O‘zbekiston tarixi davlat muzeyining takomillashuvi va yangi ilmiy konsepsiyasi xususiyatlari
![O‘zbekiston tarixi davlat muzeyining takomillashuvi va yangi ilmiy
konsepsiyasi xususiyatlari
Reja:
1. O‘zbekiston tarixi davlat muzeyining yangi ilmiy konsepsiyasi.
2. O‘zbekiston tarixi davlat muzeyining takomillashuvi va faoliyati.](/data/documents/c5f394e4-9f62-4fcc-b548-8b50030fe14d/page_1.png)
![1. O‘zbekiston tarixi davlat muzeyining yangi ilmiy konsepsiyasi.
O‘zbekiston mustaqillikka erishgach, muzeylar faoliyatida ham ulkan o‘zgarishlar
ro‘y bergani yuqorida aytildi. O‘zbekiston Respublikasi Vazirlar Mahkamasining
1992 yil 21 apreldagi 203-sonli qaroriga muvofiq, sobiq Xalqlar do‘stligi,
Antikvariat, Lenin muzeylari O‘zbekiston xalqlari tarixi muzeyiga qo‘shib
yuborilib, ular asosida O‘zbekiston tarixi davlat muzeyi tashkil etildi hamda u
sobiq Lenin muzeyi binosiga joylashtirildi.
Aytish mumkinki, o‘zbek xalqi tarixi, o‘tmishi, madaniyati va qadriyatlariga
e’tibor berish mustaqil O‘zbekistonning davlat siyosati darajasiga ko‘tarildi.
Chunki tarixiy xotira va o‘tmish bilan bog‘liq qadriyatlar xalqning o‘zligini
anglashda muhim vositadir.
O‘zbekiston tarixi davlat muzeyi endilikda o‘zining qariyb 130 yillik
faoliyati davomida ilk marotaba o‘zbek xalqining tarixini xolisona ko‘rsatish
imkoniyatiga ega bo‘ldi. Mustabid sovet tuzumi davrida taqiqlangan mavzular:
o‘zbek xalqining davlatchilik tarixi, buyuk mutafakkirlar, Amir Temur va
temuriylar davri, qatag‘on yillari, «Paxta ishi», O‘sh, Bo‘ka Farg‘ona fojealari kabi
tariximizning eng muhim sahifalarini xolisona yoritish qayta tashkil etilgan
muzeyning asosiy vazifasi etib belgilandi.
Muzey hozirgi kunda O‘rta Osiyo va O‘zbekiston xalqlarining moddiy va
ma’naviy osori-atiqalarini saqlash hamda o‘rganish bo‘yicha jahondagi eng boy va
yirik ilmiy tadqiqot markazi hisoblanadi. Uning fondlarida 250 mingga yaqin
tarixiy, san’at va madaniyat yodgorliklariga oid noyob buyumlar saqlanmoqda 1
.
XX asrning boshlarida muzeyda to‘plangan Turkiston o‘lkasining moddiy
boyliklari: arxeologiya, etnografiya, numizmatika, tabiat tarixi, zoologiya,
geologiya, milliy liboslar, sharq qo‘lyozmalari, qurol-yarog‘lar kolleksiyalari
ayrim «olimlar», alohida shaxslar tomonidan o‘zlashtirilib, dunyoning turli
burchaklariga tashib ketilgani ham kuzatiladi.
Mustabid sovet tuzumi davrida o‘zbek xalqining tarixi, madaniyati va
ma’naviyatini o‘zida aks ettirgan noyob buyumlar Vatanimizdan tashqaridagi
1
Исмоилова Ж. Х. Илмий ва маърифий маскан // Мозийдан садо. – Тошкент, 2004. – №1. – Б. 2-3.](/data/documents/c5f394e4-9f62-4fcc-b548-8b50030fe14d/page_2.png)
![muzeylar, xususan Rossiyadagi muzeylar kolleksiyalarini boyitdi.
O‘zbekiston tarixi davlat muzeyining 1943 yildan boshlab Respublika Fanlar
akademiyasi tarkibiga qo‘shilishi muhim ahamiyat kasb etib, uning faoliyatini
butunlay o‘zgartirib yubordi. Muzey nafaqat madaniy, balki ilmiy markazlardan
biriga aylanishi uchun asos bo‘ldi.
Muzey binosi 1970 yilda Toshkent markazida bunyod etilib, poytaxtning
eng muhtasham inshootlaridan hisoblanadi. Ko‘rinishi jahatdan bino nomutanosib
kub shaklida bo‘lib, Sharq me’morchiligida umrboqiylik ramzini anglatadi. Binoda
o‘zbek me’morchiligining an’anaviy va zamonaviy jihatlari o‘z aksini topib, oddiy
geometrik shakllar, rang-barang va boy sath, naqshlari bilan mujassamlashib
ketgan. Muzeyga kirish eshigi qo‘qonlik mashhur usta K.Haydarovning yog‘och
o‘ymakorligi san’ati namunasidir. Kirish zali balandligi bo‘yicha 3 qavatga
loyihalashtirilgan.
