Mustaqillik yillarida muzeylar istiqbolining shart- sharoitlari
![Mustaqillik yillarida muzeylar istiqbolining shart- sharoitlari
Reja:
1. Muzeylarda zamonaviy texnologiyalarning qo‘llanilishi.
2.Muzey marketingi va menejmenti.](/data/documents/887c3183-f526-46e0-96d5-155c6ccebb7c/page_1.png)
![1.Muzeylarda zamonaviy texnologiyalarning qo‘llanilishi. Hozirgi zamon
muzeylari madaniy-tarixiy va tabiiy ilmiy qadriyatlarni mushohada qilishga
mo‘ljallangan ijtimoiy axborot institutini o‘zida namoyon etadi. Ular muzey
ashyolarini axborot vositasida muhofaza qilish, to‘plash va tarqatish, jamiyatning
ma’naviy ehtiyojlarini qondirish uchun xizmat qiladigan, ixtisoslashtirilgan
madaniy-ma’rifiy muassasalar hisoblanadi. Muzeylar nafaqat tabiat hamda
jamiyatning noyob va xilma-xil ashyolari xazinasi, balki muhim ilmiy, ma’rifiy-
tarbiyaviy markazlari hamdir.
Mustaqillik yillari respublikada tarixiy ixtisoslikdagi qator muzeylar ochildi.
O‘zbekiston o‘z fuqarolari, xususan yoshlarning o‘tmish tarixining ijobiy voqealari
bo‘yicha bilimlarini ko‘paytirish, ularda vatanparvarlik, Ona Vatanga mehr-
muhabbat tuyg‘ularini kamol toptirishga katta ahamiyat bermoqda. Zero,
O‘zbekiston Respublikasi Prezidenti Islom Karimov ta’kidlaganidek, bu tabarruk
tuyg‘u yo‘lchi yulduz, ishonchli kompas bo‘lib xizmat qiladi. Tarixni bilish
odamni ma’nan boy, kuchli va insonparvar qiladi. «Ma’naviylik, – deb haqli
ravishda ta’kidlaydi davlat rahbari, – o‘z xalqi tarixi, uning madaniyati va
maqsadlarini chuqur tushunishi va bilishiga tayanganida qudratli kuchga
aylanadi» 1
.
Ma’lumki, so‘nggi yillarda respublika poytaxti, viloyat va tuman
markazlarida tarixiy yo‘nalishdagi qator yangi muzeylar tashkil etildi, eskilari
ta’mirlandi, ekspozitsiyalari tubdan yangilanib, boyitildi. Zamonaviy muzeylar
mazmuni, asrlar davomida ijtimoiy axborotni to‘plash va muhofaza qilish, muzey
ashyolari vositasida bilim, an’ana, tasavvur va hissiyotlarni o‘zlashtirish va yangi
avlodga uzatish muammolari e’tiborni o‘ziga jalb etmoqda. Ilmiy-nazariy jihatdan
hozirgi vaqtda muzeyshunoslikning o‘zi, bu noyob moddiy va ma’naviy
manbalarni yaratish vazifalarini aniq tasavvur etish uchun uni baholay olish va
tushunish, muzey ishi muammolarining ilmiy asoslangan yechimlarini ishlab
chiqishdan iboratdir.
Fanshunoslikka oid nazariy masala, atama, tushuncha va tamoyillar
1
Жабборов И.М. Раҳимова Д. Замонавий музейшуносликнинг долзарб муаммолари // Мозийдан садо. –
Тошкент, 2003. - №1. – Б. 2.](/data/documents/887c3183-f526-46e0-96d5-155c6ccebb7c/page_2.png)
![yechimsiz qolaveradi. Ularning yaratilishi esa keng qamrovli va chuqur ilmiy
tadqiqotlarga, rivojlangan mamlakatlarning boy tajribasiga asoslanmog‘i lozim.
Yuqoridagi fikrlardan xulosa qilinsa, respublikada muzeyshunoslik fanining
zamonaviy holatini talab darajasida deb bo‘lmaydi. Muzeyshunoslikning muzey
ashyolarini to‘plash, ularni tizimlashtirish, jamg‘armalarni boyitish, ashyo-
buyumlarni ta’mirlash, konservatsiya uslublarini yaratish masalalaridan tortib,
muzey ekspozitsiyalari eksponatlari, ularni bezash va namoyish etish usullari
sifatidagi tarixiy ashyolarni o‘rganishgacha bo‘lgan muammolar kompleksini
tadqiq etish bilan shug‘ullanuvchi predmetning o‘zini uslubiy va nazariy jihatdan
ishlab chiqish, ayniqsa oqsamoqda. Jamiyat rivojining zamonaviy bosqichdagi
ma’naviy ehtiyojlaridan kelib chiqib, muammoning gnesologik jihatlari va amaliy
vazifa hamda maqsadlarini asoslash, tabiiyki, birinchi darajada qonuniyatlarini
aniqlash, estetik did mezonlarini hisobga olib ekspozitsiyalarni yaratish va
namoyish etish chog‘ida tarixiy ashyo, hujjatlarning muayyan guruhlarini
tanlashda yaqqol tasavvur etilishi lozim 2
.
Shuni ta’kidlash lozimki, muzey ashyosi asliyat, ya’ni jamiyat yoki inson
faoliyatining muzey mohiyatiga javob beruvchi bevosita natijasi, yakuni deb
qaralishi shart. Bu ko‘proq muhim ahamiyatga molik hujjat yoki ashyolar
namoyish etiladigan tarixiy muzeylarga taalluqlidir. Xususan, O‘zbekiston tarixi
davlat muzeyi eksponatlarida ibtidoiy jamoa davridan tortib, hozirgi kungacha
bo‘lgan noyob hujjatli ashyolar asliyatda, juda bo‘lmaganda ularning nusxalari
qo‘yilgan. 1876 yil bunyod etilgan Toshkent xalq muzeyi negizida yaratilgan
ushbu muzeyning ulkan jamg‘armasi mavjud bo‘lib, unda keng qamrovli ilmiy
tadqiqot ishlari olib borilmoqda.
