iSpring dasturini o’rnatish, sozlash va dastur oynasi bilan tanishish

Reja:  1. Kirish.  2. Adabiyotlar tahlili va metadologiya.  3. Natijalar.  4. Xulosa.  5. Adabiyotlar

Kirish  Har qanday jamiyat uchun yuqori bilimga ega bo‘lgan malakali kadrlarni yetishtirish eng muhim vazifalardan biri bo’lib kelgan. Ayniqsa texnologiyalar rivojlangan asrimizda pedagogik kadrlardan axborot texnologiyalardan foydalanib ta’limni tashkil etish dolzarb masala bo’lib qolmoqda. Prezident Shavkat Mirziyoev ilm-ma’rifat va texnologiyalar rivojiga alohida ahamiyat qaratib: “Taraqqiyotga erishish uchun, raqamli bilimlar va zamonaviy axborot texnologiyalarini egallashimiz zarur va shart. Bu bizga yuksalishning eng qisqa yo‘lidan borish imkoniyatini beradi” deb ta’kidlagan edi. Darhaqiqat ta’lim tizimining kelajagini raqamli texnologiyalarsiz rivojlantirib bo’lmaydi. 2020-yilni “Ilm, ma’rifat va raqamli iqtisodiyotni rivojlantirish yili” deb elon qilinishi ham bejiz emas.  Ayrim o‘rta umumta’lim maktablarida tasviriy san’at fanini o‘qitishda ham axborot texnologiyalar qo‘llanilib kelinadi. Afsuski, bu jarayon o’quvchilarning ta’lim olishida emas o’qituvchilarning xujjatlarini rasmiylashtirilishi hamda o’quvchilarga dars jarayonida video materiallar ko’rsatish uchungina xizmat qilmoqda. Mustaqil ta’lim olish kompetensiyalarini takomillashtirish shuningdek, auditoriya va sinfda o‘tiladigan mashg‘ulotlar o’quvchi -yoshlarning yetuk ijodkor bo‘lib voyaga yetishishlarida yetarli emasligini e’tiborga olib, ularni ko‘proq mustaqil ta’lim olishi, mustaqil ijod qilishiga o‘rgatish muhimdir.

Adabiyotlar tahlili va metadologiya  Ushbu masalalarni hal etishda biz o‘z tajribamizdan kelib chiqib quyida iSpring dasturiy ta’minotida tasviriy san’at fanidan interaktiv test tuzish, uning afzalliklari hamda undan kutiladigan natijalar haqidagi ma’lumotlarni taqdim qilmoqchimiz.  Elektron axborot ta’lim resurslarini yaratishda keng ishlatilib kelinayotgan dasturiy ta’minotlardan biri iSpring dasturi hisoblanadi [http:// www. ispringsolutions. com]. iSpring dasturida test tuzishni bayon etishdan oldin, elektron axborot ta’lim resurslariga nimalar kirishini ko‘rsatib o‘taylik. Elektron axborot ta’lim resurslariga fan bo‘yicha yaratilgan elektron darslik, o‘quv qo‘llanma, metodik ko‘rsatmalar, multimediyali vositalar, ma’lumotnomalar, lug‘atlar, gipermatnlar, elektron testlar va topshiriqlar hamda shunga o‘xshash o’quvchining mustaqil bilim olishini ta’minlovchi, o‘rganishga qiziqish uyg‘otuvchi resurslar kiradi.  Yuqorida keltirilgan resurslarga qo‘shimcha sifatida pedagogik dasturiy vositalar, video va audio ma’ruzalar, virtual laboratoriya stendlari, intreaktiv plakatlarni kiritish mumkin.

Natijalar  Interaktiv testlarni iSpring QuizMaker dasturi yordamida tuzish uchun kompyuterga iSpring Suite dasturi bilan Adobe Flash (operatsion tizim razryadiga ko‘ra 32 va 64 bitli) dasturi o‘rnatilishi talab etiladi. Dastur o‘rnatib bo‘lingach Пуск menyusidan Все программы bo‘limida iSpring Suite tanlanadi va natijada 1-rasmdagi oyna paydo bo‘ladi. Test bo‘limiga kirib новый тест bo‘limi tanlanadi.