Muzeyning doimiy ekspozitsiyasi 2003 yili yangidan yaratilib, u
O‘zbekistonning eng qadimgi davridan hozirgi kunigacha bo‘lgan tarixini aks
ettiradi. Ekspozitsiyaning umumiy maydoni 2000 m 2
ni tashkil etib, unda 12
mingga yaqin eksponat o‘rin olgan. Ekspozitsiya ibtidoiy jamoa davri
ko‘rgazmasidan boshlanadi. Taqdim etilgan eksponatlar O‘rta Osiyoda, xususan
O‘zbekistonda odamlarning Seleng‘ur g‘ori davridan yashay boshlaganini
tasdiqlovchi toshdan mehnat qurollari ko‘rgazmasidan boshlanadi. Teshiktosh
g‘orida ochilgan dunyoga mashhur neandertal bola skeleti va uning qabri,
tevaragiga qadalgan arhar shoxlari, Zarautsoyda topilgan qoyatosh tasvirlari, jez
davriga oid moddiy qadriyatlarni namoyish etuvchi Sopollitepa, Jarqo‘ton, Chust
va boshqa manzillardan topilgan ashyo va buyumlar katta ilmiy ahamiyatga ega.
Muzeyda O‘rta Osiyodagi eng qadimgi davlat uyushmalari, ularning Eron
ahmoniylari, Iskandar boshchiligidagi yunon-makedon bosqinchilariga qarshi
kurashlari, Yunon-Baqtriya, Qang‘ va Kushon podsholiklari davri ham o‘z
ifodasini topgan. Yurtimizdagi qadimgi Xorazm, Kushon podsholiklari madaniyati
yuksak rivojini aks ettiruvchi tarixiy buyum, dastlabki yozuvlar namunalari ham
ko‘rgazmadan munosib o‘rin olgan.](/data/documents/c5f394e4-9f62-4fcc-b548-8b50030fe14d/page_3.png)
![Ilk o‘rta asrlar, arablarning O‘rta Osiyoni istilo qilishi, xalifalikdan keyingi
dastlabki mahalliy sulolalar davri, mo‘g‘ullar istilosi, Amir Temur va Temuriylar
davri, Buxoro, Xiva, Qo‘qon xonliklari tarixiga oid ashyolar muzey
ko‘rgazmasining davomini tashkil etadi. Ekspozitsiyada VI–VII asrlarga oid
Fayoztepadan topilgan Budda haykali, Varaxsha, Afrosiyobdan chiqqan devoriy
tasvirlar namunalari, Usmon «Qur’oni»ning ko‘chirma nusxasi, Oburdon
qishlog‘idan keltirilgan o‘ymakor ustun va boshqalar o‘rin olgan. Qadimgi Yunon-
Baqtriya, Kushon podsholiklari, Ko‘hna Xorazm, ilk o‘rta asrlarga oid Naxshob,
Buxoro, Choch, Samarqand tangalari ham ko‘rgazmadan munosib o‘rin olib,
ularda mahalliy hukmdorlar tasviri, tamg‘alari, ismi, unvonlari zarb etilgani
diqqatga sazovordir. Tohiriylar, Somoniylar, Qaraxoniylar, Chingiziylar,
Temuriylar, Shayboniylar va Ashtarxoniylar, Buxoro, Xiva va Qo‘qon xonliklari
tangalari ekspozitsiyaning uzviy davomi bo‘lib, ushbu davr pul muomalasi haqida
zarur ma’lumotlar beradi. Ekspozitsiyada mehnat qurollari, maishiy turmush bilan
bog‘liq buyumlar ham talaygina. Vatanimizning o‘rta asrlardagi yuksak fan va
madaniyatiga oid ma’lumotlarni ko‘rgazmaning Al-Xorazmiy, Abu Rayhon
Beruniy, Abu Nasr Forobiy, Abu Ali ibn Sino, Ahmad Yassaviy, Bahouddin
Naqshband, Mirzo Ulug‘bek, Alisher Navoiy, Zahiriddin Muhammad Bobur,
Abulg‘ozi Bahodirxonga bag‘ishlangan bo‘limidan topamiz.
Ekspozitsiyaning navbatdagi to‘rtinchi qavatida joylashgan qismida
O‘zbekistonning rus mustamlakachiligi davri tarixini namoyish etadigan
eksponatlardan boshlanadi. Ko‘rgazmada Rossiya tomonidan o‘zbek
xonliklarining bosib olinishi, podsho ma’muriyati zulmi, Turkistonning xom ashyo
bazasiga aylanishi aks ettirilgan. Mustamlakachilik zulmiga qarshi milliy ozodlik
harakatlari, qo‘zg‘alonlar alohida bo‘limda namoyish etilgan. Ekspozitsiya
davomida sovetlar davri tarixi, 1917–1991 yillarda O‘zbekiston taraqqiyotidagi
yutuq va kamchiliklar, ijobiy va salbiy xususiyatlar eksponatlarda o‘z aksini
topgan.
Yangi ekspozitsiyaning asosiy bo‘limini Mustaqil O‘zbekiston
Respublikasining tarixi egallaydi. Unda O‘zbekistonning mustaqillikni](/data/documents/c5f394e4-9f62-4fcc-b548-8b50030fe14d/page_4.png)
![mustahkamlash yo‘lida qo‘ygan ilk qadamlari, uning jahon davlatlari tomonidan
e’tirof etilishi, xorijiy davlatlar bilan o‘zaro manfaatdorlik asosidagi aloqalarini aks
ettiruvchi fotosuratlar, hujjatlar o‘rin olgan 2
.
To‘qimachilik, kashtachilik, kandakorlik va zargarlik buyumlari
kolleksiyalari o‘zlarining yorqin ranglari, tayyorlanish usullari, naqshlarining rang-
barangligi bilan turli hunarmandchilik maktablari yo‘nalishlarini aks ettirdilar.