Muzeylardagi ilmiy tadqiqotlar natijalari kolleksiya, ekspozitsiyalarni
konservatsiyalash, ta’mirlash, saqlash, muhofaza qilish, tashrif buyuruvchilarga
xizmat ko‘rsatish, shuningdek, muzey faoliyatining boshqa turlari darajasini
aniqlaydi. Respublika tarixiy muzeylarida saqlanayotgan eng boy jamg‘arma
to‘plamlari: arxeologiya, etnografiya, numizmatika, moddiy va ma’naviy
2
Жабборов И.М. Раҳимова Д. Замонавий музейшуносликнинг долзарб муаммолари // Мозийдан садо. –
Тошкент, 2003. – №1. – Б. 2.](/data/documents/887c3183-f526-46e0-96d5-155c6ccebb7c/page_3.png)
![madaniyat tarixi, harbiy tarix, geraldika, epigrafika kabi fanlardagi tadqiqotlar
uchun ulkan baza hisoblanadi. Zero, tarixiy muzeylardagi ilmiy tadqiqot faoliyati
badiiy va axloqiy qiymatga ega yangi tarixiy ma’lumotlar olish manbai sifatida
muzey ashyolarini o‘rganish yo‘li bilan amalga oshiriladi.
Muzeylarning yana bir muhim jihati, ularning yirik tarixiy shaxslar yoki
voqea-hodisalarni o‘rganish uchun barcha ma’lumotlar mavjud bo‘lgan yagona
yoki asosiy markaz ekanligidir. Ularni o‘rganish ulkan ilmiy va g‘oyaviy-
tarbiyaviy ahamiyat kasb etadi. Muzey materiallarini monografiya, ilmiy asarlar
tarzida va ommaviy axborot vositalari orqali keng targ‘ib etish xalqimizning
tarixiy ongini boyitishga, ularda faxr va vatanparvarlik tuyg‘usini tarbiyalashda
yordam beradi. Afsuski, bugungi kunda bu sohadagi ishlarni talab darajasida deb
bo‘lmaydi. Fan va texnika taraqqiyoti ilg‘or yutuqlarining boshqa sohalar qatori
muzey ishiga ham kirib kelishi tabiiy hol bo‘libgina qolmasdan, hayotiy zaruriyat
hamdir.
Xususan, 1990 yillarda kompyuterlardan muzeyshunoslikda foydalanish,
soha ma’lumot tizimini shakllantirish axborotni to‘laqonli yetkazish
imkoniyatlarini kengaytirdi. Muzey muassasalari yagona tarmog‘ining yaratilishi
muzey fondlarini hujjatlashtirishda ko‘pgina qulayliklarni tug‘dirdi. Jumladan,
eksponatlarning tasviri raqamli fotokamera orqali bevosita kompyuterga
kiritilmoqda. Ularning tahlili va boshqa ma’lumotlar ilova qilinib, ehtiyoj
tug‘ilganida mutaxassislar tomonidan qo‘shimcha va tuzatishlar kiritiladi. Bu
tadbir muzey ishida doimiy harakatda bo‘lgan katalog va kartotekaning sifatini
keskin yaxshilashni ta’minlaydi 3
.
Internet tarmog‘ining joriy tizimi esa mazkur jarayonni xalqaro miqyosda
faollashtirib yubordi. Endilikda undagi «Muzeylar», «Madaniyat» bo‘limlariga
kirib, dunyoning xohlagan muzeyini «tomosha» qilish, muzeylar haqida umumiy
ma’lumotlardan tashqari fond eksponati, yangilik, maxsus tadbir va ilmiy
anjumanlar haqida, sohaning mutaxassis xodimlari manzili, ularning elektron
pochtalari va boshqa umumiy ma’lumotlarni olish mumkin. Internet tarmog‘ida
3
Фатхуллаев Р. Музей ишида замонавий ахборот технологияси // Мозийдан садо. – Тошкент, 2002. - № 2. –
Б. 8-9.](/data/documents/887c3183-f526-46e0-96d5-155c6ccebb7c/page_4.png)
![ikki yarim milliondan ortiq muzey eksponatining suratlari aks ettirilgan kartoteka
tizimi mavjud.
O‘zbekiston muzeylari ham Internetda o‘zlarining saytlarini yaratmoqda.
Jumladan, Buxoro davlat me’moriy-badiiy muzey qo‘riqxonasida muzey
xodimlarini shaxsiy kompyuter texnikasi bilan ta’minlash masalasi hal etilmoqda.
Muzeylar Internet tarmog‘iga ulanish, sayt yaratish va ma’lumotlar bazasini barpo
etish ustida ma’lum ijobiy ishlar amalga oshirildi. Ilk qadam sifatida muzey
fondidagi qo‘lyozmalar to‘plamini elektron lazer diskiga ko‘chirish ishlari boshlab
yuborildi. Lekin amalda respublika muzeylarida bu ishlar ancha sust bormoqda.
Ma’lumki, muzeylarning asosiy vazifasi ashyolarni to‘plash, saqlash va
namoyish etishdan iborat. Bugungi kunda muzeylar zamonaviy axborot
texnologiyalarini qo‘llash orqali o‘z eksponatlarining saqlanishini ta’minlashlari
mumkin. Zero, aniq hisobga olish muzey boyliklarini ishonchli saqlash va ularga
egalik qilish huquqini kafolatlaydi.
Bugungi kunda tarixchi, san’atshunos, muzeyshunos, tadqiqotchilar muzey
boyliklarini keng qamrovli ilmiy tadqiq etishda ayrim muammolarga duch
kelmoqdalar. Avvalo yirik muzeylarda joriy etilgan tartib-qoidalar chetdan kelgan
mutaxassislar va muzey ma’muriyati orasida kelishmovchiliklarga olib kelmoqda.
Muammoning negizi pullik xizmat turini taklif etishdan iborat bo‘lmoqda.
Fikrimizcha, respublikaning ilmiy muassasalari xodimlariga madaniy boyliklarni
o‘rganishlari uchun sharoit yaratilishi lozim. Sababi, ularga bu xildagi tadqiqotlari
uchun davlat byudjetidan qo‘shimcha mablag‘ ajratilmaydi. Qolaversa, bunday
tadqiqotlar O‘zbekistonning ilmiy, ma’naviy-madaniy taraqqiyotini, muzeylar
manfaatini ko‘zlab amalga oshiriladi.
Yuqorida keltirilgan sabablarga ko‘ra, O‘zbekistondagi muzeylar fondining
70 foizi o‘zining fundamental tadqiqotini kutib yotibdi. Kutubxonalarda mavjud
nashr etilgan asarlar esa ularning 10 foizini yoritadi, xolos.
