kishilar miyasida aks etishining eng yuksak shaklidir.Til esa tafakkurni - fikrni ma’lum bir shaklga solib, so‘zlar, so‘z birikmalari va jumlalar orqali ifodalaydi. Til qonunlari bilan tafakkur qonunlari bir-biriga to‘g‘ri kelmaydi. SHuning uchun ham til grammatikaning o‘rganish manbai bo‘lsa, tafakkur mantiq (logika) ning manbaidir. Bir-biri bilan chambarchas bog‘langan til va tafakkur birga taraqqiy qiladi. Tilshunoslik tilning paydo bo‘lishi va rivojlanishi, til va tafakkur, til va jamiyat o‘rtasidagi munosabatlar, tilning jamiyatdagi o‘rni, ichki tuzilishi – tilning tasnifi, uni tahlil qilish usullari va shu kabi masalalarni o‘rganadigan fandir. B. Metalingvistika. Bunda til va tafakkur, tilning mazmun tomoni, nutq faoliyati, til birliklarining matn va sharoit bilan aloqasi o‘rganiladi. Tilshunoslik birinchi navbatda falsafa bilan chambarchas bog‘liqdir, chunki falsafa tilshunoslikning metodologiyasini belgilab beradi. Masalan, dialektika, sinergetika, til va tafakkur haqidagi ta’limot tilshunoslikning metodologik asoslarini tashkil etadi.
Umumiy tilshunoslik – inson tilini ilmiy o‘rganadigan fan bo‘lib, uning asosiy maqsadi tilshunoslik fanining predmeti va vazifalari, tilning mohiyati, tilning tuzilishi, til va nutq, til va tafakkur, tildagi belgilar tizimi, til va jamiyat, til taraqqiyoti, tilshunoslik maktablari va yo‘nalishlari, tillarni ilmiy tadqiq etish usullari haqida ma’lumot berishdan iborat. SHu jarayonda tilning tipologik belgilari aniqlanadi. Tilning nazariy masalalari. Til va nutq. Til va tafakkur. Tildagi belgining tabiati haqida. Mantiqiy va grammatik kategoriyalar. Til va jamiyat. Tilda shakl va mazmun. Ibn Sinoning til haqidagi ta’limoti mantiqiy nuqtai nazarga asoslanadi. Uningcha, fikr belgisi haqidagi ta’limot til haqidagi ta’limotdir (1:126). U tilni tabiiy va sun’iy tillarga bo‘ladi. Tabiiy til tafakkur belgisi sifatida Ibn Sino tomonidan har tomonlama o‘rganilgan. Ibn Sino ta’kidlashicha, fikr va nutq, til va tafakkur o‘rtasida doimiy aloqa mavjud. Til bilan tafakkurning o‘zaro munosabati, birligi haqidagi masala falsafa tarixida ham, umumiy tilshunoslik tarixida ham eng muhim muammolardan hisoblanib keldi va kelmoqda. Til va tafakkurning o‘zaro munosabatini puxta bilish uchun dialektika qonuniyatlarini, til bilan jamiyat o‘rtasidagi aloqani puxta o‘rganish lozim bo‘ladi. Til tafakkur bilan mustahkam bog‘liq bo‘lib, fikrni moddiylashtiradigan, kishilarning fikr almashishlarini ta’minlab beradigan quroldir. SHu jihatdan til va tafakkurni bir-biridan ajratib bo‘lmaydigan dialektik birlik deb qarash lozim. Til va tafakkur masalalari nihoyat darajada murakkab jarayon bo‘lib, u tilshunoslikdan tashqari falsafa, mantiq, psixologiya, fiziologiya fanlari bilan bevosita aloqadordir. Til abstrakt, umumlashma tafakkurning amalga oshishi va mavjud bo‘lishi uchun asosiy vositadir. Til va tafakkur dialektik aloqada, dialektik birlikdadir. Bu shakl va mazmun munosabatiga ham aloqador. Mazmun qanchalik chuqur va to‘g‘ri bo‘lsa, shakl
shunchalik ixcham bo‘ladi. Mazmun qanchalik hayotiy bo‘lsa, shakl shuncha aniq bo‘ladi. Mazmun qanchalik aktual bo‘lsa, shakl shunchalik tushunarli bo‘ladi. Umumiylik tafakkurning o‘ziga xos belgilaridan biri hisoblanadi. Bu umumiylik buyum va hodisalar turlarining muhim belgilariga, mohiyatiga asoslanadi. Ana shunday umumlashtirish xususiyati tilda ham, so‘zda ham mavjud. Grammatik kategoriya bilan mantiqiy kategoriya orasidagi munosabat ham murakkabdir. Grammatik kategoriyalarni mantiqiy kategoriyalarga, mantiqiy kategoriyalarni grammatik kategoriyalarga bo‘ysundirish yoki ularni qorishtirish mumkin emas. Mantiqiy kategoriyalar til vositalari orqali ifodalangan grammatik kategoriyaga aylanadi. Demak, bu hodisalar o‘zaro bog‘liq, lekin ular bir-biriga teng emas, ulardan har birining maxsus xususiyatlari va farqlari bor. Gapni o‘rganar ekanmiz, uni fikr bilan bog‘lab tekshiramiz. Til va tafakkur dialektik birlikdadir. Tilni tushuncha bilan bog‘lab tekshirish, tilning o‘z xususiyatlarini tashlab, uning qonunlarini to‘la ravishda tafakkur qonunlari bilan o‘lchash, ularni tenglashtirish emas. Til bilan tafakkur, gap bilan mantiqiy hukm to‘la teng kelmaydi. «Grammatik gap mantiqiy hukm bilan butunlay teng va parallel emas» (A.A.Potebnya). Hukm tafakkurning borliqni bilish shakllaridan bo‘lib, unda predmet, hodisa kabilarning belgilari tasdiq yo inkor yo‘li bilan ifodalanadi: Kaklik-parranda. Osmon tiniq . Havo sovuq emas . 2.Til konsepsiyasini tasniflaganda ontologik va gnoseologik xususiyatlari asosida yondashish maqsadga muvofiqdir. Gnoseologik (borliq, dunyoni bilish) nazariyaga asosan tilni tafakkur qonunlaridan kelib chiqib o‘rganish. Til tafakkurning turli shakllarini anglash asosi yoki bazasidir. Ontologik (olam, inson va jamiyatning ob’ektiv, universal mohiyati) nazariyaga ko‘ra til boshqa ob’ektlar orasida alohida va o‘zgacha ob’ekt bo‘lib, u o‘zining strukturasi va o‘ziga xos evolyusion qonunlari bilan xarakterlanadi.