Bolalarni diologik nutqini shakllantirish omillari
![Bolalarni diologik nutqini shakllantirish omillari
Reja:
Kirish
I BOB KICHIK YOSHDAGI BOLALAR NUTQINI O‘STIRISHNING
VAZIFALARI, METODLARI VA VOSITALARI
1.1. Nutqni rivojlantirish metodikasining nazariy asoslari
1.2. Bolaning ijtimoiy va shaxs sifatida shakllanishida dialogning ahamiyati va
bolalar nutqining rivojlanish davrlari.
1.3. Ravon nutqini rivojlantirish
II BOB DIOLOGIK NUTQ VA UNI BOLALARDA SHAKLLANTIRISH
METODIKASI.
2.1. Dialog nutqning mazmuni va vazifalari
2.2. Maktabgacha ta’lim muassasasida nutqini rivojlantirishga doir ishlar tizimi
2.3. MT T bolalar nutqini rivojlantirish texnologiyasi
Xulosa
Foydalanilgan adabiyotlar ro‘yxati.
1](/data/documents/70965806-e8bc-4f11-92b1-11581005fce0/page_1.png)
![Mundarija:
Kirish..............................................................................................................3
I BOB KICHIK YOSHDAGI BOLALAR NUTQINI O‘STIRISHNING VAZIFALARI,
METODLARI VA VOSITALARI.
1.1. Nutqini rivojlantirish metodikasining nazariy asoslari.....................................
6
1.2. Bolaning ijtimoiy va shaxs sifatida shakllanishida dialogning ahamiyati va
bolalar nutqining rivojlanish davrlari................................................................12
1.3. Ravon nutqini rivojlantirish.............................................................................
23
II BOB DIOLOGIK NUTQ VA UNI BOLALARDA SHAKLLANTIRISH METODIKASI.
2.1. Dialog nutqning mazmuni va vazifalari............................................................
33
2.2. Maktabgacha ta’lim muassasasida nutqini rivojlantirishga doir ishlar
tizimi...................................................................................................................40
2.3. MTT bolalar nutqini rivojlantirish texnologiyasi..........................................52
Xulosa...........................................................................................................62
Foydalanilgan adabiyotlar.............................................................................64
2](/data/documents/70965806-e8bc-4f11-92b1-11581005fce0/page_2.png)
![KIRISH
Jamiyat rivojlanishining har bir bosqichida ta’lim mazmuni muayyan
maqsad va vazifalarga ega bo‘ladi. Yurtimizda 27.07.2017 yilda qabul qilingan
PQ 3151 “Oliy ma’lumotli mutaxassislar tayyorlash sifatini oshirishda
iqtisodiyot sohalari va tarmoqlarining ishtirokini yanada kengaytirish chora-
tadbirlari to‘g‘risida”gi qarorda “O‘qitishning zamonaviy shakllari va
metodlarini, kompyuter va axborot-kommunikatsiya texnologiyalarini ta’lim
jarayoniga joriy etish, oliy ta’lim muassasalarini zamonaviy o‘quv-laboratoriya
anjomlari va o‘quv-metodik adabiyotlar bilan ta’minlash, ilmiy-tadqiqot va
innovatsiya faoliyatini qo‘llab-quvvatlash va rag‘batlantirish, oliy ta’lim
muassasalarining zamonaviy ilmiy laboratoriyalarini tashkil etish va
rivojlantirish choralarini ko‘rish” kerakligi keltirib o‘tilgan. Shundan kelib
chiqib ta’lim mazmuni davr talabi, nazariy bilim va ishlab chiqarish taraqqiyoti
darajasiga mos ravishda o‘zgarib turadi. Ta’lim mazmuni ijtimoiy hodisa
sifatida maydonga keladi va u o‘zining boshlang‘ich davrida amaliy ahamiyat
kasb etgan, ya’ni insonlarning hayotiy ehtiyojlari uchun zarur hisoblangan
bilimga bo‘lgan talabini qondirgan. Ijtimoiy taraqqiyot ta’limning
madaniyatshunoslik funktsiyasini yuzaga keltirdi. Ta’limning rivojlanishiga
boshqa ijtimoiy omillar ham ta’sir ko‘rsatdi, natijada hukmron sinflar umum
madaniy va takomillashib boruvchi bilimga o‘z monopoliyasini o‘rnata
boshladilar, aholining asosiy qatlamlari esa kundalik turmushda zarur bo‘ladigan
amaliy bilimlarnigina egalladilar. Hozirgi kunda ta’limni tashkil etishda
interfaol metodlardan foydalanish yuqori samara bermoqda.
Bitiruv malakaviy ishining mavzusi bo‘yicha qo‘yilgan maqsad yo‘lidagi
izlanishlar , olingan natijalar yuzasidan tegishli xulosalar chiqarish. Ishning
yangiligi: Bu bitiruv malakaviy ishida diologik nutqning shakllanish omillari
mavzusi yuzasidan innovatsion texnologiyalardan birinchi marta foydalanildi va
3](/data/documents/70965806-e8bc-4f11-92b1-11581005fce0/page_3.png)
![didaktik o‘yinli texnologiyalardan foydalangan holda dars o‘tish metodikasi
ishlab chiqildi.
Bitiruv malakaviy ishni dolzarbligi: Maktabgacha yoshdagi bolalarda
interfaol metodlardan foydalanib diologik nutqini shakllantirib dars
samaradorligini oshirish bolaning madaniy xulq-atvorini tarbiyalash va
rag‘batlantirishga, axloq qonunlari va tamoyillarini tushunishga qaratilgan.
Bitiruv malakaviy ishining maqsadi: Maktabgacha ta’lim
tashkilotlarida bolalarni dialogik nutqini shakllantiruvchi omillarni
takomillashtirish.
Bitiruv malakaviy ishining vazifalari: Yuqoridagi maqsaadni amalga
oshirish uchun quyidagi vazifalar bajarildi.
- MTTda tarbiyachining mahoratini hisobga olib bolalarni dialog nutqini o‘stirish
bolalarning aqliy rivojlanishining o‘ziga xos jihatlarini yaratish.
- Bolalarga ta’lim tarbiya berishda turli xil texnologiyalarni qo‘llagan holda
nutqini yanada o‘stirish.
Bitiruv malakaviy ishining obyekti: Bolalarning diologik nutqini
shakllantirishda amalga oshiriladigan jarayonlar.
Bitiruv malakaviy ishining predmeti: Bolalarning dialogik nutqini
shakllantirishda zamonaviy usul hamda pedagogik texnologiyalardan
foydalanish.
Bitiruv malakaviy ishining metodlari: Tanlangan muammoga oid innova
tsiya metodik manbalarni tahlil qilish, kuzatish, taqqoslash ilg‘or pedagogik
tajriba metodlari.
Bitiruv nalakaviy ishining metodologik asosi : O‘zbekiston Respublikasi
Konstitusiyasi, «Ta’lim to‘g‘risida»gi Qonun, Prezident farmoyishlari Vazirlar
mahkamasining maktabgacha ta’lim tuzilishiga oid chiqarilgan qarori “ Ilk
qadam” davlat o‘quv dasturi hamda “Ilm Yo‘li” variativ dasturi va
Komenskiyning “Buyuk didaktika” “Maktabgacha ta’limda o‘qitish
texnologiyalari pedagogik jarayonni loyihalashtirish didaktikaga oid
4](/data/documents/70965806-e8bc-4f11-92b1-11581005fce0/page_4.png)
![qo‘llanmalar . Sharq mutafakkirlarining yoshlar ma’naviyatini tarbiyalash va
rivojlantirish to‘g‘risidagi ta’limotlari, ta’lim to‘g‘risidagi me’yoriy hujjatlari,
shuningdek, falsafa, pedagogika va psixologiya sohasidagi tadqiqotlar va ilg‘or
tajribalardan iborat
Bitiruv malakaviy ishining tarkibiy qismi: kirish, 3 bob, 6 paragraf,
tajriba, xulosa va foydalanilgan adabiyotlardan iborat.
5](/data/documents/70965806-e8bc-4f11-92b1-11581005fce0/page_5.png)
![I BOB KICHIK YOSHDAGI BOLALAR NUTQINI O‘STIRISHNING
VAZIFALARI , METODLARI VA VOSITALARI.
1.1. Nutqni rivojlantirish metodikasining nazariy asoslari
Nutqni rivojlantirish metodikasining nazariy asoslari: til, nutq, nutqiy
faoliyat. Til - bu ijtimoiy hodisadir. O‘zbekiston Respublikasi hududida
yashayotgan har bir xalqning ona tili uning milliy o‘ziga xosligi va ma’naviy
madaniyatining yorqin ko‘rsatkichidir. Til tafakkur bilan monand bog‘langani
holda ongni shakllantiradi. Nutq va tafakkur o‘rtasidagi bog‘liqlik nafaqat
psixologik jarayonlarning chuqur bosqichlarida, balki ijtimoiy hodisalar
darajasida ham namoyon bo‘ladi. So‘zning insonga, uning xulq-atvoriga
ko‘rsatadigan ta’siri barchaga yaxshi ma’lum. “ 1
Garchi til bilan tafakkur bir-
birisiz yashay olmasa ham ular o‘zida aynan bir hodisani ifodalamaydi.
Tafakkur - obyektiv borliqning intihosi, til esa - ifoda usuli, fikrni boshqa
kishilarga berish va mustahkamlash vositasi. So‘z bilan tushuncha dialogik
tarzda bir-birini taqozo etadi. Hozirgi paytda mamlakatimizda tillar o‘rtasidagi
o‘zaro munosabatlarda ikki tamoyil mavjud: bir tomondan, milliy tillarning
yanada rivojlanishi va takomillashuvi, o‘zga tomondan esa – o‘zbek tilining
davlat tili sifatidagi ahamiyatining oshishi ro‘y bermoqda. O‘zbekiston
Respublikasining mustaqillikka erishishi va yuzaga kelgan iqtisodiy ehtiyojlar
mamlakatdagi ko‘p sonli aholining ona tili bo‘lgan o‘zbek tilini davlat tili
sifatida o‘rganishni shart qilib qo‘ydi, bu esa ko‘p millatli jamiyat sharoitida
katta ijtimoiy ahamiyat kasb etadi .
Tildan foydalanish - bu ijtimoiy faoliyatning muayyan turi sohasida
kishilarning o‘zaro muloqotidir. Hozirgi davr nuqtayi nazaridan olib qaralganda
quyidagilar eng muhim sohalar hisoblanadi: - xo‘jalik faoliyat sohasi; - ijtimoiy-
1
Babayeva D.R. ―Nutq o`stirish metodikasi T.: TDPU 2016-yil. O`quv
qo`llanma.
6](/data/documents/70965806-e8bc-4f11-92b1-11581005fce0/page_6.png)
![siyosiy faoliyat sohasi; - maishiy soha; - uyushtirilgan muloqot sohasi; - badiiy
adabiyot sohasi; - ommaviy kommunikatsiya sohasi; - estetik ta’sir ko‘rsatish
sohasi; - xalq og‘zaki ijodiyoti sohasi; - ilm-fan sohasi; - ish yuritishning barcha
turlari sohasi; - shaxsiy istiqbol sohasi; - diniy soha. 2
Biz ko‘rib chiqayotgan jihatdan olinganda esa eng dolzarbi maishiy soha
va uyushtirilgan ta’lim sohasidir. Ko‘p yillik amaliyot shuni ko‘rsatdiki,
bolalikda biling vizm (ikki tillilik) bola hayotida har bir tilning tutgan o‘rniga,
uning ikki tillilikdan qaysi vaziyatlarda va qay darajada foydalanishiga bog‘liq
holda shakllanadi. Maktabgacha yoshda ikki tillilik shakllanishining quyidagi
o‘ziga xos holatlarini ko‘rsatib o‘tish mumkin: - bola tug‘ilgan paytidan boshlab
ikki tilli oilada bir tildan o‘zga tilga o‘tib muomala qilish sharoitida
tarbiyalanadi; - bola oilada ona tilida so‘zlashadi, undan tashqarida esa
(qo‘shnilar, qarindoshlar va boshqa shaxslar bilan) o‘zga tilni o‘zlashtiradi; -
bola o‘zga tilni aniq maqsadga yo‘naltirilgan mashg‘ulotlarda va ulardan
tashqari vaqtlarda maktabgacha ta’lim muassasasida egallaydi.
Psixolingvistik adabiyotlarda yozilishicha, haqiqiy ikki tillilik faqat odam
hech bo‘lmaganda bitta tilda har qanday fikrni mos tarzda ifodalashga qodir
bo‘lgan taqdirdagina rivojlanadi. Agarda nutq bironta tilda ham to‘laqonli
shakllanmagan bo‘lsa, bu holda fikr tuzilmasi buzilib ketadi va o‘z fikrini
ifodalashga bo‘lgan intilish muvaffaqiyatsizlikka uchraydi, bu esa nafaqat
psixologik ezilishlarga, balki muloqot sifatidagi chuqur yo‘qotishlarga va inson
shaxsiga ziyon yetishiga olib keladi. Yarim tillilik deb ataladigan bunday hodisa,
umuman olganda, jamiyat uchun ham ancha xavflidir, chunki bunda uning
a’zolarining muayyan qismi hissiyotlarini boshqara olmaydi hamda o‘z
hissiyotlari, ehtiyojlari, istak-xohishlarini tegishli tarzda so‘z shakliga keltira
olmaydi. Agarda inson xohlagan narsasini ayta olmasa, u boshqalar bilan teng
ravishda raqobatlashishga, kommunikatsiyaning odatdagi shakllaridan
foydalanishga qodir bo‘lmay qoladi hamda u o‘z-o‘zini boshqarishning
2
www. pedagog. uz
7](/data/documents/70965806-e8bc-4f11-92b1-11581005fce0/page_7.png)
![qandaydir boshqa shakllariga murojaat qilishga, ba’zan esa zo‘ravonlik qilish,
kuch ishlatishga majbur bo‘ladi.
Shundan kelib chiqqan holda, ilk yoshdan boshlab individning nutqiy
rivojlanishini tuzatishni to‘g‘ri tashkil etish zarurdir. “Ilk start” ona tilini qabul
qilishga va keyinchalik har qanday boshqa tilni o‘zlashtirib olishga ham ijobiy
ta’sir ko‘rsatadi». Til qanchalik oldin egallab olinsa, bilimlar ham shunchalik
oson va to‘liqroq o‘zlashtiriladi» (N.I.Jinkin)1. Bola tug‘ilgan paytidan boshlab
ijtimoiy mavjudot hisosblanadi. Uning har bir yosh bosqichidagi ijtimoiy
rivojlanishi o‘z xususiyatlariga, vazifa va mazmuniga ega bo‘lib, bularni amalga
oshirish uchun pedagogika sohasidagi ishlarga tegishli shart-sharoitlarni yaratish
darkor. 2. Ilk yoshdagi bolalar nutqini rivojlantirish. Bola hayoti kattalarning
hayoti va faoliyatiga qo‘shilib ketgan. Lekin shunga qaramasdan, ayni paytda
bola ularga ta’sir ko‘rsatishning o‘ziga xos insoniy vositalarining birontasiga
ham ega emas. Bu esa rivojlanishning ushbu bosqichidagi asosiy irsiy (genetik)
vazifani, ya’ni kichkintoylarda kattalar bilan muloqot qilishning metod va
vositalarini shakllantirish vazifasini belgilab beradi. Emotsional-vositasiz
muloqot ushbu yoshdagi asosiy faoliyat turi hisoblanadi. Bolani ajratib qo‘yish,
kattalar bilan emotsional aloqalarning kamligi bola hayotining birinchi oylaridan
boshlaboq uning yetarli darajada rivojlanmasligiga olib kelishi mumkin.
Go‘daklik yoshida bolaning ayniqsa kattalar bilan muloqoti jadal
rivojlanadi, dastlabki mehr qo‘yish shakllanadi, ijtimoiy kutishlar vujudga keladi
(bola kattalardan muayyan hayotiy vaziyatlarga mos keluvchi harakatlarni
kutadi), bola bilan kattalar o‘rtasidagi sherikchilikning ilk ko‘rinishlari shakllana
boshlaydi. Bola o‘zining qo‘lidan hali hech narsa kelmasa-da, biroq kattalarning
harakatlarini boshqarishni o‘rganadi. Bu hol unda nutqning hali mavjud
emasligidan qat’i nazar, ro‘y beradi. Uning ixtiyorida faqat ovoz munosabatlari
va imo-ishoralargina mavjud. Dastlabki so‘zlar emotsional ifodaliligi, vaziyatga
mosligi va kommunikativ yo‘naltirilganligi bilan ajralib turadi. Bunday nutq
avtonom yoki vaziyatga oid nutq deb ataladi, u faqat bola atrofidagi muhit bilan
8](/data/documents/70965806-e8bc-4f11-92b1-11581005fce0/page_8.png)
![yaxshi tanish bo‘lgan yaqinlarigagina tushunarlidir. So‘zni dastlabki tushunish
muayyan vaziyatni qabul qilish bilan uyg‘unlashgandir. Ilk so‘zlar muayyan
narsalarga taalluqli bo‘lib, umumlashtiruvchi xususiyatga ega emas (soat
deganda faqat devorda osilib turadigan soatlar tushuniladi). So‘z bola xulqining
umumiy ko‘rinishidan joy oladi va u imo-ishora, qo‘l harakatlari, qarash-
nigohlar, ifodali vositalar bilan birgalikda bir so‘zli fikrni bildirishga olib keladi
(“Xayr”, “Ber”, “Ol”). Ilk so‘zlarning paydo bo‘lishi bolani rivojlantirishning
ijtimoiy vaziyati o‘zgarganidan dalolat beradi. Endi bolaning o‘zi o‘z istak
xohishlarini ma’lum qilishi mumkin, kattalar esa og‘zaki ko‘rsatmalar
yordamida uning xulq-atvorini yo‘naltirish imkoniga ega bo‘ladilar. Bolaning bu
yoshda o‘zini-o‘zi anglab yetishini unga nisbatan kattalarning munosabati
in’ikosi deyish mumkin. O’ziga nisbatan ijobiy munosabat - shaxsning normal
rivojlanishi uchun asos hisoblanadi. O‘ziga nisbatan salbiy munosabat esa -
bolaning ilk yoshda kattalar bilan emotsional-ijobiy muloqoti kam bo‘lganligi
natijasidir. Bola bilan muloqot u bilan hamkorlik asosiga qurilishi lozim. Doimo
kattalarning biron narsani majburlashlari bolada faol tadqiq etish va bilishga
intilishni emas, balki sustlik, faqat atrof-muhitga moslashish istagini
shakllantiradi.
Bolalar nutqini о‘stirish bо‘yicha ishlarni rejalashtir i sh.
Bolani har tomonlama rivojlantirish uning insoniyat tajribasi, bilimlari,
qobiliyati va madaniyatining saqlovchisi bo‘lgan kattalar bilan muloqoti tufayli
insoniyatning ko‘p asrlik tajribasini o‘zlashtirish asosidagina amalga oshiriladi.
Bu tajribani faqat insoniy muloqotning eng muhim vositasi - til orqaligina berish
mumkin. Bolalarga ona tilini o‘rgatish va ular nutqini rivojlantirishga doir ishlar
maktabgacha tarbiya muassasasidagi ta’lim-tarbiya ishlari ichida alohida o‘rin
tutadi.
Ushbu ishning maqsadi quyidagilardan iborat:
- bolalarga nutqiy muloqotning muhim shakli
9](/data/documents/70965806-e8bc-4f11-92b1-11581005fce0/page_9.png)
![- og‘zaki nutqni adabiy til me’yorlariga muvofiq holda egallashni, to‘liq
ko‘rinishda esa tushunish va faol nutqqa kirishishni o ‘ rgatish. Nutqni tushunish.
Bolaga eng oddiy, uning o‘ziga tanish bo‘lgan maishiy vaziyatlar,
jarayonlar va o‘yin vaziyatlarini ochib beruvchi oson tushuniladigan so‘zlar va
oddiy iboralar zaxirasini kengaytirish. Uch oylikdan boshlab talaffuz jihatidan
boy bo‘lgan asarlardan foydalanish tavsiya etiladi. 3 oylikdan boshlab 6
oylikkacha ovoz xirgoyisiga ega bo‘lgan - xalq cholg‘u asboblariga taqlid
qilinadigan (“taka-tum-bak”, “dili-bom, tili-bom” va boshq.) asarlar foydali.
Ular bolaning ovoz imkoniyatlarini rivojlantiradi. Bolada chuldirash paydo
bo‘lishi bilan (5-6 oy) chuldirashga ohangdosh bo‘lgan, bir necha marta
takrorlanadigan va ovoz bilan ifodalanadigan bo‘g‘inlardan iborat bo‘lgan his-
hayajonli qisqa iboralar va aytishuvlardan foydalangan ma’qul.
9 oylikdan boshlab bolaga tanish bo‘lgan, u “o‘rgangan” vaziyatlarga
tayangan holda nutqiy taqlid va ovoz ifodaliligini rivojlantirish muhimdir.
12 oylikdan boshlab kichkintoyda kichik folklor janri asarlari elementlari
(bekinmachoq va h.) asosida nutqiy muloqotga kirishishga, jaranglayotgan
matnga mos ravishda harakatlar bajarishga undash lozim. Bola hayotining
ikkinchi yili. Bola bilan nutqiy muloqotni yo‘lga qo‘yish va uning lug‘atini
boyitish, o‘z harakatlarini so‘zlar bilan birgalikda amalga oshirish, kichkintoyni
tarbiyachi (kattalar)topshirig‘iga ko‘ra ayrim oddiy topshiriqlarni (o‘yinchoqni,
etiklarni, paltoni keltirish; qizil o‘yinchoqlarini ko‘rsatish) bajarishga undash,
buyumlar, kiyimboshlar, idish-tovoqlar, sabzavotlar va mevalarning nomlari
hamda ular bilan amalga oshiriladigan harakatlar haqidagi savollarga javob
berish uchun barcha vaziyatlardan foydalanish lozim.
