O‘zbekiston Respublikasida yuridik xizmat haqidagi qonunchilikning rivojlanishi
![Mavzu : O‘zbekiston Respublikasida yuridik xizmat haqidagi qonunchilikning
rivojlanishi
Reja
1. O‘zbekiston Respublikasi Konstitutsiyasi yuridik
xizmat faoliyatining asosiy manbai sifatida
2. Yuridik xizmat to‘g‘risida 1920-1990 yillarda
qabul qilingan normativ-huquqiy hujjatlar
3. O‘zbekiston Respublikasining mustaqillik yillarida
yuridik xizmat to‘g‘risida qabul qilingan normativ-
huquqiy hujjatlar](/data/documents/ea6c502c-fa55-4390-b9b8-96d0d2c00a19/page_1.png)
![Mamlakatimizda yuridik fanlarning asosiy manbai bo‘lgan O‘zbekiston
Respublikasi Konstitutsiyasi yuridik xizmat faoliyatining ham bosh manbai bo‘lib
hisoblanadi. Bir qarashdan O‘zbekiston Respublikasi Konstitutsiyasida yuridik
xizmat faoliyatiga oid normalar mavjud emasdek tuyuladi. Biroq Konstitutsiyaning
ayrim moddalarining mazmuni sinchkovlik bilan tahlil etiladigan bo‘lsa unda
yuridik xizmat faoliyati bilan bog‘liq bo‘lgan normalarni uchratish mumkin.
Xususan, O‘zbekiston Respublikasida yuridik xizmat fanining predmetlaridan
birini yuridik xizmat tizimi tashkil etadi. Yuridik xizmatni tizimga ajratish esa
Konstitutsiya normalariga asoslangan holda amalga oshiriladi. Misol uchun davlat
hokimiyati oliy organlarining, davlat boshqaruvi organlarining hamda mahalliy
davlat hokimiyati organlarining konstitutsiyaviy huquqiy maqomlari bevosita
Konstitutsiyada o‘z ifodasini topgan. Aynan mazkur organlarga yuklatilgan
vazifalardan hamda vakolatlardan kelib chiqqan holda ularning yuridik xizmati
tomonidan bajariladigan ishlar belgilab beriladi. O‘zbekiston Respublikasi
Konstitutsiyasining 76-moddasida O‘zbekiston Respublikasining Oliy Majlisi oliy
davlat vakillik organi bo‘lib, qonun chiqaruvchi hokimiyatni amalga oshirishi
belgilab qo‘yilgan. Demak, O‘zbekiston Respublikasi Oliy Majlisi palatalari
yuridik xizmatining asosiy vazifasi ular tomonidan chiqarilayotgan qonunlarni
huquqiy ekspertizadan o‘tkazishdan iborat.
O‘zbekiston Respublikasi Konstitutsiyasining 98-moddasida esa
iqtisodiyotning, ijtimoiy va ma’naviy sohaning samarali faoliyatiga rahbarlikni
amalga oshirish, O‘zbekiston Respublikasi qonunlari, Oliy Majlis palatalari
qarorlari, O‘zbekiston Respublikasi Prezidentining farmonlari, qarorlari va
farmoyishlari ijrosini ta’minlash Vazirlar Mahkamasining vazifasi ekanligi
belgilab qo‘yilgan. Vazirlar Mahkamasi yuridik xizmatining faoliyati bevosita
mazkur vazifalarni bajarishga qaratilgan bo‘ladi. Bu holat O‘zbekiston
Respublikasi Vazirlar Mahkamasining 2004 yil 2 dekabrdagi Qarori bilan
tasdiqlangan “O‘zbekiston Respublikasi Vazirlar Mahkamasi Apparatining Yuridik
bo‘limi to‘g‘risida”gi Nizomda o‘z ifodasini topgan.](/data/documents/ea6c502c-fa55-4390-b9b8-96d0d2c00a19/page_2.png)
![O‘zbekiston Respublikasi Konstitutsiyasining 12 bobi “ J amiyatning
iqtisodiy negizlari” deb nomlanadi. Mazkur bobning 53-moddasida bozor
munosabatlarini rivojlantirishga qaratilgan O‘zbekiston iqtisodiyotining negizini
xilma-xil shakllardagi mulk tashkil etishi, davlat iste’molchilarning huquqi
ustunligini hisobga olib, iqtisodiy faoliyat, tadbirkorlik va mehnat qilish
erkinligini, barcha mulk shakllarining teng huquqliligini va huquqiy jihatdan bab-
baravar muhofaza etilishini kafolatlashi o‘z ifodasini topgan. Konstitutsiyaning 54-
moddasida esa mulkdor mulkiga o‘z xohishicha egalik qilishi, undan foydalanishi
va uni tasarruf etishi belgilab qo‘yilgan. Mazkur qoidalar bevosita xo‘jalik
yurituvchi sub’ektlarga taalluqlidir. Xo‘jalik yurituvchi sub’ektlarning yuridik
xizmati esa yuridik xizmat tizimining tarkibiga kiradi. Xo‘jalik yurituvchi
sub’ektlarning iqtisodiy faoliyati asosan shartnomalarga asoslanganligi tufayli
ularning yuridik xizmati faoliyatining muhim yo‘nalishlaridan biri shartnoma
hamda talabnoma-da’vo ishlarini huquqiy jihatdan ta’minlashdan iborat.
Amaldagi qonunchilikka muvofiq xo‘jalik yurituvchi sub’ektlarga yuridik
xizmat faqatgina ularning yuridik bo‘limlari tomonidan emas, balki ayrim davlat
organlari, advokatura hamda nodavlat notijorat tashkilotlari tomonidan ham
ko‘rsatiladi. Aynan fuqarolarga va yuridik shaxslarga yuridik yordam
ko‘rsatadigan davlat organlaridan biri bo‘lmish prokuraturaning ham huquqiy
maqomi bevosita O‘zbekiston Respublikasi Konstitutsiyasining 118-121-
moddalarida o‘z ifodasini topgan.
Ayrim xo‘jalik yurituvchi sub’ektlar muayyan sabablarga ko‘ra nodavlat
notijorat tashkilot bo‘lmish advokaturaning yuridik yordamdan foydalanishni afzal
ko‘radilar. Shuning uchun Konstitutsiyaning 116-moddasida fuqarolarga, korxona,
muassasa va tashkilotlarga yuridik yordam berish uchun advokatura faoliyat
ko‘rsatishi belgilab qo‘yilgan.
Demak, yuqorida aytib o‘tilganlardan O‘zbekiston Respublikasi
Konstitutsiyasi yuridik xizmat faoliyatini tartibga soluvchi asosiy manba
ekanligiga ishonch hosil qilish mumkin. Yuridik xizmatga oid boshqa normativ-](/data/documents/ea6c502c-fa55-4390-b9b8-96d0d2c00a19/page_3.png)
![huquqiy hujjatlar mazkur Konstitutsiya asosida va uni ijro etish yuzasidan qabul
qilingan.
O‘zbekistonda shakllangan yuridik xizmat to‘g‘risidagi qonunchilikni
quyidagi ikki guruhga bo‘lib o‘rganish maqsadga muvofiqdir:
1) yuridik xizmat to‘g‘risida 1920-1990 yillarda qabul qilingan normativ-
huquqiy hujjatlar;
2) O‘zbekiston Respublikasining mustaqillik yillarida yuridik xizmat
to‘g‘risida qabul qilingan normativ-huquqiy hujjatlar.
2-. Yuridik xizmat to‘g‘risida 1920-1990 yillarda
qabul qilingan normativ-huquqiy hujjatlar
O‘zbekiston Respublikasi hududida yuridik xizmat to‘g‘risidagi
qonunchilik, eng avvalo, RSFSR Adliya xalq komissarligining 1920 yil 26
noyabrdagi qarori bilan tasdiqlangan “Adliya xalq komissarligi bo‘limlari
to‘g‘risida”gi Nizom negizida yuzaga kelgan. U RSFSR Adliya xalq
komissarligining umummaslahat bo‘limi RSFSRning barcha markaziy
muassasalari yuridik bo‘limlari va ularning yuriskonsultlari faoliyati ustidan
nazoratni amalga oshirishini va ularning amaliyotida yuzaga keladigan huquqiy
masalalar bo‘yicha majburiy xulosalar berishini ko‘zda tutgan.
Sovet Ittifoqining dastlabki yillarida qabul qilingan yuridik xizmat
to‘g‘risidagi normativ-huquqiy hujjatlarda yuriskonsultlarning vazifasi huquqiy
maslahatlar berish hamda sud, ma’muriy va jamoat muassasalarida ish yuritish
bilan cheklangan.
O‘zbekistonda dastlab yuridik xizmat to‘g‘risidagi normativ-huquqiy
hujjatlar hukumat tomonidan qabul qilingan.