Bugungi kunda dunyodagi deyarli barcha nufuzli muzeylar Internet tarmog‘i
orqali uzluksiz chiqishlar qilib, o‘z saytlarini muntazam yangi axborotlar bilan
to‘ldirib bormoqda. Faqat Rossiya amaliyotini kuzatadigan bo‘lsak, u yerda](/data/documents/887c3183-f526-46e0-96d5-155c6ccebb7c/page_5.png)
![muzeylar faoliyati bilan shug‘ullanuvchi qator uyushma va markazlar faoliyat
ko‘rsatmoqda. Internetda «Rossiya muzeylari serveri», Butunrossiya muzeylari
reestri va boshqalarda muzeylar hayotining barcha jihatlari yoritib borilmoqda.
Moskvadagi davlat tarix muzeyi 1997 yildan e’tiboran eksponatlarini Internet
tizimi orqali namoyish etib kelyapti. Muzeyning uch mingdan ziyod eksponatlari
Umumevropa «Muzeyonlayn» tarmog‘iga kiritilgan 4
.
Muzeylarda elektron axborot tizimining joriy etilishi, unda namoyish
qilinadigan saytlarning shakli, tartibi, ko‘rinishlari, tuzilishi va sohaning boshqa
masalalariga bag‘ishlab qator ilmiy-amaliy anjumanlar o‘tkazilmoqda.
Yuqoridagilardan kelib chiqib, muzeylarni qo‘llab-quvvatlash respublika
«O‘zbekmuzey» jamg‘armasi qoshida muzeylar uchun elektron dasturlar
yaratuvchi mutaxassislardan iborat markaz tashkil etish kun tartibidagi dolzarb
masaladir. Aynan shu markaz orqali O‘zbekiston muzeylarida ma’lumot tarqatish
va saytlar yaratishning yagona tizimini joriy qilish mumkin.
2.Muzey marketingi va menejmenti. Ma’lumki, muzeylar aholining
madaniyatini yuksaltirishda muhim ahamiyat kasb etadi. Shuning uchun aholining
keng qatlamlari ularda saqlanayotgan ashyoviy boyliklarni bilishi, muzeylarning
tadbirlaridan xabardor bo‘lishlari kerak. Saqlanayotgan osori-atiqalar, tashkil
qilinayotgan tadbir, ko‘rgazmalar haqidagi axborotni aholiga yetkazishda
zamonaviy marketingning o‘rni beqiyosdir 5
. Unga binoan muzeyga bormoqchi
bo‘lgan kishi oldindan unga nima taklif etilishini bilmog‘i lozim.
Muzey marketingining majburiy sharti, tadqiqot o‘tkazish, u orqali real
ko‘rsatkichlar aniqlanib, muzey oldiga qo‘ygan vazifalarga qiyoslanadi. Ushbu
taqqoslash rejalashtirilayotgan ishning maqsadi, asosiy yo‘nalishlarini aniqlashga
yordam beradi. Muzey o‘z byudjetidan marketing tadqiqotlari o‘tkazishga mablag‘
ajratishi hamda marketing xizmati uchun javobgar xodim tayinlashi lozim.
Marketing loyihasini tuzishdan avval muzeyga tashrif buyurgan
tomoshabinlarning turli toifalari orasida so‘rov o‘tkazish maqsadga muvofiqdir.
4
Фатхуллаев Р. Музей ишида замонавий ахборот технологияси // Мозийдан садо . – Тошкент, 2002. – № 2. –
Б.10.
5
Альмеев Р. Музей и маркетинг // Мозийдан садо . – Ташкент, 2002. – № 3 (15). – С . 18.](/data/documents/887c3183-f526-46e0-96d5-155c6ccebb7c/page_6.png)
![Uning natijalari muzey faoliyatining turli jabhalaridagi asosiy sifat va son
ko‘rsatkichlarini tahlil qilish imkonini beradi. So‘rov o‘tkazish borasida ko‘plab
omillarni: ijtimoiy holati, yashash joyi, kasbi, turmush tarzi, ruhiyati, ta’minlanish
darajasi, yoshi, xizmat haqi, muzey taklif etayotgan reklamalarni e’tiborga olish
zarur.
Marketing tadqiqoti orqali muzeyning bo‘lajak tomoshabini haqida
ma’lumot to‘planganidan so‘ng yangi xorijiy muzeologiyada swot-tahlil deb
ataladigan bosqich belgilanadi. Uning maqsadi muzeyning real holatini tahlil etish,
kuchli va zaif jihatlarini, imkoniyatlarini, qiyinchiliklarini aniqlashdir 6
.
Marketing rejasiga bir necha tildagi reklama, mashinalar, jamoat transporti
to‘xtash joylari ko‘rsatilgan karta-sxema, eng yaqin kafelar, buyurtmalar berish
uchun telefon raqamlari, ma’lumotlarni jo‘natish uchun manzillar ro‘yxati, xalqaro
savdo ko‘rgazmalari va turistik yarmarkalarda qatnashish va hokazolar kiritiladi.
Muzey o‘z daromadlarini bir necha omillar orqali oshirishi mumkin. Kirish
chiptalarini, madaniy-ma’rifiy xizmatlar narxini toifalash, uzoq muddatli bolalar,
o‘quvchilar, oilaviy abonementlar kiritish mumkin. Muzey ashyolari ko‘rinishidagi
suvenirlarni tayyorlash, turistlar uchun axborot-savdo markazi yaratib, unda
buyumlarni sotish, ishlab chiqaruvchilar bilan shartnomalar tuzib, muzeyning
emblemasi, eksponatlardan nusxalar tayyorlab savdoga qo‘yishi mumkin. Agar
muhofaza etish kafolatlansa, muzey eksponatlaridan ayrimlarini turli firmalarga
reklama uchun ijaraga berishni ham qo‘llash joiz 7
.
Tajriba shuni ko‘rsatmoqdaki, muzeylarda an’anaviy hunarmandchilik
yarmarkalarini tashkil etish, ustalarning o‘zlari yasayotgan ashyolarning
tayyorlanish texnologiyasini namoyish etishlari va sotishlari yaxshi natija
bermoqda. Muzeylarning hunarmandlarga xonalarni bepul ijaraga berishi tavsiya
etiladi. O‘zbekistonda bu borada dastlabki qadam Buxoro va Xiva muzey-
qo‘riqxonasi tomonidan qo‘yildi. Ammo bu tadbir hali keng yoyilmaganini
ta’kidlash lozim.
