JINOYATCHI ShAXS XULQ-ATVORIDA SALBIY XUSUSIYATLAR NAMOYON BO’LIShINING PSIXOLOGIK OMILLARI
![JINOYATCHI ShAXS XULQ-ATVORIDA SALBIY
XUSUSIYATLAR NAMOYON BO’LIShINING
PSIXOLOGIK OMILLARI
MUNDARIJA
KIRISH...........................................................................................................3
I BOB. G’AYRIIJTIMOIY XULQNI KELTIRIB CHIQARUVCHI SHART-
SHAROITLAR
I.1.G’ayriijtimoiy xulq va «normadan chetga chiqish» tushunchasi............. . 6
I.2.Jinoyatchi shaxsi va uning o’ziga xos psixologik xususiyatlari...............16
I.3.Jinoyatchi shaxs tipologiyasi....................................................................23
II BOB. ALOHIDA TOIFADAGI JINOYATCHI SHAXSLARNING
PSIXOLOGIK XUSUSIYATLARI
II.1.G’arazli jinoyatlarni sodir etuvchi shaxslar toifasi...................................30
II.2.Zo’ravonlik
jinoyatlarini sodir etuvchi shaxslar toifasi............................33
II .3. Terrorchilik jinoyatlarini sodir etuvchi shaxslar toifasi ............................42
X U L O S A ...................................................................................................7 1
FOYDALANILGAN ADABIYOTLAR......................................................76
1](/data/documents/36a8fc2d-2d7e-4d7b-87dd-b129f30f1136/page_1.png)
![KIRISH
Mavzuning dolzarbligi : O’zbekiston Respublikasi mustaqillikka
erishganidan so’ng bozor iqtisodiyoti munosabatlariga asoslangan h uquqiy
demokratik davlat va adolatli fuqarolik jamiyatini barpo etishni maqsad qilib
qo’ydi. Ushbu maqsadga erishishda, eng avvalo, jamiyatda jamoat tartibini saqlash
va xavfsizlikni ta’minlash, jinoyatchilikning oldini olish va unga qarshi kurashish
sohasidagi muammolarni hal qilish asosiy vazifalardan biridir.
Respublikamiz rahbari Sh.M.Mirziyoyev tomonidan ilgari surilgan dasturiy
vazifalarning o’ta jiddiyligi va mas’uliyatliligiga ko’ra tayyorlanayotgan yosh
mutaxassislarni nazariy va amaliy jihatdan tayyorlashda ta’limning sifat darajasini
yanada yuqori bosqichga ko’tarishni taqozo etadi.
Shu ma’noda, jinoyatchilikning sodir etilishi demokratik huquqiy davlat
qurish va erkin fuqarolik jamiyatini barpo etishga, jamiyatda aholining tinch,
osoyishta, farovon hayot kechirishiga hamda jamiyatda har tomonlama yetuk,
bilimli, mustaqil fikrlaydigan, ma’naviy-ruhiy jihatdan komil insonni
shakllantirishga to’sqinlik qiladi.
Mavzuning predmeti : O’zbekistonda bugun jinoyatchilik ustidan ijtimoiy-
huquqiy nazorat shartli ravishda quyidagi uch yo’nalishda amalga oshirilmoqda:
– jinoyatlar sodir etilishining oldini olishga qaratilgan iqtisodiy, ijtimoiy,
ma’naviy-tarbiyaviy, huquqiy va boshqa tadbirlar;
– sodir etilgan jinoyatlar uchun jazoning muqarrarligini ta’minlash
maqsadida amalga oshirilayotgan operativ-qidiruv, surishtiruv, dastlabki tergov va
sud tergovini amalga oshirish bilan bog’liq tadbirlar majmui;
– sodir etilgan jinoyatlar uchun sud belgilagan jazoning ijrosini
2](/data/documents/36a8fc2d-2d7e-4d7b-87dd-b129f30f1136/page_2.png)
![ta’minlashga qaratilgan tadbirlar.[II; 20-3.]
Yuqoridagi fikrlardan kelib chiqib, jinoiy xatti-harakatlarni kasb qilib olgan
shaxslarning ruhiy olamini o’rganish, nafaqat huquqni muhofaza qilish organlari
xodimlarini, balki ko’plab olimlarning ham diqqat-e’tiborini o’ziga qaratmoqda.
Mavzuning farazlari. Tadqiqot ishining maqsadiga erishish va ilgari
surilgan ilmiy farazni asoslash maqsadida ishni tizimli amalga oshirish uchun
quyidagi vazifalar belgilandi:
1.Jinoiy xulq va unda “normadan chetga chiqish” tushunchasini,
2.Jinoiy xatti-harakatni keltirib chiqaruvchi shart-sharoitlarni,
3.Jinoyatchi shaxs psixologiyasi va uning tipologiyasini,
4.Alohida turdagi jinoyatchilar toifasi,
5.Professional jinoyatchilar va ularning o’ziga xos bo’lgan psixologik
xususiyatlari imkon qadar bayon qilish.
Malakaviy bitiruv ishining vazifalari. Tadqiqot ishining maqsadiga
erishish va ilgari surilgan ilmiy farazni asoslash maqsadida ishni tizimli amalga
oshirish uchun quyidagi vazifalar belgilandi:
- tadqiqot mavzusiga oid adabiyotlarni tahlilni amalga oshirish;
- tadqiqot metodikalarini tanlash va asoslash;
- jinoyatchining ijtimoiy-psixologik qiyofasini yoritib berish;
- zarur ijtimoiy fazilatlarni shakllantirishga mo’ljallangan o’yin mashqlari
ishlab chiqish;
- zarur kasbiy va ijtimoiy malakalarni egallashda jinoyatchilarni
tarbiyalash va qayta tarbiyalash metodlarini qo’llash bo’yicha amaliy tavsiyalarni
ishlab chiqish.
Bitiruv malakaviy ishda qo’llanilgan metodikalar.
1. Jinoyatchi psixologiyasini tadqiq qilish bo’yicha ma’lumot to’plash.
2.“Refleksiya” testi yordamida tajriba guruhidagilarning refleksiv
xususiyatlarini aniqlash
3.A.Bass va I.Darkning “Agressiya shakllari va uning ko’rsatkichlari”ni
diagnostika qilish metodikasi orqali sinaluvchi insonlarning jinoyatchilikka
3](/data/documents/36a8fc2d-2d7e-4d7b-87dd-b129f30f1136/page_3.png)
![moyillik darajasini aniqlash
4.Jinoyatchilikning oldini olish dasturi yordamida psixologik trening
tashkil etish va natijalarni tahlil qilish
Bitiruv malakaviy ishining yangiligi.
Inson xulqida tashqi omillar tizimi ichki shart-sharoitlar tizimi bilan
belgilanadi. Shu bois har bir jinoyatda obyektiv va subyektiv omillarning birligi
ko’rinadi, jinoyatchi shaxsini aniqlash barobarida jinoyatning oldini olish tizimi
yaratiladi.
Bitiruv malakaviy ishining nazariy ahamiyati.
Tadqiqot ishida jinoyatchining ijtimoiy psixologik xususiyatlari
muammosining nazariy tahlilida keltirilgan ijtimoiy-psixologik fikrlar yuzasidan
to’plangan materiallar yuridik psixologiya, umumiy psixologiya, ijtimoiy
psixologiya, psixodiagnostik, psixokorreksiya, sosial trening va amaliyot
sohalarini nazariy jihatdan boyitishga xizmat qiladi.
Bitiruv malakaviy ishining amaliy ahamiyati. Ishda jinoyatchi shaxs
tipologiyasi, belgilari bo’yicha metodikalar va yaratilgan usullar tizimi amaliy
psixologlarning jinoyatga moyilligi mavjud shaxsda zarur ijtimoiy fazilatlarni
zudlik bilan shakllantirish bo’yicha faoliyatlariga tadbiq etilishi mumkin.
Bitiruv malakaviy ishining tuzilishi.
Ushbu bitiruv malakaviy ishi kirish, ikki bob olti paragraf, xulosa va
tavsiyalar, foydalanilgan adabiyotlar ro’yxati hamda ilova qismlardan tuzilgan.
Ishning kirish qismida mavzuning dolzarbligi, ishning maqsadi, ilgari
surilgan ilmiy faraz, vazifalari, tadqiqotda qo’llanilgan metodikalar, yangiligi,
ishning nazariy va amaliy ahamiyati haqida qisqacha ma’lumotlar berilgan.
4](/data/documents/36a8fc2d-2d7e-4d7b-87dd-b129f30f1136/page_4.png)
![I-BOB .G’AYRIIJTIMOIY XULQNI KELTIRIB CHIQARUVCHI
SHART-SHAROITLAR
I.1.G’ayriijtimoiy xulq va «normadan chetga chiqish» tushunchasi
Inson xulqi murakkab va ko’p qirrali hodisa bo’lib, uni o’rganishda tizimli
yondashuv va ehtimol tutilgan jarayonlar haqidagi zamonaviy tasavvurlarga ega
bo’lish talab qilinadi. Har bir axloqiy hodisaning mohiyati uning shaxs xulqining
umumiy tuzilishidagi o’rni bilan bog’liq. Individual rivojlanish jarayonida axloqiy
tizimlar individual axloqiy strategiyaning murakkab majmuiga aylanadi va
shaxsning axloqiy tipini hosil qiladi.
An’anaga ko’ra, g’ayriijtimoiy xulq sabablari ikki guruhga
– ijtimoiy va biologik sabablarga ajratiladi. Biroq, axloq-odob me’yorlari
(qoida) dan og’uvchi xulqning ko’plab ko’rinishlarini tahlil qilish mazkur
muammoni boshqacharoq, ya’ni tizimli-integrasiyalashgan (birlashgan) holda
o’rganish zarur, degan xulosaga olib keladi.
Ijtimoiylik yoki biologik omillariga «ruhiylik» nomli tizim hosil qiluvchi
omilni kiritish hamda inson xulqining sababiy bog’lanishlari
(determinasiyasi) bilan bog’liq barcha muammolar majmuini ijtimoiy-
psixologik-biologik sabablar deb atash zarur. Bunda «psixologik» jihatning
o’rtada joylashgani uning ham ijtimoiy, ham biologik omil uchun birlashtiruvchi
funksiyaga egaligini anglatadi.
G’ayriijtimoiy xulq sabablari haqida so’z borar ekan, avvalo,
muammoni tahlil qilishning asosiy prinsiplarini keltirib o’tamiz.
1. G’ayriijtimoiy xulq, normadagi xulq kabi, ko’p omillidir, u bir yoki hatto
bir qancha sabablarning oqibati emas. Biroq, alohida olingan individual axloqiy
ko’rinishning ko’p omillar bilan bog’liqligi va ehtimolli xususiyati uni o’rganib
bo’lmasligini bildirmaydi. Bu o’rinda shaxsning tipik individual-psixologik
xususiyatlari va axloqiy qarashlarini aniqlash ustun ahamiyatga ega. Ijtimoiy va
biologik omillar o’z- o’zicha emas, balki jinoyatchi xulqining tipini hosil qiluvchi
uning shaxsiy-psixologik xislatlarida birlashgan holda g’ayriijtimoiy xulqning
5](/data/documents/36a8fc2d-2d7e-4d7b-87dd-b129f30f1136/page_5.png)
![aniqlovchilariga aylanadi.
2. G’ayriijtimoiy xulq ijtimoiy ijobiy xulqdan yo’nalishining mazmuni
bo’yicha ham, psixoregulyasion xususiyatlari bo’yicha ham ajralib turadi. Shaxs
xulqi uning ehtiyojlari, anglangan va anglanmagan mayllari tizimi, oldiga maqsad
qo’yish va unga erishish xususiyatlari bilan ajralib turadi. Agar uni sxema tarzida
tasvirlaydigan bo’lsak, quyidagicha ko’rinish hosil qiladi.
Aksariyat jinoyatchilarning xulqiga ijtimoiy qadriyatlarga moslasha olmaslik
(dezadaptasiya) va o’zini o’zi boshqarishdagi nuqsonlar xosdir. Individning o’zini
o’zi boshqarish imkoniyatlari past darajada bo’lganida, g’ayriijtimoiy mayllari,
odatlari nafaqat nazorat qilinmaydi, balki ularning o’zlari xulqning maqsad hosil
qiluvchi mexanizmlariga aylanadi.
