Turk xoqonligi davrida Sug‘d ichki siyosiy vaziyat va hokimliklar o‘rtasidagi munosabatlar
![Turk xoqonligi davrida Sug‘d: ichki siyosiy vaziyat va
hokimliklar o‘rtasidagi munosabatlar
MUNDARIJA :
KIRISH…………………………………………………………………………….. .....3
I- BOB. TURK ХOQONLIGI DAVRIDA SUG’D ТARIXINING
МANBASHUNOSLIGI VA ТАRIXSHUNOSLIGI
1.1. Sug’dning Turk xoqonligi davriga doir manbalarga ilmiy tavsif
……………………………………………………………………………………...8
1.2. VI-VIII asrlar Sug’d hokimliklari tarixiga doir ilmiy аdabiyotlar
tahlili……………………………………………………………………………....17
II- BOB. ТURK XOQONLIGI VA SUG’D MARKAZIY
HOKIMIYATINING HUDUDIY XOKIMLIKLAR BILAN
MUNOSABATLARI
2.1. Sug’d markaziy hokimiyatining hududiy hokimliklar bilan
aloqalari…………………………………………………………………………...28
2.2. Sug’d markaziy hokimiyati va Turk xoqonligi: tashqi siyosiy hayot va ijtimoiy
munosabatlar………………………………………………………………..……..42
III-BOB. SUG’D USTIDAN TURK XOQONLIGI HUKMRONLIGI VA
MAMLAKATNING ICHKI SIYOSIY VAZIYATI.
3.1. Turk-sug’d munosabatlarining tarixiy mohiyati …………………...................51
3.2. Sug’d boshqaruv tizimida turkiy unvonlarning o’rni …………………….. 64
Xulosa………………………………………………………………………….....74
Ilovalar………………………………………………………………………....... 7 6
Foydalanilgan manba va adabiyotlar ro’yxati……………………………….... 7 9
1](/data/documents/c3213bdd-4aed-40fd-a320-e9c7094e03d5/page_1.png)
![KIRISH
Biz ta’lim va tarbiya tizimining barcha bo’g’inlari
faoliyatini bugungi zamon talablari asosida takomillashtirishni
o’zimizning birinchi darajali vazifamiz deb bilamiz. 1
Mirziyoyev Sh.M.
Dissertatsiya mavzusining dolzarbligi. Mustaqillik yillari ijtimoiy
hayotimizning barcha sohalarida o’zgarishlar, yangilanishlar va yangiliklar yuz
berdi. Ayniqsa, tariximizni, o’zbek davlatchiligi tarixini o’rganish borasida tub
burilish davri boshlandi.
O’zbekiston Respublikasining birinchi Prezidenti I.A.Karimov o’zbek
davlatchiligi tarixini o’rganishni eng dolzarb masala sifatida e’tirof etib, bu
masalani davlat siyosati darajasiga ko’tardi: “O’zbek davlatchiligi qaysi asrda
paydo bo’ldi? Qanday tarixiy bosqichlarni bosib o’tdi? Mutaxassislar, balki,
tushuntirib berarlar, balki aniq javoblari bordir? Targ’ibot, tashviqot ishlarini olib
borayotgan olimlar, balki, allaqachon bir fikrga kelishgandir? Lekin hozircha na
matbuotdan, na darsliklardan men mana shu savollarga javob topolmadim” 2
.
Birinchi Prezidentimiz tomonidan qo’yilgan bu masala biz tarixchilar oldiga katta
vazifa va mas’uliyat yuklaydi. Bu dolzarb masala bugungi kunda ham o’z
ahamiyatini yo’qotmadi. Zero, “Vatanimizning qadimiy va boy tarixini o’rganish
bu borada ilmiy tadqiqot ishlarini kuchaytirish, gumanitar soha olimlari faoliyatini
har tomonlama qo’llab-quvvatlashimiz lozim” 3
.
Mustaqilligimizgacha tarixchilar o’zbek davlatchiligi tarixini, ayniqsa uning
paydo bo’lish va shakllanish davrlarini o’rganishga yetarlicha e’tibor berishmagan.
“O’zbek davlatchiligi tarixi” mavzusining ijodkori Birinchi Prezident
1
Mirziyoyev Sh. M. “Qonun ustuvorligi va inson manfaatlarini ta’minlash- yurt taraqqiyoti va xalq farovonligininggarovi” T.:
O‘zbekiston, 2017. 24-b.
2
Karimov I.A. Tarixiy xotirasiz kelajak yo’q. Toshkent. Muloqot. 1998, 5 son. 16 bet.
3
Mirziyoyev Sh.M. O’zbekiston Respublikasi Prezidenti Shavkat Mirziyoyevning 2018 yil 28 dekabrdagi Oliy Majlisga
Murojaatnomasidan. “Xalq so’zi” gazetasi. №272. 29.12.2018
2](/data/documents/c3213bdd-4aed-40fd-a320-e9c7094e03d5/page_2.png)
![I.A.Karimovdir. Mustaqillikkacha bu ibora tarixchilar tomonidan qo’llanilgan
emas. Bu bilan tarixchilar O’zbekiston hududida davlatchilikning shakllanishi
mavzusi bilan shug’ullanmagan,- deyishdan yiroqmiz. “O’rta Osiyoda ilk sinfiy
munosabatlarning shakllanishi”, “Ahamoniylar imperiyasiga qadar O’rta Osiyoda
kechgan davlatchilik munosabatlari” kabi mavzular tarixchilar tomonidan qizg’in
muhokama etilgan bo’lsa-da, davlatchilik mahalliy xalqlarning milliy davlatchiligi
tarixi sifatida talqin qilinmadi.
O’zbekiston hududidagi eng qadimgi davlatlar haqidagi asosiy manbalar
–“Avesta” kitobi, ahamoniylarning mixxat yozuvlari, yunon-rim tarixchilarining
ma’lumotlari hisoblanadi. So’nggi yillarda Baqtriya, Xorazm va So’g’d
hududlarida olib borilgan arxeologik tadqiqotlar bu ma’lumotlarni tasdiqlash bilan
birga yangi ma’lumotlar bilan boyitmoqda. Sopolli, Kuchuktepa, Qadimgi
Baqtriya, Qadimgi So’g’d madaniyatlarining ochilishi O’zbekiston hududida
davlatchilikning shakllanishi va rivojlanishi bo’yicha yangi ma’lumotlar
bermoqda. Jahon tarixshunosligida ilk davlatlarning shakllanishi borasida ko’plab
nazariyalar mavjud:
- davlatlar mulkiy tabaqalanish mahsuli bo’lib, uning kurtaklari qadimgi
jamoalar davrida paydo bo’lgan (Qadimgi Sharq);
- rivojlangan jamoalarda sinfiy differensiya va davlatchilik bo’lgan yoki
harbiylashgan jamoalar bosqinidan o’zlarini himoya qilish yo’lida himoya
vositalari va davlat boshqaruv tizimini rivojlantirib borgan, aks holda varvarlar
hujumining qurboniga aylangan.
XX asr oxiri o’zbek xalqi tarixida olamshumul ahamiyatga molik davr
bo’ldi. O’zbekiston mustaqil taraqqiyot yo’liga kirdi, asriy orzusi ushalgan xalq
o’z taqdirini o’z qo’li bilan yaratadigan bo’ldi. Kelajagi buyuk davlatni qurish va
mustahkamlash uchun jamiyatni harakatga keltiruvchi komil insonlarni etishtirish
talab etiladi. Buning uchun jamiyatning har bir a`zosi dastavval, o’zligini anglashi
kerak. Birinchi Prezidentimiz I.A.Karimov “Tarixiy xotirasiz kelajak yo’q”
risolasida, - “o’zlikni anglash tarixni bilishdan boshlanadi. Tarixni yaxshi
bilmasdan turib yuksak mavqega erishish mumkinmi? Albatta, mumkin emas.
3](/data/documents/c3213bdd-4aed-40fd-a320-e9c7094e03d5/page_3.png)
![Ma`naviyatini tiklashi, tug’ilib o’sgan yurtida o’zini boshqalardan kam sezmay,
boshini baland ko’tarib yurishi uchun insonga, albatta, tarixiy xotira kerak...
Tarixiy xotirasi bor inson – irodali inson. Takror aytaman, u irodali insondir...
Jamiyatning har bir a`zosi o’z o’tmishini yaxshi bilsa, bunday odamlarni yo’ldan
urish, har xil aqidalar ta`siriga olish mumkin emas. Tarix saboqlari insonni
hushyorlikka o’rgatadi. Irodasini mustahkamlaydi” 4
- deb ta`kidlaganlar.
O’zbekiston Respublikasi Birinchi Prezidenti Islom Karimovning 1998- yil
26- iyundagi bir guruh olimlar va tarixchilar bilan uchrashuvi, O’zbekiston
Respublikasi Vazirlar Mahkamasining 1998- yil 27- iyuldagi "O’zbekiston
Respublikasi Fanlar akademiyasi qoshidagi tarix instituti faoliyatini
takomillashtirish to’g’risida" gi qarorining e’lon qilinishi vatanimiz tarixchilari
oldiga o’zbek davlatchiligi tarixini haqqoniy va ilmiy asosda yoritishga vazifalarni
qo’ydi. Shu munosabat bilan “O’zbek davlatchiligi tarixi konsepsiyasi” loyihasi
ishlab chiqildi. Ushbu konsepsiyada Mustaqillik davri tarixni o’rganishga alohida
e’tibor qaratildi. 5
Tadqiqotning ob’ekti. Magistrlik dissertatsiya ishining tadqiqod ob’ekti
sifatida, So’g’d va Turk munosabatlari tanlangan.
Tadqiqot predmeti . O’zbekiston davlatchiligi taraqqiyotida So’g’dning
tarixiy o’ rni tadqiqotimizning ob y ektini tashkil qilsa, uni ilmiy asosli ya’ni tarixiy
manba va mavjud adabiyotlar asosida o`rganish, o ’ z o ’ rnida qiyosiy tahlil qil ish
ushbu ishi miz ning predmeti hisoblanadi.
Dissertatsiyadan ko`zlangan maqsad . O’zbekiston davlatchiligi
taraqqiyotida So’g’d n ing tutgan o’rnini ko’rsatish .
Tadqiqotning ilmiy yangiligi . Dissertatsiya ilk o’rta asrlarda turk-sug’d
munosabatlari mahalliy va xorijiy olimlarning asarlari asosida atroflicha o’rganildi.
Unga ko’ra, Turk xoqonligida Sug’dning ijtimoiy-siyosiy o’rni katta ahamiyat kasb
etgan.
- So’g’dning tarixiy manbalardagi tavsifi bo’ y icha manba va adabiyotlar
4
Karimov I. A. Tarixiy xotirasiz kelajak yo’q. T. 1998 53-bet
5
O'zbek davlatchiligi tarixi tushunchasi. // O'zbekiston tarixi // 1999 yil 1-son 32-bet
4](/data/documents/c3213bdd-4aed-40fd-a320-e9c7094e03d5/page_4.png)
![tahlil qilindi;
- So’g’d hududining tarixiy geografik joylashuvini o’rganildi;
- So’g’d konfederatsiyasi haqida ma’lumot berildi;
- So’g’dda shaharsozlik madaniyatining shakllanishi va takomillashishi keng
yoritildi ;
- Tarix darslarida O’zbekiston davlatchiligi taraqqiyotida So’g’dning tutgan
o’rni mavzusini o’quvchilarga o’rgatishning interfaol usullari ko’rsatib berildi.
Mavzu bo'yicha adabiyotlar tahlili. . A.Ishoqovning ma’lumotlariga ko’ra
eneolit davrida Sarazm aholisi urug’ jamoa bo’lib, bronza davrida esa qishloq
jamoa shaklida hayot kechirishgan. A.S.Sagdullaevning Shahrisabz va Yakkabog’
hududlaridagi ilk temir davri yodgorliklarida (Daratepa, Uzunqir, Sangir tepa) olib
borgan tadqiqotlarida Janubiy So’g’diyonada shahar madaniyatining paydo bo’lishi
va ilk davlatchilik formalarining shakllanish jarayonlari kuzatildi. Bu borada
R.X.Sulaymonovning Qarshi vohasida (Yorqo’rg’on), M.X.Isomiddinovning
Chelak tumanida (Ko’ktepa) olib borayotgan arxeologik izlanishlari diqqatga
sazavor.
Tadqiqotda qo'llanilgan uslublarning qisqacha tavsifi. Mazkur mavzuni
o‘rganishda avvalo, O‘zbekiston Respublikasi Prezidenti Shavkat Mirziyoyevning
milliy davlatchilik tarixi, mamlakat taraqqiyotining asosiy yo‘nalishlari, milliy
ma’naviyatni yuksaltirishga qaratilgan tashqi siyosat masalalari keng va har
tomonlama yoritib berilgan asarlariga va xalqaro tashkilotlar doirasida O‘zbekiston
yondoshuvi yuzasidan so‘zlagan nutqlariga tayanildi.
Prezidentning tarixni o‘rganishda aniq va real voqealarga tayanish kerak,
degan fikrlari asosida mavzu ilmiy-metodologik me'yorlar doirasida yoritishga
harakat qilindi. Bu borada O'zbekiston Respublikasi Prezidenti Shavkat
Mirziyoyevning asarlaridagi nazariy yondashuvlar ishning metodologik asosi qilib
olindi. Xususan " Tanqidiy tahlil, qat’iy tartib-intizom va shaxsiy javobgarlik – har
bir rahbar faoliyatining kundalik qoidasi bo‘lishi kerak 17 ”, " Buyuk kelajagimizni
mard va olijanob xalqimiz bilan birga quramiz 18 ” kabi asarlaridan, bundan tashqari
5](/data/documents/c3213bdd-4aed-40fd-a320-e9c7094e03d5/page_5.png)
![O'zbekistonda mustaqillik yillari chop etilgan ilmiy asarlar hamda davriy matbuot
nashrlaridan ham keng foydalanildi. .
Tadqiqotning ilmiy va amaliy ahamiyati . Tadqiq etilgan mavzu
natijalari va xulosalaridan umumta’lim maktablari, akademik litsey va kasb- hunar
kollejlarining o’quvchilari, Oliy o’quv yurti talabalariga “O’zbek davlatchiligi”
turkumidagi mavzularni o’qitishda foydalanish mumkin. Ishda bayon etilgan ilmiy
xulosalar va ularning natijalaridan O’zbekiston davlatchiligida So’g’dning o’rnini
bo’yicha ma’ruzalar o’qishda ham foydalanish mumkin.
Dissertatsiya ishining tarkibi va hajmi. Dissertatsiya ishi kirish, uchta
bob, xulosa, foydalanilgan adabiyotlar ro’yxati va ilovalardan iborat.
6](/data/documents/c3213bdd-4aed-40fd-a320-e9c7094e03d5/page_6.png)
![I-BOB . T urk xoqonligi davrida Sug’d tarixining manbashunosligi va
tarixshunosligi.
1. 1 Sug’dning Turk xoqonligi davriga doir manbalarga ilmiy tavsif.
Ilk o'rta asrlar Samarqand markazi Sug'd konfederatsiyasi - “Sug'd ittifoqi”
mazmunidagi ushbu nisbiy atama ostida birinchi o' rta asrlarda Zarafshon daryosi
havzasidagi Samarqand, Panch, Maymurg’, Ishtixon, Kabudon, Kushoniya
hukmdorliklarini hamda Qashqadaryo daryosi havzasidagi Kesh va Naxshab
hukmdorliklarini o’z ichiga olgan muayyan siyosiy tashkilotlar tushunilib, uning
tarkibidagi ushbu hukmdorliklar o’z ichki boshqaruvida mustaqil bo’lishgan.
Ularning har biri o'z boshqaruv markazi - poytaxti, hukmdor sulolasi, hokimlik
ramzlari (tanga, tamg’a va h.k.), qo’shini kabi hokimiyat ramzlariga ega
bo’lishgan. O'z navbatida bitta siyosiy ittifoq - konfederatsiyaga birikishlari
asosida ushbu hukmdorliklarning o'zaro yetakchi hukmdorlik (yoki sulola) ga
bo’ysunishlari, hukmdor sulolalar kelib chiqishi jihatidan yagona xonadonga borib
taqalishlari yoki ayrim ijtimoiy-siyosiy va madaniy-mafkuraviy majburiyatlarni
bajarishlari kabi omillar yotgan. Jumladan, Samarqandda Chjaovu (Jamuk)
xonadoni hukm surib, qolgan hukmdorliklardan aksariyatini ushbu xonadonga
mansub sulolalar boshqarishgan va ular orasida Samarqanddagi sulola yetakchilik
qilgan. Tashqi dushmanlarga birgalikda kurashish majburiyatida bo’lgan
hukmdorliklar vakillari yilning muayyan vaqtlarida bitta joyga yig’ilgan holda
diniy amallarni, xususan, zardushtiylar udumlarini hamkorlikda bajarishgan.
Bugungi kunga qadar Sug'd tarixi yuzasidan bir qator tadqiqotlar amalga
oshirilgan bo’lib, ushbu tadqiqotlarning mazmun-mohiyatidan kelib chiqib
quyidagi guruhlarga bo'lish mumkin:
Birinchi guruh - tarixiy-lingvistik tadqiqotlar. Sug'd tarixini o'rganish XIX
asrning ikkinchi yarmidan boshlanganiga 6
qaramasdan, bu masalada hali ham
mavhum jihatlar ko’p. Bu davr manbalarini tarixiy- lingvistik jihatdan tahlil qilish
muammoni o'rganishda birinchi darajadagi ahamiyatga ega. Sug'diy yozma
6
Tomashek, W. Central Asiatische Studies I. Sogdiana // SPAW. – Wien, 1877. – vol. LXXXVIII. – 187 p
7](/data/documents/c3213bdd-4aed-40fd-a320-e9c7094e03d5/page_7.png)
![yodgorliklarni dastlabki tarjima va lingvistik tahlil qilgan ingliz olimi Gershevich
tadqiqotlari bu boradagi dastlabki izlanishlardan bo’ldi. Ta'kidlab o'tish zarurki,
tadqiqotchilar orasida I.Gershevich Mug’ tog’i sug’diy hujjatlarining o’qilishi va
talqini borasida ilmiy izlanishlarni amalga oshirgan, ushbu hujjatlardan
ayrimlarining ingliz tiliga tarjima qilinishi sug’dshunoslikning dunyo miqyosidagi
rivojiga zamin yaratdi. V.A.Livshis tomonidan Mug’ tog’i sug’diy hujjatlarini
o'qishda ham I.Gershevichning 1961- yil 29- sentyabrda yo’llagan maktubi muhim
ilmiy asos bo’lgan 7
.
Sug'd konfederatsiyalari tarixining VII asr oxirgi choragi va VIII asr boshlari
bilan aloqador tarixiy jarayonlar Mug’ tog’idan topilgan 75 ta sug’diy
hujjatlarining grammatik jihatdan o'rganilishi bilan bog’liq bo’lib, ushbu
tadqiqotlarning amalga oshirilishi sug’dshunoslikda yangi davrni boshlab berdi.
Sug'diy hujjatlarni lingvistik jihatdan o'rgangan V.A.Livshis Sug'd boshqaruvida
turkiylarning ishtiroki, xoqonlik va Panch orasidagi munosabatlar tegishli
masalasiga to'xtalgan. Olimning tadqiqotlari natijasida Sug'd konfederatsiyasi
Panch hukmdorligining mustaqil ma'muriy birlik sifatida xoqonlik bilan
hamkorlikda Arab xalifaligi kuchlariga qarshi harakatlari ma'lum bo’ladi.
Sug’dshunos M.Ishoqov izlanishlarida ham sug’diy manbalarning lingvistik
tahliliga e’tibor qaratilgan. Jumladan, olimning “ Глагольная система в
согдийском языке ” mavzusida nomzodlik dissertatsiyalari va
“ Палеографическое исследование согдийских письменных памятников
Цен тральной Азии до исламского периода ” mavzusida doktorlik dissertatsiyasi
islomga qadar bo’lgan sug’diy yozma yodgorliklar lingvistikasi va va
paleografiyasi tadqiq etilgan. Ushbu ilmiy izlanishlar sug’diy yozma yodgorliklar
lingvistik va paleografik jihatdan tadqiq etilishida o'zidan keyingi tadqiqotlar
uchun muhim manba bo'lib xizmat qildi.
Sug'd tarixi yuzasidan manbalarni lingvistik tahlil qilgan ingliz eronshunosi
Sims-Villyams tadqiqotlarini ham bu borada muhim izlanishlar sirasiga qo'shish
7
СДГМ II. – C. 8.
8](/data/documents/c3213bdd-4aed-40fd-a320-e9c7094e03d5/page_8.png)
![mumkin 8
. Yozma yodgorliklarni tadqiq etgan B.G'arib Sug’diy lug’atni yaratdi.
Yozma yodgorliklarni tahlil qilgan fransuz olimi F. Grene tadqiqotlarida Mug’
tog’i hujjatlari bilan birga “Ko’hna xatlar” va Kulto’badan topilgan sug’diy
hujjatlar lingvistik jihatdan o’rganilgan. Ushbu manbalarda umumsug'd tarixiga
doir ma'lumotlardan ko’ra, ko’proq manbalarning lingvistik tahliliga e’tibor
berilgan. Shuningdek, sug’diy yozma yodgorliklarning etimologiyasi (so’zlarning
kelib chiqishi) muammolarini I.S. Yakubovich izlanishlarida ko'rish mumkin.
Ushbu tadqiqotda ham Sug'dda konfederatisiyalashuv jarayoniga daxldor
umumiy ma’lumotlar keltirilgan. Tadqiqot sug’diy yozuvning evolutsiyasi
to’g’risida muhim ilmiy izlanish hisoblanib, muallif tadqiqot asnosida sug’diy
nikoh (3-nov, 4-nov) va Abdurahmon ibn Subhning Devashtichga maktublarini (1.
I) etimologik tahlil qilgan hamda Sug’dning siyosiy tarixiga bir qator mustaqil
fikrlarni ilgari surgan. Sug’diy yozuvning lingvistik tahlili va manbalardagi
sug’diy iboralarning tahlili, sug’diy til genesisi borasida Payn Shmidt 9
, Xavier
Trombley, Prod okto Shervu Anshuman Pandey, Raham Asha kabi
tadqiqotchilarning ishlarini alohida e'tirof etish lozim.
Ikkinchi guruh - toponimik va tarixiy geografik tadqiqotlar. Sug'd
konfederatsiyasi tarixini yoritishdagi muhim masalalardan biri ushbu ma’muriy
tuzilma tarkibidagi tarixiy toponimlarni tadqiq etish, ularning geografiyasi hamda
topografiyasini aniqlash va bu orqali o'sha davr haqida aniq tasavvurlarga ega
bo’lishdir. Bu borada bir qancha tadqiqotlar amalga oshirilgan. Jumladan,
A.L.Xromov, H.Hasanov, S.Qorayev, T.Nafasovlar O’zbekistonning umumiy
toponimlarini tadqiq qilish asnosida sug’diy toponimlarga izoh berishga harakat
qilishgan 10
. Ularni tadqiqotlarini toponimlar izohli lug’ati desak bo’ladi.
8
Sims-Williams N., Grenet F. The Sogdian inscriptions of Kultobe // Shygys. – 2006. – № 1. – Р . 95-111; Sims-
Williams N. The Sogdian Merchants in China and India. Cina e Iran. Da Alessandro Mango alla Dinastia Tang, a
cura di Alfredo Cadonna e Lionello Lanciotti. – Firenze: 1996. – Р . 25-32.
9
A Compendious syriac dictionary / Edited by Payne Smith. Oxford, 1903. – 626 p.
10
Қораев С. Ўзбекистон вилоятлари топонимлари. – Тошкент: ЎМЭ, 2005. – Б. 114; Ҳасанов Ҳ. Географик номлар
сири. – Тошкен: 1985. – Б. 17; Нафасов Т. Ўзбекистон топонимларинииг изоҳли луғати. – Тошкент: Фан, 1988. – 291
б.; Хромов А.Л. Очерки по топонимии и микротопонимии Таджикистана. – Душанбе: Ирфон, 1975. – Вып. I. – 85 с.
9](/data/documents/c3213bdd-4aed-40fd-a320-e9c7094e03d5/page_9.png)
![Bu borada O.I.Simirnovaning tadqiqotlari o’ziga xosligi bilan ajralib turadi.
Olima Mug’ tog’i sug’diy hujjatlaridagi asosan Sug’dning Panch hukmdorligi
tasarrufidagi toponimlarning topografiyasini aniqlagan hamda yuqori Zarafshon
vohasining tarixiy-geografik xaritasini tuzgan. Arabshunos Sh.Kamoliddin
Sug’dagi turkiy toponimlarni tadqiq etish bilan birga Markaziy (Samarqand) va
Janubiy Sug'd (Kesh va Naxshab) hukmdorliklarining tarixiy-geografiyasi hamda
ma'muriy tuzulishiga doir tadqiqotlar olib borgan. Olimning tadqiqotlari natijasi
o'laroq Kesh va Naxshabning qaram mulklari nomi aniqlangan. P.B. Lurie esa
Sug’ddagi aholi maskanlari nomini lingvistik tahlil qilgan. Uning tadqiqotida
asosiy e’tibor toponimlarning kelib chiqishiga qaratilgan bo’lib, ishda Markaziy
Sug'd va Buxoroning siyosiy jihatdan alohidaligi aks ettirilmaydi. Ushbu
tadqiqotlar Sug'ddagi joy nomlarining tahlili va kelib chiqishi xususiyatlariga
qaratilganligi bilan alohida ahamiyat kasb etadi.
Uchinchi guruh - arxeologik tadqiqotlar. Arxeologik Jihatdan Sug'd tarixi
Turkiston o’lkasining Podsho Rossiyasi tomonidan bosib olingan davridan boshlab
o'rganila boshlangan. Afrosiyobdagi dastlabki tadqiqotlar N.I.Veselovskiy
tomonidan boshlangan. Arxeologik qazishmalar V.L.Vyatkin 11
, V.V.Bartold 12
,
A.Yu.Yakubovskiy, M.E.Masson, A.I.Terenojkin, V.A.Shishkin, Ya.G‘ulomov,
L.I.Albaum, X.Oxunboboev, G.V.Shishkina, D. Qodirov va boshqa bir qator
tadqiqotchilar tomonidan davom ettirilib, izlanishlar natijasida ilk o'rta asrlarda
Sug'd tarixi hamda Samarqand tarixiga oid qimmatli asarlar vujudga keldi.
XX asrning 40-yillaridan boshlab Sug'd tarixi bilan bog'liq bo’lgan Tali-
Barzu, Oqtepa, Qo'ldortepa, Kofirqal'a, Jartepa kabi ob’ektlarda arxeologik
tadqiqotlar olib borildi. 1946- yildan esa A.Yu.Yakubovskiy 13
, 1954- yildan esa
A.M.Beleniskiy rahbarligida davom etgan Sug'd-tojik ekspeditsiyasi natijalari bir
qator olimlarning tadqiqotlarida o'z aksini topdi. Ularda ilk o'rta asrlar Sug'd
madaniyati va san’atiga dahldor masalalar to’g’risida ma'lumotlar keltiriladi.
11
Вяткин В.Л. Афрасиаб - городище былого Самарканда. – Ташкент: Уздавнашр, 1959. – 266 с.
12
Бартольд В.В. Туркестан в эпоху монгольского нашествия / Соч. – М.: ИВЛ, 1963. – Том I. – С. 169 -443.
13
Якубовский А.Ю. Из истории археологического изучения Самарканда // Труды отд. Вост. Гос. Эрмитажа.
10](/data/documents/c3213bdd-4aed-40fd-a320-e9c7094e03d5/page_10.png)
![1998-yildan boshlab Afrosiyobda o zbek-fransuz arxeologik ekspeditsiyasiʻ
(Mission archeologique Franco-O’zbek) dastlab P.Bernard, keyinchalik F.Grene
boschchiligida O‘zbek olimlaridan M.Isamiddinov, T.Shirinovlar bilan
hamkorlikda arxeologik tadqiqotlar olib bordi. Ushbu Ekspiditsiyaning katta
yutuqlaridan biri, bu Afrosiyobdan 30 km shimolda joylashgan Ko'ktepa
yodgorligining tadqiq etilishi bo'lib, buning natijasida Sug’dning qadim
davlatchiligi to’g’risida fikrlar yanada oydinlashdi. Janubiy Sug'd (Qashqadaryo)
vohasini arxeologik jihatdan tadqiq etish 1946 – 1948 -yillardan boshlanib
S.K.Kabanov, A.I.Terenojkin, L.I.Albaumlarning ishlari P.H.Sulaymonov
tomonidan davom ettirildi. Ushbu hududdagi arxeologik tadqiqot Eski Angor va
Chimqo'rgon kanali qurilishi bilan bog’lik holda jadal olib borilgan.
1965 – 1966- yillarda bu yerda M.E.Masson va S.K.Kabanov
boshchiligidagi Kesh arxeologik-topografik ekspeditsiyasi qadimgi Naxshab shahri
xarobalarini tadqiq qildilar. Ayniqsa, R.H.Sulaymonov boshchiligidagi
Qashqadaryo arxeologik ekspeditsiyasining Yerqo'rgonda olib borgan tadqiqot
ishlari natijasida Sug'dning qadimgi davlatchiligi bilan bog’liq muhim ma’lumotlar
qo’lga kiritildi.