Ularning namunalari maxsus elshunoslikka oid ko‘rgazmadan o‘rin olgan. Unda
qo‘li gul o‘zbek ustalarining asrlar osha bizgacha yetib kelgan beqiyos did va
mahorat bilan ishlagan, serjilo va fusunkor nozik amaliy san’at namunalari
qo‘yilgan.
2. O‘zbekiston tarixi davlat muzeyining takomillashuvi va faoliyati.
O‘zbek xalqining boy tarixiy an’analari, urf-odatlari va hunarmandchiligini
o‘rganishda muzeydagi kolleksiyalarni to‘plash va ular asosida ilmiy
tadqiqotlarning uzviy ravishda olib borilishi tarix fanining rivojiga o‘zining
salmoqli hissasini qo‘shdi deb aytish mumkin. Albatta bu borada yetakchi
muzeyshunoslarning xizmatlarini alohida ta’kidlab o‘tish zarur.
Muzey ilmiy xodimlari tomonidan 1950 yildan boshlab «O‘zbekiston
xalqlari tarixi muzeyi ishlari», 1960 yillardan boshlab esa «O‘zbekiston tarixiga
oid materiallar» nomli ilmiy maqolalar to‘plami chop etila boshlandi. Ushbu
to‘plamlardagi maqolalarda o‘zbek xalqining tarixi, madaniyati, muzeyshunoslik
va uning muammolari o‘z aksini topdi 3
.
Muzeydagi arxeologiya fondida qazishmalar paytida turli yodgorliklardan
topilgan devoriy tasvirlar, uy-ro‘zg‘or buyumlari, mehnat qurollari, qadimiy
yozuvlar tasvirlangan ashyolar va boshqa jihozlar saqlanadi. Bu ashyolar
xalqimizning qadimiy tarixini yoritishda katta ahamiyatga egadir. Arxeolog
olimlar, jumladan L.A.Albaumning 1950–1980 yillardagi ekspeditsiyalari
natijasida Varaxsha, Afrosiyob, Bolaliktepa, Fayoztepa yodgorliklari ochildi.
Ulardan topilgan osori-atiqalar ilk o‘rta asrlardagi xalqimiz madaniyati, san’ati
haqida hikoya qiladi. Ayniqsa, Fayoztepadan (Surxondaryo) topilgan buddaviylik
2
Бекмуродов М.Б. Рашидова М.Х. Музейшунослик. Тошкент: Ворис-Али, 2006. – Б. 52.
3
Исмоилова Ж. Х. Илмий ва маърифий маскан // Мозийдан садо. – Тошкент, 2004. – №1. – Б. 2-3.](/data/documents/c5f394e4-9f62-4fcc-b548-8b50030fe14d/page_5.png)
![ibodatxona kompleksi va Budda haykali, buddizmning O‘rta Osiyoda qaror topishi
va rivojlanishini tadqiq etishda muhim manba bo‘lib xizmat qildi. Haykalda
muqaddas Badxi daraxti tagida o‘tirgan Budda, ikki tomonida turgan rohiblar
tasvirlangan. L.I.Albaum uni «Fayoztepa uchligi» deb atashni taklif etgan edi.
Ushbu «uchlik», ya’ni uch kishining haykalidan iborat nodir yodgorlik dunyo
miqyosida keng tanildi 4
.
Arxeologik yodgorliklarda olib borilgan ilmiy tadqiqotlar natijasi sifatida
«Afrosiyob» va «Bolaliktepa» kabi monografiyalar, turli muammolarga oid qator
risola, ilmiy maqolalar nashr qilinganini muzey olimlarining ijodiy yutuqlari deb
atash mumkin.
Muzey zaxiralarida numizmatika 5
ga oid noyob kolleksiyalar mavjud bo‘lib,
ular O‘zbekiston tarixini o‘rganishda muhim ashyoviy dalil-manba sifatida katta
ahamiyatga egadir. Ular orasida eng qadimgi davrlardan hozirga qadar zarb etilgan
oltin, kumush, mis tangalar, pullar, oltin va kumush medallar, hukmdorlar muhrlari
to‘plangan. Mavjud to‘plamlarning ilmiy tahlili sifatida S.Eshonxonovning
«Numizmatika kolleksiyalari», A.Xairovning «O‘zbekiston xalqlari tarixi
muzeyidagi muhr va shtamplar kolleksiyasi», V.M.Massonning «Muzeydagi
qadimgi so‘g‘d tangalari», G.A.Pugachenkovaning «Muzey kolleksiyasidagi uchta
Ahmoniylar tamg‘asi», S.Eshonxonovning «Qo‘qon tangalari katalogi»,
G‘.Olimovning «Somoniylar va Qoraxoniylar davri tangalari haqida»,
I.To‘xtaevning «Sharqiy Turkiston tangalari», A.Musakaevaning «G‘arbiy
So‘g‘ddagi pul muomalasi (mil. av. IV – m. IV asr)» kabi ilmiy asarlari O‘rta
Osiyoda ilk tangalarning zarb qilinishidan boshlab, pul muomalasining rivojlanishi
hamda uning tarixiy taraqqiyotidagi o‘rnini belgilashda muhim manba bo‘lib
xizmat qildi.
