Xorazmning Qadimgi va O‘rta asr shaharlari urbanizatsiyasi
Xorazmning Qadimgi va O‘rta asr shaharlari urbanizatsiyasi Reja: 1. Mil.av. IX – VI asrlarda Qadimgi Xorazm. 2. «Katta Xorazm» masalasi 3. Mil. av. VI-III asrlarda Xorazm.
Mil.av. IX – VI asrlarda Qadimgi Xorazm. Qadimgi Xorazm – Turon va Eron mintaqalari oralig‘ida joylashgan tarixiy o‘lka va qadimiy davlat sanaladi. Xorazm hududi qadimda Amudaryo adoqlaridan janubga tomon Murg‘ob va Tajan daryolarining yuqori oqimlarigacha cho‘zilgan. Shu boisdan bu qadimiy tarixiy o‘lka fanda 2 xil: Qadimgi Xorazm va Katta Xorazm nomlari bilan mashhur. Xorazm” atamasi (toponimi) Avestoda Xvairizem, qad.forsiychada Uvarazmis, lotinchada Xorasmiya va yunonchada Xorazmiya deb yuritilgan. Arabcha yozma manbalarda bu o‘lka Xvorazm talaffo’zida tilga olinadi. “Xorazm” atamasi (toponimi) semantikasi haqida bir qancha fikrlar mavjud. Xorazm tarixining bilimdoni S.Tolstov atama talqinlari orasida eroncha “Xurr- Xurshed” va “zm-zem” so‘zlari asosida yo’zaga kelgan nomning “Quyoshli o‘lka”, “Quyoshli yer” deb atalishi haqiqatga yaqin etnonim hisoblaydi. So‘g‘dshunos olim M.Bogolyubovning fikricha, Xorazm ayrim-ayrim 3ta so‘zlardan tarkib topgan. Xu (Xush, Xash), var (vara) va zm (zim, zem). Eroniy tillarda Xu-“yaxshi”, “ma'qul”, var-“devor”, “g‘ov”, “qal'a”, “qo‘ra” degan ma'nolarni bildirgan. Zm esa “yer”, “o‘lka”, “diyor” kabi ma'nolarni anglatgan. Demak, Xorazm atamasi “yaxshi qo‘rali yer”, “ajoyib qal'ali o‘lka”, “mustahkam qal'ali diyor” ma'nosini beradi. Xorazm davlati tarixini biz 2700 yillik tarix deb bilamiz. Eng mo‘tabar qadimgi qo‘lyozmamiz”Avesto” bundan XXX asr muqaddam ikki daryo oralig‘ida - Xorazm zaminida yaratilgan edi. Bu nodir kitob ajdodlarimizning biz avlodlariga qoldirgan ma'naviy, tarixiy merosdir . ”Avesto” ayni zamonda bu qadim o‘lkada buyuk davlat, buyuk ma'naviyat,buyuk madaniyat bo‘lganidan guvohlik beruvchi tarixiy hujjatdirki, uni hyech kim inkor etolmaydi.Xvarizam (Avesto tilida), Xvarazmish (qadimgi fors tilida), Xarasmiya (qadimgi yunon tilida) tushunchalari hozirda O‘zbekistondagi bir viloyatning nomida saqlangan.Qadimgi Xorazm tarixi va yodgorliklari S.P.Tolstov rahbarligidagi arxeologik ekspeditsiyaning tadqiqotlari natijasida keng yoritilgan.