3. G’ayriijtimoiy xulq individning o’z ijtimoiy mas’uliyatini himoya qilish
(o’zini oqlash) motivasiyasi, umum qabul qilingan ijtimoiy qadriyatlarning
qadrsizlanishi asosida amalga oshiriladi. Inson xulqi uning ehtiyojlari va
yo’nalganlik sohasi, qabul qilgan qadriyatlar tizimi, umuminsoniy madaniyatdan
bahramandlik darajasi bilan bog’liqdir. Inson hayvondan farqli ravishda qandaydir
yagona xulq tizimlariga mahkum emas, u ko’p funksiyalidir. Uning xulqini aniq
instinktiv (tug’ma) mayllari emas, balki ijtimoiylashuv darajasi yuzaga keltiradi.
4. G’ayriijtimoiy xulq – mojaroli xulq bo’lib, doimo jamiyatda, ijtimoiy
guruhlarda, shaxs bilan ijtimoiy guruh, ayrim shaxslar o’rtasida va, nihoyat,
shaxsning o’zidagi ichki ziddiyatlarga asoslangan. Inson xulqidagi tashqi holatlar
tizimi unda shakllangan ichki ruhiy shart-sharoitlar tizimi orqali namoyon bo’ladi.
Ushbu ichki ruhiy shart-sharoitlarga quyidagilar kiradi:
– qadriyatlar tizimi;
6Ehtiyoj Anglangan va
anglanmagan
mayllar Maqsad qo’yish
va unga erishishShaxs](/data/documents/36a8fc2d-2d7e-4d7b-87dd-b129f30f1136/page_6.png)
![– axloqiy yo’nalganlik;
– xatti-harakatning umumlashgan usullari;
– o’zini o’zi tartibga solishning psixodinamik xususiyat lari.
5. Inson xulqida na obyektiv, na subyektiv omillarni alohida ajratish
mumkin.
Ijtimoiy omillar odamlar xulqiga bevosita ichki shaxsiy, individual-
psixologik hodisalar orqali ta’sir ko’rsatadi (va bu, ba’zan «jinoiy tabiat»
illyuziyasini yuzaga keltiradi).
6. Shaxs qanchalik kam ijtimoiylashgan bo’lsa (bu, odatda, jinoyatchi
shaxsning o’ziga xos xususiyatidir), biologik omillarning ustun (dominanta)
bo’lish ehtimoli shunchalik yuqori bo’ladi. Inson ongining rivojlanishi qanchalik
cheklangan bo’lsa, uning xulqida iyerarxik jihatdan quyi turadigan motivasiya
darajalari shunchalik katta rol o’ynaydi.
Kriminolog olim Z.S.Zaripov va I.Ismailovlar jinoiy xulq shakllanish
jarayonini quyidagi toifalarga ajratishadi:
a) shaxs ehtiyoji va manfaatlari buzilishi bilan bog’liq jinoiy xulq
shakllanish jarayoni;
b) shaxs ehtiyoji (manfaati) va imkoniyati o’rtasidagi farq (qarama-
qarshilik) bilan bog’liq jarayonlar;
v) shaxs ma’naviy va huquqiy tasavvurining, qadriyatlar va ijtimoiy
yo’nalishining buzilishi bilan bog’liq jarayonlar;
g) qaror qabul qilish va amalga oshirishdagi nuqson va kamchiliklar bilan
bog’liq jarayonlar.[III; 36-130]
Jinoiy xatti-harakat jarayoni quyidagi asosiy qismlarni o’z ichiga oladi:
motivasiya, qaror qabul qilish va uni amalga oshirish. Har qanday ijtimoiy
ahamiyatga ega bo’lgan xatti-harakat bu shaxsdagi o’ziga xos xususiyatlar bilan
tashqi muhitning o’rtasidagi aloqaning natijasi degan fikrga asoslangan holda
muayyan jinoiy xatti-harakat jarayonini quyidagicha tasvirlasa bo’ladi:
7](/data/documents/36a8fc2d-2d7e-4d7b-87dd-b129f30f1136/page_7.png)
![Shaxsning xususiyatlari
Rus olimi G.A.Avanesov inson xatti-harakatiga salbiy ta’sir etuvchi
quyidagi biologik shart-sharoitlarni ajratadi:
– jinsiy buzilish va jinoyatlarning sababiga aylanadigan biologik ehtiyojlar
patologiyasi;
– asab tizimining qo’zg’aluvchanligini kuchaytiradigan, noadekvat
reaksiyani keltirib chiqaradigan va harakatlarni ijtimoiy nazorat qilishni
qiyinlashtiradigan asab-ruhiy kasalliklar (psixopatiyalar, nevrosteniyalar, kasallik
va sog’liq chegarasidagi holatlar);
– turli xil psixosomatik, allergik, zaharvandlik bilan bog’liq kasalliklarga
olib keladigan va qo’shimcha jinoiy omil bo’lib xizmat qiladigan psixofiziologik
zo’riqishlar.[II.7. 226-230]
Ruhiy anomaliya (normadan og’ish)lar esa irsiy (genetik) ildizlarga ega
bo’lib, asabiy-ruhiy buzilishlar faqat noqulay muhit ta’siridagina jinoiy xulqning
sababi bo’lishi mumkin.
XX asrning 20-yillaridayoq psixiatrlar (Antonyan Yu.M., Borodin S.A.,
Vinogradov M.V., Golub S.A. va boshq.) jinoiy xulq turi bilan ruhiy anomaliya
o’rtasida bog’liqlik mavjudligini ta’kidlaganlar.
Masalan, rus olimi Yu.M. Antonyanning fikricha, «...aqli ojizlar, kundalik
hayotga moslasha olmaydiganlar o’zlarining tuban ehtiyojlarini qondirish
8Tashqi muhitMotivatsiya Qaror Amalga oshirish](/data/documents/36a8fc2d-2d7e-4d7b-87dd-b129f30f1136/page_8.png)
![maqsadida o’g’rilik, ba’zan esa qotillik jinoyatlarini sodir etadilar.
Beqaror va tashqi muhit ta’siriga tez beriluvchan ixtiyorsiz psixopatlar
odatdagi o’g’rilar safini oson to’ldiradilar; ma’nosiz ruhiy his-tuyg’ular va kuchli
tuban mayllarga ega bo’lgan psixopatlardan esa banditlar, g’arazli qotillar
boshqalarga qaraganda osonroq hosil bo’ladi; patologik qo’zg’aluvchanligi bilan
ajralib turadigan psixopatlar arzimagan narsa tufayli atrofdagilar bilan oson
aytishib qoladilar, jamoat tartibini buzadilar »[II; 9 67-b.]
.
Ruhiy anomaliyalarga chalingan shaxslarning ulushi (koeffisiyenti) barcha
jinoyatchiliklarning taxminan 70 % ini tashkil qiladi.
Ma’lum bo’lishicha, ruhiy anomaliya holatida shaxslar tomonidan jismoniy
kuch ishlatish (odam o’ldirish, nomusga tegish, tan jarohati yetkazish) va bezorilik
jinoyatlari sodir etilgan. Masalan, aqli raso deb tan olingan va odam o’ldirish,
nomusga tegish, tan jarohati yetkazish jinoyatlarini sodir etgan voyaga
yetmaganlar sud-psixiatriya ekspertizasidan o’tkazilganda ularning har besh
nafaridan uch nafarida aqli raso bo’lgan holda o’z jinoiy qilmishlariga yo’l
ochuvchi turli anomaliya holatlari borligi aniqlangan. Ichki ishlar organlarining
tegishli xizmat sohalari hisobida turgan voyaga yetmaganlar sodir yetgan
huquqbuzarlik larning 23–43% ini ruhiyatida turli darajadagi ruhiy kamchiliklar
mavjud bo’lgan yoshlar amalga oshirganlar. Jismoniy kuch ishlatish orqali og’ir
turdagi jinoyat [III; 52.-156 b]
sodir etganlarning umumiy miqdorida anomaliya
holatlarining mavjudligi tahlil etilganda 3 8 % shaxslarda anomaliya holatlari, 23 %
ida markaziy asab tizimining organik jarohati, 20 % ida bosh miya jarohati, 19 %
ida surunkali alkogolizm alomatlarining mavjudligi aniqlangan. [II; 25.-91b]
Shu ma’noda, aksariyat jinoyatchi shaxslarning xulqida janjalkashlik, tez
ta’sirlanish, salbiy mayllarning o’z-o’zidan paydo bo’lishi, o’z xulqini ijobiy
qadriyatlar va motivasiyalar bilan boshqarish mexanizmining sustligini kuzatish
mumkin. Mazkur axloqiy ko’rinishlarning bari genetik anomaliyalar – Klayn
Felter sindromi (ortiqcha X-xromosoma – 47/XXY sindrom yoki ortiqcha Y-
9](/data/documents/36a8fc2d-2d7e-4d7b-87dd-b129f30f1136/page_9.png)
![xromosoma – 47/XYY sindrom) deb nomlanadi.
Bunda ortiqcha X-xromosoma haddan tashqari tajovuzkorlik bilan, ortiqcha
Y-xromosoma esa maqsad qo’yish va unga erishish sohasidagi og’ish
(anomaliya)lar, xulqning irodaviy boshqaruvidagi buzilishlar bilan izohlanadi.
[II;20 -80 b]
Hozirgi genetikaning yutuqlari individ psixikasining faqat «muhit» bilan
bog’liqligi haqidagi ilgari shakllangan tasavvurlarga o’zgartishlar kiritmoqda.
Biologik va ijtimoiy jihatlar inson xulqining murakkab tizimli bioijtimoiy omilini
hosil qiladi.
Shunday qilib, inson xulqi yagona bioijtimoiy omil bilan bog’liqdir. Biologik
jihatdan meros sifatida olingan inson xislatlari muayyan ijtimoiy sharoitlarda
uning ruhiy xislatlari rivojlanishi uchun shart-sharoit hisoblanadi.
Har bir jinoyat g’ayriijtimoiy yo’nalishdagi boshqaruv mexanizmlarga ega
xulq natijasidir. Xo’sh, bu subyektiv ruhiy omil jinoyatni keltirib chiqarishga
sabab bo’ladimi?
Albatta, ruhiy omillar jinoyat sodir etilishida birinchi o’ringa chiqadi va bu
ularning birinchi sababi ekanligi xususidagi fikrni yuzaga keltiradi. Aslida, ruhiy
omillarning o’zi jinoyatchi shaxsi shakllanishining haqiqiy sharoitlarida yuzaga
keladi.
Hech bir tashqi omil ham, hech bir ichki holat ham o’z-o’zicha axloqiy aktni
yuzaga keltirmaydi.
Shu ma’noda, aksariyat jinoyatchilarda o’z-o’zidan yuzaga keladigan
mayllarning tasodifiy vaziyatlarga bog’liqligi xosdir. Shaxsning o’zini o’zi
boshqarish tizimining tarqoqligi aksariyat jinoyatchilarni bir-biridan ajratib
turuvchi asosiy psixologik jihatlardan biridir. Jinoyatchilarning ayrim xudbinona
intilishlari g’ayriijtimoiy tus olganda ularning axloqiy tizimini ong osti mayllari
darajasida boshqaradi.
Yaqin o’tmishda bo’lgan freydizmning asossiz tanqid qilinishi bizda «ong
osti» tushunchasiga salbiy munosabatni yuzaga keltirdi. Hozirgi ilmiy psixologiya
«ong osti omilini» «o’z» o’rniga qaytardi.