Muzeyning etnografik fondida esa nihoyatda qimmatli va noyob buyumlar
to‘plangan bo‘lib, Markaziy Osiyo xalqlarining uy-jihozlari, kiyim-kechaklari,
zargarlik buyumlari, xalq hunarmandchiligining barcha sohalariga oid ish qurollari
va mahsulotlar namunalari har bir etnografik hududning o‘ziga xos xususiyatlari
4
Левтеева Л. «Триада» из Фаязтепе // Вечерний Ташкент , 9 октября 2002 год а .
5
Нумизматика Узбекистана / Отв. Ред. Акад. Э.В. Ртвеладзе. Ташкент: Фан, 1990. – 212 с.](/data/documents/c5f394e4-9f62-4fcc-b548-8b50030fe14d/page_6.png)
![bilan ajralib turadi. Ulardan 10 mingdan ortig‘i o‘zbek xalqining ijtimoiy hayotiga
oid bo‘lsa, 6 mingi qardosh qoraqalpoq, turkman, qirg‘iz, qozoq, tojik va
O‘zbekiston hududida yashovchi boshqa xalqlarga taalluqlidir. Bu eksponatlarni
to‘plash va ilmiy taomilga kiritishda T.Mirg‘iyosov, Sh.Inog‘omov, G‘.Olimov,
M.Sultonov, G.Temirgaliev, T.Abdullaev, K.Tursunaliev va S.Hasanovlarning
xizmatlari katta bo‘lgan.
Muzey olimlari o‘nlab yillar davomida dastlab O‘rta Osiyoning, so‘ng
O‘zbekistonning turli viloyatlarida bo‘lib, etnografik ekpeditsiyalar davomida
Surxondaryo, Qashqadaryo, Farg‘ona, Buxoro aholisining turmush tarzi, xo‘jalik
faoliyati, moddiy va ma’naviy madaniyati, urf-odatlari, marosimlarining o‘ziga xos
tomonlarini o‘rganib keldilar. Etnografik ekspeditsiya muzey tomonidan tashkil
etilgani bois to‘plangan buyumlar-ashyolar uning fondlarini to‘ldirgan. Bu
ekspeditsiyalarda o‘z davrining yetuk elshunoslaridan V.G.Mashkova,
A.S.Morozova, M.S.Andreev, M.A.Bikjanova, Sh.Inog‘omov, A.K.Borovikov,
J.Fayziev, M.Sultonov va boshqalar faol ishtirok etganlar. Ularning sa’y-
harakatlari bilan O‘zbekistonning amaliy san’ati namunalari bo‘lmish gilamdo‘zlik
va kashtachilik ma’lum darajada o‘rganilib tahlil etilgan.
Bugungi kunda muzeyda O‘zbekistonning zamonaviy bosqichdagi ijtimoiy-
iqtisodiy va siyosiy hayotidagi taraqqiyotining umumiy qonuniyatlari va o‘ziga
xosligi, muzey ishi tarixiga oid katta ilmiy tadqiqot ishlari olib borilmoqda. Muzey
nafaqat O‘rta Osiyodagi, balki dunyodagi moddiy va ma’naviy madaniyat osori-
atiqalari saqlanadigan eng yirik muassasalardan biri sifatida ularni tadqiq etish,
sistemalashtirish (tizimga solish), ilmiy kataloglashtirish, namoyish etishga
tayyorlash bo‘yicha ham keng faoliyat ko‘rsatmoqda. Muzey boy arxeologik,
numizmatik, etnografik buyumlardan tashqari, uning ilmiy kutubxonasida o‘rta
asrlarga oid qo‘lyozmalar, XIX asrga mansub noyob nashrlar, yangi va eng yangi
tarixga oid hujjatlar arxiviga ham egadir. Davlat e’tibori, olim va muzeyshunoslar
sa’y-harakati natijasida bu dargoh muzey sohasidagi eng zamonaviy talablarga
javob beradigan ilmiy-ma’rifiy maskanga aylandi.
Muzey jamoasi 96 kishidan iborat bo‘lib, ulardan 23 kishi ilmiy xodim va](/data/documents/c5f394e4-9f62-4fcc-b548-8b50030fe14d/page_7.png)
![shu jumladan 3 nafar fan doktori, 8 nafar fan nomzodi yuqorida sanab o‘tilgan
manba, qo‘lyozmalar ustida ilmiy tadqiqotlar bilan shug‘ullanmoqda.
Mustaqillik yillarida muzeyning xalqaro aloqalari ham kengaydi. Xususan,
2003 yilning aprel oyida AQShning Nyu-York shahrida «Gilamlar tarixi san’ati»
mavzusidagi ko‘rgazmada muzey o‘z eksponatlari bilan qatnashdi. O‘sha yilning
may–avgust oylarida Nyu-Yorkning Metropoliten muzeyida O‘zbekiston tarixi
davlat muzeyining noyob eksponati ikki boshli ilon toshtumor «Ilk shaharlar
san’ati» ko‘rgazmasida namoyish etildi.
2003 yilning to‘qqiz oyi davomida muzeyda qator ko‘rgazmalar tashkil
etildi. «O‘zbek hunarmandchiligi» (XIX–XX asrlarda) ko‘rgazmasi mart oyida ish
boshlasa, iyun oyida «Xiva hunarmandchiligi» (XIX–XX asrlarda) nomli
ko‘rgazma ochildi. Avgust oyining oxiridan yana bir ko‘rgazma «Qoratepa – O‘rta
Osiyodagi buddizm markazi» ish boshladi 6
. Hisobot yilining qolgan oylari va 2004
yil davomida: «Xitoy san’ati va madaniyati», «Xorazm zargarlik san’ati»,
«Dunganlarning turmush tarzi va madaniyati», «Amir Temur – Klavixo –
Samarqand» (Amir Temur va Temuriylar tarixi davlat muzeyi bilan hamkorlikda)
ko‘rgazmalar tashkil qilindi 7
.