To’rtinchi guruh - numizmatik tadqiqotlar. Sug’dshunoslikning
asoschilaridan biri fransiyalik olim Allot de la Fyue tadqiqotlari o’zining keng
qamrovliligi va xitoy yilnomalari bilan bir qatorda arab va fors manbalaridan ham
foydalanilganligi bilan ajralib turadi 14
. Shuningdek, ushbu tadqiqotga sug'diy
yozuvli tangalar birinchilardan bo'lib jalb qilingan. Shu jihatdan, uning
tadqiqotlarini Yevropada bu sohadagi ilk ishlardan biri deb hisoblash mumkin.
Amerikalik sug’dshunos R.Fray sug’diy unvonlarning genezisi, Sug’d
hukmdorliklarining tanga zarbi bo’yicha nashrlar elon qilgan. Lekin Sug'd
numizmatikasi bo'yicha O.I.Smirnova tadqiqotlari boshqalardan anchayin farqli.
Olima o'z tadqiqotlarida 15
ilk o'rta asrlarda Sug'dning arablar tomonidan bosib
14
Ғойибов Б. Суғд конфедерациясида Панчнинг ўрни. ... – Б. 42.
15
C мирнова О.И. К истории Самаркандского договора 712 г. (Договор арабского полководца Кутайбы с царем
11](/data/documents/c3213bdd-4aed-40fd-a320-e9c7094e03d5/page_11.png)
![olinishi jarayonlarini tadqiq etish asnosida o'rganilayotgan mavzuning ba’zi
qirralariga e’tibor qaratgan. Shuningdek ushbu tadqiqotga sug'diy yozuvli tangalar
birinchilardan bo'lib jalb qilingan. Shu jihatdan olganda, uning tadqiqotlarini
Yevropada bu sohadagi birinchi ishlardan biri deb hisoblash mumkin.
O.I.Smirnova birinchilardan bo’lib sug’diy tangalarning katalogini tuzgan
hamda Sug’d konfederatiyasining siyosiy va ijtimoiy-iqtisodiy holati bilan bog’liq
o'z mulohazalarini ham aytib o’tgan. Ta’kidlash lozim bo’lgan yana bir masala
shuki, olima tomonidan “Sug’d tarixidan lavhalar (So‘g‘d tarixining ocherklari.
Moskva: Nauka, 1970)” yaratilgan bo’lib, tadqiqotda ilk o'rta asrlar Sug'd
tarixining ijtimoiy-iqtisodiy va siyosiy hayotiga oid bir qator masalalar o'z aksini
topgan. Lekin keyingi 50 yil davomida to’planib qolgan xulosalar hamda ilmiy
yutuqlar mazkur tadqiqotni qayta to’ldirishni taqozo etadi.
Sug'd konfederasiyasi hukmdorliklarining Yunon-Baqtriya hukmdorlari
davridan keyingi zarb ettirgan tangalari va ilk sug’diy tangalar talqini E.Zeymal
tomonidan amalga oshirilgan bo’lib, mazkur tadqiqot konfederatsiya
hukmdorlarining ilk tangalarini o'rganishda, siyosiy hayotning tanga zarbida aks
etishi masalasini tadqiq etishda ayniqsa, qimmatli. E.V.Rtveladze va J.Ilyasov
tadqiqotlarida ilk o rta asrlarda Sug d tarixiga, xususan, uning numizmatikasigaʻ ʻ
e'tibor qaratishgan 16
. Ularning tadqiqotlarida keltirilgan sug’diy iboralarning talqini
masalasida bahsli. Sug’d hukmdorlari tomonidan zarb qilingan tangalar numizmat
G'.Boboyorov tomonidan ham o'rganilgan bo’lib, uning izlanishlarida ilk o'rta
asrlarda Sug'ddagi ijtimoiy-iqtisodiy, siyosiy jarayonlar to'g'risida ma’lumotlar joy
olgan. Tadqiqotchi G’arbiy Turk xoqonligi boshqaruvidagi vassallardan biri
sifatida Sug’d masalasiga bir muncha to’xtalib o’tgan.
Согда Гуреком, заключенный в 712 г.) // КСИВАН. – 1960. – Вып. XXXVIII. – С. 140; Ўша муаллиф .
О титуловании согдийских правителей. – М: ИВЛ, 1962. – С. 393-398 ; Ўша муаллиф. Очерки из истории Согда. –
М.: Наука, 1970. – 288 с.
16
Ртвеладзе Э.В. Цивилизация, государство, культуры Центральной Азии. – Ташкент: 2005. – 286 с.; Ртвеладзе
Э. История и нумизматика Чача (вторая половина III - середина VIII в. н.э.). – Ташкент : 2006; Ильясов Дж.Я. Об
этнической принадлежности правителей Пенджикента // Нумизматика Центральной Азии. – Ташкент: 2004. –
Вып. VIII. – С. 58 -59; Ильясов Д. О происхождении тамги Самаркандских правителей // Самарқанд шаҳрининг
умумбашарий маданий тараққиёт тарихида тутган ўрни. Халқаро конференция материаллари. – Тошкент -Cамарқанд:
Фан, 2007. – Б. 146 -149.
12](/data/documents/c3213bdd-4aed-40fd-a320-e9c7094e03d5/page_12.png)
![Sug'diy tangalarning katta qismi A.A. Musakaeva tomonidan o'rganilib, ular
shartli ravishda “Turon tangalari” deb talqin qilingan. Ushbu tadqiqotda Sug dʻ
konfederatsiyasining Samarqand, Panch, Kesh, Naxshab hukmdorlari tomonidan
zarb qilingan tangalari tasnifiga e’tibor qaratilmagan. Bundan tashqari,
tadqiqotning asosiy ma'lumotlar bazasi Buxoro vohasi tangalaridan iborat.
Beshinchi guruh - umumiy tarixiy tadqiqotlar. Sug’d konfederatsiyasi
tarixining u yoki bu qirrasini o'zida aks ettirgan ishlar ham talay bo’lib, o’rni
kelganda ularga ham to’xtalib, ularning tavsifini keltirish lozim. Xorijda Sug'd
tarixi bilan bog’liq ilmiy izlanishlarni XIX asrning ikkinchi yarmida V.Tomashek
bergan bo’lsa, J.Markvart tadqiqotlarida O'rta Osiyoning islomdan avvalgi siyosiy
ahvoli yoritilib, uning ishlari turk-sug’d munosabatlariga katta etibor qaratilgani
bilan alohida ajralib turadi 17
.
V.V.Bartold o'z asarlarida ko'plab miqdordagi manbalarni jalb etish orqali
Sug'd bo’yicha tarixiy-geografik tafsilotlar orqali, arablar bosqini bilan bir qatorda
Markaziy Osiyoning ijtimoy va etno-siyosiy tarixini davrlashtirish hamda hududiy
aloqadorligini ko’rsatish yuzasidan o'z xulosalarini ilgari surdi 18
. Muammoning
arablar xoqonlik bilan bog’liq ba’zi jihatlari qisman bo’lsa-da, rus turkologlari
S.G.Klyashtorniy izlanishlarida o’z aksini topgan. Muammoning arablar bosqini
davri bilan bog’liq bir qator jihatlari B. Gafurov va G. G'oibov tadqiqotlaridan o'z
aksini topgan.
Xususan, B. G‘ofurov Sug’dga konfederativ uyushma sifatida qarashni ilgari
surgan. Etien de la Vessièr asarlarida Sug'd konfederatsiyalari va uning tarkibidagi
hukmdorliklar geografiyasi, Devashtich siyosiy faoliati va arablar bosqini
arafasidagi Sug’dning siyosiy holatiga e’tibor qaratadi. Jumladan, u Sug’dning
Arablar tomonidan bosib olinishi masalasini alohida tahlil qilishga harakat qilgan.
Tadqiqotchining “Sug'diy savdogarlar tarixi” nomli asarida esa sug'diylarning
17
Markwart J. Wehrot und Arang. Untersuchungen zur mythischen und geschichtlichen Landeskunde von Ostiran. – Leiden,
1938; Marquart J. Eranshahr nach der Geographic des Ps. Moses Xorenaci. – Berlin, 1901. – Р . 74.
18
Бартольд В.В. Очерки истории Семиречья / Соч. – М.: Наука, 1963. Т . II (1). – С . 104.
13](/data/documents/c3213bdd-4aed-40fd-a320-e9c7094e03d5/page_13.png)
![Makaziy Osiyo va unga qo’shni hududlarda tarqalishini bilan birga tarixiy
Sug’dga birmuncha to'xtalgan 19
.
Ta’kidlash kerakki, xitoy yilnomalari asosida Etien de la Vessièr birinchi
bo'lib, Sug'ddagi ma’muriy o'zgarishlarga o'z tadqiqotlarida joy ajratib, Maymurg’
va Panch hukmdorliklarining bir muddat yagona hukmdorlik bo’lganligini ilgari
suradi. Ammo ushbu holat yuzasidan manbalarda bevosita ma'lumot keltirilmagan.
Sug'd tarixi bo'yicha nafaqat G'arbda mutaxassislar yetishib chiqdi, balki
Yaponiyada ham o’ziga xos “sug’dshunoslik maktabi” shakllangandi. Ushbu
maktabning K.Enoki, M.Mori, T.Hayashi, T.Osava kabi namoyandalari va keyingi
davrlarda Turk xoqonligi davri tarixi ilmiy izlanishlar olib borayotgan
Yu.Yoshidaning tadqiqotlari muhim ahamiyatga ega bo'lib, ularning
ma'lumotlarida mavzuga doir masalalar bo'yicha umumiy tasavvurga ega bo’lish
mumkin.
Sug'dshunos A. Ataxodjaev tadqiqotlarida ilk o'rta asrlar turk-sug’d
munosabatlari chuqur tahlil etilgan bo’lib, olim tadqiqoti asnosida tadqiqotchining
ishlari Sug'd tarixiga dahldor manbalar tadqiqiga bag’ishlangan. Sh.Shoyoqubov
esa Mug’ tog’i sug’diy hujjatlari asnosida o’rta asrlar Sug'd davlatchiligi va
mahkama ishlari tarixini o’rgangan 20
.
A.M.Malikov qadimgi Sug d arxeologik yodgorliklaridan topilganʻ
xoqonlikka aloqador moddiy ashyolarni tadqiq etish barobarida, Sug'ddagi ilk o'rta
asrlarda kechgan siyosiy, ijtimoiy, iqtisodiy masalalarni ham qisqacha yoritib
o’tgan 21
. Xitoyshunos A.Xo’jaev Xitoy yilnomalaridagi Choch, Farg’ona va
ayniqsa, Samarqand tarixiga doir ma'lumotlarni tahlil qilish mobaynida ushbu
hukmdorliklar hamda bevosita ularning xoqonlik bilan munosabatlari masalasiga
ham to'xtalgan. A. Xo’jayev tadqiqotlarida Sug'd tarixining muhim jihatlari ham
19
Vaissiere de la É. Histoire des marchands sogdiens. – Paris: College de France, 2002. – Р . 286.
20
Шоёқубов Ш . Илк ўрта асрларда Суғд . – Тошкент : Iqtisod -moliya, 2008. – Б . 45.
21
Маликов А. Тюрки в среднеазиатском междуречье в VI - VIII вв. (по археологическим и письменным
источникам). Автореф. на соиск. учен. степени канд. истор. наук. – Самарканд, 2000. – 24 с.
14](/data/documents/c3213bdd-4aed-40fd-a320-e9c7094e03d5/page_14.png)
![joy olgan. Olim Sug'd markazi Samarqand to’g’risida xitoy yilnomalarida
keltirilgan ma'lumotlarni chuqur tahlil qilgan 22
.
Xullas, Sug'd tarixi aks ettirilgan ilmiy adabiyotlarni tahlil qilish shuni
ko’rsatadiki, Markaziy Osiyo mintaqasi hayotida muhim rol o'ynagan Sug'd ilmiy
adabiyotlarda yaxlit tarzda o’rganilgan emas. Tadqiqotlarning aksariyatida ilk o'rta
asrlar Sug'd tarixi bilan bo'g'liq masalalarga mualliflarning maqsadlari doirasida u
yoki bu darajada yondashilganligi ko'rinadi. Arxeologik tadqiqotlarda ham moddiy
yodgorliklar majmuining turli yo’nalishlaridagi tavsiflari va arxeologik material
sifatidagi taxlili, ba’zi o'rinlarda u yoki topilmaning funksional talqini kabi
jihatlariga ahamiyat berilgan. Qazishlar natijasida Sug'd shaharlarining ilk o'rta
asrlardagi me’moriy qiyofasi, xo’jalik turmush tarzi, tarixiy topografiyasi kabi
masalalar ham yoritilgan.
1.2. VI-VIII asrlar Sug’d hokimliklari tarixiga doir ilmiy аdabiyotlar
tahlili .
Tarixiy manbalarda yozilishicha sug’dlar O’rta Osiyoda istiqomat
qiluvchi eng qadimgi elatlardan sanaladi. Hatto, eng qadimgi tarixiy
manbalarda O’rta Osiyodagi katta hudud, garchi bu hududda juda qo’p
nufuzli qabilalar yashagan bo’lsa-da, sug’dlar nomi bilan atalgan So’g’diyona
viloyati tilga olinadi. Akademik A.Asqarovning yozishicha, Sug’diyona O’rta
22
Ходжаев А. Сведения древнекитайских путешественников о Самарканде // Цивилизация и культура
Центральной Азии в единстве и многообразие. 2009 г. 7 - 8 сентябр. – Самарканд: 2009. – С. 142 -144.
15](/data/documents/c3213bdd-4aed-40fd-a320-e9c7094e03d5/page_15.png)
![Osiyoning Zarafshon va Qashqadaryo havzalarida tarkib topgan tarixiy-madaniy
tamaddun (sivilizasiya) markazlaridan biri bo’lib, tarixiy manbalarda mil.avv. I
ming yillikning birinchi yarimida tilga olinadi. Ilk temir davrida (miloddan
avvalgi IX-IV asrlar davomida) Sug’diyona madaniy xo’jalik markazi tashkil
topgan. Bu markazning uch o’chog’i mavjud bo’lib, ularning shakllanishi
Sug’diyonaning barcha hududlarida bir vaqtda, bir xil rivojlanishda
bo’lmagan.Bu jarayon janubiy Sug’dda mil.avv. IX-IV asrlarda yuz bergan
bo’lsa, u markaziy Sug’dda mil.avv. VII-IV asrlarda sodir bo’ldi. G’arbiy
Sug’d, ya’ni Buxoro viloyatida esa bu madaniyat mil.avv. VI-IV asrlarda yuzaga
keldi. Sug’diyona aholisi til va irqiy jihatdan har xildir. Sug’diyona
qanchalik yuksakliklarga erishishiga qaramay, mamlakatda ilk o’rta asrlar
davomida yagona podsholik (markaziy hokimiyat) bo’lmagan. Bu hududlarda
mayda-mayda (mustaqil yoki qaram hokimliklar shaklidagi) podsholiklar
mavjud edi. Shuning uchun ham Sug’diyona ko’p, xususan sharqiy qismlari
miloddan avval Ahmoniylar davlati, so’ng barcha hududi Grek-yunon saltanati
qo’l ostida bo’lgan. VI asrda eftaliylar tarkibida, 563- yilda esa Turk
hoqonligi qo’l ostiga o’tgan. VIII asrdan boshlab arab istilochilari hukmronligiga
o’tdi.
Aslida qadimgi Sug’d hozirgi O’zbekistonning markaziy qismida
joylashgan bo’lib, uning hududida ilk o’rta asrlarda uchta mustaqil tarixan
tarkib topgan yirik viloyat hokimliklari shakllangan edi. Panjikentdan to
Karmanagacha (hozirgi Navoiy shahri yaqinigacha) bo’lgan tumanlar
Markaziy Sug’dni tashkil etgan. Uning bosh shahar markazi Samarqand
hisoblangan. Zarafshon vohasining Karmanadan g’arbda joylashgan tumanlari
G’arbiy Sug’dni tashkil etib, bosh shahri Buxoro sanalgan. Qashqadaryo
havzasida tarkib topgan tumanlar Janubiy Sug’d yerlarini tashkil etgan.
Janubiy Sug’dning yuqori Qashqadaryo tumanlari Kesh viloyati, quyi
Qashqadaryo tumanlari esa Naxshab viloyati deb yuritilgan. Viloyat
hokimliklarining hukmdori (podsholari) Buxoro zonasida xudodlar, Samarqand
va Qashqadaryoda ixshidlar deb atalgan. Umuman, Sug’diyona va sug’dlar
16](/data/documents/c3213bdd-4aed-40fd-a320-e9c7094e03d5/page_16.png)
![haqida A.Asqarov, M.Ishoqov, A.Otaxo’jayevlarning bergan ma’lumotlari
xarakterlidir 23
. Ularning yozishlaricha sug’dlar qadimiy Qashqadaryo, Buxoro,
Samarqand, Zarafshon daryosining yuqori oqimidagi Panj (Panjikent)
hududlarida keng tarqalishgan. Bu hududlarda yashovchi aholi orasida
ularning mavqelari ancha yuqori turgan. Shuning uchun ular bilan yonma-yon
yashagan qabila-urug’lar ham sug’dlar nomi bilan yuritilgan. Hatto bu
o’lkalarda ularning miloddan avvalgi XII-XI asrlarda qabilalar uyushma
(podsholik)lari ham bo’lgan. Bu birlashma zaminida o’sha davrlarda ulkan
migratsiya jarayoni ro’y bergan. Bronza davrining so’nggi bosqichidagi
o’lkamiz madaniyatining qorishiqligini arxeologik yodgorliklarida kuzatish
mumkin.
Sug’dlar va ularning qadimiy yashash yerlari haqida XI asr olimi
Mahmud Koshg’ariyning “Devonu lug’otit turk” asarida ham muhim
ma’lumotlar bor. Koshg’ariy devonida yozilishicha, sug’dlar qadimda
Uyg’uristonda Balasog’un hududida ham yashaganlar. Ularning kelib chiqishi
asli Samarqand va Buxoro o’rtasidagi sug’dlardan bo’lganlar. Bular so’nggi
davrlarda turklashib ketgan qavmlardir 24
.
Sug’dlarning xorazmiylar kabi o’zlariga xos mustaqil tili, yozuvi
mavjud bo’lgan. Shu jihatdan eronzabon va turkiy tillardan farq qilgan. Bu
elat xorazmiylar kabi milodiy X-XI asrlardayoq, turkiy va forsiy xalqlari
tarkibiga singib ketishi natijasida o’zlarining milliy tillarini yo’qotganlar. Bu
fikr Mahmud Koshg’ariy devonida ham o’z tasdig’ini topgan. Masalan,
Koshg’ariy devonida yozilishicha, Balasog’un shahrida yashagan sug’dlar
“sug’dak” nomi bilan atalib, ular ham turkcha, ham sug’dcha gaplashganlar.
Keyinchalik ular turklashib ketganlar 25
.
Qayd etish lozimki, sug’dlar Midiya va Ahmoniylar hukmronligi
23
Isoqov M., Otaxo’jayev A. Sug’dlarning buddaviy falsafiy-axloqiy yozma meroslari (Qarang: Qadimgi yozma yodgorliklar.-
T.: “Yozuvchi”, 2000, 33-38-bb.).; Asqarov A. O’zbek xalqining etnogenezi va etnik tarixi, 30-34, 121, 130, 192, 219-bb.
24
Mahmud Koshg’ariy .Devonu lug’otit turk. –T.: 1-tom. Fan, 1960, 1-tom, 437-b.
25
Mahmud Koshg’ariy , 437, 486-bb.
17](/data/documents/c3213bdd-4aed-40fd-a320-e9c7094e03d5/page_17.png)
![davrlarida nufuzli qabilalardan sanalgan. Ular o’zlarining mustaqil
birlashmalariga ega bo’lishi bu fikrni tasdiqlaydi. Sug’dlar va ularning
birlashmalari haqida miloddan avvalgi davrlardagi yozma manbalarda ham
ma’lumotlar bor. Ularning shakllangan davrlari uzoq tarixga borib taqaladi.
Chunonchi, qadimgi Eron-Ahmoniylar davlati hukmronligida miloddan avvalgi
VI-V asrlarda “Bexiston”qoyalarda va xotira (hukmdorlardan Doro qabriga
qo’yilgan qabr) toshlaridagi bitiklarda sug’dlar mamlakati ham alohida qayd
etilgan. Xususan, qadimgi grek-yunon muarrixlarining asarlarida sug’dlar va
ularning birlashmalari haqida muhim ma’lumotlar keltirilgan.
Markaziy Osiyo xalqlarining qadimiy yozma yodgorligi sanalgan
“Avesto” kitobida Gava nomi bilan sug’dlar yashaydigan o’lka tilga olingan.
Sug’dlar qadimiy Vatanimiz hududida yashagan elatlar qatorida Midiya,
Ahmoniylar, Grek-yunon kabi davlatlarining bosqinchilik urushlariga qarshi
turkiy qabilalar bilan birga bo’lganlar, mustaqillik uchun kurashlarda faol
qatnashganlar. Ular Yunon-Baqtirya, Kushon, Qang’ kabi davlatlari va Turk
xoqonliklari davrida ham siyosiy hayotda o’z mavqelarini saqlab kelganlar.
Sug’dlar siyosiy hayotda bir qator hokimliklarga o’z ta’sirini o’tkaza olishgan
mashhur qabilalardan sanalgan. Ayniqsa, keyingi davrlarda (V-VIII asrlarda)
ham Kesh(Qashqadaryo) va Samarqand markaziy hokimiyati atrofida o’z
birlashmalari (hokimiyatlari) ni tuzganlar.
Manbalarda yozilishicha, Markaziy Osiyo orqali Xitoydan g’arbga
o’tadigan savdo yo’lini bu davrlarda sug’dlar nazorat qilishgan. Sharqiy
Turkiston, Yettisuv, Oltoydan to Yenisey sohillariga qadar, Mo’g’uliston
hududlarida hamda Shimoliy Xitoyning Shansi viloyati, Dunxuan kabi qator
joylarida ularning o’z karvonsaroylari va yashaydigan qishloqlari bo’lgan.
Mo’g’ulistondan 1889- yilda arxeologik izlanishlar natijasi XI asrda
(Mongoliyada hukmronlik qilgan uyg’ur xoqoni sharafiga qo’yilgan
yodgorlikdagi) sug’d yozuvi bitigining topilishi shundan dalolat beradiki,
sug’dlar bilan bu hudud hukmdori yaqin aloqada bo’lgan.Shu bois sug’d
yozuvidan ham foydalanganlar. Jumladan, Xitoy bilan ham sug’dlarning
18](/data/documents/c3213bdd-4aed-40fd-a320-e9c7094e03d5/page_18.png)
![madaniy va savdo aloqalari juda yaxshi tashkil etilgan. Birgina Dunxuan
shahrining o’zida 3 ming Samarqandlik savdogarlari yashagan 26
. Dunxuan
hududida (III-IV asrlarda) ming xo’jalikdan iborat sug’d qishloqlari mavjud
bo’lgan 27
.
Sug’dlar o’lkamiz xalqlari qatori zardushtiylik, buddiy, moniy, nasroniy
kabi qadimiy diniy e’tiqodda bo’lishgan va keyinchalik islom dinini ham
qabul qilganlar. Bu ularning bizgacha yetib kelgan yozma yodgorliklaridan
ham sezilib turadi. Sug’dlarning bizgacha yetib kelgan yozma yodgorliklarning
miqdori ko’p. XIX asrning so’nggi choragi va XX asrning boshlarida
Markaziy Osiyo mintaqasida olib borilgan arxeologik va boshqa
yo’nalishlardagi qidiruv va tadqiqot ishlari tufayli sug’d yozuv yodgorliklari
topila boshladi. Ular metall buyumlarida, jumladan, tangalar va sopol
parchalarda, xotira toshlari va qoyalarda, yog’och va charmlarda, to’qima
matolar va qog’ozlarda bitilgan, hatto, kitob shaklidagi katta -kichik yozuv
matnlaridan iborat bo’lgan yozma yodgorliklardan iborat. Shu kabi ular
orasida xo’jalik va yuridik, diplomatik hujjatlar, hokim va hukmdorlarning
farmonlari, shaxsiy yozishmalari ham bor. Olib borilgan ilmiy tadqiqotlar
natijasi bu yozma yodgorliklar sug’d tiliga tegishli ekanligi ma’lum bo’ldi.
Sug’d yozuvi miloddan avvalgi III-II asrlarda oromiy yozuvi asosida
shakllangan. Alifbosi 22 ta harf-belgidan iborat.Sug’d yozuvi yodgorligining
qadimiysi sopol parchalarida va terrakota haykalchalarda uchraydi. Bu
yodgorliklar milodiy I-III asrlarga tegishli bo’lib, qadimiy Afrosiyob shahrining
xarobalaridan topilgan edi. Shu kabi sug’d yozuvi o’sha asrlarda zarb etilgan
kumush tangalarda ham uchraydi. Tangalarning ilk namunasi milodiy II
asrlarda yunon baqtriyanikiga o’xshatib (sug’dcha yozuvi va tilida) Sug’dda
zarb etilgan. Bu tangalar milodiy V-VI asrlarda Sug’d konfederativ
davlati(poytaxti Kesh) tashkil etilgan davrlargacha qo’llangan.
Milodiy VII asr o’rtalarida Sug’d konfederasiyasining poytaxti
26
Asqarov A. O’zbek xalqining etnogenezi va etnik tarixi, 192-b.
27
Karimov Sh. , Shamsutdinov R.Vatan tarixi, 1-k., 95- б .
19](/data/documents/c3213bdd-4aed-40fd-a320-e9c7094e03d5/page_19.png)
![Samarqandga ko’chgach, bu yozuvning yanada takomillashganligini kuzatish
mumkin. Bu yozuv Movarounnahr hududlarida ancha keng tarqalgan.
Sug’diyona hududlaridan tashqari savdogarlar, diplomatik munosabatlar,
umuman, madaniy-iqtisodiy aloqalar tufayli Farg’ona vodiysi, Toshkent
vohasi, Yettisuvda va hozirgi Tojikiston, Afg’oniston hududlarida, hatto
Xitoy, Mo’g’uliston yerlarida ham tarqalgan. Bunga yuqorida keltirilgan
dalillar misol bo’la oladi. Chunonchi, 1904- yilda Beruniyning “Qadimgi
xalqlardan qolgan yodgorliklar”(“Osori boqiya...)asaridagi sug’d kalendaridagi
atamalari qayd etilgan topilmalar til matnlari bilan bir xil ekanligi aniqlandi.
Natijada bizgacha yetib kelgan ushbu topilmalar sug’dlarga tegishli ekanligi
aniqlangan. Sug’d yozma yodgorliklarning aksariyati xorijiy mamlakatlar
(London, Berlin, Parij, Peterburg kabi markaziy shaharlar) dagi muzey va
kutubxonalarda saqlanmoqda 28
. Afsuski, bu kabi qadimiy ajdodlarimiz tarixi
va ular qoldirgan yozma manbalarni haligacha mukammal o’rganilgan deb
bo’lmaydi.
Xullas, sug’dlar Markaziy Osiyodagi eng qadimiy elatlardan biri bo’lib,
xorazmiylar kabi ancha madaniylashgan ajdodlarimizdandir. Ular Zarafshon
vohasidagi turkiy tilli elatlar bilan hamisha aralash holda yashab, tashqi
dushmanga qarshi birgalikda yonma-yon turib kurashib kelganlar. Hatto, ular
arablar istilosi davrida ham qadimiy Turon (Turkiston o’lkasi) zaminida
yashab kelgan ajdodlarimiz bilan birgalikda ozodlik, mustaqillik uchun
kurashganlar, turkiy-forsiy hamyurtlari bilan bir ma’naviy dunyoqarashda
bo’lganlar, o’lkaning ma’naviy, siyosiy hayotiga hamfikr bo’lib barcha sohada
munosib hissa qo’shganlar. Masalan, milodiy VI asrning 80- yillarida xoqon
Muqan hukmronligi davrida valiahdlikdan mahrum bo’lib yurgan alamzoda
(kanizakdan tug’ilgan) turk shahzodasi Abo G’arbiy Sug’dda mahalliy (sug’d
va boshqa) aholining mulkdor zodagonlardan norozi bo’lib yurgan qismi bilan
qo’zg’olon ko’tarib, kichik bir turk lashkari bilan Poykent (hozirgi Buxoro
28
Isoqov M., Otaxo’jayev A. Sug’dlarning buddaviy falsafiy-axloqiy yozma meroslari, 34-b.
20](/data/documents/c3213bdd-4aed-40fd-a320-e9c7094e03d5/page_20.png)
![yaqinida bo’lgan shahar)ni egallab, o’z davlatini o’rnatadi 29
. Bu qo’zg’olonga
turkiy va so’g’diy aholi birlikda harakat qilishgan. Shu kabi ikkinchi bir
dalilga murojaat etaylik: 1933- yilda hozirgi Tojikistonning Panjikent
hududidagi Xayrobod qishlog’i yaqinida Mug’ qal’a qasri xarobalaridan
milodiy VIII asrning ikkinchi o’n yilligi(712-722- yy.)ga xos 89 ta hujjat
topilgan edi. Bu hujjatlardan 74 tasi sug’d tilida yozilgan.