10](/data/documents/36a8fc2d-2d7e-4d7b-87dd-b129f30f1136/page_10.png)
![Biroq «ong osti omilining taqiqlanganligi» fikri hali bizning
huquqshunoslikda hukmronlik qilishda davom etmoqda. Huquqshunoslik
dastlabki bosqichlarida faqat ongga asoslanadi. Biroq, ushbu cheklangan
konsepsiya asosida shaxsning aksariyat vaziyat va impulslar bilan bog’liq
harakatlarining ma’nosi va g’ayriqonuniy mohiyatini tushunib bo’lmaydi. Garchi
ushbu harakatlar mexanizmini ifodalash uchun soxta ilmiy surrogat – «motivsiz
jinoyat» tushunchasi o’ylab topilgan bo’lsada, bu vaziyatdan chiqish yo’li emas,
chunki sababsiz hodisalar sodir bo’lmaydi.
Ruhiy boshqaruvlarning ong osti mexanizmlari barcha maqsadli
harakatlarda, axloqiy qarashlarning keng miqyosli tizimida namoyon bo’ladi. Ong
darajasi qanchalik past bo’lsa (aksariyat jinoyatchilarga ana shu belgi xos), xulqni
tartibga solishning ong osti mexanizmlari shunchalik katta rol o’ynaydi.
Insonning asosiy axloqiy fondi umum qabul qilgan me’yorlarga aylanib
ulgurgan. Muayyan shaxs xulqining mustahkamlangan, umumlashgan usullari
uning tabiatiga xos xislatlardir.
Ijtimoiylashgan shaxs barcha vaziyat va sharoitlarda barqaror va yaxlitdir.
Jinoyatchi shaxs esa vaziyatga tobedir. Shu bilan birga, ashaddiy jinoyatchilarga
xos barqaror g’ayriijtimoiy yo’nalganlik ularda tegishli ustunlik qiluvchi
kriminogen motivlar, jamiyat uchun xavfli anglangan, ularning hayoti va
faoliyatidagi boshqa barcha ko’rinishlarni o’ziga bo’ysundiruvchi intilishlar
borligidan dalolat beradi.
O’z navbatida, shaxs, o’zining ruhiy xislatlariga ko’ra jinoyatchining
ijtimoiy roliga muqarrar mahkum etilishi mumkin emas. Biroq, har bir jinoyatda
uning subyektiv tomoni sifatida jinoyatchi shaxsning ruhiy holatlari doimo
namoyon bo’ladi.
Jinoyatchilar bir-birlaridan hamda ijtimoiy hayotga moslashgan, qonunga
itoatkor odamlardan «jinoiy jihatlari» bilan emas, balki hayoti va faoliyatining
turli sharoitlarida shakllangan fe’li-atvoriga xos salbiy jihatlari bilan farq qiladilar.
«Jinoiy ruhiyat» ham, «jinoiy vorisiylik» ham mavjud emas. Ayni vaqtda
ruhiyat ham, uning tabiiy shart-sharoitlari ham har qanday axloqiy aktga,
11](/data/documents/36a8fc2d-2d7e-4d7b-87dd-b129f30f1136/page_11.png)
![jumladan g’ayriqonuniy harakatlarga «daxldordir».
Ijtimoiy qarashlari qat’iy bo’lmagan insonda hatto uning tabiiy mayllari ham
g’ayriijtimoiy axloq shakllarida, ya’ni jinsiy instinkt – nomusga tegishda; faol
mudofaa refleksi – shaxsga tajovuz qilishda; o’zini saqlash instinkti – dezertirlikda
namoyon bo’lishi mumkin. Huquqiy belgilariga ko’ra bir xil jinoiy qilmish turli
ruhiy omillardan kelib chiqishi mumkin. Masalan, o’g’rilik jinoyati aybdorning
shaxsiy yo’na lishi bilan ham, irodasining sustligi va ishonuvchanligi bilan ham,
patologik xususiyati bilan ham sodir etilishi mumkin.
Insonning jinoiy qilmishida namoyon bo’ladigan shaxsiy xislatlari «huquqiy
ongdagi qandaydir umumiy nuqsonlar»dan emas, balki aniq axloqiy-psixologik
qusurlari (baxillik, shafqatsizlik, ijtimoiy negativizm)dan dalolat beradi.
Rus olimi A. R. Ratinovning o’tkazgan tadqiqotida jinoyatchilar va qonunga
itoatkor fuqarolar o’rtasidagi jiddiy psixologik farqlar borligi kuzatilgan. Ya’ni
shkalali tahlilda tekshiriluvchilarning qonunga itoatkor guruhi barcha asosiy
qadriyatlarga ijtimoiy-ijobiy munosabatini, o’z hayotining mazmunini baholashi
bo’yicha jinoyatchilardan ancha ustun ekanligi ma’lum bo’lgan. Jinoyatchilar
bilan qonunga itoatkor shaxslar o’rtasidagi farqlar ijtimoiy muhit, faoliyat, badiiy
zavq, nikoh, sevgi, farzandlar, oila kabi qadriyatlarda yorqin ko’rinadi.[II; 27 -59
b]
Ayrim huquqshunoslar aksariyat jinoyatlarni o’z-o’zidan jinoyatni keltirib
chiqaradigan, uning amalga oshishi uchun sharoit yaratadigan kriminogen vaziyat
bilan bog’laydilar.
Kriminogen vaziyat – bu mazmun bo’yicha jinoiy niyatning, jinoyat sodir
qilish maqsadining shakllanishiga ijobiy ta’sir qiluvchi jinoiy natijaga erishish
uchun qulay hisoblangan, ya’ni jinoyat sodir etishga ko’maklashuvchi vaziyatdir.
Shuni qayd etish lozimki, har qanday kriminogen vaziyat o’z holicha
mustaqil holda shaxsni jinoyat sodir etishga olib kelmaydi.
Jinoyat sodir etish vaqtidagi kriminogen vaziyat bu shaxsning muhit bilan
aloqasining alohida darajasi hisoblanadi. Bu aloqada salbiy xususiyatlarga ega
bo’lgan shaxsdagi jinoyat sodir etishga moyilligi kriminogen vaziyat ta’sirida
12](/data/documents/36a8fc2d-2d7e-4d7b-87dd-b129f30f1136/page_12.png)
![muayyan xatti-harakatga aylanadi. Aniq hayotiy vaziyatning shaxs muayyan
jinoyat sodir etishiga ta’siri quyidagi tasvirga ega.III; 36 -155-156]
Jinoyatlar birdan yuzaga kelgan kriminogen vaziyatlar tufayli emas, balki
insonning muayyan barqaror shaxsiy xislatlari va qadriyatlari sababli sodir etiladi.
Qonunga itoat qiladigan va o’zini o’zi yuksak darajada boshqara oladigan
halol inson uchun «jinoiy» vaziyatlar yo’q va bo’lishi ham mumkin emas. Vaziyat
o’z-o’zicha jinoyatni keltirib chiqara olmaydi, u faqat g’ayriijtimoiy fe’lga ega
bo’lgan shaxsning muayyan qarashlari va maqsadlarini amalga oshirishi uchun
mos bo’lishi mumkin, xolos.
Har bir insonda ijobiy xulq mavjud bo’lib, bu xulq anglangan bo’lsa hamda
qarorni erkin, to’g’ri qabul qilsa, vaziyatning quliga aylanmaydi, albatta.
Biroq, inson xulqining ruhiy boshqaruv darajasi qanchalik past bo’lsa,
uning xulqida vaziyat bilan bog’liq holatlar shunchalik katta ahamiyatga ega
bo’ladi. Ko’pchilik jinoyatchilarga haqiqatan ham xulqining vaziyat bilan
bog’liqligi xos bo’lib, bu uning fe’liga xos jihatdir.
Inson o’zi uchun muayyan qiymatga ega bo’lgan narsa, hodisa sababligina
faol harakat qiladi. Qadriyatlar tizimi individual bo’lib, u insonning ruhiy
faolligini belgilab beradi: bir kishi uchun hayotiy muhim bo’lgan narsa, boshqa
shaxs uchun unchalik muhim bo’lmasligi mumkin.
Jinoyatchining xulqi ham qadriyatlar asosida yo’nalgan. Ammo
jinoyatchining qadriyatlari buzilgan, ular ijtimoiy qadriyatlarning umum e’tirof
etgan tizimga mos kelmaydi.
Ba’zi odamlar notanish insonni o’lim xavfidan o’ylab o’tirmay qutqaradilar,
boshqalar esa o’ylab o’tirmay pichoqni qarindoshiga sanchadilar – hammasi u
13G’ayriijtimoiy yo’nalishga
ega bo’lgan shaxs
Jinoiy
xatti-harakat
Aniq hayotiy vaziyat](/data/documents/36a8fc2d-2d7e-4d7b-87dd-b129f30f1136/page_13.png)
![yoki bu odamlar uchun hayotning qaysi tomonlari muhim ekanligiga bog’liq.
Ijtimoiy jihatdan ijobiy qadriyatlar tizimi tug’ma emas, u jamiyatdagi tarbiya
jarayonida shakllanadi.
Jinoyatchining ijtimoiy-ijobiy qadriyatlarga salbiy munosabati doimo
jamiyatdagi tarbiya nuqsonlarining natijasidir.
Ijtimoiylashgan shaxsning eng asosiy ehtiyoji ijtimoiy-ijobiy qadriyatlarni
amalga oshirish ehtiyojidir. Ashaddiy jinoyatchida bunday ehtiyojning yo’qligi
uning asosiy xususiyatidir.
Jinoyatchining ijtimoiy xavfliligi uning alohida
“ jinoiy ” qadriyatlari va ehtiyojlarida emas, balki ijtimoiy qadriyatlarni tan
olmasligidadir. Jinoyatchining yo’nalishlarini aniqlash jinoyatchi rad etayotgan
ijtimoiy qadriyatlarni aniqlashdir.
Jinoyatchilar odatda o’zini oqlash uchun motivlar, bahonalar tizimini
keltiradilar va jinoiy maqsadlariga erishishlariga xalal beruvchi qadriyatlarni rad
etadilar. O’z harakatlarini oqlash asosida javobgarlikdan bo’yin tovlash aksariyat
jinoyatchilarga xos xususiyatlardan biridir.
14](/data/documents/36a8fc2d-2d7e-4d7b-87dd-b129f30f1136/page_14.png)
![I.2.Jinoyatchi shaxsi va uning o’ziga xos psixologik xususiyatlari
“ Jinoyatchi shaxsi ” ko’p qirrali tushuncha bo’lib, bir qator fanlarning
o’rganish obyekti hisoblanadi. Uni nafaqat psixologlar, balki yuristlar ham
predmet obyekti sifatida o’rganadilar. Jinoyatchi shaxs psixologiyasi haqida bir
qator psixolog (M.I.Yenikeyev, O.L.Kochetov, Yu.V.Chufarovskiy,
Yu.L.Vasilyev va boshq.) olimlar ilmiy adabiyotlarda o’z fikrlarini bildirganlar.
Yuridik psixologiyada ham ushbu muammo markaziy o’rinlardan birini
egallaydi. Jinoyatchi shaxsi – jinoyatchining asosiy intellektual-ma’naviy
xislatlari, ruhiy va jismoniy holatining majmuidir. Jinoyatchi shaxsini o’rganish
shaxs sodir etgan qilmishni malakali baholashni, jumladan individual bashorat
qilishni ta’minlash uchun hal qiluvchi ahamiyatga ega. Jinoyatchi shaxsi
to’g’risida har tomonlama va chuqur tasavvurga ega bo’lish uchun tahlil nafaqat
jinoyat sodir etilgan vaqtni va uni tekshirish davrini, balki tekshiriluvchining
rivojlanishini ham qamrab olish kerak. Bunda jinoyat sodir etilishining yashirin
motivlarini ham, psixologik-psixiatrik xususiyatlarini ham baravar inobatga olish
lozim. Jinoyatchining shaxsi va jinoyat o’zaro bog’liq bo’lganligi bois,
kriminalistik ish doirasida jinoyatchining shaxsi to’g’risida tegishli ma’lumotlarni
olish jinoyatni tergov qilish faoliyatining muhim tarkibiy qismi hisoblanadi.