Muzey ilmiy xodimlari tomonidan keyingi yillarda nashr qilingan
«Temuriylar sulolasi tangalari» (1996 y.), «Katalog metallicheskix i keramicheskix
izdeliy Uzbekistana XIII–XIX v.v.» (2000 y.), N.Sodiqovaning «O‘zbek milliy
kiyimlari» (2002 y.), J.Ismoilovaning «Farg‘onada milliy ozodlik kurashlari»
(2003 y.), «Toshkentning yangi shahar tarixi» (2004 y.), «O‘zbek milliy liboslari»
(2005, 2006 yy.), «O‘zbekiston do‘ppilari» (2006 y.) kabi monografiyalari
O‘zbekistonda tarix fanining rivojlanishiga salmoqli hissa bo‘lib qo‘shildi deyish
mumkin.
O‘zbekiston Respublikasi Fanlar akademiyasi O‘zbekiston tarixi muzeyida
2006 yili jahon madaniy hayotida muhim o‘rin tutgan Ma’mun akademiyasining
1000 yilligi va Qarshi shahrining 2700 yilligiga bag‘ishlangan yubiley
6
Левтеева Л. Юбилейн ы е в ы ставки в музее истории Узбекистана // Мозийдан садо. – Ташкент, 2006. – № 2.
– С. 35-37.
7
Темурийлар тарихи давлат музейи фаолиятининг 2003 йилги ҳисоботи / Темурийлар тарихи давлат музейи
жорий архиви.](/data/documents/c5f394e4-9f62-4fcc-b548-8b50030fe14d/page_8.png)
![ko‘rgazmalari tashkil qilindi. Ularda ushbu voqealarga oid eksponat, fotosuratlar
namoyish qilindi.
Respublika miqyosida muzeyda reja bo‘yicha va unga qo‘shimcha qator
ilmiy anjumanlar o‘tkazildi. O‘zR FA tarix instituti bilan hamkorlikda 2006 yil 19
aprelda akademik Yahyo G‘ulomov nomidagi «O‘zbek xalqi va uning davlatchilik
tarixi» Respublika an’anaviy ilmiy seminarining navbatdagi yig‘ilishi bo‘lib o‘tdi.
Ilmiy anjumanda taniqli tarixchi olimlarning ma’ruzalari tinglandi. Dolzarb
muammolarga bag‘ishlangan ma’ruzalar anjumanda ishtirok etgan olima, tarixchi
mutaxassis, talaba, o‘quvchilarning Vatan tarixini o‘rganishda yangicha
yondashuvchilar haqida yangi ma’lumotlar olishiga, o‘zlarining nazariy bilimlarini
amaliy jihatdan mustahkamlashga katta hissa qo‘shdi.
Muzey fondidagi noyob eksponatlar Germaniya, AQSh, Malayziya,
Yaponiya va boshqa xorijiy mamlakatlarda o‘z ko‘rgazmasi bilan qatnashib, jahon
jamoatchiligi diqqatini o‘ziga tortib kelmoqda. Muzeyning arxeologik va
etnografik eksponatlari Yaponiyaning bir qator muzeylarida «Buyuk ipak yo‘li»
nomli ko‘rgazmada namoyish qilindi. Muzeyni ko‘rishga kelgan xorijiy sayyohlar
soni 2006 yili 1700 kishidan ortiqroq bo‘ldi.
Amalga oshirilgan tadqiqot jarayonida O‘zbekiston tarixi davlat muzeyi
o‘zining 130 yillik faoliyati davomida O‘rta Osiyo xalqlari moddiy va ma’naviy
madaniyati osori-atiqalari saqlanadigan yirik maskanga aylanganligi kuzatildi. U
doimo yuksalishda bo‘lsa-da, faoliyatini uch davrga bo‘lish mumkin: shakllanishi
(1876–1917), sovetlar davridagi faoliyati (1917–1991) hamda mustaqillik
davridagi yuksalishi (1991–2007).
O‘zbekiston tarixi davlat muzeyining faoliyati davomida ko‘p o‘zgarishlar
ro‘y berdi. 1876–1917 yillar davomida muzeyda asosan to‘plovchilik faoliyati
yo‘lga qo‘yildi. Muzey eksponatlari tartibga solinib, ro‘yxati tuzildi. Numizmatika,
arxeologiya, etnografiyaga oid eksponatlarning katalogi tuzildi. Bu muzeyning
faoliyati Turkistonning boshqa hududlarida ham muzeylar tashkil qilinishiga turtki
berdi.
