XALQARO MIGRATSIYA JARAYONLARI VA MUAMMOLARI

Jahon mamlakatlarida aholi tarkibi va joylashuviga migratsiyalar katta ta’sir ko‘rsatadi. Migratsiya (lotincha migratio – “ko‘chish”) – aholining bir hududdan boshqa hududga doimiy yoki vaqtincha muddatga ko‘chishi. Bitta manzilgoh ichidagi ko‘chish migratsiya hisoblanmaydi.

Migratsiyalar bir necha mezonlarga ko‘ra tasniflanishi mumkin. Hududiy miqyosi jihatidan tashqi va ichki migratsiyalar ajratiladi. Migratsiya Tashqi Materik ichidagi Vaqtinchalik Mavsumiy Vaxtali MayatniksimonMateriklararoRayonlararo Ichki Muddatiga ko‘ra Rayon ichidagi Hududiy miqyosiga ko‘ra Doimiy

Tashqi migratsiya deganda, boshqa davlatga ko‘chish tushuniladi (emigratsiya va immigratsiya). Ba’zida tashqi migratsiyalar materik ichidagi va materiklararo migratsiyalarga bo‘linadi.

Ichki migratsiya bir davlat ichidagi boshqa hududga ko‘chish hisoblanadi. U, o‘z navbatida, rayon ichidagi va rayonlararo migratsiyalarga bo‘linadi.