Chunki O’zR JK 54-moddasiga binoan, sud jazo tayinlashda jinoyatchi shaxsini
boshqa holatlar bilan bir qatorda inobatga olishi lozim.[III; 51 -165 b]
Jinoyatchi shaxsning ichki dunyosini anglash uchun uning hayotda tutgan
o’rni, atrof muhitdagi voqyelik, insonlar, jamiyat, davlat, qonun, mehnat va
hokazolarga munosabatini bilish lozim. Buni esa uning ehtiyojlari, ma’naviy
yo’nalishlari va faoliyatining motivlarini o’rganmasdan turib amalga oshirish
mumkin emas.
Ya’ni, har qanday jinoiy faoliyat ko’p jihatdan jinoyatchining o’ziga xos
individual-psixologik xususiyatlariga bog’liq. Jinoyat-prosessual qonuni isbotlash
predmetini belgilashda ayblanuvchining javobgarlik darajasi va xususiyatiga ta’sir
etuvchi holatlarni, shuningdek, ayblanuvchi shaxsini ifodalaydigan boshqa
holatlarni aniqlashni talab etadi. Shu bois jinoyatchi shaxsining aniqlanishi lozim
15](/data/documents/36a8fc2d-2d7e-4d7b-87dd-b129f30f1136/page_15.png)
![bo’lgan belgilarini ishlab chiqish yuridik psixologiyaning asosiy vazifasi
hisoblanadi.
Jinoyatchi shaxsini psixologik jihatdan o’rganishda uni ijtimoiy muhit bilan
o’zaro aloqadorlikda tahlil qilish kerak bo’ladi. Chunki jinoiy xulqni shaxs yoki
muhit emas, balki aynan ularning o’zaro aloqasi yuzaga keltiradi. Ijtimoiy
muhitning jinoiy xulqqa ta’siri murakkab xususiyatga ega. Boshqacha aytganda,
jamiyat hayotining ijtimoiy-iqtisodiy, siyosiy va madaniy jihatlari jinoyatning
modellashtiriladigan mexanizmi shakllanishiga tashqi ta’sir ko’rsatadi, ayni
vaqtda, modellashtiriladigan jinoyatchining psixologik xususiyatlari uning go’yoki
ichki mazmunini tashkil etib, uni shakllantiradi.
Jinoyatchi shaxsi yuridik psixologiya uchun ham, kriminologiya uchun ham
alohida qiziqish uyg’otadi, zero u muayyan tashqi shart-sharoitlarni oddiygina aks
ettirib qolmay, balki o’zaro aloqaning faol tomonini tashkil etadi.
Binobarin kriminologiyada “jinoyatchi” va “jinoyatchining shaxsi” kabi
atamalar kategoriya, ya’ni har biri mustaqil tushuncha sifatida talqin qilinadi.
“Jinoyatchi shaxsi” tushunchasi o’ziga xos ravishda jinoyatchining ijtimoiy
belgilarini ifodalaydi, ya’ni shaxsning “ijtimoiy qiyofasi”ni ochib berishga xizmat
qiladi.[II; 25 -84 b]
Ijtimoiy shart-sharoitlarning g’ayriijtimoiy xulq bilan aloqasi murakkabdir,
buning ustiga doimo ijtimoiy shart-sharoitlar jinoyatda muayyan shaxs orqali
o’zgargan holda namoyon bo’ladi. Bir qator hollarda ular uzoq vaqt ijtimoiy
o’zaro munosabatda bo’lish jarayonida shaxsda nisbatan barqaror iz qoldiradi va
ayrim jinoiy harakatlarni emas, balki barqaror g’ayriqonuniy yo’nalishni yuzaga
keltiradi. Bu yo’nalish jinoyatchiliklar majmuida ko’rinadi.
G’ayriijtimoiy xulqning qonuniy xatti-harakatdan farqi, bizningcha,
qadriyatlar, qarashlar va ijtimoiy maqsadlar tizimidan, ya’ni ongning mazmun
bilan bog’liq tomonidan kelib chiqadi. Umum e’tirof etishicha, g’ayriijtimoiy
xulqning bevosita sabablarini aynan shaxs va ijtimoiy muhitning qadriyatli-
normativ tizimlaridan, ularning o’zaro munosabatidan izlash kerak.[II; 16 -222-
224 b]
16](/data/documents/36a8fc2d-2d7e-4d7b-87dd-b129f30f1136/page_16.png)
![Yuridik psixologiyaga oid adabiyotlarni tahlil qilish ham jinoyatchi
psixologiyasini o’rganish masalalariga katta e’tibor qaratilgani va
qaratilayotganidan dalolat beradi.[II; 27 ]
Shunga qaramay, amaliyotning ko’rsatishicha, jinoyatchilarning psixologik
xususiyatlari borasida amalga oshirilgan nazariy tadqiqotlar jinoiy faoliyatning
manzarasini yetarlicha to’liq aks ettira olmayapti, ya’ni ko’pgina savollar
(masalalar) «kadr ortida» qolib ketmoqda. Masalan, jinoyatni sodir etish usulini
tanlashda, jinoyatchi ko’p hollarda nafaqat psixologik xususiyatlarni, balki ruhiy
holatlarni ham hisobga oladi. Ruhiy holat esa, ma’lumki, psixologiyaning
predmetini tashkil etadi.
Shaxsni psixologik tiplashtirish mazkur hodisani bilish usullaridan biridir,
ammo muayyan jinoyatchilarning shaxs-larini o’rganishda olingan ma’lumotlarni
tegishlicha nazariy asoslash zarur.
Jinoyatchilikni ijtimoiy determinasiyalash mexanizmi shaxsni o’rganishda
ikki xil yondashuvni – ijtimoiy-tipologi k va ijtimoiy-rolli yondashuvlarni
birlashtirishni talab qiladi.
Ijtimoiy-tipologik yondashuvda avvalo shaxsning ijtimoiy o’rni
(pozitsiyasi), unga mos ijtimoiy qadriyatlar, me’yorlar, ularning idrok etilishi va
bajarilishi tahlil qilinadi. Ikkinchi holda shaxsga faol arbob, ijtimoiy
munosabatlarning subyekti sifatida qaraladi. Ijtimoiy-rolli yondashuv obyektiv
jihatdan kriminogen xususiyatga ega bo’lgan pozisiya va funksiyalarni ko’rishga
imkon beradi, chunki ular shaxs zimmasiga amaldagi qonunlarga zid
majburiyatlarni yuklaydi va shu bois u ushbu majburiyatlarni faqat jinoyatchilik
sodir etib bajarishi mumkin bo’ladi, shaxsga bir-birini istisno etuvchi talablar
qo’yadi, bu esa ijtimoiy-huquqiy nizolarni keltirib chiqaradi, shaxsni uning uchun
zarur bo’lgan ijobiy ta’sirlar majmui amal qiladigan doiradan chiqarib yuboradi.
Yuridik psixologiyadagi asosiy masalalardan biri, avvalo, shaxsning
motivasion sohasi tashqi muhitdagi muayyan omillar bilan o’zaro aloqadorlikda
ushbu shaxs uchun kriminogen vaziyat yaratishi mumkin bo’lgan ichki shaxsiy
shart-sharoitlarni ajratib olishdir.
17](/data/documents/36a8fc2d-2d7e-4d7b-87dd-b129f30f1136/page_17.png)
![Har bir insonga o’z ehtiyojlarini qondirish, shaxsiy va umumiy maqsadlarga
erishish uchun boshqa odamlar bilan birlashishga intilish xosdir. Qonunga itoatkor
odamlar, qonunbuzarlardan farqli ravishda, noqulay vaziyatlarda guruhdan
chiqish, o’zlarini qanoatlantirmaydigan aloqadan qochishga qodirdirlar yoxud
bunday holatlarga nisbatan o’z pozitsiyasini o’zgartirishga harakat qiladilar.
Amaliyotning ko’rsatishicha, jinoyatlarning har xil (g’arazli, zo’ravonlikka
asoslangan, ehtiyotsizlik orqasida sodir etiladigan) turlariga jinoyatchilarning
motivasion sohasida bo’ladigan turli buzilishlar xosdir.
Shaxsning aynan jinoiy harakatni sodir etishi ham tashqi vaziyat (obyektiv
omil), ham ichki (subyektiv omil) maqsadlar bilan bog’liq.
Jinoyatchilik sabablari majmuidagi muhim tarkibiy qismlardan biri
iste’molning aholining to’lovga qobiliyatli talabidan orqada qolishi bilan bog’liq
bo’lgan ana shu iste’mol sohasi ishtirokchilari bo’lmish odamlar talablarining
qanoatlantirilmasligidir. Hozirgi kunda moddiy-tovar boyliklar va xizmatlarga
bo’lgan ehtiyojlar bilan ularni qondirish imkoniyatlari o’rtasidagi uzilish ijtimoiy
salbiy oqibatlarni keltirib chiqarayotgani hammaga ma’lum. Bu o’rinda jinoiy
xulq shakllanishining kamida ikki variantini farqlash lozim.
U biz yuqorida ko’rib chiqqan mehnat va taqsimot sohalaridagi ijtimoiy
ziddiyatning ta’siriga o’xshash tarzda yuz beradi, ya’ni iste’mol tovarlari va
xizmatlarning taqchilligi aholining psixologiyasiga salbiy ta’sir etadi va noadekvat
(nomos) ijtimoiy qarashlarni yuzaga keltiradi, bu esa aholining jinoiy faollik
darajasida ko’rinadi. Xizmat (ish) o’rinlarining yetishmovchiligi jinoyatchilikning
ortib borishiga olib keladi Maishiy xizmatlarning yaxshi rivojlanmaganligi
odamlar o’rtasidagi munosabatlarda keskinlikning ortishiga, nizoli ijtimoiy-
psixologik muhit shakllanishiga olib keladi. Tadqiqotlar natijalarining
ko’rsatishicha, maishiy xizmatlar kamroq rivojlangan hududlarda ushbu sohadagi
nizolar boshqa joydagilardan ko’proq bo’ladi.[II; 8 -61-67 b]
Ta’kidlash lozimki, taqchillik jinoiy faoliyat bilan shug’ullanishga shart-
sharoit yaratuvchi omillardan biri hisoblanadi. Iste’mol sohasidagi taqchillik
buyurtma qotilliklar, terrorchilik harakatlari, firibgarlik, odam savdosi,
18](/data/documents/36a8fc2d-2d7e-4d7b-87dd-b129f30f1136/page_18.png)
![poraxo’rlik, korrupsiya, narkobizneslarning tarqalishiga sharoit yaratadi.[II; 39 -
120 b]
Shu ma’noda jinoyatchi shaxsi – individ sodir etgan muayyan turdagi
jinoiy qilmishni keltirib chiqargan uning tipologik xislatlari majmui.
Jinoyat sodir etgan shaxsni o’rganishda unda ustunlik qiluvchi, uning
qadriyatlari, hayot-faoliyatining mazmuni, mayllari va qarashlarini aniqlash zarur.
Chunki, jinoyatchilar o’zlarining g’ayriijtimoiy xatti- harakatlarining asl
mohiyatini ko’proq yoki kamroq darajada anglagan holda, o’zlarini oqlaydigan
motivlar, bahonalar tizimini axtaradilar va jinoiy maqsadlariga erishishlariga xalal
beruvchi qadriyatlarni rad etadilar. O’z harakatlarini oqlash maqsadida
javobgarlikdan bo’yin tovlash, o’zini ruhiy jihatdan himoyalash aksariyat
jinoyatchilarga xos bo’lgan psixologik xususiyatdir.
Oldindan rejalashtirilgan va sodir etilgan jinoyatni oqlash turli usullar bilan
amalga oshiriladi:
– jinoyat qurbonining aybdorligini bo’rttirib ko’rsatish;
– ijtimoiy va huquqiy normalarni g’ayriijtimoiy guruhlar (banda, o’g’rilar
to’dasi)ning qoidalariga qarshi qo’yib qadrsizlantirish;
– javobgarlikni boshqalarning gardaniga qo’yish, yuzaga kelgan vaziyat
bilan o’zini oqlash va sh.k.
Ijtimoiy qadriyatlardan begonalashgani bois jinoyatchi ruhiy
dekompensasiyalar (ichki ruhiy muvozanat hosil qiluvchi soxta
«o’rinbosar»lardan foydalanish) asosida o’zining jinoiy xulqi sabablarini ichki
salbiy xislatlarida emas, balki tashqi vaziyatlar, boshqa odamlarning xatti-
harakatlaridan axtaradi.