O’sha davrlarda bu qasr Sug’d podshosiga tobe bo’lgan Panj
(Panjikent) hokimi Devashtichga qarashli bo’lgan. Panj hokimi arab
istilochilariga qarshi Sug’d-Choch-Farg’ona-Turk harbiy ittifoqini tuzish
maqsadida, bu o’lka va mamlakat boshliqlari bilan diplomatik yozishmalar
olib borgan. Arab istilochilariga qadar sug’d va unga yaqin viloyatlardagi
mahalliy mulkdorlar turk xonlariga qarindosh-urug’lashib, g’arbiy turk
yabg’usi xonadonlari bilan quda-anda bo’lishib ketgan edilar. 710- yilda arab
bosqinchilariga qarshi qat’iyatsizlik qilib, o’z joniga qasd etgan Samarqand
podshosi Tarxun nomining turkcha “tarxon” unvoni bilan bog’liq ekanligiga
shubha yo’q. Shu paytlarda Samarqand podshosi Tarxuning qatiyatsizlik
qilganligi uchun Devashtich o’zini Samarqand taxtining vorisi deb e’lon
qiladi va ittifoqchilaridan oldinroq arab bosqinchilariga qarshilik ko’rsatishni
boshlab yuboradi. Ammo arablarning qo’li baland kelib, Devashtich tog’
tomonidagi o’zining Mug’qal’asiga chekinadi. Shunda o’zi bilan Panj
saroyidagi barcha hujjatlarini Mug’ qal’aga olib ketgan edi... Ittifoqchilardan
Turk hoqoni ham 737- yilda Yetisuvda qaqshatqich zarbaga uchrab, sug’dlarga
yordam bera olmaydi 30
.
Ushbu ma’lumotdan ham seziladiki, sug’diy-turkiy elatlar tashqi
dushmanga qarshi kurashda bir ittifoqda bo’lishgan. Yuqorida qayd etilgan
sug’diy yozuvi hujjatlari va hali o’rganilishi lozim bo’lgan juda ko’p sug’d
yodgorliklari tojik va o’zbek xalqlarining o’tmish tarixini yoritishda muhim
29
Yakubovskiy A.Yu. O’zbek xalqining yuzaga kelishi haqida (K voprosu ob etnogeneze uzbekskogo naroda).-T.: Fan,1941., 6-
b.; Asqarov A. O’zbek xalqining etnogenezi va etnik tarixi, 232-b.
30
Asqarov A. O’zbek xalqining etnogenezi va etnik tarixi,193, 234-bb; Muxammedov X. Iz istorii drevnix oboronitelnix sten
vokrug oazisov Uzbekistana. «Stena kanpirak» drevnebuxar skogo oazisa. AKD.-T.: 1961, -s.13-37
21](/data/documents/c3213bdd-4aed-40fd-a320-e9c7094e03d5/page_21.png)
![o’rin egallaydi. Shu bois Sug’dlarning o’tmish tarixi va ularning yozma
yodgorliklarini hozirgi turkiy va eronzabon, xususan, o’zbek va tojik xalqlariga
ham tegishli deb qarash mumkin.
Hozirgi kunda O’zbekistonda ham Sug'd tarixini tadqiq etishda muhim
natijalarga erishilmoqda. O’zbekistonda E.V.Rtveladze, S.K.Kabanov,
R.X.Sulaymonov, X.Oxunbobev, A.Xo’jaev, Sh.Adilov, O.Mavlonov, J.Ilyasov, L.
Baratova, A. Malikov kabi olimlarning Sug'd tarixi va madaniyatini tadqiq
etishdagi ishlarini alohida e'tirof etgan holda, ushbu faslda asosiy sug’diy manbalar
asosida tadqiqot olib borgan sug’dshunos olimlar hamda ularning ilm sohasida
amalga oshirgan ishlari tavsifini keltirish maqsad qilib olingan.
Respublikamizda sug’dshunoslik ilmiga tamal toshini qo’ygan olim
M.M.Ishoqov hisoblanadi. Jahon miqyosida tan olingan manbashunos-tarixchi,
Markaziy Osiyo hududida birinchi sug’dshunos, arab istilosigacha amal qilgan
qadimiy yozuvlar yodgorliklari paleografiyasi bo'yicha noyob mutaxassis,
O’zbekistonda ilmiy avestoshunoslikning rivojiga sezilarli hissa qo'shib kelgan
olim, filologiya fanlari nomzodi, tarix fanlari doktori Ishoqov Mirsodiq
Mirsultonovich akademik Yahyo G'ulomov tavsiyasi va maslahati bilan 1966-
yilda Leningradga (Sankt-Peterburg) aspiranturaga yuborilgan. Mashhur
sharqshunos Vladimir Aronovich Livshits raxbarligida sug’dshunoslik bo’yicha
aspiranturani tugatib, 1972- yil Moskvada “ Глагольная система в согдийском
языке ” mavzusida nomzodlik dissertatsiyalarini yoqlagan.
1970-1978- yillarda O’zR FA arxeologiya instituti ilmiy xodim, katta ilmiy
xodim vazifalarida ishlab, faol dala arxeologiya tajribasini orttirgan. 1978-1981-
yillar Toshkent davlat madaniyat institutiga dotsent, 1981-1988- yillarda O’zR FA
Hamid Sulaymonov nomidagi qo’lyozmalar institutida katta ilmiy xodim, so’ng
bo’lim mudiri bo’lgan.
1986-1992- yillarda Markaziy Osiyoning arab istilosiga qadar qadimiy
yozuvlari va yozuv madaniyati tarixi yo’nalishida izlanishlar olib borib, tarixiy
manbashunoslikning yangi sahifasini ochdi. 1992- yilda shu yo’nalish bo’yicha
22](/data/documents/c3213bdd-4aed-40fd-a320-e9c7094e03d5/page_22.png)
![“ Палеографическое исследование согдийских письменных памят ников
Центральной Азии до исламского периода ” mavzusida doktorlik
dissertatsiyalarini yoqlagan.
1998- yil 26- iyun kuni Respublikamiz birinchi Prezidenti Islom
Karimovning bir guruh tarixchi olimlar bilan uchrashuvda tarixi fani oldiga
qo'ygan maqsadlari asosida o'sha yili 27- iyul kuni qabul qilingan Vazirlar
mahkamasining “O‘zR FA Tarix instituti faoliyatini takomillashtirish to’g’risida”
qarori munosabati bilan M.Ishoqov O’zR FA Tarix instituti direktori ishiga
tayinlangan. Shu lavozimda 2000- yil iyuliga qadar ishlab, institut faoliyatining
tubdan yangilanishi, tarkibiy tuzilmalarning qayta tashkil etilishi, tarix tadqiqotlari
konseptual asoslarining obyektivlik va haqqoniylik tomon burilishi davrini boshlab
bergan.
1998-2012- yillar Toshkent davlat sharqshunoslik institute Markaziy Osiyo
xalqlari tarixi bo'limi va mudiri lavozimida ishladi. Hozirda shu kafedraning
yetakchi ustozlaridan biri, kafedra professori lavozimida ishlab kelmoqda.
M.Ishoqov kafedraning o'quv rejasidagi bo'limi bakalavriyat ta’lim yo’nalishlari va
masterlik 5A 120304 – “Tarixiy manbashunoslik, tarixshunoslik, tarix tadqiqotlari
metodologiyasi” magistratura mutaxassisligi o‘quv fanlarining optimal tizimini
shakllantirish takomillashtirishda boshchilik qilib kelmoqda.
Mirsodiq Ishoqovning ilmiy faoliyati serqirra va Markaziy Osiyo qadimiy
davrlar tarixi manbashunosligida alohida o'ringa ega. 1977- yil nashr etilgan
“Sug’d tilida fe'l tizimi” nomli monografiyasi qadimiy sug’d xalqining bugungi
kunda unutilgan tilida yozilgan yozma yodgorliklar asosida birinchi analitik
grammatik tadqiqot deb tan olingan. Bu asar O’zbekistonda Sug’d tarixi
manbashunosligi uchun real imkoniyatlar ochib berdi. 1989- yilda nashr etilgan
“O’lmas obidalar” nomli jamoaviy monografiyaning “Sug’d yozuvining tarixi va
taraqqiyoti masalalari” nomli monografik qismi sug’diy yozuvning paleografik
xususiyatlarini, uning xat usullarini, yodgorliklarda amal qilgan dastxat turlarini
23](/data/documents/c3213bdd-4aed-40fd-a320-e9c7094e03d5/page_23.png)
![chuqur tahlil qilgan holda tariximiz manbashunosligi uchun yangi tadqiqot
maydoni yaratilishiga xizmat qildi.
2000- yilda chop etilgan “Qadimgi yozma yodgorliklar” nomli
monografiyada M.Ishoqov bir qator sug’diy yozma yodgorliklarning o’zbek tiliga
tarjimalarini ilmiy izohlar bilan nashr etib, ilmiy jamoatchilikni va keng
kitobxonlar ommasini sug’diy tilda yetib kelgan noyob falsafiy-axloqiy meros
bilan tanishtirdi. 2012-2014- yillarda chop etilgan “O‘zbekiston tarixi
xrestomatiyasi”ning birinchi va ikkinchi tomlarida “Avesta” va “Sug’d yozma
yodgorliklari”ning nashrga tayyorlovchi muallifi ham M.Ishoqovdir.
M.Ishoqov 2003- yildan buyon bir necha davlat ilmiy grant loyihalarining
g’olibi sifatida ilmiy guruhlarga rahbarlik qilib keladi. 2003-2007- yillardagi
“Markaziy Osiyo qadimiy yozuvlari yodgorliklari manbashunosligi" nomli loyiha
natijalaridan biri uning 2008- yilda chop etilgan “ Центральная Азия в
системе мировой письменной культуры . Древность и раннее
средневековье ” nomli monografiyasi bo’ldi. Bu kitobda o’ lkamizda parfyoniy,
xorazmiy, sug’diy, bohtariy, turkiy yozuvlarning. shakllanish, taraqqiyot yo’llari,
ularning grafik jihatdan takomillashuv bosqichlari, turli yodgorliklardagi
paleografik xususiyatlari atroflicha tahlil qilingan.
Toshkent Davlat Sharqshunoslik instituti turkologiya departamenti bilan
hamkorlikda “Mangu bitiklar” nomli jamoaviy monografiyada sug’d-turk qadimiy
munosabatlariga doir materiallar bilan qatnashdi. M.Isxoqov 2003-2017- yillar
davomida 4 bosqich davlat fundamental tadqiqotlari loyihalariga rahbarlik qildi.
Bular asosida ilk o'rta asrlar Markaziy Osiyo va Sug'd tarixiga doir bir qator
monografik tadqiqotlar yuzaga keldi. So’nggi davrda 2015-2017- yillarga
mo’ljallangan ilmiy-amaliy davlat granti loyihasi doirasida M.Ishoqov ma’sul
muxarrirligi ostida “Qadimgi turk xalqlarining o troq dehqonchilik va shaharchilikʻ
madaniyati” mavzusi bilan bog‘liq “Qadimgi turkiylarda dehqonchilik va
bog‘dorchilik”, “Qadimgi turk xalqlarida konchilik va temirchilik
24](/data/documents/c3213bdd-4aed-40fd-a320-e9c7094e03d5/page_24.png)
![hunarmandchiligi” monografiyasining 1- va 2- kitoblari (Sh.Kamoliddin), “Xitoy
manbalarida qadimgi turkiy shaharlari haqida ma’lumotlar” nomli monografiya
(A.Xo’jaev), “Qadimgi turkiy xalqlarning o‘troq dehqonchilik va shaharchilik
madaniyati” nomli xrestomatiya(Tuzuvchilar M.Ishoqov, I.Xudoynazarov),
“Qadimgi turkey yozma yodgorliklarda dehqonchilik va shaharchilik turmush
tarziga oid ma’lumotlar” (M.Isxoqov, K.Sodiqov) kabi kitoblar nashr etildi va
nashrga tayyorlandi.
M.Ishoqov Respublika va xalqaro ilmiy anjumanlarda (Berlin, Istanbul,
Seul, Lanchjou, Kyonju, Olmaota, Turkiston, Dushanbe, Samarqand, Toshkent,
Xiva, Buxoro, Termiz, Shahrisabz, Qarshi va b.) sug’dshunoslikka oid ma’ruzalari
bilan ishtirok etgan. M.Ishoqovning Respublika oliy ta'lim muassasalari, jumladan,
Samarqand, Guliston, Andijon, Urganch davlat universitetlari, Toshkent
diplomatiya va iqtisodiyot universiteti, Ajiniyoz nomidagi Qoraqalpog’iston
pedagogika instituti, Lomonosov nomidagi Moskva davlat universiteti Toshkent
filiallari, O'zbekiston Ichki ishlar vazirligi akademiyasi, O’zbekiston davlat va
jamiyat boshqaruvi akademiyasi kabi Oliy va maxsus o'quv yurtlaridagi
sug’dshunoslikka doir turkum maruzalari, mahorat darslari (master klasslari)
qizg’in qabul qilib kelinmoqda.
Sh.S.Kamoliddin arab, fors va turk tillaridagi manbalar asosida Markaziy
Osiyo ilk o'rta asrlar tarixi va tarixiy geografiyasi bilan shug’ullanadi. Uning bir
qator ishlari Sug'd tarixi va tarixiy geografiyasi bilan bog’liq. Xususan, uning
doktorlik dissertatsiyasi “Toxariston va Janubiy Sug'd tarixi geografiyasi”ga
bag'ishlangan. Olim Abu Bakr Narshahiy “Buxoro tarixi” ning rus tiliga ilmiy
izohli tarjimasini amalga oshirgan. Bundan tashqari, Samarqand, Buxoro, Naxshab
va Kesh shaharlarining tarixi, tarixiy topografiyasi, toponimiyasi, numizmatikasi
va memoriy yodgorliklari, sug‘d hukmdorlari – G’urak va Turg’ar haqidagi
maqolalar muallifidir.
Sh. Kamoliddin qariyb besh yildan beri o’zbekistonlik tilshunos va
tarixchilarning sug’dshunoslik ilmiy izlanishlarini jamlagan “Sug‘diy to‘plam.
25](/data/documents/c3213bdd-4aed-40fd-a320-e9c7094e03d5/page_25.png)
![Sug'd tarixi va madaniyati tarixi bo'yicha O’zbekistonda amalga oshirilgan yangi
tadqiqotlar” rukni ostida yillik nashrlar e’lon qilib boradi. Ushbu to'plam Sug'd
tarixi va madaniyatini keng ilm ahliga yetkazishda muhim samara bermoqda.
2- Bob . Т urk xoqonligi va S ug’d markaziy hokimiyatining hududiy
hokimliklar bilan munosabatlari.
2.1. Sug'd markaziy hokimiyatining hududiy hokimliklar bilan aloqalari
Ilk o'rta asrlardagi Sug'd konfederatsiyasi mulklari soni Syuan-TSzan(629-
630)ga ko'ra, markaz Kan(Samarqand) Mimokiya/ Mimoxe(Maymurg'),
TSzebudana (Kabudan), TSyuyshuannitszya(Kushoniya), Buxe(Buxoro),
TSzeshuanna(Kesh) kabilardan iborat bo'lgan. VIII asr boshlarida ham Xoy
Chao(726) bo'yicha, “Xu mamlakati” –An(Buxoro), TSao(Ishtixon), Shi(Kesh),
Shi-lo(Choch va Iloq) 31
, Mi(Maymurg') va Kan(Samarqand) mulklarini o'zida
mujassamlashtirgan. Har bir mulk hukmdori oz sonli qo'shiniga egalik qilgan. Bu
31
Ши – ло – Чоч ва Илоқ Суғд мулклари таркибида бўлмай , балки Суғднинг иттифоқчиси ва суғдийлар компакт
яшайдиган ўлка бўлган . Шу боис Хой чао уни Суғд таркибида деб ҳисоблаган бўлиши мумкин . Аслида Чоч ва Илоқ
мустақил мулкликлар бўлган .
26](/data/documents/c3213bdd-4aed-40fd-a320-e9c7094e03d5/page_26.png)
![vaziyatni 712- yildagi Sug'd ixshidi G'urak va arab lashkarboshchisi Qutayba
o'rtasida imzolangan “Samarqand shartnomasi”dan keyingi ma'muriy bo'linishning
bir ko'rinishi deb, baholash mumkin.
Manbalarda Sug'd poytaxti dastlab Kesh, so'ngra Samarqand bo'lganligi
e'tirof etiladi. Mavjud barcha mulklar soniVII asr o'rtalarida 11 ta bo'lgan degan
fikrlar ham mavjud, bunga Afrosiyob devoriy suratlarida Varxumanning elchilarni
qabul marosimi tasvirida keltirilgan 11 ta qizil bog'ichli tug'lar misol qilib
keltiriladi 32
. Ammo bu masalada boshqacha qarashlar ham mavjud G'.
Boboyorovning V.A. Livshisga suyanib ta'kidlashicha, 11 ta tug' bu“o'n o'q” +
yabg'u, tug'ning to'qqiztasi esa xitoy manbalarida keltirilgan 9 ta chjaou xonadoni
hisoblanadi. Markaziy Sug'dda 9 ta mulk bo'lgan holda, Buxoro Sug'di siyosiy
jihatdan Samarqandga tobe bo'lmagan, lekin tarixiy-madaniy jihatdan Sug'dning
bir qismi hisoblangan. Kesh va Nasaf esa 712- yildan rasmiy jihatdan
Samarqandga bo'ysundirilgan. Sug'd ma'muriy jihatdan ikkita siyosiy birlik
Samarqand va Buxoro Sug'di hamda konfederativ asosda birlashgan Kesh va
Nasafdan iborat edi. Ammo bu konfedratsiyada mulklarning markazga tobeligi
turlicha edi. Xususan, G'urakning o'g'illari Turg'ar va Banichur boshqargan
Ishtixon va Maymurg' bevosita Samarqandga bo'ysungan bo'lsa, sharqiy viloyat
Panch mulki bir qadar mustaqil bo'lgan. Mulklarning chegarasi ham tarixiy
voqealar va davrga qarab o'zgarib turgan.
Mustaqil siyosat yuritgan G'arbiy Sug'd-Buxoro atrofida esa 22 ta mulk
birlashgan edi 33
. Al-Mas'udiy Buxoro vohasini o'rab turgan devor Sug'd ixshidlari
tomonidan qurilganini qayd etsa, Yoqut al-Hamaviy, ikki Sug'd: Samarqand Sug'di
va Buxoro Sug'di borligi haqida ma'lumot beradi hamda Poykent shaharining
mustaqil ichki ma'muriy boshqaruvga egaligini ta'kidlaydi 34
. “Hudud ul-olam”da
32
Asqarov A. O'zbek xalqining etnogenezi va etnik tarixi. – B. 30.
33
Адылов Ш.Т. Административно-территориальные устройства Западного Согда в раннем средневековье// ОНУ. –
1998. – №6. – С. 18; Лившиц В.А., Хромов А.Л. Согдийский язык. – С. 349.
34
Лившиц В.А., Хромов А.Л. Согдийский язык. – С. 349.
27](/data/documents/c3213bdd-4aed-40fd-a320-e9c7094e03d5/page_27.png)
![Buxoroning katta va obod shaharligi, Poykentning esa boy shahar ekanligi
eslatiladi. Buxoroga bo'ysunuvchi 22 ta mulkning 15 tasi Buxoro vohasi mudofaa
devori ichida, 7 tasi tashqarisida bo'lgan. Markazga Tavovis, Quyi Xarqana, Hitfar,
Qoxushtivon, Yuqori Samjon, Quyi Samjon, Yuqori Faraviz, Quyi Faraviz, Zar,
Farg'idat, Farob, Poykent kabilar bo'ysungan.
Xitoy manbalarida keltirilgan Nyumi(Numichkat) ilk o'rta asrlarda quyi
Zarafshonda maxsus mudofaa devorlari bilan o'ralgan beshta istehkomli qal'alardan
iborat bo'lgan. Buxoro va Samarqand o'rtasida Ishtixon, Kushoniya mulklari
joylashgan. Buxoro mulkliginingIV-V asrlarga oid mis tangasi sirtiga ’’ps’r γ w β w
- “Avsar hukmdor” yoki“Chavandoz hukmdor” nomi bitilgan. Jumladan, Mug'
arxivining A-5 hujjatidapw γ ’r atamasi“buxoro drahmasi” jumlasida,
moniylarning“Xalqnoma” – “Nafname” asarida esapw γ ’r - “buxorolik” ma'nosida
uchraydi. Narshaxiyga ko'ra, Buxoro o'rniga aholi dastlab Turkistondan kelgan va
ular chodir va o'tovlarda yashagan. “So'ng vaqt o'tishi bilan odamlar yig'ilib
imoratlar qurdi”, - deb qayd etadi muarrix. Numichkat va Farobdiz shaharlari
qadimiyroq bo'lgan. Vohada Buxorodan qadimiyroq yana Nur(Nurota),
Xarqanrud(Xarqana), Vardana(Qo'rg'oni Vardonze), Tarovcha(Tarob), Safna va
Isvona qishloq(kent)lari va podsho turadigan katta qishloq(kent) Poykent(Boykent)
mavjud bo'lgan.
Poykent ilk o'rta asrlarda 20 gektarli kuchli mudofaa devori bilan o'ralgan
shahar bo'lib, shahar ichida hukmdor arki joylashgan. Turk shahzodasi Abruy
xalqqa zulm qilgach, boy savdogarlar va dehqonlar o'z yurtlarini tark etib,
“Turkiston va Taroz(yaqinida) bir shahar bino qilib”, uni o'z etakchilaridan biri
Hamuk nomi bilan“Hamuket deb nomlaydilar” . Buxoro ahli Turk yabg'u-xoqoni
Istemi o'g'li Biyog'u, (Buyuk yabg'u) Qoracho'rindan yordam so'raydi. Yabg'u-
xoqon o'z o'g'li El Arslon(Sheri Kishvar)ni Buxoro vohasida tartib o'rnatishga
jo'natadi. U Poykentda Abruyni qatl ettirib, otasining roziligi bilan Buxoroni o'z
tasarrufiga oladi. El Arslon(Sheri Kishvar) Hamukatga odam yuborib, Buxorodan
28](/data/documents/c3213bdd-4aed-40fd-a320-e9c7094e03d5/page_28.png)
![ketgan aholini qaytaradi. “Hamuketdan kelgan har bir kishi(amir)ning yaqin
kishilaridan bo'ldi”, - degan buyruq beradi 35
. Bu guruh orasida yurtning avvalgi
hukmdori “Buxorxudot” bo'lgan. Bu Buxoro Sug'dini 22 - avlod boshqarayotgan
edi.“Tan shu”da Buxoroning chjaou hukmdori Sha-Alaniya nomi zikr etiladi 36
.
N.Ya. Bichuringa ko'ra, Alinga, E. Shavannda esa Holing-kia deb o'qilgan
bu hukmdor 22 - podsholar avlodini tashkil qilgan. Chjao-ular boshqaruviga Abruy
chek qo'ygan, xuddi Samarqandda bo'lgani kabi Buxoro ham Sheri Kishvar– El
Arslondan so'ng turkiy sulola qo'liga o'tgan. El Arslon(Sheri Kishvar)
davrida(585/586 – 605/606) Abruy vayron qilgan qo'rg'on va qal'alar tiklandi.
Buxorxudot bino qildirgan Varaxsha esa Xunukxudot davrida qayta ta'mirlangan
va Bunyod ibn Tug'shoda mazkur qasrni yangilagan. Arablar istilosi davrida
Buxoroni boshqargan turkiy sulola- buxorxudotlar va shadlar sulolasi asoschisi El
Arslon(Sheri Kishvar) edi 37
. Milodiy asr boshlaridan qadar hukmronlik qilgan
mahalliy sulola vakillari- buxorxudotlar xoqonlik vassali bo'lgan. Shu bois El
Arslon(Sheri Kishvar)ga nisbatan buxorxudot unvoni qo'llanilmagan. El Arslondan
keyingi avlodlarigina xuddi Samarqandda ixshid unvoni saqlangani kabi, mahalliy
unvon“buxorxudotlar” deb yuritilgan.
El Arslon(Sheri Kishvar)dan so'ng Buxoroni“Tan shu”ga ko'ra, taxminan
600/605 – 620-yillarda Shelidin yoki Sheli boshqargan. 620-630 – yillarga kelib,
Buxoro taxtiga Nishu Gyana shad(Narshaxiy bo'yicha Sheri Kishvarning nevarasi
Kano) kelgan bo'lsa, 649-yildan esa xitoy manbalariga ko'ra Xelintsze Buxoro
hukmdori bo'lgan. Arab manbalariga ko'ra, 640-660-yillarda Buxoroni Sheri
Kishvar avlodlaridan Sha(shad) - ﺷﻪ boshqargan. “Tan shu” va“Chefu”
solnomalariga suyangan O.I. Smirnova fikricha, 660-680-yillarda, G'. Boboyorov
bo'yicha, yanada aniqroq 673-680- yillar davomida Buxoroni Budun buxorxudot
35
Наршахий. Бухоро тарихи. – Б. 91–92; Муҳамаджонов А. Қадимги Бухоро(археологик лавҳалар ва тарих). – Б. 36.
36
Смирнова О.И. Очерки из истории Согда. – С. 25.
37
Бобоёров Ғ. Турк хоқонлигининг Мовароуннаҳрдаги бошқарув тизими ҳақида. – Б. 76; Адылов Ш.Г.
Административно-территориальные устройства Западного Согда в раннем средневековье. – С. 29–30.
29](/data/documents/c3213bdd-4aed-40fd-a320-e9c7094e03d5/page_29.png)
![boshqargan. U arab istilosi davrida Muslim ibn Ziyod tomonidan o'ldirilgan. O'g'li
Tug'shoda yosh bo'lganigi bois davlatni malika Qabaj Xotun boshqarib turgan 38
.
Bu haqda Narshaxiy: “Budun Buxorxudot o'lgan vaqtida bir emadigan o'g'il bola
qoldi. Uning nomi Tug'shoda edi. Bolaning onasi bo'lgan xotun taxtga o'tirdi va o'n
besh yil (680-695) hukmronlik qildi” 39
, - deb yozadi. Uning boshqaruv davri arab
istilosining dastlabki bosqichiga to'g'ri keladi. Bellariga oltin kamar va qilich taqib
olgan 200 chog'li qurolli chokarlar uning xizmatida bo'lgan. Bu yigitlar bir yilda
to'rt marta shu vazifaga chorlangan. Xitoy manbalari An(Buxoro) chje-
ge(chokar)larini“mard va jasur kishilar” deb ta'riflaydi. 695- yilda Qabaj Xotun
vafot etib, taxt o'g'li Tug'shodaga o'tadi. Tug'shoda I ibn Bidun(arab. Tugaspada- ﺕ
ﻮآﺴﺒﺪﻩ , xitoy. Dusabati, sug'd. tw γ ’sp’ δ ’k) 32 yil yurtni boshqargan. Unga
Turkistondan Vardonxudot ismli bir vazir kelib yordam bergan va 707/708–
709/710- yillarda u Tug'shoda bilan davlatni boshqargan. Tug'shodaning
hukmronlik davri(693/695-739) ham arab istilosiga to'g'ri keldi. Bu paytda
Xurosonga Qutayba ibn Muslim(708-715)dan to Nasr ibn Sayyor (110/728-729 –
121/738)gacha noiblar kelib ketgan. U islomga kirib, o'g'lini Qutayba deb nomladi
va qizini Nasr ibn Sayyorga uzatdi. Sep evaziga in'om etilgan.
Xunbun qishlog'i keyinchalik“Alilar ekinzori” nomini oldi. Arablar
tomonidan Buxoroga amir qilib tayinlangan Vasl ibn Amr buxorxudotlarga tegishli
yerlarini tortib oldi. Bu bilan arab amaldori buxorxudotlarning nafaqat siyosiy,
balki iqtisodiy mavqeyiga ham zarba berishni mo'ljallagan edi. Natijada Tug'shoda
istilochilarga qarshi chiqdi. Oqibatda u Sug'd qo'zg'olonlari vaqtida 739/740- yili
Samarqandda Nasr ibn Sayyor fitnasi bilan o'ldirildi 40
. U o'ldirilgach, taxtga o'g'li
Qutayba ibn Tug'shoda o'tirdi. U ham istilochilarga qarshi harakatlarni qo'llab
turdi. Abu Muslim davrida islomdan qaytgach, taxminan 759/760- yillarda
o'ldirildi. So'ng 760- yildan taxtga Bunyod ibn Tug'shoda keldi. U ham o'z
38
История ат-Табари. – С. 44.
39
Наршахий. Бухоро тарихи. – Б. 92.
40
История ат-Табари. – С. 269; Бартольд В.В. Бухара. Соч. III. – C. 379.
30](/data/documents/c3213bdd-4aed-40fd-a320-e9c7094e03d5/page_30.png)
![boshqaruvida“oq kiyimliklarni” qo'llab, arablar siyosatiga zid faoliyat yuritdi.
Natijada, hijriy 166 (782/783)- yilda Varaxsha qasrida amir Maxdiy farmoni bilan
o'ldirildi. Manbalarda Bunyodning avlodlari to amir Ismoil Somoniy davri(874
yil)gacha Buxoroni boshqarganliklari, so'nggi buxorxudot nomi Abu Ishoq
Ibrohim ibn Xolib ibn Bunyod 41
ekanligi aytiladi.
Manbalar va ilmiy tadqiqotlar natijalariga ko'ra turkiy buxorxudot
Elarsloniylar sulolasi Buxoroni 585/586- yildan to 874- yilgacha boshqargani
oydinlashadi. G'arbiy Sug'd- Buxoroda mustaqil siyosat belgisi mis chaqa(ichki
bozor uchun) va kumush tangalar(tashqi savdo uchun) mil. II-IV asrlardan boshlab
Yevtidem tetraraxmalari ko'rinishida va V asrdan sug'diy tangalar namunasida zarb
etilgan. Agar II-III asr tangalarida podsho tasviri va yozuv tushirilgan bo'lsa, V
asrdan keyingi tangalarda podsholar ismi va unvoni hamda tamg'a aks ettirilgan.
