VOLTERNING FALSAFIY QARASHLARI
VOLTERNING FALSAFIY QARASHLARI MUNDARIJA KIRISH ..........................3 I BOB. VOLTERNING IJTIMOIY- FALSAFIY QARASHLARI. VUJUDGA KELISHI, TA’LIMOTI 1.1.Volterning ijtimoiy falsafiy ta’limoti vujudga kelishining shart- sharoitlari.....................4 1.2Volter falsafiy qarashlarining ahamiyati..........7 II BOB. VOLTERNING FALSAFIY QARASHLARIDA TARIX VA INSON MASALASI 2.1.Volterning falsafiy qarashlarida tarix va din masalasining yoritilganligi........................15 2.2.Volterning falsafiy qarashlarida ilgari surilgan inson masalasining bugungi kundagi ahamiyati.................23 XULOSA .......................32 FOYDANILGAN ADABIYOTLAR ............33
KIRISH Mavzuning dolzarbligi va mukammaligi: Volter jahon madaniyatining eng yirik namoyondasi hisoblanadi. Volterning tarixiy roli birinchi navbatda, uning tashabbuskor bo’lganligi bilan belgilanadi.volterning yeana bir yetakchi tamoyili din erkinligiga ishonish edi. U butun umri davomida diniy zo’ravonlik va ta’qiblarga keskin norozilikbildirgan olimdir. Volterning o’zi zamonaviy demokratiydan yiroq bo’lsa ham, u kuchli, ammo ma’rifatli monarxiyani Afzal ko’rar edi, uning g’oyalarining asosiy qismi ierarxik boshqaruvning har qanday shakliga aniq qarshi edi. Shunday ekan, Volter tarafdorlarining aksariyati demokratiyani qabul qilgan bo’lsa, ajabmas. Shunday qilib, uning siyosiy va diniy g’oyalari fransuz ma’rifatida asosiy oqim edi. U jiddiy va qobiliyatli tarixchi ham edi. Uning eng muhim asarlaridan biri jahon tarixidagi “ Xalqlarning urf-odatlari va ruhi haqida ocherk edi. Bu kitob tarixga oid ko’pgina oldingi asarlardan ikki jihati bilan farq qiladi: Birinchidan, Volter Yevropa dunyoning kichik bir qismi ekanligini tan oldi va shuning uchun o’z asarining muhim qismini Osiyo tarixiga bag’ishladi, ikkinchidan, u tarixga oid fikrga qo’shildi. Madaniyat tarixi siyosiy tarixdan muhimroqdir. Shunday qilib, uning kitobi podshohlar va ular boshlagan urushlardan ko’ra ko’proq ijtimoiy va iqtisodiy sharoitlar va san’atning rivojanishga bag’ishlangan. Volter transsendentalni bilish ( masalan, ruhning o’lmasligi va inson irodasi erkinligi masalasini hal qilishda) mumkin emas deb hisoblagan va ayniqsa dogmatism tufayli cherkovga qarshi g’ayrat bilan kurashgan. U madaniyatning qadriga e’tibor qaratdi, insoniyat tarixini insonning taraqqiyot va maorif uchun kurashi tarixi sifatida ko’rsatdi. Volter fanga “ Tarix falsafasi” iborasini kiritganligi bilan alohida ajralib turadi. Moddiy ne’matlarga ega bo’lish uchun Volter faylasuf va pedagog sifatida hech qachon o’z e’tiqodidan voz kechmaganligi bilan boshqa faylasuflardan ajralib turadi. 1 1 www. ZiyoUz.com
I BOB. VOLTERNING IJTIMOIY- FALSAFIY QARASHLARI. VUJUDGA KELISHI, TA’LIMOTI
1.1.Volterning ijtimoiy falsafiy ta’limoti vujudga kelishining shart- sharoitlari Volter (1694-1778) Mari Fransua Arue fransuz yozuvchisi, psixologi, faylasufi, tanqidchi-publitsisti, tarixchisi. Mari Fransua Aruening taxallusi Volterdir. Parij teatri sahnalarida «Edip» tragediyasi shon-shuhrat keltirgandan so’ng, shu taxallusni olgan. Volter Parijda, notarius oilasida tug’ildi. Oilasi o’sha davrdagi aristokratlar davrasida yaxshi mavqega ega edi. Cho’qintirgan otasi uni yoshligidan boshlab erkin fikrlashga o’rgatdi. Kollejda ta'lim oldirdi, lekin otasi orzu qilgan yo’ldan bormadi. Natijada keyinchalik moddiy tomondan o’g’lini qo’llab-quvvatlamadi. Turmush tarzini yaxshilash maqsadida moliyaviy ishlarda qatnashdi. Bu bilan o’zining ijtimoiy va ijodiy faoliyatini ham yo’lga qo’ydi. Shaxsiy faoliyati natijasida kundalik hayotda mulkdorlar toifasini mavjud ijtimoiy tuzum bilan kelisha olmasligini seza boshlaydi. Shu bilan birga diniy