Maktabgacha yoshdagi bolalarni axloqiy tarbiyalashning mazmuni va
metodlari. Maktabgacha yoshdagi bolalarga ta’lim-tarbiya berishning asosiy
vazifalari bolalarni jismoniy, aqliy va ma’naviy jihatdan rivojlantirishdan,
ularning tug‘ma layoqati, qiziqishi, ehtiyoji va imkoniyatlarini hisobga olgan
holda milliy va umum insoniy qadriyatlar asosida muntazam ta’lim olishga
10](/data/documents/70965806-e8bc-4f11-92b1-11581005fce0/page_10.png)
![tayyorlashdan iborat. Bolada kattalar bilan muloqot jarayonida axloqiy xulq-
atvorning dastlabki tajribalari shakllanadi.
Muloqotga bo‘lgan ehtiyoj - muhim ijtimoiy ehtiyoj bo‘lib, katta yoshli
kishi bu ijtimoiy ehtiyojni qondiruvchi manba hisoblanadi. Axloqiy his-
tuyg‘ular va odatlarni tarbiyalash shunday zaruriy asos hisoblanadiki, usiz bola
shaxsining murakkabroq xususiyatlarini, ma’naviy kamolotni ta’minlash,
mamlakatning ijtimoiy hayot hodisalari hadidagi tasavvurlarni va ularga ijobiy
munosabatni shakllantirib bo‘lmaydi. Maktabgacha bolalikning dastlabki
bosqichlarida tarkib toptirilgan insonparvarlik asoslari uning ijtimoiy
yo‘nalganligi bolalarda asta sekin shaxsning jamoatchilik belgilari: xulq-atvor
odatlari, munosabatlari va tasavvurlarini shakllantirish uchun asos bo‘lib xizmat
qiladi. Avvalo bolalar muassasasida jamoaning katta yoshli a’zolari o‘rtasida
to‘g‘ri o‘zaro munosabat uslubini vujudga keltirish kerak.
O‘zaro hurmat va g‘amxo‘rlik, ishga muhabbat, mamlakatning siyosiy va
mehnat hayotida ishtirok etish - bularning barchasi zarur uslubni ta’minlashi
lozim. Pedagogik jamoa va ota-onalar jamoalarining to‘g‘ri munosabatlari
uslubi ham muhim ahamiyatga ega. Bu uslub esa bolalar bog‘chasining ota-
onalar bilan muntazam ish olib borishi, oila tarbiyasi tajribalarini o‘rganish
natijasida tarkib topadi. Kattalar bilan bolalar o‘rtasidagi o‘zaro
munosabatlarning yuksak darajasi - muvaffaqiyatli axloqiy tarbiyaning
majburiy shartidir.
Maktabgacha yoshdagi bolalarni axloqiy tarbiyalashning mazmuni va
metodlari bu yoshdagi bolalarning xususiyatlariga mos kelishi va u eng yaqin
vaqtdagi axloqiy rivojlanish jarayonini ko‘zda tutishi kerak. Masalan, agar 4
yoshli bolalar o‘z tengdoshlariga asosan tarbiyachining maslahati, ko‘rsatmasi
ta’sirida baholi-qudrat yordam ko‘rsatsalar, 5 yoshga to‘layotganda bunday
yordamni o‘z xohishlariga ko‘ra ko‘rsatishlari lozim. Oilaga xos bo‘lgan
muhabbat, o‘zaro e’tibor, g‘amxo‘rlik muhiti bola his-tuyg‘usini
shakllantirishga ta’sir ko‘rsatadi. 3
3
www.inter-pedagogika.ru;
11](/data/documents/70965806-e8bc-4f11-92b1-11581005fce0/page_11.png)
![Oilada qaror toptiriladigan ijtimoiy his-tuyg‘ular bolaning kichik yoshdan
boshlab to‘g‘ri axloqiy rivojlanishining muhim asosi hisoblanadi. “Salomatlik
va xayrixohlikni tarbiyalashning chinakkam maktabi – bu oiladir; Otaga, onaga,
buvaga, buviga, aka-ukalariga, opa-singillariga munosabat insoniylikning sinovi
hisoblanadi”,- degan allomalarimiz. Maktabgacha ta’lim muassasasi
tarbiyachisining muhim vazifasi – ota-onalarga bola shaxsini shakllantirishda
ularning alohida rol o‘ynashlarini tushuntirishi, zarur pedagogik bilim va
ko‘nikmalarni egallashlarida ularga yaqindan yordam berishdan iborat.
Bolalarning ma’naviy kamolotini ta’minlashda mahallaning o‘rni ham kattadir.
Mahalla, avvalo, sog‘lom ijtimoiy muhitdir. Bu yerda kuchli ta’sirga ega
bo‘lgan jamoatchilik fikri mahalla ahlining xulq-atvori o‘zaro munosabatlarini
adolat va ma’naviy mezonlar asosida tartibga solib turadi.
Mahalla ijtimoiy kelib chiqishi, millati, mijozi turli xil bo‘lgan va
oilalarni tashkil qilgan odamlardan iborat. Mana shu oilalarning boshlarini
biriktirish, ularni ma’naviy va moddiy-jismoniy jihatdan mustahkamlash,
yoshlarni tarbiyalash kabi muhim vazifalar ham mahallada amalga oshadi.
Oilalarni bir jamoaga, ijtimoiy guruhga, muassasaga, aynan mahalla
birlashtiradi. Ularda ahillik, hamjihatlik, hamkorlik, hamdardlik, his-tuyg‘ularini
shakllantiradi, kamol toptiradi. Har bir fuqaroning hayotida «Shaxs-oila-
mahalla» uchligi katta ahamiyat kasb etadi. Bu sharqona turmush tarzimizning
o‘ziga xos tizimidir va eng muhimi, insonning jamiyat hayotiga singib, ijtimoiy
munosabatlar ishtirokchisiga aylanishida muhim vositadir. Insonning oilada
shakllangan imon-e’tiqodi, odobi, oriyati, vijdoni, tafakkuri mahalla muhitida
yanada yuksalib xalq manfaatlari, o‘zaro inoqlik va hamkorlik his-tuyg‘ulari
bilan uyg‘unlashib, jamiyatda sog‘lom munosabatlarning shakllanishiga olib
keladi.
1.2. Bolaning ijtimoiy va shaxs sifatida shakllanishida dialogning
ahamiyati va bolalar nutqining rivojlanish davrlari.
12](/data/documents/70965806-e8bc-4f11-92b1-11581005fce0/page_12.png)
![Bolaning nutqi kattalar nutqi asosida rivojlanib boradi. nutqning
to‘g‘ri shakllanishi atrofdagilar nutqiga, nutqiy tajribaga, to‘g‘ri nutq
muhiti va ta’lim-tarbiyaga bog‘liq. Nutq tug‘ma qobiliyat emas, balki xayot
davomida bolaning jismoniy va aqliy rivojlanishi bilan bir qatorda shakllanib
boradi. nutq buzilishlarini o‘rganish, tushunish uchun bola nutqining normal
rivojlanish yo‘lini, bu jarayonning o‘ziga xos xususiyatlarini, nutqning
muvaffaqiyatli shakllanishida katta rol o‘ynovchi sharoitni bilishi lozim. Bundan
tashqari bola nutqining rivojlanish jarayonidagi rivojlanish davrini aniq bilish
zarur. Bu esa nutqning rivojlanish jarayonidagi u yoki bu kamchiliklarni o‘z
vaqtida bilish va aniqlash uchun kerak bo‘ladi. Masalan, 1 yoshu 4 oylik bola
gapirmayapti.
Pedagog bolaning normal rivojlanishida birinchi so‘zlar qachon paydo
bo‘lishini bilsa, u xolda bu bolaning normal yoki nonormal rivojlanayotganini
hal qila oladi. Bola nutqining rivojlanish xususiyatlarini bilish, nutq
buzilishlariga to‘g‘ri diagnoz qo‘yishi uchun ham zarurdir. Ba’zi mutaxassislar
uch yoshli bolaning tovush talaffuzuzidagi kamchiliklarni bartaraf etish uchun
uni logoped qabuliga yuboradilar. Shu to‘g‘rimi? Yo‘q, albatta. Chunki, nutqi
normal rivojlanayotgan bolaga hali bu yoshda ba’zi bir tovushlarni noto‘g‘ri
talaffuzuz etish xos bo‘ladi. Bu ko‘rinish fiziologik dislaliya deb atalib, bu
yoshdagi bolalarda artikulyatsiya apparatining hali yetarli darajada
shakllanmaganligini bildiradi. Nutq kamchiliklarini bartaraf etishda to‘g‘ri va
aniq tarbiyaviy-tuzatish ish rejasinin tuzish uchun bola nutqining rivojlanish
qonuniyatlarinin yana bir karra bilish zarur xisoblanadi.
Mualliflar bola nutqining shakllanish davrlarini turlicha
ko‘rsatadilar, ularni har-xil nomlaydilar va har birining yosh chegaralarini
turlicha ifodalaydilar. 4
G. L. Rozengrad-Pupko bolada nutq rivojlanishni 2
davrga ajratadi: 1. Tayyorlov davri. ( 2 yoshgacha bo‘lgan davr) 2. nutqning
4
Qodirova F.R R.M Qodirova. ―Bolalar nutqini rivojlantirish nazariyasi va
metodikasi.T.,―Istiqlol,2006.
13](/data/documents/70965806-e8bc-4f11-92b1-11581005fce0/page_13.png)
![mustaqil shakllanish davri. A.N. Leontev bola nutqining shakllanishini 4
davrga bo‘lib ko‘rsatadi:
Tayyorgarlik davri- 1 yoshgacha.
Bog‘chagacha bo‘lgan davr- 3yoshgacha.
Maktabgacha bo‘lgan davr- 7 yoshgacha.
Maktab davri.
Bu davrlarning to‘liq tavsifi ustida to‘xtalib o‘tamiz. Shunday qilib,
Birinchi davr-tayyorgarlik davri.
Bola tug‘ilgan daqiqadan boshlab ovoz chiqaradi. Bu ovoz qichqiriq
va yig‘idan iborat bo‘ladi. To‘g‘ri, bu ovoz odam nutqidan uzoq. Lekin, ana
shu qichqiriq va yig‘i nutq apparatining 3 bo‘limini (nafas olish, ovoz xosil
bo‘lish, artikulyatsion) rivojlanishda katta rol o‘ynaydi. Ikki xafta o‘tgach, bola
gapirayotgan odamning ovoziga e’tibor bera boshlaydi. Unga gapirayotganda
quloq soladi, yig‘lashdan to‘xtaydi.
Bir oyligining oxiriga borib, uni mayin qo‘shiq (ALLA) ostida
tinchlantirish mumkin bo‘lib qoladi. Keyinchalik u boshini gapirayotgan odam
tomonga buradi yoki uni ko‘zlari bilan kuzatadi. Tez kunda bola intonatsiyaga
e’tibor bera boshlaydi: mayin gapirganda tinchlanadi, keskin intonatsiyaga
yiglaydi. Ikki oylik atrofida gu-gulash, uch oylikning boshida bug‘inlarning
talaffuzuzi paydo bo‘ladi.(aga-aga, ta-ta, ba-ba va boshqadar)
Bunda tovushlar birikmasi aniq artikulyatsiya qilinmaydi. Bola besh
oyligida tovushlarni eshitadi. Atrofdagilarning lablari artikulyatsion harakatini
ko‘rib, unga taqlid qilishga harakat qiladi. Bolaning qandaydir aniq
harakatlarni ko‘p marotaba takrorlashi harakat ko‘nikmasining
mustaxkamlanishiga olib keladi. Olti oyligidan boshlab bola taqlid qilish orqali
ba’zi bug‘inlarni talaffuzuz eta boshlaydi: na-na-na, be-be-be, da-da-da, pa-pa-
pa va boshqalar. Keyinchalik bola taqlid qilish orqali nutqning xilma-xil
elementlarini asta-sekin o‘zlashtira boshlaydi. Bunda bola nafaqat fonemalarni,
balki nutqning sur’at, ritm, ton, musiqaviyligi, ifodaliligini o‘zlashtiradi.
14](/data/documents/70965806-e8bc-4f11-92b1-11581005fce0/page_14.png)
![Ikkinchi yarim yillikda bola ba’zi bir tovushlar birikmasini idrok qila
boshlaydi va ularni predmetlar yoki harakatlar bilan bog‘laydi. (bu, ma,
bey).Bola yetti - to‘qqiz oyligida kattalar ketidan turli xil bo‘g‘inlarni qaytara
boshlaydi. O‘n – o‘n bir oyligida so‘zlarning o‘ziga reaksiya paydo bo‘la
boshlaydi. (vaziyat va gapirayotgan kishining intonatsiyasidan qat’iy nazar) Bu
vaqtda bola nutqi shakllanayotgan shart-sharoitlar muxim ahamiyat kasb eta
boshlaydi.(kattalarning to‘g‘ri nutqi va kattalarga taqlid qilish va
xakozolar).Bola xayotining birinchi yilining oxiriga kelib unda nutqiy aloqada
bo‘lish extiyoji o‘sib boradi. U bir nimani olishni, so‘rashni aytishni h ohlaydi.
Bu extiyoj bolaning butun faoliyatida ishtirok etadi va unda aktiv nutqning
paydo bo‘lishini belgilab beradi. Bir yoshning oxiridan boshlab bolada aktiv
nutq rivojlana boshlaydi. Birinchi so‘zlar paydo bo‘ladi.
Ikkinchi davr-bog‘chagacha bo‘lgan davr.(1yoshdan 3 yoshgacha)
Bolada birinchi so‘zlar paydo bo‘lgandan so‘ng tayorlov davri tugab aktiv
nutqni egallash davri boshlanadi. Bu vaqtda bola atrofdagilar
artikulliyatsiyasiga e’tibor beradi. U gapirayotganlar orqasidan so‘zlarni ko‘p
marotaba takrorlaydi va o‘zi ham so‘zlarni talaffuzuz qiladi. Talaffuz
vaqtida bola ba’zi tovushlarni noto‘g‘ri talqin etadi, o‘rnini almashtiradi yoki
o‘z nutqida qo‘llamaydi. Bu vaqtda bola bir so‘z yoki tovushlar birikmasi
bilan predmetni ham, iltimosni ham, xis-tuyg‘uni ham ifodalashi mumkin.
Bola hayotining 2-3 yiliga kelib, uning lug‘at boyligi sezilarli darajada boyib
boradi. Shuni ta’kidlash kerakki, ko‘pgina xilma-xil tadqiqotchilar bola so‘z
boyligining o‘sib borishida turli raqamli ma’lumotlarni ko‘rsatadilar. Eng keng
tarqalgan ma’lumotga ko‘ra, bolalarning lug‘at boyligini bog‘chagacha
bo‘lgan davrda o‘sishi quyidagi raqamlarni ko‘rsatadi:
1 yosh-u 6 oyda 10-15 ta, 2 yoshning og‘iriga kelib 300 ta, 3 yoshda 1000
ta so‘z. Bola hayotining uchinchi yiliga kelib, nutqning grammatik tomoni
shakllana boshlaydi. Avval bola o‘z hohishi va iltimoslarini har bir so‘z bilan
15](/data/documents/70965806-e8bc-4f11-92b1-11581005fce0/page_15.png)
![ifodalaydi. Keyinchalik 1-2 ta so‘zdan iborat sodda jumlalar paydo bo‘la
boshlaydi.
Uchinchi davr- maktabgacha bo‘lgan davr. (3 yoshdan 6 yoshgacha).
Maktabgacha bo‘lgan davrda bolalar birinchi navbatda artikulyatsion
jihatidan oson talaffuz etiladigan: lab-til undoshlari (p, b, m, f, v ) va
boshqalarni o‘rgana boshlaydilar. Artikulyatsion jixatidan talaffuzuz etish qiyin
bo‘lgan: shivirlovchi, sirg‘aluvchi (s, z, sh, j, ch ) va sonor (r, l) til orqa (k, g)
tovushlarni talaffuzini egallashga qiynaladilar. Shuning uchun bolalar bu
tovushlarni nutqda noto‘g‘ri qo‘llaydilar yoki talaffuz etmaydilar. 3-7
yoshgacha bo‘lgan davrda bolalarda eshitish malakalari rivojlanib boradi, bu
esa bolaning o‘zi talaffuzini nazorat qilishga imkoniyat yaratadi. Ba’zi hollarda
bolalar o‘z kamchiligini to‘g‘rilaydilar. Ularda fonematik idrok shakllanib
boradi.
Bu davrda lug‘at boyligining o‘sishi davom etadi. Bolaning 4-6 yoshida
uning aktiv lug‘ati 3000-4000 ta so‘zgacha yetadi. Lug‘at boyligi o‘sib
borishi bilan birgalikda nutqning grammatik tomoni ham rivojlanib boradi.
Bola hayotining 4-yiliga kelib, ular o‘z nutqlarida sodda va murakkab gaplarni
qo‘llay boshlaydilar. 5 yoshga kelib esa qo‘shma gaplardan erkin foydalana
oladilar. 5 yoshli bolalar qo‘shimcha savollarsiz xikoya va ertaklarni aytib
berish qobiliyatiga ega bo‘ladilar. Bu davrda fonematik idrok sezilarli darajada
rivojlanadi.
Bola avval unli va undoshlarni, so‘ng sonor, shovqinli va sirg‘aluvchi
tovushlarni ajrata boshlaydi. Normada 4 yoshli bola barcha tovushlarni ajrata
olishi, unda fonematik idrok shakllangan bo‘lishi lozim. Bu vaqtga kelib,
tovushlarni to‘g‘ri talaffuz o‘zining shakllanishi tugallanadi va bola har
tomonlama to‘g‘ri aniq gapira oladi.
T o’ rtinchi davr-maktab davri (7 yoshdan 17 yoshgacha). Bu davrning
o‘ziga xos tomoni shundaki, bolalar nutqining rivojlanishi oldingi davrlarga
nisbatan ongli ravishda ro‘y beradi. Bu davrda bolalar tovushlar analizi,
16](/data/documents/70965806-e8bc-4f11-92b1-11581005fce0/page_16.png)
![nutqning grammatik qonuniyatlarini egallaydilar. Bu davrda nutqning yangi
turi yozma nutq yetakchi rol o‘ynaydi. Grammatik konstruksiyalar ham
murakkablashib boradi, chunki, agar, kachonki kabi bog‘lovchilarni ishlata
boshlaydilar. Bu bolaning tafakkur jarayonlari murakkablashib borayotganligini
va bu nutqda o‘z ifodasinin topayotganligini ko‘rsatadi. Bola nutqining
rivojlanish jarayoni o‘z vaqtida to‘g‘ri kechishi uchun maxsus sharoitlar
zarurdir. Buning uchun: bola ruhiy va jismoniy jihatidan sog‘ bo‘lishi, normal
aqliy qobiliyatga ega bo‘lishi normal eshitish va ko‘rishi, yetarli darajada ruhiy
aktivlikka ega bo‘lishi, gaplashish extiyojiga ega bo‘lishi, to‘g‘ri nutq muhitiga
ega bo‘lishi lozim. Bolada nutqning normal rivojlanishi, unga doimo yangi
tushunchalarni o‘zlashtirib olishga, tevarak-atrof haqidagi bilim va
tasavvurlarini kengaytirishga imkoniyat yaratadi. Shunday qilib, nutq, uning
rivojlanishi tafakkurning rivojlanishi bilan uzviy bog‘liqdir.
Maktabgacha yoshdagi bola nutqning grammatik to‘g‘riligini
o‘stirish. Dialogni rivojlantirish nafaqat shunchaki nutqning muayyan
kompozitsion shaklini o‘zlashtirish, balki bolaning ijtimoiy va shaxs jihatdan
shakllanishining muhim tarkibiy qismi hisoblanadi. Dialogik dialog nafaqat
aloqa (intellektual mazmun) va o‘z manfaatlariga yo‘nalishni, balki sherikning
nuqtayi nazarini, uning qiziqishlari, istaklari, kayfiyatini hisobga olishni ham
ko‘zda tutadi. Bolalar bunday tajribani kooperativ tusdagi faoliyat (birgalikda
yasash, chizish, jamoa o‘yinlarini o‘ynash) natijasida to‘playdilar.
Tengdoshlari bilan dialog qilishda bola nutqi mazmundorlikka (dialog
vaziyatidan qat’i nazar) dalolatdir. Maktabgacha yoshdagi katta bolalarning
dialogik negizida nutqning yangi shakli – monolog tug‘iladi va shakllanadi. U
bolaning o‘z fikrlari, his-tuyg‘ulari, atrof-muhit haqidagi bilimlarini
o‘rtoqlashish istagi oqibatida vujudga keladi. Bunda nutq qisqa hikoya shakliga
ega bo‘ladi. Hikoyada, albatta, bolani lol qoldirgan va uni hayajonga solgan
biron-bir qiziq hodisa (tabiat qo‘ynidagi qiziqarli uchrashuv, ukasining kulgili
harakatlari va h.k.) aks etadi.
17](/data/documents/70965806-e8bc-4f11-92b1-11581005fce0/page_17.png)
![Maktabgacha yoshdagi bolalar tanish ertaklarni, multfilmlar mazmunini
aytib berishni, o‘qiganlarini so‘zlab berishni xush ko‘radilar. Maktabgacha
yoshdagi katta bolalarning eng muhim yutug‘i – jaranglayotgan nutqqa
qiziqishning shiddat bilan rivojlanishi, til faoliyatini eng oddiy anglashning
shakllanishidir. So‘zga nisbatan lingvistik munosabat dabdurustdan tovush,
qofiya, mazmun bilan o‘tkaziladigan o‘yinlarda, so‘z ahamiyati haqidagi
savollarda, ularning jarangdorligi va mazmunida ko‘rinadi. Til voqeligini
anglash uning barcha tomonlarini - fonetik, leksik, grammatik tomonlarini
qamrab oladi. So‘zga nisbatan ongli munosabat lug‘atni takomillashtirishga
(antonimlar, sinonimlar, ko‘p ma’noli so‘zlarni tushunish), nutqning tovush
madaniyatini rivojlantirishga (tovush talaffuzi, tinglash qobiliyati, intonatsiya
ifodaviyligi), nutqning grammatik to‘g‘riligini shakllantirishga (morfologiya,
so‘z yasash, sintaksis), ravon nutqni rivojlantirishga ta’sir ko‘rsatadi. Lug‘atni
rivojlantirishda uning sifat jihatidan takomillashtirilishi oldingi o‘ringa chiqadi.