Fondlarni tomosha qilishni xohlovchilarga muzey zaxiralarini ko‘rsatish
6
Маркетинг в музеях // Правда Востока, 5 ноября 1992 год а .
7
Соболева Н.А. Музейный сервис: пути развития . / Сборник. – Москва, 2004. – С. 25.](/data/documents/887c3183-f526-46e0-96d5-155c6ccebb7c/page_7.png)
![uchun ekskursiyalar tashkil etish ham yaxshi natija beradi. Restavratsiya va
konservatsiyalashga oid ishlarni tomosha qilish ham tomoshabinlarda qiziqish
uyg‘otishi tabiiy. Muzey qoshida tashkil etilgan magazin va savdo shoxobchalari
orqali muzey yo‘l ko‘rsatkichlari, taqvim-kalendarlar, kassetalar, kitoblar,
emblemali suvenirlar sotilishini tashkil etish lozim. Muzeydagi savdo Amerika va
Yevropa muzeylarida yaxshi yo‘lga qo‘yilganini ta’kidlash mumkin.
O‘z byudjetini to‘ldirishning noan’anaviy usullarini yaratgan muzeylar
tashrif buyuruvchilarga xizmat ko‘rsatishning yangi uslublarini qo‘llash orqali
to‘plagan mablag‘lariga binolarni ta’mirlash, zamonaviy axborot texnologiyalarini,
ilmiy tadqiqotlar uchun jihoz-uskunalarni sotib olishi, yangi ekspozitsiya,
ko‘rgazmalar tashkil etish, eksponatlarni to‘plash, restavratsiya qilish va
hokazolarni bajarish imkoniyatiga ega bo‘ladi. Bu borada muzey menejmentining
yordami beqiyosdir.
Menejment tushunchasi ishlab chiqarishni boshqarishdagi tamoyil, uslub,
shakllar, intellektual, moliyaviy va boshqa resurslarni ifodalaydi 8
. Boshqacha
aytganda, menejment muassasa va uning a’zolarini boshqarishning nazariyasi
hamda amaliyotidir.
Menejment asosiy omillaridan biri istiqbolli reja bo‘lib, uni yaratish
davomida erishilmoqchi bo‘lingan maqsad hamda unga erishish yo‘llari
belgilanadi. U muzeyda vujudga kelgan vaziyatni batafsil o‘rganib, ajratilgan
mablag‘larni, shuningdek, xodimlarni to‘g‘ri taqsimlash imkonini beradi. Muzey
menejmenti borasidagi eng yetakchi mutaxassislardan biri Rojer Maylz
rejalashtirish davomida uch narsaga e’tibor qaratish lozimligini ta’kidlaydi:
- kim, qanday tomoshabin uchun reja tuzilayotganligi va ish olib
borilayotganligini aniq tasavvur etish;
- muzey intilayotgan maqsad va vazifalar iera r xiyasini tuzish;
- loyihani amalga oshirishni cheklayotgan omillarni tahlil etish 9
.
Istiqbolli rejani tuzishda muzey xodimlari qatnashishlari shart, sababi ular
8
Юреньева Т.Ю. Музееведение. – М осква : Академпроект, 2003 . – С. 496 .
9
Майлз Р. Планирование – основной инструмент менеджмента // Музей. Маркетинг. Менеджмент. –
М осква, 2001. – С. 60-73.](/data/documents/887c3183-f526-46e0-96d5-155c6ccebb7c/page_8.png)
![loyihaning eng muhim qismidir. Rejani tayyorlashga boshqa manfaatdor shaxs va
guruhlar ham taklif etiladi. Muzeyning siyosati, ish stiliga aloqador bo‘lgan
insonlar og‘ir paytlarda uni qo‘llashlari muqarrar. Aksariyat hollarda mahalliy
hokimiyat yoki markaziy hukumat tomoshabin, tadqiqotchi, sponsorlar, muzey
do‘stlari bo‘lib, ular asosiy moliyaviy manba ekanligidan tashqari muzey siyosatini
belgilab beruvchilar hamdir. Ushbu guruhlarning har biri muzeyga turlicha talablar
qo‘yib, uning faoliyatini ham turli xilda baholaydilar. Muzey yuqorida qayd etilgan
har bir guruh qiziqishlarini hisobga olib, ularni umumlashtira olgandagina
muvaffaqiyatga erishadi.
Istiqbolli reja tuzishdagi asosiy manba oldindan olib borilgan ishlar hamda
erishilgan muvaffaqiyatlar bo‘ladi. Ahamiyati jihatidan ikkinchisi «g‘oyalar»
bo‘lib, ushbu ijodiy jarayonda bir guruh muzey xodimlari qisqa vaqt ichida
muzeyning asosiy vazifalari, o‘z faoliyatidan ko‘proq daromad olish yo‘llarini
izohlab berishadi. Dastlabki g‘oyalar qanchalik real yoki xayoliy bo‘lmasin, faqat
qayd etilib to‘planadi. So‘ngra guruh a’zolaridan biri javoblarni tahlil etib, ma’lum
«qolipga» solib baholaydi. Guruh vakillari bergan g‘oyalardan ma’lum bir qismi
boshqalar tomonidan kengaytirilishi ham mumkin.
Istiqbolli rejani amalga oshirish davomida uni takomillashtirish ustida ham
ishlanib, amaliyotda paydo bo‘lgan tajribadan kelib chiqib, o‘zgarishlar kiritib
boriladi. Masalan, bir qism ishlar bajarilgandan so‘ng moddiy zaxiralar va amalga
oshirilayotgan ishlar rejasi, qo‘yilgan maqsad hamda vazifalar qaytadan ko‘rib
chiqilishi ham mumkin 10
. Muzey ishlarini yaxshilash uchun uning quyidagi
jihatlarini o‘rganish lozim:
Muzeyning kuchli tomonini – u katta shaharda joylashgan; xalq madaniyati
va tarixiga oid ajoyib to‘plamga ega: muzeydagi to‘plam butun mamlakatda
shuhrat qozongan; muzey tarixiy binoda joylashgan bo‘lib, ularning har biri
tomosha qilishga loyiq; uning direktori yuksak saviyali mutaxassis, harakatchan
kishi, kollektivni birlashtira oladigan, muzeyning mahalliy siyosiy arboblar bilan
aloqalarini yaxshi yo‘lga qo‘ya oladigan bo‘lishi kerak.