Buxoro kumush va mis tangalari aksariyatida: pw γ ’’r γ w β k’w’ – “Buxoro xvabu–
podshosi” jumlasi ifodalangan. Buxoroning o'z pul birligiga egaligi bu vohada
ishlab chiqarish va savdoning rivojidan dalolat beradi. Buxoro bozorlarida
Zandana bo'zlari– “zandanachi” matolari Iroq, Fors, Kermon, Hindiston kabi
o'lkalarda mashxur bo'lgan 42
.
Buxoro vohasida Poykent shahrining siyosiy va ayniqsa, iqtisodiy ahamiyati
katta bo'lib, shahardagi rabotlar soni vohasi qishloqlari soniga teng bo'lgan.
Poykentlik savdogarlar nafaqat quruqlik, balki dengiz yo'llari orqali ham xorij
bilan aloqa qilganlar. Buxoroliklar sug'diylarining shimoli-sharq yo'nalishdagi
migratsion va kolonial harakatdagi faol bo'lishgan. Sharqiy Turkiston savdo
markazi TSzyutsyuan shahri aholisining aksariyatini buxoroliklar tashkil qilgan.
Buxoroliklar Turk davlatchiligining vujudga kelishiga munosib hissa qo'shganlar.
Jumladan, An-Napanto(Naxband) Turk xoqoni Bumin(Tumin)ning(551-553) vakili
sifatida 545- yilda turk yabg'ulari nomidan Xitoyga elchi bo'lib borgan bo'lsa, An
41
Наршахий. Бухоро тарихи. – Б. 94.
42
Араб истилосидан сўнг Туркистон атамаси ўрнига кўпроқ Мовароуннаҳр атамаси қўлланила бошланди. Оқибатда ўша
давр муаррихлари Туркистон деганда асосан Бухородан шимолни, Сирдарё ўрта оқими ва ундан юқоридаги, яъни
туркий қабилалар кўпчиликни ташкил қиладиган ҳудудларни тушунишган.
31](/data/documents/c3213bdd-4aed-40fd-a320-e9c7094e03d5/page_31.png)
![Suy-tsze esa To'nga Turon xoqonning (588-599) maslahatchisi edi. An U-xan va
uning o'g'li An Tu-xanlar xoqon noiblari- eltabar unvonini olishgan. Samarqandlik
Kan Su-mi bilan An Tu-xan 5000 yurtdoshini Turk xoqonligi hududiga
joylashtirib, xoqonlik iqtisodi va siyosiy qudrati oshishiga hissa qo'shgan edi. An
Yan-yan ismli buxorolik lashkarboshi Qapag'on xoqon (692-716) qo'mondoni
sifatida asir olingan sug'diylarni Xitoy asoratidan qutqarishda qatnashib, Ashina
urug'iga kuyov bo'lishga erishdi. An Lushan boshlagan isyon (755-762) esa, butun
Xitoyni larzaga solib, Tan sulolasini inqirozga olib kelgan edi.
Kultegin bitigidagi: buqaraq ulus - “Buxoro o'lkasi xalqi” jumlasi bu yurt
vakillarning Xoqonlikdagi siyosiy, iqtisodiy va madaniy jarayonlarda turkiylar
bilan yonma-yon ishtirok etganligini isbotlaydi. Mahmud Qoshg'ariyning:
“Balosog'unliklar sug'dcha va turkcha so'zlaydilar. Taroz va Madinat al-Bayza
(Sayram) shaharlarining xalqlari ham sug'dcha va turkcha so'zladilar. Ular
(sug'diylar) Samarqand va Buxoro o'rtasidagi Sug'ddan bo'lib, turklashib
ketganlar” 43
, degan jumlalariIX-X asrlardagi assimilyatsiya jarayoni aks ettiradi.
Buxoro vohasi azaldan sug'diy va turkiy qavmlar yashaydigan mintaqa edi.
Varaxsha qasri devoriy tasvirlarida ham Afrosiyob va Panjikent devoriy rasmlari
kabi vohadagi o'troq va ko'chmanchi hayot tarzi aks etgan. Ushbu tasvirlar sug'diy
va turkiy madaniy aloqalarining o'ziga xos jihatlarini ko'rsatadi.
Markaziy Sug'd va G'arbiy Sug'd o'rtasida qalin munosabatlar Mug'
arxividagi A-5 hujjatida aks etgan. Hujjatning 4-, 8-, 17-qatorlarda:
“puxar(buxorolik)ka besh... dirham ga... kavsh, yana puxar(buxorolik)ka... ikki
dirhamdan kavsh... berildi. Puxar(buxorolik)ka uch dirham berildi” deyilsa, 15-
qatorda“... hokim bir arabga 10 buxoriy(tanga) berishni buyurdi” deb, ta'kidlanadi.
Bu jumlalar birinchidan, Devashtich saroyida buxoro- puxor(pw γ ’r)lik shaxs
xizmat qilib, unga kiyim-bosh uchun mablag'(4-qatorda) va oylik(17-qatorda) –
maosh tayinlangani, ikkinchidan, “bir arabga 10 buxoriy(tanga)” berilishi
Panjikentda Samarqand tangalari qatorida Buxoro tangalari ham muomalada
43
Маҳмуд Кошғарий. Девону луғатит-турк. 1- жилд . – Б . 65.
32](/data/documents/c3213bdd-4aed-40fd-a320-e9c7094e03d5/page_32.png)
![bo'lganini ko'rsatadi. Buxoroda umumsug'diy tilning bir shevasida gaplashilgan va
buxoroliklar o'ziga xos yozuv madaniyatiga ega bo'lganlar. Bu yozuv namunalari
asosan tangalarda va kumush idishlar sirtida saqlangan. Buxoro yozuvi IV asrga
oid sug'd yozuvining “Ko'hna xatlar” namunasiga yaqin bo'lib, hatto V.B. Xenning
Buxoro tangalaridagi yozuvlarni“Ko'hna xatlar” yozuvlaridan qadimiyroq, degan
fikrni o'rtaga tashlaydi 44
.
Buxoro tangalaridagi harf shakllari paleografiyasi ularni V asrgacha paydo
bo'lganligini ko'rsatadi. Shundan xulosa qilish mumkinki, buxoro yozuvi oromiy
yozuviga asoslangan sug'd yozuvining qadimiy grafik an'analarini saqlagan, bu
jihatlar umumsug'd madaniyatining serqirra ekanligini isbotlaydi. Buxoro Sug'diy
e'tiqodi ham o'ziga xos bo'lgan. Buxoroda marhumlariga topinish an'anasi bo'lib,
bu yangi yilning birinchi kuni Siyovush xotirasiga xo'roz qurbonlik qilish
marosimi hisoblangan. Bu marosim marhumning “yo'qolgan suyaklarini izlash”
udumi bilan yetti kun davom etgan. Muxtasar qilganda, Buxoro Sug'dida asrlar
davomida shakllangan o'ziga xoslik vohaga kuchli ta'sir etgan turkiy muhit bilan
bog'liq edi. Bu mintaqa turk-sug'd munosabatlari va simbiozini barcha jihatlarini
o'zida mujassam etgan edi.
Sug'd konfederatsiyasida Janubiy Sug'dning ikki mulki Sh(Kesh) va
Nashebo (Naxshab) alohida o'rin tutadi. Xususan, Kesh muhim siyosiy, iqtisodiy
va madaniy markazlardan biri bo'lib, janubi-g'arbiy chegarasi Bo'zg'ola(Temir-
qapug')gacha deyarli 100 kmga cho'zilgan edi 45
. Xitoy manbalaridagi Tszyuysha
viloyatining poytaxti Tsishiga yoki o'rta asr manbalaridagi“Kesh-Kashsh”
(“Kas”/“Kis(s)”) ga VII asrda asos solingan degan, fikr mavjud edi. Vaholanki,
arxeologik tadqiqotlar Kesh(Shahrisabz)ning 2700 yoshdaligini aniqladi.
629-630- yillarda Syuan-TSzan Keshni TSzeshuanna deb, boshqa bir Xitoy
sayyohi Xoy Chao 726- yildagi oid ma'lumotida Shi nomi bilan keltiradi. Bu
44
Henning W.B. The Date of the Sogdian Ancient Letters. – Р . 314; Gharib B. Sogdian Di с tionary. Sogdian –Persian – English.
– Teheran: Farhangan Publications, 1995, XXLII. – 517 s.
45
Грене Ф. Заметки о топониме Наутака// Шаҳрисабз шаҳрининг жаҳон тарихида тутган ўрни. – Т.: Фан, 2002. – Б.
33](/data/documents/c3213bdd-4aed-40fd-a320-e9c7094e03d5/page_33.png)
![nomlanishlar shaharning turli davrlariga oiddir. Ilk o'rta asrlarda Kesh Sug'dning
muhim markazlaridan biri edi. Samarqandda hokimiyat parokandalikka uchragan
paytda ma'lum muddat Sug'd poytaxtiga aylandi. Bu davrda Kesh hukmdorlari o'ng
yuzasiga podsho, orqasiga hukmdorning qilich bilan shersimon mahluqni daf
etayotganligini aks ettiruvchi tasvirli tangalar zarb ettirdi. VII asrdan Keshning
Sug'dga poytaxtlik da'vosi yanada kuchaydi. Xitoy manbalari“Suy shu” va“Tan
shu”ga ko'ra, Keshni 640- yilgacha Ticho(Dichje) ismli hukmdor boshqarib, 600-
620- yilar davomida uni markazga aylantirgan. 642 -yildan keyin Keshga Shashepi
(sug'diy Shishpir– šyšpyr) (642-655) hukmdor bo'lib, uning davrida Keshdan
Xitoyga elchilik yuborilgan 46
.
Janubiy Sug'dning V-VII asrlardagi mustaqil tashqi siyosatidan dalolat
beradi. Shishpir davrida (642-655) Keshning poytaxtlik maqomi uchun kurashi
nafaqat siyosiy, balki iqtisodiy asoslarga ham tayangan. Chunki Shishpir
tomonidan zarb etilgan“ixrid Shishpir” (’ γ ry δ šyšpyr) tangalarning Panjikentdan
topilishi, VII asr o'rtalarigacha Sug'dda Keshning mavqei baland bo'lganligini
ko'rsatadi. Shu o'rinda ta'kidlash joizki, garchi Kesh poytaxt bo'lsa-da, Samarqand
Sug'dning tarixiy poytaxti sifatidagi o'rnini saqlab qolgan. Shu bois bo'lsa kerak,
Syuan-TSzan o'z xotiralarida Sug'd markazi Samarqand deb beradi. Shishpir esa
taxminan 650- yilda poytaxtni Samarqandga ko'chirib, Xitoy namunasida o'rtasida
to'rtburchak teshik tangalari yuzasiga tamg'a, orqasiga podsho(ixshid) Shishpir-
MLK’ šyšpyr deb, chekilgan 47
.
Sug'd konfederatsiyasida Kesh hokimi Shishpirning hukmronligi taxminan
650-655- yilgacha davom etdi. Samarqand taxtiga turkey “o'n o'q” sulolasi vakili
Varxuman(Avarxuman) - β ’r γ wm’n (650\655-675) kelgach, butun Sug'd markaz
Samarqandga bo'ysundirila boshlandi. Yangi hukmdor Chjaou Shiagye (She-a-ho)
davri (656-660)da Kesh mulki markaz Samarqandga tobe bo'lgan. Samarqand VII
asr ikkinchi yarmidan toVIII asr boshigacha o'ziga Kesh, Maymurg', Ishtixon,
46
С hvannes Ed. Documents sur les T’ou-kiue (Turcs) о ccidentaux. – P. 146.
47
Смирнова О.И. Каталог монет городища Пенджикента. – С. 13.
34](/data/documents/c3213bdd-4aed-40fd-a320-e9c7094e03d5/page_34.png)
![Kushoniya va Kabudonni tobe qildi. 712- yildagi G'urak va Qutayba
o'rtasidagi“Samarqand shartnomasi”ga ko'ra, Sug'd hududiga Keshning ham
kiritilganligi shundan dalolat beradi. Bu jarayon ehtimol, 650-655- yillarda
Samarqand va Kesh hukmdorlari o'rtasidagi kurash, Shishpirning taxtdan
chetlatilishi hamda Keshga turkiy sulola vakili Shiagye(She-a-ho)ning kelishi bilan
yakunlangandir. Shundan keyingina markazga bo'ysunuvchi Keshda mahalliy
boshqaruv davom etgan bo'lsa kerak. 660-680- yillarda Keshda nomi noma'lum
qolgan Xuttal podshosining amakivachchasi hukmron bo'lgan. 700-720- yillardagi
Kesh hukmdori noma'lum.
“Tarixi Tabariy” va Xitoy manbalariga ko'ra Keshning 720-740- yillardagi
hokimlarini aniqlash imkoni bor. Dastlab Vik(720-727 y.), so'ng xitoy manbalariga
ko'ra, Axubido(727-730/731) (Axurpat– ’’ γ wrpt), Yantun(731/732-738) (arab
manbalarida Yandun, sug'diy*y’n δ wn), Xubo(Yantunning o'g'li)(738-739), arab
manbalarida“chokarlar podshosi” unvoni berilgan al-Ashkand(sug'diy *’škn δ k)
yoki xitoy manbalaridagi Sitszinti yoki Sginti (740-746/747), al-Ixrid (747-752) va
Taran (752-760) kabi hukmdorlar Keshni idora qilgan 48
. Keshning so'nggi
hukmdorlari haqida Tabariy shunday deydi: “Hijriy 134- (752) yilda Abu Davud
Xolid bin Ibrohim Keshga yurish qilib, uning podshosi Ixridni, uning ko'plab
dehqonlari bilan birga o'ldirdi va ukasi Taranni o'rniga Keshga podsho qilib
qoldirdi” 49
.
Manbalarda Kesh bilan bog'liq ma'lumotlarning mufassal bayon etilishi
uning ilk o'rta asrlarda siyosiy va iqtisodiy maqei baland bo'lganligini ko'rsatadi.
Keshning ma'muriy boshqaruvidagi o'zgarishlar bevosita Sug'dda kechgan
jarayonlar bilan bog'liq edi. Qolaversa, VII asr o'rtalarigacha Keshni Kan–
Samarqand- chjaoulari xonadoni vakillari boshqargan. So'ngra Samarqandda
48
Смирнова О.И. Очерки из истории Согда. – С. 281. Манбалар: Ахудибо ҳақида- Тан шу, III. – Б. 146; Бэй шу, II. – Б.
316; Чефу, III. – Б. 47; Йаньтуннинг738 йилда ўлдирилганлиги ҳақида- Тан шуIII. – Б. 210; Чефу, III. – Б. 59; 738 йили
Хубонинг ҳокимиятга келиши ҳақида- Тан шу, III. – Б. 210; Чефу, III. – Б. 59; 739 йили Сицзиньтининг ҳокимиятга
келиши ҳақида Чефу, III. – Б. 59.
49
История ат-Табари. – С. 348.
35](/data/documents/c3213bdd-4aed-40fd-a320-e9c7094e03d5/page_35.png)
![bo'lgani kabi hukmron turkiy“o'n o'q” sulolasi vakillari boshqaruvni o'z qo'llariga
olgan. Mazkur xonadoniga mansub shaxslar konfederatsiya mulklariga hukmdor
sifatida tayinlangan.
Yuqorida keltirilgan 600- yildan 760 -yilgacha Kesh mulkini boshqargan
sakkiz nafar hukmdor orasida mahalliy sug'diylar va turkiylar bo'lgan. Jumladan,
Kesh viloyatidagi Xuzor mulkining hokimi Subug'ro turkiylardan edi. Butun
Sug'dda bo'lgani kabi Kesh viloyatida ham qator mayda dehqon mulklari,
mulkdorlarning maxsus gvardiyasi– chokarlar bo'lgan. Shu bois ham xitoy
manbalari Sitszinti/ Sginti(al-Ashkand)ni“chokarlar podshosi” deb bejiz atamagan.
Kesh mulki o'z salohiyati bilan Sug'd konfederatsiyasida Samarqand va Buxorodan
keyin turgan. Ichki va tashqi bozor uchun Kesh hunarmandlari oltin, kumush
buyumlar va qimmatbaho toshlardan yasalgan zebu-ziynatlarni ishlab chiqargan.
624,724, 726, 727, 744, 750- yillarda Sug'ddan Xitoyga yuborilgan zotdor ot
uyurlari orasida Kesh otlari ham bo'lgan. Chetga rangli tuzlar, oltin va noshvadil,
qimmatbaho toshlardan yasalgan buyumlar chiqarilganligi 50
Kesh iqtisodi va
hunarmandchiligi taraqqiyotidan dalolat beradi.
Kesh savdo ahli sug'diylarning Markaziy Osiyo bo'ylab kechgan kolonial
harakatida faol ishtirok etgan. Jumladan, Dunxuandagi TSunxuasen qishlog'ida
Sh(Kesh) lik 22 kishi yashagan bo'lib, ro'yxatda ularning 6 tasi zikr etilgan.
Ro'yxatda faqat erkaklar qayd etilganini e'tiborga olsak, ularni oila boshliqlari
bo'lgan edi, deyish mumkin. Keshlik iqtidorli san'atkorlar Chochning raqqos va
raqqoslari qatorida Xitoy saroyida o'z mahoratlarini namoyish qilgan 51
.
Aytish mumkinki, Sug'd konfederatsiyasidagi Kesh ilk o'rta asrlarda siyosiy
va iqtisodiy barqaror, ma'muriy boshqaruv tizimi mukammal, bir necha mulklarni
o'zida mujassamlashtirgan viloyat bo'lgan. Turk-sug'd munosabatlari jadal kechgan
viloyat bo'lganligini uning ma'muriy boshqaruvdagi o'zgarishlar orqali ham
50
Shafer E. H. The golden peaches of Samarkand. A study of T’ang exotics. – Р . 117.
51
Ртвеладзе Э.В. Цивилизации, государства, культуры Центральной Азии. – С. 85–88; Его же. Самарканд на Великом
шелковом пути. – С. 111.
36](/data/documents/c3213bdd-4aed-40fd-a320-e9c7094e03d5/page_36.png)
![kuzatish mumkin. Janubiy Sug'd– Qashqadaryo vohasining ikkinchi bir mulki
Nasaf- Naxshab ham o'ziga xos taraqqiyot bosqichini boshidan kechirgan.
Jumladan, mil. avv. I ming yillikning ikkinchi yarmi va mil. I ming yillikning
birinchi yarmida mavjud bo'lgan Yerqo'rg'on xarobalari o'rta asrlardagi Nasaf va
hozirgi Qarshi shaharlarining 2700- yillik tarixini belgilaydi 52
.
Bu shahar Kesh kabi Buzg'ola (Temur Qopug') orqali“Buyuk ipak yo'li”da
Sug'dni Baqtriya va Hindiston bilan bog'lovchi janubiy yo'nalishidagi muhim
strategik markaz hisoblangan. Kesh orqali karvonlar Samarqand bilan bog'lansa,
Nasaf orqali yurgan karvonlar esa Buxoro bilan bog'langan. V-VI asrlarda Nasaf
Sug'dda o'z mavqeiga ko'ra Samarqand, Buxoro va Keshdan so'ng to'rtinchi o'rinda
turgan. Xitoy manbalarida Samarqand Sug'di tasarrufidagi mulkdan biri Nashebo
(Nasaf) deb, zikr etiladi.
VII asrda Sug'd konfederatsiyasida yarim mustaqil maqomga ega bo'lgan
Naxshab“Tanshu”ga ko'ra, Shi (Kesh) tarkibidagi mulk- “Kichik Shi” deb atalgan.
Samarqand taxtiga Varxuman kelgach, ya'ni 650/655- yildan Naxshab
Samarqandga bo'ysunuvchi hokimlikka aylangan. Naxshab mulki hukmdorlaridan
biri bo'lgan Ashkand (740-746/747) Keshni ham o'ziga bo'ysundirgani bu
mulkning turkiy hukmdori Ashkand– Sginti (tegin)ning siyosiy mavqeidan darak
beradi. 712 -yilda arab lashkarboshisi Qutayba va Sug'd podshosi G'urak
o'rtasidagi “Samarqand shartnomasi”ga ko'ra, Kesh va Nasaf mulklari shahar va
qo'rg'onlari bilan G'urak tasarrufida ekanligi tan olingan. Hatto, o'rta asr mualliflari
Yaqubiy, Istaxriylar ham Kesh va Nasafni Samarqand Sug'di tarkibida ekanligini
ta'kidlaganlar 53
. Kesh va Nasaf IX asr boshigacha, ya'ni, so'nggi Sug'd ixshidi
Yazid ibn G'urak(780\782–800) davrigacha Sug'd tarkibida bo'lgan deyish
mumkin.
52
Сулейманов Р.Х. Ранние этапы развития городской культуры Каршинского оазиса// Қадимий Қарши Ўрта Осиё
шаҳарсозлиги ва маданияти тарихи. – Қарши: Насаф, 1999. – Б. 5; Сулейманов Р.Х., Сагдуллаев А.С. Сложение и
развитие урбанизированной культуры Кеша в древности и средневековье// Шаҳрисабз шаҳрининг жаҳон тарихида
тутган ўрни. – Тошкент: Фан, 2002. – С. 5–6; Грене Ф. Новые свидетельства о Нахшабе и Кеше античного периода//
Роль города Карши в истории мировой цивилизации. – Ташкент- Карши, 2006.
53
Бартольд В.В. Согд/ Соч. III. – C. 487–488.
37](/data/documents/c3213bdd-4aed-40fd-a320-e9c7094e03d5/page_37.png)
![Sug'd konfederatsiyasining nisbatan kichikroq mulklari Ishtixon va Kabudan
Syuan TSzan va Xoy Chaolar ma'lumotlarida TSao(Ishtixon) va TSzenbudana
(Kabudan) deb, bilan qayd etilgan. Ularning “urf-odatlari va(ishlab chiqargan)
mahsulotlari Samokien(Samarqand) bilan o'xshash”, hukmdorlarining harbiy
gvardiyasi- chokarlari bo'lgan. Hokimlari(to VII asr o'rtalarigacha) Kan
(Samarqand) podsholari urug'laridan– chjao ulardan tayinlangan, Samarqandda
o'tkaziladigan barcha tadbirlarda, jumladan oltinchi oyda bo'ladigan ajdodlar
ruhiga bag'ishlangan zardo'shtiylar ehromidagi qurbonlik marosimlarida ishtirok
etganlar. Bu mulklar Buxoro yoki Keshdan farqli asosan markazga tobe
hisoblangan. “Suy shu” solnomasida keltirilishicha, 600-620- yillardagi Kan–
Samarqand ixshidi Tayshebining o'g'li Utszen Ishtixon va Kabudan hokimi etib
tayinlangan.
Manbalar 738- yilgacha Ishtixon va Kabudonga hokimlik qilganlar orasida,
G'urakning o'g'li Turg'ar(twr γ ’r, xitoycha Doge)ni ham tilga oladilar. U otasi
o'riniga Samarqand taxtiga kelguncha Ishtixonni boshqargan. “Tan shu” va
“Chefu” manbalariga ko'ra, Turg'ar Ishtixon hokimligiga 731- yilda tayinlangan.
Ayni vaqtda“Chefu”ga ko'ra, Kabudanga Mosyen hukmron bo'lgan. 738- yilda u
vafot etib, hokimlik ukasi Sutupolo(Sudu– pulo), ya'ni Sutuq– bug'ro(Sudu–
bug'ro)ga o'tgan. 740-760- yillarda esa Kabudan va Ishtixonni Gela– pulo, ya'ni
Qora– bug'ro boshqargan 54
. Chunki bu davrda“o'n o'q” sulolasi vakillari barcha
mulklarda hukmron bo'lib, hokimiyat to'la turkiy sulola qo'liga o'tganligi
ehtimoldan holi emas. Tabariy Ishtixon dehqoni Sobit Ishtixoni(ch) haqida
ma'lumot beradi. U 720- yilda arab istilosidan chekinib, sug'd aslzodasi Korzanich
bilan Xo'jand voqealarida qatnashgan. Said Xaroshiy qo'shinlari bilan to'qnashuvda
halok bo'lgach, Ishtixondagi mulki arablar tasarrufiga o'tgan.
Ishtixon Samarqand-Buxoro yo'lidagi muhim strategik shahar, ixshidlar
qarorgohi ham edi. Shu bois G'urak o'z o'g'li Tug'arni Ishtixonga hokim qilib
54
Смирнова О.И. Заметки о среднеазиатской титулатуре. – С. 68; Её же. Сводный каталог согдийских монет. – С. 425;
Малявкин А.Г. Танские хроники о государствах Центральной Азии. Тексты и исследование. – С. 80; Бобоёров Ғ. Турк
хоқонлиги даврида Суғд(бошқарув тизими). – Б. 126.
38](/data/documents/c3213bdd-4aed-40fd-a320-e9c7094e03d5/page_38.png)
![yuborgandi. Ishtixon hunarmandchilik va savdo markazi sifatida ham mashhur
bo'lib, uning mahsulotlari 742- yilda Xitoyga yuborilgan sovg'alar orasidan o'rin
olgan. Katta daromad manbai bo'lgan Ishtixon bozorlari Istaxriy va Ibn
Xavqallarning ma'lumotiga ko'ra, xalifa Mutasim (833-842) davrida musodara
qilinib, ulardan keladigan foyda xalifa Mansur (870-892) ixtiyoriga o'tgan.
Ishtixon keyingi asrlar(IX-X)da ham Sug'dning obod rustoqlardan biri bo'lgan 55
.
Sug'd konfederatsiyasidagi Maymurg' mulki Samarqand janubiy sharqida
joylashgan bo'lib, uni Syuan Szyan“Mimokiya” yoki“Mimoxe”, Xoy Chao
esa“Mi” deb keltirgan. Maymurg' ham bevosita Samarqandga tobe bo'lib, uni
hukmron xonadon vakillari boshqargan. 720-740- yillarda Maymurg' G'urakning
kichik o'g'li Manchjo(Manicho'r- Banicho'r) tomonidan boshqarilgan. 712-
yilgi“Samarqand shartnomasi”da ham Maymurg' Sug'd tarkibida ko'rsatiladi. X asr
arab geografi Ibn Xavqal Maymurg' rustoqligidagi Rivdod(Tolu-Barzu)ni
Samarqand ixshidlarining qasrlari joylashgan qishloq sifatida tilga oladi. Bu yana
bir bor Maymurg'ning siyosiy va ma'muriy jihatdan Samarqand ixshidlari
tasarrufida ekanligini ko'rsatadi.
Maymurg'da Sug'dning asosiy sug'orish tarmoqlari tizimi- strategik
ahamiyatga ega Varag'sar to'g'oni joylashgan edi. Maymurg'da dehqonchilik,
hunarmandchilik rivojlanib, uning tog'laridan oltin, temir, palaxsa toshlar qazib
olingan. Mulkdorlari esa hashamatli saroy va qasrlar qurishgan. Sug'd mulklari
orasida Maymurg' eng ko'kalamzor, qishloqlari va saroylari ko'p joylardan biri
bo'lgan. Maymurg' savdo ahli tashqi savdoda ham faol bo'lib, 624, 724, 726, 727,
744, 750- yillarda Samarqand, Buxoro, Kesh qatori Xitoyga zotdor otlar uyuri va
zotli qo'chqorlar yuborgan. Sug'd konfederatsiyasida Zarafshonning o'rta oqimida
joylashgan Kushoniya mulki siyosiy, iqtisodiy va madaniy markazlardan biri
bo'lgan 56
. Xitoy manbalarida Kushoniya TSyuyshuannitszya(Syuan TSzan
bo'yicha) shaklida aks ettirilgan. IV-V asrlarda Kushoniya o'z atrofidagi mayda
55
Бетгер К.Е. Извлечение из книги«Пути и страны» Абу-л-Касыма ибн Хаукаля. – С. 18–19.
56
Кушония. // Ўз МЭ. 5-жилд. – Тошкент: ЎзМЭ, 2003. – Б. 159.
39](/data/documents/c3213bdd-4aed-40fd-a320-e9c7094e03d5/page_39.png)
![mulklarni bo'ysundirib, Kushoniya hokimi o'z nomidan bronza tangalar zarb
ettirgan.
Bu Sug'd konfederatsiyasiga xos ichki tuzilma va ma'muriy boshqaruvning
murakkabligidan dalolat beradi. Mulklik hokimlari hokimiyatni to'la tasarruf etib,
hatto o'z puli va yuzdan ziyod chokarlardan iborat qo'shniga ham ega bo'lgan.
2.2. Sug'd markaziy hokimiyati va Turk xoqonligi: tashqi siyosiy hayot
va ijtimoiy munosabatlar
Bugungi O'zbekiston hududida tarixda mavjud davlatlarni o'z
xususiyatlariga ko'ra bir necha tiplarga bo'lish mumkin. Ularning ba'zilari o'troq va
ko'chmanchi madaniyatlar birlashuvi natijasida vujudga kelgan bo'lsa (masalan,
Qang' davlati), ba'zilari bu hududda mavjud davlatlarni bevosita bosib olib,
bo'ysundirish asnosida o'z davlatlari boshqaruvini joriy etishga harakat qilishgan
(masalan, Ahamoniylar davlati) 57
.