Jinoyat motivlari jinoyatchining shaxsiy salbiy xislatlari
– g’araz, kek saqlash, rashk, shuhratparastlik, yolg’on qarashlar tizimi
(burch, o’rtoqlik kabi xislatlarni noto’g’ri tushunish) orqali shakllanadi.
Aksariyat jinoyatchilar ko’p narsaga da’vogar bo’ladilar, ammo buni amalga
oshirish imkoniyatlari juda kam bo’ladi. Ushbu holat deyarli barcha
19](/data/documents/36a8fc2d-2d7e-4d7b-87dd-b129f30f1136/page_19.png)
![jinoyatchilarning ichki shaxsiy nizolari asosida yuzaga keladi.
Ko’pchilik holatlarda jinoyatchi shaxslarning qadriyatlar va normalar tizimi
buzilganini, ya’ni voqyelikni noto’g’ri idrok etishini kuzatish mumkin. Ularning
xulqini bir daqiqalik, muayyan vaziyat bilan bog’liq mayllar, eng quyi darajadagi
ehtiyojlar egallab turadi.
Jinoyat sodir etgan shaxslarning ehtiyojlari asosan quyidagi
xususiyatlarga ega:
– ehtiyojlarning torligi, cheklanganligi, moddiy-utilitar xarakterga ega
ekanligi;
– ijtimoiy zarur ehtiyojlarning (mehnat, axloqiy xulqqa bo’lgan
ehtiyojlarning) rivojlanmaganligi;
– shakli buzilgan, o’rtacha standartdan va qondirishning qonuniy
imkoniyatlaridan ortiq bo’lgan ehtiyojlar;
– buzilgan ehtiyojlar.
Shu ma’noda aksariyat huquqbuzar shaxslarda iste’molchilik gipertrofiyasi
mavjuddir.
Iste’molchilik gipertrofiyasi deganda talon-torojlik, poraxo’rlik, o’g’rilik,
talonchilik va bosqinchilikning asosiy shart-sharoitlaridan birini tushunish
mumkin. Aksariyat odamlarning ijtimoiy buzilishi ularning yaratuvchilik
xislatlarining buyumlarga egalik borasida ustunlik qiluvchi his-tuyg’ulari
tomonidan siqib chiqarilishida ko’rinadi. Ularda «jamg’arish instinkti» chegaraga
ega bo’lmaydi. Falokat to’planadigan buyumlarda emas, balki iste’molchi odam
ishlab chiqaruvchi shaxs sifatida passiv bo’lib qolishi, g’ayriijtimoiy, so’ngra esa
odatda jamiyatga qarshi (firibgar, poraxo’r, mansabni suiiste’mol qiluvchi) bo’lib
qolishidadir.
Ba’zan salbiy xulqning muayyan shakllari shaxsning dastlabki ehtiyojlari
bilan bog’liq shart-sharoitlardan uzilgan holda yakka-yu yagona manfaatga
aylanadi. Fitna, g’iybat, tuhmat, boshqalarga ko’ngilsizliklar yetkazish, janjallar –
ko’pincha shaxsning o’zini qaror toptirish va ijtimoiy faolligini namoyon
20](/data/documents/36a8fc2d-2d7e-4d7b-87dd-b129f30f1136/page_20.png)
![etishning buzilgan shakli sifatida yuzaga chiqadi.
Biroq, hattoki bir qarashda bema’ni tuyulgan jinoyatlar ham jinoyatchi
uchun muayyan ma’noga, tegishli shaxsiy ahamiyatga ega bo’ladi. Har qanday
jinoyat jinoyatchi shaxsining ehtiyoji, manfaat yoki qarashlari bilan muayyan
tarzda bog’liq bo’ladi.
Ba’zi jinoyatlar odatdagi harakatlarning amalga oshirilishi bilan bog’liq.
Ular ong osti va yarim avtomat xususiyatiga ega bo’lib, javobgarlikni bekor
qilmaydi, zero shakllanishi jarayonida to’liq ongli nazorat bosqichidan o’tgan
bo’ladi.
Aksariyat jinoyatchilarga o’z-o’zidan yuzaga keladigan mayllar, ularning
tasodifiy vaziyatlarga bog’liqligi xosdir. Bu esa ularda o’zini o’zi boshqarish va
uyushgan qadriyatlar tizimi yo’qligidan dalolat beradi.
Har bir jinoyat nihoyatda individual va ko’p omilli hodisadir. Jinoiy xulq
genezisini nazariy qamrab olish uchun jinoiy xulqning eng ko’p tarqalgan tiplarini
tahlil qilish zarur. Jinoyatchi xulqining mexanizmlarini tushunish uchun
«jinoyatchi shaxsining tipi» tushunchasidan kelib chiqish zarur.
Jinoyatchi shaxsining tipi – shaxsning unga xos bo’lgan jinoiy xulq usullari
bilan bog’liq barqaror jinoiy yo’nalganligi. Jinoyatchi shaxsining tuzilishi, albatta,
jinoyatning dastlabki sababi emas. Uning dastlabki sababini jinoyatchining
shakllanish shart-sharoitlari tashkil qiladi.
21](/data/documents/36a8fc2d-2d7e-4d7b-87dd-b129f30f1136/page_21.png)
![I.3.Jinoyatchi shaxs tipologiyasi
Jinoyatchi shaxsning tipologiyasida uch darajani farqlash lozim:
1)jinoyatchining umumiy tipi;
2)muayyan toifadagi jinoyatchi shaxs;
3)muayyan turdagi jinoyatchi shaxs. Bu darajalar bir-biri bilan umumiylik,
maxsuslik va yakkalik kabi munosabatda bo’ladi.
Shaxsning ijtimoiy o’zagini uning yo’nalganligi, hayotiy munosabatlari
tizimi, motivli-qadriyatli mo’ljallari tashkil etgani bois, bu o’zakning o’zi
jinoyatchi shaxsning tipini belgilashi lozim.
Jinoyatchidagi tipik xususiyatning mezoni, avvalo, uning ijtimoiy xavflilik
darajasi, g’ayriijtimoiy buzilganlik me’yoridir.
Ushbu mezonga ko’ra jinoyatchilarning uch tipini ajratish mumkin:
– g’ayriijtimoiy (ashaddiy);
– noijtimoiy (kamroq ashaddiy);
– ruhiy boshqaruv nuqsonlari bo’lgan jinoyatchi shaxs tipi (tasodifiy).
Ashaddiy jinoyatchilar qadriyatlari va mo’ljallarining yo’nalishi mazmuniga
ko’ra quyidagi guruhlarga ajratiladi.
G’ayriijtimoiy g’arazli yo’nalishdagi jinoyatchilar . Jinoyatchilarning
bu guruhi jamiyatning moddiy boyliklariga, sarflangan mehnat miqdori va sifatiga
ko’ra taqsimlanishiga tajovuz qiladi. Bunday jinoyatchilarni kuyidagi to’rtta
kichik guruhga ajratish mumkin:
a) xo’jalik sohasida jinoyat sodir etuvchi (tovarlarni soxtalashtirish, soliq
to’lashdan, lisenziya olishdan bo’yin tovlash va h.k.) jinoyatchilar;
b) xizmat vazifasini suiste’mol qiluvchi (xizmat lavozimini suiiste’mol
qilish, mijozlarni aldash, pora so’rash orqali talon-toroj qilishlar) jinoyatchilar;
v) o’g’rilar – mulkni yashirincha talon-toroj qilish bilan bog’liq tajovuzlar
qiluvchi shaxslar (o’g’riliklar);
22](/data/documents/36a8fc2d-2d7e-4d7b-87dd-b129f30f1136/page_22.png)
![g) firibgarlar (hujjatlarni qalbakilashtirish, aldab tovlamachilik qilish va
h.k.).
G’ayriijtimoiy g’araz va zo’ravonlik yo’nalishidagi j i noyatchilar – shaxsga
nisbatan zo’ravonlik qilish bilan g’arazli tajovuzlar qiluvchi shaxslar (zo’rlik bilan
tovlamachilik qilish, talonchilik, bosqinchilik hujumlari va hokazo).
Insoniylikka zid, tajovuzkorona yo’nalishdagi jinoyatchilar – boshqa
shaxslarning hayoti, sog’lig’i va shaxsiy qadr-qimmatiga mensimay munosabatda
bo’ladigan shaxslar. Bu guruhda ham quyidagi to’rtta kichik guruh mavjud:
a) bezorilar;
b) ashaddiy bezorilar;
v)haqorat va tuhmat orqali shaxsning sha’ni va qadr-qimmatiga ziyon
yetkazuvchi shaxslar;
g) shaxsga qarshi tajovuzkorona zo’ravonlik harakatlari – qotillik, nomusga
tegish, badanga og’ir shikast yetkazish jinoyatlarini sodir etuvchi shaxslar.
O’z navbatida, shuni ta’kidlash lozimki, yuridik psixologiyaning alohida
bo’limida ehtiyotsizlik oqibatida sodir etilgan jinoyatchilikning psixologik
jihatlari ko’rib chiqiladi, bunda maishiy va kasbiy ehtiyotsizlik tadqiq etiladi.
Texnikaning jadal rivojlanishi va hayotning turli sohalariga kuchli energetik
manbalarning kirib borishi bilan ehtiyotsizlik orqasida sodir etiladigan
jinoyatlarning ijtimoiy xavfi keskin oshganligini ko’rish mumkin. Shu sababli
bunday jinoyatlarning psixologik mexanizmini ochib berish muhim vazifa bo’lib,
ehtiyotsiz xatti-harakatlarni shaxsning individual xususiyatlari bilan bog’lashga
imkon beradi.
Garchi ehtiyotsizlikning psixologik manbaini tavsiflashda «e’tiborsizlik»,
«yengiltaklik» va «beparvolik» kabi iboralar ishlatilsada, biroq ularning yuzaga
kelish mexanizmi hamon noma’lumdir. Shu bois, ehtiyotsizlik oqibatida sodir
etiladigan jinoyatlarning psixologik mexanizmini ochib berish, ehtiyotsiz xulqni
subyektning ichki ruhiy olami va u asoslanadigan qadriyatlar tizimi bilan bog’lash
muhimdir.
23](/data/documents/36a8fc2d-2d7e-4d7b-87dd-b129f30f1136/page_23.png)
![Ehtiyotsizlik oqibatida jinoyat sodir etadigan jinoyatchilar tipini to’rt turga
ajratish mumkin:
– beparvolik, harakatsizlik natijasida jinoyatga yo’l qo’yadigan shaxslar;
– o’ziga haddan tashqari ishonish natijasida jinoyat sodir etadigan shaxslar;
– kuchli ruhiy hayajon (affekt holati) natijasida va boshqa shaxslarning
g’ayriqonuniy harakatlariga javoban jinoyat sodir etadigan shaxslar;
– vaziyatga moslasha olmagani bois jinoyat sodir etadigan shaxslar.
Qadriyatli yo’nalishda nuqsonlari mavjud bo’lgan individual jinoyatchi
shaxsni jinoiy guruh a’zosi bo’lgan jinoyatchi shaxsdan farqlash lozim. Jinoiy
guruh a’zosi bo’lgan jinoyatchining muhim jinoiy belgisi uning guruhiy mavqei,
jinoiy guruhdagi rolli funksiyasidir.
Jinoyatchi shaxsning tasnifi – “jinoiy-huquqiy” tasnif bo’lib, shaxsning
ijtimoiy xavflilik darajasi tushunchasi bilan muvofiq kelishi kerak. Jinoyat
qonunchilik normalarida ijtimoiy xavf, uning darajasiga aniq ta’rif berilgan.
Jinoyatlar o’z xususiyati va xavflilik darajasiga ko’ra: ijtimoiy xavfi katta
bo’lmagan ; uncha og’ir bo’lmagan ; og’ir va o’ta og’ir jinoyatlarga bo’linadi.