10
Юреньева Т.Ю. Музееведение. – М осква : Академпроект, 2003 . – С. 497 .](/data/documents/887c3183-f526-46e0-96d5-155c6ccebb7c/page_9.png)
![Muzeyning zaif jihatlarini – muzey joylashgan tuman chet ellik turistlar kam
keladigan hudud; turistlar mamlakatdagi iqtisodiy muammolar tufayli kamaygan;
byudjet ajratgan mablag‘lar asosan xodimlar maoshiga yetadi; yangi ko‘rgazmalar
kam uyushtirilayotgani tufayli mahalliy aholining muzeyga qayta kirishi keskin
kamaygan; doimiy ekspozitsiya ma’naviy jihatdan eskirgan; muzeyni muhofaza
qilishga mablag‘ yetishmaydi.
Imkoniyatlarini – Yevropa mamlakatlariga muzeyning ikonalar to‘plamini
ko‘rgazmalarga yuborish mumkin; mahalliy shisha zavodi sponsorlik ko‘magi
tarzida vitrinalar uchun oynalar yasab berishi mumkin; ayrim kishilar yoki
tashkilotlarga bag‘ishlangan kichik ko‘rgazmalar tashkil etish mumkin; muzey
o‘quvchilar uchun maxsus dastur bo‘yicha ko‘rgazma tayyorlaydi; muzeyning
ichki hovlisida muzey boshqa tashkilotlar ko‘magida teatrlashtirilgan tomoshalar
va konsertlar o‘tkazadi.
Xavfli jihatlarini – mamlakatdagi iqtisodiy holat muzeyning taraqqiyotiga
xalaqit qiladi; doimiy mablag‘ yetishmovchiligi xodimlarni parokandalikka olib
keladi; fondlarni muhofaza qilish normativlar talabiga mos emas; mazmunli hordiq
chiqarish sohasida raqobat kuchayib, bunday xizmat ko‘rsatadigan muassasalar
ko‘payib, tomoshabinlar sonining oshishiga qilingan harakat natija bermaydi.
Muzey yetakchi soha sifatida xorijda ko‘rgazmalar tashkil etish orqali
o‘zining moliyaviy holatini yaxshilashi va obro‘sini oshirishi mumkin hamda
to‘plangan mablag‘lar ekspozitsiyaga zarur o‘zgarishlarni kiritishga imkon
yaratadi 11
.
Rang-barang dasturlar tayyorlash; o‘ylangan loyihalarni amalga oshirish,
qolaversa mavjud muammolarni – to‘plamlar muhofazasi, ilmiy tadqiqot va
madaniy-ma’rifiy faoliyatlarni yo‘lga qo‘yish uchun faqat byudjetga qarab
qolmasdan, moliyaviy manbalarni kengaytirish lozim. O‘zbekiston muzeylari
endigina bozor iqtisodiyoti sharoitlarida yashay boshlagani tufayli o‘z-o‘zini
mablag‘ bilan ta’minlash muammosi ular uchun yangi, holbuki xorijiy muzeylar bu
borada katta tajriba to‘plashgan. Ularning aksariyat qismi bizning sharoitimizga
11
Юреньева Т.Ю. Музееведение. – М осква : Академпроект, 2003 . – С. 500-501.](/data/documents/887c3183-f526-46e0-96d5-155c6ccebb7c/page_10.png)
![ham mos keladi va muzey ishida qo‘llash mumkin.
XX asrning so‘nggi o‘n yilliklarida xorijiy mamlakatlarda muzey
byudjetining shakllanishida ko‘p kanalli tizim – davlat, jamoa, xususiy, korporativ,
notijorat tashkilotlar mablag‘lariga tayanmoqda. Davlat va nodavlat mablag‘lari
orasidagi tafovut turli mamlakatlarda farqlanib, homiylik, xayriya an’analari
davlatning madaniyatda tutgan siyosatiga, soliq sohasidagi qonunchilik va boshqa
omillarga muvofiq ishlab chiqilgan. Xorijiy muzeylarda 1970 yillarda paydo
bo‘lgan «mablag‘ topish» uslubi notijorat loyihalar uchun moliyaviy mablag‘larni
jalb etish bo‘yicha ishlar majmuasini anglatadi. Zamonaviy texnologiyalar muzey
fondreyzingini professional biznesga aylantirib, unga bag‘ishlab ko‘plab o‘quv
qo‘llanmalar chop etilgan. Mazkur uslubning qaror topishida davlat muhim o‘rin
tutishi lozim. O‘zbekiston qonunchiligida hozirdayoq shunday soliqlar tizimi
yaratilganki, tijorat sektorining madaniyat loyihalari byudjetini shakllantirishdagi
ishtiroki qatnashuvchilarning iqtisodi uchun manfaatlidir. Ammo bu omil hozircha
sezilarli darajada samara berayotgani yo‘q. Shunga qaramasdan soliq tizimi va
qonunlar hali yanada takomillashtirishni kutmoqda. O‘zbekiston Respublikasi ham
asta-sekin muzeylarning byudjetdan tashqari ta’minotiga e’tibor qaratib, maxsus
hukumat, viloyat va mahalliy loyiha, konkurslar o‘tkazmoqda.
Hozirgi paytda jahonda ko‘plab tashkilotlar maxsus madaniyat sohasida
xayriya dasturlarini ishlab chiqish bilan shug‘ullanadi. Ularning aksariyati turli
fondlar tomonidan moliyaviy ta’minlanib, bu yordam grantlar sifatida beg‘araz
moliyaviy va moddiy yordam ko‘rsatadi. O‘zbekiston muzeylari ham turli fondlar
bilan hamkorlik bobida yangi tajriba to‘plamoqda. Xayriyadan farqliroq, homiylik
madaniyat muassasasi va biznes orasidagi tijorat «bitimi»dir. Tijorat tizimining
madaniy loyihalarga mablag‘ qo‘yishining qator jihatlari mavjud. Homiylik eng
avvalo reklama kompaniyasining ma’lum qismi sifatida, boshqa tadbirlar qatorida
kompaniyaning ijtimoiy-madaniy hayotdagi ijobiy imidjini yaratishga xizmat
qiladi.