Shuningdek, simbioz natijasida vujudga kelgan va hozirgi kunga qadar
tadqiqotchilar tomonidan davlat boshqaruv tuzumi kam o'rganilgan davlat
tuzilmalari ham mavjud bo'lib, mazkur davlatlar sirasiga asli Markaziy Osiyodan
Sharqiy Turkistonga borib joylashgan hamda xunnlarning hujumlari natijasida
yana o'z ona yurtlariga qaytgan Chjaoular dominantligida Samarqand markazli
Sug'd konfederativ davlatini ham misol qilish mumkin. Manbalarda nafaqat
Samarqand balki, Xorazm va Buxoro hukmdorlarining chjaoulardan ekanligi
keltiriladi. Bundan tashqari, noiblik asosidagi mutlaq monarxiya tipidagi davlatlar
ham Markaziy Osiyoda hukm surgan.
57
Ртвеладзе Э. Цивилизации, государства, культуры Центральной Азии. … – С. 54-55.
40](/data/documents/c3213bdd-4aed-40fd-a320-e9c7094e03d5/page_40.png)
![Shunday davlatlardan biri mil. avv. III asr o'rtalaridan mil. avv. II asr
o'rtalarigacha mavjud Yunon-Baqtriya davlatidir 58
. Mazkur davlat tarkibi - Qang'
davlati Yunon-Baqtriya davlatidan so'ng tarix sahnasiga chiqqan. Dastlabki Qang'
hukmdorlarining tanga zarbi xususida ma'lumotlar kam. Qang'ning ilk davrida
Yunon-Baqtriya hukmdorlariga taqlidan tangalar zarb qilingan va ichki bozorda
ishlatilgan. Qang' davlati tarkibidagi ma'muriy birliklar uchun umumqang' tanga
zarbi bo'lmagan. Har bir ma'muriy birlik o'z tanga zarbiga ega bo'lgan. Jumladan,
Buxoro atrofi hukmdorlari o'z unvonlari va ismlari yozilgan Yevtidem tangalariga
taqlidan tanga zarb ettirishgan bo'lsa, Markaziy Sug'd – Samarqandda Girkod
tangalariga taqlid qilingan sug'diy hukmdorlar tangalari bosilgan 59
. Xorazmda
alohida tangada ismi keltirilmagan hukmdor tangalarining zarb qilinganligini
kuzatish mumkin.
Tangalar tahlili shuni ko'rsatadiki, Sug'dda tanga zarbi nafaqat Qang' davlati
mavjudligi davrida, balki Xioniylar, Eftaliylar hamda Turk xoqonlari davrida ham
davom etdi. Sug'd tarkibidagi ma'muriy birliklarning har birida mustaqil tanga
zarbi mavjudligi masalasi uning konfederativ boshqaruv tizimi bilan bog'liq
bo'lgan. Sug'dning Qang' tarkibidagi mustaqil tanga zarbi uning iqtisodiy
mustaqilligiga va o'z navbatida konfederatsiya holatiga kirishida muhim omil
bo'lgan. Buni soha mutaxassislari ham e'tirof etishadi 60
.
Markaz bilan nisbiy bog'liqlikda mavjud bo'lgan holda faoliyat yuritgan,
o'ziga xos noyob boshqaruv shakliga ega bo'lgan Markaziy Osiyo xalqlari tarixida
salmoqli o'ringa ega, ilk o'rta asrlarda o'z taraqqiyotining yuqori cho'qqisiga
chiqqan Sug'd boshqaruvi uchun ham konfederativ shakl xos bo'lgan. Bu haqda bir
qator yozma (xitoy yilnomalari, Mug' tog'i sug'diy hujjatlari, arab tilli manbalar) va
numizmatik hamda arxeologik manbalar bizgacha etib kelgan bo'lsa-da, Sug'ddagi
58
Зеймаль Е.В. Древние монеты Таджикистана. – Душанбе: Дониш, 1983. – С. 270 -271.
59
Ртвеладзе Э. Цивилизации, государства, культуры Центральной Азии. ... – С. 57.
60
Ртвеладзе Э., Саидов А., Абдуллаев Е. Очерки по истории цивилизации древнего Узбекистана . ... – С. 68.
41](/data/documents/c3213bdd-4aed-40fd-a320-e9c7094e03d5/page_41.png)
![konfederativ asosdagi boshqaruv shakli va uning xususiyatlari tadqiqotchilar
nazaridan chetda qolgan.
O'z davrida Sug'dning konfederativ asosda boshqarilganligi doir ilk
ishoralar eronshunos olim V.B.Xenning izlanishlarida keltiriladi B.Gafurov o'z
tadqiqotida Sug'dning konfederativ asosda boshqarilganligiga e'tibor qaratgan.
Lekin uning shakllanishi va ichki xususiyatlarini yoritmagan. Tadqiqotchi
izlanishida Sug'dda konfederatsiya mavjudligi hech qanday izohsiz keltiriladi 61
.
E.V.Rtveladze ham davlatchilik va davlat tuzilmalari borasidagi fikrlarida
“konfederatsiya” tipidagi davlat davlatchilikning cheklangan monarxiya tipiga
daxldor deb keltiradi. Konfederatsiya o'z tanga zarbiga ega bir necha mustaqil
ma'muriy birliklardan iborat ittifoqni anglatishini va bunga misol tariqasida Qang'
davlati va Yuejchilar ittifoqini keltiradi. Shuningdek, olim mustaqil tanga zarbini
konfederatsiyaning asosi deb hisoblaydi.
Bevosita Sug'd tarixi yuzasidan izlanishlar olib borgan V.Livshis,
M.Is’hoqov, A.Ataxodjaev, G'.Boboyorov, Sh.Shoyoqubov kabi tadqiqotchilar
ham “Sug'd konfederatsiyasi” iborasini ishlatishadi. Muammoga doir umumiy
ishlarda ham Sug'dning ittifoq yoki konfederatsiya ekanligi keltiriladi 62
. Lekin
yuqorida keltirilgan olimlarning ishlarida Sug'd tarixiga nima uchun konfederativ
asosda qarash kerakligi masalasi ochiq qolgan.
Ta'kidlash lozimki, konfederativ boshqaruv shaklining Sug'ddagi holati o'z
xususiyatlariga ko'ra, bugungi kundagi konfederatsiya tipidagi davlat
boshqaruvidan ba'zi jihatlari bilan farq qilishiga ko'ra ajralib tursa-da ,mazkur
mintaqadagi boshqaruv shakli davlatchilikning konfederatsiya tipiga aloqador
deyishga yetarlicha asos bor.
61
Гафуров Б. Таджики. Книга 1. – Душанбе: Ирфон, 1989. – С. 314-319.
62
Асқаров А. Ўзбек халқининг келиб чиқиш тарихи. – Тошкент: Ўзбекистон, 2015. – Б. 387; Сагдуллаев А., Аминов Б.,
Мавлонов Ў., Норқулов Н. Ўзбекистон тарихи: давлат ва жамият тараққиёти. I- Қисм. – Тошкент: Академия, 2000. – Б.
66 - 67; Кобзева О.П. Роль Великого шелкового пути в формировании этнического разнообразия Зарафшанской
долины / Самарқанд шаҳрининг умумбашарий маданий тараққиёт тарихида тутган ўрни. Халқаро конференция
материаллари. – Тошкент -Самарқанд: Фан, 2007. – С. 164-165.
42](/data/documents/c3213bdd-4aed-40fd-a320-e9c7094e03d5/page_42.png)
![Bu quyidagilarda namoyon bo'ladi: birinchidan, konfederatsiyaga birlashgan
ma'muriy birliklarning shartlaridan biri avvalambor yagona maqsad yo'lida
birlashish hisoblanadi. Bu haqda xitoy yilnomasi “Bey shi”da quyidagi ma'lumot
keltiriladi: “Sug'd markazi Samarqand hukmdorlari qarorgohida ajdodlar
ibodatxonasi bor, ular yilning oltinchi oyida qurbonlik qilishadi. Boshqa
hukmdorlar qurbonlik keltirishda yordam berishadi. Budda diniga sig'inishadi. Xu
(ya'ni, sug'diy) yozuvidan foydalanishadi”. Mazkur ma'lumot Sug'dda
konfederatsiyaga birlashishning bosh omillaridan biri ittifoqqa birlashgan
hukmdorlarning yagona xonadonga mansubligi va o'z ajdodlari ruhiga qurbonlik
qilishlari bilan asoslanadi. Ayni manbada keltirilgan “... Xe (Kushoniya) va Mi
(Maymurg') hukmdorlarining kelib chiqishi Chjaovu sulolasidan ekanligi va
ularning urug'i Kan (Samarqand)ga borib taqalishi” 63
haqidagi ma'lumot
konfederatsiyaga birlashgan hukmdorlarni asosan qarindoshlik rishtalari bog'lab
turganligi ko'rsatadi. Xullas, Sug'dda konfederatsiyaga birlashishning bosh sharti
bu qarindoshlikni ko'rsatish maqsadida ajdodlar ruhiga qurbonlik keltirish
hisoblangan.
Ikkinchidan, konfederatsiya hududining doimo bir xil turmaganligi
borasidagi fikrlar ham Sug'd misolida ko'zga yaqqol tashlanadi. Xitoy
yilnomalarida keltirilganidek, Sug'd konfederatsiyasi dastlab markaz Samarqand va
uning atrofi hududlarini birlashtirgan bo'lsa, keyinchalik uning tarkibi Kesh, Panch
va Fay kabi ma'muriy birliklar bilan yanada kuchaygan. Arab tarixchi-
sayyohlarining Sug'd hududlari to'g'risida keltirgan ma'lumotlarining turli
tumanligi ham mazkur konfederatsiyaning ba'zan kengayganligidan va ba'zan
torayganligidandir.
Arab tarixchi-sayyohlaridan farqli ravishda xitoy yilnomalarida Sug'd
markazi Kan (Samarqand)ga bo'ysinuvchi hududlar qatoriga Mu (Marv?) Unaxe
(Chorjo'y) ham kirganligi keltiriladi 64
. Shuningdek, Sug'd konfederatsiyasining
63
Хитой йилномаларида таъкидланадики, Кан (Самарқанд)даги хонадон Суғддаги тўққизта сулоладан бири ва
қариндошлар орасида у марказий мавқега эга. Мазкур тўққизта хонадон вакиллари ягона уруғдан тарқалган
(Қаранг: Бичурин Н.Я. Собрание сведений. ... II. – С. 280 -281).
64
Шониёзов К. Қанғ давлати ва қанғлилар. … – Б. 5 4.
43](/data/documents/c3213bdd-4aed-40fd-a320-e9c7094e03d5/page_43.png)
![teng a'zolaridan biri bo'lgan Panchning aksariyat manbalarda keltirilmaganligi ham
so'zsiz Sug'd konfederatsiyasi sub'ektlarining markazga nisbatan bir xildagi
turmaganligi bilan bog'liq. Bundan tashqari, 712- yil Samarqand arablar tomonidan
egallanganidan so'ng, o'rtada tuzilgan shartnomaga muvofiq, konfederatsiya
chegaralariga Kesh va Naxshab ham kiritilganligi qayd etilgan 65
. Ushbu holatda
ham Sug'd konfederatsiyasi o'z mavjudligini yo'qotmaslikka harakat qilgan. Sug'd
ixshidi G'urak (710-738) Ishtixondan turib mamlakat boshqaruvini olib borishga
majbur bo'lgan.
Uchinchidan, bugungi kunda “konfederatsiya”ga berilgan ta'rifga ko'ra, unda
yagona fuqarolik mavjud emas. Faqatgina konfederatsiya hududida shaxs
maqomining bir-biriga yaqinligini ta'minlab beruvchi normalar o'rnatilishi
mumkin. Bu esa Sug'd misolida xitoy yilnomalaridagi ma'lumotlar asosida yanada
aniqlik kasb etadi. Jumladan, yilnomalarda Kan (Samarqand), Mi (Maymurg'), Shi
(Kesh) kabi “Xu o'lkalari”dan Xitoyga kelib, o'z savdo koloniyalarini (faktoriyalar)
barpo etganligi haqidagi qaydlar uchraydi. Ushbu ma'lumotlardan ma'lum
bo'ladiki, samarqandlik, kushoniyalik, maymurg'lik va keshlik savdogarlar
hamkorlikda faoliyat yuritib, Xitoyda o'z savdo manzillariga asos solishgan. Ular
qayerda bo'lmasin, Sug'dning qaysi hukmdorligidan kelganligiga qarab o'z jamoa
maskanlarini barpo etishga urinishgan. Mazkur savdogarlar Sug'd fuqarosi sifatida
emas, balki, o'zlari mansub hukmdorlikning fuqarosi sifatida qayd etilishi holati
yuqoridagi fikrga asos beradi.
To'rtinchidan, Sug'dning konfederativ asosdagi boshqaruvini ko'rsatuvchi
yana bir jihat davlat boshqaruv tizimining davlat hokimiyati (ya'ni, qonun
chiqaruvchi, ijro etuvchi va sud) organlariga bo'linmaganligi edi. Unda faqat
yagona maqsadlarni amalga oshirishga ko'maklashuvchi muvofiqlashtiruvchi organ
– “Oqsoqollar kengashi” mavjud bo'lgan 66
. “Oqsoqollar kengashi” zodagonlar,
savdogarlar, dehqonlardan iborat bo'lib, ixshidlar ham ushbu organ oldida hisobot
berishgan.
65
Kurat A.H. Kuteybe bin Muslim’in Hvarizm ve Semerkend’i zebti. … – S. 387-430.
66
Отахўжаев А . Илк ўрта аср Марказий Осиё цивилизациясида турк - суғд муносабатлари . ... – Б . 67.
44](/data/documents/c3213bdd-4aed-40fd-a320-e9c7094e03d5/page_44.png)
![Sug'd markazi Samarqandning yuechjilar tomonidan egallanishi, 437- yilda
xioniylarning ushbu shaharni bosib olishlari, Tabariy ma'lumotlarida keltirilgan
Janubiy Sug'dga Sosoniylar yurishlari, milodning 255-265- yillarida Naxshab
hududlariga kushonlarning harbiy harakatlari Sug'd hukmdorlarining doimiy
harbiy harakatlar olib borishlari uchun birlashishlarini taqozo etgan. Bu esa
Sug'dda harb ishiga ham yetarli darajada e'tibor berilganligini ko'rsatadi.
Konfederatsiyaga birlashgan hukmdorlarning umumiy dushmanga qarshi
birgalikda kurashishlari shart holat bo'lib, bunga amal qilmaslik xoinlik
hisoblanilgan. G'urakning arablarga qarshi kurashmaganligini Devashtich xoinlik
deb hisoblagan. Mug' tog'i A-19 hujjatida ’’ γ w’’n’k – “gunohkor, xoin” so'zining
Devashtich tomo nidan G'urakka nisbatan ishlatilganligi buni isbotlaydi 67
.
Konfederatsiya hukmdorlarining ittifoqqa birlashishlari zamirida tashqi
dushman hujumini qaytarish sharti bo'lganligi ko'rsatadi. Oltinchi asos esa
konfederatsiya sub'ektlarining mustaqil iqtisodiy siyosati bilan bog'liq. Sug'd
konfederatsiyasining a'zolaridan Samarqand, Kesh, Naxshab, Panch, Kushoniyada
mustaqil tanga zarbi bo'lganligini isbotlovchi numizmatik manbalar mavjud. Hatto
Kushoniya hukmdorligining kichik mulki hisoblangan Samitonda ham tanga zarb
qilinganligi numizmatik materiallar asosida oydinlashadi. Shu o'rinda ilk o'rta
asrlar davriga kelib, Turk xoqonligi tarkibidagi Choch, Ustrushona, Farg'ona,
Toxariston, Xorazm, Buxoro (G'arbiy Sug'd) kabi konfederativ davlat
uyushmalarining har birida mustaqil tanga zarbining yo'lga qo'yilganligi alohida
qayd etish lozim.
Yettinchidan, federativ tuzulishdagi davlat yagona markazdan boshqarish
qoidalariga ega bo'lib, konfederatsiyada esa muvofiqlashtirish mavjuddir. Lekin bu
holat konfederatsiya a'zolarining ixtiyoriy tan olishi orqali amalga oshiriladi.
Xususan, qadimdan Samarqand hukmdorlari konfederatsiya markaziy hokimiyatini
boshqarishgan bo'lsa, Kesh kuchaygan vaqt uning hukmdorlari markazlik maqomi
uchun da'vo qilishgan. Shu bilan bir qatorda Panch hukmdorlari ham o'z davrida
67
СДГМ II. – С . 171.
45](/data/documents/c3213bdd-4aed-40fd-a320-e9c7094e03d5/page_45.png)
![konfederatsiya markaziy hokimiyati taxti uchun kurash olib borishgan 68
. Bu haqda
Mug' tog'i sug'diy hujjatlarida keltirilgan “Sug'd podshosi, Samarqand hukmdori
Devashtichdan” deb boshlanuvchi maktublar ham muhim manba bo'la oladi 69
.
Sug'd hukmdorliklarining konfederativ asosda boshqarilganligini
ko'rsatuvchi asoslardan keyingisi (sakkizinchisi) ularning mustaqil tashqi siyosat
olib borganliklari bo'lib, bu haqda manbalarda ma'lumotlar saqlanib qolgan.
Xususan, 437- yilda Samarqanddan, 642- yilda Keshdan Xitoyga elchilar
yuborilgan. Da-ye (ushbu hukmdor ismi boshqa manbalar orqali ma'lum emas)
hukmronligi davrida, 605 – 616- yillarda Sug'd hukmdorliklarining birlashgan
(Samarqand, Kesh, Kushoniya) elchiligi Xitoyga jo'natilgan. Arablar bosqini
davrida G'urakning Xitoyga yuborgan elchiligi (719 y.), ayni davrda (719 – 721)
Devashtichning Farg'ona, Choch, Turk xoqonligi bilan tashqi aloqalar olib borgan.
Umumiy hisobda Sug'ddan Xitoyga 9 marotaba elchilik jo'natilgan 70
.
Xitoy yilnomalari va sug'diy hujjatlarda saqlanib qolgan Sug'd
hukmdorliklarining elchiliklari to'g'risidagi ma'lumotlar konfederatsiyaning
Xioniylar, Eftaliylar va Turk xoqonlari davrida mustaqil tashqi aloqalar
o'rnatganligini asoslaydi. Sug'dda konfederativ boshqaruv uchun asos bo'lgan
omillar tahlili bilan birga mazkur konfederatsiyaning xronologik chegarasini ham
aniqlash muhim masaladir. Bunda Sug'd hukmdorliklari tomonidan zarb qilingan
tanga zarbiga tayanish kerakli yo'nalishni topish uchun muhim. Tanga zarbi
nafaqat Sug'dda konfederatsiyasining vujudga kelishiga sabab bo'lgan muhim
omillardan hisoblanadi, balki tangalar asosida konfederatsiyaning mavjud bo'lgan
xronologik chegarasini ham aniqlash bir muncha ishonchli.
Mil. av. II asrga kelib Yunon-Baqtriya davlatidagi boshboshdoqliklar va
tashqi kuchlar hujumi (mil. av. 175 – 145) natijasida davlatning parchalanishi
kuchaydi. Ayni mana shu davrda Sug'd Yunon-Baqtriya davlatidan ajralib chiqadi.
Lekin bu davrda hali sug'diy hukmdorlar Yunon-Baqtriya hukmdorlariga (asosan
68
Grenet F., Vaissiere de la E. The last days of Pandjikent. … – Р . 155-196.
69
Лившиц В.А. Согдийская эпиграфика Средней Азии и Семиречья. ... – С. 84 -120.
70
Юй Т. C ведения о ранней Согдиане в официальных историях HAN, WEI, JIN . … – С. 59 .
46](/data/documents/c3213bdd-4aed-40fd-a320-e9c7094e03d5/page_46.png)
![Yevtidem, Girkod) taqlidan yunon yozuvidagi tangalar zarb qilishgan 71
. Faqatgina
asrimizning boshlariga kelib Sug'dda zarb etilgan tangalardagi yunon yozuvining
o'rnini sug'diy yozuv egallagan. Ana shu asosda Sug'dning o'z nomidan mustaqil
sug'diy tangalar zarb qila boshlagan milodiy I - asrdan boshlab, to konfederatsiya
hukmdorlarining o'rnini arablar tomonidan tayinlangan noiblar egallagan
davrigacha, ya'ni, milodiy VIII asrning ikkinchi yarmigacha bo'lgan davrni Sug'd
konfederatsiyasining xronologik chegarasi deb shartli ravishda belgilash mumkin.
Shu o'rinda Buxoro Sug'di masalasiga ham oydinlik kiritish lozim. O'rta asr
muarrixlarining asarlarida Buxoro geografik jihatdan Sug'd tarkibida deb tilga
olinadi 72
. Lekin Buxoro siyosiy jihatdan alohida tuzilma hisoblanadi. Buxoroning
Markaziy Sug'ddan alohidaligi muammosini echishda ham tangalar muhimdir.
Yozma manbalarda Buxoroning siyosiy jihatdan Sug'ddan ajralib chiqqanligi bilan
bog'liq to'g'ridan-to'g'ri ma'lumot keltirilmagan.
B.Gafurov Buxoroning Markaziy Sug'ddan ajralib chiqishini 712- yildagi
Sug'd ixshidi G'urak va Qutayba ibn Muslim (704 – 715) o'rtasidagi “Samarqand
shartnoma”si bilan bog'laydi. Lekin mazkur fikrni unchalik ham asosli deb
bo'lmaydi. Chunki Buxoroning Markaziy Sug'ddan alohida siyosiy tuzilma
sifatidagi faoliyati Buxoro hukmdorlarining o'z nomlaridan tanga zarb qilishlari
bilan bog'liq.
Milodiy IV- asrlarga kelib Buxoro hukmdorlarining sug'diy yozuvdagi
“botiq” shaklli ’’ps’r γ w β w – Avsar hukmdor tangalari zarb qilingan Markaziy
Sug'd tangalaridagi tamg'alar va Buxoro tangalaridagi tamg'alari biri-biridan farqli.
Numizmatik materiallar asosida aytish mumkinki, Buxoroning Markaziy Sug'ddan
alohidaligi masalasi milodiy IV - asrlardan boshlangan 73
. Buxoro ham Markaziy
Sug'd kabi konfederativ asosda boshqarilganligi ehtimoli yuqori. Buxoroning
alohida hukmdorliklari o'z nomlaridan mustaqil tanga zarbiga ega bo'lishgan.
71
Зеймаль Е.В. Древние монеты Таджикистана. ... – С. 269 -273.
72
Ибн Хавқал. Китоб сурат ал - ард. Мовароуннаҳр / Араб тилидан таржима ва изоҳлар муаллифи.
Ш.Камалиддин. – Тошкент: ЎМЭ, 2011. – Б. 27 -30, 49-51.
73
Ртвеладзе Э.В., Саидов А.Х., Абдуллаев Е.В. Очерки по истории цивилизации древнего Узбекистана:. ... – С. 76;
Бухоронинг алоҳида сиёсий тузилма сифатидаги фаолияти фанда алоҳида илмий муаммо ҳисобланади. Шу
жиҳатдан мазкур тадқиқотда Ғарбий Суғд – Бухоро масаласи очиқ қолдирилган.
47](/data/documents/c3213bdd-4aed-40fd-a320-e9c7094e03d5/page_47.png)
![Xususan, sug'diy yozuvli tangalar orqali Poykent (Ptkn δ h)ning mustaqil
boshqaruvga ega bo'lgani ma'lum bo'ladi.
Xullas, Markaziy Osiyo tarixida muhim o'rin egallagan Sug'd tarixiy-
madaniy o'lkasi o'zining geografik joylashuv, iqtisodiy salohiyatiga tayangan holda
uni bo'ysundirishga harakat qilgan saltanatlar tarkibida o'z ichki mustaqilligini
saqlab qolishga harakat qilgan. Mazkur holat Sug'dning ma'muriy birliklarini
konfderatsiyaga birlashishiga olib kelgan. Buning natijasida esa Sug'dda
konfederatsiyaning ichki tarkibiy qismlari shakllangan. Buni Sug'd
hukmdorliklaridagi tanga zarbi, har bir hukmdorlikning o'z qo'shiniga ega
bo'lganligi, konfederatsiya hukmdorlarining yagona xonadonga mansubligi, davlat
boshqaruvidagi hokimiyat organlarining bo'linmaganligi, mustaqil tashqi siyosat
olib borganliklari kabi misollar tasdiqlaydi.
Bugungi kundagi “konfederatsiya” tushunchasi mutlaq mustaqillikka
asoslangan ixtiyoriy ravishdagi manfaatlar birligini bildiradi. Sug'dda ham umumiy
qonuniyat yuzasidan ushbu holat mavjud edi. Lekin zarur hollarda
hukmdorliklarning markazga jipslashish yoki ba'zida xoliroq harakat olib borish
xususiyatlari ham mavjud bo'lgan. Chunki tarixiy- hududiy birlik nuqtai-nazaridan
bu tabiiy holdir. Shu jihatlariga ko'ra, Sug'ddagi konfederativ boshqaruv ko'rinishi
bugungi konfederatsiyalardan qisman farq qiladi. Konfederativ davlat
tuzilmasining ichki xususiyatlarini namoyish etuvchi mazkur holatlar, ularni o'zida
mujassamlashtirgan Sug'd tarixiga konfederativ tuzilma sifatida qarash kerakligini
taqozo etadi.
Markaziy Osiyo mintaqasida mavjud ilk o'rta asrlar davlat uyushmalari
(Sug'd, Choch, Farg'ona, Buxoro, Ustrushona, Toxariston, Xorazm) orasida
konfederatsiya o'lchamlariga Sug'd eng yaqin va to'liq javob beradi deb xulosa
qilish mumkin.
48](/data/documents/c3213bdd-4aed-40fd-a320-e9c7094e03d5/page_48.png)
![3-Bob. Sug’d ustidan Turk xoqonligi hukmronligi va mamlakatning
ichki siyosiy vaziyati.
3.1. Turk-sug'd munosabatlarining tarixiy mohiyati.
Ilk o'rta asrlardagi Sug'dning siyosiy, ijtimoiy – iqtisodiy hayotida turklar
nufuzini darajasi yozma va numizmatik materialllar tasdiqlaydi. XX asr boshlarida
V.V. Bartold, I. Markvart va V. Tomashek kabi tadqiqotchilar oldingi Turk
xoqonligining mintaqadagi siyosati heptaliylar siyosatidan farq qilmagan 74
, - deb
baholagan edilar. Ular Turk xoqonligining davlat boshqaruvi amaliyoti, ma'muriy -
siyosiy tuzilishdagi salohiyatiga shubha bilan qaragandilar. Shu bois ular
ma'muriyat mahalliy sharqiy eroniy tilli xalqlardangina iborat edi, deb bilishgan.
Davlat boshkaruvidagi asosiy urg’u turkiy bo’lmagan etnoslarga berilgan. Ammo
ushbu mavzuga oid sug'diy, xitoy, yunon, arab-fors manbalarni o'rganish yangi
xulosalarga olib keldi. Sug'ddan topilgan numizmatik materialar va Mug’ tog'i
arxivlari hujjatlari mintaqada turkcha qatlam o'rni masalasini yanada
oydinlashtirdi.
Turk xoqonligi birinchi boshqaruv yillarida mahalliy boshqaruv tizimiga tub
o'zgarishlar kiritmaganini, yerli boshqaruvda ko'plab mahalliy turkiylarning
faoliyati bilan ham izohlash mumkin. Biroq Turk xoqonligi ikkiga bo’lingach
(603), G’arbiy Turk xoqonligi bu masalaga jiddiy e’tibor berdi. Tun yabg’u (618-
630) ning ma'muriy islohatlari aynan xoqonlik va mahalliy boshqoruv hosil
muvoffiqlashtirishga qaratilgan edi. Kolaversa, xoqonlik turklarning o'troq hayoti
74
Тревер К.В. Кушаны, хиониты и эфталиты по армянским источникамIV-VII вв. – С. 140; Гафуров Б.Г. Таджики. Кн. I.
– С. 279.
49](/data/documents/c3213bdd-4aed-40fd-a320-e9c7094e03d5/page_49.png)
![va o'ziga xos davlatchilik an’analar heptaliylardan farqlangan. Turk xoqonligining
mahalliy sulolalar boshqaruvini saqlab qo'yishdan maqsadi o'troq o'lkalarda siyosiy
barqarorlikni ta'minlash, itisodiy taraqqiyot rivojini to’xtatmaslik va harbiy
ko’maklashuv bo’lgan. Bundan tashqari mahalliy podsholarning tashqi ko'rinishi u
yoki bu ma'noda Turk hoqonligi hukmdorlari bilan yaqinlashib, qardoshlik
aloqalarini o'rnatgan siyosiy ma’noda hoqonlik diplomatiyasining mahoratidan
darak beradi.
Turk xoqonligi ma'murlari mahalliy mulklardan yig'ilgan o'lpon va solqlarni
barchasini o’zlari o’zlashtirgan deya, olmaymiz. Manbalarda ular tomonidan
mahalliy muklarni behuda talon-taroj qilgani haqida ma'lumot uchramaydi.