1917 yillardan esa mazkur muzey nafaqat O‘zbekiston, balki butun O‘rta](/data/documents/c5f394e4-9f62-4fcc-b548-8b50030fe14d/page_9.png)
![Osiyo hududida eng yirik hisoblangan ilmiy-tekshirish va madaniy-ma’rifiy
muassasaga aylana boshladi. Bu davrda ekspozitsiya tuzish uslublari takomillashdi,
ekspeditsiyalar uyushtirilib, muzey fondlari boyitildi, hujjatlashtirish ishlari yaxshi
yo‘lga qo‘yildi, ilmiy tadqiqot ishlariga ham e’tibor qaratildi. Muzey o‘sha
davrlarda Respublika yetakchi muzeyi bo‘lib, viloyat, shahar, tuman muzeylari
uchun yo‘riqnomalar, ilmiy-uslubiy qo‘llanmalar chiqarib turgan. Biroq, ta’kidlash
lozimki, mazkur muzey ham ko‘p boshqa muassasalar qatorida sovet tuzumi
davrida shakllangan g‘oya va qadriyatlarni targ‘ib etuvchi markazga aylangan edi.
O‘zbekiston tarixi davlat muzeyining takomillashuvi va yangi ilmiy konsepsiyasi xususiyatlarini
tadqiq va tahlil etib, shunday xulosaga kelindi:
- O‘zbekiston mustaqillikka erishgach, muzey faoliyatiga nisbatan yangicha munosabat
shakllandi. 1992 yili davlat muzeyi maqomi berilib, O‘zbekiston tarixi davlat muzeyi deb atalishi
uning tarixida yangi davr boshlanganidan darak beradi;
- Muzey ilmiy xodimlari, yetakchi olimlar, san’at va madaniyat arboblarining mehnati samarasi
natijasida muzeyning yangi ilmiy konsepsiyasi ishlab chiqildi;
- Ekspozitsiyalar tubdan o‘zgartirilib, tarixan aniq, ishonchli-hujjatli va badiiy-ifodali qilib
tuzildi;
- Muzeyda O‘zbekistonning eng qadimgi davridan hozirgi kungacha bo‘lgan tarixini aks
ettiruvchi doimiy ekspozitsiya yaratilib, muzey o‘zbek xalqining jahon sivilizatsiyasiga qo‘shgan
hissasini namoyish etadigan ilmiy maskanga aylandi;
- O‘zbekiston tarixi davlat muzeyining takomillashuvi va yangi ilmiy konsepsiyasining
xususiyatlari, eksponatlarga boyligi, ularni eng zamonaviy talablar darajasida namoyish etishi
bilan jahonning eng mashhur muzeylari bilan bir qatorga qo‘yish mumkin.
1876 yildan to bugungi kungacha faoliyat ko‘rsatib kelayotgan O‘zbekiston tarixi davlat
muzeyining taraqqiyot bosqichlarini tadqiq qilish bilan bir qatorda, mustaqillik davrida yangi
tashkil etilgan muzeyning faoliyatini o‘rganish joiz deb topildi. Keyingi qismda Temuriylar
tarixi davlat muzeyi mustaqillik bunyodkorligi timsoli sifatida o‘rganiladi.](/data/documents/c5f394e4-9f62-4fcc-b548-8b50030fe14d/page_10.png)
![Foydalanilgan adabiyotlar:
1. Bekmurodov M.B. Rashidova M.X. Muzeyshunoslik. Toshkent: Voris-Ali,
2006.
2. Ismoilova J. X. Ilmiy va ma’rifiy maskan // Moziydan sado. – Toshkent, 2004. –
№1
3.Levteeva L. Yubileynыe vыstavki v muzee istorii Uzbekistana // Moziydan sado.
– Tashkent, 2006. – № 2.
4.Levteeva L. «Triada» iz Fayaztepe // Vecherniy Tashkent , 9 oktyabrya 2002
god a .
5.Numizmatika Uzbekistana / Otv. Red. Akad. E.V. Rtveladze. Tashkent: Fan,
1990.](/data/documents/c5f394e4-9f62-4fcc-b548-8b50030fe14d/page_11.png)
O‘zbekiston tarixi davlat muzeyining takomillashuvi va yangi ilmiy konsepsiyasi xususiyatlari Reja: 1. O‘zbekiston tarixi davlat muzeyining yangi ilmiy konsepsiyasi. 2. O‘zbekiston tarixi davlat muzeyining takomillashuvi va faoliyati.