Bu antonimiya (o‘tkir-o‘tmas, achchiqchuchuk), sinonimiya (o‘tkir, uchkir,
charxlangan), ko‘p ma’nolilik (o‘tkir pichoq, achchiq qalampir, o‘tkir til) kabi
hodisalarni tushunish va ulardan nutqda faol foydalanishga taalluqlidir. Bolalar
tabiat hodisalari, narsalar, insonlarning xatti-harakatlarini taqqoslashda turlicha
va umumiy xususiyatlarni ajratishni hamda aksil va yaqin ma’noli so‘zlar,
qiyoslashlar, aniq fe’llar, o‘xshatishlar yordamida ularni nutqqa olib kirishni
o‘rganadilar. So‘z yasashda sinonim yoki antonimni tanlab olish usullari
bolalarni ko‘p ma’noli so‘zlar bilan tanishtiradi.
Buyumlar funksiyalarini taqqoslash asosida umumlashtiruvchi nomlar
shakllanadi (hayvonlar, idish-tovoqlar, transport va h.k.). Maktabgacha davrdagi
katta yoshda nutqning grammatik jihatdan to‘g‘riligini shakllantirish nutqqa
nisbatan tanqidiy munosabatning paydo bo‘lganligi va rivojlanganligi, aniq va
to‘g‘ri gapirishga intilish bilan bog‘liqdir. To‘g‘rilikka intilish grammatikaning
barcha sohalarida, ya’ni – morfologiyada (shaklning aniq shakllanishida, ko‘p
turdagi shakllarni o‘zlashtirishda), so‘z yasashda (non uchun – nondon, tuz
18](/data/documents/70965806-e8bc-4f11-92b1-11581005fce0/page_18.png)
![uchun – tuzdon), sintaksisda (og‘zaki nutq tuzilmasini bartaraf etish: «va»
bog‘lovchisini ko‘p marta qo‘llash orqali gapni «cho‘zish» hamda bir gapda
to‘g‘ridan-to‘g‘ri va bilvosita nutqni aralashtirib yuborish) paydo bo‘la
boshlaydi. Nutqning grammatik to‘g‘riligiga intilish bola hayotining yettinchi
yilida ro‘y beradi. Besh yoshli bola hali ham ishtiyoq bilan grammatik shakllarni
o‘ynaydi va aynan so‘z bilan amalga oshirilayotgan ana shu sinovgina nutqning
grammatik to‘g‘riligini yanada rivojlantirish uchun shart-sharoit yaratadi.
Lug‘atni rivojlantirish, nutqning tovush madaniyatini tarbiyalash,
grammatik to‘g‘rilikni shakllantirish ravon nutq tuzish usullarini o‘zlashtirish
(bog‘lovchilar, o‘rin-hol, leksik takrorlashlar, sinonimlar yordamida gaplarni
bog‘lash vositalari; tavsiflash, bayon qilish tuzilmasi) bilan uzviy bog‘liqdir.
Ko‘p turdagi vazifalarni bajarish munosabati bilan dialogik nutq negizida
rivojlangani holda nutqning barcha jihatlari tilni anglashni shakllantirishga
to‘g‘ridan-to‘g‘ri bog‘liq holda bo‘ladi hamda buning uchun bolaning katta
bilan muayyan shakldagi dialog turiga muhtoj bo‘ladi. Bu nafaqat tashqi dunyo
va boshqa odamni anglashga, balki tilning o‘zini, uning tuzilishi va faoliyat
yuritishni anglashga ham yo‘naltirilgandir. Nutqiy rivojlanishning o‘ziga xos
xususiyatlari kirishuvchanlik ko‘rinishlarida hamda ayni paytda til va ravon
nutqni egallash sur’atida ifodalanadi.
Ko‘pchilik bolalar o‘z harakatlarini sharhlashni, atrofdagilar e’tiborini
o‘ziga jalb qilishni xush ko‘radilar. Bunda ayrim bolalarda nutqiy dialog amaliy
faoliyat bilan zid keladi va buning natijasida bunday ko‘p gapiruvchi bolakay
ish bajarishda guruhdagi boshqa bolalardan ortda qola boshlaydi. Unchalik
kirishimli bo‘lmagan bolalar ham so‘zlaydilar, lekin odatda ular amaliy
vazifalarni tez va to‘g‘ri hal etadilar. Ravon nutqning paydo bo‘lish muddati va
mahsuldorligi ham farq qilishi mumkin.
Ilk turdagi nutqiy rivojlanishda maxsus tayyorgarliksiz hikoya qilib
berish 4–5 yoshdan boshlanadi. Bolalar sehrli ertaklarni, bo‘lgan voqealarni bir-
birlariga so‘zlab beradilar, o‘yinchoqlardan foydalangan holda o‘ziga xos
19](/data/documents/70965806-e8bc-4f11-92b1-11581005fce0/page_19.png)
![hikoyalar to‘qiydilar. Agarda bola yetti yoshida tanish an’anaviy ertakni
(«Zumrad va Qimmat») mustaqil hikoya qilib bera olsa, o‘yinchoqlar, suratlar
asosida kichik og‘zaki insho to‘qiy olsa – bu hammasi me’yoridaligidan
dalolatdir. Bolalarning o‘z tashabbusiga ko‘ra, yoki kattalarning taklifiga ko‘ra
hikoya qilib berishga qiziqishini qo‘llab-quvvatlash, ertaklar, suratlar va o‘z
shaxsiy tajribasiga oid taassurotlarning so‘zdagi mazmunini qisqa hikoya,
mulohaza, tavsiflar yordamida ifodalashni o‘rgatish ravon nutqning paydo
bo‘lish omilidir.
Dabdurustdan tug‘ilgan so‘z ijodkorligida, tovushlar va qofiyalar bilan
o‘tkaziladigan o‘yinlarda, so‘zlar bilan amalga oshiriladigan sinovlarda,
ularning jarangdorligi va ahamiyati, so‘zlar mazmunini talqin qilishda ko‘zga
tashlanadigan so‘zlarga qiziqishni qo‘llab-quvvatlash. Til voqeligini eng oddiy
anglashni rivojlantirish, bolalarni “tovush”, “so‘z”, “gap” atamalari bilan
tanishtirish. Yuqorida bayon qilinganlar asosida shunday xulosaga kelish
mumkinki, maktabgacha bo‘lgan bosqichdagi katta yoshga yetib bola hayotining
eng muhim davrlaridan biri – uning birinchi “dorilfununi” nihoyasiga yetadi.
Ammo haqiqiy dorilfunun talabasidan farqli ravishda bola birdaniga barcha
fakultetlarda ta’lim oladi. U jonli va jonsiz tabiat sirlarini o‘rganadi (albatta,
imkon darajasida), matematikadan dastlabki saboq oladi. Shuningdek, eng oddiy
notiqlik kursini ham o‘taydi, o‘z fikrlarini mantiqan va ifodali bayon qilishni
o‘rganadi. Filologiya fanlarini o‘rganish natijasida nafaqat badiiy adabiyot
asarlarini emotsional qabul qilishni, uning qahramonlariga qayg‘urishni, balki
badiiy ifodalilikka oid til vositalarining eng oddiy shakllarini his qilish va
tushunish ko‘nikmalariga ham ega bo‘ladi. Bola kichik tilshunosga aylanadi,
chunki u nafaqat so‘zlarni to‘g‘ri talaffuz qilish va gap tuzishni, balki so‘zlar
qaysi tovushdan va gaplar qaysi so‘zlardan tashkil topishini anglab olishni
o‘rganadi. Bularning barchasi maktabda muvaffaqiyatli ta’lim olish, bola
shaxsini har tomonlama kamol toptirish uchun zarurdir.
20](/data/documents/70965806-e8bc-4f11-92b1-11581005fce0/page_20.png)
![Dialogik nutqni rivojlantirishga doir maxsus mashg‘ulotlarning
ahamiyati. Nutqda eng muhim metod bu dialogik nutq, ya’ni bolalar bilan
so‘zlashishdir. So‘zlashish og‘zaki nutqning eng oddiy shakli bo‘lib, unda bola
o‘zini tutishi, ko‘z qarashi, xatti harakati, ovozining past-balandligi, tezligi kabi
turli holatlar hisobga olinadi. So‘zlashish – dialogik nutq, asosan kattalar
yordamida amalga oshiriladi va u ayniqsa, tevarak-atrofni bilish jarayonida
yaxshi natijalar beradi. Jumladan, jamoat joylarida, ko‘pchilik o‘rtasida nutq
madaniyatiga rioya etishga e’tibor qaratiladi. Bunda bir-birining nutqini to‘ldirib
borish, tuzatishlar kiritish, so‘rash, so‘rab bilib olish dialogik nutqqa
o‘rgatishning usullari sanaladi.
Dialogik ravon nutqni rivojlantirishga doir maxsus mashg‘ulotlardan
biri suhbat metodi quyidagi usullar yordamida amalga oshiriladi:
Tayyorgarlik suhbati (so‘zlashish) usullari;
Teatrlashtirish usullari (imitatsiya, qayta aytib berish).
Suhbatning quyidagi vazifalari mavjud: Bolalarni t o‘g‘ridan to‘g‘ri
suhbatlashishga, ya’ni suhbatdoshi so‘zlarini bo‘lmasdan tinglash, luqma
tashlash uchun qulay paytni kutgani holda o‘zini tutib turish, suhbatdoshi uchun
tushunarli qilib so‘zlash.
Yo‘ldosh – talaffuz va grammatik ko‘nikmalarni mashq qilish, ma’lum
so‘zlar ma’nosini aniqlashtirish.
Suhbat jarayonida tarbiyachi savollar, topishmoqlar, badiiy so‘z kabi
turli usullardan foydalanadi.
Mashg‘ulot ishlanmasi:
Mavzu: Jamoa hayotidan hikoya tuzish: «Bizning maktabgacha ta’lim
muassasamiz».
Maqsad: Tarbiyachining rejasi asosida shaxsiy hayotda bo‘lgan
voqealarni hikoya qilib so‘zlab berishga o‘rgatish.
Vazifalar: Shaxsiy hayot (tajriba)dan tugallangan hikoya tuzish
malakasini shakllantirish.
21](/data/documents/70965806-e8bc-4f11-92b1-11581005fce0/page_21.png)
![Gapirayotganda so‘zlarni bir-biriga bog‘lab, jumlalar tuzish malakasini
mustahkamlash.
Aytilgan jumlani qanday holat (kayfiyat)da aytilganini aniqlash (xafa,
xursand).
Tovushga xos xususiyatlarni aniqlash.
Kutilayotgan natijalar: Shaxsiy hayot (tajriba)dan tugallangan hikoya
tuzish malakasi shakllanadi. Gapirayotganda so‘zlarni bir-biriga bog‘lab,
jumlalar tuzishga o‘rganadilar. Tovushga xos xususiyatlarni bilib oladilar.
Kerakli jihozlar: Mavzuga oid rasmlar. Stol, stul, rangli qog‘oz va qalamlar,
o‘yin ishtirokchilari.
Bolalarga keng yoyilgan fikr tuzishni o‘qitishda tarbiyachi ularda matn
tuzilmasi (boshi, o‘rtasi, oxiri) haqidagi eng oddiy bilimlarni, gap bilan fikrning
tarkibiy qismlari o‘rtasidagi aloqalar haqidagi tasavvurni shakllantirishi zarur.
Aynan ushbu ko‘rsatkich (gaplar o‘rtasidagi aloqa vositasi) nutqiy fikrning
ravonligini shakllantirishning muhim shartlaridan biri sifatida ishtirok etadi. Har
qanday tugallangan fikrda iboralarni bog‘lashning keng tarqalgan variantlari
mavjud bo‘ladi. Gaplarni bog‘lashning eng keng tarqalgan usuli – bu zanjirli
aloqadir. Olmosh, leksik takrorlash, sinonimik jihatdan o‘rin almashish mazkur
aloqaning asosiy vositalari hisoblanadi. Zanjirli aloqa nutqni yanada
moslashuvchan va rangbarang qiladi, chunki bola bu usulni egallar ekan, bir
so‘zni qayta takrorlashdan qochadi. Pedagog bolalarga gaplarni parallel ravishda
bog‘lashni o‘rgatishi zarur, bunda gaplar bir-biriga ulanmaydi, balki
taqqoslanadi yoki hatto qarama-qarshi qo‘yiladi (Kuchli shamol esardi. Quyon
iniga yashirinib oldi). Maktabgacha katta yoshdagi bolalarga ravon matnlar
tuzishni o‘rgatishda ularda mavzuni va aytilgan so‘zning asosiy fikrini ochib
berish, matnga sarlavha qo‘yish qobiliyatini rivojlantirishga alohida e’tibor
qaratish zarur.
Kattalar bilan bolalarning birgalikdagi so‘z ijodkorligi monologik nutqni
rivojlantirishning asosiy sharti hisoblanadi. Endigina besh yoshga to‘lgan
22](/data/documents/70965806-e8bc-4f11-92b1-11581005fce0/page_22.png)
![bolalar tanish ertaklarni hikoya qilib berish, voqealar to‘qish, shaxsiy
tajribasidan so‘zlab berishga qiziqishni namoyon qiladilar. Katta yoshli kishi
yo‘naltiruvchi va aniqlashtiruvchi savollarni berish, o‘yin vaziyatlarini yaratish
orqali bola tashabbusini qo‘llab-quvvatlashi darkor. Pedagogning sekingina
hikoya mazmunini, rejasini, voqealarning ehtimoliy rivojini, so‘z shaklini aytib
qo‘yishi birgalikdagi so‘z ijodkorligida muhim ahamiyatga egadir.
Axborotni uzatish yoki uni bayon qilish usullariga ko‘ra fikr
bildirishning quyidagi turlarini ajratish mumkin: Tasvirlash, bayon qilish
mulohaza, ular maktabgacha yoshdagi bolalarning ravon fikrlarida
kontaminatsiyalangan (aralash) ko‘rinishda uchrashi mumkin, ya’ni ularda
tasvirlash (mulohaza) usullari bayon qilishga qo‘shilib ketadi (va aksincha). Har
xil turdagi matnlar tuzishni o‘qitishni ishlarning suhbat, o‘zining va
begonalarning matnini tahlil (baholash) qilish, reja tuzish va u bo‘yicha hikoya
qilish, matn sxemasidan (modelidan), turli xil mashqlardan foydalanish kabi
shakllarda amalga oshirish tavsiya etiladi.
1. 3 . Ravon nutqini rivojlantirish
Ravon nutq – bu kishilarning muloqotini va o‘zaro bir-birlarini
tushunishlarini ta’minlovchi mazmunan keng yoyilgan fikrdir. Ravon nutqni
fikrlar dunyosidan ajratib bo‘lmaydi: ravon nutq bu fikrlar ravonligidir, unda
bolaning mantiqiy fikrlash, o‘zi qabul qilayotganlarini mulohaza qilish va ularni
to‘g‘ri ifodalash qobiliyati aks etadi. Ravon nutqni shakllantirish, uning
vazifasini o‘zgartirish murakkablashib borayotgan bola faoliyati oqibati bo‘lib, u
bolaning atrofdagilar bilan muloqotga kirishish sharoiti, muloqot shakliga
bog‘liq bo‘ladi.
Maktabgacha yoshda u muloqot va ta’lim jarayonida shakllanadi. Ravon
nutqning shakllanishi ilk yoshdan boshlab asta-sekin ro‘y beradi. Bolalar
hayotining dastlabki yetti yilida atrofdagi kishilar bilan muloqot vositasi sifatida
23](/data/documents/70965806-e8bc-4f11-92b1-11581005fce0/page_23.png)
![nutqning paydo bo‘lishi va uni rivojlantirish jarayoniga alohida e’tibor qaratish
zarur. Har bir kishi hayotida ravon nutq muhim ahamiyatga ega bo‘lib, u uchta
asosiy vazifani bajaradi: individuallararo, ichki individual va umuminsoniy. Til
millatning noyob xazinasi bo‘lib, doimo og‘zaki va yozma holda, namoyon
bo‘lgan. Boy, yorqin, maroqli nutq so‘zlayotgan kim bo‘lishidan qat’i nazar,
nuri hisoblanadi. Tilning olijanob imkoniyatlar nutq orqali nutq jarayonida
ochiladi. Nutq bo‘lmas ekan tilning cheksiz imkoniyatlari yuzaga chiqmay
qolaveradi.
So‘z va g‘azal sultoni A.Navoiy til va nutq munosabatlarini shunday
izohlaydi. “Til shuncha sharafi bilan nutqning qurolidir. Agar nutq noma’qul
bo‘lib chiqsa tilning manfaatidir". Demak, til qanchalik zo‘r bo‘lmasin, u nutq
uchun qurol sifatida xizmat qilar ekan. Uning kuch, qudrati nutq jarayonida
namoyon bo‘lar ekan. Agar til o‘q bo‘lsa, nutq kamondir. O‘qning qudrati,
kamonning qudratiga ham bog‘liq. Ma’lumki til inson aqlining, faoliyatining
eng oliy va asosiy vositasidir. Chunki insonni boshqa jonzotlardan ajralib
turadigan ham til emasmi?! Shunday ekan, inson aqliy faoliyatining eng oliy
mahsullari tafakkur mevalari til, nutq orqali ro‘yobga chiqadi. Til tafakkur
mahsulining hayotga tatbiq etilish vositasi bo‘luvchi qudratli quroldir. Nutq
vazifasi uning ontogenezdagi haqiqiy rivojlanish jarayoni bosqichini aks ettiradi,
ularning har biri o‘ziga xos xususiyatlarga egadir:
1-vazifasi – individuallararo – kishilar o‘rtasidagi muloqot vositasidir.
Ushbu holatda nutq og‘zaki nutq – monolog, dialog, bir nechta odamlar suhbati
sifatida chiqadi.
2-vazifasi – ichki individual – bu yerda nutq ko‘plab ruhiy jarayonlarni
(fikrlash, diqqat-e’tibor, xotira, tasavvur va boshq.) aniq-tiniq anglash darajasiga
ko‘targani hamda shaxsga ruhiy jarayonlarni tartibga solish va nazorat qilish
imkonini bergani holda ularni amalga oshirish vositasi bo‘lib xizmat qiladi.
3-vazifasi – umuminsoniy – bu o‘rinda nutq alohida bir odamga
umuminsoniy ijtimoiy-tarixiy tajriba xazinasidan axborot olish imkonini beradi.
24](/data/documents/70965806-e8bc-4f11-92b1-11581005fce0/page_24.png)
![Ushbu holatda u grafik ramzlar va belgilarda moddiylashtirilgan yozma nutqdir.
5
Ta’lim muassasalarida o‘qitish ikki shaklda amalga oshiriladi: a)
erkin nutqiy muloqotda; b) maxsus mashg‘ulotlarda . Dialog ko‘proq erkin
nutqiy muloqotda paydo bo‘ladi va u bolalar lug‘atini boyitishning talaffuzga
oid grammatik ko‘nikmalarini tabiiy ravishda rivojlantirish bazasi, ravon nutq
ko‘nikmalariga ega bo‘lish bazasi hisoblanadi. Dialog maxsus mashg‘ulotlarda
o‘qitiladi (oyiga 1–2 ta mashg‘ulot); Ta’lim muassasalarida bo‘lib turgan vaqti
mobaynida bola erkin muloqotda pedagog va boshqa bolalar bilan muloqotga
kirishadi. Uyda esa kattalar bola bilan turli mavzularda dialogga kirishishlari
lozim. Dialogik nutqni (yoki og‘zaki nutqni) o‘rgatish odatda suhbat shaklida,
ya’ni kattalar bilan bola o‘rtasida hamda bolalarning o‘zlari o‘rtasida fikr
almashish shaklida ro‘y beradi.
Dialogik ravon nutqni rivojlantirishga doir maxsus mashg‘ulotlar suhbat
metodi (suhbat) va imitatsiya metodi asosida o‘tkaziladi. Mazkur metodlar
ko‘pincha quyidagi usullar yordamida amalga oshiriladi: Tayyorgarlik suhbati
(so‘zlashish) usullari; Teatrlashtirish usullari (imitatsiya, qayta aytib berish).
Tayyorlangan suhbatning quyidagi vazifalari mavjud: To‘g‘ridan-to‘g‘ri
bolalarni suhbatlashishga, ya’ni suhbatdoshi so‘zlarini bo‘lmasdan tinglash,
luqma tashlash uchun qulay paytni kutgani holda o‘zini tutib turish, suhbatdoshi
uchun tushunarli qilib so‘zlash; Yo‘ldosh – talaffuz va grammatik ko‘nikmalarni
mashq qilish, ma’lum so‘zlar ma’nosini aniqlashtirish. Suhbat jarayonida
tarbiyachi savollar, topishmoqlar, badiiy so‘z kabi turli usullardan foydalanadi.
Bu usullarning barchasi suhbat paytida bilimlarni o‘zlashtirish jarayonini
yo‘naltirish, nutqiy muloqotni ta’minlash, bolalar fikrlarini, ularning diqqat-
e’tiborlarini, xotiralarini, emotsiyalarini faollashtirishga yordam beradi. 2.
Ravon nutq mohiyati. Maktabgacha yoshdagi bolalarga nisbatan nutqning ikki
shaklini – dialogik va monologik shakllarini ko‘rib chiqish lozim. Dialog ikki
5
Qodirova R.M Maktabgacha yoshdagi bolalarda dialogik nutqni rivojlantirishning ruhiy
omillari. Qoz.,Sariog‘och, 1998.