Masalan, O‘zbekiston SSR Xalq Komissarlar Sovetining 1928 yil 9 iyundagi
“Davlat muassasalari, korxonalari va kooperativ tashkilotlar yuriskonsultlari
to‘g‘risida”gi 38-sonli qarorida yuriskonsult lavozimini egallash tartibi, ularning
asosiy vazifalari, javobgarligi, faoliyati ustidan nazorat qilish hamda amaliy](/data/documents/ea6c502c-fa55-4390-b9b8-96d0d2c00a19/page_4.png)
![ishlarini birlashtirish maqsadida mahalliy prokurorlar huzurida tashkil qilinadigan
kengashlar to‘g‘risidagi normalar belgilangan. Qarorning 2-bandida yuriskonsult
lavozimiga O‘zSSR Konstitutsiyasiga muvofiq sovetlarga saylanish huquqiga ega
bo‘lgan quyidagi shaxslar:
a) maxsus yuridik ma’lumotga ega bo‘lganlar;
b) davlat yoki ishchi-dehqon, jamoat, kasaba uyushmasi, partiya yoxud
kooperativ tashkilotlarda mas’ul siyosiy ishlarda ikki yillik staji borlar;
v) sovet adliya organlarida amaliy mas’ul ishlarda uch yillik staji borlar
tayinlanishi mumkinligi qayd qilingan.
Yuriskonsultlarning asosiy majburiyatlari doirasiga - huquqiy masalalar
bo‘yicha yozma va og‘zaki xulosalar va ma’lumotlar berish, qarorlar,
yo‘riqnomalar loyihalarini tuzishda ishtirok etish; tashkilotlar tomonidan
tuzilayotgan shartnomalar va boshqa huquqiy xususiyatga ega bo‘lgan hujjatlar
tayyorlash va ularni amaldagi qonunlarga muvofiqligini tekshirish; tashkilotlarning
topshiriqlari bo‘yicha ularning manfaatlarini himoya qilish kiritilgan.
Yuridik xizmat faoliyatini huquqiy tartibga solish asoslarining rivojlanish
tarixi dalolat berishicha, yuriskonsultlarning vazifasi kengaytirilib, huquqiy holati
esa takomillashtirilib borilgan.
O‘zbekiston SSR Xalq Komissarlar Sovetining 1933 yil 11 oktyabrdagi 718-
sonli qarori bilan “Umumlashtirilgan sektordagi muassasalar, korxonalar va
tashkilotlar yuriskonsultlari (huquqiy masalalar bo‘yicha maslahatchilari)
to‘g‘risida Nizom” tasdiqlangan.
Mazkur Nizom 12 banddan iborat bo‘lib, unda yuriskonsult lavozimini
egallash tartibi, ularning asosiy funksiyalari, javobgarligi, faoliyati ustidan nazorat
qilish hamda amaliy ishlarini birlashtirish, malakasini oshirish maqsadida
Respublika prokurori, joylarda shahar va tuman prokurorlar huzurida tashkil
qilinadigan kengashlar to‘g‘risidagi normalar belgilangan. Xususan, Nizomning 2-
bandida yuriskonsult lavozimiga O‘zSSR Konstitutsiyasiga muvofiq sovetlarga
saylanish huquqiga ega bo‘lgan quyidagi shaxslar:
a) maxsus oliy yuridik ma’lumotga ega bo‘lganlar;](/data/documents/ea6c502c-fa55-4390-b9b8-96d0d2c00a19/page_5.png)
![b) umumlashtirilgan sektordagi muassasalar, korxonalar va tashkilotlarda
mas’ul siyosiy ishlarda ikki yillik stajga ega bo‘lib, O‘zSSR Adliya xalq
komissarligi tasdiqlagan dastur bo‘yicha prokurorlar huzurida tashkil qilingan
komissiyada sinovdan muvaffaqiyatli o‘tganlar;
v) sovet adliya organlarida xalq sudyasi, tergovchi, prokuror yoki Oliy sud
kotibi lavozimlaridan quyi bo‘lmagan amaliy mas’ul ishlarda uch yillik staji borlar
tayinlanishi mumkinligi belgilangan.
Nizomda yuriskonsultlarning korxona moliya va xo‘jalik faoliyatining
barcha yo‘nalishlarida huquqiy masalalarni hal qilish, shartnomalarni tuzish,
o‘zgartirish va bekor qilish ishlarida; ularning ishlarini sud, davlat va idoraviy
arbitrajda, boshqa muassasalarda yuritishda ishtirok etishi; yangi qabul qilingan
qonunlar va normativ hujjatlar to‘g‘risida axborot berib borishga oid funksiyalari
o‘z ifodasini topgan.
Shunday qilib, ushbu normativ hujjat respublikamizda yuridik xizmatning
huquqiy maqomini to‘liq belgilab bergan birinchi Nizom hisoblanadi.
XX asrning 50-60 yillarida korxonalarda yuridik xizmatning huquqiy asosini
belgilab beruvchi yagona me’yoriy hujjat mavjud emas edi. Ko‘pchilik
korxonalarda yuriskonsult lavozimining o‘zi joriy qilinmagan edi. Shu bilan bir
qatorda, yuriskonsult ishining hajmi katta bo‘lib, uning xizmat vazifalariga
qarorlar va farmoyishlarning huquqiy me’yorlarga mosligini tekshirish, talabnoma
va da’vo bilan bog‘liq ishlar, mehnatga oid qonunchilikka rioya qilinishini
ta’minlash kabilar kirgan. Yuridik xizmat huquqiy holatining noaniqligi uning ish
samaradorligini pasaytirib yuborayotgan edi .
Bu holat o‘z navbatida yuridik xizmat faoliyatini huquqiy tashkil etishni
zaruriyat qilib qo‘ygan edi. Ushbu ehtiyojni inobatga olgan holda O‘zbekiston SSR
Ministrlar Sovetining 1963 yil 20 sentyabrdagi 551-sonli qarori bilan “Korxonalar,
muassasalar, tashkilotlar yuridik (shartnoma-yuridik) bo‘limi (byurosi), bosh
(katta) yuriskonsulti, yuriskonsulti to‘g‘risida Namunaviy nizom” tasdiqlangan.
Mazkur qarorda respublika vazirlik va idoralariga, Qoraqalpog‘iston
Respublikasi Ministrlar Soveti, Toshkent shahar ijroiya qo‘mitasiga mazkur](/data/documents/ea6c502c-fa55-4390-b9b8-96d0d2c00a19/page_6.png)
![Namunaviy nizom asosida o‘zlariga qarashli korxonalar, muassasalar va
tashkilotlar faoliyatining o‘ziga xos xususiyatlarini hisobga olib, ularning yuridik
xizmatlari to‘g‘risida Nizomlarni tasdiqlash vazifasi yuklatildi.
Namunaviy nizomning 1-bandida yuridik xizmatning asosiy vazifalari
sifatida korxona, muassasa, tashkilot faoliyatida qonunchilikni mustahkamlash,
ularning faoliyatini yaxshilashda va mulkni saqlanishini ta’minlashda huquqiy
vositalar yordamida faol ishtirok etishi o‘z ifodasini topgan.
Shuningdek, unda yuridik xizmat xodimi lavozimiga oliy yuridik
ma’lumotga ega bo‘lgan shaxslar tayinlanishi, alohida hollarda esa bu lavozimga
o‘rta maxsus yuridik ma’lumotga ega bo‘lib, kamida 5 yil yurist mutaxassisligi
bo‘yicha ish staji bor shaxslar tayinlanishi ham mumkinligi ko‘rsatilgan. Ularni
lavozimlariga tayinlash va ozod qilish vazirlik va idoralarda hay’at yig‘ilishlarida
tegishli taqdimnomalar ko‘rib chiqilgandan so‘ng, Qoraqalpog‘iston Respublikasi
Ministrlar Soveti, viloyatlar, Toshkent shahar ijroiya qo‘mitalari qarorlari bilan,
korxona, muassasa va tashkilotlar rahbarlarining yuqori turuvchi tashkilotlar bilan
kelishilgan holda chiqaradigan buyruqlari bilan amalga oshirilishi belgilangan.
Bundan tashqari, mazkur Nizomda yuridik xizmat xodimlarining majburiyatlari
bilan bir qatorda ularning huquqlari ham aniq ko‘rsatilgan. Xususan, Nizomning 7-
bandiga muvofiq yuridik xizmat xodimi o‘ziga yuklatilgan majburiyatlarni bajarish
uchun zarur bo‘lgan hujjatlar va ma’lumotlarni korxonaning barcha tarkibiy
tuzilmalaridan olish huquqiga ega ekanligi nazarda tutilgan.