faoliyat sir- asrorlari bilan yaqindan tanishadi. Oqibatda o’z davridagi ijtimoiy tuzum va diniy fanatizmga qarshi kurash boshlab yuboradi. Siyosiy erkinlik g’oyasini xalq ommasi o’rtasida tinmay targ’ib qildi. Bu faoliyati hukmron doiralarda qoralanib, ikki marta (1717, 1725) qamaldi. Umrining talaygina qismini surgunda o’tkazdi. Angliyaga surgun bo’lgan davrida u mamlakatning madaniyati, ijtimoiy hayoti bilan yaqindan tanishadi, uni Fransiya hayoti bilan solishtirib ko’radi. Bu esa o’z navbatida Volter ijodida o’z aksini topdi, keyinchalik bu haqda yirik asarlar yoza boshlaydi. Bular jumlasiga quyidagilarni olish mumkin: «Faylasuf maktublari» (1733), «Metafizika to’g’risida traktat» (1734), «Nyuton falsafasi asoslari» (1738), «Falsafa lug’ati» (1764-69), «Johil faylasuf» (1766), lirik she'r, poemalari, «Bekriada», «Brut», «Orlean qizi», «Sezarning o’limi» dramalari va boshqalar. Bu asarlarning barchasida Volter o’z davrining buyuk ma'rifatparvari sifatida shakllandi 2 . Uning bu faoliyati, ayniqsa, Rossiyada ijobiy baholandi. Rossiyada volterchilik oqimining kelib chiqishiga uning ta'limoti asos bo’ldi. Volter faoliyatining ta'sirida rus ma'rifatparvarlari: P.P.Popovskiy, D.Sanichkov, I.Ya.Tretyakov, A.Ya.Polenov, Ya.P.Kozelskiy, N.I.Novikov, D.I.Fonvizinlar yetishib chiqqanlar. 2 Qiyomiddin Nazarov. G’arb falsafasi.Sharq nashriyoti. Toshkent- 2004. 113-b
Bu mutafakkirlar Rossiyadagi feodal krepostnoy tuzumga qarshi faoliyat ko’rsatdilar. Ijtimoiy sohalarni uzgartirish tarafdorlari Oulib chiqtsilar. Bu esa Volter g’oyalarini kuchliligidan dalolat berardi 3 . Volterning o’sha davrlarda yozilgan «Faylasuf maktublari» Fransiya va Angliyaning ijtimoiy-siyosiy faoliyatiga jiddiy ta'sir kursatdi. Parij sudi qaroriga asosan bu asar yoqib yuborilishga hukm qilindi, uzining qamalishini sezgan muallif esa Gollandiyaga o’tib ketdi. Volter Bibliyani tanqidiy o’rgandi va tanqidiy holda «Orlean qizi»ni yozdi. Bu asarda o’z qarashlarini deistik nuktai nazardan turib bayon qiddi. Uning jamiyatni o’zgartirish haqidagi g’oyalari, hatto, o’sha vaqtdagi shoh Fridrix II ni ham ruhlantirib yuborgan edi. U 1750 yilda Fridrix II taklifi bilan Berlinga keldi va u yerda o’z davrining yirik frantsuz faylasufi sifatida shakllandi. Lekin kup o’tmay Fridrix II saroyini ham tark etadi. Bo’lib turadigan bahslardagi tortishuv bunga asosiy sabab bo’ladi. 1754 yilda Shveysariyaga kelib, Jeneva yaqinida yashaydi. Ammo u yerdagi ruhoniylar Volter faoliyatidagi dahriylikni ko’rib, ayniqsa, u tomondan tashkil qilingan teatr faoliyatidan norozi bulib, Volter haqida salbiy fikr yuritadilar. Natijada Volter u yerdan ham ketib, Frantsiyaning Ferna degan joyida yashay boshladi. Bu joyda u o’zini xavfsiz, deb hisoblaydi. Aynan ushbu joy Volter faoliyatini eng baland cho’qqisini ta'minlashda rol o’ynadi. Shu joydan ma'rifatparvarlar bilan birga Fransiyadagi bo’lajak inqilobni g’oyaviy asosini yaratdi. Frantsiya jamiyatida hukmron bo’lgan va cherkov faoliyatini qo’llab-quvvatlaydigan diniy-siyosiy oqim “klerikalizm”ni jiddiy tanqid qilib chiqdi. Sababi, klerikallar o’z ta'sirini ommaga yoyish, diniy ideologik dunyoqarashga ergashtirish, inqilobiy va milliy ozodlik kurashlaridan chalgitish uchun harakat qilar edilar. Ular ko’proq hukmron doiralar bilan aloqada bo’lib, ularning manfaatlarini himoya qilar va vositalardan unumli foydalanardilar. Ma'rifatsiz fuqarolar ular ketidan ergashardilar. Bu esa Volterga mutlaqo yoqmas edi. Volter 1778 yilda Parijga keladi. U yerda uni Parij aholisi xayrixohlik bilan kutib oladi. Bu esa Volterni hokimiyat tomonidan Parijdan chiqarib yuborilishiga yo’l qo’ymaydi. So’ng Parij akademiyasi va teatrlarida faoliyat kursatadi. Tinmay 3 www.ziyouz.com