Ijtimoiy xavfi katta bo’lmagan jinoyatlarga qasddan sodir etilib, qonunda
uch yildan ko’p muddatga ozodlikdan mahrum qilish tarzidagi jazo nazarda
tutilgan jinoyatlar, shuningdek, ehtiyotsizlik oqibatida sodir etilib, qonunda besh
yildan ko’p bo’lmagan muddatga ozodlikdan mahrum qilish tarzidagi jazo nazarda
tutilgan jinoyatlar qiradi.
Uncha og’ir bo’lmagan jinoyatlarga qasddan sodir etilib, qonunda uch
yildan ortiq, lekin besh yildan ko’p bo’lmagan muddatga ozodlik mahrum qilish
tarzidagi jazo nazarda tutilgan jinoyatlar, shuningdek, ehtiyotsizlik oqibatida sodir
etilib, qonunda besh yildan ortiq muddatga ozodlikdan mahrum qilish tarzidagi
jazo nazarda tutilgan jinoyatlar kiradi.
Og’ir jinoyatlarga qasdan sodir etilib, qonunda besh yildan ortiq, lekin o’n
yildan ko’p bo’lmagan muddatga ozodlikdan mahrum qilish jazosi nazarda
tutilgan jinoyatlar kiradi.
24](/data/documents/36a8fc2d-2d7e-4d7b-87dd-b129f30f1136/page_24.png)
![O’ta og’ir jinoyatlarga qasddan sodir etilib, qonunda o’n yildan ortiq
muddatga ozodlikdan mahrum qilish yoxud umrbod ozodlikdan mahrum qilish
jazosi nazarda tutilgan jinoyatlar kiradi. [I; 2 15 m]
Jinoyatchi shaxsning ijtimoiy xavflilik darajasi tavsifi sodir etilgan
qilmishning ko’pligi, ularning shakl va turlari bilan bog’liq emas. Bu jinoyatchi
shaxsga tabaqalashgan holda yondashish imkoniyatini kamaytiradi.
Jinoyatning og’irligi bu o’rinda shaxsning qanchalik chuqur
jinoiylashganligi bilan bog’lanmaydi. Baho qilmishni sodir etgan shaxsga emas,
balki qilmishning o’ziga beriladi.
Ayni vaqtda jinoyatchining har bir tipi o’ziga xos «shaxs sxemasi»
yo’nalishiga ega.
Shuningdek, jinoyatchi shaxs o’zining huquqiy ongi darajasi va jinoyat
sodir etishga tayyorligi mezonlari bo’yicha ham tasniflanadi. Ushbu mezon
bo’yicha quyidagi jinoiy tiplarni ajratish mumkin.
Jinoiy qilmishlarni majburan sodir etuvchi, eng zarur ehtiyojlarni
qonuniy yo’llar bilan qondirib
bo’lmaydigan hayotiy vaziyatlar, ijtimoiy
shart-sharoitlar qurboni bo’lgan
shaxs tipi . Bunda jinoyatchi o’zini majburan
yo’l qo’ygan xatti-harakati uchun qoralashi, ichki ziddiyat holatida bo’lishi
mumkin.
Jinoyatni yuzaga kelgan vaziyatdagi vasvasa ta’sirida, uning
uchun
qimmatli bo’lgan natijaga, uningfikricha, hech
qanday salbiy oqibatlarsiz erishish
mumkin bo’lgan holatda jinoyat
sodir etadigan shaxs tipi .
Huquqiy ong darajasi, noijtimoiy xulq bu yerda birinchi holdagiga
qaraganda ancha past.
25Jinoyatchi shaxs
Ehtiyoj-
lar Motiv-
lar Qadriya-
lar
Maqsad
qo’yish](/data/documents/36a8fc2d-2d7e-4d7b-87dd-b129f30f1136/page_25.png)
![Jinoiy qilmish sodir etishni doimo qonunga itoatkor xulqqa qaraganda
afzalroq biladigan shaxs tipi. Bu jinoiy ta’sir yuqqan shaxs tipi.
Hayot va faoliyatning barqaror jinoiy obrazi shakllangan jinoyatchi shaxs
tipi . Jinoiy qilmishlarni sodir etish o’z- o’zidan uning uchun ehtiyojga aylanadi.
Bu – professional jinoyatchi tipi. Bunday jinoiy shaxs doimo jinoiy tajovuz
predmetini izlash holatida bo’ladi. Uning jinoiy xatti-harakat usullari ishlab
chiqilgan, zarur qurol va vositalari doimo yonida bo’ladi. Bu jinoyatchilarning
ijtimoiy jihatdan eng xavfli tipi.
Impulsiv (g’ayriixtiyoriy) jinoyatchilar tipi . Ayrim hayotiy vaziyatlar ular
uchun birdaniga, to’satdan noqonuniy xatti-harakatga undovchi hisoblanadi.
Bunday tipdagilar asabiy-ruhiy zo’riqish kuchaygan sharoitda tezda «o’zidan
ketadi», darhol tajovuz, g’azab, rashk, vaziyat bilan bog’liq nafrat holatiga
kiradilar.
Bunday jinoiy tiplar, ayniqsa, alkogol va narkotik vositalardan mast
hollarda o’zlarini namoyon etadilar. Ularning ijtimoiy xavfli xulqiga xos narsa
ularda g’ayriijtimoiy xatti-harakat ko’rinishlarining shakllanganligi, ya’ni o’zini
o’zi nazorat qilish darajasining pastligidir.
Shuningdek, jinoyat sodir etuvchi shaxslarning barqaror motivasion
yo’nalganligi ularning muhim tipologik xususiyati hisoblanadi. Shu asosga
ko’ra, quyidagi jinoiy tiplarni ajratish mumkin:
1) axloqqa zid qarorlari ustunlik qiladigan jinoyatchilar;
2) barcha qulay sharoitlarda odatiy tusga kirgan jinoiy xatti-harakat motivlari
ustunlik qiladigan jinoyatchilar;
3) muayyan hodisalar, muayyan guruh shaxslar, muayyan huquq bilan
muhofaza etiladigan qadriyatlarga barqaror yomon munosabatda bo’lgan
jinoyatchilar;
4) jinoiy xatti-harakati g’azablanish holati (disforiya), yuqori ruhiy hayajon
(affektatsiya), jamiyatdan begonalashuv (autiklik), ijtimoiy begonalik hissi tufayli
yuzaga keladigan jinoyatchilar.
26](/data/documents/36a8fc2d-2d7e-4d7b-87dd-b129f30f1136/page_26.png)
![5) o’ziga xos «majburiy» jinoyatchilar – jinoyatlarni ular go’yoki chorasiz
vaziyatda, subyektiv talqin etiladigan zarurat orqasida sodir etadilar.
6) gedonistik (sodda-lazzatlanish) jinoyatchilarning jinoyatlari utilitar
ehtiyojlari haddan tashqari ortib ketgan sharoitda ularni qonuniy yo’l bilan
qondirish mumkin bo’lmaganida yuzaga keladi.
7) barqaror g’ayriaxloqiy mayllar, ijtimoiy salbiy ehtiros va intilishlarga ega
bo’lgan manyak jinoyatchilar. Ko’p hollarda ular alkogolizm va narkotiklarga
bog’liqlikka, psixopatologik xususiyatlar va jinsiy buzuqlikka chalingan
bo’ladilar.
Jinoyatchi shaxsining barcha og’ir motivasion xususiyatlari ularning jinoiy
xatti-harakatiga xos barqaror usullar, tegishli uquv va ko’nikmalari bilan bog’liq
bo’ladi.
Shunday qilib, shaxsning jinoiy xatti-harakati muayyan jinoiy
ahamiyatga ega bo’lgan quyidagi xususiyatlari tizimi orqali hosil bo’ladi:
a) shaxsning jinoyatga berilganlik darajasi;
b) asosan jinoiy harakatlari qaratilgan obyekti;
v) jinoiy motivlarining ustunligi;
g) jinoyat sodir etishning barqaror, yaxshi ishlangan usullari;
d) ruhiy o’zini boshqarishning umumiy nuqsonlari (anomaliyalari).
Jinoiylashuvning ushbu barcha tarkibiy qismlari, garchi kelib chiqishi
turlicha bo’lsa-da, o’zaro bog’liqdir. Individning jinoiy harakatlari uchun asosiy
turtki vazifasini umumijtimoiy (makromuhit) va mikromuhitdagi sharoitlar
bajaradi. Mikromuhit sharoitlari orasida esa shaxsning jamiyatda tarbiya
olayotgan dastlabki davrlaridagi jinoyatchilar muhiti, jinoiy submadaniyat eng
katta ahamiyatga ega. Jinoyatchining jinoiy muhitga, jinoiy submadaniyatga
«mosligi» ham uning muhim tipologik xususiyatlaridan biridir.
Jinoiy submadaniyat nafaqat jinoyatchilarning jinoiy jipsligi omili, balki
jinoiy tajribani yangi avlodlarga berish, salbiy ijtimoiylashuv vositasi hamdir.
Yengish qiyin bo’lgan jinoiy submadaniyatning ijtimoiy xavfi jinoyatchilar
27](/data/documents/36a8fc2d-2d7e-4d7b-87dd-b129f30f1136/page_27.png)
![muhitining jipsligida, jinoiy romantika muhitining yaratilishida bo’lib, u
yoshlarning ijtimoiy beqaror qismini o’ziga tortadi.
Xulosa o’rnida shuni aytish mumkinki, jinoiy yo’nalganlik ijtimoiy
boshqaruv va ijtimoiy nazoratdagi kamchiliklar, jinoiy tajovuz obyektlarining
ko’payishi, huquqni muhofaza qiluvchi organlar faoliyatidagi jiddiy nuqsonlar,
hokimiyat tepasidagi amaldorlarning korrupsiyaga berilganligi, umumijtimoiy va
huquqiy ijtimoiylashuvning kamchiliklari bilan bog’liq. Barcha jinoiy tiplar
jinoyatchilarning asosan uchta «klassik» tipi – zo’ravonlik bilan , g’arazli niyatda
hamda g’araz va zo’ravonlik bilan jinoyat sodir etadigan shaxslar tiplariga mos
tushadi. Ularda jinoyatchi shaxsining jinoiy qadriyatlari va axloqiy xususiyatlari
birlashadi.
28](/data/documents/36a8fc2d-2d7e-4d7b-87dd-b129f30f1136/page_28.png)
![II- BOB. ALOHIDA TOIFADAGI JINOYATCHI SHAXSLARNING
PSIXOLOGIK XUSUSIYATLARI
II.1. G’ arazli jinoyatlarni sodir etuvchi shaxslar toifasi
G’arazli jinoyatlarni sodir etishga moyil jinoyatchi shaxslar toifalari har xil
bo’lib, ular safiga o’g’rilik, xo’jalik sohasida g’arazli jinoyatlarni sodir etuvchi
jinoyatchilar va xizmat vazifalarini g’arazli niyatda suiste’mol qiluvchi
jinoyatchilar hamda talon-torojlik jinoyatlarini sodir etuvchi jinoyatchilarni
kiritish mumkin.[II; 22 – 80 b]
O’g’rilik jinoyati (JKning 169-moddasi)ni sodir etuvchi shaxslar bir qator
umumiy tomonlarga ega bo’lib, ular jinoyatchilarning ijtimoiy jihatdan eng tuban
toifasiga kiradilar. Ularning jinoiy xatti-harakatlari boshqa toifadagi
jinoyatchilarnikiga qaraganda ancha oldin yuzaga keladi.
O’g’rilar katta jinoiy tajribaga, g’ayriijtimoiy xulqqa oid shakllangan
qarashlar va ko’nikmalarga ega bo’ladilar. Ularning bu xulqi barqaror jinoiy
yo’nalishga egaligi bilan ajralib turadi. O’g’rilar odatda bezori va mayxo’r bo’lib,
ehtiyoj va manfaatlari nihoyatda cheklangan va sodda, ijtimoiy qadriyatlardan
begona bo’lgan shaxslardir.
O’g’rilarning ijtimoiy nomosligi (dezadaptatsiyasi) odatda oilasi,
mutaxassisligi, doimiy ishi va turar joyi yo’qligi, turli xil ruhiy anomaliyalari bilan
chuqurlashadi. Ularning jinoiy xulqi ko’proq g’ayriijtimoiy turmush tarzi bilan
chambarchas bog’liqdir.