1. O‘zbekiston tarixi davlat muzeyining yangi ilmiy konsepsiyasi. O‘zbekiston mustaqillikka erishgach, muzeylar faoliyatida ham ulkan o‘zgarishlar ro‘y bergani yuqorida aytildi. O‘zbekiston Respublikasi Vazirlar Mahkamasining 1992 yil 21 apreldagi 203-sonli qaroriga muvofiq, sobiq Xalqlar do‘stligi, Antikvariat, Lenin muzeylari O‘zbekiston xalqlari tarixi muzeyiga qo‘shib yuborilib, ular asosida O‘zbekiston tarixi davlat muzeyi tashkil etildi hamda u sobiq Lenin muzeyi binosiga joylashtirildi. Aytish mumkinki, o‘zbek xalqi tarixi, o‘tmishi, madaniyati va qadriyatlariga e’tibor berish mustaqil O‘zbekistonning davlat siyosati darajasiga ko‘tarildi. Chunki tarixiy xotira va o‘tmish bilan bog‘liq qadriyatlar xalqning o‘zligini anglashda muhim vositadir. O‘zbekiston tarixi davlat muzeyi endilikda o‘zining qariyb 130 yillik faoliyati davomida ilk marotaba o‘zbek xalqining tarixini xolisona ko‘rsatish imkoniyatiga ega bo‘ldi. Mustabid sovet tuzumi davrida taqiqlangan mavzular: o‘zbek xalqining davlatchilik tarixi, buyuk mutafakkirlar, Amir Temur va temuriylar davri, qatag‘on yillari, «Paxta ishi», O‘sh, Bo‘ka Farg‘ona fojealari kabi tariximizning eng muhim sahifalarini xolisona yoritish qayta tashkil etilgan muzeyning asosiy vazifasi etib belgilandi. Muzey hozirgi kunda O‘rta Osiyo va O‘zbekiston xalqlarining moddiy va ma’naviy osori-atiqalarini saqlash hamda o‘rganish bo‘yicha jahondagi eng boy va yirik ilmiy tadqiqot markazi hisoblanadi. Uning fondlarida 250 mingga yaqin tarixiy, san’at va madaniyat yodgorliklariga oid noyob buyumlar saqlanmoqda 1 . XX asrning boshlarida muzeyda to‘plangan Turkiston o‘lkasining moddiy boyliklari: arxeologiya, etnografiya, numizmatika, tabiat tarixi, zoologiya, geologiya, milliy liboslar, sharq qo‘lyozmalari, qurol-yarog‘lar kolleksiyalari ayrim «olimlar», alohida shaxslar tomonidan o‘zlashtirilib, dunyoning turli burchaklariga tashib ketilgani ham kuzatiladi. Mustabid sovet tuzumi davrida o‘zbek xalqining tarixi, madaniyati va ma’naviyatini o‘zida aks ettirgan noyob buyumlar Vatanimizdan tashqaridagi 1 Исмоилова Ж. Х. Илмий ва маърифий маскан // Мозийдан садо. – Тошкент, 2004. – №1. – Б. 2-3.
muzeylar, xususan Rossiyadagi muzeylar kolleksiyalarini boyitdi. O‘zbekiston tarixi davlat muzeyining 1943 yildan boshlab Respublika Fanlar akademiyasi tarkibiga qo‘shilishi muhim ahamiyat kasb etib, uning faoliyatini butunlay o‘zgartirib yubordi. Muzey nafaqat madaniy, balki ilmiy markazlardan biriga aylanishi uchun asos bo‘ldi. Muzey binosi 1970 yilda Toshkent markazida bunyod etilib, poytaxtning eng muhtasham inshootlaridan hisoblanadi. Ko‘rinishi jahatdan bino nomutanosib kub shaklida bo‘lib, Sharq me’morchiligida umrboqiylik ramzini anglatadi. Binoda o‘zbek me’morchiligining an’anaviy va zamonaviy jihatlari o‘z aksini topib, oddiy geometrik shakllar, rang-barang va boy sath, naqshlari bilan mujassamlashib ketgan. Muzeyga kirish eshigi qo‘qonlik mashhur usta K.Haydarovning yog‘och o‘ymakorligi san’ati namunasidir. Kirish zali balandligi bo‘yicha 3 qavatga loyihalashtirilgan. Muzeyning doimiy ekspozitsiyasi 2003 yili yangidan yaratilib, u O‘zbekistonning eng qadimgi davridan hozirgi kunigacha bo‘lgan tarixini aks ettiradi. Ekspozitsiyaning umumiy maydoni 2000 m 2 ni tashkil etib, unda 12 mingga yaqin eksponat o‘rin olgan. Ekspozitsiya ibtidoiy jamoa davri ko‘rgazmasidan boshlanadi. Taqdim etilgan eksponatlar O‘rta Osiyoda, xususan O‘zbekistonda odamlarning Seleng‘ur g‘ori davridan yashay boshlaganini tasdiqlovchi toshdan mehnat qurollari ko‘rgazmasidan boshlanadi. Teshiktosh g‘orida ochilgan dunyoga mashhur neandertal bola skeleti va uning qabri, tevaragiga qadalgan arhar shoxlari, Zarautsoyda topilgan qoyatosh tasvirlari, jez davriga oid moddiy qadriyatlarni namoyish etuvchi Sopollitepa, Jarqo‘ton, Chust va boshqa manzillardan topilgan ashyo va buyumlar katta ilmiy ahamiyatga ega. Muzeyda O‘rta Osiyodagi eng qadimgi davlat uyushmalari, ularning Eron ahmoniylari, Iskandar boshchiligidagi yunon-makedon bosqinchilariga qarshi kurashlari, Yunon-Baqtriya, Qang‘ va Kushon podsholiklari davri ham o‘z ifodasini topgan. Yurtimizdagi qadimgi Xorazm, Kushon podsholiklari madaniyati yuksak rivojini aks ettiruvchi tarixiy buyum, dastlabki yozuvlar namunalari ham ko‘rgazmadan munosib o‘rin olgan.