25](/data/documents/70965806-e8bc-4f11-92b1-11581005fce0/page_25.png)
![yoki bir necha so‘zlovchining biron-bir vaziyat bilan bog‘liq mavzudagi
fikrlarining almashinuvi bilan tavsiflanadi.
Dialogda, yuklamalardan foydalanilgan holda, sintaksik jihatdan sodda
bo‘lgan darak, undov (iltimos, talab), so‘roq gaplarning barcha turlari namoyon
etilgan. Til vositalari imo-ishoralar, mimika bilan kuchaytiriladi.Tarbiyachi
shunday vaziyatni yaratishi kerakki, unda bolalar turli xil til vositalaridan
foydalangan holda dialog tuzish– so‘rash, javob berish, tushuntirish, iltimos
qilish, luqma tashlash va h.k. zaruratiga duch kelsin. Ushbu maqsadda bolaning
oiladagi, maktabgacha ta’lim muassasasidagi hayoti, uning do‘stlari va kattalar
bilan munosabatlari, uning qiziqishlari va taassurotlari bilan bog‘liq turli xil
mavzularda suhbat o‘tkazishdan foydalanish lozim. Aynan dialogda
suhbatdoshni tinglash, savollar berish, mazmundan kelib chiqqan holda javob
berish qobiliyati rivojlanadi. Qayd etilgan malaka va ko‘nikmalar monologik
nutqni rivojlantirish uchun ham zarurdir.
Tengdoshlar bilan dialogik muloqotni yo‘lga qo‘yish uchun kooperativ
tusdagi faoliyat muhim ahamiyat kasb etadi. Mazkur faoliyat astasekinlik bilan
shakllanadi. Dastlab bolalar ro‘y berayotgan hodisalarni sharhlagan holda,
yaqinda turib harakat qiladilar. Ushbu vaziyatda nutq tengdosh bolaning mavjud
bo‘lishi va u bilan so‘zlashish imkoniyati orqali rag‘batlantiradi hamda u o‘z
faoliyatini rejalashtirish va tashkil etish, shuningdek, ijtimoiy muloqot o‘rnatish
funksiyasini bajaradi. Bolalar o‘rtasidagi muloqot asosan amaliy xususiyatga
ega. Dialog ko‘pincha shunday shaklga olib boriladiki, bunda bola sherigining
qisqa luqmalariga harakat bilan javob beradi yoki ro‘y berayotgan hodisaga
nisbatan o‘z munosabatini nonutqiy vositalar yordamida ifodalaydi. Ular orqali
bolalar bir-biriga e’tibor berishni, do‘stlarini tovushidan bilib olishni, tashqi
ko‘rinish detallarini sezishni, nutqiy muloqot qilishni o‘rganadigan ko‘plab xalq
o‘yinlari mavjud. Dialog muloqotini yo‘lga qo‘yish uchun stol o‘yinlari va chop
etilgan («loto», «domino») o‘yinlardan foydalanish tavsiya etiladi. Juft bo‘lib
o‘ynashda bolalar dialogik hamkorlik qilish usullarini: navbatga rioya qilish, bir-
26](/data/documents/70965806-e8bc-4f11-92b1-11581005fce0/page_26.png)
![biriga xushmuomalalik bilan murojaat qilish, o‘z nuqtayi nazarini dalil-isbotlar
bilan himoya qilish, fikrlarini sherigi bilan muvofiqlashtirishni o‘rganadilar.
Bunday o‘yinlarda biluvchanlikning asosi sifatida nutqiy topshiriqlarning har xil
turlari ishtirok etishi mumkin, masalan: berilgan tovushli so‘zlarni tanlab olish,
akustik va artikulatsion jihatdan bir-biriga yaqin bo‘lgan tovushlarni
tabaqalashtirish, umumlashtiruvchi nomlarni tasniflash, rasmlar turkumi asosida
birgalashib hikoya qilish va h.k.
Maktabgacha ta’lim muassasalarida bolalarni ravon nutqqa
o‘rgatish. Bolalarda ravon nutqni rivojlantirish maktabgacha ta’lim
muassasasining asosiy vazifasi hisoblanadi, maktabgacha yoshning nihoyasiga
kelib bola kattalarga xos bo‘lgan og‘zaki nutqning asosiy shakllarini egallashi,
ya’ni ravon nutqning ikki shakli – dialogik va monologik nutqni egallab olishi
shart. Maktabgacha ta’lim muassasasining vazifasi bolalarda ravon so‘zlashuv
nutqni (dialogik nutq) va monologik nutqni rivojlantirishdan iborat. So‘zlashuv
nutqini shakllantirish vazifasi ko‘p qirrali. Maktabgacha bosqichdagi kichik
yoshli bolalarda ularga qaratilgan nutqni tinglash va tushunish, bir-birini
tinglash, savollarga javob berish va o‘zi ham savollar berishi, suhbat mavzusi
bo‘yicha izchil javob berish qobiliyati shakllanadi. Nutqning ushbu ikki turlari
o‘rtasidagi farq matn ichidagi gapning mantiqiy aloqa turi bilan belgilanadi.
Monolog doimo vaqtli yoki sabab-oqibatli aloqada bo‘ladigan (bir-biriga
nisbatan) borliq faktlari haqida xabar qiladi. Vaqtinchalik aloqa ikki tomonlama
bo‘lishi mumkin: faktlar haqiqatan ham bir vaqtdalik yoki ketma-ketlik
munosabatlarida bo‘lishi mumkin. Bir vaqtning o‘zida mavjud bo‘ladigan
faktlar haqidagi xabarlar tavsif deb ataladi. Faktlar ketma-ket keladigan xabar
bayon qilish deyiladi. Sabab-oqibatli munosabatlarda bo‘lgan faktlar haqidagi
xabarlar esa mulohaza deb yuritiladi. Ilk yoshda bola ravon nutqni eshitadi.
Dastlab bu unga nisbatan aytilgan luqmalar, so‘ngra esa ertaklar, hikoyalar,
kattalarning monologik nutqlari bo‘ladi.
27](/data/documents/70965806-e8bc-4f11-92b1-11581005fce0/page_27.png)
![Ravon nutqdan til elementlari – tovushlar, morfemalar, so‘zlar, gaplarni
ajratib olar ekan, bola ravon matnda har bir til elementining o‘rnini eslab qoladi,
bu esa ilk yoshdan boshlab nutqdan oldingi mashqlar boshlanadigan til
sezgilarini rivojlantirish jarayonini tashkil etadi. Ma’lumki, ravon nutqda
bolalarning boshqalar bilan voqeahodisalar ta’siri natijasida o‘zaro munosabati,
aloqasi ifodalanadi. Bu ifoda bir yoki bir necha jumlalarda o‘z aksini topishi
mumkin. Ravon nutqning shakllanishida bolaning tevarak-atrof bilan
munosabati, muomala shakli katta rol o‘ynaydi. Maktabgacha katta yoshdagi
bolalarda ravon nutqni rivojlantirishda ancha-muncha tajriba, malaka va
ko‘nikmalar mavjud bo‘lganligini hisobga olib, ularda ravon nutqni
shakllantirishda, avvalo, ertaklar matnini tinglashda nimalarga e’tibor berishimiz
kerakligini aniqlab olishimiz zarur. Bular, avvalo, ona Vatan haqida dastlabki
tasavvurlarni shakllantirishdan boshlanadi.
Unda «Maktabgacha ta’lim muassasalari uchun dastur»da bolalarni buyuk
siymolar, sarkardalar, ulug‘ mutafakkirlar haqida bilim berish nazarda tutilgan.
Ana shularning barchasi bolalarning milliy qadriyatlarimiz haqidagi bilimlarini
aniqlash, mustahkamlash va kengaytirish asosida ravon nutqni rivojlantirishga
yordam beradi.
Maktabgacha ta’lim muassasalarida bolalarni ijodiy hikoya tuzishga
o‘rgatish:
Mavzu: “Men yoqtirgan fasl”
Maqsad: Shaxsiy tajribaga asoslanib ravon nutqni rivolantirish mantiqiy
rivojlanib boruvchi hikoya tuzish qobiliyatlarini rivojlantirish.
Vazifalar: Shaxsiy hayot (tajriba)dan tugallangan hikoya tuzish
malakasini shakllantirish, sabzavot va mevalar bo‘yicha lug‘atini faollashtirish,
topishmoqlar mazmuniga tushunishga o‘rgatish, maqoldagi so‘zlarni aniq va
burro aytish.
28](/data/documents/70965806-e8bc-4f11-92b1-11581005fce0/page_28.png)
![Kutilayotgan natijalar: Shaxsiy hayot (tajriba)dan tugallangan hikoya
tuzish malakasi shakllanadi, hikoya to‘qishga qiziqish uyg‘onadi, topishmoq,
maqollar mazmunini tushunib oladilar.
Kerakli jihozlar : To‘rt faslga oid katta rasmlar, to‘rt faslga oid qirqma
rasmlar.
Mashg‘ulotning borishi. Tarbiyachi: Bolalar hozir qanday fasl? (Qish)
Qish faslida qanday o‘zgarishlar ro‘y beradi? Sizga qaysi fasl ko‘proq yoqadi?
Nima uchun yoqadi? Bugun biz “Men yoqtirgan fasl” mavzusida qisqa va
tugallangan hikoya tuzishni o‘rganamiz. Kelinglar, bolalar hozir biz kichik
guruhlarga bo‘linib olamiz.
– Bir yilda nechta fasl bor? (4ta fasl).
– Demak, biz to‘rt guruhga bo‘linamiz.
Bolalar guruhlarga bo‘linish uchun bahor, yoz, kuz va qish fasllari
tasvirlangan suratlarning qirqma bo‘laklarini oladilar. Ular o‘z fasllariga tegishli
tasvirlarning qirqma bo‘laklarini yig‘ish bilan guruhlarga bo‘linib oladilar. 1-
guruh bolalari bahor faslini, 2-guruh bolalari yoz faslini, 3-guruh bolalari kuz
faslini, 4-guruh bolalari qish faslining qirqma bo‘laklarini yig‘adilar. Natijada
har bir guruhda katta fasl tasviri hosil bo‘ladi. Har bir guruh o‘z fasllari haqida
hikoya tuzishlari kerak. Hikoya yakunida shu fasl haqida she’rlar, topishmoqlar
aytishlari mumkin.
Bolalar hikoya tuzishda qiynalsalar tarbiyachi hikoya namunasini beradi.
Tarbiyachi: Men uchun sevimli fasl kuz. Kuzda shamol g‘ir-g‘ir esib turadi.
Osmon toza va beg‘ubor bo‘ladi. Bog‘larda kuzgi mevalar pishib yetiladi.
Paxtazorlarda paxtalar oppoq bo‘lib ochiladi. Dala va bog‘larda ish qizg‘in
bo‘ladi. Mevalar teriladi, kartoshka, piyoz, sabzi kabi sabzavotlar birin-ketin
kovlanadi. Paxtalar teriladi. Bolalarning tuzgan hikoyalari bo‘yicha guruhlar
taqdimoti o‘tkaziladi. Har bir guruhning tuzgan hikoyalari tinglanadi va
rahbatlantiriladi.
Tetiklashtiruvchi mashqlar
29](/data/documents/70965806-e8bc-4f11-92b1-11581005fce0/page_29.png)
![Quyosh
Erta tongda
Quyosh turib
Bolalarni erkalaydi,
Boshlarini silaydi.
Bilaklar ichki tarafi bilan bir-biriga tekkiziladi. Barmoqlar quyosh nurlari
kabi keng yoyilgan holatda bo‘ladi.
Tarbiyachi bolalarga fasllar haqida maqollar ayttirib mashg‘ulotni
tugatishi mumkin.
1. Qish g‘amini yozda ye.
2. Bahorgi harakat - kuzgi barakat.
3. Yozgi mehnat - qishgi rohat.
4. Yer haydasang kuz hayda, Kuz haydamasang yuz hayda.
Bolalar bilimini tekshirish va mustahkamlash uchun savollar:
1. Bir yilda nechta fasl bor?
2. Siz qaysi faslni yoqtirasiz?
3. Mehnat haqida maqollar aytib bering.
4. Til tafakkur quroli va muomala vositasi. Til millatning noyob xazinasi
bo‘lib, doimo og‘zaki va yozma holda namoyon bo‘lgan. Boy, yorqin, maroqli,
nutq so‘zlayotgan kim bo‘lishidan qat’i nazar, uning nuri hisoblanadi. Tilni
olijanob imkoniyatlari nutq orqali, nutq jarayonida ochiladi. Nutq bo‘lmas ekan
tilning cheksiz imkoniyatlari yuzaga chiqmay qolaveradi.
So‘z va g‘azal sultoni A. N a voiy til va nutq munosabatlarini shunday
izohlaydi. «Til shuncha sharafi bilan nutqning qurolidir. Agar nutq noma’qul
bo‘lib chiqsa tilning manfaatidir».Demak, til qanchalik zo‘r bo‘lmasin, u nutq
uchun qurol sifatida xizmat qilarkan. Uning kuch qudrati nutq jarayonida
namoyon bo‘lar ekan. Agar til o‘q bo‘lsa, nutq kamondir. O‘qning qudrati,
kamonning qudratiga ham bog‘liq.
Buyuk bobomiz A. Novoiy so‘zga shunday baho berganlar.
30](/data/documents/70965806-e8bc-4f11-92b1-11581005fce0/page_30.png)
![“So‘zdirki, nishon berur o‘likka jondin,
So‘zdirki, berur jonga xabar jonondin.
Insonki so‘z ayladi judo hayvondin,
Balki, guhari sharifroq yo‘q ondin”.
Qadimgi sharq pedagogikasining ajoyib asarlaridan biri “Qobusnoma”da
ham til va nutqqa alohida e’tibor berilganki, ular hozir ham o‘z ahamiyatini
yo‘qotmaganini ko‘ramiz. Kaykovus barcha hunarlar ichida so‘z hunari –
notiqlikni a’lo deb biladi: “Bilinki hamma hunardan so‘z hunari yaxshi”.
Shuning uchun ham kishi suxandon va notiq bo‘lishni ta’kidlaydi.
Muallif notiqlikni egallashning yo‘lini tinimsiz mehnat va o‘rganish deb
uqtiradi.
Hikoyat: “Shunday deb eshitdimki, bir kecha Xorun ar-Rashid bir tush
ko‘rdi. Ya’ni og‘zidagi hamma tishlari to‘kilib tushgan emish. Ertalab turib bir
ta’birchini chaqirib bu tush ta’biri nima ekanini so‘radik. Ta’birchi dedi: Ey
amir al mo‘min sening huzuringda barcha qarindoshurug‘laring o‘ladi, sendan
boshqa hech kishi qolmaydi”.
Xorun ar-Rashid dedi: “Mening yuzimga shunday dard anduh bilan
to‘lgan so‘zni aytasanmi? Agar mening qarindoshlarim o‘lsalar men nima ish
qilaman? Va qanday qilib kun kechiraman? - deb ta’birchini yuz tayoq urishga
buyurdi. So‘ngra boshqa bir ta’birchini chaqirdi va tushining ta’birini so‘radi.
Ta’birchi dedi: Ey amir al mo‘min, sening umring barcha qarindoshlaringning
umridan uzun bo‘ladi. Xorun ar Rashid dedi: “Barcha aqlning yo‘li birdir va
ikkovining ta’biri bir yerdan chiqadi, ammo yuqoridagi ta’birchining iborasi
bilan keyingi ta’birchining iborasi orasidagi farq kattadir”, – dedi va Xalifa
keyingi ta’birchiga yuz tilla berishini buyurdi.
Ey farzand, so‘zingni yuzi va orqa tomonini bilgin, ularga rioya qilgin.
So‘zlaganda ma’noli gapir, bu notiqlikning alomatidir. Agar gapirgan vaqtingda
so‘zing qanday ma’noga ega ekanligini bilmasang, qushga o‘xshaysan, bunday
qushni to‘ti deydilar. To‘ti ham so‘zlaydi, ammo so‘zining ma’nosi bo‘lmaydi.
31](/data/documents/70965806-e8bc-4f11-92b1-11581005fce0/page_31.png)
![Shunday kishini notiq (suxango‘y) deymizki, uning har bir so‘zi xalqqa
tushunarli bo‘lsin va xalqning har so‘zi unga ma’lum bo‘lsin. Bunday kishilar
oqil (aqlli) lar qatoriga kiradi.
…Bilgan so‘zingni o‘z joyila ishlatgin, vaqtni bekor o‘tkazmagin. Agar
vaqtni bekor o‘tkazsang, donishmandlikka putur yetkazgan bo‘lasan. Hamma
vaqt to‘g‘ri gapir, be’sanilikni da’vo qilguvchi bo‘lmagin, bilmagan ilmdan
gapirmagil, shunda ilmdan non talab qilma. Har qanday talabing bo‘lsa, bilgan
ilm, ma’rifat va hunardan hozir bo‘ladi. Bilmagan ilm, ma’rifat va hunarni
bilmagan deb da’vo qilsang nech narsa hosil bo‘lmaydi va behuda zahmat
chekasan. Har bir so‘zga quloq sol, tezlik qilma. O‘ylamasdan so‘zlama. Har bir
so‘zni o‘ylab gapir, xato aytgan gapingdan pushaymon bo‘lmagaysan
(Qobusnomadan).
Ma’lumki til inson aqli faoliyatining eng oliy va asosiy vositasidir.
Chunki insonni boshqa jonzotlardan ajratib turadigan ham til emasmi?! Shunday
ekan, inson aqliy faoliyatining eng oliy mahsullari tafakkur mevalari til, nutq
orqali ro‘yobga chiqadi. Til tafakkur mahsulining hayotga tatbiq etilish vositasi
bo‘luvchi qudratli quroldir.
32](/data/documents/70965806-e8bc-4f11-92b1-11581005fce0/page_32.png)
![II BOB DIOLOGIK NUTQ VA UNI BOLALARDA SHAKLLANTIRISH
METODIKASI.
2.1. Dialog nutqning mazmuni va vazifalari
Bolalarni dialogik nutqqa o‘rgatish muammolari. Dialogik nutq ikki
va undan ortiq kishilar o‘rtasida amalga oshiriladi. Nutqning bu ko‘rinishi o‘ziga
xos xususiyatlarga ega, bu nutq keng jumlalarni talab etmaydi. Shuning uchun
dialogik nutq tarkibida to‘liqsiz gaplar juda ko‘p bo‘ladi. Bunday nutq tarkibida
so‘roq va undov gaplar ham uchraydi. Dialogik nutqning mazmuni va vazifalari
Dialog – suhbat bolaning kattalar va o‘z tengdoshlari bilan muloqotining asosiy
shakli hisoblanadi
Bolalar bog‘chasida o‘qitish ikki shaklda amalga oshiriladi:
a) erkin nutqiy muloqot
b) maxsus mashg‘ulotlarda
Dialog ko‘proq erkin nutqiy muloqotda paydo bo‘ladi va u bolalar
lug‘atini boyitishning talaffuzga oid grammatik ko‘nikmalarini tabiiy ravishda
rivojlantirish, ravon nutq ko‘nikmalariga ega bo‘lish bazasi hisoblanadi. Dialog
maxsus mashg‘ulotlarda o‘qitiladi (oyiga 1–2 ta mashg‘ulot); Bolalar
bog‘chasida bo‘lib turgan vaqti mobaynida bola erkin muloqotda pedagog va
boshqa bolalar bilan muloqotga kirishadi. Uyda esa kattalar bola bilan turli
mavzularda dialogga kirishishlari lozim. Dialogik nutqni (yoki og‘zaki nutqni)
o‘rgatish odatda suhbat shaklida, ya’ni kattalar bilan bola o‘rtasida hamda
bolalarning o‘zlari o‘rtasida fikr almashish shaklida ro‘y beradi.
Dialogik nutqni rivojlantirishga doir maxsus mashg‘ulotlarning
ahamiyati.
Dialogik ravon nutqni rivojlantirishga doir maxsus mashg‘ulotlar suhbat
metodi (suhbat) va imitatsiya metodi asosida o‘tkaziladi. Mazkur metodlar
ko‘pincha quyidagi usullar yordamida amalga oshiriladi: Tayyorgarlik suhbati
(so‘zlashish) usullari; Teatrlashtirish usullari (imitatsiya, qayta aytib berish).
Tayyorlangan suhbatning quyidagi vazifalari mavjud: To‘g‘ridan-to‘g‘ri –
33](/data/documents/70965806-e8bc-4f11-92b1-11581005fce0/page_33.png)
![bolalarni suhbatlashishga, ya’ni suhbatdoshi so‘zlarini bo‘lmasdan tinglash,
luqma tashlash uchun qulay paytni kutgani holda o‘zini tutib turish, suhbatdoshi
uchun tushunarli qilib so‘zlash; Yo‘ldosh – talaffuz va grammatik ko‘nikmalarni
mashq qilish, ma’lum so‘zlar ma’nosini aniqlashtirish. Suhbat jarayonida
tarbiyachi savollar, topishmoqlar, badiiy so‘z kabi turli usullardan foydalanadi.
Bu usullarning barchasi suhbat paytida bilimlarni o‘zlashtirish jarayonini
yo‘naltirish, nutqiy muloqotni ta’minlash, bolalar fikrlarini, ularning diqqat-
e’tiborlarini, xotiralarini, emotsiyalarini faollashtirishga yordam beradi.
Bolaning kattalar bilan dialogining dastlabki belgilari «jonlanish kompleksi»,
ya’ni bolaning kattalarga nisbatan emotsional-ijobiy munosabati ko‘rinishida
paydo bo‘ladi. 2–2,5 oydan boshlab kichkintoy dialogga kirishishni faol talab
qila boshlaydi.
Dialogning birinchi shakli – emotsional-erkin (vaziyat-shaxs) shakldir. Bu
boshqa odamga bo‘lgan qiziqish, unga nisbatan emotsional munosabat bilan
tavsiflanadi. Dialogning bunday shakli bola hayotining birinchi yarim yilligiga
xos holatdir.
