Zarafshon daryosi o`rta oqimi sharoitida oq amur biologiyasi
“ Zarafshon daryosi o`rta oqimi sharoitida oq amur biologiyasi”
Mavzuning dolzarbligi: O`zbekiston Respublikasida baliqchilik xo`jaligini rivojlantirish sohasidagi Prezident va hukumat qarorlariga muvofiq Zarafshon daryosi suv havzalaridagi ovlanadigan baliqlarning biologiyasini o`rganish muhim muammoga aylanmoqda. Oq amur bizning daryolarimizdagi yashash sharoitlariga oson moslashgan, iqlimlashtirilgan tur hisoblanadi. Hozirgi kunda oq amurning biologiyasiga doir ma`lumotlar ancha eskirgan bo`lib, bu ma`lumotlar o`tgan asrning 50- 60 yillariga togri keladi. Shu tufayli oq amurning biologiyasini o`rganish dolzarb muammo hisoblanadi.
Tadqiqotning maqsadi : Tadqiqotimizning maqsadi Zarafshon daryosining o`rta oqimida Oq amur balig`ining biologiyasini hamda baliq tayoqchalarining o`rnini o`rganishdan iborat. Tadqiqotning vazifasilari: 1. Zarafshon daryosining o`rta qismining gidrologik va gidrobiologik xususiyatlari. 2. Zarafshon o`rta qismidagi ixtiofaunaning tarkibini ko`rsatish. 3.Oq amurning morfologiyasi va biologiyasini o`rganish. 4.Baliqchilik va baliqchilik masalalarini hal qilishda oq amurning rolini ko`rsatish. Tadqiqotning obyekti: Zarafshon daryosi o`rta oqimi suv havzalaridagi oq amur balig`i va uning biologiyasini o`rganish hisoblanadi. Tadqiqotning predmeti: O`rta Zarafshon vohasi suv havzalarining ixtiofaunasi, daryoning gidrologik iqlimlari va oq amur balig`ining tutgan o`rnini o`rganish hisoblanadi.
Tadqiqot usullari: Tadqiqot o‘tkazish jarayonida asosan 2 xil sharoitdan, ya‘ni dala va laboratoriya sharoitlaridan foydalanildi. Baliqlarni o‘rganishda qabul qilingan uslublardan foydalanildi. (Pravdin.I.F. 1966y, Pirojnikov.P.L.1953y). Ixtiologik metodlar yordamida baliqlar namunalari ko‘llardan yiliga 3 xil mavsumda, ya‘ni bahor, yoz, kuz oylarida har xilsuvliklardan baliq namunalari olib o‘rganildi. Bunda oq amur baliqlarni o‘rganish uchun oddiy ixtiologik metodlardan foydalanilgan. (Pravdin.I.F. 1966y, Pirojnikov.P.L. 1953y). Yoshini aniqlash uchun tangachasidan namunalar olindi. Ozuqa zanjirini o‘rganish uchun ichaklarining bosh qismidagi ovqatidan shisha idishlarga olinib formalinda fiksatsiya qilindi va muskulidan (barqaror izatop uchun) 2 gr dan namunalar olindi. Voyaga yetgan baliqlar yoshi va o‘sishi Eynar Lea (1910) usuli orqali bajarildi. Voyaga yetgan baliqlar yoshi va o‘sishi Roza Li (1920) usullari orqali bajarildi.Baliq serpushlik koeffitsentini A.I.Bening taklif etgan formula bilan aniqlandi.Statistika va o`rtacha qiymatlarni hisoblash uchun “MS Excel 2016” dasturidan foydalanildi. Bundan tashqari ota-ona oq amur baliqlarni tanlash va bantirovka qilish texnalogiyasi orqali uzunligi va o`g`irligi hamda turl o`lchamlari olindi. Ishning natijalari oq amur biologiyasi to’g’risidagi ma’lumotlarni to’ldiradi va chuqurlashtiradi. Adabiyotlardagi ma’lumotlarni tahlil qilib, shu xulosaga keldikki, bu muammo yanada chuqur o’rganilishni va davom etirilishni talab etadi. Tadqiqot natijalari zoologiya kafedrasidagi ilmiy va o’quv jarayonlarida va baliqchilik suv xo`jaliklarida oq amur boqishda va undan yuqori hosildorlik olishda katta ahamiyatga ega.
ZARAFSHON DARYOSI HAQIDA MA`LUMOT Nega Zarafshon, zar tar qatuvchi? Suvi zar rangda bo‘lganligi uchunmi yoki yo‘lidagi go‘shalarni obod qilgani, yurtlarni zarga ko‘mganligidanmi? Aslida unisi ham, bunisi ham rost. Zarafshon o‘sha Machcho tog‘idan (5960 m.) boshlanib ulkan uzunligi 24,7 maydoni 40,8 yaxob, Zarafshon muzligining tagidan chiqib keladi. Uni dastlab Machcho daryosi deb atashgan. Zarafshon daryosi : O’rta Osiyo, Zarafshon va Oloy to’lari tutashgan Ko’ksuv (Mastchoh) tog’ tuginidagi Zarafshon muzligidan 2772,5 m balandlikdan Mastchoh nomi bilan boshlanadi. Mastchoh Ayniyqishlog’i yonida Fandaryo bilan qo’shilgach Zarafshon nomini oladi. Zarafshon qadim Amudaryoga 20 km ga yetmasdan Sandiqli qumligiga shimilib ketar edi. Uzunligi muzlikdan Sandiqli qumigacha 751 km edi.Daryoning suv yig’adigan maydoni 12374 km 2 . Quyi qismida Qorako’ldaryo nomini olib, Qorako’l shahri yaqinida 2 tarmoqqa bo’linib, Toyqir Dengizko’lga, Sarbozor esa Chigarko’lga yetib borar edi. Endilikda esa Zarafshonning suvi ko’plab sug’orishga sarflanishi tufayli daryo u yerga yetib bormaydi. Zarafshon daryosining tog’li qismi Tojikistonga Ravatxo’ja tog’idan quyi qismi O’zbekistonga qaraydi. Zarafshon daryosiga 200 ga yaqin daryo va soylar kelib quyiladi. Eng muhim chap irmoqlari: Fandaryo, Kishtutdaryo, Mog’iyondaryo, Urgutsoy.