Xorazmning sug‘orish inshootlari va sug‘orilishi tarixini o‘rganishda arxeolog Ya.G‘ . G‘ulomov katta hissa qo‘shgan . Xorazm tuprog‘ida turli xil qishloq va shahar xarobalari qazib ochilgan. Hozir ham Xorazm tarixini o‘rganish va uning arxeologik yodgorliklarini qidirib topish, qazib ochish, tadqiq qilish ishlariga katta e'tibor berilmoqda. Hozirgi kunda insoniyat sivilizatsiyasining muayan bir darajasiga erishildi. Erishilgan bu yutuqqa Mesopatamiya, Gretsiya, Hindiston, Xitoy va Markaziy Osiyo katta hissa qo‘shgan. yevropa va Amerika olimlari ham xususan tabiiy va ilmiy fanlar bo‘yicha o‘z ulushlarini qo‘shmoqdalar. Biz Xorazm jahon sivilizatsiyasiga qo‘shgan hissasi haqida fikr yuritganimizda Xorazm vohasi, uning rivojlangan dehqonchiligi, Xiva, Urganch, Hazorasp, Qiyot singari shaharlari ,ulardagi ko‘plab o‘quv yurtlari, ilmiy va madaniy markazlar, madrasalar, xalq amaliy san'ati ko‘z oldimizda namoyon bo‘ladi. Ular orasida Xiva alohida ajralib turadi. Chunki aynan shu shaharlar dunyoga Al-Xorazmiy, Al- Beruniy, Najmiddin Kubro, Az-Zamaxshariy kabi o‘z tadqiqotlari bilan ilmni rivojlantirgan olimlarni yetishtirib bergan. Aynan Xivada ana shunday mashhur olimlarning yetishib chiqishi uchun zamin tayyorlangan. Bugungi kunda ham Xiva madaniy markaz sifatida o‘z ahamiyatini yo‘qotgan emas. Ma'lumki, 1X-X1 asrlar Xorazm va butun Markaziy Osiyo tarixida madaniyat va fanning gullab yashnagan davri hisoblanadi. Buerda o‘sha paytda 40 dan ziyod o‘quv yurtlari faoliyat ko‘rsatgan. Diniy ta'limotlardan tashqari dunyoviy fanlar: astronomiya, matematika, kimyo, tibbiyot fanlari bo‘yicha ham ish olib borganlar. Birgina Xivaning o‘zida xalq amaliy san'atining 60 dan ortiq turi mavjud edi. Ko‘plab ustalarning mahsulotlari boshqa mintaqalarda eksport qilinardi. Xiva savdo, hunarmandchilik va madaniy markaz sifatida o‘troq, ko‘chmanchi xalqlarning eng iste'dodli qatlamlarni o‘ziga jalb qilib, ularning imkoniyatlarini insonlar uchun zarur tomonga yo‘naltirar edi.Olim Muhammad al- Xorazmiy ana shunday muhitda tug‘ildi (783-847). Uning Xivada o‘tkazgan yoshlik yillari haqida m'lumotlar kam.
Ammo uning iste'dodli olim sifatida Xuroson hokimi Al-Ma'mun (Horun ar- Rashid)ning o‘g‘li) ho’zurida yashagani ma'lum . U Xuroson markazi Marvda dars berdi. 818 yilda al- Ma'mun bilan birga ko‘plab O‘rta Osiyolik olimlar , shu jumladan, Al-Xorazmiy ham Bog‘dodga keldi. Ilm- fanning homiysi bo‘lgan Al- Ma'mun bu yerda o‘ziga xos akademiya - “Baytul hikma” tashkil etdi. Al- Xorazmiy ana shu markazga boshchilik qildi. Al-xorazmiy bu yerda insoniyatga matematika, geometriya, geodeziya kabi fanlar bo‘yicha bir necha fundamental asarlar tortiq qildi. U akademiyaning rahbari sifatida hozirgi matematikaning asoslarini yaratdi va “Hind hisobi haqida”; “Al-jabr val –muqobila” kabi asarlar yozdi. X1 asrda Al-Xorazmiy asos solgan matematika yevropa tillariga, shu jumladan, ingliz va franso’z tillariga tarjima qilib bo‘lingan edi. X11 asrdan boshlab yevropa, keyin esa dunyoning boshqa mintaqalarida o‘z o‘rnini qat'iy egalladi . Xorazm diyori dunyoga yetishtirib bergan yana bir olim Al-Beruniydir (973-1048). U Xivadan 30 km narida joylashgan Qiyot shahrida tug‘ilgan. Uning asarlari o‘sha davr fani va madaniyati, shaharlarning rivojlanishi darajasini xarakterlash uchun boy material beradi.Yoshlik paytidan boshlab Beruniy matematika va astronomiya bilan shug‘ullangan. O‘zining o‘lchov asbobi yordamida quyosh balandligini ekliktika va ekvator tekisligining qiyalik kattaligini o‘lchagan va 22 yoshida globus yasagan. Mana shularning hammasi o‘sha paytlarda Xiva va uning atrofida fanning rivojlanishi darajasi qanday bo‘lganligidan yaqqol dalolat beradi. Hukmdor Ma'mun II 1010 yili ko‘p olimlarni Xorazmning poytaxti Urganchda to‘plab , o‘ziga xos akademiya -“ Majlisi ulamoh” tashkil etdi. Ular orasida Beruniy va Ibn Sino ham bor edi . Beruniy Ma'munning fan bo‘yicha maslahatchisi etib tayinlanadi. Beruniyning ilmiy merosi juda ulkan. Uning tabiiy fanlar, shuningdek, falsafa va tarix sohasidagi ilmiy ishlari ahamiyatlidir. Beruniy haqli ravishda hamma zamonlarning eng yirik hindshunoslaridan hisoblanadi. Uning bilish, tafakkur haqidagi fikrlari bugun ham o‘z kuchini yo‘qotgan emas .