Bu borada qonun hujjatlarini tadrijiy rivojlanishi asosida 1967 yil 15
avgustda O‘zbekiston SSR Ministrlar Soveti tomonidan “O‘zbekiston SSR
vazirliklar va idoralari yuridik xizmatlari faoliyatini yaxshilash bo‘yicha chora-
tadbirlar to‘g‘risida” 434-sonli qaror qabul qilingan. Ushbu qarorning ahamiyati
shundan iboratki, tegishli vazirliklar va idoralarga yuridik xizmat ishlarini
yaxshilash, ularni faoliyati ustidan nazorat va rahbarlikni kuchaytirish yuzasidan
amaliy chora-tadbirlar ishlab chiqilgan.
Yuridik xizmat faoliyatining muhim yo‘nalishlari sifatida birinchidan,
korxona va tashkilotlar eng yaxshi iqtisodiy ko‘rsatkichlarga erishishi uchun](/data/documents/ea6c502c-fa55-4390-b9b8-96d0d2c00a19/page_7.png)
![huquqiy vositalardan foydalanishga, davlat, moliya, mehnat va shartnoma
intizomini, xo‘jalik hisobini hamda qonunchilikni mustahkamlash bo‘yicha
tadbirlarni amalga oshirishga, fuqarolarning mehnat va boshqa huquqlari
buzilishiga yo‘l qo‘ymaslikka; ikkinchidan, yuridik xizmat xodimlarini xo‘jalik
shartnomalarini tuzish, ishlab chiqarilayotgan mahsulotlarning sifati, butligi, soni
va assortimentini yaxshilashga qaratilgan hukumat qarorlarining bajarilishini
ta’minlash, debitorlik qarzlarining holati va ularni tugatish bo‘yicha tadbirlar
ishlab chiqish, talabnoma ishlarini yaxshilash, qaror, yo‘riqnoma va buyruqlar
loyihalarini tayyorlash ishlariga jalb qilishga; uchinchidan, amaldagi yuridik
xizmat to‘g‘risida Nizom talablariga, shu jumladan yuriskonsultlarni tayinlash
tartibiga qat’iy amal qilishga yo‘naltirish lozimligi qayd qilingan.
E’tiborli jihati shundan iboratki, yuridik xizmat ishlarini yanada yaxshilash
maqsadida mazkur qaror bilan O‘zbekiston SSR va Qoraqalpog‘iston ASSR davlat
arbitrajlari va viloyatlar ijroiya qo‘mitalari huzurida Yuridik xizmat xodimlari
Kengashlari tuzilishi belgilangan hamda uning Nizomi tasdiqlangan.
Yuridik xizmat xodimlar Kengashi to‘g‘risidagi Nizom 7 banddan iborat
bo‘lib, unda Kengash yuriskonsultlar, korxona va muassasalarga xizmat
ko‘rsatuvchi advokatlar, hakamlik sudlari ishlarini birlashtiruvchi va
tashkillashtiruvchi jamoat tashkiloti ekanligi, Kengashning asosiy vazifasi va
funksiyalari, Kengash ishiga rahbarlik qiluvchi Rayosatni saylash va ish yuritish
tartibi hamda uning funksiyalari belgilangan.
O‘zbekiston KP MK va O‘zbekiston SSR Ministrlar Sovetining 1971 yil 15
fevraldagi “KPSS MK va SSSR Ministrlar Sovetining 1970 yil 23 dekabrdagi
“Xalq xo‘jaligida huquqiy ishlarni yaxshilash to‘g‘risida”gi 1025-sonli qarori
haqida”gi 60-sonli qarori qabul qilinib, unda yuridik xizmatning asosiy vazifalari
korxona, muassasa, tashkilot faoliyatida qonunchilikni mustahkamlash, ularning
iqtisodiy ko‘rsatkichlarini yaxshilashda va mulkni saqlanishini ta’minlashda
huquqiy vositalardan keng foydalanish, korxona, muassasa, tashkilotlar va
fuqarolarning huquq va qonuniy manfaatlarini himoya qilish ekanligi e’tirof etilib,
vazirlik va idoralar, mahalliy ijroiya hokimiyat organlari, korxonalarda huquqiy](/data/documents/ea6c502c-fa55-4390-b9b8-96d0d2c00a19/page_8.png)
![ishlar va yuridik xizmat faoliyatini yanada jonlantirish, ularga rahbarlikni
kuchaytirish, ularni normativ hujjatlar va yuridik adabiyotlar bilan ta’minlash
hamda yuridik xizmatlarga ega bo‘lmagan vazirlik va idoralarga yuriskonsult
lavozimlarini kiritish nazarda tutilgan. Shuningdek, Adliya vazirligiga xalq
xo‘jaligidagi huquqiy ishlarga uslubiy rahbarlikni amalga oshirish vazifasi
yuklatilgan va uning bu boradagi huquqlari ham belgilangan. Shu munosabat bilan
yuridik xizmat xodimlarining Kengashlari O‘zbekiston SSR va Qoraqalpog‘iston
ASSR Adliya vazirliklari va viloyatlar adliya boshqarmalari huzurida tashkil
qilinishi maqsadga muvofiq deb topilgan. Bundan tashqari, yuridik xizmat
xodimlarini tayyorlash va malakasini oshirish, huquqiy targ‘ibot masalalariga
alohida e’tibor berilgan.
O‘zbekiston SSR Ministrlar Sovetining 1972 yil 3 maydagi “Xalq
xo‘jaligida huquqiy ishlarning ahvoli va uni yanada yaxshilash chora-tadbirlari
to‘g‘risida”gi 187-sonli qarorida korxona va tashkilotlar rahbarlarining e’tibori,
qonunlarga qat’iy amal qilish muhim tarbiyaviy ahamiyat kasb etishiga va xo‘jalik
faoliyatida huquqiy vositalardan foydalanish ularning og‘ishmaydigan burchi
ekanligiga, bu ishlarda yuridik xizmat ularning birinchi yordamchilari bo‘lishi
lozimligiga qaratildi.
Vazirlik va idoralarga, mahalliy ijroiya qo‘mitalarga ularga bo‘ysunuvchi
korxona va tashkilotlar shtatlariga yuriskonsult lavozimlarini kiritish, bunday
imkoniyat mavjud bo‘lmagan hollarda advokatlar yuridik maslahatxonalari bilan
shartnomalar tuzish, markaziy devonlarning yuridik xizmatlariga esa quyi korxona
va tashkilotlar yuridik xizmatlari faoliyati ustidan nazorat qilish va ularga zarur
yordam berish vazifalari yuklatilgan.
Adliya vazirligiga yuridik xizmatga uslubiy rahbarlikni kuchaytirish,
huquqiy vositalardan samarali foydalanish bo‘yicha tavsiyanomalar yuborish,
qishloq xo‘jaligida huquqiy ishlarni yaxshilash, joylardagi yuriskonsultlarning
jamoat kengashlari ishlarini jonlantirish, yuridik xizmatlarning ilg‘or tajribalarini
o‘rganish va targ‘ib qilish, xo‘jalik va mehnat qonunchiligini targ‘ib qilishni
kuchaytirish topshirilgan.](/data/documents/ea6c502c-fa55-4390-b9b8-96d0d2c00a19/page_9.png)
![Yuridik xizmat to‘g‘risidagi qonunchilikni rivojlanishida SSSR Ministrlar
Sovetining 1972 yil 22 iyundagi 467-sonli qarori bilan tasdiqlangan “Vazirliklar,
idoralar, mehnatkashlar deputatlari Soveti ijroiya qo‘mitalari, korxonalar,
tashkilotlar, muassasalar yuridik bo‘limi (byurosi), bosh (katta) yuriskonsulti,
yuriskonsulti haqidagi Umumiy nizom”ning alohida ahamiyatga egadir.
Ushbu Nizom birinchi marta umumittifoq darajasida yuridik xizmatni tashkil
qilishning asosiy tamoyillarini, uning asosiy vazifalari, huquq va majburiyatlarini,
yuridik xizmat xodimlarini qonunchilik ahvoli uchun javobgarligini aniq belgilab
bergan. Eng muhimi, unda yuridik xizmat faoliyatining tashkiliy asoslari, uning
bevosita korxona rahbariga bo‘ysunishi, ushbu mansabga tayinlash va undan ozod
etish yuqori turuvchi organ tomonidan amalga oshirilishining ifodasini
topganligidadir. Bu esa o‘z navbatida, ma’muriy-buyruqbozlik tizimida yuristlar
uchun muhim ahamiyat kasb etib, ularning nisbatan mustaqilligini anglatar edi .
Shu o‘rinda aytib o‘tish joizki, huquqiy adabiyotlarda ham bayon etilganidek,
yangi normativ hujjatlar, eng avvalo, yuridik bo‘lim to‘g‘risidagi Umumiy nizom
ushbu yo‘nalishda yuridik xizmatning vakolatlarini sezilarli darajada kengaytirdi.
Ushbu o‘rinda so‘z qonuniylikni ta’minlash vositalari haqida ketayotgan bo‘lib,
unga binoan yuridik bo‘lim va yuriskonsultning tegishli ishlari huquqiy tusga ega.