Ilk o‘rta asrlar, arablarning O‘rta Osiyoni istilo qilishi, xalifalikdan keyingi dastlabki mahalliy sulolalar davri, mo‘g‘ullar istilosi, Amir Temur va Temuriylar davri, Buxoro, Xiva, Qo‘qon xonliklari tarixiga oid ashyolar muzey ko‘rgazmasining davomini tashkil etadi. Ekspozitsiyada VI–VII asrlarga oid Fayoztepadan topilgan Budda haykali, Varaxsha, Afrosiyobdan chiqqan devoriy tasvirlar namunalari, Usmon «Qur’oni»ning ko‘chirma nusxasi, Oburdon qishlog‘idan keltirilgan o‘ymakor ustun va boshqalar o‘rin olgan. Qadimgi Yunon- Baqtriya, Kushon podsholiklari, Ko‘hna Xorazm, ilk o‘rta asrlarga oid Naxshob, Buxoro, Choch, Samarqand tangalari ham ko‘rgazmadan munosib o‘rin olib, ularda mahalliy hukmdorlar tasviri, tamg‘alari, ismi, unvonlari zarb etilgani diqqatga sazovordir. Tohiriylar, Somoniylar, Qaraxoniylar, Chingiziylar, Temuriylar, Shayboniylar va Ashtarxoniylar, Buxoro, Xiva va Qo‘qon xonliklari tangalari ekspozitsiyaning uzviy davomi bo‘lib, ushbu davr pul muomalasi haqida zarur ma’lumotlar beradi. Ekspozitsiyada mehnat qurollari, maishiy turmush bilan bog‘liq buyumlar ham talaygina. Vatanimizning o‘rta asrlardagi yuksak fan va madaniyatiga oid ma’lumotlarni ko‘rgazmaning Al-Xorazmiy, Abu Rayhon Beruniy, Abu Nasr Forobiy, Abu Ali ibn Sino, Ahmad Yassaviy, Bahouddin Naqshband, Mirzo Ulug‘bek, Alisher Navoiy, Zahiriddin Muhammad Bobur, Abulg‘ozi Bahodirxonga bag‘ishlangan bo‘limidan topamiz. Ekspozitsiyaning navbatdagi to‘rtinchi qavatida joylashgan qismida O‘zbekistonning rus mustamlakachiligi davri tarixini namoyish etadigan eksponatlardan boshlanadi. Ko‘rgazmada Rossiya tomonidan o‘zbek xonliklarining bosib olinishi, podsho ma’muriyati zulmi, Turkistonning xom ashyo bazasiga aylanishi aks ettirilgan. Mustamlakachilik zulmiga qarshi milliy ozodlik harakatlari, qo‘zg‘alonlar alohida bo‘limda namoyish etilgan. Ekspozitsiya davomida sovetlar davri tarixi, 1917–1991 yillarda O‘zbekiston taraqqiyotidagi yutuq va kamchiliklar, ijobiy va salbiy xususiyatlar eksponatlarda o‘z aksini topgan. Yangi ekspozitsiyaning asosiy bo‘limini Mustaqil O‘zbekiston Respublikasining tarixi egallaydi. Unda O‘zbekistonning mustaqillikni
mustahkamlash yo‘lida qo‘ygan ilk qadamlari, uning jahon davlatlari tomonidan e’tirof etilishi, xorijiy davlatlar bilan o‘zaro manfaatdorlik asosidagi aloqalarini aks ettiruvchi fotosuratlar, hujjatlar o‘rin olgan 2 . To‘qimachilik, kashtachilik, kandakorlik va zargarlik buyumlari kolleksiyalari o‘zlarining yorqin ranglari, tayyorlanish usullari, naqshlarining rang- barangligi bilan turli hunarmandchilik maktablari yo‘nalishlarini aks ettirdilar. Ularning namunalari maxsus elshunoslikka oid ko‘rgazmadan o‘rin olgan. Unda qo‘li gul o‘zbek ustalarining asrlar osha bizgacha yetib kelgan beqiyos did va mahorat bilan ishlagan, serjilo va fusunkor nozik amaliy san’at namunalari qo‘yilgan. 2. O‘zbekiston tarixi davlat muzeyining takomillashuvi va faoliyati. O‘zbek xalqining boy tarixiy an’analari, urf-odatlari va hunarmandchiligini o‘rganishda muzeydagi kolleksiyalarni to‘plash va ular asosida ilmiy tadqiqotlarning uzviy ravishda olib borilishi tarix fanining rivojiga o‘zining salmoqli hissasini qo‘shdi deb aytish mumkin. Albatta bu borada yetakchi muzeyshunoslarning xizmatlarini alohida ta’kidlab o‘tish zarur. Muzey ilmiy xodimlari tomonidan 1950 yildan boshlab «O‘zbekiston xalqlari tarixi muzeyi ishlari», 1960 yillardan boshlab esa «O‘zbekiston tarixiga oid materiallar» nomli ilmiy maqolalar to‘plami chop etila boshlandi. Ushbu to‘plamlardagi maqolalarda o‘zbek xalqining tarixi, madaniyati, muzeyshunoslik va uning muammolari o‘z aksini topdi 3 . Muzeydagi arxeologiya fondida qazishmalar paytida turli yodgorliklardan topilgan devoriy tasvirlar, uy-ro‘zg‘or buyumlari, mehnat qurollari, qadimiy yozuvlar tasvirlangan ashyolar va boshqa jihozlar saqlanadi. Bu ashyolar xalqimizning qadimiy tarixini yoritishda katta ahamiyatga egadir. Arxeolog olimlar, jumladan L.A.Albaumning 1950–1980 yillardagi ekspeditsiyalari natijasida Varaxsha, Afrosiyob, Bolaliktepa, Fayoztepa yodgorliklari ochildi. Ulardan topilgan osori-atiqalar ilk o‘rta asrlardagi xalqimiz madaniyati, san’ati haqida hikoya qiladi. Ayniqsa, Fayoztepadan (Surxondaryo) topilgan buddaviylik 2 Бекмуродов М.Б. Рашидова М.Х. Музейшунослик. Тошкент: Ворис-Али, 2006. – Б. 52. 3 Исмоилова Ж. Х. Илмий ва маърифий маскан // Мозийдан садо. – Тошкент, 2004. – №1. – Б. 2-3.