Beruniy geodeziya , matematika va geografiya sohasida dunyo faniga fundamental ishlanmalar , o‘lchamlarni aniqlashning yangi va qulay usulini taklif qilgan. Shunisi diqqatga sazovorki, Beruniy asarlarida oy, planetalar va Quyosh o‘rtasidagi masofa vaularning o‘lchamlarini aniqlash usullari to‘g‘risida keng mulohazalar bayon etilgan.Eramizdan avvalgi 5 mingyillikning oxiri va 4 mingyillik boshlarida Xorazmning sobiq Kaltaminor kanali o‘zanidagi ovchi baliqchilarning qadim manzilgohlari joylashgan. Bu yodgorliklar ichida ancha yaxshi saqlangan manzilgohlardan biri Jonbos 4dir. Bu yerda olib borilgan qazish ishlari paytida yarim yerto‘la ko‘rinishidagi uy qoldiqlari, toshdan yasalgan ko‘plab mehnat qurollari va sopol idishlar topilgan: uy o‘rtasida katta o‘choq, uning atrofida devor bo‘ylab oilaviy o‘choqlar bo‘lgan. Bu uyda 120 nafargacha odam yashagan. Kaltaminorliklar asosan baliqchilik bilan shug‘ullanganlar, tikuvchilik, kulolchilik ham rivoj topgan . Sopol idishlar qo‘lda yasalgan. Odamlar daryo bo‘ylarida yashaganlar, baliqni to‘r, garpun, tosh paykonlar yordamida tutganlar. Kaltaminor yodgorligiga xos mehnat qurollari va kulolchilik buyumlari Amudaryo va Sirdaryo oralig‘idagi hududlarda: Zarafshon va Amudaryoning quyi oqimlarida hamda Qizilqum sahrosida uchraydi. Bronza davri. 1938 yilda arxeolog S.P. Tolstov Amudaryoning quyi oqimi havzasida bronza davriga oid manzilgohlarni ochib, ularga Tozabog‘yon yoki Tozabog‘yop madaniyati yodgorliklari deb shartli nom berdi. O‘zbekiston hududida bronza davrida dehqonchilik va chorvachilik bilan shug‘ullangan qabilalarning moddiy madaniyati yodgorliklari asosan Xorazmda topilgan. Dastlabki yodgorliklar yop (kanal) atrofida tekshirilgani uchun Tozabog‘yob deb atalgan. Bu madaniyat uchun qo‘pol yassi tubli, boshoqqa yoki to‘rga o‘xshatib qolipda bosilgan va o‘yilgan ornamentli xurmachasimon keramika xarakterlidir. Tozabog‘yob madaniyati genetik jihatdan kaltaminor madaniyatiga borib taqaladi. Tozabog‘yob madaniyatining birinchi qabristoni - Ko‘kcha tog‘idan 5 km janubroqda joylashgan. Ko‘kcha 3 qabristonining ochilishi katta diqqatga sazovordir.