Albatta, yuridik xizmat tomonidan normativ hujjatlarda nazarda tutilmagan,
amaliyot natijasida vujudga kelgan boshqa vositalarni qo‘llash, agar ular
qonunchilikka zid bo‘lmasa, istisno etilmaydi .
O‘zbekiston SSR Ministrlar Soveti 1972 yil 10 iyulda mazkur nomdagi 285-
sonli qarorini qabul qilib, unda respublika vazirlik va idoralariga tegishli tarmoq
ishlarining xususiyatlarini hisobga olgan holda yuridik xizmat to‘g‘risida Nizom
ishlab chiqish va tasdiqlash, Adliya vazirligiga esa ijroiya qo‘mitalar yuridik
xizmati haqida Nizom loyihasini tayyorlab, hukumatga tasdiqlash uchun taqdim
qilish vazifasini yuklatilgan.
O‘zbekiston SSR Ministrlar Sovetining 1973 yil 6 iyuldagi “Sirdaryo
viloyati mehnatkashlar deputatlari Soveti ijroiya qo‘mitalarida huquqiy ishlarning
ahvoli to‘g‘risida”gi 283-sonli qarorida mahalliy ijroiya organlar faoliyatida](/data/documents/ea6c502c-fa55-4390-b9b8-96d0d2c00a19/page_10.png)
![yuridik xizmatning rolini oshirishga alohida e’tibor berilgan. Shu maqsadda ijroiya
qo‘mitalarga – Sovetlarning sessiyalari va ijroiya qo‘mitalar majlislarida
qonunchilik va huquq-tartibotni mustahkamlash, huquqiy ishlar ahvoli masalalarini
ko‘rish; amaldagi qonunchilikka zid chiqarilgan qarorlar va farmoyishlarni qayta
ko‘rib chiqish; xodimlarni doimiy yuridik o‘quvini tashkil qilish; yuriskonsult
lavozimini shtatlar jadvaliga kiritish yoki advokatlar hay’atlari bilan yuridik
xizmat ko‘rsatish haqida shartnomalar tuzish vazifalari yuklatilgan. Shuningdek,
qarorda ijroiya qo‘mitalarning umumiy bo‘limi va uy-joy boshqarmalari mudirlari
lavozimlarini, imkoniyati boricha yuristlar bilan to‘ldirish, ushbu lavozimlarda
ishlab turganlarga esa yuridik ma’lumot olishga ko‘maklashish tavsiya qilingan,
Toshkent shahar, Toshkent va Samarqand viloyatlari ijroiya qo‘mitalari tarkibida
yuridik bo‘limlar tuzish maqsadga muvofiq deb topilgan.
Adliya vazirligiga mahalliy ijroiya qo‘mitalarda amalga oshirilayotgan
huquqiy ishlarga uslubiy rahbarlikni kuchaytirish, yuridik xizmatni tashkil qilishga
ko‘maklashish va ularning ish samaradorligini doimiy ravishda o‘rganish
topshirilib, vazirlikning xalq xo‘jaligida yuridik xizmatga uslubiy rahbarlik qilish
bo‘limini xalq xo‘jaligida huquqiy ishlar va advokatura boshqarmasiga
aylantirishga ruxsat berilgan.
O‘zbekiston SSR Ministrlar Soveti 1973 yil 13 sentyabrda “Respublika
vazirliklari va idoralarida huquqiy ishlarni kuchaytirish to‘g‘risida” 401-sonli
qaroriga ko‘ra vazirlik va idoralarga–markaziy devonda va quyi korxonalar
yuridik xizmatini yuridik bo‘lim va byurolar tashkil qilish yo‘li bilan
mustahkamlash; yuridik xizmat xodimlaridan boshqa maqsadlarda foydalanishga
yo‘l qo‘ymaslik; xo‘jalik munosabatlarini tartibga soluvchi huquq normalaridan
keng va to‘g‘ri foydalanishda, shartnomalarni tuzish va ijrosini ta’minlashda
yuridik xizmat xodimlarini ta’sirini kuchaytirish va mas’uliyatini oshirish; ularni
boshqa tarkibiy bo‘linmalar (nazorat-taftish, ta’minot, xodimlar bo‘limlari va
buxgalteriya) bilan o‘zaro hamkorligini ta’minlash; markaziy devon yuridik
xizmati xodimlaridan tarmoqdagi huquqiy ishlar holati, korxonalar yuridik xizmati
ishlari ustidan nazorat qilish va ularga yordam berishda talabchanlikni oshirish,](/data/documents/ea6c502c-fa55-4390-b9b8-96d0d2c00a19/page_11.png)
![ularning bu boradagi olib borayotgan ishlari bo‘yicha hisobotni hay’at
yig‘ilishlarida muhokama qilish; barcha yuridik xizmat xodimlarini qayta
tayyorlash va malakasini oshirish vazifalari yuklatilgan.
O‘zbekiston SSR Ministrlar Sovetining 1974 yil 2 apreldagi “Respublika
qishloq xo‘jaligida huquqiy ishlarning ahvoli to‘g‘risida”gi 142-sonli qarori
qishloq xo‘jaligi sohasida huquqiy ishlarni va yuridik xizmat rolini oshirish
borasida muhim ahamiyatga egadir. Xalq xo‘jaligining muhim tarmog‘i bo‘lgan
qishloq xo‘jaligida huquqiy ishlarning ahvolini yaxshilashga qaratilgan bir qator
chora – tadbirlar belgilangan. Xususan, jamoa, davlat va boshqa qishloq xo‘jaligi
korxonalariga huquqiy xizmat ko‘rsatish bo‘yicha tumanlarda xo‘jaliklararo
yuridik guruhlar tuzish, ularning ish haqini tuman ijroiya qo‘mitalari
mutaxassislari va katta mutaxassislari maoshlari darajasida belgilash; huquqiy
ishlarni namunali tarzda yo‘lga qo‘yishga erishgan eng yaxshi yuridik xizmat
tajribasini uslubiy xatlar, mahalliy matbuotda tegishli axborotlar berish yo‘li bilan
keng yoyish; qishloq xo‘jalik korxonalariga xizmat ko‘rsatishda yaxshi natijalarga
erishgan yuriskonsultlarni har tomonlama rag‘batlantirish; yuridik xizmat
xodimlarini malakasini oshirish; vazirliklar va barcha qishloq xo‘jalik
boshqarmalari tarkibida arbitraj bilan yuridik xizmatlar tashkil etish masalalariga
alohida e’tibor berilgan.
O‘zbekiston KP MK va O‘zbekiston SSR Ministrlar Sovetining 1975 yil 30
iyulda qabul qilgan “KPSS MK va SSSR Ministrlar Sovetining 1975 yil 25
iyundagi “Xo‘jalik qonunchiligini yanada takomillashtirish bo‘yicha chora-
tadbirlar to‘g‘risida”gi 558-sonli qarori” 425-sonli qarorida yuridik xizmat
xodimlari uchun axborot materiallari to‘plamini nashr etish bilan bog‘liq masalaga
tegishli vazirlik va idoralarning e’tibori qaratilgan.
O‘zbekiston SSR Ministrlar Sovetining 1976 yil 8 dekabrdagi “Respublika
xalq xo‘jaligida xo‘jalik va mehnat qonunchiligiga rioya qilishni ta’minlashda
yuridik xizmatlar rolini oshirish to‘g‘risida”gi 677-sonli qarorida vazirlik va
idoralarning xo‘jalik va mehnat qonunchiligiga qat’iy amal qilishi, bu ishga
yuridik xizmat xodimlarni faol jalb qilish, korxonalar rahbarlarining shaxsiy](/data/documents/ea6c502c-fa55-4390-b9b8-96d0d2c00a19/page_12.png)
![javobgarligini oshirish, moliya-xo‘jalik faoliyatini taftish dalolatnomalarida
shartnoma, talabnoma-da’vo ishlari, shuningdek mehnat qonunchiligiga rioya
qilish ahvolini aks ettirish; yuridik xizmat mavjud bo‘lmagan vazirlik va idoralar
hamda korxonalarda yuriskonsult lavozimlarini shtatga kiritish; Adliya
vazirligining huquqiy ishlar bilan tanishish natijalari bo‘yicha tavsiyalarini o‘z
vaqtida ko‘rib chiqish masalalari o‘z ifodasini topgan. Shu bilan birgalikda, Adliya
vazirligi, Davlat arbitraji, respublika prokuraturasi, Oliy va o‘rta maxsus ta’lim
vazirligi, Fanlar Akademiyasi, mahalliy ijroiya qo‘mitalarga o‘z vakolatlari
doirasida xo‘jalik va mehnat qonunchiligiga rioya qilinishi ustidan nazoratni
kuchaytirish, uni targ‘ib qilish va ushbu masalada yuridik xizmat xodimlari uchun
uslubiy qo‘llanma tayyorlash yuklatilgan.