Jinoyatchi o’g’rining shaxsi odatda uning jinoyatchilar muhitiga barqaror
kirishi bilan, ilk yoshidayoq oiladagi tarbiyasining nuqsonlari, asosiy
ehtiyojlarining surunkali ravishda qondirilmasligi, doimo vaziyatga tobeligi bilan
buzilgandir.
O’g’rilar o’zlarining psixologik xususiyatlariga ko’ra zo’ravon
jinoyatchilarga yaqin turadilar. Ular moddiy muhitdagi to’siqlarni yengish
tajribasiga ega bo’lib, talonchilik va bosqinchilik sodir etishga oson o’tadilar.
O’g’ri – qonundan vaqtincha chekingan inson emas, balki insofsiz, odatda](/data/documents/36a8fc2d-2d7e-4d7b-87dd-b129f30f1136/page_29.png)
![oilada va mikromuhitda axloqiy me’yorlarni rad etish, muhtojlik, ijtimoiy rad
etilish va ijtimoiy nazoratning past darajasi sharoitida shakllangan barqaror salbiy
xislatlar tizimiga ega bo’lgan irodasi bo’sh shaxs.
Xo’jalik va xizmat sohalarida g’arazli niyatda jinoyat sodir etuvchi
jinoyatchi shaxslar toifalarini esa alohida guruhga kiritish lozim. Ularga qo’shib
yozish, aldash, nohaq ravishda olingan mukofotlar va shu kabilar orqali amalga
oshiriladigan tor guruhiy manfaatlar xosdir. Bunda ruhiy himoyaning muayyan
toifasi – g’ayriqonuniy firiblarini «ish manfaati», «xizmat burchi» bilan niqoblash
hosil bo’ladi.
Talon-torojlik jinoyatlari esa ko’p hollarda mansabdor shaxslar tomonidan
sodir etilib, poraxo’rlik, xaridorlarni aldash, sifatsiz mahsulot ishlab chiqarish,
qalbaki hujjatlar yasash, firibgarlik va boshqa jinoyatlarda namoyon bo’ladi.
Davomli talon-torojliklar talon-taroj qiluvchilarda nazorat-taftish xizmatlarini
aldashning «professional» usullari borligidan dalolat beradi. Talon-torojlik
jinoyatlarini sodir etuvchi shaxslar toifasining ma’lum bir qismining ma’lumot
darajasi yuqori. Ma’lumot darajasi jinoiy xatti- harakatning xususiyatida, talon-
tarojlik sodir qilish usullarida ma’lum darajada namoyon bo’ladi. Talon-
torojlikning nisbatan yuqori ma’lumotga ega bo’lgan bunday toifadagi shaxslar
tomonidan sodir qilinishining murakkabligi, amalga oshirilayotgan har bir
harakatni birma-bir oldindan hisob-kitob qilinishi va oldindan ko’ra bilish
qobiliyati, kerakli aloqalarni o’rnatish, ishtirokchilarni tanlash, ularni har biriga
ajratib berilgan rolni aniq bajarilishini tashkil qilish va ta’minlash bilan bog’liqdir.
Sanab o’tilgan holatlar bajarilayotgan ishning barcha nozik tomonlarini chuqur
bilishga keraklicha imkon beradigan yuqori darajadagi professional bilimning
mavjudligi haqida guvohlik beradi.[II; 19 -21-22 b]
Aksariyat mansab talon-torojliklari norasmiy guruhlar dinamikasi qonunlari
bo’yicha shakllanadigan jinoiy guruh tarkibida sodir etiladi. Bunda ko’plab
guruhlararo aloqalar shakllanadi, ichki ruhiy ko’nikmalar hosil bo’ladi,mehnat
vazifalari («foydali» va «foydasiz» ish) va boshqa odamlarni («kerakli»](/data/documents/36a8fc2d-2d7e-4d7b-87dd-b129f30f1136/page_30.png)
![yoki «keraksiz» odam) tanlash rejasi ishlab chiqiladi. O’z jinoyatlarini
yashirishdek doimiy zarurat «ikki tomonlama hayot kechirishga» , buzilgan
moddiy ehtiyojlarni qondirish
usullarini namoyishkorona «oddiy» hayot
ko’rinishlari bilan niqoblashga olib keladi.
Barcha g’arazli jinoyatchilarda umumiy asos – g’arazli mayllarining
barqarorligi mavjud. G’araz – eng barqaror, yo’q qilish qiyin bo’lgan insoniy
qusurlardan biri, ya’ni shaxsning barqaror salbiy yo’nalganligining tizim hosil
qiluvchi omili hisoblanadi.
G’arazli jinoyatlar shaxsning umumiy g’arazli yo’nalganligi bilan sodir
etiladi. Bu esa shaxs xulqining tizim hosil qiluvchi omili hisoblanadi. G’arazli
jinoyatlarning sabablarini shaxsning g’arazli maqsadlarini shakllantiradigan
omillardan izlash lozim.](/data/documents/36a8fc2d-2d7e-4d7b-87dd-b129f30f1136/page_31.png)
![II.2.Zo’ravonlik
jinoyatlarini sodir etuvchi shaxslar toifasi
Zo’ravonlik 1
jinoyatlarini ko’pchilik hollarda madaniy bilim darajasi past
bo’lgan shaxslar sodir etadi. Zo’ravon jinoyatchi shaxs (jismoniy kuch ishlatib
jinoyat sodir etishga moyil shaxs) odatda tarbiyaning asosiy sohalari – oila, o’quv
yurti, ishlab chiqarish jamoasidagi kamchilik va nuqsonlarni aks ettiruvchi past
darajadagi ijtimoiylashuv bilan ajralib turadi. Ushbu shaxsning motivatsion
sohasiga egosentrizm (xudbinlik), jamiyat vakillarining bir qismi bilan barqaror
nizolashuv va o’zini oqlashga bo’lgan intilishning mavjudligidir. Bu yerda,
aksariyat hollarda, alkogol jinoiy maqsadni faollashtiruvchi omil hisoblanadi.
Jinoiy qasd hosil bo’lish mexanizmini aniqlashda jinoyatchilikning umumiy
qonuniyatlarini bilish bilan bir qatorda jinoyatchining shaxsini chuqur o’rganish
ham zarur. Bunga ko’p jihatdan ushbu individ kiradigan ijtimoiy guruhlar bilan
tanishish yordam beradi. Ushbu shaxsning yaqinlari o’rtasida hukmronlik
qilayotgan o’zaro munosabatlar tarkibini o’rganish, bu shaxs a’zo bo’lgan ijtimoiy
guruhlar psixologiyasini bilish, shaxs bilan jamiyat o’rtasidagi aloqani, individual va
ijtimoiy ong aloqasini aniqlash zarur. Har qanday insonning ijtimoiy qiyofasi ko’p
jihatdan uning mikro olami mazmuni bilan bog’liq bo’lib, ushbu mikro olamning
psixologik tuzilishi individual xulq uchun kuchli katalizator bo’lib xizmat qiladi.
Juda ko’p hollarda xulqning xususiyati atrof-muhitdagi axloqiy me’yorlarning
mazmuniga bog’liq bo’ladi.
Zo’ravonlikka asoslangan jinoyatlarning sodir etilishida ijtimoiy muhit bilan
normal o’zaro aloqalarning buzilishi, kuchli nizoli vaziyat sabab bo’ladi.
Ko’pincha nizoli vaziyatning «yuqishi» guruhiy bezorilik harakatlari va katta
shaxslar guruhlarining ommaviy tartibsizliklarida ishtirok etish jarayonida yuz
beradi. Nizolarning bunday turi beqaror psixikaga ega bo’lgan, huquqiy ongi past,
1
Zo’ravonlik – boshqa shaxslarga nisbatan ularning xohish-istagiga xilof tarzda sodir etiladigan, ularga jismoniy
yoki ma’naviy zarar yetkazadigan, jinoiy, qonun bilan taqiqlangan jismoniy yoxud ruhiy ta’sir.](/data/documents/36a8fc2d-2d7e-4d7b-87dd-b129f30f1136/page_32.png)
![umumiy madaniyat darajasi sust, oson qo’zg’aluvchan, olomondagi shaxslarning
ta’siriga tez beriluvchan shaxslarga xosdir. Bir insonning bezorilik harakatlari
boshqa shaxslar uchun emosional signal yoki taqlid uchun namuna bo’lib xizmat
qilishi mumkin.
Shu sababli zo’ravonlik jinoyatlarini sodir etuvchi shaxslarning asosiy
xususiyati – ijtimoiy qadriyatlarining nuqsonli ekanligi, hissiy to’mtoqlik,
g’ayriixtiyoriy tajovuzkorlikda namoyon bo’ladi. Qotillikda, badanga shikast
yetkazishda, qiynash, nomusga tegish, bezorilik harakatlari sodir etishda aybdor
shaxslar nihoyatda ijtimoiylashmaganligi, g’ayriijtimoiy xulqiy ko’nikmalarining
shakllanganligi bilan ajralib turadilar.
Ularning xatti-harakatlariga ashaddiy xudbinlik (egosentrizm), qo’qqisdan
yuzaga keladigan istaklarni darhol qondirishga intilish va surbetlik xosdir. Ular
zo’rlikni nizolarni hal etishning yagona vositasi deb biladilar. Ularga psixologik
himoya vositalaridan keng miqyosda foydalanish, ya’ni o’zlarining g’ayriijtimoiy
xatti-harakatlarini oqlash, aybni jabrlanuvchiga va tashqi holatlarga to’nkash
xosdir.
Ashaddiy zo’ravonlik jinoyatlarini sodir etuvchi shaxslar bir qator shaxsiy-
tipologik, psixologik xususiyatlarga ega bo’ladilar.
Bular:
– atrofdagi shaxslarni doimo o’ziga dushman sifatida qabul qilish;
– eng kichik shaxsiy muvaffaqiyatsizliklardan haddan tashqari ta’sirlanish,
ularni ijtimoiy jihatdan mos (adekvat) baholashga qobiliyatsizlik;
– jamiyatdan begonalashganlik (autiklik);
– hissiy jihatdan nihoyatda beqarorlik, patologik darajadagi jizzakilik,
qasoskorlik, ruhiy notayinlik, kayfiyatning tez o’zgarishi;
– da’vogarlik darajasining nihoyatda yuqoriligi;
– ekstremal vaziyatlarda bo’lishga moyillik, ularni faol yuzaga keltirish;
– o’zini ko’rsatishga bo’lgan moyillik;](/data/documents/36a8fc2d-2d7e-4d7b-87dd-b129f30f1136/page_33.png)
![– o’zlariga xos hissiy nuqsonlarni doimo yashirishga inti lish va hokazo.
Ushbu toifadagi jinoyatchilarning salbiy xislatlari ijtimoiy nazorat yetarli
bo’lmagan, nihoyatda salbiy mikromuhit sharoitida shakllanadi. Ushbu xulq
shakllanishining muhim omillariga quyidagilar kiradi:
– bolalikdagi emosional zo’riqish;
– oila va ijtimoiy foydali guruhlardan ajralish.
Shu nuqtai nazardan zo’ravonlikka asoslangan jinoyatlarda ko’pincha
shafqatsiz tajovuzkorlik xususiyati namoyon bo’ladi, og’ir jismoniy va ruhiy
shikastlar yetkaziladi. Tajovuzkor xulqning bu tipi shaxsning chuqur buzilganidan,
shaxsda tajovuzkor xatti-harakatga va odamlarga zarar yetkazishga bo’lgan
moyillikning shakllanganidan, shaxsning o’zini nazorat qilish qobiliyati nihoyatda
past darajada ekanidan dalolat beradi.
Ushbu shaxslarning xulqiga quyidagi xususiyatlar xosdir:
o’zini tajovuzkor intilishdan tiya olmasligi;
nizoning qay yo’nalishda rivojlanishi va tajovuzkor harakatlarining
oqibatlarini ko’ra olmaslik;
nizoli vaziyatdan chiqish usullarini bilmasligi.