Hoqonlikning joylardagi vakillari, to’lov va o'lponlardan tushgan mablag'ning bir
qisminigina markazga– hoqon qarorgohiga yuborib, asosiy xizmatni o'lkaning
iqtisodiy rivoji va siyosiy barqarorligi uchun sarflaganlar deyish mumkin. Chunki
bu davrda Sug’dda iqtisodiy tushkunlik, siyosiy bo’ronlar kuzatilmaydi. Qolaversa,
xoqonlik assosiy e’tiborni o'z vassallarini tashqi dushman xavfidan saqlashga
qaratgan. Shu bois mahalliy qo shin - chokarlarning harbiy salohiyatiʻ
kuchaytirilgan bo’lishi kerak. Ma’lumki, sug'diylar va turkiylar harbiy-siyosiy
sohada azaldan ittifoqchi bo'lib kelgan. Bu hodisa ham turk – sug’d
munosabatlaridagi eng muhim jihatlaridan biri edi. Turk xoqonligi O'rta Osiyoga
kirib kelgach, o'lka boshqaruvining o'ziga xos qirralarini kuzatib borilgan va asta-
sekin ma'muriy boshqaruv tizimidagi muhim jihatlar o'zlashtira boshlangan 75
.
Yuqorida aytganimiz, G’arbiy Turk xoqoni Tun yabg’uning ma'muriy boshqaruv
tizimidagi islohatlar uzoqni ko’zlagan va samarali islohat edi. Yangi tartiblar orqali
siyosat, ijtimoiy-iqtisodiy yutuqlarni qo'lga kiritish mumkin edi. Qolaversa, Tun
yabg’uning shaxsan “bebosh” hokimlarni tartibga chaqirib qo’yish qudratiga ega
edi. U nafaqat kuch, balki diplomatiya vositasini ham ishga solib, ish yuritgan.
Chunki manbalarda xoqonlik va mahalla hokimliklar o'rtasida yuz bergan nizolar
haqida ma’lumot uchramaydi. Xoqonlar O'rta Osiyoni o'z qavmdoshlari
yashaydigan yurt sifatida bilib, mahalliy aslzodalar bilan quda-andachilikni yo'lga
75
Гафуров Б.Г. Таджики. Кн. I. – C. 280.
50](/data/documents/c3213bdd-4aed-40fd-a320-e9c7094e03d5/page_50.png)
![qo’yganlar. "Bei shi", "Sui shu" va "Tan shu" kabi solnomalarida keltirilishicha,
Tardu xoqon (576-603) Kan hukmdori Shi-fu-biga, Tun yabg’u esa Kan hukmdori
Kyue-mu-chjiga o'z qizlarini turmushga berishgan 76
. Bunday qarindoshlik aloqalari
Turk xoqonligi va Sug’dning barqarorligi, iqtisodiy rivojida hamjihatlikni
ta'minlagan. Aslida turk xoqonlarining harbiy qudrati har qanday hokimlikni tobe
qilishga yetar edi. Biroq xoqonlar uchun O'rta Osiyo mulklari taraqqiyoti
muhimroq hisoblangan. VI asr so’nggi choragi va VII asr boshlaridagi Kan -
Samarqand podsholari Shi-fu-bi (Tei-shi-bi) (VI asr so’nggi choragi) wa Kue-mu-
chzhi (600-620) lar xoqonlik himoyati ostida dehqonchilik, hunarmandchilik
ayniqsa xalqaro savdoni rivojlantirishdan o'zaro manfaat topdilar. Xitoy va Eronga
iqtisodiy va siyosiy raqobatda tomonlar pozitsiyalari solnomalardagi turk-sug'd
munosabatlari doirasida alohida e’tibor bilan belgilanadi. Chunki O'rta Osiyo
masalasida Xitoy, Eron Turk xoqonligi manfaatlari doimo to'qnash kelgan. Sug'd
uchun Turk xoqonligi qudrati hayot – mamot masalasi edi.
630- yilda To’n yabg’u-xoqon vafotidan so'ng ro’y bergan parokandalik
natijasida Garbiy Turk xoqonligi tanazzulga yuz tutdi 77
. Tun yabg’udan so'ng to
742- yilgacha G’arbiy Turk va Turkash xoqonligida 17 ta yabg’u almashdi. Bu
davrda G’arbiy turklar Sug'dga oldingidek ta'sir qila olmadi. Natijada Sug'd
ixshidlarning faoliyatida bir qadar mustaqil harakatlar ko'zga tashlandi. G’arbiy
Turk xoqonligi tanazzuli yuz yildan ziyod vaqt davom etdi. Sug'dga esa Sharqiy
Turk xoqonligining ta’siri orta bordi. Ayniqsa, Sharqiy Turk xoqonligi Qapag'on
xoqon davrida (692-716) o'zining mintaqadagi o'rnini qayta tiklab, geosiyosiy
pozitsiyasini mustahkamladi. Shu bois ham Mug’ arxivi A-14 hujjatiga ko’ra, VIII
asr boshlaridagi (717-719) “Sug‘d podshosi” Devashtich elchisi Fatufarn Chochda
“vaqtincha” bo’lib turgan Sharqiy Turk xoqoni bilan muzokaralar olib borishga
yuborilgan.
76
Бичурин Н.Я. Собрание сведений. – Т. II. – C. 271; Chavannes E. Doсuments sur les T’ou-kiue (Turcs) Occidentaux. – P.
24, 132 (2-изоҳ), 135 (5-изоҳ).
77
Гафуров Б.Г. Таджики. Кн. I. – С. 280–281.
51](/data/documents/c3213bdd-4aed-40fd-a320-e9c7094e03d5/page_51.png)
![Devashtich o'zini ham G’arbiy, ham Sharqiy xoqonlikning vassallari 78
deb
bilgan. Arablarga qarshi kurashda ulardan yordam va madad kutgan. Bu haqda B-
17 hujjatida shunday satrlar uchraydi: ZKh m'gw 'zgntt cnn' sky mrts'r (11) ”ysnt
rty mn 'cnn g'g'n mrts'r RB pdbrw ZY' gr'n'w' brnt rtcnn 'skys'r tym grb'sp'dw'gz
wyw gwn ZY cyn - “bizning (Devashtichning) choparlar bu yerga tushishib,
menga xoqondan yuksak ishonch va hurmat olib keldi. hamda turklar (gwn) va
xitoylar (sun) lardan iborat ko plab qo shinlar keldi”ʻ ʻ 79
. Shu o'rinda aytish joizki,
hujjatni tahlil qilgan V.A. Livshis VIII asr boshlarida Yettisuvda o'z hokimiyatini
o'rnatgan Turkash xoqonligini ham nazardan qochirmaydi. Turkash xoqonlarining
qarorgohi Suyob (Suye) shahri bo’lib, ular arablarga qarshi harbiy harakatlarda
sug'diylarning ittifoqchisi sifatida maydonga chiqishgan edi. Turkashlar haqida gap
borar ekan, ayrim tadqiqotchilar Sug'd ixshidlari Tarxun va G’urakning kelib
chiqishlarini ularga taqashadi. Nasafiyning “al-and fi zikri ulamo Samargand”
asarida berilgan shajara: Abu Husayn Ubaydulloh ibn al-Marbuzon ibn Turkash
Baqi ibn Kasir ibn Tarhun ibn Banichur ibn G’urak al-Bobdostoniy 80
shaxsi ismiga
e’tibor berishgan.
Turkashlar 712-714- yillarda, ya’ni A-14 hujjati bitilgan davrda, sharqiy
turklardan ma'g'lubiyatga uchrab, o'z mavelarini yo'qotgan edilar. Shu bois ham
ular Sug'd, Choch va Farg'ona siyosiy hayotida yetakchi o'rin tuta olmas edilar.
712- yilda esa, aynan Sug'd chegarasida Mochjo (Qapag'on) hoqonning kichik
o'g'li Inal-xoqon bosh qo'mondon-apa-tarhonligidagi qo'shin turar edi. A-14
hujjatida ham shahzoda Inal-xoqon zikr etilgan deyish mumkin. Devashtichning
Sharqiy Turk xoqonligi bilan munosabatlarini ifodalovchi dalillarni Mug’
arxivining Nov.1 va B-1 hujjatlarida uchratamiz. Bu hujjatlarda tardush (trd'wš,
trdwš) atamasi esga olinadi. Tardushlar esa, to’lislar bilan konfederatiyada bo’lib,
78
СДГМII. – С. 84.
79
СДГМ II . – С. 116–117. Бу ўринда Чин дейилганда айнан Хитойни эмас, балки унинг аксарият ҳудудида
ҳукмронлик қилаётган Шарқий Турк хоқонлигини назарда тутмоқ керак бўлади.
80
Камолиддинов Ш.С., Муҳамедов У.З. Новые данные по истории Средней Азии в эпоху арабских завоеваний. – С. 91–
97; Бабаяров Г., Кубатин А.В. К новой интерпретации имени правящего рода Самарканда из надписей в росписях
Афрасиаба. – С. 216–220. Манба: Нажмиддин Абу Ҳафс Умар ибн Муҳамад ан-Насафий. Ал-Қанд фи зикри уламо
Самарқанд. – Мадина. 1991. – Б. 323.
52](/data/documents/c3213bdd-4aed-40fd-a320-e9c7094e03d5/page_52.png)
![Sharqiy Turk xoqonligi qabilalarining asosini tashkil qilgan 81
. Shu bois, VIII asr
boshlariga kelib Sug'd ijtimoiy hayotida mahalliy turklar va G’arbiy Turk
xoqonligi davrida muhim o'rin tutgan bo’lsalar, siyosiy hayotida Sharqiy Turklar
va turkashlarning ta'siri ortgan.
VII-VIII asrlarga kelib markaz Samarqand va mulklarda sug'diy va turkiy
amaldorlar boshqaruvinning qa’tiylashuvi ikki qavmining qardoshligi, hamjihatligi
va manfaatlarini mos bo’lib, o’lkada tinchlik va barqarorlikka xizmat qilardi.
Jumladan, xitoy manbalarida VII asrning birinchi yarmigacha Kesh mulkining
boshqargan Di-chje (600-640), Sha-shi-bi (Shishpir) (640-650) va VIII asr
boshidagi Kesh va Nasaf hokimi al-Ashkand, “Tan shu ” da keltirilgan Kesh
kokimi-ixshidi Saginti kabilar turkiylardan edi. Chunki “sgyin” turkcha “erkin”
unvonining xitoy eyroglofidagi shakli hisoblanadi. Kesh va Naxshabda zarb
etilganVII-VIII asr tangalarda “hukmdor Turak” yoki “Turon hukmdori” jumlalari
hamda Turkcha qiyofadagi hukmdor tasviri aks etgan. Ba'zan, arab-fors
manbalarida Kesh hokimlari unvonini Chochdagi kabi tudun deb keltirishadi. VIII
asr birinchi yarmida Samargand yaqinidagi Fay (Narpay) mulkining hokimini
Tabariyda Turk-hoqon deb keltirilgan bo’lsa, Kabudan (hit. Khuzor (G’uzor) mulki
hokimi ham Sudo-Bug‘ro 82
ismli turk bo’lgan. Bularning barchasi O'rta Osiyo
mulklari boshqaruvida turkiylar o'rni va nufuzi yuqori bo’lganligini isbotlaydi.
Birgina Samargand Sug'didagi Panch viloyatidagi turkiylarning mavqei misolida
buni kuzatish mumkin. Jumladan, “Bagt (Bakht) mulkiy podshosi, Panch hokimi
Chakin chur Bilga Bichut o’g’li” taxminan 693-708 yillarda viloyatni boshqargani
Mug’ arxivining B-8 - “Yarim bo’ltak asksak yernik sotida azhgan. Unda shunday
deyiladi: (I) 'LKŠNT' YKZY ZKn bgtyk (2) MLK 'pncy MR'Y ck'yn cwr (3) bylk
”ZKn pycw-tt BRY (4) XIII II ŠNT' (gm'y zymtcy-h) 5) mud'sp'ntr-mt rwc - “(1)
Bu yil Baxt (2) podshosi Panch hukmdori Chakin Chur (3) Bilga Bichut o'g'li
(hukmronligiga) (4) 15 yil bo’lgan paytda-jimtich oyining (5) spandarmatni ( 6)
81
Togan A.Z.V. Umumî Türk Tarihi’ne giriş. Cild 1. – S. 55–56.
82
История ат-Табари. – С. 190; Смирнова О.И. Сводный каталог согдийских монет. – С. 40; Камолиддинов Ш.С.
Историческая география Южного Согда и Тохаристана по арабоязычным источникамIX- началаXIII вв. – С. 273;
Бобоёров Ғ. Турк хоқонлиги даврида Суғд. – Б. 125–126.
53](/data/documents/c3213bdd-4aed-40fd-a320-e9c7094e03d5/page_53.png)
![“buzz bitildi”. Bu hujjat Devashtichdan avval 15 yil ichida Panch mulkini
boshqargan turkiy hukmdor haqida ma’lumot beradi.
Bizningcha, uni bu lavozimga turk xoqoni va Samarqanddagi Oqsoqollar
Kengashi birgalikda tayinlashgan. Sababi, Panch Turkiylar zich yashaydigan
viloyat bo’lgani bois tomonlar shu qarorga kelishgan. Hujjatga asosan, Chakin
Chur Bilga Bagt (Baxt) mulki va Panjikent shahrini 15 yil (693-708) samarali
boshqargan 83
. Bunday boshqaruv Turk xoqonligi va Sug'd manfaatlarini ifodalab,
birinchidan, Turk xoqonligi Sug'd boshqaruv tizimiga o'z ta'siri ko'rsatgan,
markazdan, Samarqanddagi Oqsoqollar kengashi xoqonlik bilan munosabatlarda
mahalliy turkiylardan samarali foydalangan. Bu esa turk-sug'd davlatchiligi
barqarorligini ta'minlangan.
Viloyatlar va mulklar ma'muriy boshqaruvida turk amaldorlarning nufuzi
baland bo’lgan. Ayrim tarixchilar Sug'dda Turkilarning o'rni masalasiga e'tibor
berish bilan yondashib, imkon qadar o'lkadagi turkiylar ishtirokini yoritmoqqa
harakat qilishgan. Aslida esa Sug'd tarixini turkiylarning faol ishtirokisiz tasavvur
qilish mumkin emas. Ayniqsa, VII-VIII asrlarda bu jarayon yanada yaqqolroq aks
etadi. Chunki Sug'dning siyosiy, ijtimoiy-iqtisodiy va madaniy hayoti bevosita
turkiy etnos bilan uzviy edi. Xususan, Mug’ tog’i arxivida Panch viloyati va
Panjikent hokimligi saroyidagi amaldor-ayonlariga tegishli hujjatlar saqlangan.
Jumladan, Nov 3 va Nov 4 raqamli “Nikoh bitimi shartlari va majburiyatlari” da
tegin, y'ni shahzoda O't haqida bo’lsa, I.1 raqamli “arab amiri Abdurahmon ibn
Subhning Devashtichga nomasi”da kohin Kurchi nomi zikr etilgan. Hujjatlarning
bir qismi viloyatda boshqaruv mavega ega, iqtisodiy masalari bo’yicha ma’sul,
Devashtich saroyining “ish yurituvchisi” - framandar O’tt (prm'nd'r ’utt) ga
tegishli.
Mug’ arxivi bizni arablar istilosi arafasidagi (VII VIII ohiri- Asr Asr
boshlari) Sug'dning siyosiy va iqtisodiy ahvolidan voqif etish barobarida Sug'd
83
Исҳоқов М.М. Унутилган подшоликдан хатлар. – Б. 13–15; Шаякубов Ш. VI-VIII асрлар Марказий Осиё сиёсий
тарихида Суғд: Тарих фан. номзоди дисс. … автореф. – Б. 16; Ўша. Илк ўрта асрларда Суғд. – Б. 53.
54](/data/documents/c3213bdd-4aed-40fd-a320-e9c7094e03d5/page_54.png)
![xo’jaligi, ma’muriy boshqaruvi, mahkamasi, saroy muhiti, ichki va tashqi vaziyati
va qo'shimcha ma'lumotlar beradi. Ayniqsa, siyosiy hayotning o'ziga xosligi, ichki
ma'muriy- boshqaruv tizimi va saroy ahli orasidagi mansab va unvonlar,
jamiyatdagi tabaqalar mufassal bayon etilgan. Hujjatlar Sug'd podshosi -
ixshididan tortib to uy qullari– bandak va cho’rilari– doyalarigacha bo’lgan ijtimoy
pog’onalarni tahlil qilishga imkon beradi. Shulardan biri framandar joylashuvidagi
mansabdor O'tt edi. Bu shaxsning jamiyatdagi mavqei viloyat hokimi
Devashtichdan kam emasligi ahamiyatlidir.
U turkiylar orasidan chiqqan, Devashtich saroyida o'z vazifasiga ega,
ijtimoy-iqtisodiy hayotda faolligi bilan ajrab turgan. Buni Mug’ arxivlari
tadqiqotchilari 84
e’tirof etganlar. "Framandar" (prm'ndr) - "farmon tutuvchi" O’tt”
saroy xo’jaligining boshqaruvchisi bo’lgan.Hujjatlar tahliliga ko’ra, “framandar”
ning asosiy vazifasi iqtisodiy masalalarni xususan Zarafshonning yuqori oqimidagi
qishloqlar (Fatmev, Iskodar, Kum, Zrunb, Madm)dan kelib tushishini qishloq
xo’jaligi mahsulotlar (don,may, chorva mollari qurol-aslaha kabilarni) Panch
hukmdori saroyi omboriga kelib tushishini ro’yhatini va taqsimotini nazorat qilish
bo’lgan. Ba'zi hollarda Devashtich e’tiroziga qaramay “framandar” vaziyat
taqozosi bilan hokim- Devashtich buyruqlarini e’tiborsiz qoldirib, mustaqil ish
yuritgan. Jumladan, A-18 hujjatiga ko’ra, iqtisodiy nochor ahvolida qolgan
Izrovadk qishlog’i ahli Devashtichga “framandar” ustidan shikoyat qiladi.
Devashtich arziga don berish zarurligi haqida ikki bor “framandar” O’ttga maktub
-buyruq yo’llab, maktubda: “... Men senga“ don ber ”degan odamlarga (don)
bermayapsan. (Don) zarur bo’lmaganlarga esa (don) beryapsan. (Eshitishimcha,)
sen ancha bevosh bo’lib ketibsan ”, qabilida tanbeh beradi 85
. O'ttning bunday
faoliyati Devashtich tomonidan unga yuborilgan A-2 va A-3 raqamli hujjatlarda
ko’zatiladi. A-2 hujjatiga ko’ra, Devashtich framandarga Aski (yuqori) Razreda
84
Мамараимов Б.И. Суғднинг Панж ҳокимлигида лавозим эгалари ва маҳкамавий ҳужжатчилик масалаларига доир ( VII -
VIII асрлар) // Ўрта Осиё тарихи манбашунослиги масалалари. – Тошкент, 2003. – Б. 44–45; Шоёқубов Ш. Муғ
ҳужжатиларида илк ўрта аср Суғд жамияти// Шарқшунослик. – 2001. – №2. – Б. 65.
85
СДГМII. – С. 132–136; Мамараимов Б.И. Суғднинг Панж ҳокимлигида лавозим эгалари ва маҳкамавий
ҳужжатчилик масалаларига доир(VII-VIII асрлар). – Б. 44.
55](/data/documents/c3213bdd-4aed-40fd-a320-e9c7094e03d5/page_55.png)
![och qolgan odamlarga 300 kafiz don berishni, A – 3 maktubida esa, Xufarn va
Xutachon ismli shaxslarga 200 kafiz don berish buyuradi. A-16 hujjatida
Devashtich O’ttga loy muhr bilan mustahkamlangan va tog echkisi (?) ning tasviri
tushirilgan maktubni olishi bilan Littpir (rytthyr / dyttpyr)ga “Kanizaklar ichadigan
vinodan” berish lozimligi qayd etilgan.
Bu hujjatlar Devashtich va O’tt munosabatlarining ayrim qirralarini
namoyon qiladi. Ammo Mug’ arxivida O'ttga tegishli hujjatlar orasida boshqa
shaxslarning framandarga yuborgan nomalari ham majud. Jumladan, A-6 hujjati
framandar O’ttga Gmir- Amir (gmyr) “janob hukmdor” deb murojaat qiladi. Aslida
bunday murojaat shakli ko’proq Devashtichga yo’llangan maktublarda uchrardi.
Biroq bu hujjat Panch mulkida O'ttning obro’si yuqoriligini ko’rsatadi. Maktub
egasining: “... men sening (bu erdagi - saroidagi) vakilingman va (sening doimiy
kimoyatingda bulaman), deb senga noma yo’llab murojaat qilmoqdaman”, - deb,
yozishi yana bir bor tasdiqlaydi.
Shu o'rinda ta'kidlash kerakki, framandar O'tt nafaqat xo’jalik ishlarini
yuritibgina qolmay, yaxshi qurollangan bo’linmaga ham ega bo’lgan. Chunki
shahar tashqarisidagi saroy omborxonasini O'ttning yolg'iz o'zi o'sha davr
sharoitida saqlab turolmasdi. Qolaversa, turkilarga xos harbiy salohiyat unga
begona bo’lmagan. Buni G'mir (Amir) ning himoyat so'ragani ham tasdiqlaydi. A-
1 hujjatida ham Apanak (’’ p'nk) ismli shaxs “framandar” O’ttga “janobi xukmdor”
deb murojaat qiladi. Maktubda “Chitchit (cytcyt) orqali sen (O'ttga) qimmatbaho
narsalar (?) berib yubordim”, deyiladi. V.A. Livshis yuborilgan narsalar
qimmatbaho toshlar va ulardan yasalgan narsalar bo’lsa kerak, deb taxmin qiladi 86
.
Bu “framandar” ning nafaqat qishloq xo‘jaligi mahsulotlari, kiyim-bosh va
aslahalar, balki saroy xazinasiga tushadigan qimmatbaho narsalarni ro’yxatidan
o‘tkazish, Panjikentdagi xazinabonga topshirganini tasdiqlaydi. Chunki A-5
hujjatida saroy a’yonlari orasida hupat (gupat) - gwpt - bosh moliyachi boshqaruvi
qayd etilgan.
86
СДГМII. – С. 142.
56](/data/documents/c3213bdd-4aed-40fd-a320-e9c7094e03d5/page_56.png)
![Ehtimol “framandar” bu buyumlarni (narsalarni) o'z omborida saqlagan
bo’lishi ham inkor etib bo’lmaydi. B-11, B-13, B-15 va B-19 hujjatlari Espadak
(’spd'kk) ning“ framandar ”O'ttga maktublari 850 bo’lib, nomlar:“ Janobi
hukmdor, buyuk tayanchimiz (!) Framandar O'ttga” deb boshlanadi. Avvalgi
maktublardan farqli o’laroq bu nomlarda “buyuk tayanchimiz” - Rbch ’nwth
iborasi qo‘llanilgan 87
. O’shbu hujjatlarga ko’ra, Espadak Devashtich va O’tt haro
vositachilik-choparlik qilgan. Nomalarni Devashtichga yetkazib, ma’lumot uchun
O'ttga xabar bergan. Hujjat ikki nusxada tayyorlanib, bir nusxasi saroy
devonxonasida qolgan. B-13 hujjatiga ko’ra, Espadak “framandar” O’ttga
Devashtich uchun yuborilgan kiyim-kechaklar, mevalarning hammasi yetib
kelmaganligi to’g’risida xabar beradi. Bu bilan u o'sha davrda Panchda yuz
berayotgan voqealar tafsilotini bayon etadi. Shular asosida aytish mumkinki,
bunday axborot keyingi hisobotlar uchun zarur bo'lib, qat’iy tartib, ishlab
chiqarishni boshqarish va tadbirkorlikni talab qilgan.
Devashtich huzuridagi har bir amaldor sug’diymi, turkiymi qa’tiy nazar o’z
vazifasiga mas'uliyat bilan yondashib, mahkama kitob ishlarini yuqori darajada
yuritishgan. Eng asosiysi, ro’yxatga olingan barcha hujjatlar arxivda saqlanishi
saroydagi kuchli nazorat va ichki taftish amaliyoti qo'llanilganligidan dalolat
beradi. Bu esa ayniqsa, Arab istilosi davrida iqtisodiy barqarorlik, taqchillikni
bartaraf etish uchun ham zarur edi. Balki shu bois “framandar” O’tt qishloqlardagi
ahvolni o‘rganib, nochor xalqdan mahsulot undirishni o‘ziga ep topmay,
Devashtichga buyrug‘iga ham e’tibor bermay, adolatli siyosat yurtishga harakat
qilgan. Xususan, B-11 hujjatiga ko’ra, Espadak “framandar” O’ttga: “Zravadk,
Escator va Anshak qishloqlaridan don kelib tushgani” haqida xabar berib, “ularni
ro’yxatga olib, bu yoqqa(saroyga) yuborishni so’raydi. O’tt esa Devashtich amriga
ko’ra, qishlqlardan keladigan mahsulotlarni qattiq nazoratga olgan. B-15 hujjati
mazmuniga ko’ra, Littpirning qishloqqa faqat mevalar olib kelishi u yerda
tartibsizliklar kelib chiqarishi mumkinligidan xavotirga tushgan Espadak, O’ttdan
87
Ҳужжатлар орасида фақат Б–19 ҳужжатининг манзили ва мурожаат қисми йўқ бўлиб кетган. Амо котиб дастхати уни
Эспадак(’ sp ’δ k ( k )) йўллаган дейишга асос беради. Қаранг: СДГМ II . – С. 152.
57](/data/documents/c3213bdd-4aed-40fd-a320-e9c7094e03d5/page_57.png)
![ehtimol tuz ishlari va boshka tushumlar bilan ham “framandar” shug’ullangan
ko'rinadi. B-19 hujjati mazmuni oldingilariga qaraganda notinch sharoitda
bitilganligini ko’rsatadi. Muallif Zravadk qishlog’iga “kimlardir kelganligini,
agarda uzida ushbu don bulsa, o'zi Zravadkka borajagini” bildiradi hamda
hukmdor Devashtichning O'ttga don va boshqa mahsulotlarni ko’zdan panada
tutishi to’g’risida farmon berganligini aytadi. Bunda Arab istilochilarining
Panjikentga yaqinlashib qolganligi, mahsulotlar dushman qo'liga tushmasligi
kerak. Chunki maktub davomida “donni olib borib, uni saqlash to’g’risida
qayg’urish zarur” ligi uqtiriladi. Shundan so'ng Espadak O'ttga bitta sovut, yana
qandaydir (?) narsa, egar va oyoq kiyimlari (“etiklar”) yuborayotganini ma’lum
qiladi. Sanab o’tilganlar ko’proq harbiy aslaha va anjomlar bo’lib, vaziyat tinch
emasligi bois, qurollanib chora ko’rish zaruratidan dalolat beradi. B-18 hujjati
Ezravadk qishlog’i arspani Khufarn (’rspn gwprn) ning framandar Uttga maktubi
hisoblanadi. Arspan ('rsn) lar o'z vazifasiga ko'ra qishloq xo'jaligi boshqaruvchilari
bo’lishgan, lekin oqsoqol vazifasini bajarmagan.
Ular o'z qishloqlaridan tushadigan tuz yig'imlari hamda harbiy anjom va
oziq-ovqat mahsulotlari bilan markazni ta'minlaganlar. Shu bois ham bevosita
framandar O’ttga bo’ysunishgan va uni nazoratda bo’lib, kerakli ma'lumotlarni,
hisob-kitoblarni O’ttga yetkazib turishgan. Bu Sug'd ma'muriy boshqaruv
tizimidagi o'ziga xos xizmatdan dalolat beradi. A-5 hujjatida saroy a’yonlari,
hizmatchilari ro’yxati va ish xaqlari keltirilgan. Lekin ular orasida framandar
xizmatlari uchramaydi. Balki bu O'ttning asosiy faoliyati shahar tashqarisida
kechgani yoki ro’yxat uning amri bilan rejalashtirishi bois, bu ro’yxatga u o'zini
kiritmagan bilan izohlasa bo'ladi. Qolaversa, O'ttga devonxonadagi dapirpat
(p'yrpt) - mirzaboshi, arspan ('rspn) - qishloq xokimlari yoki mahalla boshliqlari,
apsharspan (' pš'rspn) - uning o’rinbasari vajty uchisi va zhlo) sohiblari –
bo’ysungan. Bu “framandar” O ttning Panjikent saroyidagi va viloyatdagiʻ
iqtisodiy-ijtimoy hayotini hal qiluvchi shaxs bo’lganligini ko’rsatadi.
58](/data/documents/c3213bdd-4aed-40fd-a320-e9c7094e03d5/page_58.png)
![Devashtich VIII asr boshlaridagi og'ir siyosiy vaziyatda qishloqlardan
markazga mahsulotlar keltirish, soliq yig’ish kabi jarayonlarning murakkabligini
hisobga olib, o'zidan oldingi Panjikent hokimi Chakin Chur Bilga saroyida ham
shu vazifani bajarish bilan shug'ullanib, katta tajribaga, qolaversa, viloyatda
yetarli obro’ -e’tiborga ega bo’lgan O’ttni shu lavozimga qo’ygan bo’lishi ham
mumkin. Aslida moliya, sarf-xarajat, kirim-chiqim ishlari bilan shug'illanish uchun
ham bilim, ham tajriba kerak edi.