Muzeyning bo‘lajak homiysini aniqlashi va undan foydalana bilishi har
qanday fondreyzing kompaniyasining muhim jihatidir. Tajriba shuni ko‘rsatadiki,](/data/documents/887c3183-f526-46e0-96d5-155c6ccebb7c/page_11.png)
![haqiqiy homiyni qo‘qqisdan uchrashuvlarda topib bo‘lmaydi. Shuning uchun
xorijiy muzeylar maxsus vaqt va mablag‘ ajratib, homiylarni jalb etish loyihalarini
ishlovchi maxsus taraqqiyot bo‘limlari tashkil etib, unga taklif etilgan
mutaxassislar qo‘shimcha moliyaviy manbalarni jalb etish bilan shug‘ullanadilar.
Muzey «mablag‘ topish» uslubi bo‘lajak homiylar – alohida yirik shaxs va
kompaniyalar haqida axborot berishni yaratishdan boshlanadi. Unga homiylar
faoliyati, qiziqishlari, homiylik an’analari, ularning imkoniyatlari, ma’muriyatlari
haqidagi, qadriyatlaridagi talablari to‘planadi. Axborotlar har chorak yoki yarim
yilda qayta tekshiriladi, sababi shuki, daromadlari keskin kamaya boshlagan
tijoratchi yoki kompaniyaga yo‘l topishga harakatning ma’nisi yo‘q. Aksariyat
holatlarda agar tanlangan homiyning daromadi o‘sayotgan bo‘lsa, uning ma’lum
muzey loyihasida ishtiroki, ayniqsa soliqlardan imtiyozlari bo‘lsa, samarali bo‘lishi
mumkin. Homiylik ko‘magi faqat moliyaviy ko‘rinishda bo‘lishi shart emas. U
bolalarni muzeyga olib kelish uchun transport vositalarini ajratish, turli injenerlik
va me’morchilik ishlari, huquqiy masalalarni hal etish shaklida ham ko‘rsatilishi
mumkin. Xorijiy muzeylarni moliyaviy ta’minlashda xususiy mulk egalari ham
katta o‘rin tutadi. Jismoniy va yuridik shaxslarning muzey faoliyatini qo‘llash
bo‘yicha «a’zoligi» kundan-kunga keng yoyilmoqda. Bu tizimning an’anaviy
turlari «Muzey do‘stlari jamiyati», «Do‘stlar klubi», Homiylar kengashi bo‘lib,
ular faoliyati muzeyning mijozlar bilan ishonchli munosabatlarini o‘rnatishga
qaratilgan. Muzey faoliyatining unumliligini ta’minlaydigan muhim omil uning
xodimlaridir. Muzey boshqaruvi uslubi va uning ichki tashkiliy tizimi ishni eng
unumli bo‘lishini ta’minlashi lozim. Buning uchun muzey kollektivi yagona
jamoani tashkil etib, undagi har bir shaxs o‘z vazifa va majburiyatlarini aniq
tasavvur etib, bajarishidan tashqari o‘z g‘oyalarini taklif etib, amalga oshirilishiga
erishmog‘i lozim. Holbuki, O‘zbekiston uchun an’anaviy hol, muzey siyosati
«tepadan tushirilib», oddiy xodim qabul qilinayotgan qarorlarga ta’sir etish
imkoniyatiga deyarli ega emas. Albatta bu holat faqat bizga emas, sobiq sovetlar
tizimida bo‘lgan ko‘pchilik yangi mustaqil davlatlar uchun ham odatiy holdir.
Mustaqillik yillarida muzeylar istiqboli shart-sharoitlari tadqiq va tahlil](/data/documents/887c3183-f526-46e0-96d5-155c6ccebb7c/page_12.png)
![etilib, shunday xulosalar bildiriladi:
- bugungi kunda O‘zbekiston muzeylari oldida ikkita muhim vazifa turibdi.
Bir tomondan, odamlar ongida muzey haqida o‘rnashib qolgan eskicha, noo‘rin
tasavvurlarni o‘zgartirish bo‘lsa, ikkinchi tomondan, muzey xodimlarining
tomoshabinlarga nisbatan munosabatining ijobiy jihatlarini kuchaytirish lozim;
- insonlar muzeyda o‘zlarini erkin va ishonchli tutishlari uchun ular oldindan
o‘zlarining noo‘rin fikrlarini o‘zgartiradigan axborot olishlari lozim;
- muzey auditoriyaga o‘z binosida yoki reklama orqali ta’sir etishi mumkin.
Shuning uchun reklamaga pulni tejamay, uni professional darajada, muzey uchun
yagona, chiroyli ko‘rinishda yaratish zarurligi ko‘rsatildi.
Menejment va marketing – bu faqat erishish lozim bo‘lgan fangina emas,
balki o‘ziga xos iste’dodni talab qiladigan san’atning turi deyish mumkin. Turli
muzeylar uchun muvaffaqiyatli faoliyat olib borishning yagona retsepti yo‘q va
bo‘lishi ham mumkin emas. Har bir muzey bozor iqtisodiyoti sharoitida yashash va
gullab-yashnashning o‘ziga mos keladigan mexanizmlarini ishlab chiqishi
muhimligi ta’kidlanadi.
O‘zbekistonda muzey ishlarini yaxshilash va takomillashtirish uchun
yuqoridagi barcha fikr va takliflarni hayotga tatbiq etish ijobiy natija beradi degan
xulosaga kelish mumkin.](/data/documents/887c3183-f526-46e0-96d5-155c6ccebb7c/page_13.png)
![Foydalanilgan adabiyotlar:
1. Almeev R. Muzey i marketing // Moziydan sado . – Tashkent, 2002. – № 3 (15).
2. Jabborov I.M. Rahimova D. Zamonaviy muzeyshunoslikning dolzarb
muammolari // Moziydan sado. – Toshkent, 2003. - №1.
3. Maylz R. Planirovanie – osnovnoy instrument menedjmenta // Muzey.
4. Marketing. Menedjment. – M oskva, 2001.
5. Marketing v muzeyax // Pravda Vostoka, 5 noyabrya 1992 god a .
6. Soboleva N.A. Muzeyn ы y servis: puti razvitiya . / Sbornik. – Moskva, 2004.
7. Fatxullaev R. Muzey ishida zamonaviy axborot texnologiyasi // Moziydan sado.
– Toshkent, 2002. - № 2.