Dialogning yanada rivojlangan ikkinchi shakli – ya’ni emotsional vositali
(vaziyatli-amaliy) shakli bola hayotining ikkinchi yarim yilligida ro‘y beradi. Bu
dialog predmetlar orqali vositali dialogga aylantiriladi. Ushbu yoshda bolaning
qiziqishlari atrofdagi olamga yo‘naltirilgandir. Unda yangi taassurotllarga
e’tiyoj yorqin paydo bo‘ladi. Bu yoshdagi rivojlantirish vazifalari
quyidagilardan iborat: Bolalar muassasalarida, oilada bolaga g‘amxo‘rlik
ko‘rsatayotgan kattalarga nisbatan emotsional bog‘liqlik va ishonch hissini
tarbiyalash. Unga nisbatan ijobiy diqqat-e’tiborga bo‘lgan ehtiyojni qondirish.
Kichkintoyning uni o‘rab turgan atrof-olamga va uning o‘ziga nisbatan
qiziqishni rivojlantirishga ko‘maklashish.
Ilk yoshdagi ijtimoiy rivojlanish vaziyati va uning genetik vazifasi. Bola
hayotining birinchi yili oxiriga kelib erishgan natijalari yangi ijtimoiy
rivojlanish vaziyatini qurishni talab qiladi. Bu bolaning katta odam bilan
34](/data/documents/70965806-e8bc-4f11-92b1-11581005fce0/page_34.png)
![birgalikdagi faoliyatiga oid vaziyatdir. Ushbu birgalikdagi faoliyat mazmuni -
predmetlardan foydalanishning jamoatchilik tomonidan ishlab chiqilgan
usullarini o‘zlashtirishdan iborat (bola qoshiq bilan ovqatlanishni, stakandan
ichishni, rasm chizishni, stulchaga o‘tirish va hokazolarni o‘rganadi).
Dialog jadal rivojlanishda davom etadi, zero, kattalar bilan bevosita
muloqotsiz predmetli faoliyat mumkin emas. Predmetli faoliyat bilan bog‘liq
dialog faqat emotsionalligicha qolmaydi, u nutqiy dialogga aylanadi. Shunday
qilib, ilk yoshdagi bosh vazifa narsalardan foydalanishning insoniy usullarini
o‘zlashtirish va nutqni rivojlantirishdan iborat bo‘ladi. Bola narsalar bilan
harakat qilar ekan, hayotining ikkinchi yiliga kelib, ularning jismoniy (hajmi,
shakli, rangi) va dinamik xususiyatlarini, masofaviy munosabatlarini (yaqin,
uzoq), butun narsani qismlarga ajratish va qismlardan butun narsani yig‘ishni
(piramida, matrushka kabi o‘yinchoqlarni qismlarga ajratadi va qayta yig‘adi)
o‘zi uchun kashf qiladi. Biroq bola narsalar bilan qanchalik ko‘p harakat
qilmasin, u baribir ularni amalda qo‘llashning jamoatchilik tomonidan ishlab
chiqilgan usullarini (qoshiq bilan ovqat yeyiladi, bo‘tqa aralashtiriladi; sochiqqa
qo‘llar, yuz artiladi; qalam bilan rasm chiziladi va h.k.) mustaqil ravishda kashf
qila olmaydi. Narsalarning vazifasi va ularni amalda qo‘llash usullarini bolaga
kattalar o‘rgatadilar.
Bolalarga dialogik nutqni o‘rgatish usullari. Dialogga bo‘lgan ehtiyoj,
predmetli harakatlarni o‘zlashtirish bolaning o‘z faol nutqini ham talab qiladi.
Nutq asosida umumlashtirishlar, fikrlashning ramziy vazifasi, ya’ni real
narsalarning o‘rnini almashtira olish hamda o‘rnini bosuvchi narsalar va til
belgilari bilan amallar bajarish qobiliyatlari rivojlanadi. Biroq nutqqacha
predmetli harakatlarni aynan bir narsa bilan turli harakatlarni yoki turli narsalar
bilan aynan bir xil harakatni bajarish, juftlik o‘yinlarni rivojlantirish va
umumlashtirishga oid uzoq yo‘lni bosib o‘tishga to‘g‘ri keladi.
Bola uchun katta yoshli odam – bitmas-tuganmas ijobiy emotsiyalar,
qiziqarli taassurotlar va borgan sayin so‘z muhim ahamiyatga ega bo‘lib
35](/data/documents/70965806-e8bc-4f11-92b1-11581005fce0/page_35.png)
![boradigan o‘yinlar manbai hisoblanadi. Kattalar bilan dialogga kirishish,
narsalar va o‘yinochqlarga egalik qilishga intilarkan, bola ushbu maqsadlarga
erishish uchun so‘zdan foydalanish haqidagi chaqiriqqa javob beradi, ba’zida
o‘zi tashabbus ko‘rsatib, fikr bildiradi. Katta yoshli odam bola bilan dialogga
kirishadi, bolaning bir so‘zli fikrlarini grammatik jihatdan to‘liq shakllantirilgan
iboraga aylanatirish orqali uning kamchiliklarini “tuzatadi” (Temur dadasining
mashinasini ko‘rib qoldi: “Bi-bi, dada”. Ona: “Dadasining mashinasi. Ketdik,
dadaga boramiz”). Bola tilni faol o‘zlashtiradi. So‘z ortida turgan tasavvur
yagona o‘xshashlikdan (“lyalya” - katta va kichik qo‘g‘irchoq) ko‘proq
o‘xshatishlargacha, keyinroq esa nisbatan aniq umumlashtirmalargacha (“mol”
so‘zidan sigir, qo‘y, echki va ot-eshaklarni ifodalashda foydalanishdan boshlab
keyinchalik “mol” so‘zini faqat sigir va buzoqchalarga nisbatan qo‘llashgacha)
rivojlanadi.
Ayni bitta so‘z yordamida ko‘p obrazli munosabatlar ifodalanadi
(“nanna” so‘zi bir vaqtning o‘zida “bu non”, “non bering”, “non tushib ketdi”
kabi ma’nolarni anglatishi mumkin va h.k.). Bola asta-sekin bu munosabatlarni
grammatik jihatdan rasmiylashtirilmagan ikki so‘zli, keyinroq esa uch so‘zli
gaplar orqali ifodalashni o‘rganadi. Ikkinchi yilning oxiriga kelib, dastlabki
grammatik shakllar paydo bo‘ladi. Bolaning so‘z zaxirasi ortadi. 1 yoshu 6 oyda
uning so‘z zaxirasi 30–40 ta so‘zni tashkil qilishi lozim. Fikrlar asosan bir
tarkibli gaplardan iborat bo‘ladi. Bunda nonutqiy dialog vositalari (ifodali
harakat, bevosita namoyish qilish, ko‘zlarning to‘qnashuvi, mimikalar, imo-
ishoralar va boshq) hamon hukmron bo‘ladi. Bola maishiy vaziyatlar ma’nosini
va ularda qo‘llanilayotgan nutq mazmunini tushunib yetadi.
2 yoshga kelib bolaning so‘z zaxirasi 200–300 tagacha o‘sadi. Uning
fikrlari grammatik jihatdan rasmiylashtirilmagan ikki-uch tarkibli iboralardan
iborat bo‘ladi. Bola bilan katta yoshli odam bevosita dialogga kirishgan
vaziyatda esa nutqiy dialog yetakchi dialog turiga aylanadi. Bola hayotining
uchinchi yiliga kelib nutq rivojlanishi ko‘proq keng qamrovli vazifalar
36](/data/documents/70965806-e8bc-4f11-92b1-11581005fce0/page_36.png)
![doirasida, eng avvalo, katta yoshli yaqin qa rindoshlari va bolalar bilan
munosabatga kirishish hamda ular bilan birgalikda harakat qilish (nutqning
kommunikativ vazifasi), atrofolamni bilish (nutqning intellektual vazifasi) orqali
davom etadi. Bola nutqiy dialogning asosiy shaklini - dialogik nutqni
o‘zlashtiradi. U tashabbus ko‘rsatib fikr bildirishni, savollar berishni, javob
kutishni, o‘zi ham savollarga javob berishni, atrofdagilarga iltimos va takliflar
bilan murojaat qilishni o‘rganadi. Bola o‘z istak-xohishlari, hissiyotlari,
fikrlarini ifodalash, kutilayotgan natijalarga erishish uchun so‘zlardan
foydalanadi. Biroq, bola tomonidan foydalanilayotgan so‘zlar fonetik jihatdan
ancha nomukammal bo‘lib, u keng qamrovli ma’nolarni anglatadi. So‘z va
predmetli harakatlarni qo‘llash, ular bilan mos ravishda harakat qilish orqali
katta yoshli kishi bola bilan o‘zaro bir-birini tushunishini va uning tilini
boyitishni yo‘lga qo‘yadi. Bola tashabbus ko‘rsatish orqali dialog subyekti, teng
huquqli hamkor sifatida chiqadi.
O‘zini tushunishlariga intilish, o‘z istakxohishlarining bajarilishiga
erishish bolani to‘g‘ri so‘zlashga majbur qiladi. Ushbu yoshda tengdoshlari bilan
dialogga kirirish emotsional aloqa o‘rnatish va o‘z shaxsiga e’tiborni jalb
qilishga yordam beradi: bolalar bir-birlari bilan o‘ynash jarayonida o‘z
harakatlarini nutq bilan sharhlab boradilar, ammo hozircha ular bir-biriga
to‘g‘ridanto‘g‘ri yuzlanib, murojaat qilmaydilar. Bola hayotining uchinchi yiliga
kelib bolaning til muhitidagi faol yo‘naltiruvchi faoliyati boshlanadi.
Bu quvonchli kechinmalar ta’siri ostida vujudga keladigan tovushlar bilan
turli o‘yinlarda (“shovqinli qo‘shiqlar”) va oddiy so‘z ijodkorligida (“golf-
molflar”, “o‘yin po‘yin” va boshq.) ko‘rinadi. Bu yoshda u kattalar bilan
dialogda ko‘rgazmali-taassurotli vaziyatga tayanmagan holda o‘z taassurotlarini
nutqda ifodalay boshlaydi. Bolalar o‘zlari o‘qib chiqqan kitoblari, tinglagan
ertaklari va o‘zlarining ilgarigi tajribalari haqida (Mustaqillik maydoniga,
hayvonot bog‘iga uyushtirilgan sayohat, qorbobo sovg‘alari va boshqalar
haqidagi xotiralar) fikr bildira boshlaydilar. Bola hayotining ikkinchi yilida
37](/data/documents/70965806-e8bc-4f11-92b1-11581005fce0/page_37.png)
![nutqiy rivojlantirish vazifalari: Nutqni tushunish. Bolaga eng oddiy, uning
o‘ziga tanish bo‘lgan maishiy vaziyatlar, jarayonlar va o‘yin vaziyatlarini ochib
beruvchi oson tu shuniladigan so‘zlar va oddiy iboralar zaxirasini kengaytirish.
Odamlar, xonadagi va undan tashqaridagi narsalar, hayvonlar, o‘simliklar,
uyjoylar va ularning vazifasini ifodalovchi so‘zlar zaxirasini asta-sekin
kengaytirib borish. Old ko‘makchilar va ravishlar yordamida ifoda qilinadigan
vaziyatlarni tushunishni (ikkinchi yarim yillikda), buyumlar sifati, ularning
hajmi va rangini belgilovchi so‘zlarni tushunishni shakllantirish. Kattalarning
mazmuniga ko‘ra bog‘langan 2–3 ta harakatdan iborat bo‘lgan topshiriqlarini
diqqat bilan tinglash, tushunish va bajarishni o‘rgatish (…koptokni ol va menga
uzat). Barcha rejimli vaziyat jarayonlarida ishonch bildirilgan his-hayajonli
dialogni yo‘lga qo‘yish. Bola imkoni bo‘lgan har qanday nutqiy ko‘rinishlar va
vokallashuvlarning paydo bo‘lishiga ko‘maklashish.
Imo-ishoralar va yuz ifodasi bilan bir qatorda istak-xohishlarni ifodalash
va atrofdagilar bilan o‘zaro munosabatlarni yo‘lga qo‘yish uchun zarur bo‘lgan
so‘zlardan foydalanishga; turli sabablar bilan kattalar va bolalarga murojaat
qilish: savol berishga; ko‘rganlarini bir nechta so‘zlarda hikoya qilib berishni
o‘rganishga (yil oxirida) undash. Bolalarning kishilarni ularning yoshi va jinsiga
mos holda belgilovchi so‘zlardan, xonadagi va xonadan tashqaridagi
buyumlardan, ayrim hayvonlardan va o‘simliklardan, atrofdagi kishilar va
hayvonlar harakatlaridan, notirik va tirik obyektlardan, ayrim mehnat
harakatlaridan foydalanishlari uchun tegishli holatni vujudga keltirish. Bola
hayotining uchinchi yilida nutqiy rivojlantirish vazifalari.
Nutq funksiyalari va shakllari. Bolaning imkon doirasidagi va undan
tashqaridagi nutq vositalari bilan faol dialogga kirishish, kattalarning savollariga
va takliflariga javob berish, o‘z istak-xohishlarini, hissiyotlarini, fikrlarini ifoda
qilgan holda tashabbus ko‘rsatib fikr bildirishga intilishini qo‘llab-quvvatlash;
tengdoshlari ishlariga qiziqishini, o‘z taassurotlarini ular bilan o‘rtoqlashishni
istashini, o‘yin harakatlarini, ro‘y berayotgan hodisaga munosabatini nutq bilan
38](/data/documents/70965806-e8bc-4f11-92b1-11581005fce0/page_38.png)
![ifodalashga qiziqishini rag‘batlantirish; shaxsiy tajribadan kelib chiqqan holda
bolaning o‘ziga yaqin mavzular bo‘yicha, hayvonlar hayoti, transport (shahar)
haqida vaziyatdan tashqari dialog qilishga undash. Bolalarni buyumlar, ularning
harakati va sifatini belgilash uchun so‘zlardan foydalanishga undash.
2 . 2. Maktabgacha ta’lim muassasasida nutqini rivojlantirishga doir ishlar
tizimi
6
Maktabgacha yoshdagi bolalar nutqini rivojlantirish qonuniyatlari.
Ma’lumki, bolaning nutqi til qonuniyatlariga to‘g‘ri amal qilish, kattalar nutqini
idrok etish va o‘zining ijodiy faolligi natijasida rivojlanadi. Shunday qilib, til va
nutq maktabgacha katta yoshdagi bolaning psixologik rivojlanishi hamda
dastavval xotirasi, fikrlashi, idrok etishi, hissiyoti va ehtirosini ta’minlaydigan
ikkita muhim vositadir.
Birinchi qonuniyat: Ona tilidagi nutqni idrok etish qobiliyati bola nutq
organlari muskullarining mashq qildirilishiga bog‘liq (shuning uchun ham so‘z,
ibora va gaplarni talaffuz etishni takomillashtirish uchun nutq organlarini mashq
qildirishga yetarli darajada e’tibor bermoq muhimdir).
Ikkinchi qonuniyat : Nutq ma’nosini tushunish bola tomonidan nutqning
leksik va grammatik qonuniyatlarining o‘zlashtirilishiga bog‘liq.
Uchinchi qonuniyat: Nutq ifodaliligini o‘zlashtirish bolada fonetika,
leksika va grammatikaning ifoda vositalarini tushunishga bo‘lgan moyillikka
bog‘liq (maktabgacha katta yoshdagi bolalarni nutq ifodaliligini tushunishga
o‘rgatish hamda bu hissiyotlarning bola tomonidan o‘zlashtirilishiga erishish
lozim).
To‘rtinchi qonuniyat: Nutqni boyitish, avvalo, nutq ko‘nikmalarini
takomillashtirishga bog‘liq (agar oldingi yosh bosqichida maktabgacha katta
yoshdagi bola nutqini shakllantirish muvaffaqiyatli bo‘lgan bo‘lsa, undan
keyingi nutqni boyitish jarayoni hamda uni o‘zlashtirish oson va tez boradi).
6
Qodirova.F.R Qodirova R.M Maktabgacha yoshdagi bolalarga ikkinchi tilni o`rgatish
metodikasi.T.Sano-standart, 2004.
39](/data/documents/70965806-e8bc-4f11-92b1-11581005fce0/page_39.png)
![Bundan tashqari, tadqiqotchilar tomonidan nutqni boyitish jadalligi tilni his
etish, bilish imkoniyatlari (sezish, xotira, idrok qilish, fikrlash), iroda kuchining
rivojlanishiga ham bog‘liq.
Beshinchi qonuniyat: Nutq me’yorlarini o‘zlashtirish tilni his etishning
rivojlanishiga bog‘liq. Bolalarning nutqini o‘zlashtirishda tinish belgilarini
qo‘llash me’yorini, eslab qolish qobiliyatini shakllantirish muhim o‘rin tutadi.
Me’yorlangan nutqda ona tili unsurlarini an’anaviy qo‘llashda inson hayotining
asosan maktabgacha katta yoshdagi davri samarali bo‘lishi ona tili metodikasi
ilmida allaqachon o‘z isbotini topgan.
Maktabgacha katta yoshdagi bolalar nutqini rivojlantirish bilan bog‘liq
bo‘lgan masalalar kompleksini hal etishda quyidagilar alohida hisobga olinadi:
1. Insondagi bilish instinkti, tug‘ma qiziquvchanlik nutq vositasida amalga
oshiriladi.
2. Bola nutq ishtirokida olamni bilib boradi. Psixologlarning kuzatishicha,
tevarak-atrof to‘g‘risidagi bilimlar nutq orqali o‘zlashtiriladi. Bundan shunday
xulosaga kelish mumkinki, bolalarni tevarakatrof bilan tanishtirish nutqni
rivojlantirishda keng imkoniyatlar tug‘diradi.
Shunga ko‘ra tarbiyachilar maktabgacha katta yoshdagi bolalarning
nutqini to‘g‘ri yo‘naltirishni tevarak-atrof bilan tanishtirish orqali amalga
oshiradi. Bolalar nutqini rivojlantirish samaradorligiga erishish uchun ularning
bilim darajasi, qiziqishi va shaxsiy qobiliyati xususiyatlarini hisobga olish
muhimdir. Shu narsa aniqlanganki, maktabgacha katta yoshdagi bolalarning
barcha harakat va xulqini boshqarishda bosh miya faoliyatining roli ortib boradi.
Ya’ni bolalar boshqalarning xatti-harakatlarini, atrofda kechayotgan voqea-
hodisalarni bilishga va baholashga intiladilar. Shunga ko‘ra maktabgacha
yoshdagi bolalar bajaradigan faoliyat turlari ham xilma-xil va mazmunli bo‘lib
boradi. Demak, bolalar faoliyatining sermahsul turlari nutq o‘stirishda katta rol
o‘ynaydi.
40](/data/documents/70965806-e8bc-4f11-92b1-11581005fce0/page_40.png)
![Bolalar o‘rtasidagi o‘zaro munosabatlar tizimi birgalikda uyushtiriladigan
o‘yinlarda yuqori darajada shakllanadi. Ijtimoiy foydali mehnat va o‘qish kabi
faoliyat turlari tobora ko‘proq rol o‘ynay boshlaydi. Shu bilan birga,
tengdoshlariga nima bilandir ko‘mak berish, ular uchun biron-bir foyda
yetkazish maqsadida namoyon bo‘ladigan mehnatning ijtimoiy motivlari yanada
ahamiyatliroq, ya’ni sezilarli bo‘lib qoladi.
Maktabgacha katta yoshdagi bolalar o‘z xulqlarini yanada asosliroq
boshqara boshlaydilar. Bolalar tarbiyachisi tomonidan ular oldiga qo‘yilgan
vazifalar ma’nosini aniq biladilar, topshiriqlarni mustaqil va nuqsonsiz bajarish
uchun astoydil intiladilar. Bularning barchasi nutqni rivojlantirishning muhim
shart-sharoitlari bo‘lib xizmat qiladi. Ma’lumki, ta’limda biror-bir yutuqqa
erishish tarbiyaga bog‘liq. Shuning uchun ham maktabgacha yoshdagi
bolalarning madaniy xulqodatlarini shakllantirishga muayyan darajada e’tibor
berish lozim. Ularda yaxshilik, kamtarlik, adolatlilik, vijdonlilik to‘g‘risidagi
axloqiy tasavvurlarni tarkib toptirish kerak.
Nutqni samaraliroq rivojlantirish maqsadida bolalarning tevarak-atrof obyektlari
(kishilarning hayoti va mehnati, hayvonlar, o‘simliklar olami, suv osti dunyosi)
to‘g‘risidagi tasavvurlarini aniqlash va izchil, rejali tarzda kengaytira borish
41](/data/documents/70965806-e8bc-4f11-92b1-11581005fce0/page_41.png)
![talab etiladi. Nutqni rivojlantirishning samaradorligini oshirish rejasida nafaqat
tevarak-atrof obyektlari ustida oddiy kuzatishlar (mushohadalar) uchun, balki
ularni o‘rganish uchun ham sayrlar, sayohatlar o‘tkazish muhimdir. Shu o‘rinda
tevarak-atrof obyektlarini o‘rganishda nimalarga erishish mumkinligini aniqlab
olishimiz lozim bo‘ladi. Buning uchun, avvalo, nutq o‘stirishga oid tevarak-atrof
manbalarining o‘zini guruhlashtirish taqozo etiladi.
Tevarak-atrofni o‘rganishda (tarbiyachilar yoki ota-onalar tomonidan)
bolalar shunchaki kuzatmasliklari, balki predmetlarni ularning qismlari,
elementlarini ko‘rib, jarayonlar, hodisalarni idrok eta borib, ular to‘g‘risida
mulohaza yuritishlari ham lozim. Bunga erishish uchun tarbiyachi oldiga
qiyoslash, taqqoslash, ajratish, umumlashtirish, tahlil qilish va boshqa shu kabi
usullardan foydalanish vazifasi qo‘yiladi. Bundan tashqari, o‘rganish
jarayonida) maktabgacha katta yoshdagi bolalarni mehnatning ular uchun qulay
bo‘lgan turlari (ariqchalarni tozalash, daraxtlar tagini yumshatish, gullarni
parvarish qilish)ga jalb qilish muhimdir. Bunday yondashuv shu bilan bog‘liqki,
inson biron narsani o‘z qo‘li bilan bajarsa, uni ko‘proq va to‘laroq esda saqlaydi.