O‘zbekiston SSR Ministrlar Soveti tomonidan 1977 yil 11 avgustdagi
“O‘zbekiston SSR mehnatkashlar deputatlari mahalliy Sovetlari ijroiya
qo‘mitalariga huquqiy xizmat ko‘rsatishni yaxshilash to‘g‘risida”gi 526-sonli
qarorida mahalliy ijroiya qo‘mitalariga yuriskonsult lavozimlarini shtatga kiritish,
jamoatchilik asosida yuridik maslahatxonalar tashkil etish vazifalari yuklatilgan.
1978 yil 21 dekabrda qabul qilingan “O‘zbekiston SSR Ministrlar Soveti
to‘g‘risida”gi Qonunning 13-moddasiga muvofiq Ministrlar Soveti davlat
boshqaruvi organlari, korxonalar, birlashmalar va boshqa tashkilot va
muassasalarda huquqiy ishlarni tashkil qilishni ta’minlashi belgilangan.
O‘zbekiston SSR Ministrlar Soveti 1979 yil 29 avgustda “O‘zbekiston SSR
Ministrlar Sovetining 1974 yil 2 apreldagi “Respublika qishloq xo‘jaligida huquqiy
ishlarning ahvoli to‘g‘risida”gi 142-sonli qarori ijrosini KPSS MK iyul (1978 y.)
Plenumi talablari asosida borishi haqida” 609-sonli qaroriga ko‘ra, davlat va
jamoa xo‘jaliklarida katta yuriskonsult lavozimlarini kiritish, qishloq xo‘jalik
boshqarmalarida ilgari tugatilgan yuridik xizmatlarni tiklash; viloyat va tumanlarda
xo‘jaliklararo yuridik guruhlar tashkil etish va ular tomonidan ko‘rsatiladigan
huquqiy xizmat samaradorligini oshirish uchun ularning xodimlarini transport va
zarur yuridik adabiyotlar bilan ta’minlash; yuridik xizmat xodimlari malakasini
oshirishga alohida e’tibor berish; xo‘jasizlik, o‘g‘rilik, kamomad, mulkni talon-](/data/documents/ea6c502c-fa55-4390-b9b8-96d0d2c00a19/page_13.png)
![toroj qilishga qarshi kurashda, mehnat intizomiga rioya qilishda, bunga aybdor
bo‘lgan shaxslarni javobgarlikka tortish, yetkazilgan zararni undirishda huquqiy
vositalardan keng foydalanish; xo‘jalik shartnomalarining rolini oshirish va uni
tuzishda yuridik xizmatning rolini kuchaytirish; qishloq xo‘jaligi sohasi rahbarlari
va mutaxassislarini xo‘jalik, yer, mehnat qonunchiligi asoslarini doimiy tarzda
o‘qitishni tashkil qilish bilan bog‘liq chora-tadbirlar nazarda tutilgan.
“O‘zbekiston SSR xalq deputatlari viloyat Soveti to‘g‘risida” 1980 yil 12
noyabrdagi Qonunning 32-moddasida xalq deputatlari viloyat Soveti huquqiy
ishlarni takomillashtirish chora-tadbirlarini ko‘rishi, viloyatga bo‘ysunuvchi
korxonalar, tashkilotlar va muassasalarda bu ishlarga rahbarlikni amalga oshirishi,
qonunchilikni tushuntirishni tashkil qilishi va aholiga yuridik yordam ko‘rsatishiga
oid normalar belgilangan.
O‘zbekiston SSR Ministrlar Sovetining 1983 yil 10 fevraldagi 79-sonli
qarori bilan “O‘zbekiston SSR xalq deputatlari viloyat Soveti ijroiya qo‘mitasi
yuridik bo‘limi (byurosi) to‘g‘risida Nizom” tasdiqlangan. Nizom 11 banddan
iborat bo‘lib, unda yuridik bo‘limni tashkil qilish, uning asosiy vazifalari,
funksiyalari, huquqlari va mas’uliyati belgilangan. Shuningdek, Nizomda yuridik
bo‘lim viloyat Soveti tomonidan huquqiy ishlarni olib borish uchun mustaqil
tarkibiy bo‘linma sifatida tashkil qilinishi nazarda tutilgan.
Yuridik xizmatning asosiy vazifalari qilib viloyat Soveti ijroiya qo‘mitasi
faoliyatida qonunchilikni mustahkamlash; xo‘jalik hisobini mustahkamlash,
xo‘jasizlikka qarshi kurashish, korxona, muassasa, tashkilotlar iqtisodiy ishlarini
yaxshilashda huquqiy vositalardan keng foydalanish; huquqiy vositalar bilan
mulkni saqlashni, ishlab chiqarilayotgan mahsulotlar sifatini ko‘tarishni, mahsulot
yetkazib berish bo‘yicha majburiyatlar va topshiriqlarni, kapital qurilish haqidagi
shartnomalar va boshqa shartnomalarning bajarilishini ta’minlash; korxona,
muassasa, tashkilotlarning huquqlari va qonuniy manfaatlarini himoya qilish
kabilar belgilangan. Mazkur Nizomning 7-moddasida yuridik bo‘lim mudiri
viloyat Sovetining sessiyasida lavozimiga tasdiqlanishi, sessiyalar oralig‘ida esa](/data/documents/ea6c502c-fa55-4390-b9b8-96d0d2c00a19/page_14.png)
![yuridik bo‘lim mudiri vazifasini bajaruvchi tayinlanib, navbatdagi sessiyaga
tasdiqlash uchun taqdim qilinishi, 8-moddasida esa yuridik bo‘lim mudirining
huquqlari va javobgarligi ko‘rsatilgan.
O‘zbekiston SSR Ministrlar Sovetining “Respublika vazirliklari va
idoralarida huquqiy ishlar ahvoli va KPSS XXIV c’ezdi talablari asosida ularni
yanada takomillashtirish to‘g‘risida” 1984 yil 22 oktyabrdagi 552-sonli qaroriga
muvofiq vazirliklar, idoralar va mahalliy ijroiya qo‘mitalarga bir qator vazifalar,
jumladan, korxona, muassasa va tashkilotlar shtat jadvaliga yuriskonsult
lavozimini kiritish, yuridik xizmat uchun yetarli sharoitlar yaratish; yuridik
xizmatning ma’muriy idoralar bilan davlat, reja, shartnoma va mehnat intizomini
buzish hollarini oldini olish, mulkni saqlash, yetkazilgan zararni undirish bo‘yicha
o‘zaro hamkorlik qilish amaliyotini yaxshilash; moliya-xo‘jalik operatsiyalari,
shuningdek ishchi- xizmatchilarni ishga qabul qilish, boshqa ishga o‘tkazish,
o‘rindoshlik asosida ishlashga ruxsat berish va ishdan bo‘shatish to‘g‘risidagi
buyruqlar qonuniyligi ustidan nazoratni kuchaytirish; qabul qilinayotgan
qarorlarda qonunchilikni buzishga yo‘l qo‘ymaslik; xo‘jalik faoliyatini
yaxshilashda ishtirok etgan eng yaxshi yuridik xizmat xodimlarini ma’naviy va
moddiy rag‘batlantirish amaliyotini kengaytirish; rahbarlar va mutaxassislarga
xo‘jalik, mehnat va fuqarolik huquqi asoslarini doimiy o‘qitishni, shuningdek
yuriskonsultlarning malakasini oshirishni ta’minlash hamda yuridik xizmatning
ilg‘or ish tajribasini keng yoyish yuklatilgan.
Ushbu o‘rinda shuni ta’kidlash lozimki, 1985-1990 yillarda respublikamizda
yuridik xizmat va huquqiy ishlar to‘g‘risida maxsus normativ hujjatlar qabul
qilinmagan va davlat boshqaruv organlari va korxonalar ilgari qabul qilingan
normativ-huquqiy hujjatlar asosida faoliyat ko‘rsatganlar.
3-§. O‘zbekiston Respublikasining mustaqillik yillarida
yuridik xizmat to‘g‘risida qabul qilingan normativ-
huquqiy hujjatlar](/data/documents/ea6c502c-fa55-4390-b9b8-96d0d2c00a19/page_15.png)
![Mustaqil O‘zbekiston Respublikasining Konstitutsiyasida fuqarolarning
munosib hayot kechirishlarini ta’minlash va insonparvar demokratik huquqiy
davlatni barpo etish asosiy maqsad qilib qo‘yilgan.
Buning uchun mamlakatimizda bosqichma-bosqich bozor iqtisodiyotiga
o‘tish, davlat mulkini xususiylashtirish, tadbirkorlik faoliyatiga har tomonlama
ko‘maklashish, fuqarolarning huquq va erkinliklarni himoya qilish, konstitutsiya
va qonunlarning ustuvorligini ta’minlash zarur.