8. Yureneva T.Yu. Muzeevedenie. – M oskva : Akademproekt, 2003 . – S. 496 .](/data/documents/887c3183-f526-46e0-96d5-155c6ccebb7c/page_14.png)
Mustaqillik yillarida muzeylar istiqbolining shart- sharoitlari Reja: 1. Muzeylarda zamonaviy texnologiyalarning qo‘llanilishi. 2.Muzey marketingi va menejmenti.
1.Muzeylarda zamonaviy texnologiyalarning qo‘llanilishi. Hozirgi zamon muzeylari madaniy-tarixiy va tabiiy ilmiy qadriyatlarni mushohada qilishga mo‘ljallangan ijtimoiy axborot institutini o‘zida namoyon etadi. Ular muzey ashyolarini axborot vositasida muhofaza qilish, to‘plash va tarqatish, jamiyatning ma’naviy ehtiyojlarini qondirish uchun xizmat qiladigan, ixtisoslashtirilgan madaniy-ma’rifiy muassasalar hisoblanadi. Muzeylar nafaqat tabiat hamda jamiyatning noyob va xilma-xil ashyolari xazinasi, balki muhim ilmiy, ma’rifiy- tarbiyaviy markazlari hamdir. Mustaqillik yillari respublikada tarixiy ixtisoslikdagi qator muzeylar ochildi. O‘zbekiston o‘z fuqarolari, xususan yoshlarning o‘tmish tarixining ijobiy voqealari bo‘yicha bilimlarini ko‘paytirish, ularda vatanparvarlik, Ona Vatanga mehr- muhabbat tuyg‘ularini kamol toptirishga katta ahamiyat bermoqda. Zero, O‘zbekiston Respublikasi Prezidenti Islom Karimov ta’kidlaganidek, bu tabarruk tuyg‘u yo‘lchi yulduz, ishonchli kompas bo‘lib xizmat qiladi. Tarixni bilish odamni ma’nan boy, kuchli va insonparvar qiladi. «Ma’naviylik, – deb haqli ravishda ta’kidlaydi davlat rahbari, – o‘z xalqi tarixi, uning madaniyati va maqsadlarini chuqur tushunishi va bilishiga tayanganida qudratli kuchga aylanadi» 1 . Ma’lumki, so‘nggi yillarda respublika poytaxti, viloyat va tuman markazlarida tarixiy yo‘nalishdagi qator yangi muzeylar tashkil etildi, eskilari ta’mirlandi, ekspozitsiyalari tubdan yangilanib, boyitildi. Zamonaviy muzeylar mazmuni, asrlar davomida ijtimoiy axborotni to‘plash va muhofaza qilish, muzey ashyolari vositasida bilim, an’ana, tasavvur va hissiyotlarni o‘zlashtirish va yangi avlodga uzatish muammolari e’tiborni o‘ziga jalb etmoqda. Ilmiy-nazariy jihatdan hozirgi vaqtda muzeyshunoslikning o‘zi, bu noyob moddiy va ma’naviy manbalarni yaratish vazifalarini aniq tasavvur etish uchun uni baholay olish va tushunish, muzey ishi muammolarining ilmiy asoslangan yechimlarini ishlab chiqishdan iboratdir. Fanshunoslikka oid nazariy masala, atama, tushuncha va tamoyillar 1 Жабборов И.М. Раҳимова Д. Замонавий музейшуносликнинг долзарб муаммолари // Мозийдан садо. – Тошкент, 2003. - №1. – Б. 2.
yechimsiz qolaveradi. Ularning yaratilishi esa keng qamrovli va chuqur ilmiy tadqiqotlarga, rivojlangan mamlakatlarning boy tajribasiga asoslanmog‘i lozim. Yuqoridagi fikrlardan xulosa qilinsa, respublikada muzeyshunoslik fanining zamonaviy holatini talab darajasida deb bo‘lmaydi. Muzeyshunoslikning muzey ashyolarini to‘plash, ularni tizimlashtirish, jamg‘armalarni boyitish, ashyo- buyumlarni ta’mirlash, konservatsiya uslublarini yaratish masalalaridan tortib, muzey ekspozitsiyalari eksponatlari, ularni bezash va namoyish etish usullari sifatidagi tarixiy ashyolarni o‘rganishgacha bo‘lgan muammolar kompleksini tadqiq etish bilan shug‘ullanuvchi predmetning o‘zini uslubiy va nazariy jihatdan ishlab chiqish, ayniqsa oqsamoqda. Jamiyat rivojining zamonaviy bosqichdagi ma’naviy ehtiyojlaridan kelib chiqib, muammoning gnesologik jihatlari va amaliy vazifa hamda maqsadlarini asoslash, tabiiyki, birinchi darajada qonuniyatlarini aniqlash, estetik did mezonlarini hisobga olib ekspozitsiyalarni yaratish va namoyish etish chog‘ida tarixiy ashyo, hujjatlarning muayyan guruhlarini tanlashda yaqqol tasavvur etilishi lozim 2 . Shuni ta’kidlash lozimki, muzey ashyosi asliyat, ya’ni jamiyat yoki inson faoliyatining muzey mohiyatiga javob beruvchi bevosita natijasi, yakuni deb qaralishi shart. Bu ko‘proq muhim ahamiyatga molik hujjat yoki ashyolar namoyish etiladigan tarixiy muzeylarga taalluqlidir. Xususan, O‘zbekiston tarixi davlat muzeyi eksponatlarida ibtidoiy jamoa davridan tortib, hozirgi kungacha bo‘lgan noyob hujjatli ashyolar asliyatda, juda bo‘lmaganda ularning nusxalari qo‘yilgan. 1876 yil bunyod etilgan Toshkent xalq muzeyi negizida yaratilgan ushbu muzeyning ulkan jamg‘armasi mavjud bo‘lib, unda keng qamrovli ilmiy tadqiqot ishlari olib borilmoqda. Muzeylardagi ilmiy tadqiqotlar natijalari kolleksiya, ekspozitsiyalarni konservatsiyalash, ta’mirlash, saqlash, muhofaza qilish, tashrif buyuruvchilarga xizmat ko‘rsatish, shuningdek, muzey faoliyatining boshqa turlari darajasini aniqlaydi. Respublika tarixiy muzeylarida saqlanayotgan eng boy jamg‘arma to‘plamlari: arxeologiya, etnografiya, numizmatika, moddiy va ma’naviy 2 Жабборов И.М. Раҳимова Д. Замонавий музейшуносликнинг долзарб муаммолари // Мозийдан садо. – Тошкент, 2003. – №1. – Б. 2.