Mazkur usul bilan maktabgacha katta yoshdagi bolalarning bog‘lanishli
nutqidagi kamchiliklar narsa-predmetlarning nomlarini so‘zma-so‘z va eslash
orqali to‘ldiriladi.
Maktabgacha katta yoshdagi bolalar nutqini rivojlantirish ko‘p jihatdan
quyidagi narsalarning to‘g‘ri hal etilishiga bog‘liq:
– nutqni rivojlantirishga doir didaktik materiallar (tarbiyachi va ota-
onalarning ma’lum maqsadga qaratilgan nutqi, bolalarga o‘qib yoki aytib
beriladigan ertaklar, qo‘shiqlar, hikoyalar);
– ta’limning didaktik materiallarni o‘zlashtirish uchun foydalaniladigan
metod va usullari;
– ta’limni tashkil etish (tevarak-atrof obyektlarini saralash, shunga bog‘liq
nutq o‘stirishni rejalashtirish).
42](/data/documents/70965806-e8bc-4f11-92b1-11581005fce0/page_42.png)
![– o‘quv materialining mazmuni, uni o‘rganishning ayrim usullari hamda
ularga tegishli tamoyillarga tayanib, tarbiyachi nutq o‘stirish bilan bog‘liq
bo‘lgan barcha ishlarni rejalashtirmog‘i zarur.
Biz ayni muammoga oid tadqiqot ishlari olib borish jarayonida nutq
o‘stirish borasida quyidagi didaktik tamoyillarga tayanib ish ko‘rish yaxshi
natija beradi degan xulosaga keldik:
– nutq organlari hamda qo‘lni o‘rgatish uchun nutq materialini tushunish;
– nutq ahamiyatini tushunish hamda leksik va grammatik ko‘nikmalarni
rivojlantirish;
– nutq ifodaliligini baholash. Buning uchun maktabgacha yoshdagi katta
bolalarda muayyan hissiyotni rivojlantiradigan didaktik materiallarni tanlash
maqsadga muvofiqdir;
– ona tiliga muhabbat tuyg‘usini rivojlantirish tamoyili (bu o‘rinda
bolalarga, xususan, nutqda ona tili faktlarini qo‘llash an’anasini o‘zlashtirish
bo‘yicha ta’limni tashkil etish nazarda tutiladi);
– muayyan mavzuga oid yozma nutqni og‘zaki nutq bilan qiyoslash; –
nutqning asta-sekin boyib borishi.
«Bolajon» tayanch dasturida bolalar nutqini rivojlantirishning ilmiy
asosi. Maktabgacha yoshdagi bolalar rivojlanishiga qo‘yiladigan Davlat talablari
2008-yil 28-sentabrdagi XTV hay’at yig‘ilishining 10/4 qarori bilan
tasdiqlangan. Bu Davlat talablarini amaliyotga joriy etish zarurati O‘zbekiston
Respublikasi Xalq ta’limi vazirligi Maktabgacha ta’lim muassasalari
xodimlarini qayta tayyorlash va malakasini oshirish Respublika o‘quv-metodik
Markazi “Bolajon” tayanch dasturining ishlab chiqilishiga sabab bo‘ldi.
“Bolajon” tayanch dasturi yangi takomillashtirilgan dasturning maqsad, vazifasi
bugungi Davlat va jamiyat boshqaruvining erkinlashuvi sharoitida, fuqarolik
jamiyatining bo‘lg‘usi shaxslarini barkamol qilib kamolga yetkazishga bo‘lgan
talab va ehtiyojini qondirish, amaldagi “Uchinchi mingyillikning bolasi”
tayanch dasturining samarali mazmun-mohiyatini saqlab qolgan holda,
43](/data/documents/70965806-e8bc-4f11-92b1-11581005fce0/page_43.png)
![maktabgacha yoshdagi bolalarni yangi Davlat talablari asosida tarbiyalashga
qaratilgan. 7
Dastur mazmuni bolalarda ilk bora milliy o‘zlikni anglash tuyg‘usini
shakllantirish, milliy urf-odatlar, milliy va umummilliy qadriyatlarga hurmat-
ehtiromni kuchaytirish maqsadini ko‘zda tutadi. Ushbu dastur O‘zbekiston Xalq
ta’limi vazirligi YUNISEF xalqaro tashkiloti bilan hamkorlikda o‘tkazgan uch
bosqichlik tajriba-validatsiya sinovlaridan samarali o‘tgan. “Bolajon” tayanch
dasturi bugungi kunda maktabgacha ta’lim sohasining barcha yo‘nalishlari
ushbu me’yoriy hujjatlar bilan ta’minlanganligi va ular XTVning elektron
saytlarida yoritilganligi bois, yangi tayyorlangan takomillashtirilgan nashrga
ushbu hujjatlar kiritilmadi.
“ Bolajon” yangi taomillashtirilgan tayanch dasturi maktabgacha yoshdagi
bolalarga 4 yo‘nalish 3 bosqichda ta’lim-tarbiya berish maqsadini ko‘zda tutgan:
1. Jismoniy rivojlantirish, o‘z-o‘ziga xizmat va gigiyena.
2. Ijtimoiy-hissiy rivojlantirish.
3. Nutq, o‘qish, savodga tayyorgarlik.
4. Bilish jarayoni, atrof-olam to‘g‘risidagi bilimlarga ega bo‘lish va uni
anglash. “Bolajon” tayanch dasturi zamonaviy pedagogik-psixologik tadqiqotlar
uch yoshgacha bo‘lgan davr, uch yoshdan besh yoshgacha va besh yoshdan yetti
yoshgacha bo‘lgan bolalar psixik va yosh xususiyatiga ko‘ra bir-biriga
yaqinligini ilmiy asoslagan. Tahlillarga tayanib, yangi dasturda tug‘ilgandan 24
oygacha bo‘lgan rivojlanish davrlari (ilk yosh) oylar kesimida, I kichik (2–3
yosh), II kichik (3–4 yosh), o‘rta (4–5 yosh), katta (5–6 yosh), maktabga
tayyorlov (6–7 yosh) qilib belgilandi. Tug‘ilgandan yetti yoshgacha bo‘lgan
davrlarning xususiyatlari tavsifi har bir yosh davr ta’lim-tarbiyasiga
qo‘yiladigan talablar yoritilgan bandlar boshiga joylashtirildi. Bu dasturdan
foydalanishda har bir yosh davr, uning o‘ziga xos xususiyatlariga taalluqli
ma’lumotlar bilan yaxlit bir bandda tanishib chiqish imkoni mavjud.
7
“Bolajon”tayanch dasturi
44](/data/documents/70965806-e8bc-4f11-92b1-11581005fce0/page_44.png)
![“Bolajon” yangi tayanch dasturida jismoniy rivojlanish, salomatlik,
madaniy-gigiyenik malakalar yo‘nalishi bo‘yicha asosiy harakatlar alohida
yoritildi va ular quyidagicha tartiblandi: Asosiy harakatlarga doir mashqlar;
(Yurish, yugurish, sakrash, dumalatish, irg‘itish, ilib olish, emaklash, tirmashish,
muvozanatni saqlash, velosiped haydash). “Bolajon” tayanch dasturida
umumrivojlantiruvchi mashqlarga oid: (Yirik motorikani rivojlantirish, mayda
qo‘l motorikasini rivojlantirish, sensomotorikani rivojlantirish bo‘limlari alohida
yoritildi (“Sensomotorika” – senso va motor so‘zlarining birgalikdagi ifodasi
bo‘lib, lotincha “sensus” - sezish, “motor” - harakat, birgalikda nozik
harakatlarni sezish ma’nosida qo‘llanadi).
Oyoq uchun mashqlar;
Gavda uchun rivojlantiruvchi mashqlar;
Chiniqtirish va sog‘lomlashtirish;
Ertalabki badantarbiya;
Saflanish va qayta saflanish;
Sport mashqlari;
Raqs mashqlari;
Harakatli o‘yinlar.
“ Bolajon” yangi tayanch dasturida ta’limiy, voqeaband-ijroli, harakatli,
teatrlashtirilgan o‘yin faoliyatlarini har bir yosh bosqichi uchun alohida “O‘yin“
bandida mustaqil bayon etish ko‘zda tutilgan.
Madaniy-gigiyenik malakalar alohida bandlarda yoritilgan: taxminiy kun
tartibi; uxlash gigiyenasi; shaxsiy gigiyena; ovqatlanish gigiyenasi; madaniy-
gigiyenik ko‘nikmalarni egallash va o‘z-o‘ziga xizmat qilish; o‘ziga xos
gigiyena; shikastlanishning oldini olish bandlari. “Bolajon” tayanch dasturida
ijtimoiy-hissiy rivojlanish vazifasi mustaqil yo‘nalish sifatida dasturga ilk bor
kiritildi. Uning maqsadi bolada milliy o‘zlikni anglash, o‘zi va o‘zgalar shaxsini
hurmat qilish, his-tuyg‘ularni ifodalash, kattalar va tengdoshlari bilan muloqotda
milliy qadriyatlarimizga xos muomala odobiga tayanishni tarbiyalashdir. Bu
45](/data/documents/70965806-e8bc-4f11-92b1-11581005fce0/page_45.png)
![bolaning ijtimoiy hayotga moslashuvi bilan bog‘liq bo‘lib, bo‘lg‘usi barkamol
shaxs ega bo‘lishi zarur bo‘lgan fazilatlarni tarbiyalashda poydevor bo‘lib
xizmat qiladi.
“Bolajon” tayanch dasturida ijtimoiy-hissiy rivojlanish yo‘nalishi:
Ijtimoiy rivojlantirish (kattalar va tengdoshlari bilan muloqot);
Hissiy rivojlanish (bolaning “men” konsepsiyasi va his-tuyg‘ularini
ifodalashi)ni o‘z ichiga olgan.
Yangi dasturda nutq, o‘qish va savodga tayyorlash yo‘nalishi alohida,
keng ochib berilgan. Ular quyidagicha tartiblangan: Nutq (Uning ekspressiv va
impressiv muloqot turlari). O‘qish va savodga tayyorlash: Badiiy adabiyot bilan
tanishtirish. Bunda ilk bora bolani harflar bilan tanishtirish, bo‘g‘inlab o‘qish va
o‘z ismini bosma harflarda yozish vazifasi kiritilgan. “Bolajon” tayanch
dasturida bilish jarayoni, atrof olam to‘g‘risidagi bilimga ega bo‘lish va uni
anglash yo‘nalishiga quyidagilar: elementar matematik tasavvurlar (Son va
sanoq, kattalik, geometrik shakllar, tevarak atrofda mo‘ljal olish, vaqtni
chamalash, qurish-yasash, ta’limiy o‘yin va mashqlar); atrof olam to‘g‘risidagi
bilimga ega bo‘lish va uni anglash (Ona Vatan va tevarak atrof, buyuk siymolar,
kattalar mehnati, transport vositasi, buyumlar haqida bilimlar, jonli va jonsiz
tabiat, yer kurrasi to‘g‘risida tasavvur); tasviriy faoliyat; musiqa; o‘yin faoliyati
(ta’limiy, harakatli, voqeaband-ijroli, teatrlashtirilgan o‘yinlar) keng yoritilgan.
“Bolajon” tayanch dasturining maqsadi “Maktabgacha yoshdagi bolalar
rivojlanishiga qo‘yiladigan davlat talablari”ning bajarilishiga erishishdan, ya’ni
maktabga jismonan sog‘lom, aqlan va ma’nan yetuk, jamiyatning turli a’zolari
bilan muloqotda bo‘la oladigan, borliqni aniq idrok etadigan, hayotga ijtimoiy
jihatdan moslashuvchi, umummilliy qadriyatlarimizni qadrlaydigan, shuningdek,
mustaqil va ongli yashaydigan bolani tayyorlashdan iborat.
Maktabgacha tarbiya muassasasida nutqini rivojlantirish vositalari va
usullari. Tilni to‘g‘ri o‘rganish, uning grammatik tuzilishiga e’tibor berib
so‘zlashish, bolalarda erkin muhokama yuritish, savollar berish, boshqalardan
46](/data/documents/70965806-e8bc-4f11-92b1-11581005fce0/page_46.png)
![eshitgan fikrlari yuzasidan xulosalar chiqarish, narsa va hodisalar o‘rtasidagi
bog‘lanishning turli ko‘rinishlarini anglab yetishga olib keladi. Maktabgacha
tarbiya muassasasida sog‘lom, tabiiy muhit yaratish, ularning to‘g‘ri muomalaga
kirishishi, boshqalar bilan gaplashish ishtiyoqining ortishiga turtki bo‘ladi.
Buning uchun bolalar nutqining shaklan va mazmunan mantiqiy birligiga
erishish muhim bo‘lib, ular quyidagilardan iboratdir:
– dastlab bola o‘z lug‘at boyligiga ega bo‘lishi;
– bolalar nutqining grammatik tuzilishini aniq shakllantirishga e’tibor
berish;
– bolalarda tovush madaniyatini tarbiyalash;
– dialogik nutq, ya’ni so‘zlashuv nutqini rivojlantirish;
– hikoya qilib berish;
– bolalarni badiiy adabiyot bilan tanishtirish;
– bolalarni savod o‘rgatishga tayyorlash va boshqalar.
Bu talablar maktabgacha tarbiyaning barcha bosqichlarida amalga
oshiriladi. Lekin ularning har birida bolalarning yosh xususiyati, shaxsiy
tayyorgarlik darajasi, albatta, hisobga olinadi. Bolalarning tevarak-atrofni
kuzatib borishi natijasida talaffuzi ham ijobiy tomonga o‘zgara boshlaydi;
tovushlarni to‘g‘ri talaffuz qila boshlaydilar, jumlalar mazmuni kengaya boradi,
grammatik tomondan gapni to‘g‘ri tuza boshlaydilar, lug‘at boyligi ham ortadi.
Bolalarning o‘zlari kichik-kichik hikoyalar tuza boshlaydilar va bu hikoyalarni
erkin bayon qila oladilar. Ularda kattalar bilan muloqotga kirishish, o‘z fikrini
erkin bayon etish kabi xislatlar paydo bo‘la boshlaydi. Shunga ko‘ra bolalar
nutqida tovush madaniyatini takomillashtirish, atrofdagi narsalar, predmetlar,
hodisalar nomini ifodalovchi so‘z boyligini kengaytirish, faollashtirish,
monologik nutqning oddiy shakllariga rioya etish, o‘z fikrini grammatik jihatdan
to‘g‘ri va aniq ifodalay olish ko‘nikmalarini paydo qilish muhim va zarur
hisoblanadi. Bu talablar bolalarda borliqni, tevarak-atrofni idrok etish, uni
tushunish, his etish, hikoyalar tuzish, o‘z fikrini bayon qila olish, ifodali o‘qish
47](/data/documents/70965806-e8bc-4f11-92b1-11581005fce0/page_47.png)
![faoliyati jarayonida tarkib toptiriladi. Ma’lumki, bog‘lanishli nutqda bolalarning
atrofdagilar bilan voqeahodisalar ta’siri natijasida o‘zaro munosabati, aloqasi
ifodalanadi. Bu ifoda bir yoki bir necha jumlalarda o‘z aksini topishi mumkin.
Nutqning shakllanishida bolaning tevarak-atrof bilan munosabati, muomala
shakli katta rol o‘ynaydi. 8
Maktabgacha katta yoshdagi bolalarning og‘zaki nutqqa doir, malaka va
ko‘nikmalari mavjud bo‘lganligini hisobga olib, ularda bog‘lanishli nutqni
shakllantirishda, avvalo, tevarak-atrofni kuzatishda nimalarga e’tibor berishimiz
kerakligini aniqlab olishimiz zarur. Bular, avvalo, ona Vatan haqida dastlabki
tasavvurlarni shakllantirishdan boshlanadi. Bunda “Maktabgacha tarbiya
muassasasi uchun dastur”da bolalarda mustaqil O‘zbekiston davlati haqidagi
tushunchalarni kengaytirish, uning o‘tmishiga oid yodgorliklar bilan tanishtirish,
Samarqand, Buxoro, Xiva, Toshkent, Qo‘qon kabi tarixiy shaharlar haqida
ma’lumotlarga ega bo‘lish, “mustaqillik kuni” (1991-yil 1-sentabr), O‘zbekiston
ramzlari: gerbi, bayrog‘i, madhiyasi bilan tanishtirish, O‘zbekiston Prezidenti,
Prezidentlik boshqaruvi haqida ma’lumotlar berish, bolalarning o‘z mahallasi,
ko‘chasi, uyi, uning nomlanishi, nomlanish sababi; O‘zbekistonning tabiati,
yerosti va yerusti boyliklari, tog‘lari, cho‘l va adirlari, tog‘u soylari, o‘rmonu
bog‘lari, iqlimi, buyuk siymolari, sarkardalari, ulug‘ mutafakkirlari, an’anaviy
bayramlari, sayllari, milliy marosimlari, o‘zbek xalqining amaliy san’ati, kattalar
mehnati, bolalarning otaonalari, aka-opalarining O‘zbekiston xalq xo‘jaligining
turli sohalaridagi ishtiroki, ishlab chiqarishning muhim sohalari, aloqa vositasi
haqida bilim berish nazarda tutilgan. Ana shularning barchasi bolalarning
tevarak-atrofdagi hodisalar haqidagi bilimlarni aniqlash, mustahkamlash va
kengaytirish asosida bog‘lanishli nutqini rivojlantirishga yordam beradi. Bunda,
birinchi navbatda, bolalar so‘z boyligini kengaytirishda Respublikamiz tabiati,
kasb-hunarga oid, qurilish va qishloq xo‘jaligida foydalaniladigan mashinalar,
narsalarning o‘ziga xos belgilari va ranglari, mehnatga munosabatni ifodalovchi
tushunchalar, nom va so‘zlar bilan boyitish zarur.
8
. www. edu. uz
48](/data/documents/70965806-e8bc-4f11-92b1-11581005fce0/page_48.png)
![Shuningdek, xalq og‘zaki ijodi namunalarini o‘rganish; ona tilidagi
antonim, sinonim, omonim so‘zlarni tushunish va to‘g‘ri qo‘llashga doir
tushunchalar, so‘zlar bilan boyitishga erishish lozim. Bolalarni narsalarning
nomlarini to‘g‘ri aytishga, ularning o‘xshash va farqli tomonlarini tushunish,
shakli, rangi, sifati, xossalarini, jinsi va turiga oid yo‘naltiruvchi lug‘atini
faollashtirish, nutqning grammatik tuzilishini shakllantirish, nutq madaniyatini
shakllantirish, dialogik va monologik nutqini takomillashtirish va nihoyat savod
o‘rgatishga tayyorlash muhim ahamiyat kasb etadi. Maktabgacha tarbiya
muassasasida olib borgan kuzatishlar shuni ko‘rsatdiki, ularning bog‘lanishli
nutqi yoshiga ko‘ra orqada qolib, qator kamchiliklar mavjud. Shuning uchun biz
ularning nutqini kuzatishda odatdagi hayotiy faoliyatidan chetga chiqmaslikka
harakat qildik.
Bu jarayonda quyidagilarga e’tibor qaratildi:
1. Ona tili boyligidan unumli foydalanish.
2. Nutqni rivojlantiruvchi omillarni to‘g‘ri belgilash.
3. Nutqni rivojlantirish jarayoni.
4. Nutqni rivojlantirishda uzviylik va uzluksizlik.
5. Nutqni rivojlantirish mazmuni.
6. Nutqni rivojlantirish shakllari.
7. Nutqda ijtimoiy-maishiy omillarning o‘zaro aloqasi.
8. Sayrlar, o‘yin va mehnat jarayoni – nutqni o‘stirishning muhim vositasi
ekanligi.
Bolalarning nutqini rivojlantirish maxsus o‘rganilmaydi, natijalari ishlab
chiqilib, mashg‘ulotlar tizimi belgilab olinmaydi, mashg‘ulotlar ma’lum
maqsadga yo‘naltirilgan holda muntazam va izchil olib borilmaydi.
Maktabgacha tarbiya muassasalarining katta guruhlarida bolalarning nutqi qay
darajada shakllanganligi aniqlanib, maxsus topshiriqlar ro‘yxatini ishlab
chiqiladi, har bir bola bilan yakka tartibda mashg‘ulotlar olib boriladi.
49](/data/documents/70965806-e8bc-4f11-92b1-11581005fce0/page_49.png)
![Til tafakkur bilan monand bog‘langani holda ongni shakllantiradi. Nutq
va tafakkur o‘rtasidagi bog‘liqlik nafaqat psixologik jarayonlarning chuqur
bosqichlarida, balki ijtimoiy hodisalar darajasida ham namoyon bo‘ladi.
So‘zning insonga, uning xulq-atvoriga ko‘rsatadigan ta’siri barchaga yaxshi
ma’lum. “Garchi til bilan tafakkur bir-birisiz yashay olmasa ham ular o‘zida
aynan bir hodisani ifodalamaydi ” .
Tafakkur – obyektiv borliqning intihosi, til esa – ifoda usuli, fikrni boshqa
kishilarga berish va mustahkamlash vositasi. So‘z bilan tushuncha dialogik
tarzda bir-birini taqozo etadi .
Hozirgi paytda mamlakatimizda tillar o‘rtasidagi o‘zaro munosabatlarda
ikki tamoyil mavjud: bir tomondan, milliy tillarning yanada rivojlanishi va
takomillashuvi, o‘zga tomondan esa – o‘zbek tilining davlat tili sifatidagi
ahamiyatining oshishi ro‘y bermoqda. O‘zbekiston Respublikasining
mustaqillikka erishishi va yuzaga kelgan iqtisodiy ehtiyojlar mamlakatdagi ko‘p
sonli aholining ona tili bo‘lgan o‘zbek tilini davlat tili sifatida o‘rganishni shart
qilib qo‘ydi, bu esa ko‘p millatli jamiyat sharoitida katta ijtimoiy ahamiyat kasb
etadi.