Mazkur vazifalarni hayotga tatbiq etishda davlat hokimiyati va boshqaruvi
organlari hamda xo‘jalik yurituvchi sub’ektlar yuridik xizmati muhim rol o‘ynaydi.
Respublikamiz mustaqillikka erishgandan keyingi qisqa davr ichida yuridik
xizmat xodimlarining huquq va burchlarini tartibga solish, qonuniylikni
ta’minlashda ularning roli va mas’uliyatini oshirish zaruriyatidan kelib chiqib bir
qator qonunlar va boshqa normativ-huquqiy hujjatlar qabul qilindi.
O‘zbekiston Respublikasi Prezidentining 1992 yil 8 yanvardagi
“O‘zbekiston Respublikasi Adliya vazirligining faoliyatini takomillashtirish
to‘g‘risida”gi Farmoni yuridik xizmat to‘g‘risidagi qonunchilikni rivojlantirishda
muhim ahamiyatga egadir. Chunki, unda birinchi marta Adliya vazirligiga yuridik
xizmat xodimlarini tayyorlash, qayta tayyorlash va attestatsiyadan o‘tkazishni
tashkil qilish vazifalari yuklatildi.
O‘zbekiston Respublikasi Vazirlar Mahkamasining 1992 yil 12 noyabrdagi
“O‘zbekiston Respublikasi Adliya vazirligining faoliyatini takomillashtirish
masalalari to‘g‘risida”gi 523-sonli Qarori bilan Adliya vazirligi haqidagi Nizom
tasdiqlandi. Nizomda respublika vazirliklari, davlat qo‘mitalari, idoralarining
yuridik xizmatlariga uslubiy yordam ko‘rsatish, ushbu idoralarning ularga qarashli
respublika korxonalari, muassasalari va tashkilotlarining tashqi iqtisodiy faoliyatini
huquqiy ta’minlash Adliya vazirligining asosiy vazifalaridan biri sifatida
belgilandi. Shu munosabat bilan bu sohada Adliya vazirligining huquq va
vakolatlari kengaytirildi. Masalan, unga boshqaruv idoralari va korxonalarning
yuridik xizmatlari huquqiy ishi va faoliyati ahvolini tekshirish huquqi berildi.](/data/documents/ea6c502c-fa55-4390-b9b8-96d0d2c00a19/page_16.png)
![Unda Adliya vazirligining yuridik xizmat faoliyatini va huquqiy ishlarni
yaxshilash borasidagi yo‘riqnoma va ko‘rsatmalari majburiy xususiyatga ega
ekanligi belgilab qo‘yildi.
Iqtisodiyotdagi chuqur o‘zgarishlar, boshqaruv tizimini isloh qilish yuridik
xizmat faoliyatini takomillashtirish, korxonalar yuridik xizmati xodimlarining
huquq va majburiyatlarini tartibga solish, qonunchilikni ta’minlash borasida
ularning roli va mas’uliyatini oshirish zaruriyatidan kelib chiqib, O‘zbekiston
Respublikasi Vazirlar Mahkamasi 1993 yil 2 martdagi 118-son qarori bilan
“O‘zbekiston Respublikasining davlat boshqaruv organlari va korxonalaridagi
yuridik xizmat to‘g‘risidagi Nizom”ni tasdiqladi.
Ushbu Nizom – mustaqil O‘zbekiston Respublikasining yuridik xizmat
huquqiy maqomini tartibga soluvchi birinchi normativ-huquqiy hujjati bo‘lib, 12
bandni qamrab olgan quyidagi 3 bo‘limdan iborat:
1) yuridik xizmat xodimlari lavozimini egallash tartibi;
2) boshqaruv organlari va korxonalar yuridik xizmatining vazifalari;
3) yuridik xizmatning huquqi va mas’uliyati.
Mazkur Nizom nafaqat davlat boshqaruv organlari va korxonalari yuridik
xizmatining, balki xo‘jalik boshqaruv organlari va barcha mulkchilik shakllaridagi
korxonalar yuridik xizmatining huquqlari, burchlari va mas’uliyatini belgilaydi.
1997 yil 30 avgustda qabul qilingan “O‘zbekiston Respublikasi qonunlarini
tayyorlash to‘g‘risida”gi Qonunning 3-moddasida qonun loyihalarini tayyorlashga
xalq xo‘jaligi tegishli tarmoqlarining yuridik xizmatlari jalb qilinishi ko‘rsatib
o‘tildi. Bu bilan yuridik xizmatning qonun ijodkorligidagi ishtiroki qonun
darajasida mustahkamlandi.
O‘zbekiston Respublikasi Vazirlar Mahkamasining 1998 yil 24
apreldagi “O‘zbekiston Respublikasi Prezidentining “Xo‘jalik yurituvchi
sub’ektlarning iqtisodiy nochorligi va shartnoma majburiyatlarining bajarilishi
uchun mansabdor shaxslarning javobgarligini kuchaytirish to‘g‘risida” 1998 yil 4
martdagi PF-1938-son Farmonining bajarilishini ta’minlash chora-tadbirlari
haqida”gi 177-son Qarorida O‘zbekiston Respublikasi Adliya vazirligi, Oliy](/data/documents/ea6c502c-fa55-4390-b9b8-96d0d2c00a19/page_17.png)
![xo‘jalik sudi va Iqtisodiy nochor korxonalar ishlari qo‘mitasi bilan birgalikda
xo‘jalik yurituvchi sub’ektlar rahbarlarining shartnoma intizomiga rioya qilishi
uchun shaxsiy javobgarligini kuchaytirish yuzasidan joylarda amaliy ishlar olib
borilishini ta’minlash, bunda yuridik xizmatlar o‘rnini mustahkamlashni, barcha
qonun hujjatlarining amal qilishini va xo‘jalik sudlari qarorlarining so‘zsiz ijro
etilishini nazarda tutishlari lozimligi ta’kidlandi. Mahalliy hokimiyat organlarining
ishini huquqiy ta’minlash maqsadida tuman va shahar hokimlari apparati
tuzilmasida shtatda belgilangan xodimlar soni doirasida yurist lavozimi nazarda
tutilishi va yuridik xizmat xodimlari Qoraqalpog‘iston Respublikasi Adliya
vazirligi, viloyatlar va Toshkent shahar hokimliklarining adliya boshqarmalari
bilan kelishilgan holda tegishli hokimlar tomonidan tayinlanishi belgilandi.
Yuridik xizmatning shartnomaviy munosabatlarning huquqiy jihatdan
ta’minlanishini tashkil etish sohasidagi vazifalari va huquqlari O‘zbekiston
Respublikasining 1998 yil 29 avgustdagi “Xo‘jalik yurituvchi sub’ektlar
faoliyatining shartnomaviy-huquqiy bazasi to‘g‘risida”gi Qonunida aniq belgilab
qo‘yildi.
Xo‘jalik yurituvchi sub’ektlarning moliyaviy-xo‘jalik faoliyatiga davlat
organlari tomonidan asossiz aralashuvlarning oldini olish maqsadida bir qator
normativ-huquqiy hujjatlar qabul qilingan bo‘lib, ularda ayniqsa nodavlat notijorat
tashkilotlari tomonidan ko‘rsatiladigan yuridik xizmatga alohida e’tibor qaratilgan.
Jumladan, O‘zbekiston Respublikasi Vazirlar Mahkamasining 1998 yil 27
noyabrdagi 496-son Qarori bilan tasdiqlangan “Xo‘jalik yurituvchi sub’ektlar
moliya-xo‘jalik faoliyatini tekshirish va taftish qilishni o‘tkazish Tartibi”da kichik
va o‘rta biznes korxonalarining, Tovar ishlab chiqaruvchilar va tadbirkorlar
palatasi a’zolarining ishlab chiqarish va moliya faoliyatlarini barcha tekshirishlar
Palata va uning hududiy tuzilmalari yuridik xizmatlarining majburiy ishtirokida
amalga oshirilishi qayd qilingan.
O‘zbekiston Respublikasi Oliy Majlisi tomonidan 2000 yil 14 dekabrda
qabul qilingan “Normativ-huquqiy hujjatlar to‘g‘risida”gi O‘zbekiston
Respublikasi qonunida normativ-huquqiy hujjatlarning loyihalari huquqiy](/data/documents/ea6c502c-fa55-4390-b9b8-96d0d2c00a19/page_18.png)
![ekspertizadan o‘tkazilishi shartligi, huquqiy ekspertiza normativ-huquqiy hujjat
loyihasini tayyorlagan organning yoki normativ- huquqiy hujjatni qabul qiladigan
organning yuridik xizmati, shuningdek, O‘zbekiston Respublikasi Adliya vazirligi
tomonidan amalga oshirilishi mumkinligi belgilangan.