madaniyat tarixi, harbiy tarix, geraldika, epigrafika kabi fanlardagi tadqiqotlar uchun ulkan baza hisoblanadi. Zero, tarixiy muzeylardagi ilmiy tadqiqot faoliyati badiiy va axloqiy qiymatga ega yangi tarixiy ma’lumotlar olish manbai sifatida muzey ashyolarini o‘rganish yo‘li bilan amalga oshiriladi. Muzeylarning yana bir muhim jihati, ularning yirik tarixiy shaxslar yoki voqea-hodisalarni o‘rganish uchun barcha ma’lumotlar mavjud bo‘lgan yagona yoki asosiy markaz ekanligidir. Ularni o‘rganish ulkan ilmiy va g‘oyaviy- tarbiyaviy ahamiyat kasb etadi. Muzey materiallarini monografiya, ilmiy asarlar tarzida va ommaviy axborot vositalari orqali keng targ‘ib etish xalqimizning tarixiy ongini boyitishga, ularda faxr va vatanparvarlik tuyg‘usini tarbiyalashda yordam beradi. Afsuski, bugungi kunda bu sohadagi ishlarni talab darajasida deb bo‘lmaydi. Fan va texnika taraqqiyoti ilg‘or yutuqlarining boshqa sohalar qatori muzey ishiga ham kirib kelishi tabiiy hol bo‘libgina qolmasdan, hayotiy zaruriyat hamdir. Xususan, 1990 yillarda kompyuterlardan muzeyshunoslikda foydalanish, soha ma’lumot tizimini shakllantirish axborotni to‘laqonli yetkazish imkoniyatlarini kengaytirdi. Muzey muassasalari yagona tarmog‘ining yaratilishi muzey fondlarini hujjatlashtirishda ko‘pgina qulayliklarni tug‘dirdi. Jumladan, eksponatlarning tasviri raqamli fotokamera orqali bevosita kompyuterga kiritilmoqda. Ularning tahlili va boshqa ma’lumotlar ilova qilinib, ehtiyoj tug‘ilganida mutaxassislar tomonidan qo‘shimcha va tuzatishlar kiritiladi. Bu tadbir muzey ishida doimiy harakatda bo‘lgan katalog va kartotekaning sifatini keskin yaxshilashni ta’minlaydi 3 . Internet tarmog‘ining joriy tizimi esa mazkur jarayonni xalqaro miqyosda faollashtirib yubordi. Endilikda undagi «Muzeylar», «Madaniyat» bo‘limlariga kirib, dunyoning xohlagan muzeyini «tomosha» qilish, muzeylar haqida umumiy ma’lumotlardan tashqari fond eksponati, yangilik, maxsus tadbir va ilmiy anjumanlar haqida, sohaning mutaxassis xodimlari manzili, ularning elektron pochtalari va boshqa umumiy ma’lumotlarni olish mumkin. Internet tarmog‘ida 3 Фатхуллаев Р. Музей ишида замонавий ахборот технологияси // Мозийдан садо. – Тошкент, 2002. - № 2. – Б. 8-9.
ikki yarim milliondan ortiq muzey eksponatining suratlari aks ettirilgan kartoteka tizimi mavjud. O‘zbekiston muzeylari ham Internetda o‘zlarining saytlarini yaratmoqda. Jumladan, Buxoro davlat me’moriy-badiiy muzey qo‘riqxonasida muzey xodimlarini shaxsiy kompyuter texnikasi bilan ta’minlash masalasi hal etilmoqda. Muzeylar Internet tarmog‘iga ulanish, sayt yaratish va ma’lumotlar bazasini barpo etish ustida ma’lum ijobiy ishlar amalga oshirildi. Ilk qadam sifatida muzey fondidagi qo‘lyozmalar to‘plamini elektron lazer diskiga ko‘chirish ishlari boshlab yuborildi. Lekin amalda respublika muzeylarida bu ishlar ancha sust bormoqda. Ma’lumki, muzeylarning asosiy vazifasi ashyolarni to‘plash, saqlash va namoyish etishdan iborat. Bugungi kunda muzeylar zamonaviy axborot texnologiyalarini qo‘llash orqali o‘z eksponatlarining saqlanishini ta’minlashlari mumkin. Zero, aniq hisobga olish muzey boyliklarini ishonchli saqlash va ularga egalik qilish huquqini kafolatlaydi. Bugungi kunda tarixchi, san’atshunos, muzeyshunos, tadqiqotchilar muzey boyliklarini keng qamrovli ilmiy tadqiq etishda ayrim muammolarga duch kelmoqdalar. Avvalo yirik muzeylarda joriy etilgan tartib-qoidalar chetdan kelgan mutaxassislar va muzey ma’muriyati orasida kelishmovchiliklarga olib kelmoqda. Muammoning negizi pullik xizmat turini taklif etishdan iborat bo‘lmoqda. Fikrimizcha, respublikaning ilmiy muassasalari xodimlariga madaniy boyliklarni o‘rganishlari uchun sharoit yaratilishi lozim. Sababi, ularga bu xildagi tadqiqotlari uchun davlat byudjetidan qo‘shimcha mablag‘ ajratilmaydi. Qolaversa, bunday tadqiqotlar O‘zbekistonning ilmiy, ma’naviy-madaniy taraqqiyotini, muzeylar manfaatini ko‘zlab amalga oshiriladi. Yuqorida keltirilgan sabablarga ko‘ra, O‘zbekistondagi muzeylar fondining 70 foizi o‘zining fundamental tadqiqotini kutib yotibdi. Kutubxonalarda mavjud nashr etilgan asarlar esa ularning 10 foizini yoritadi, xolos. Bugungi kunda dunyodagi deyarli barcha nufuzli muzeylar Internet tarmog‘i orqali uzluksiz chiqishlar qilib, o‘z saytlarini muntazam yangi axborotlar bilan to‘ldirib bormoqda. Faqat Rossiya amaliyotini kuzatadigan bo‘lsak, u yerda