2.3. MTM bolalar nutqini rivojlantirish texnologiyasi
Bola yoshiga mos tasviriy hikoyalar tanlash. Hikoya – biror voqea,
hodisani kengaytirib bayon qilishdir. Hikoya tasviriy va syujetli bo‘lishi
mumkin. Tasviriy hikoya – bu biror predmet yoki voqeaning o‘ziga xos
tomonlarini bayon etishdir.
Masalan, tarbiyachi to‘tiqushlar haqida mashg‘ulot o‘tkazib, bolalarga
hikoya qilib berishni topshirishdan oldin to‘tiqushlar haqida savollar beradi:
– To‘tiqushning patlari qanaqa rangda?
– To‘tiqush patlari uning hamma yеrida bir xil ko‘rinishdami?
- Dumi, boshidagi patlari qanday?
- Qayerida uzunroq, qayerida kaltaroq?
50](/data/documents/70965806-e8bc-4f11-92b1-11581005fce0/page_50.png)
![– Idishga suv solib qafasga qo‘yamiz, qushlar nima qiladi, cho‘miladimi,
ichadimi?
– Qushlar qanday uchadi, bir-birining patini nega cho‘qiydi, nima uchun
shoxdan-shoxga qo‘nadi?
– Qafasning ichiga don, tuxum, tvorog, sabzi, olma solamiz.
To‘tiqushlarimiz ularning qaysi birini xush ko‘rib yeydi?
Bu savollar vositasida bolalar qushlar bilan ishlashga o‘rganadilar,
savollar natijasida va kuzatishlar asosida “Men qushlarga don berdim”
mavzusida hikoya tuzish topshiriladi. So‘ng 5–6 boladan hikoyani so‘zlab berish
so‘raladi. Zebinisoning hikoyasi hammaning diqqatini tortadi: Dadam menga
bozordan ikkita to‘ti sotib olib berdilar. To‘tilar kichkina qafaschada edi.
Ikkinchi kuni ini bor, chiroyli, katta qafas olib keldilar va to‘tilarni unga qo‘yib
yubordilar. To‘tilar keng qafasga kirgandan so‘ng sayray boshladilar, ham
yayrab o‘ynay boshladilar. To‘tilarning pati yashil, havorang, sariq, kulrang
bo‘lib, tovlanib turar edi. Ular bir-birlarining patlarini tozalay boshladilar.
To‘tilarning patlari bosh qismida kalta, dumida, qanotlarida uzun. Kichik-kichik
xolchalari ham bor. Xuddi ataylab chizilgandek.
Hikoya tugagandan so‘ng tarbiyachi hikoyalarni tahlil etib, eng yaxshi
tasviriy lavhalarga, parchalarga bolalar diqqatini tortadi: masalan, to‘tiqushning
patlari rangini Dilnoza sariq, yashil, kulrang, oq, havorang deb tasvirlaydi.
To‘tiqushlar nima uchun shoxdan-shoxga qo‘nadi? - degan savolga
Dilbar: “To‘tiqushlar mitti, jonsarak qushlar, o‘ynashni yaxshi ko‘radi”, dedi.
Sarvar esa: “To‘tiqushlar don cho‘qiydi, tuxumni yaxshi ko‘radi, sabzi,
olma bersak ham yеydi. To‘tilarga meva va sabzavotlar juda foydali”, deydi.
Syujetli hikoyada ham biror voqea-hodisa hikoya qilinadi. Masalan,
“Bizning oila”, “Mening do‘stlarim”, “Alla”, “Do‘kon”, “Bizning vrach”,
“Mening ko‘cham”, “Ko‘cha harakati qoidalari”, “Men kim bo‘lmoqchiman”,
“Sayrda”, “Paxta terimida”, “Mehrjon bayrami”, “Bizning qishloq” kabi
mavzulardagi hikoyalar shakl jihatidangina emas, mazmunan ham muhim
51](/data/documents/70965806-e8bc-4f11-92b1-11581005fce0/page_51.png)
![ahamiyat kasb etadi. Bu hikoyalarni tuzishda bolalarning nimalarga e’tibor
berishi tushuntiriladi.
Hikoya tuzish jarayonida bolalarning narsalarni ko‘rib idrok etishi, eslab
hikoya qilish, tasavvur etib hikoya qilish kabi qismlarga bo‘linadi.
Ko‘rgan narsalarni idrok etib yoki eslab hikoya qilish aniqmateriallar
asosida tuziladi. Ulardan tasavvur etib hikoya qilish – ijodkorlikni talab qiladi.
Bu hikoyalarning hammasi ham nutqning bog‘liqligi va maqsadga
yo‘naltirilganligi bilan muhimdir.
Hikoya qilish usullari xilma-xildir. Jumladan, tarbiyachi tomonidan
hikoyaning qisqacha namunasi berilishi mumkin. Bunda hikoyaning bir qismi
tuziladi yoki o‘yin tarzida bayon etiladi.
So‘ng bolalarning o‘zlari hikoya tuzadilar. Masalan, “ Bizning doktor”
hikoyasi qanday yaratilganligini ko‘rib chiqaylik.
Mashg‘ulotning maqsadi tibbiy yordam ko‘rsatish namunasida
bemorlarga g‘amxo‘rlik tuyg‘usini tarbiyalash orqali bolalar nutqini
rivojlantirishdan iborat.
Hikoya o‘yin jarayonida o‘yinchoqlar vositasida bemorga tibbiy yordam
ko‘rsatish, “bemor”, “tez yordam” xodimlari bilan muloqot asosida tuziladi.
Sardorning hikoyasi: “ Sanjar qovunni ko‘p yеb qo‘yib, qorni og‘rib
qoladi. Otasi “tez yordam” chaqiradi. Doktor kelib, bemor Sanjarga tezkor
tibbiy yordam ko‘rsatadi. Sanjarning otasi, onasi doktorga tashakkur
bildiradilar”.
Mehrinisoning hikoyasi: “Gulnoza dam olish kuni opasi, singlisi bilan
hovlida o‘ynadi. Oyisi murabbo pishirgani bir chelak olxo‘ri olib kelgan edi.
Gulnoza, opasi, singlisi o‘ynab-o‘ynab chanqadilar. Olxo‘ridan yеb olib, bir
necha marta sovuqsuv ichishdi. Uchalasining ham qorni og‘rib, isitmasi
ko‘tarildi. Ularni dadasi mashinada poliklinikaga olib bordi. Poliklinikada
bolalar doktori, hamshira opa ularga shoshilinch yordam ko‘rsatdi. Ular kerakli
52](/data/documents/70965806-e8bc-4f11-92b1-11581005fce0/page_52.png)
![dori-darmonlarni olib, tezda sog‘ayib ketdilar. Shundan so‘ng ho‘l meva yеb,
qaynatilmagan suv ichmaydigan bo‘ldilar”.
Hikoya tuzishda uning rejasi, mazmunining asosiy qismlari bolalar
tomonidan muhokama etilib, ma’lum qismi bayon qilinadi. Bolalar yo‘l qo‘ygan
xatolar tuzatib boriladi va oxirida xulosa qilinadi. Maktabgacha ta’lim
muassasalarida “Bog‘cha sahnasi uchun saboq” nomli bir pardali, bir ko‘rinishli
pyesa sahnalashtirilib, namoyish etiladi va bolalarda katta qiziqish uyg‘otadi.
Spektakldan so‘ng tarbiyachi bolalardan asar voqealarini hikoya qilib berishni
so‘raydi. Bolalar ko‘rgan-kuzatganlarini qoldirmasdan hikoya qiladi:
Sobir. Katta ko‘chada mashinalar g‘iz-g‘iz o‘tib turganda, birdan
ko‘chaning o‘rtasida samokat uchib kelayotgan Bo‘rivoy ko‘rinadi. U
mashinalarning ishorasiga ham e’tibor bermaydi. Shunda svetafor uni to‘xtatadi
va tanbeh beradi. Bo‘rivoy bunga e’tibor bermay, qochib qoladi. Sanjar.
Svetafor va qayerdandir paydo bo‘lgan Bo‘rivoy quyonlarni quvib ketishadi.
Bo‘rivoy qo‘lga olindi. Dan mashinasi yеtib keladi va Bo‘rivoy qafasga
qamaladi.
Zuhra . Quyonlar Bo‘ridan qutilganiga xursand bo‘lganidan sakrab o‘ynay
boshlaydilar. Birdan mashinalardan biri quyonchani urib yuboradi. “Tez
yordam” mashinasi yеtib keladi va quyonchaning oyog‘ini gipslab qo‘yadi.
Quyonlar yo‘l harakati qoidasiga rioya etmay ko‘chada o‘ynaganlari uchun
shikast yеydilar. Har uchala tarbiyalanuvchi ham yo‘l harakati qoidalarini
kuzatganlari asosida esda saqlab qolganlarini to‘g‘ri izchil, gapirib beradilar.
Ularning hikoyasini boshqa bolalar to‘ldiradilar. Katta guruh bolalarining
kuzatgan voqeani esda saqlashi asosida nutqni rivojlantirishga yordam beruvchi
hikoyasi ham samarali ekanligi namoyon bo‘ldi. Ko‘rganlarini esda saqlash
asosida hikoya tuzish bilan bir qatorda, o‘ylab, tasavvur etish, hikoya qilish ham
nutqo‘stirishning samarali usullaridan sanaladi. Tasavvur etish kichik va o‘rta
bog‘cha yoshidagi bolalarda o‘yin, ko‘rish, rasm chizish vositasida paydo
bo‘lsa, nutq faoliyatida katta yoshida tarkib topa boshlaydi va ijodiy xususiyat
53](/data/documents/70965806-e8bc-4f11-92b1-11581005fce0/page_53.png)
![kasb etadi. Bola bunda hikoyani o‘zi yaratadi, ijod qiladi, qahramonlarining
harakatlarini o‘ylab topadi.
Bu faoliyatda “o‘ylash”, “o‘ylab topish”, “ijod qilish” muhim sanaladi.
Bunda dastlab tarbiyachi hikoyani boshlab berishi, so‘ng bolalar davom ettirishi
mumkin. Ana shu davom ettirish, tugallash jarayonida bola o‘ylaydi, ijod qiladi.
O‘ylash, hikoya mazmunini “to‘qish”da bolalar voqea bo‘lgan joy, vaqti,
mazmuni, qahramonlarning xatti-harakatlariga alohida e’tibor beradilar.
Ayniqsa, mazmun bilan birga bolalarning nutq shakliga e’tibor beriladi.
Bu usulda ko‘rgazmalilik, kuzatish muhim rol o‘ynaydi. Bolalar o‘zlari va
tengdoshlarining narsalarini taqqoslaydilar, o‘xshash va farqli tomonlarini bilib
oladilar. Bu jarayonda hikoyani “to‘qish” oddiydan murakkabga qarab boradi.
“Kim tez va chiroyli uy qura oladi?” o‘yini bolalarning fikrlash doirasi
nihoyatda kengligini ko‘rsatadi. Mashg‘ulotning maqsadi bolalarni bir qavatli va
ko‘p qavatli uylar qurish, qurilish vositalari, quruvchilar haqida ijodiy tasavvur
etishga, o‘ylashga, fikr qilishga yo‘llash, quruvchilar mehnati bilan tanishtirish
asosida nutqini rivojlantirishdan iboratdir.
Qurilish materiallari: g‘isht, panel, bloklar, ko‘tarma kranlar, yuk
mashinalar, ishchilar uchun ish qurollari, uy maketlari, mashg‘ulot uchun
ko‘rgazmali qurollar vazifasini o‘taydi. Bolalar uch guruhga bo‘linib,
tarbiyachining topshirig‘i bo‘yicha turar joy, bolalar bog‘chasi, do‘kon qurishni
boshlab yuboradilar.
Qurilish materiallari, ish qurollari har uch guruhga bab-baravar
taqsimlandi. Bir guruh bolalar rasmga qarab, turar joy binosi, ikkinchi guruh
bog‘cha, uchinchi guruh esa do‘kon quradilar. Bolalar faqat rasmdagi tasvirga
qarab emas, o‘zlarining tasavvurlaridagi imoratlarni qurishlari mumkin.
Masalan, rasmdagi turar joy binosi to‘qqiz qavatli panelli bino bo‘lsada,
kichkintoy quruvchilar negadir besh qavatli g‘ishtli imorat quradilar. Do‘kon
rasmda ikki qavatli bo‘lsa, ular bir qavatli qilib quradilar. Imoratlarni qurishda
bo‘sh qolgan bolalar ham uch guruhga bo‘linib, “quruvchilarga” yordam
54](/data/documents/70965806-e8bc-4f11-92b1-11581005fce0/page_54.png)
![beradilar (og‘zaki). Turar joy hovlisiga yuk mashinalari birin-ketin kirib kela
boshlaydi. Bular yangi turar joyga ko‘chib kelayotgan “xonadon”larning yuklari
bo‘lishi mumkin.
Ta’lim muassasasida ham bayram - qabul marosimi. Onaqo‘g‘irchoqlar
o‘g‘il-qizlarini, qo‘llarida guldastalari bilan yеtaklab kelmoqdalar. Bog‘cha opa-
qo‘g‘irchoqlar ularni kutib olayaptilar.
Do‘kon ham gavjum. Hamma qo‘g‘irchoqlar xarid bilan band. Nihoyat,
asosiy muammo, bolalarning o‘zlari qurgan binolari haqidagi hikoyalari
tinglanadi.
Sadriddin: Biz besh qavatli turar joy binosini qurib bitirdik. To‘qqiz
qavatlik qurmadik, sababi liftlar tez-tez ishlamay qolib, buvalarimiz, buvilarimiz
chiqishga qiynaladilar. Uyimizning kirish joylarini, mehmonxona va
yotoqxonalarini, bolalar xonasini ham kengkeng qilib qurdik. Hovlisida turli
bolalar maydonchasi bor. Gulzorlarga joy ajratdik. To‘yxonamiz ham bor. Keyin
har bir xonadon uchun mevali bog‘chaga ham joy ajratdik. Yozda, issiqda
daraxtlar soyasida hordiq chiqariladi. Bog‘cha va do‘konni uyimizga yaqin
joyga qurdik.
Lutfiniso: To‘g‘ri, bog‘cha turar joylarga yaqin bo‘lgani yaxshi. Biz
maslahatlashib, bog‘chani turar joylarga yaqin qurdik. Bog‘chamizning hovlisi
keng, ko‘rkam, soya-salqin bo‘lishiga, o‘yin maydonlariga e’tibor berdik, ya’ni
rasmdagidan o‘zgartirdik.
Sojida: Biz ham do‘konni uylarga yaqin qurdik. Onalarimiz ishdan
qaytayotganda bizni bog‘chadan olib, do‘kondan xarid qilib, shundoq uyimizga
kirib ketaveradilar. Haqiqatan ham bolalar qurilishga ijodiy, hayotiy
yondoshadilar va bu ijodkorlik ularning nutqida o‘z ifodasini topadi. Shunisi
ham borki, yuqorida bayon etayotgan monologik nutq usullarining har biri
alohida-alohida yuz bermaydi. Ular ba’zi hikoyalarga qo‘shilib ketib, ijodiy,
erkin, bir butun hikoyani ifodalashi mumkin. Buni biz kundalik faoliyatda
bolalar to‘qigan hikoyalar turkumidan bilsak bo‘ladi. Bolalar to‘qigan ertak va
55](/data/documents/70965806-e8bc-4f11-92b1-11581005fce0/page_55.png)
![hikoyalarda o‘zlariga xos o‘y-xayollari, orzu-istaklari, tasavvurlari murg‘ak
qalbdan tilga ko‘chadi. Ishimizning natijasi sifatida ana shu hikoyalarning
ba’zilarini namuna tarzida keltiramiz:
Ruxsora. Mening dadam xurmo ko‘chati olib kelib, bahorda hovlimizga
o‘tqazgan edilar. Unda men juda kichkina bo‘lgan ekanman. Hozir men ham,
xurmo daraxti ham o‘sdik. Uning barglari juda chiroyli. Yozda soyasi qalin, biz
daraxt salqinida rosa o‘ynaymiz. Mevasi esa mazali. Mevasini uzganimizdan
so‘ng biz qarindoshlarimizga, qo‘shnilarimizga tarqatdik. Ayniqsa, buvam va
buvim duo qildilar: “Xurmo jannatning mevasi. Uni ardoqlang, kam
bo‘lmaysiz”. Bu yil dadam daraxtlarni ko‘paytirmoqchilar”. Nigina. “Men
oktabr oyida oyim bilan Chinozga – xolamnikiga bordim. Birinchi marta
paxtazorni ko‘rdim. Paxtalar lo‘ppi-lo‘ppi bo‘lib ochilgan. Oppoq dala.
Quyoshda ko‘zni qamashtiradi. Bir tomonda mashinalar paxta terayapti. Yoshu
keksa, bolalar etak bog‘lagan. Men ham paxta termoqchi bo‘ldim. Xolam etak
bog‘lab qo‘ydilar. Lekin tezda belim og‘rib qoldi. Qishloqdagi xolamning
bolalariga qoyilman. Men tengi qizlari ham paxta terdi, ham moliga o‘t yulib
oldi. Bog‘chaga bormas ekan”.
Nurxon: “Biz oilamiz bilan qishloqdan ko‘chib kelganmiz. Qishloqda
men quyosh botishini ko‘p ko‘rganman. Quyosh botganda ufq qizarib, dalalar
qorong‘ilasha boradi. Qorong‘ulik hamma yoqqa birdan o‘rmalab ketadi. Lekin
teraklar uchi hali nurli ko‘rinadi. Hamma yoqqa birdan jimlik cho‘kadi. Lekin
oqshomda ham odamlar tinmaydilar.
Saharda issiq non hidi butun qishloqni tutib ketadi. Daladan qaytgan
ayollar sigir sog‘ib, xamir qoradi. Tong otmay tandirga o‘t yoqib, tog‘oradan
toshay-toshay deb turgan xamirdan non yasab, sutga yo‘g‘rilgan issiq,
bo‘rsildoq nonlarni tandirdan uzib oladi. Qishloq hayoti ana shunday, issiq,
bo‘rsildoq non hidi ufurgan oppoq tong bilan boshlanadi”.
Ravshan. “Olmalar gullaganda bog‘ juda chiroyli bo‘lib ketadi. Quyosh
nurini olmoqchi bo‘lgan oppoq gulbarglar oftobga qaragan. Shabada turib, olma
56](/data/documents/70965806-e8bc-4f11-92b1-11581005fce0/page_56.png)
![gullarini silab-siypalaydi. Shunda olma gullari kuylagandek bo‘ladi. Bu
asalarilar kuyi ekan. Shabada tinadi. Go‘yo butun bog‘ kuylagandek bo‘ladi.
Asalarilar gullagan bog‘ tepasida g‘ujg‘on o‘ynaydi. Yuqoridagi hikoyalardan
ko‘rinib turibdiki, ona tilining hissiy, estetik ma’no qirralarini bir vaqtning
o‘zida anglay boradilar, til go‘zalligini, boyligini his etadilar.
Bolalar nutqini rivojlantirish texnologiyasi. Badiiy adabiyot va xalq
og‘zaki ijodiyotiga oid asarlar, shu jumladan kichik folklor janrlari (maqollar,
matallar, topishmoqlar, tez aytishlar, sanoq she’rlar va boshq.) bolalar nutqining
ifodaliligini rivojlantirishning eng muhim manbalari hisoblanadi. Agarda
atrofidagi kattalar bolani beshikdan boshlab to‘g‘ri so‘zlashga o‘rgatsalar, u
intellektual jihatdan normal rivojlanadi. Unda tasavvur qilish, so‘ngra fikrlash
va xayol surish qobiliyati paydo bo‘ladi. Har bir yosh bosqichda bu qobiliyat
takomillashib boradi. Bola intellektining rivojlanishi bilan bir vaqtda uning
emotsional-iroda sohasi ham takomillashib boradi.
Nutqni rivojlantirish metodikasi har qanday rivojlanishning umumiy
shakllari, tomonlari va o‘zaro bog‘liqligini aks ettiradigan dialektika qonunlari
va toifalariga tayanadi. Bolaning taraqqiyot jarayoni faqat o‘yin orqali olib
borilmay, balki qo‘llar harakati orqali ham olib borilishi mumkin. Bunga biz
alohida ahamiyat beramiz. M.Montessori pedagogikasining asosiy
tamoyillaridan biri – “Barmoqlar uchining harakati inson intellektining
taraqqiyot qurolidir”. Shu tamoyil asosida bolalar turli narsalarning
xususiyatlarini: masalan shakarni, tuzni, melni, unni suvga solib, bu narsalarning
erib ketishini bilib oladilar. Ular oyoq kiyimlarini krem bilan tozalaydilar, uni
yaltiraguncha artadilar, plastmassa pinsetdan foydalanishni o‘rganadilar, paxtani
rulondan ajratib olish orqali barmoqlarini harakatga keltiradilar va mashq
qildiradilar, xamir bilan ishlashni, sabzavotlarni kesishni, mahsulotlarning
xususiyatlarini va sifatlarini to‘g‘ri aytishni o‘rganadilar. To‘rlar yordamida bola
yormani guruchdan ajrata olishni o‘rganadi va uni boshqa idishlarga
joylashtiradi. Bu jarayonlar bolaning ko‘z bilan chamalash, diqqatni jamlash,
57](/data/documents/70965806-e8bc-4f11-92b1-11581005fce0/page_57.png)
![irodasini taraqqiy ettirishga yordam beradi. Agar bola nimanidir to‘kib yuborsa
yoki sochib yuborsa, shu yerning o‘zida bolaning o‘zi sochiq bilan yoki supurgi
va hokandozda uni tozalab olishni bilishi lozim.