O‘zbekiston Respublikasi Vazirlar Mahkamasining 2003 yil 27 avgustdagi
“O‘zbekiston Respublikasi Adliya vazirligi faoliyatini yanada takomillashtirish
chora-tadbirlari to‘g‘risida”gi 370-sonli Qarori bilan yuridik xizmat xodimlarini
tayyorlash, malakasini oshirish, ularni attestatsiyadan o‘tkazish hamda yuridik
xizmatga idoralararo rahbarlikni amalga oshiruvchi davlat boshqaruvi organi
bo‘lmish Adliya vazirligining yangi tahrirdagi Nizoming tasdiqlandi. Vazirlikning
yangi tahrirdagi Nizomini qabul qilinishi bevosita uning respublikada huquqiy
ishlarni yo‘lga qo‘yish va huquqiy yordam ko‘rsatish bilan bog‘liq bo‘lgan
vakolatlarining kengaytirilib borilishi bilan bog‘liq. Mazkur Nizom bilan Adliya
vazirligining yuridik xizmat faoliyatini tashkil etish bilan bog‘liq bo‘lgan funksiya
va vazifalari batafsil belgilab qo‘yildi.
Ijro etuvchi hokimiyat bo‘lmish Vazirlar Mahkamasining yuridik xizmati
“O‘zbekiston Respublikasi Vazirlar Mahkamasi Apparatining Yuridik bo‘limi
to‘g‘risida”gi Nizom asosida tartibga solinadi. Mazkur Nizom O‘zbekiston
Respublikasi Vazirlar Mahkamasining 2004 yil 2 dekabrdagi “O‘zbekiston
Respublikasi Vazirlar Mahkamasi Apparatining funksional bo‘limlari to‘g‘risidagi
nizomlarni tasdiqlash haqida”gi 564-son Qarori bilan tasdiqlangan. Mazkur
Nizomga muvofiq, yuridik bo‘lim o‘z faoliyatini O‘zbekiston Respublikasining
Bosh vaziri rahbarligida amalga oshiradi hamda O‘zbekiston Respublikasi Vazirlar
Mahkamasi Apparati Rahbariga bo‘ysunadi. Nizomda yuridik bo‘limning huquqiy
maqomi va vakolatlari aniq va ravshan o‘z ifodasini topgan.
O‘zbekiston Respublikasi Oliy Majlisi Qonunchilik palatasi yuridik
xizmatining faoliyati Qonunchilik palatasi Spikerining 2005 yil 7 apreldagi 73-son
farmoyishi bilan tasdiqlangan “O‘zbekiston Respublikasi Oliy Majlisi Qonunchilik
palatasining Devoni to‘g‘risida”gi Nizom asosida tartibga solinadi. O‘zbekiston
Respublikasi Oliy Majlisi Senati yuridik xizmatining faoliyati esa O‘zbekiston](/data/documents/ea6c502c-fa55-4390-b9b8-96d0d2c00a19/page_19.png)
![Respublikasi Oliy Majlisi Senatining 2005 yil 18 apreldagi qarori bilan
tasdiqlangan “O‘zbekiston Respublikasi Oliy Majlisi Senatining Devoni
to‘g‘risida”gi Nizom asosida tartibga solinadi. O‘zbekiston Respublikasi Oliy
Majlisi palatalari yuridik xizmati faoliyatini ularning Devonlari to‘g‘risidagi
nizomlar asosida tartibga solinishining sababi yuridik xizmat mazkur Devonlar
tarkibiga kirishidadir. Oliy Majlis palatalari faoliyatini tashkiliy-huquqiy jihatdan
ta’minlash mazkur Devonlar tomonidan amalga oshiriladi. “O‘zbekiston
Respublikasi Oliy Majlisi Qonunchilik palatasining Devoni to‘g‘risida”gi hamda
“O‘zbekiston Respublikasi Oliy Majlisi Senatining Devoni to‘g‘risida”gi
Nizomlarda Oliy Majlis palatalari yuridik xizmatining vazifalari sanab o‘tilgan
bo‘lib, uning huquq va majburiyatlari ko‘rsatib o‘tilmagan.
Yuqorida yuridik xizmat faoliyatini tartibga soluvchi asosiy normativ-
huquqiy hujjatlar sanab o‘tildi. Bundan yuridik xizmat faoliyatiga oid boshqa
normativ-huquqiy hujjatlar mavjud emas ekan degan fikrga bormaslik lozim.
Yuridik xizmatga oid bir qancha boshqa normativ-huquqiy hujjatlar ham mavjud.
Biroq mazkur normativ-huquqiy hujjatlarda asosan yuridik xizmatning tuzilishi,
shtat birliklari soni hamda yuridik xizmatning bevosita qaysi mansabdor shaxsga
(tuzilmaga) bo‘ysunishi belgilab berilgan. Masalan, O‘zbekiston Respublikasi
Prezidentining 2005 yil 2 maydagi “O‘zbekiston Respublikasi Monopoliyadan
chiqarish, raqobat va tadbirkorlikni qo‘llab-quvvatlash davlat qo‘mitasi faoliyatini
tashkil qilish to‘g‘risida”gi PQ-66-sonli qarorida davlat qo‘mitasining markaziy
apparati tuzilmasida yuridik xizmat yuridik boshqarma tomonidan amalga
oshirilishi, yuridik boshqarmada yuriskonsultlar uchun to‘rtta shtat birligi
ajratilganligi hamda mazkur boshqarma bevosita qo‘mita raisiga bo‘ysunishi
belgilab qo‘yilgan.
O‘zbekiston Respublikasi Prezidentining 2005 yil 21 iyuldagi “Mannon
Uyg‘ur nomidagi Toshkent davlat san’at instituti faoliyatini takomillashtirish
to‘g‘risida”gi PQ-128-son Qarori, O‘zbekiston Respublikasi Vazirlar
Mahkamasining 2004 yil 5 yanvardagi “Davlat boshqaruvi hududiy organlari
tuzilmasini takomillashtirish to‘g‘risida”gi hamda O‘zbekiston Respublikasi](/data/documents/ea6c502c-fa55-4390-b9b8-96d0d2c00a19/page_20.png)
![Prezidentining 2005 yil 10 avgustdagi “Toshkent shahar hokimligi boshqaruv
apparati tuzilmasini tasdiqlash to‘g‘risida”gi Qarorlari ham mazkur toifadagi
normativ-huquqiy hujjatlar sirasiga kiradi.
Xulosa qilib aytganda, respublikamizda amalda bo‘lgan yuridik xizmat,
huquqiy ishlar va unga uslubiy rahbarlik qilish to‘g‘risidagi qonunchilikni
rivojlantirishga davlatimizning qonun chiqaruvchi va ijro etuvchi hokimiyatlari
tomonidan katta e’tibor berilmoqda.](/data/documents/ea6c502c-fa55-4390-b9b8-96d0d2c00a19/page_21.png)
Mavzu : O‘zbekiston Respublikasida yuridik xizmat haqidagi qonunchilikning rivojlanishi Reja 1. O‘zbekiston Respublikasi Konstitutsiyasi yuridik xizmat faoliyatining asosiy manbai sifatida 2. Yuridik xizmat to‘g‘risida 1920-1990 yillarda qabul qilingan normativ-huquqiy hujjatlar 3. O‘zbekiston Respublikasining mustaqillik yillarida yuridik xizmat to‘g‘risida qabul qilingan normativ- huquqiy hujjatlar
Mamlakatimizda yuridik fanlarning asosiy manbai bo‘lgan O‘zbekiston Respublikasi Konstitutsiyasi yuridik xizmat faoliyatining ham bosh manbai bo‘lib hisoblanadi. Bir qarashdan O‘zbekiston Respublikasi Konstitutsiyasida yuridik xizmat faoliyatiga oid normalar mavjud emasdek tuyuladi. Biroq Konstitutsiyaning ayrim moddalarining mazmuni sinchkovlik bilan tahlil etiladigan bo‘lsa unda yuridik xizmat faoliyati bilan bog‘liq bo‘lgan normalarni uchratish mumkin. Xususan, O‘zbekiston Respublikasida yuridik xizmat fanining predmetlaridan birini yuridik xizmat tizimi tashkil etadi. Yuridik xizmatni tizimga ajratish esa Konstitutsiya normalariga asoslangan holda amalga oshiriladi. Misol uchun davlat hokimiyati oliy organlarining, davlat boshqaruvi organlarining hamda mahalliy davlat hokimiyati organlarining konstitutsiyaviy huquqiy maqomlari bevosita Konstitutsiyada o‘z ifodasini topgan. Aynan mazkur organlarga yuklatilgan vazifalardan hamda vakolatlardan kelib chiqqan holda ularning yuridik xizmati tomonidan bajariladigan ishlar belgilab beriladi. O‘zbekiston Respublikasi Konstitutsiyasining 76-moddasida O‘zbekiston Respublikasining Oliy Majlisi oliy davlat vakillik organi bo‘lib, qonun chiqaruvchi hokimiyatni amalga oshirishi belgilab qo‘yilgan. Demak, O‘zbekiston Respublikasi Oliy Majlisi palatalari yuridik xizmatining asosiy vazifasi ular tomonidan chiqarilayotgan qonunlarni huquqiy ekspertizadan o‘tkazishdan iborat. O‘zbekiston Respublikasi Konstitutsiyasining 98-moddasida esa iqtisodiyotning, ijtimoiy va ma’naviy sohaning samarali faoliyatiga rahbarlikni amalga oshirish, O‘zbekiston Respublikasi qonunlari, Oliy Majlis palatalari qarorlari, O‘zbekiston Respublikasi Prezidentining farmonlari, qarorlari va farmoyishlari ijrosini ta’minlash Vazirlar Mahkamasining vazifasi ekanligi belgilab qo‘yilgan. Vazirlar Mahkamasi yuridik xizmatining faoliyati bevosita mazkur vazifalarni bajarishga qaratilgan bo‘ladi. Bu holat O‘zbekiston Respublikasi Vazirlar Mahkamasining 2004 yil 2 dekabrdagi Qarori bilan tasdiqlangan “O‘zbekiston Respublikasi Vazirlar Mahkamasi Apparatining Yuridik bo‘limi to‘g‘risida”gi Nizomda o‘z ifodasini topgan.