Ayniqsa, Arab istilosi arafasida bunday vazifani bajarish mas'uliyatini
oshirish qiyin emas. Shu bois ham Devashtich qattiqqo'l, o'ziga ishongan,
mas'uliyatni to’la zimmasiga ola biladigan, o'z ishiga halol yondashadigan, ma’lum
darajada harbiy salohiyat va kuchga ega bo'lgan turkiy O’ttga bu vazifani lozim
topgan. Chunki VIII asr boshlaridagi harbiy-siyosiy vaziyat shunday xulosa
berishimizga asos bo’ladi. Panchda butun Sug'dda bo’lgani kabi diniy kohinlar
mavei baland edi. Shulardan biri 1.I hujjatida aks ettirilgan vaunpat Ko’rchi
(bgnptw kwrcy) bo’lib 88
, bu ism oldingi tadqiqotlarda tahlil qilinmagan. Sug'ddagi
ijtimoy hayotda sug'diylar va turkiylar nafaqat ittifoqchi, balki yagona manfaatlar
atrofida birlashgan qo'ndosh va dindosh xalqlar bo’lishgan. 1.I hujjati - istilochi
arablarning amaldorlaridan biri Abdurahmon ibn Subhning “Sug’d podshosi,
Samarqand hokimi Devashtichga maktubi” bo’lib, 720-721- yillardagi Sug'd
ozodlik harakati haqida ma'lumot beradi 89
.
O'sha murakkab harbiy-siyosiy vaziyatda kohinlar tomonlar o'rtasida
vositachi-elchi sifatida muhim o'rin tutganliklari matnda aks etgan. Ularning etnik
mansubliklari ham turlicha. Nijitak (nyz (y) tk) sug'diy bo’lsa, vag’npat Ko'rchi
(bgnpt kwrcy) turk edi. Bu ikkisi ham Devashtich atrofidagi baobro’ shaxslardan
hisoblanishgan va maktubda: “Senga (Devashtich) ma’lumki, Nijitak bilan
vag'npat Ko’rchi sening eng yaqin do’stlaringdir va sening farog'ating uchun juda
qayg’uradi” deyiladi. Voqealar 720-721- yillarda ro’y berib, bu davrdagi siyosiy
88
СДГМ. II. – С. 113.
89
Исҳоқов М.М. Унутилган подшоликдан хатлар. – Б. 34.
59](/data/documents/c3213bdd-4aed-40fd-a320-e9c7094e03d5/page_59.png)
![jarayonlarda turkiylarning faol ishtiroki yana bir bor o'z tasdig'ini topadi. Kohin
Ko’rchi (bgnpt kwrcy) turkish bo’lib, zardushtylik diniga e’tiqod qilgan. Bu
Sug'dning asosiy dini zardushtiylik shu yurtdagi sug'diylar va turkiylarning
umumiy dini bo’lgan. Binobarin, zardushtiy ibodatxonalari bosh kohinlari-
mag'upatlar (mgwpt) va kohinlari vagnpatlar (bynpt) jamiyatida katta mavqei egasi
edilar. Sug'dning ijtimoy hayoti turkiylar bilan bevosita bog'liqligi Mug’ arxivining
Nov 3 va Nov 4 raqamli hujjatlarida ham o'z ifodasini topadi. Nov 3 hujjati “nikoh
guvohnomasi” bo’lsa, Nov 4 hujjatida “kuyovning kelin oldingidagi
majburiyatlari” ni aks etgan. Ushbu hujjatlarda Yettisuvning Navikat (nwykt)
shahridan bo’lgan sug'diy qizi Dugdg'uncha (dygwtywnch) laqabi Chata Viyus
(ctth wy’ws) ning qizi (Ning izi, sugdlik ttttdin) bo’lgan shaxs nikohlanadi. Ular
“qonunlar uyi” (bwntyn'k ’st'ny) uning boshlig’i Vahgukon Varhuman o‘g‘li
(wgwywk'n brgm'n BRY) huzurida tuziladi, deyishadi. Bir Qancha guvohlarning
nomlari ham hujjat so'nggida aks ettirilgan. Hujjatning muhim jihati, na
kuyovning, na kelinning va na guvohlarning qaysi elat yoki dinga mansubligi qayd
etilmaydi. Ular hech qanday istisno va to'siqsiz, teng huquq va erkinliklargan ega
bo’lgan munosabatlarga kirishganlar. Shundan ham ko'rinadiki, Sug'd fuqarolari
turli elat va din bo’lishgan. Ushbu ahdlashuv tuzayotgan ikki xalq birikmasi
farzandlari esa etnik va diniy mansublik darajasidan qat’i nazar “sug’dlik” deb
atalgan. Bu bitim misolida xalqimizning azaliy xislati - milliy va diniy tolerantligi
- bag'rikengligi ildizlari namoyon bo'ldi. Mintaqadagi etnogenetik va madaniy
umumiylik, turmush tarzining yaqinligi izlarini sug’diy va turkiy etnoslar merosi
sifatida qabul qilishimizga asos beradi. Keltirilgan ma'lumotlar Sug’ddagi turkiy
qatlam xususida xolis fikrlash zaruratini talab qiladi.
Umuman olganda, turk-sug'd munosabatlari masalasida manbalar bizga bu
aloqalarining chuqur qatlamlari bizga mavjudligini ko'rsatadi. Sug'd hamiyatining
boshqaruvida ularning bob-baravar ishtiroki ko'plab tarixiy masalalar va etnik
muammolarga oydin kiritiladi. Hatto mintaqada ikki tillilik va til masalasida to’siq
bo’lmaganligini ham isbot qiladi. Joylarda aralash yashash - simbioz sharoitida
60](/data/documents/c3213bdd-4aed-40fd-a320-e9c7094e03d5/page_60.png)
![ikki tilni teng qo'llash odatiy hol bo'lib, bu etnomadaniy birlik hosilasi edi. O'rta
Osiyoning tub-avtoxton aholisi orasida qadimdan prototurk etnosining mavjudligi
va bu qatlamning sharqiy eroniy tilli sug’diylar bilan simbioz holatida asrlar
umumiy hamjihat bo’lib yashashi Sug’da o’ziga xos davlatchilik an’analarini
shakllantirdilar. Sug'ddagi mavjud mulkliklarning barchasi boshqaruvida turkcha
qatlamning ishtiroki avval ham, Turk xoqonligi qaror topgach ham salmoqli
o'rinda qolaverdi. Shu bilan birga turkiy va sug'diy qavmlar Sug'dda o'ziga xos
davlatchilik an’analarini shakllantirdilar. Nafaqat markaz Samarqandda, balki
unga tobe mulkliklarda ham kokimiyat tepasida turkiy hukmdorlarning mavjudligi
tarixiy davomiylik edi. Sug'd davlatchiligi an’analari o'z taraqqiyotida turkiy
davlatchilik an’analariga ancha ta'sir etgan bo’lsa, Turk xoqonligidan so’ng turkiy
davlat boshqaruv usullari Sug'dda ham joriy etilib, siyosiy, iqtisodiy va ayniqsa,
ijtimoy masalalarda o'zining ijobiy natijalarini berdi. To'ng yabg’u xoqon
islohatlarining ahamiyati buni isbotlaydi. Panch mulki misolida Sug'ddagi
boshqaruv, ijtimoy hayot, mahalliy va xoqonlik turklarining o'rni yanada yorqinroq
manzarani aks ettiradi.
Islohatlar natijasida Sug'd taraqiyotida siyosiy barqarorlik, ijtimoy-iqtisodiy
rivojlanish va madaniy yuksalish ro’y berdi. G’arbiy Turk xoqonligi tanazzulida
esa Sug'd bevosita Sharqiy Turk xoqonligiga va Turkash xoqonligiga suyangan
holda, siyosiy va iqtisodiy muammolarini hal etishga muvaffaq bo’ldi.
61](/data/documents/c3213bdd-4aed-40fd-a320-e9c7094e03d5/page_61.png)
![3.2. Sug'd boshqaruv tizimida turkiy unvonlarning o'rni.
Sug'd konfederatsiyasi boshqaruvida mahalliy unvonlar bilan birga turkiy
unvonlar ham amal qilingan. Ushbu turkiy unvonlarning Sug’d boshqaruviga
tadbiq etilishiga sabab, markaziy va mahalliy hokimiyat o’rtasidagi aloqalarni
jonlantirishga qaratilgan edi. Sug'd konfederatsiyasining taraqqiy etishida uning
asrlar davomida shakllanib kelgan boshqaruv tizimi muhim ahamiyat kasb etgan.
Bu boshqaruvning yanada takomillashtirilishi jarayonida Tung yabg’u xoqonning
ma’muriy boshqaruvdagi harakati ahamiyatli bo’ldi.
E.I.Kchanov xitoy manbalariga tayangan holda turk davlatchilik ma’muriy-
boshqaruv tizimida qo'llanilgan unvonlarni tahlil qilib, ularning sonini 28 ta deb
qayd etgan. Bu ierarxiya sizga zaif tomonlarni beradi 5 tasi: ehu (yabg’u), she
(shad), dele (tegin) va tutunfa (tudun) lar oliy mansablar hisoblanilgan, 23 tasi esa
kichik amaldorlarga tegishli bo’lgan. Mansablarning barchasi merosiy hisoblangan.
Ushbu fikr T.J.Barfield tomonidan ham tasdiqlangan 90
.
G'.Boboyorov esa Turk xoqonliga boshqaruvida 40 ga yaqin unvon va 50
dan ortiq etitetlar mavjud bo’lganligini keltiradi hamda ularning turli guruhlarga
bulgan holda tahlil qilgan. A. Ataxodjaev esa xoqonlik boshqaruvida yabgu
(jabgw), tegin (tegin), shad (šad), eltabar (eltäbär), xotun (xatun/qatun), tudun
(tudun/tudun), tutuq (tutuq/tutug), tarkxon (tarxan/tarqan), cho’r (čor), erkin
(erkin) kabi unvon va mansablari amalda bo’lganligini ta’kidlaydi. Lekin ushbu
unvonlarning aynan nechtasi Sug'd konfederatsiyasi boshqaruvida ishlatilganligi
masalasi bir muncha mavhum. Sug'd konfederatsiyasi boshqaruvidagi mansablar
tizimining xoqonlik hukmronligidan oldingi davrlarda qanday bo’lganligi
tog’risida manbalarda ma'lumotlar yo’q hisobi.
Turk xoqonlari Sug'd konfederatsiyasi boshqaruvida azaldan davom etib
kelayotgan an’analarni o'zgartirmaslikka harakat qilgan holda sulola
hukmdorlariga ba’zi turkiy unvonlarni, jumladan, eltabar va tudun unvonini berish
90
Барфилд Т.Дж. Опасная граница. Кочевые империи и Китай (221 г. до н.э. – 1757 г. н. э. ) / перевод с английского
Д.В. Рухлядева, В.Б. Кузнецова. – СПб.: 2009. – С. 111.
62](/data/documents/c3213bdd-4aed-40fd-a320-e9c7094e03d5/page_62.png)
![orqali Sug’dni boshqargan 91
. Xususan, Mug tog’i sug’diy hujjatlaridan B-13ʻ
raqamlisida turkiy eltabar unvoni ryttpyr, B-15 VA A-15 hujjatlarida ryttpyr
shakllarida uchrab, ular mazmunidan ushbu unvon egasining sug’d
konfederatiyasining yuqori martabali amaldorlaridan biri bulganligi anglashiladi.
Eltabar iborasi dastlab A.A. Freyman tomonidan “ruhoniy” deb talqin qilingan.
V.A.Livshits esa mazkur iborani dastlab litpir tarzida o'qib, uni shaxs ismi bo'lishi
mumkinligini e'tirof etadi. Ammo keyingi tadqiqotlarida eltabar Turk xoqonliga
boshqaruvida tavsiya unvon baholash to’gri deb hisoblaydi. Hatto, ba'zi
tadqiqotchilar eltabar unvonini Toxaristonning Shuman va Axarun
hukmdorliklaridagi turkiy sulolalar bilan aloqador deb keltirishadi 92
.
Turk xoqonlari o z tasarruflarida bo’lgan Toxariston (Shuman va Axarun)
ʻ
hukmdorliklari boshqaruviga ham ushbu unvonni joriy etgan bo'lishlari mumkin.
Turli tillardagi (turkiy bitiklar, Baqtriy manbalar) yozma manbalarda xoqonlik o z
ʻ
vassallari boshqaruvida elta bar, tudun kabi (biri, asosan, vassal hukmdorlarga,
ikkinchisi bo’ysindirilgan o’lkalar boshqaruvi va soliq yig’inini nazorat qiluvchi
amaldorlarga berilgan) unvonlarning uchrashi yuqoridagi gapning to’g’ri
ekanligini ko’rsatadi. Bundan tashqari, xitoy yilnomalarida ham G’arbiy turk
hukmdori Tung yabg’u-xokon (618 - 630) o’z vassallariga silifa (eltabar) unvonini
bergani hamda ularning nazoratiga bir nafardan tutun (tudun) jo’natgani qayd
etilgan.
Eltabar iborasini lug’aviy jihatdan turkiy tildagi el – “xalq” tabar –
“boshqarish, tartibga solish”, ya’ni “xalq boshqaruvi uchun yuborilgan” deb talqin
qilish mumkin. Xullas, Sug'd konfederatsiyasi boshqaruvida Turk xoqonligi
tomonidan berilgan joriy etilgan eltabar unvonidagi amaldor faoliyat ko'rsatgan
bo’lib, uning vazifasi konfederatsiyada xoqonlikning noibi sifatida soliq va
tushumlarni nazorat etish bo’lgan. Bu esa sug’diy hujjatlar va xitoy manbalarida
keltirilgan ma'lumotlar asosida o’z tasdig’ini topadi. Sug'd boshqaruviga eltabar
91
Stark S . Nomaden und Se ß hafte in Mittelasien – und Zentralasien . ... – Р. 389; Бабаяров Г. Государственний строй
Западно -Тюркского каганата:. ... – С. 7.
92
Бичурин Н.Я. Собрание сведений. … I. – С. 283.
63](/data/documents/c3213bdd-4aed-40fd-a320-e9c7094e03d5/page_63.png)
![unvoning joriy etilganligi borasida Mug’ tog’i sug’diy hujjatlari hozircha yagona
manba ekanligi hisobga olgan holda ushbu unvondagi amaldorlar
konfederatsiyaning boshqa hukmdorliklariga ham jo’natilgan bo'lishi mumkinligini
ta’kidlash joiz.
Konfederatsiya boshqaruvida qo’llanilgan unvonlardan yana biri –tudun
bo’lib, ushbu unvon sohiblari xoqonlik noiblari sifatida mahalliy boshqaruvni
takomillashtirishni ta'minlashgan. Ushbu unvon Mug’ tog’i A-14 sug’diy hujjatida
tdwn “fuqarolik ma’muriyati boshlig’i” ma'nosini ifodalashi keltiriladi 93
. Turk
xoqonligining Sug’d ustidan dastlabki hukmronligi o'rnatilgan (VI asrning 60-
yillar) davridan bu yerning boshqaruviga xoqonlik o'z noiblarini jo’natgan bo’lishi
mumkinligini hisobga olish kerak. Bu borada manbalarda ba'zi ma'lumotlar yetib
kelgan. Xususan, 577- yilga oid Gaochang (Turfon) ga taalluqli xitoycha bir
hujjatda ushbu hukmdorlik boshqaruvchilariga aloqador ko'plab xitoycha va
mahalliy unvonlar bilan birgalikda, qadimgi turkcha tudun unvoni ham uchraydi.
Turfon hujjatlari orasida 599- yilda yozilgan diniy bir matnda Gaochang
hukmdorining unvoni silifa (eltabar) shaklida uchrasa, VI asrning oxirgi tudun va
uning ma’muri haqida so’z boradi.
Ammo Sug d konfederatsiyasi boshqaruviga tudun unvonining 560-ʻ
yillardan, ya’ni, xoqonlikning Sug’dni egallagan dastlabki kunlardan tadbiq
etilganligiga oid manba bugunga qadar ma'lum emas. Tudun unvonining Sug'd
boshqaruvida qo'llanilganligiga doir yozma manbalardagi ma'lumotlar VII asrdan
keyingi davrga tegishli. Bu masalada asosiy manba tudun unvoni bilan zarb
qilingan tangalar hisoblanadi 94
. Konfederatsiya boshqaruviga “tudun” unvoni
yuborilishining 620- yillarga bog’liqlik ehtimoli ancha yuqori. Chunki ayni shu
yillarda Tun yabg’u-hoqon boshqaruv sohasida islohotlar o'tkazganligi ma'lum.
Xullas, tudun unvonidagi amaldor o'z nomidan tanga zarb qilishi, soliq
tushumlarini nazarat qilishi mumkin bo’lgan davlat boshqaruvida ahmiyatli
93
СДГМ II. – С . 78-79.
94
Бобоёров Г. Монета с титулами “Тудун” // Нумизматика Центральной Азии. – Ташкент : 2004. – Вып. VII. – С. 40-43.
64](/data/documents/c3213bdd-4aed-40fd-a320-e9c7094e03d5/page_64.png)
![lavozim egasi bo’lgan. Buni Mug’ tog’i A-14 sug’diy hujjatida keltirilgan
tudunning “fuqarolik ma’muriyati boshlig’i” bilan bog’liq ishlarni amalga
oshirishda ishtirok etganligini tasdiqlab, ushbu ma'lumot uning vazifalari
doirasining ko’lamidan darak beradi.
Konfederatsiya markazi bo’lgan Samarqandda 650 - 780 - yillar oralig’ida
hukm surgan ixshid unvonli sulola vakillariningning ko’pchiligi, garchi Tarxun,
G’urak, Turg’ar kabi turkiy ismlarga ega bo’lishi barobarida sug’diy ixshid
unvonini qo’llashda davom etgan bo’lsa, Sug’dning Naxshab hukmdorlari forsiy
ispahbod unvonidan foydalanishgan 95
. Sug'd konfederatsiyasining Panch
hukmdorligi 708- yildan boshqargan sug’diy Devashtich afshin unvonidan
foydalanish bilan birgalikda, arab manbalaridan ma'lum bulishicha, shur (chur)
unvonini qo'llashda ham davom etgan. Devashtichga Turk xoqoni tomonidan
unvon taqdim etilgani Mug’ tog’i sug’diy hujjatlaridan ma'lum bo’ladi. Lekin
manbada aynan qaysi unvon ekanligi keltirilmagan. Bu boshqa manbalar orqali
ham ma'lum emas.
Sug'd konfederatsiyasining o'ziga xos xususiyatlaridan biri uning nisbiy
muxtoriyat holatini saqlashga harakat qilganligi bo’lib, bu unvonlar tizimining
saqlanganligida ham ko’zga tashlanadi. Masalan, Sug'd konfederatsiyadagi sug’diy
sulola vakillari chur, tarhon kabi turkiylarga xos unvonlarni qo'llash bilan
birgalikda, mahalliy ixshid, afshin, ispahbod kabi sug’diy va forsiy unvonlarni
saqlab qoldiki, shu sababli bo’lsa kerak, Samarqand xonadoni o’sha davr arabiy va
forsiy tilli manbalarida “Ixshidiylar sulolasi” sifatida qayd etiladi 96
.
Shu o rinda ta kidlash lozimki, Panch hukmdorligi boshqaruvida čur (čor) -ʻ ʼ
chur unvoni qo'llanilishi tarixiy asoslarga ega. Jumladan - "Tang shu" yilnomasida
Samarqand hukmdori Ulega (G’urak) Mochjo (Bekchur) ismli o g lini Mu
ʻ ʻ
(Maymurg ) shahriga hokim etib tayinlagani haqida ma'lumot aks etgan. Ba'zi
ʻ
tadqiqotchilarning fikricha, G’urak Sharqiy Turk xoqoni Mochjo (691-716)
95
История ат- Табари. … – С. 244.
96
Togan Z . V . Umum î T ü rk tarihi ’ ne giri ş. Cilt I. ... – S. 178-179.
65](/data/documents/c3213bdd-4aed-40fd-a320-e9c7094e03d5/page_65.png)
![sharafiga o'z o’g’lini Bekchur deb atagan bo'lishi mumkin. Boshqa tomondan esa,
bu hol Sug'd boshqaruvida turkiy chur unvoni qo'llanilgani bilan izohlanishi ham
mumkin. Lekin hukmdor ismidagi chur uning bu unvonga ega bo’lganligini
anglatmaydi. Chur unvoni “kuchli”, “baquvvat”, “g’alabali” kabi ma’nolarni
anglatadi. Shuning uchun ham shaxs ismiga uning sifati - chur qo'shib ishlatilgan.
Shuningdek‚ shur (chur) unvonini kelib chiqishini sosoniylarga taalluqli
ekanligi haqida qarashlar ham mavjud. Xususan, V.A.Livshits fikriga ko’ra, chur
iborasi g’ur atamasi bilan bog’lik bo’lib, sosoniylar hukmronligi davridan
ishlatilgan. Yaponiya olimi Yu.Yoshidaning fikricha, Chur unvoni eftaliylar davri
boshqaruvidan Turk xoqonligi boshqaruviga o’tgan. V.A.Livshitsning mazkur
unvonni sosoniylar davridan boshlab amalda qo'llanilganligi va Yu.Yoshidaning
chur unvoni eftaliylar davriga oid mazmunidagi fikrlari qo'shimcha dalillarga
muxtoj. Ulardan farqli ravishda Mug’ tog’i sug’diy hujjatlarida chur unvonining
Sug'dda mavjud bo’lganligi va ushbu unvon sohibi harbiy ishlar tashkilotchisi
bo’lganligi bilan bog’liq ishoralar uchraydi. Chur unvonining ko’proq harbiylikka
daxldor ekanligi soha mutaxassislari tomonidan ham e’tirof etiladi 97
.
Chur harbiy unvoni bilan qariyb bir vaqtda konfederatsiya boshqaruvida
keng tarqalgan unvon try n - tarxon bo'lib, tadqiqotchilar uni ham ma muriy‚ hamʼ ʼ
harbiy unvon bo’lgan deya hisoblaydilar. Bug’ut yodgorligida ham tarxon unvoni
xoqonlik boshqaruvida amal qilganligi keltiriladi.
Tarxon unvoni bilan bog’liq holda manbalarda ba’zi ma'lumotlar keltiriladi.
Mug' tog’i arxividagi Arab tilli hujjat tahlili ham tarxon unvoni bilan bog’liq
masalaga oydinlik kiritishi mumkin. Unda Sug'd ixshidi Tarxun (700 - 710) ismi
tarxon unvoni bilan qorishtirib talqin qilinganligi uchun tarixiy haqiqat buzilgan.
Mug’ tog’i sug’diy hujjatlari asosida ma'lum bo’lardiki, Sug'd
konfederatsiyasi boshqaruvida tarxon unvonidagi amaldorning vazifalaridan biri
soliqlar, tushumlarini nazorat qilgan. Sug'diy A-13 raqamli hujjatda "Panjikent
97
Кубатин А.В. Система титулов в Тюркском каганате. Генезис и преемственность. ... – С. 116.
66](/data/documents/c3213bdd-4aed-40fd-a320-e9c7094e03d5/page_66.png)
![soliq yig’uvchisi va xalqidan tarxonga" mazmunida maktub buni tasdiqlaydi 98
.
Sug'd konfederatsiyasi boshqaruvida qo'llanilgan turkiy unvonlardan yana biri -
erkin bo’lib, ushbu unvon chur kabi harbiylikka xos bo’lgan hamda Juan-
juanlardan (qabila nomi) qabul qilingan va qudratli qabila boshliqlariga ham
taqdim etilgan.
G'.Boboyorovning bu boradagi fikrlariga asoslanadigan bo’lsak, Sug'd
konfederasiyasida erkin unvonidagi amaldor qabila boshlig’i emas, balki
xoqonlikning harbiy ma’murlari sifatida faoliyat olib borgan. Lekin Sug’dda erkin
unvonidagi amaldorning faoliati bilan bog’liq ma'lumotlarni yetarli deb bo’lmaydi.
Masalan, “Tan Shu” yilnomasida keltirilishicha, Sug'd konfederatsiyasining Kesh
hukmdorligini 738 – 741- yillarda boshqargan hukmdorning ismi Syginta
(Ashkand) shaklida keltirilgan 99
.
Ba'zi tadqiqotchilar xitoycha “sygin” turkcha erkin iborasining xitoy
ieroglifidagi shakli deb hisoblashadi. Ayni fikrga asoslanadigan bo’lsak,
konfederatsiyaning boshqa hududlariga nisbatan Kesh harbiy ahamiyatga ega
bo’lgan hukmdorlik sanalgan va buni hisobga olgan Turk xoqonlari o’zlarning
harbiy amaldorlaridan biri erkinni tayinlash orqali boshqargan bo'lishlari mumkin.
Kesh hukmdorlarining axurpat unvonida faoliyat yuritgan numizmatik materiallar
asosida ma'lum bo’ladi. Erkin esa Keshdagi xoqonlikning noibi bo’lgandir.
Mazkur unvonning konfederatsiyaning boshqa hukmdorliklarida faoliyat olib
borganligi to’g’risida ma'lumotlar hozircha ma'lum emas.
Mug’ tog’i sug’diy hujjatlarda eltabar, tudun, tarxon, chur kabi xoqonlikning
markaziy boshqaruviga xos unvonlarning qayd etilishi xoqonlik tomonidan Sug'd
konfederatsiyasi boshqaruviga alohida e’tibor qaratilganidan darak beradi. Ushbu
holat Sug’dning iqtisodiy boy salohiyati bilan bog’liq bo’lib, xoqonlik tomonidan
tayinlangan amaldorlar soliq tushumlarni xoqonlik xazinasiga tushushini nazorat
qilishgan.
98
СДГМ II. – C. 69-70.
99
Бичурин Н.Я. Собрание сведений. … II. – С . 299.
67](/data/documents/c3213bdd-4aed-40fd-a320-e9c7094e03d5/page_67.png)
![Ayniqsa, manbalarda G'arbiy Turk xoqonligi tomonidan Tung yabg’u-xoqon
davrida yo‘lga qo‘yilgan usul sifatida qayd etilgan vassallarga eltabar unvonini
taqdim etish va uning nazoratiga tudunlarni yuborish usulining to VIII asrning
birinchi choragida ham davom etganini ko’rsatadigan dalillarning mavjudligi
ushbu fikrni asoslaydi 100
. Bu esa eltabar, erkin, chur, tarxon, tudun kabi
unvonlarning nafaqat xoqonlik boshqaruvida, balki Sug'd boshqaruvida joriy
qilinganligini tasdiqlaydi.
Yuqorida bayon qilingan fikrlardan kelib chiqqan holda quyidagi xulosalar
hamda mulohazalarni ilgari surish mumkin:
– Sug‘d konfederatsiyasi markaziy xonadonini boshqargan hukmdorlar
sulolasining kelib chiqishiga ko'ra, to’liq o'z isbotini topgan emas. Yozma
manbalarda keltirilgan ma'lumotlarga ko’ra, konfederatsiya hukmdorlarining bosh
sulolasi Kan tarmog’idan tarqalgan bo’lib, ularning kelib chiqishi chjaovularga
borib taqaladi. Chaovuning mahalliy shakli jabg’u yoki yabg’u bo’lib, bu
unvonning tarqalishi esa Kushonlar davri bilan chegaralanadi;
– ming yilga yaqin davr mobaynida, garchi, ba’zan nisbatan markazlashgan,
ba’zan esa tarqoq bo’lsa-da, muayyan holda bir siyosiy uyushma hisoblangan
Sug'd, konfederatsiyasi holatidagi ma’muriy-siyosiy birlik bo’lib, o’ziga xos
boshqaruv tuzumiga ega edi. Sug'd konfederatsiyasining markaziy hokimiyatini –
Samarqandda ixshid unvoniga ega hukmdorlar o'z qo'llarida tutar edilar. Yozma
manbalardagi ma'lumotlarga ko’ra, ushbu unvon vohadagi sulolalarning
boshqaruvchilari ega bo’lgan unvonlar orasida eng yuqorida turgan. Sug'd
konfederatsiyasi tarkibidagi barcha mayda hukmdorliklar boshqaruvchilarining
bosh unvoni bir-biridan farqli bo’lib (Keshda - ixrid, Naxshabda - ispahbod,
Panchda - afshin), shu jihati bilan ham, ular boshqa joylardan birmuncha ajralib
turardi;
100
Кубатин А.В. Древнетюркские термины в согдийских документах горы Муг / Урало - алтайские
исследования. Научный журнал. – Москва : – №3 (14), 2014. – С. 12 -23.
68](/data/documents/c3213bdd-4aed-40fd-a320-e9c7094e03d5/page_68.png)
![– Sug‘d konfederatsiyasi va tarkibidagi hukmdorliklarning har birida
boshqaruv muayyan sulola vakillari qo'lida bo’lishi bilan birga, hukmdorlarning
hokimiyati mutlaq bo’lmaydi, boshqaruvda oliy amaldorlar ishtirok etar va
hukmdor ular bilan kelishgan holda hukm chiqargan. Jumladan, Samarqand
ixshidlari boshqaruvda zodagonlardan tuzilgan “Oqsoqollar kengashi” bilan
hisoblashganliklariga doir xitoy yilnomalarida, sug’diy hujjatlarda ma'lumotlar
uchrashi bunga dalil bo’ladi. Mug’ tog’i sug’diy hujjatlaridan esa Panch hukmdori
Devashtichga nisbatan murojaatlar va uning o'z qo’li ostidagi hokimlarga ba’zan
qat’iy ohangda, ba’zan esa maslahatomuz mazmunda xatlar yozganligi yoki
farmoyishlar yuborganligi konfederatsiya boshqaruvchilarining hokimiyati mutlaq
bo’lmaganligini ko’rsatadi;
– Sug‘d konfederatsiyasi tarkibiga kirgan hukmdorliklar Samarqanddagi
Markaziy hokimiyatga birlashib, o’z navbatida, yirik imperiyalarga (Mas. Kang’,
Eftaliylar, G'arbiy Turk xoqonliga kabi) tobe bo'lishi barobarida, o'z ichki
boshkaruviga ega edilar. Bu, asosan, ulardan bir qanchasining o'z tanga-pullarini
zarb qildirganliklari (Samarqand, Kesh, Naxshab, Panch), mustaqil tashqi siyosat
yuritganliklari (Mass. Vizantium, Xitoy), muayyan davlatchilik an’analariga
(hokimiyat ramzlari, qo shin, mahkama faoliyati boshqaruv markazi) ega ekanligiʻ
va arablarga qarshi tashqi siyosiy faoliyat olib borganliklari misolida o'z tasdig’ini
topadi;
– konfederatsiyaning butun hududida boshqaruv sug’diy tilda olib borilgan
bo’lib, bu ularning ish yuritishi bilan bog’liq materiallar (hujjatlar, tangalar,
muhrlar va h.k.) ning tili va yozuvi sug’diy ekanligida o'z ifodasini topgan.