Sensor rivojlanish mini-muhitida M.Montessori tavsiya etgan
jihozlardan boshqa ta’limiy jihozlar: B. Nikitinning “Naqsh yasa”, “Uni-kub”,
“Qirqma kvadrat” kabi jihozlarini va turli-tuman o‘yinlarni taklif etish mumkin.
Bu yerga mualliflik jihozlarini joylashtirish mumkin. Masalan: Ko‘rishni
taraqqiy ettirish uchun turli ranglardan tashkil topgan spektrlar, rangli tiniq
plastik jadvallar, bo‘yoqlarni aralashtirish uchun jihozlar va boshqalardan
foydalanish mumkin. Bu muhitda bolalar rangli “yo‘lakchalarni” yasaydilar,
ya’ni eng to‘q rangdan eng och rangga tomon yo‘nalib boradilar.
Eshitish sezgisini taraqqiy ettirish uchun “Jaranglaydigan qutichalar”dan
foydalanishlari (korobkachalar ichiga toshlar, metall sharchalar solinadi),
musiqa asbobida o‘ynashlari mumkin. Harakat sezgisini taraqqiy ettirish uchun
shunday jihozlarni joylashtirish lozimki, ular barmoqlarning mayda qo‘l
motorikasini shakllantirishga yordam bersin (qisqichlar, turli-tuman mozaikalar,
turli hajmdagi qurish-yasash jihozlari); Sezgi organlarini taraqqiy ettirish uchun
yuzasi har xil kartochkalar va matolar, “His etish qopchasi”, g‘adir-budir harflar,
raqamlardan foydalanish mumkin. Bolalar xohlasalar ko‘zlarini yumib
ishlashlari, maxsus ko‘zoynaklar taqqan holda notekis yuzalikni qo‘l bilan his
qilishlari, nimadan yasalganini aniqlashlari va tartib bilan joylashtirishlari
mumkin. Ta’m va hid bilishni ajratish uchun alohida jihozlar mavjud bo‘lishi
mumkin.
“Bola va notanish odamlar”. Insonlar kiyimi va ularning niyatlarining
bir-biriga mos kelmasligi. Pedagog bolalarga notanish kimsalar bilan muloqotda
bo‘lish qanchalik xavfli ekanligini, chunki bolalar kattalarning qanchalik xavfli
bo‘lishlari mumkinligini bilmasliklari mumkin. Ko‘pchilik bolalarning
tasavvurida yomon odamlar faqat yomon kiyim-bosh kiyishlari yoki pala-partish
kiyinishlari mumkin deb o‘ylaydilar. Ba’zi bir bolalar avvalambor soqolli, iflos
58](/data/documents/70965806-e8bc-4f11-92b1-11581005fce0/page_58.png)
![kimsalargina xavf tug‘dirishi, yaxshi kiyingan, kelishgan ayollar, qizlar va
o‘smirlar, har qanday ochiq chehrali, do‘stona kulgisi bor insonlar hech qanday
yomonlik qilishi mumkin emas,- deb o‘ylaydilar. Shuning uchun bolalar bilan
ko‘pincha yaxshi kiyingan odamlar va ularning niyatlari mos kelmasligi haqida
suhbat uyushtirish maqsadga muvofiqdir. Kichik va o‘rta maktabgacha ta’lim
yoshidagi bolalarga tanish ertaklar va adabiy asarlardan namunalar keltirish
lozim (masalan: Guloyim chuvrindi kiyimlarga burkangan, qora kuya bilan
chaplangan bo‘lsada, u juda mehribon ekanligini; “Qizil gul” ertagidagi
mavjudot sehrlangan mehribon shahzoda ekanligini bilishadi). Katta
maktabgacha ta’lim yoshidagi bolalar bilan esa o‘z hayot tajribalaridan misollar
keltirib suhbat uyushtirish katta samara beradi.
Hayotda uchraydigan tasodifiy vaziyatlar. Bolalarning bunday
sharoitda telefondan foydalanish qonun-qoidalarini, tanish va qadrdon
insonlarning telefon raqamlarini bilishlariga erishish. Bu holatlar bolalarga
tasodifiy vaziyatlarda bola nimadandir va kimdandir qo‘rqqanida kerak bo‘lib
qolishini tushuntirish. Pedagoglar bolalarga telefon bilan o‘ynashni tasodifan
telefon qilishdan farqlashga o‘rgatish. Haqiqiy telefon orqali so‘zlashishni
maxsus treninglar jarayonida mustahkamlash va ota-onalar bilan hamkorlikda
ish olib borish.
Bolalar o‘rtasidagi keskin vaziyatlar va kelishmovchiliklar.
Pedagogning asosiy vazifasi–bolalarga muammoli vaziyatlardan tinchgina
chiqib ketish usullarini o‘rgatishdan iborat. Bunday vaqtda pedagog bolalarga
kelishmovchilikdan quyidagicha chiqib ketish yo‘llarini:
– kelishmovchilik vaziyatini keltirib chiqaruvchi muammoni aniq
ifodalashga o‘rgatish;
– har bir tarafga muammoni izohsiz yechish imkoniyatini yaratish;
– qarshiliklarsiz to‘g‘ri xulosa chiqarishga intilishni taklif etishi mumkin.
Nutq bolalarning tevarak-atrof go‘zalligini ifoda etish vositasi bo‘lib
qolgandagina kutilgan natijaga erishish mumkin. Bolalarning nutqini
59](/data/documents/70965806-e8bc-4f11-92b1-11581005fce0/page_59.png)
![rivojlantirish, gap tuzish va ertaklarni kelgan joyidan davom ettirishni
o‘rgatishda piktogrammalardan foydalanish yaxshi natijalar beradi. Har bir
mavzuga mos ravishda ishlangan piktogrammalar bilan bolalar tanishtiriladi.
Mashg‘ulotlar davomida yoki yakunida rasmlar chizilgan ko‘rgazmalar
bolalarga tavsiya etiladi.
60](/data/documents/70965806-e8bc-4f11-92b1-11581005fce0/page_60.png)
![XULOSA:
Maktabgacha tarbiya muassasasida sog‘lom, tabiiy muhit yaratish,
ularning to‘g‘ri muomalaga kirishishi, boshqalar bilan gaplashish ishtiyoqining
ortishiga turtki bo‘ladi. – Bolalarni narsalarning nomlarini to‘g‘ri aytishga,
ularning o‘xshash va farqli tomonlarini tushunish, shakli, rangi, sifati,
xossalarini, jinsi va turiga oid yo‘naltiruvchi lug‘atini faollashtirish, nutqning
grammatik tuzilishini shakllantirish, nutq madaniyatini shakllantirish, dialogik
va monologik nutqini takomillashtirish va nihoyat savod o‘rgatishga tayyorlash
muhim ahamiyat kasb etadi .
Bolaning nutqi til qonuniyatlariga to‘g‘ri amal qilish, kattalar nutqini
idrok etish va o‘zining ijodiy faolligi natijasida rivojlanadi. Nutqni samaraliroq
rivojlantirish maqsadida bolalarning tevarak-atrof obyektlari (kishilarning hayoti
va mehnati, hayvonlar, o‘simliklar olami, suv osti dunyosi) to‘g‘risidagi
tasavvurlarini aniqlash va izchil, rejali tarzda kengaytira borish talab etiladi.
Tilni to‘g‘ri o‘rganish, uning grammatik tuzilishiga e’tibor berib so‘zlashish,
bolalarda erkin muhokama yuritish, savollar berish, boshqalardan eshitgan
fikrlari yuzasidan xulosalar chiqarish, narsa va hodisalar o‘rtasidagi
bog‘lanishning turli ko‘rinishlarini anglab yetishga olib keladi.
Lug‘atni so‘zlar bilan – kishilar, o‘simliklar, oziq-ovqatlar, kiyimboshlar,
mebellar, uy hayvonlari va ularning bolalari, o‘yinchoqlarning nomlari bilan,
buyumlar qismlarining nomlari (ko‘ylak yengi va yoqasi; mashina kuzovi va
g‘ildiraklari) bilan boyitib borish. O‘yinlarda bolalarga harakatlarning so‘zdagi
ifodasini o‘z ifoda harakatlari va o‘yinchoqlar harakatlari bilan taqqoslashni
o‘rgatish.
Tilni to‘g‘ri o‘rganish, uning grammatik tuzilishiga e’tibor berib
so‘zlashish, bolalarda erkin muhokama yuritish, savollar berish, boshqalardan
eshitgan fikrlari yuzasidan xulosalar chiqarish, narsa va hodisalar o‘rtasidagi
bog‘lanishning turli ko‘rinishlarini anglab yetishga olib keladi. Maktabgacha
tarbiya muassasasida sog‘lom, tabiiy muhit yaratish, ularning to‘g‘ri muomalaga
61](/data/documents/70965806-e8bc-4f11-92b1-11581005fce0/page_61.png)
![kirishishi, boshqalar bilan gaplashish ishtiyoqining ortishiga turtki bo‘ladi.
Bolalarni narsalarning nomlarini to‘g‘ri aytishga, ularning o‘xshash va farqli
tomonlarini tushunish, shakli, rangi, sifati, xossalarini, jinsi va turiga oid
yo‘naltiruvchi lug‘atini faollashtirish, nutqning grammatik tuzilishini
shakllantirish, nutq madaniyatini shakllantirish, dialogik va monologik nutqini
takomillashtirish va nihoyat savod o‘rgatishga tayyorlash muhim ahamiyat kasb
etadi.
Bola uchun maktabgacha ta’lim muassasasiga qatnay boshlagan dastlabki
kunlar va oylar juda murakkabdir – chunki bolaning onasi o‘rniga boshqa
notanish kattalarning paydo bo‘lishi, u o‘rganib qolgan odatiy turmush-tarzini
izdan chiqaradi. Bu ko‘pchilik bolalarda salbiy emotsiyalar, qo‘rquvni vujudga
keltirib, ushbu holat butun organizmni qamrab olishi va uning rivojlanishini
anchagacha susaytirib qo‘yishi mumkin. Bunday paytda uyquning, ishtahaning
buzilishi, tozalik ko‘nikmalarini vaqtincha esdan chiqarish, emotsional
kechinmalar (yig‘loqilik, qo‘rquv, hujumkorlik, o‘jarlik va boshq.), sustlik, o‘zi
mustaqil ravishda ovqatlanishdan bosh tortish holatlari kuzatiladi. Agarda
pedagog xushmuomalali va sabr-toqatli bo‘lsa, bu holatlar 3–6 haftada o‘tib
ketadi, ayrim bolalarda esa, bundan uzoqroqqa ham cho‘zilishi mumkin.
62](/data/documents/70965806-e8bc-4f11-92b1-11581005fce0/page_62.png)
![F O YDALANILGAN ADABIYOTLAR RO‘YXATI
1. O'zbekiston Respublikasining Konstitutsiyasi.-T.: O'zbekiston, 2023.
2. O'zbekiston Respublikasining “Ta'lim to'g'risida”gi Qonuni. Toshkent
2020.
3.O'zbekiston Respublikasining "Maktabgacha ta'lim va tarbiya to'risida"gi
Qonuni. Toshkent 2019-yil 16-dekabr.
4. O'zbekiston Respublikasining “Korrupsiyaga qarshi kurashish to'g'risida”gi
Qonuni. 2017.
5. O'zbekiston Respublikasi Prezidentining 2017-yil 7-fevraldagi
“O'zbekiston Respublikasini yanada rivojlantirish bo'yicha Harakatlar
strategiyasi to'g'risida”gi PF-4947-son Farmoni.
6 . O'zbekiston Respublikasi Prezidentining 2017-yil 30-sentabrdagi
“Maktabgacha ta'lim tizimi boshqaruvini tubdan takomillashtirish chora-
tadbirlari to'g'risida”gi. PF-5198-sonli Farmoni.
7. Prezident Shavkat Mirziyoevning 2018- yil 19-oktyabr kuni maktabgacha
ta'lim tizimini tubdan takomillashtirish masalalariga bag'ishlab o'tkazilgan
selektor yig'ilishi materiallari.
8. O'zbekiston Respublikasi vazirlar mahkamasining 2018-yil 8-dekabrdagi
999-sonli qarori.
9. O'zbekiston Respublikasi Prezidentining “Maktabgacha ta'lim tizmini
2030-yilgacha Rivojlantirish konsepsiyasini tasdiqlash to'g'risidagi” qarori
63](/data/documents/70965806-e8bc-4f11-92b1-11581005fce0/page_63.png)
![PQ-4312 2019-yil 5-may.
10. O'zbekiston Respublikasi Prezidentining 2017-yil 15-sentabrdagi
“Nodavlat ta'lim xizmatlari ko'rsatish faoliyatini yanada rivojlan-tirish chora-
tadbirlari to'g'risida”gi PQ-3276-sonli Qarori.
11. O'zbekiston Respublikasi Prezidentining 30-sentabrdagi “O'zbekiston
Respublikasi Maktabgacha ta'lim vazirligi faoliyatini tashkil etish to'g'risida”gi
PQ-3305-sonli Qarori.
12. O'zbekiston Respublikasi Vazirlar Maxkamasining 2017-yil 19-iyuldagi
“Maktabgacha ta'lim muassasalari faoliyatini takomillashtirish to'g'risida”gi
528-sonli Qarori
13. Babayeva D.R. ―Nutq o`stirish metodikasi T.: TDPU 2016-yil. O`quv
qo`llanma
14. “ILK QADAM” MTT ning Davlat dasturi. T.: 2018.
15. “Maktabgacha ta'limga qo'yiladigan davlat talablari”. -T.: 2017
16. Mirziyoev S.M. Tanqidiy tahlil, qat'iy tartib-intizom va shaxsiy
javobgarlik - har bir rahbar faoliyatining kundalik qoidasi bo'lishi kerak. -T.:
O'zbekiston. - 2017.
17 .Qodirova R.M Maktabgacha yoshdagi bolalarda dialogik nutqni
rivojlantirishning ruhiy omillari. Qoz.,Sariog‘och, 1998.
18 . Qodirova.F.R Qodirova R.M Maktabgacha yoshdagi bolalarga ikkinchi tilni
o`rgatish metodikasi.T., ―Sano-standart, 2004.
19 . Qodirova F.R R.M Qodirova. ―Bolalar nutqini rivojlantirish nazariyasi va
metodikasi.T.,―Istiqlol,2006.
64](/data/documents/70965806-e8bc-4f11-92b1-11581005fce0/page_64.png)
![20. .Axler S., F.W. Gehring: Graduate Tehts in the Mathematics. Springer.
March, 2009.
21. John. C. Sparks: The handbook of Essential mathematics. Air Force
Publication. March, 2006.
22. Researchining effective pedagogy in the eariy ears. Iram Siraj-Blatchford
and others. June 2002.
23.The National Strategies Primary: Numbers and Patterns. December , 2009.
24 . www.inter-pedagogika.ru ;
25 . www.school.edu.ru
26 . www. tdpu. uz
27 . www. pedagog. uz
28 . . www. Ziyonet.uz
29 . www. edu. uz
65](/data/documents/70965806-e8bc-4f11-92b1-11581005fce0/page_65.png)
Bolalarni diologik nutqini shakllantirish omillari Reja: Kirish I BOB KICHIK YOSHDAGI BOLALAR NUTQINI O‘STIRISHNING VAZIFALARI, METODLARI VA VOSITALARI 1.1. Nutqni rivojlantirish metodikasining nazariy asoslari 1.2. Bolaning ijtimoiy va shaxs sifatida shakllanishida dialogning ahamiyati va bolalar nutqining rivojlanish davrlari. 1.3. Ravon nutqini rivojlantirish II BOB DIOLOGIK NUTQ VA UNI BOLALARDA SHAKLLANTIRISH METODIKASI. 2.1. Dialog nutqning mazmuni va vazifalari 2.2. Maktabgacha ta’lim muassasasida nutqini rivojlantirishga doir ishlar tizimi 2.3. MT T bolalar nutqini rivojlantirish texnologiyasi Xulosa Foydalanilgan adabiyotlar ro‘yxati. 1
Mundarija: Kirish..............................................................................................................3 I BOB KICHIK YOSHDAGI BOLALAR NUTQINI O‘STIRISHNING VAZIFALARI, METODLARI VA VOSITALARI. 1.1. Nutqini rivojlantirish metodikasining nazariy asoslari..................................... 6 1.2. Bolaning ijtimoiy va shaxs sifatida shakllanishida dialogning ahamiyati va bolalar nutqining rivojlanish davrlari................................................................12 1.3. Ravon nutqini rivojlantirish............................................................................. 23 II BOB DIOLOGIK NUTQ VA UNI BOLALARDA SHAKLLANTIRISH METODIKASI. 2.1. Dialog nutqning mazmuni va vazifalari............................................................ 33 2.2. Maktabgacha ta’lim muassasasida nutqini rivojlantirishga doir ishlar tizimi...................................................................................................................40 2.3. MTT bolalar nutqini rivojlantirish texnologiyasi..........................................52 Xulosa...........................................................................................................62 Foydalanilgan adabiyotlar.............................................................................64 2
KIRISH Jamiyat rivojlanishining har bir bosqichida ta’lim mazmuni muayyan maqsad va vazifalarga ega bo‘ladi. Yurtimizda 27.07.2017 yilda qabul qilingan PQ 3151 “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora- tadbirlari to‘g‘risida”gi qarorda “O‘qitishning zamonaviy shakllari va metodlarini, kompyuter va axborot-kommunikatsiya texnologiyalarini ta’lim jarayoniga joriy etish, oliy ta’lim muassasalarini zamonaviy o‘quv-laboratoriya anjomlari va o‘quv-metodik adabiyotlar bilan ta’minlash, ilmiy-tadqiqot va innovatsiya faoliyatini qo‘llab-quvvatlash va rag‘batlantirish, oliy ta’lim muassasalarining zamonaviy ilmiy laboratoriyalarini tashkil etish va rivojlantirish choralarini ko‘rish” kerakligi keltirib o‘tilgan. Shundan kelib chiqib ta’lim mazmuni davr talabi, nazariy bilim va ishlab chiqarish taraqqiyoti darajasiga mos ravishda o‘zgarib turadi. Ta’lim mazmuni ijtimoiy hodisa sifatida maydonga keladi va u o‘zining boshlang‘ich davrida amaliy ahamiyat kasb etgan, ya’ni insonlarning hayotiy ehtiyojlari uchun zarur hisoblangan bilimga bo‘lgan talabini qondirgan. Ijtimoiy taraqqiyot ta’limning madaniyatshunoslik funktsiyasini yuzaga keltirdi. Ta’limning rivojlanishiga boshqa ijtimoiy omillar ham ta’sir ko‘rsatdi, natijada hukmron sinflar umum madaniy va takomillashib boruvchi bilimga o‘z monopoliyasini o‘rnata boshladilar, aholining asosiy qatlamlari esa kundalik turmushda zarur bo‘ladigan amaliy bilimlarnigina egalladilar. Hozirgi kunda ta’limni tashkil etishda interfaol metodlardan foydalanish yuqori samara bermoqda. Bitiruv malakaviy ishining mavzusi bo‘yicha qo‘yilgan maqsad yo‘lidagi izlanishlar , olingan natijalar yuzasidan tegishli xulosalar chiqarish. Ishning yangiligi: Bu bitiruv malakaviy ishida diologik nutqning shakllanish omillari mavzusi yuzasidan innovatsion texnologiyalardan birinchi marta foydalanildi va 3
didaktik o‘yinli texnologiyalardan foydalangan holda dars o‘tish metodikasi ishlab chiqildi. Bitiruv malakaviy ishni dolzarbligi: Maktabgacha yoshdagi bolalarda interfaol metodlardan foydalanib diologik nutqini shakllantirib dars samaradorligini oshirish bolaning madaniy xulq-atvorini tarbiyalash va rag‘batlantirishga, axloq qonunlari va tamoyillarini tushunishga qaratilgan. Bitiruv malakaviy ishining maqsadi: Maktabgacha ta’lim tashkilotlarida bolalarni dialogik nutqini shakllantiruvchi omillarni takomillashtirish. Bitiruv malakaviy ishining vazifalari: Yuqoridagi maqsaadni amalga oshirish uchun quyidagi vazifalar bajarildi. - MTTda tarbiyachining mahoratini hisobga olib bolalarni dialog nutqini o‘stirish bolalarning aqliy rivojlanishining o‘ziga xos jihatlarini yaratish. - Bolalarga ta’lim tarbiya berishda turli xil texnologiyalarni qo‘llagan holda nutqini yanada o‘stirish. Bitiruv malakaviy ishining obyekti: Bolalarning diologik nutqini shakllantirishda amalga oshiriladigan jarayonlar. Bitiruv malakaviy ishining predmeti: Bolalarning dialogik nutqini shakllantirishda zamonaviy usul hamda pedagogik texnologiyalardan foydalanish. Bitiruv malakaviy ishining metodlari: Tanlangan muammoga oid innova tsiya metodik manbalarni tahlil qilish, kuzatish, taqqoslash ilg‘or pedagogik tajriba metodlari. Bitiruv nalakaviy ishining metodologik asosi : O‘zbekiston Respublikasi Konstitusiyasi, «Ta’lim to‘g‘risida»gi Qonun, Prezident farmoyishlari Vazirlar mahkamasining maktabgacha ta’lim tuzilishiga oid chiqarilgan qarori “ Ilk qadam” davlat o‘quv dasturi hamda “Ilm Yo‘li” variativ dasturi va Komenskiyning “Buyuk didaktika” “Maktabgacha ta’limda o‘qitish texnologiyalari pedagogik jarayonni loyihalashtirish didaktikaga oid 4
qo‘llanmalar . Sharq mutafakkirlarining yoshlar ma’naviyatini tarbiyalash va rivojlantirish to‘g‘risidagi ta’limotlari, ta’lim to‘g‘risidagi me’yoriy hujjatlari, shuningdek, falsafa, pedagogika va psixologiya sohasidagi tadqiqotlar va ilg‘or tajribalardan iborat Bitiruv malakaviy ishining tarkibiy qismi: kirish, 3 bob, 6 paragraf, tajriba, xulosa va foydalanilgan adabiyotlardan iborat. 5