O‘zbekiston Respublikasi Konstitutsiyasining 12 bobi “ J amiyatning iqtisodiy negizlari” deb nomlanadi. Mazkur bobning 53-moddasida bozor munosabatlarini rivojlantirishga qaratilgan O‘zbekiston iqtisodiyotining negizini xilma-xil shakllardagi mulk tashkil etishi, davlat iste’molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqliligini va huquqiy jihatdan bab- baravar muhofaza etilishini kafolatlashi o‘z ifodasini topgan. Konstitutsiyaning 54- moddasida esa mulkdor mulkiga o‘z xohishicha egalik qilishi, undan foydalanishi va uni tasarruf etishi belgilab qo‘yilgan. Mazkur qoidalar bevosita xo‘jalik yurituvchi sub’ektlarga taalluqlidir. Xo‘jalik yurituvchi sub’ektlarning yuridik xizmati esa yuridik xizmat tizimining tarkibiga kiradi. Xo‘jalik yurituvchi sub’ektlarning iqtisodiy faoliyati asosan shartnomalarga asoslanganligi tufayli ularning yuridik xizmati faoliyatining muhim yo‘nalishlaridan biri shartnoma hamda talabnoma-da’vo ishlarini huquqiy jihatdan ta’minlashdan iborat. Amaldagi qonunchilikka muvofiq xo‘jalik yurituvchi sub’ektlarga yuridik xizmat faqatgina ularning yuridik bo‘limlari tomonidan emas, balki ayrim davlat organlari, advokatura hamda nodavlat notijorat tashkilotlari tomonidan ham ko‘rsatiladi. Aynan fuqarolarga va yuridik shaxslarga yuridik yordam ko‘rsatadigan davlat organlaridan biri bo‘lmish prokuraturaning ham huquqiy maqomi bevosita O‘zbekiston Respublikasi Konstitutsiyasining 118-121- moddalarida o‘z ifodasini topgan. Ayrim xo‘jalik yurituvchi sub’ektlar muayyan sabablarga ko‘ra nodavlat notijorat tashkilot bo‘lmish advokaturaning yuridik yordamdan foydalanishni afzal ko‘radilar. Shuning uchun Konstitutsiyaning 116-moddasida fuqarolarga, korxona, muassasa va tashkilotlarga yuridik yordam berish uchun advokatura faoliyat ko‘rsatishi belgilab qo‘yilgan. Demak, yuqorida aytib o‘tilganlardan O‘zbekiston Respublikasi Konstitutsiyasi yuridik xizmat faoliyatini tartibga soluvchi asosiy manba ekanligiga ishonch hosil qilish mumkin. Yuridik xizmatga oid boshqa normativ-
huquqiy hujjatlar mazkur Konstitutsiya asosida va uni ijro etish yuzasidan qabul qilingan. O‘zbekistonda shakllangan yuridik xizmat to‘g‘risidagi qonunchilikni quyidagi ikki guruhga bo‘lib o‘rganish maqsadga muvofiqdir: 1) yuridik xizmat to‘g‘risida 1920-1990 yillarda qabul qilingan normativ- huquqiy hujjatlar; 2) O‘zbekiston Respublikasining mustaqillik yillarida yuridik xizmat to‘g‘risida qabul qilingan normativ-huquqiy hujjatlar. 2-. Yuridik xizmat to‘g‘risida 1920-1990 yillarda qabul qilingan normativ-huquqiy hujjatlar O‘zbekiston Respublikasi hududida yuridik xizmat to‘g‘risidagi qonunchilik, eng avvalo, RSFSR Adliya xalq komissarligining 1920 yil 26 noyabrdagi qarori bilan tasdiqlangan “Adliya xalq komissarligi bo‘limlari to‘g‘risida”gi Nizom negizida yuzaga kelgan. U RSFSR Adliya xalq komissarligining umummaslahat bo‘limi RSFSRning barcha markaziy muassasalari yuridik bo‘limlari va ularning yuriskonsultlari faoliyati ustidan nazoratni amalga oshirishini va ularning amaliyotida yuzaga keladigan huquqiy masalalar bo‘yicha majburiy xulosalar berishini ko‘zda tutgan. Sovet Ittifoqining dastlabki yillarida qabul qilingan yuridik xizmat to‘g‘risidagi normativ-huquqiy hujjatlarda yuriskonsultlarning vazifasi huquqiy maslahatlar berish hamda sud, ma’muriy va jamoat muassasalarida ish yuritish bilan cheklangan. O‘zbekistonda dastlab yuridik xizmat to‘g‘risidagi normativ-huquqiy hujjatlar hukumat tomonidan qabul qilingan. Masalan, O‘zbekiston SSR Xalq Komissarlar Sovetining 1928 yil 9 iyundagi “Davlat muassasalari, korxonalari va kooperativ tashkilotlar yuriskonsultlari to‘g‘risida”gi 38-sonli qarorida yuriskonsult lavozimini egallash tartibi, ularning asosiy vazifalari, javobgarligi, faoliyati ustidan nazorat qilish hamda amaliy
ishlarini birlashtirish maqsadida mahalliy prokurorlar huzurida tashkil qilinadigan kengashlar to‘g‘risidagi normalar belgilangan. Qarorning 2-bandida yuriskonsult lavozimiga O‘zSSR Konstitutsiyasiga muvofiq sovetlarga saylanish huquqiga ega bo‘lgan quyidagi shaxslar: a) maxsus yuridik ma’lumotga ega bo‘lganlar; b) davlat yoki ishchi-dehqon, jamoat, kasaba uyushmasi, partiya yoxud kooperativ tashkilotlarda mas’ul siyosiy ishlarda ikki yillik staji borlar; v) sovet adliya organlarida amaliy mas’ul ishlarda uch yillik staji borlar tayinlanishi mumkinligi qayd qilingan. Yuriskonsultlarning asosiy majburiyatlari doirasiga - huquqiy masalalar bo‘yicha yozma va og‘zaki xulosalar va ma’lumotlar berish, qarorlar, yo‘riqnomalar loyihalarini tuzishda ishtirok etish; tashkilotlar tomonidan tuzilayotgan shartnomalar va boshqa huquqiy xususiyatga ega bo‘lgan hujjatlar tayyorlash va ularni amaldagi qonunlarga muvofiqligini tekshirish; tashkilotlarning topshiriqlari bo‘yicha ularning manfaatlarini himoya qilish kiritilgan. Yuridik xizmat faoliyatini huquqiy tartibga solish asoslarining rivojlanish tarixi dalolat berishicha, yuriskonsultlarning vazifasi kengaytirilib, huquqiy holati esa takomillashtirilib borilgan. O‘zbekiston SSR Xalq Komissarlar Sovetining 1933 yil 11 oktyabrdagi 718- sonli qarori bilan “Umumlashtirilgan sektordagi muassasalar, korxonalar va tashkilotlar yuriskonsultlari (huquqiy masalalar bo‘yicha maslahatchilari) to‘g‘risida Nizom” tasdiqlangan. Mazkur Nizom 12 banddan iborat bo‘lib, unda yuriskonsult lavozimini egallash tartibi, ularning asosiy funksiyalari, javobgarligi, faoliyati ustidan nazorat qilish hamda amaliy ishlarini birlashtirish, malakasini oshirish maqsadida Respublika prokurori, joylarda shahar va tuman prokurorlar huzurida tashkil qilinadigan kengashlar to‘g‘risidagi normalar belgilangan. Xususan, Nizomning 2- bandida yuriskonsult lavozimiga O‘zSSR Konstitutsiyasiga muvofiq sovetlarga saylanish huquqiga ega bo‘lgan quyidagi shaxslar: a) maxsus oliy yuridik ma’lumotga ega bo‘lganlar;