Xususan, Sug'd konfederatsiyasi va tarkibidagi barcha hukmdorliklarda standart
sug’diy yozuv (Samarqand yozuvi) amal qilganligi, Samarqand, Panch, Kesh,
Naxshabga taalluqli epigrafik yodgorliklar (saroy yuzidagi bitiklar, tanga va
muhrlar sirtidagi yozuvlar, hujjat va h.k.)ning paleografiyasida tafovut ko’zga
tashlanmasligi bu fikrni qo'llab-quvvatlaydi. Ma'lumki, bu yerda Buxoro sug'diy
yozuvning boshqa bir varianti muomalada edi va u Sug'd konfederatsiyasida
69](/data/documents/c3213bdd-4aed-40fd-a320-e9c7094e03d5/page_69.png)
![qo'llanilgan yozuvdan ba’zi xususiyatlari bilan farq qilgan. Bu esa Buxoro
vohasida siyosiy jarayonlar birmuncha farqli kechgani va uning Sug'd
konfederatsiyasidan alohida bo’lganligi bilan bog’liqdir;
– Sug’d konfederatsiya boshqaruvi qonunlar asosida olib borilgan bo’lib, bu
Xitoy yilnomalarida “Kan (Samarqand) xalqi ma'lum jazoni tayinlash va
ibodatxonada saqlanadigan Xu nizomini olib, sha nizom asosida ishni hal
qilishadi” mazmunidagi ma’lumotlarning uchrashi, Mug’ tog’i sug’diy
hujjatlarining birida “Qonunlar uyi” haqida gap borishi asosida o z tasdigiga ega.ʻ
Sug'd konfederatsiyasining qonunlari zardushtiylik an’analari asosida va unga amal
qilish markaziy hokimiyat nazorati hamda a’zo hukmdorliklarga asoslangan holda
olib borilgan;
- Sug d konfederatsiyalari boshqaruvida turkiy tudun, eltabar, tarxon, chur,
ʻ
erkin unvonidagi amaldorlar davlat boshqaruvining muhim vazifalarini
bajarganlar. Ular xoqonlikning xos vakillari sifatida Sug'ddagi soliqlar tushumini
nazorat qilgan harbiy mamurlar hisoblangan. Tarxon unvonining bajargan vazifasi
esa ushbu unvonning chur va erkin unvonlari bilan mavqei teng yoki qisman farq
qilganligi ko’rsatadi. Chur va erkin harbiy unvonlari konfederatsiyada asosiy
boshqaruvchining emas‚ unga tobe hukmdorlikni boshqargan amaldorning unvoni
bo’lgan;
– konfederatsiyada tarxon unvonining keng qo‘llanilishiga sabab, Sug‘dning
geografik muhim joyda joylashganligi va asosiy karvon yo’llari tutashgan nuqtada
bo’lib, hukmron davlatlar har doim davlat hazinasiga keladigan daromadni o'ylab,
bu yerdagi boshqaruvni mustakamlashgan bo’lishsa ajab emas. Tudun va eltabar
unvonlari xoqonlarning Sug'd konfederatsiyasi boshqaruviga tatbiq etgan dastlabki
unvonlaridan bo'lib, ularning biri ikkkinchisining ustida nazorat o'rnatgan. Turk
xoqonligi tomonidan Sug'd hukmdorliklari boshqaruvchilariga eltabar unvoni
berilishi bilan birgalikda, o'z mahalliy sulolalarning boshqaruv tizimiga xos
an’anaviy unvonlarning ishlatilishiga xoqonlar tomonidan biron e’tiroz
bildirilmagan. Chunki, Farg‘ona va Samarqandda ixshid, Keshda ihrid,
70](/data/documents/c3213bdd-4aed-40fd-a320-e9c7094e03d5/page_70.png)
![Ustrushonada afshin kabi unvonlarni qo'llanishda davom etganligi ko’zga
tashlanadi.
Bir so’z bilan aytganda, Sug'd konfederatsiyalaridagi o’ziga xos davlat
boshqaruvi natijasida turli etnoslar orasida integratsion jarayonlar yanada
kuchayadi va bu davrda “turk-sug’d simbiozi” tobora faollashdi. Natijada
Markaziy Osiyo sivilizatsiyasi o’zining navbatdagi taraqqiyot pallasiga qadam
qo’ydi. Jumladan, Buyuk ipak yo'li manzilgohlaridagi xalqaro aloqalar yanada
jonlanib, sug’diy savdogarlar Sharq va G’arb orasida faol vositachilarga aylanishi,
davlat boshqaruvining yangi tizimlari ishlab chiqilishi, boshqaruvda hujjatchilik,
mahkama va devon ishlarining yo’lga qo’yilishi, shaharsozlik an’analarining
takomillashuvi hamda o'troqlashuvning kuchayishi, savdo-sotiqda tanga-pul
munosabatlarining keng miqiyosda o'rnatilishi bunga yaqqol misol bo'ladi.
71](/data/documents/c3213bdd-4aed-40fd-a320-e9c7094e03d5/page_71.png)
![Xulosa
Xulosa qilib aytganda, Turk-Sug’d munosabatlari tadrijiy taraqqiyotiga
Markaziy Osiyoning o’ziga xos geosiyosiy o’rni zamin hozirlagan edi. Asrlar
davomida sug’diylar va turkiy qavmlar yonma-yon yashab, Sug’d, Ustrushona,
Choch, Farg’ona, Yettisuv va Sharqiy Turkistonda yagona etnomadaniy makonni
vujudga keltirdilar. Buyuk ipak yo’lining “turk-sug’d” tarmog’i Marvdan Xitoy
devoriga qadar yashagan elat va xalqlarni iqtisodiy hamkorlik asosidagi siyosiy va
etnomadaniy jihatdan yaqinlashtirdi. Sharqda Xitoy va g’arbda Eron bilan
raqobatda, mintaqa mustaqilligini saqlashda, karvon yo’llari xavfsizligini
ta'minlashda turk-sug’d birligi muhim o'rin tutdi. Sug’diylar tomonidan barpo
etilgan manzilgohlar Xitoy bilan g’arbiy Osiyo va Yevropa o’rtasidagi savdo-
tijorat siyosiy madaniy aloqalarida vositachi vazifasini bajardi. Bu savdo
manzilgohlari kengayib shaharlarga aylanib bordi.
Turk xoqonliklari davrida (552-744) Buyuk ipak yo'li uchun kurashda Xitoy,
Eron va Vizantiya raqobatini Sug'd va sug'diylar bevosita turkiylar bilan
ittifoqchiligida yengib o’tib, ular mintaqada yetakchilikni qo'lga kirita oldilar.
Ko’p asrlik tarixga ega “turk-sug’d karvon yo'llari” ilk o'rta asrlar Buyuk ipak
yo’lining eng muhim va ajralmas qismi bo’lib qoldi. Sug'diylar ta’sirida turkiylar
o'troq madaniyatga, turkiylar ta'sirida sug'diylar iqtisodiy sherik va siyosiy
himoyachiga ega bo’ldilar.
VI asr o'rtalaridan Markaziy va O'rta Osiyo xalqlari tarixida turkiylar va
sug’diylarning migratsion, integratsion jarayonlari kuchayib, assimilatsiyalashuv
davri boshlandi. Bunda birinchi Turk xoqonligi yaratgan keng siyosiy, iqtisodiy va
madaniy turli xalqlarning o'zaro teng manfaatli aloqlarini ta'minladi. Bu o’z
faoliyati 552-603- yillarida birinchi Turk xoqonligini mintaqadagi yetakchi
davlatga aylanishida Sug'd va sug'diylar ko'magi beqiyos bo'ldi.
G'arbiy Turk xoqonligning o'z vassali Sug’d bilan munosabati O'rta
Osiyoning VI– VIII asrlar o'rtalaridagi tarixi, integratsiya jarayonlari, etnik
72](/data/documents/c3213bdd-4aed-40fd-a320-e9c7094e03d5/page_72.png)
![simbioz uchun ahamiyatli bo'ldi. G’arbiy Turk xoqonligida mintaqa uchun
an’anaviy bo’lgan hunarmandchilik va savdo-sotiq, dehqonchilik tez rivojlandi.
Sug'd, Choch, Farg'ona, Toxaristondagi mahalliy turklari bilan xoqonlik turklari
hamda avtoxton sug’diylar, chochliklar, farg’onaliklar va tohariylar umummanfaat
yo’lida birlashdilar. Turk xoqonligi O'rta Osiyoda eftaliylardan farqli ma’muriy
boshqaruv tizimida islohatlar (Tun yabg’u (618-630) islohatlari) o’tkazdi. Eng
asosiysi tomonlar o rtasida bir-birini taqozo etish, o zaro yaqinlik, yurt taqdirigaʻ ʻ
qayg'urish hissi shakllandi.
Tomonlarning uzluksiz aloqalar o'zaro ma'naviy va madaniy almashinuvlar
uchun qulay imkoniyatlar yaratdi. Sug’ddagi dinlararo murosa sug’diylarning
tabiatiga xos bagrikenglik namunasi edi. O'rta Osiyo zardushtiyligi Sosoniylar
Eroni zardushtiyligidan farqli, tolerantlik asosida “mazdachilik” yoki “mazdayasna
dini”bo’lib, bu Sug‘d jamiyatida etnik va diniy murosani ta’minladi. Qolaversa,
buddaviylik, xristianlikning nastorian oqimi, moniylik kabi dinlarning Sug'd orqali,
sug'diylar Markaziy Osiyo va Xitoyga tarqalishi diniy bag’rikenglikning yana bir
isboti bo'ldi. Natijada bizgacha sug’diy tilli boy ma’naviy meros yetib keldi.
Bu meros bitilgan yozuvi turk-sug'd madaniyati sintez qiluvchi o'ziga xos
ko’rinishi edi. Sug'diy yozuv turk davlatlarini rasmiy yozuvi bo’lish barobarida,
turkiy xalqlari orasida yozuv madaniyatining belgilariga zamin yaratdi. Turk-runiy,
turk-uyg’ur yozuvlari vujudga keldi. Turk-sug'd madaniy aloqalari shaharsozlik
rivojini ham ta'minladi. Choch, Yettisuv, Sharqiy Turkistonda o nlab sug’diy
ʻ
manzilgohlar shahar ko’rinishini olib, turkiy madaniyat ravnaqiga hissa qo shdi.
ʻ
Bu shaharlar yirik ijtimoiy-iqtisodiy, siyosiy, savdo-tijorat va madaniy
markazlarga aylandi hamda turk-sug'd manfaatlariga xizmat qildi. Madaniy
simbioz jarayonida tasviriy san’at, haykaltaroshlik, musiqa va raqs san’ati
sohalarida shu qadar rivoj topdiki, bu so’zsiz sug’diylarning nafaqat turkiylarga,
balki butun Markaziy Osiyo va Xitoyga sivilizatsion ta’siri bo’ldi. Sug’diylarning
saklar va turkiylar bilan turmushi va urf–odati nomad(ko'chmanchi) lardan farq
qilmagani yagona tarixiy-madaniy makonga xoslik edi.
73](/data/documents/c3213bdd-4aed-40fd-a320-e9c7094e03d5/page_73.png)
![ILOVALAR
74](/data/documents/c3213bdd-4aed-40fd-a320-e9c7094e03d5/page_74.png)
![75](/data/documents/c3213bdd-4aed-40fd-a320-e9c7094e03d5/page_75.png)
![O‘zbekiston Respublikasi prezidenti asarlari:
76](/data/documents/c3213bdd-4aed-40fd-a320-e9c7094e03d5/page_76.png)
![1. Mirziyoyev Shavkat Miromonovich. “Buyuk kelajagimizni mard va olijanob
xalqimiz bilan birga quramiz”./Sh.M.Mirziyoyev. – Toshkent: : “O‘zbekiston”,
2017.
2. Mirziyoyev Shavkat Miromonovich. “Tanqidiy tahlil, qat’iy tartib-intizom
va shaxsiy javobgarlik – har bir rahbar faoliyatining kundalik qoidasi bo‘lishi
kerak”. 2017 yil14 yanvar Sh.M. Mirziyoyev.– Toshkent : O‘zbekiston, 2017.
3. Mirziyoyev Shavkat Miromonovich. “Qonun ustuvorligi va inson
manfaatlarini ta’minlash – yurt taraqqiyoti va xalq farovonligining garovi”.
2/Sh.M.Mirziyoyev. – Toshkent: “O‘zbekiston”, 2017.
4. Karimov I.A. Tarixiy xotirasiz kelajak yo’q. Toshkent. Muloqot. 1998, 5
son. 16bet.
5. Mirziyoyev Sh.M. O’zbekiston Respublikasi Prezidenti Shavkat
Mirziyoyevning 2018 yil 28 dekabrdagi Oliy Majlisga Murojaatnomasidan. “Xalq
so’zi” gazetasi. №272. 29.12.2018.
Asosiy adabiyotlar:
1. G’oyibov B. Sug’d tarixidan lavhalar.-Samarqand: SamDU nashiryoti, 2020.
2. G’oyibov.B. Ilk o’rta asrlarda Sug’d konfederatsiyasining ayrim
xususiyatlariga doir//Sharqshunoslik, 2014.
3. Mavlonov.U.M. O’rta Osiyoning aloqa va savdo yo’llari:shakllanishi va
rivojlanish bosqichlari,-Toshkent 2009.
4. Mansurov.O’.N. Sug’d yozma yodgorliklari manbashunosligi masalalari,-
Toshkent 2003.
5. Қораев С . Ўзбекистон вилоятлари топонимлари . – Тошкент : ЎМЭ ,
2005. – Б . 114; Ҳасанов Ҳ . Географик номлар сири . – Тошкен : 1985. – Б .
6. Бартольд В.В. Туркестан в эпоху монгольского нашествия / Соч. – М.:
ИВЛ, 1963. – Том I. – С. 169 -443.
7. Якубовский А.Ю. Из истории археологического изучения Самарканда
// Труды отд. Вост. Гос. Эрмитажа.
77](/data/documents/c3213bdd-4aed-40fd-a320-e9c7094e03d5/page_77.png)
![8. Ғойибов Б. Суғд конфедерациясида Панчнинг ўрни. ... – Б. 42.
9. Шоёқубов Ш. Илк ўрта асрларда Суғд. – Тошкент: Iqtisod - moliya , 2008.
– Б. 45.
10. Маликов А. Тюрки в среднеазиатском междуречье в VI - VIII вв. (по
археологическим и письменным источникам). Автореф. на соиск. учен.
степени канд. истор. наук. – Самарканд, 2000. – 24 с.
11. Isoqov M ., Otaxo ’ jayev A . Sug ’ dlarning buddaviy falsafiy - axloqiy yozma
meroslari ( Qarang : Qadimgi yozma yodgorliklar .- T .: “ Yozuvchi ”, 2000, 33-38-
bb .).; Asqarov A . O ’ zbek xalqining etnogenezi va etnik tarixi , 30-34, 121, 130,
192, 219- bb .
12. Asqarov A. O’zbek xalqining etnogenezi va etnik tarixi, 192-b.
13. Бобоёров Ғ . Турк хоқонлигининг Мовароуннаҳрдаги бошқарув
тизими ҳақида . – Б . 76; Адылов Ш . Г .
Internet saytlari ro’yxati:
1. http://www.samdu.uz/ (edebi.net). Saytga murojaat qilingan vaqt:
12.03.2022
2. http://www.ziyonet.uz/ Saytga murojaat qilingan vaqt:
7.12.2021
3. http://www.edu.uz/ Saytga murojaat qilingan vaqt:
15.01.2022
4. http://www.lex.uz/ Saytga murojaat qilingan vaqt:
15.01.2022
5. http://www.natlib.uz/ Saytga murojaat qilingan vaqt:
21.01.2022
78](/data/documents/c3213bdd-4aed-40fd-a320-e9c7094e03d5/page_78.png)
Turk xoqonligi davrida Sug‘d: ichki siyosiy vaziyat va hokimliklar o‘rtasidagi munosabatlar MUNDARIJA : KIRISH…………………………………………………………………………….. .....3 I- BOB. TURK ХOQONLIGI DAVRIDA SUG’D ТARIXINING МANBASHUNOSLIGI VA ТАRIXSHUNOSLIGI 1.1. Sug’dning Turk xoqonligi davriga doir manbalarga ilmiy tavsif ……………………………………………………………………………………...8 1.2. VI-VIII asrlar Sug’d hokimliklari tarixiga doir ilmiy аdabiyotlar tahlili……………………………………………………………………………....17 II- BOB. ТURK XOQONLIGI VA SUG’D MARKAZIY HOKIMIYATINING HUDUDIY XOKIMLIKLAR BILAN MUNOSABATLARI 2.1. Sug’d markaziy hokimiyatining hududiy hokimliklar bilan aloqalari…………………………………………………………………………...28 2.2. Sug’d markaziy hokimiyati va Turk xoqonligi: tashqi siyosiy hayot va ijtimoiy munosabatlar………………………………………………………………..……..42 III-BOB. SUG’D USTIDAN TURK XOQONLIGI HUKMRONLIGI VA MAMLAKATNING ICHKI SIYOSIY VAZIYATI. 3.1. Turk-sug’d munosabatlarining tarixiy mohiyati …………………...................51 3.2. Sug’d boshqaruv tizimida turkiy unvonlarning o’rni …………………….. 64 Xulosa………………………………………………………………………….....74 Ilovalar………………………………………………………………………....... 7 6 Foydalanilgan manba va adabiyotlar ro’yxati……………………………….... 7 9 1
KIRISH Biz ta’lim va tarbiya tizimining barcha bo’g’inlari faoliyatini bugungi zamon talablari asosida takomillashtirishni o’zimizning birinchi darajali vazifamiz deb bilamiz. 1 Mirziyoyev Sh.M. Dissertatsiya mavzusining dolzarbligi. Mustaqillik yillari ijtimoiy hayotimizning barcha sohalarida o’zgarishlar, yangilanishlar va yangiliklar yuz berdi. Ayniqsa, tariximizni, o’zbek davlatchiligi tarixini o’rganish borasida tub burilish davri boshlandi. O’zbekiston Respublikasining birinchi Prezidenti I.A.Karimov o’zbek davlatchiligi tarixini o’rganishni eng dolzarb masala sifatida e’tirof etib, bu masalani davlat siyosati darajasiga ko’tardi: “O’zbek davlatchiligi qaysi asrda paydo bo’ldi? Qanday tarixiy bosqichlarni bosib o’tdi? Mutaxassislar, balki, tushuntirib berarlar, balki aniq javoblari bordir? Targ’ibot, tashviqot ishlarini olib borayotgan olimlar, balki, allaqachon bir fikrga kelishgandir? Lekin hozircha na matbuotdan, na darsliklardan men mana shu savollarga javob topolmadim” 2 . Birinchi Prezidentimiz tomonidan qo’yilgan bu masala biz tarixchilar oldiga katta vazifa va mas’uliyat yuklaydi. Bu dolzarb masala bugungi kunda ham o’z ahamiyatini yo’qotmadi. Zero, “Vatanimizning qadimiy va boy tarixini o’rganish bu borada ilmiy tadqiqot ishlarini kuchaytirish, gumanitar soha olimlari faoliyatini har tomonlama qo’llab-quvvatlashimiz lozim” 3 . Mustaqilligimizgacha tarixchilar o’zbek davlatchiligi tarixini, ayniqsa uning paydo bo’lish va shakllanish davrlarini o’rganishga yetarlicha e’tibor berishmagan. “O’zbek davlatchiligi tarixi” mavzusining ijodkori Birinchi Prezident 1 Mirziyoyev Sh. M. “Qonun ustuvorligi va inson manfaatlarini ta’minlash- yurt taraqqiyoti va xalq farovonligininggarovi” T.: O‘zbekiston, 2017. 24-b. 2 Karimov I.A. Tarixiy xotirasiz kelajak yo’q. Toshkent. Muloqot. 1998, 5 son. 16 bet. 3 Mirziyoyev Sh.M. O’zbekiston Respublikasi Prezidenti Shavkat Mirziyoyevning 2018 yil 28 dekabrdagi Oliy Majlisga Murojaatnomasidan. “Xalq so’zi” gazetasi. №272. 29.12.2018 2
I.A.Karimovdir. Mustaqillikkacha bu ibora tarixchilar tomonidan qo’llanilgan emas. Bu bilan tarixchilar O’zbekiston hududida davlatchilikning shakllanishi mavzusi bilan shug’ullanmagan,- deyishdan yiroqmiz. “O’rta Osiyoda ilk sinfiy munosabatlarning shakllanishi”, “Ahamoniylar imperiyasiga qadar O’rta Osiyoda kechgan davlatchilik munosabatlari” kabi mavzular tarixchilar tomonidan qizg’in muhokama etilgan bo’lsa-da, davlatchilik mahalliy xalqlarning milliy davlatchiligi tarixi sifatida talqin qilinmadi. O’zbekiston hududidagi eng qadimgi davlatlar haqidagi asosiy manbalar –“Avesta” kitobi, ahamoniylarning mixxat yozuvlari, yunon-rim tarixchilarining ma’lumotlari hisoblanadi. So’nggi yillarda Baqtriya, Xorazm va So’g’d hududlarida olib borilgan arxeologik tadqiqotlar bu ma’lumotlarni tasdiqlash bilan birga yangi ma’lumotlar bilan boyitmoqda. Sopolli, Kuchuktepa, Qadimgi Baqtriya, Qadimgi So’g’d madaniyatlarining ochilishi O’zbekiston hududida davlatchilikning shakllanishi va rivojlanishi bo’yicha yangi ma’lumotlar bermoqda. Jahon tarixshunosligida ilk davlatlarning shakllanishi borasida ko’plab nazariyalar mavjud: - davlatlar mulkiy tabaqalanish mahsuli bo’lib, uning kurtaklari qadimgi jamoalar davrida paydo bo’lgan (Qadimgi Sharq); - rivojlangan jamoalarda sinfiy differensiya va davlatchilik bo’lgan yoki harbiylashgan jamoalar bosqinidan o’zlarini himoya qilish yo’lida himoya vositalari va davlat boshqaruv tizimini rivojlantirib borgan, aks holda varvarlar hujumining qurboniga aylangan. XX asr oxiri o’zbek xalqi tarixida olamshumul ahamiyatga molik davr bo’ldi. O’zbekiston mustaqil taraqqiyot yo’liga kirdi, asriy orzusi ushalgan xalq o’z taqdirini o’z qo’li bilan yaratadigan bo’ldi. Kelajagi buyuk davlatni qurish va mustahkamlash uchun jamiyatni harakatga keltiruvchi komil insonlarni etishtirish talab etiladi. Buning uchun jamiyatning har bir a`zosi dastavval, o’zligini anglashi kerak. Birinchi Prezidentimiz I.A.Karimov “Tarixiy xotirasiz kelajak yo’q” risolasida, - “o’zlikni anglash tarixni bilishdan boshlanadi. Tarixni yaxshi bilmasdan turib yuksak mavqega erishish mumkinmi? Albatta, mumkin emas. 3
Ma`naviyatini tiklashi, tug’ilib o’sgan yurtida o’zini boshqalardan kam sezmay, boshini baland ko’tarib yurishi uchun insonga, albatta, tarixiy xotira kerak... Tarixiy xotirasi bor inson – irodali inson. Takror aytaman, u irodali insondir... Jamiyatning har bir a`zosi o’z o’tmishini yaxshi bilsa, bunday odamlarni yo’ldan urish, har xil aqidalar ta`siriga olish mumkin emas. Tarix saboqlari insonni hushyorlikka o’rgatadi. Irodasini mustahkamlaydi” 4 - deb ta`kidlaganlar. O’zbekiston Respublikasi Birinchi Prezidenti Islom Karimovning 1998- yil 26- iyundagi bir guruh olimlar va tarixchilar bilan uchrashuvi, O’zbekiston Respublikasi Vazirlar Mahkamasining 1998- yil 27- iyuldagi "O’zbekiston Respublikasi Fanlar akademiyasi qoshidagi tarix instituti faoliyatini takomillashtirish to’g’risida" gi qarorining e’lon qilinishi vatanimiz tarixchilari oldiga o’zbek davlatchiligi tarixini haqqoniy va ilmiy asosda yoritishga vazifalarni qo’ydi. Shu munosabat bilan “O’zbek davlatchiligi tarixi konsepsiyasi” loyihasi ishlab chiqildi. Ushbu konsepsiyada Mustaqillik davri tarixni o’rganishga alohida e’tibor qaratildi. 5 Tadqiqotning ob’ekti. Magistrlik dissertatsiya ishining tadqiqod ob’ekti sifatida, So’g’d va Turk munosabatlari tanlangan. Tadqiqot predmeti . O’zbekiston davlatchiligi taraqqiyotida So’g’dning tarixiy o’ rni tadqiqotimizning ob y ektini tashkil qilsa, uni ilmiy asosli ya’ni tarixiy manba va mavjud adabiyotlar asosida o`rganish, o ’ z o ’ rnida qiyosiy tahlil qil ish ushbu ishi miz ning predmeti hisoblanadi. Dissertatsiyadan ko`zlangan maqsad . O’zbekiston davlatchiligi taraqqiyotida So’g’d n ing tutgan o’rnini ko’rsatish . Tadqiqotning ilmiy yangiligi . Dissertatsiya ilk o’rta asrlarda turk-sug’d munosabatlari mahalliy va xorijiy olimlarning asarlari asosida atroflicha o’rganildi. Unga ko’ra, Turk xoqonligida Sug’dning ijtimoiy-siyosiy o’rni katta ahamiyat kasb etgan. - So’g’dning tarixiy manbalardagi tavsifi bo’ y icha manba va adabiyotlar 4 Karimov I. A. Tarixiy xotirasiz kelajak yo’q. T. 1998 53-bet 5 O'zbek davlatchiligi tarixi tushunchasi. // O'zbekiston tarixi // 1999 yil 1-son 32-bet 4
tahlil qilindi; - So’g’d hududining tarixiy geografik joylashuvini o’rganildi; - So’g’d konfederatsiyasi haqida ma’lumot berildi; - So’g’dda shaharsozlik madaniyatining shakllanishi va takomillashishi keng yoritildi ; - Tarix darslarida O’zbekiston davlatchiligi taraqqiyotida So’g’dning tutgan o’rni mavzusini o’quvchilarga o’rgatishning interfaol usullari ko’rsatib berildi. Mavzu bo'yicha adabiyotlar tahlili. . A.Ishoqovning ma’lumotlariga ko’ra eneolit davrida Sarazm aholisi urug’ jamoa bo’lib, bronza davrida esa qishloq jamoa shaklida hayot kechirishgan. A.S.Sagdullaevning Shahrisabz va Yakkabog’ hududlaridagi ilk temir davri yodgorliklarida (Daratepa, Uzunqir, Sangir tepa) olib borgan tadqiqotlarida Janubiy So’g’diyonada shahar madaniyatining paydo bo’lishi va ilk davlatchilik formalarining shakllanish jarayonlari kuzatildi. Bu borada R.X.Sulaymonovning Qarshi vohasida (Yorqo’rg’on), M.X.Isomiddinovning Chelak tumanida (Ko’ktepa) olib borayotgan arxeologik izlanishlari diqqatga sazavor. Tadqiqotda qo'llanilgan uslublarning qisqacha tavsifi. Mazkur mavzuni o‘rganishda avvalo, O‘zbekiston Respublikasi Prezidenti Shavkat Mirziyoyevning milliy davlatchilik tarixi, mamlakat taraqqiyotining asosiy yo‘nalishlari, milliy ma’naviyatni yuksaltirishga qaratilgan tashqi siyosat masalalari keng va har tomonlama yoritib berilgan asarlariga va xalqaro tashkilotlar doirasida O‘zbekiston yondoshuvi yuzasidan so‘zlagan nutqlariga tayanildi. Prezidentning tarixni o‘rganishda aniq va real voqealarga tayanish kerak, degan fikrlari asosida mavzu ilmiy-metodologik me'yorlar doirasida yoritishga harakat qilindi. Bu borada O'zbekiston Respublikasi Prezidenti Shavkat Mirziyoyevning asarlaridagi nazariy yondashuvlar ishning metodologik asosi qilib olindi. Xususan " Tanqidiy tahlil, qat’iy tartib-intizom va shaxsiy javobgarlik – har bir rahbar faoliyatining kundalik qoidasi bo‘lishi kerak 17 ”, " Buyuk kelajagimizni mard va olijanob xalqimiz bilan birga quramiz 18 ” kabi asarlaridan, bundan tashqari 5