Biroq, voyaga yetmaganlar sodir etadigan zo’ravonlik jinoyatlarining
aksariyati g’ayriixtiyoriy tajovuzkorlik, jinoiylashgan guruh sharoitida ruhiy
ta’sirga beriluvchanlik bilan bog’liqdir.
G’arazli zo’ravonlik jinoyatlarida tajovuzkorlikdan ko’pincha faqat g’arazli
maqsadga erishish vositasi sifatida foydalaniladi.
Zo’ravonlik jinoyatlarida esa birinchi o’ringa adovatli tajovuzkorlik chiqadi
– tajovuz, birovga ziyon yetkazish birinchi maqsadga aylanadi. Zo’ravonlikning
davomiyligi va shafqatsizligi bu o’rinda jinoiy maqsad – jinoyat qurbonini
tahqirlash, unga rashk, qasos, o’zini ko’rsatish maqsadida og’ir azob berish
kabilarga bog’liq bo’ladi.
Guruh bo’lib zo’ravonlik jinoyatlarini sodir etish ko’pincha guruh, guruhiy
an’analar va ruhiy ta’sirlar natijasida sodir etiladi.](/data/documents/36a8fc2d-2d7e-4d7b-87dd-b129f30f1136/page_34.png)
![Zo’ravon jinoyatchining barqaror ashaddiy toifasi doimiy tajovuzkorlik
yo’nalishi, qo’pol kuch ishlatish stereotipining shakllangani bilan ajralib turadi.
Uning uchun tashqi muhitda doimo bahona topiladi.
Zo’ravon jinoyatchilarning ashaddiy toifalari uchun tajovuzkorlik – o’zini
ko’rsatishida ustunlik qiluvchi usul, qilmishning shafqatsizligi esa yagona
maqsad. Xulqning bu tipi jinoiylashgan mikromuhitda barqaror o’z e’tirofini
topadi.
Zo’ravonlikka asoslangan jinoyat qurbonlarining g’alamis xulqi viktim
xulq deb ataladi (lotincha viktima – qurbon). Viktim xulq – yengiltak, haddan
tashqari ishonuvchan yoki axloqsiz, janjalkash, jinoyat sodir etilishi uchun bahona
bo’luvchi xatti-harakatdir.
Viktimlik jinoyat qurbonining jinsi, yoshi, shaxsiy va ijtimoiy mavqyei bilan
bog’liq umumiy hamda shaxsning individual psixologik xususiyatlari –
ishonuvchanligi, bilimsizligi, irodasining sustligi, jinoyatchiga ruhan tobeligi,
ekssentrikligi, tavakkalga moyilligi, shaxsiy janjalkashligi bilan bog’liq bo’lgan
maxsus turlarga bo’linishi mumkin.
Bezori zo’ravonlar toifasida jismoniy kuch ishlatib, bezorilik sodir etishga
moyil, barqaror salbiy odatlari bo’lgan, jamoat tartibini muntazam buzadigan
yoshlar ustunlik qiladi. Odatda bu shaxslar axloq va madaniyatga zid tarzda vaqt
o’tkazish, ruhiy kayfiyatini yuqtirish hamda g’ayriijtimoiy misollarga taqlid qilish
sharoitida jinoyat sodir etadilar.
Ularga xos umumiy ruhiy xususiyatlar quyidagilardan iborat: beodoblik,
nihoyatda tajovuzkorlik, jizzakilik, mas’uliyatsizlik, zo’ravonlik harakatlari
jazosiz qolishiga ishonish, yuqori darajadagi da’vogarlik, o’z harakatlarini oqlash.
Barcha zo’ravonlik-bezorilik jinoyatlariga umumiy psixologik va axloqiy asos –
boshqa odamlar hayoti, sog’liqi va qadr-qimmatining qadrsizlanishi xos.
Ayollarning jinoiy zo’ravonlik xatti-harakatlari o’zining ba’zi psixologik
xususiyatlari bilan ajralib turadi. Ayollarning zo’ravonlikka asoslangan jinoyatchiligi
hajmiga ko’ra erkaklarnikidan ancha kam.](/data/documents/36a8fc2d-2d7e-4d7b-87dd-b129f30f1136/page_35.png)
![Ayollar xulqi voqyelikning ayrim hodisalarini keskinroq qabul qilishi, ularga
ko’proq hissiyot bilan javob berishi, shaxslararo munosabatlarning ayrim
holatlariga kattaroq ahamiyat berishi bilan ajralib turadi.
Ayollar keskin nizoli vaziyatlarda ruhiy shikastlanishga ko’proq moyil
bo’ladilar, ular oiladagi kelishmovchilik va nizolarni keskinroq his qiladilar. Ular
xavotirga ko’proq tushib tahdid solayotgan xavfni yuqori baholashga moyil
bo’ladilar. Yuqori darajadagi hissiylik (senzitivlik), oilaviy ishlarning ko’pligi
ularda yuqori darajadagi ruhiy zo’riqishning barqaror fonini hosil qiladi.
Ayollar orasida ruhiy anomaliyalar darajasi yuqoriroq. Aksariyat jinoyatchi
ayollar tez ta’sirlanishlari, ijtimoiy o’zaro munosabat nuqsonlari, chiqisha
olmaslik, asabiylik jihatlari bilan ajralib turadilar. Ular tajovuzkor harakatlarida
ko’pincha tasodifan qo’l ostida bo’lib qolgan narsalardan foydalanadilar.
Biroq, ayollar qasddan qilinadigan og’ir jinoyatlarini odatda puxta o’ylab,
niqoblashga harakat qiladilar. Shaxsga qarshi og’ir jinoyatlarni ko’pincha xatti-
harakatlari erkaklarnikiga o’xshash ayollar sodir etadilar.
Zo’ravonlik jinoyatlariga jinsiy jinoyatlar ham kiradi. Bunday jinoyatlarda
ustunlik qiluvchi ruhiy xislat jinsiy tajovuzkorlik – jinoyat qurboniga jinsiy zo’rlik
va jismoniy zarar yetkazish, ko’p hollarda hayotdan mahrum qilishdir. Bu shaxsda
psixik nuqsonlar borligidan dalolat beradi.
Mazkur normadan og’ishlar jinsiy jinoyatchilikning shart-sharoiti
hisoblanadi, ammo uning sababi emas. Bunday shaxslarning aksariyati qonundan
chetga chiqmaslikka harakat qiladilar.
Jinsiy jinoyat – nomusga tegish, ayolni jinsiy aloqaga majburlash, jinsiy
yetuklik yoshiga yetmaganlar bilan munosabatga kirishishdir (JKning 118, 121,
128-moddalari).
Eng xavfli jinsiy jinoyat – nomusga tegish – jismoniy kuch, tahdid yoki
jabrlanuvchining chorasiz ahvolidan foydalanib sodir etishdir. Bunday jinoyat
uchun yuridik javobgarlik 14 yoshdan boshlanadi. Ushbu jinoyatning ijtimoiy
xavfliligi ayolning jinsiy erkinligini qo’pol ravishda mensimaslik, jinoyatchi](/data/documents/36a8fc2d-2d7e-4d7b-87dd-b129f30f1136/page_36.png)
![harakatlarining zo’ravonlik xususiyatiga egaligi, jabrlanuvchiga ma’naviy va
jismoniy zarar yetkazilishi, ko’p hollarda ruhiy va jismoniy sog’lig’ining
buzilishidan iborat.
Shunday qilib, zo’ravon jinoyatchilar qadriyatli-motivasion va ruhiy
boshqaruv sohasida bir qator tipik buzilishlarga ega bo’ladilar. Voqelikni ular
ijtimoiy taqiqlarga ta’sirchanlik keskin pasaygan sharoitda aks ettiradilar.
Har bir zo’ravonlik jinoyatining asosida bir qator sabab va shart-sharoitlar,
individual-biologik, ruhiy va ijtimoiy-psixologik omillarning ulanishi yotadi.
Qotillik jinoyatlarini sodir etuvchi shaxslar toifasi
Qotillik jinoyatlarini sodir etgan shaxslar psixologiyasi haqida to’xtalib
o’tadigan bo’lsak , ularda boshqa shaxslarga nisbatan nihoyatda tobelikni kuzatish
mumkin. Qotillar erkin hayotga moslashishi qiyin bo’lgan shaxslar toifasiga
kiradilar. Jinoyat fakti – jinoyat qurboni bilan aloqadan chiqish ular uchun xatti-
harakatning deyarli imkoni yo’q usuli ekanligini ko’rsatadi. Shuni nazarda tutish
lozimki, bu tobelik nafaqat jinoyat qurboni bilan aloqada, balki boshqa birov bilan
aloqada ham amalga oshishi mumkin, o’shanda jinoyat uchinchi shaxsga tobelik
bilan bog’liq bo’ladi.
Qotillik jinoyatlarining kelib chiqishidagi asosiy omillardan biri –
jinoyatchini boshqa shaxslarning rad etishi natijasida uning mustaqil bo’lish
qobiliyatini cheklanishi (bloklanishi). [III; 30 ]
Qotillik jinoyatlarining aksariyati to’g’ri qasd bilan sodir etiladi, tajribaning
ko’rsatishicha, ularning 1/3 qismi avvaldan rejalashtiriladi.
Qotilligi uchun jazoga hukm qilingan (500 nafar) shaxslarni o’rganish
quyidagilarni ko’rsatdi. Ularning taxminan yarmi spirtli ichimliklarni yoshligidan
iste’mol qila boshlaganlar. Alkogol tajovuzkorlikning namoyon bo’lishini bir
necha baravar kuchaytirgan va og’irlashtirgan. Tajovuzkor harakatlar asosan
qo’rqitish, do’pposlash, haqoratlash va to’polonlarda namoyon bo’lgan, ya’ni
shaxs va jamoat tartibiga qarshi qaratilgan. Qotillik jinoyatlarini asosan erkaklar](/data/documents/36a8fc2d-2d7e-4d7b-87dd-b129f30f1136/page_37.png)
![sodir etib, qurbonlarning yarmidan ortig’i ayollar bo’lgan. Ushbu jinoyatlarning
1/3 holatida qotil va jabrlanuvchi (jinoyat qurboni) bir-biri uchun notanish yoki
bevosita jinoyat sodir etilishidan oldin tanishgan shaxslar bo’lganlar. 30 % holatda
ular qarindosh, 8–6 % holatda er-xotin, qolgan holatlarda tanish, xizmatdosh,
qo’shni bo’lganlar. Aksariyat qotilliklarni 20–30 yoshlardagilar sodir etganlar.
[III; 38 ]
O’ta og’ir jinoyati uchun hukm qilinganlarning butun guruhiga shafqatsizlik
xos bo’lib, bunday shafqatsizlik hayvonlar, bolalar, qariyalar, ayollar bilan
muomalada namoyon bo’ladi.
Tarbiyalanish sharoitini tahlil qilish shuni ko’rsatadiki, qotillik jinoyatlari
uchun hukm qilinganlar bir yarim baravar ko’p hollarda nosog’lom sharoitlarda
tarbiyalanganlar. Bolalikda ularning 20 %ga yaqini ota-onasiz, 1/3 qismi to’liqsiz
oilada, ayni vaqtda 9 % onasiz, 75 % otasiz o’sgan. Har beshinchi holatda oilaning
to’liqsizligi ota-onaning sudlanganligi bilan bog’liq bo’lgan . Eng kriminogen
omil – bu onaning sudlanganligidir.
Materiallarni tahlil qilish jarayonida bolalikdagi tajovuzkor xulqning
o’smirlik va yigitlik davrida g’ayriqonuniy va jinoiy xulqqa o’tishi aniqlangan.
Tekshirilganlarning 1/3 qismi ilk bor 16–17 yoshlarida jazoga hukm qilinganlar.
Bu shaxslar ishga vijdonan munosabatda bo’lmagan, mehnat intizomini qo’pol
tarzda buzgan, ichkilikbozlik qilgan, doimo janjalli vaziyatni yuzaga keltirganlar.
O’ta og’ir darajadagi qotilligi uchun jazolangan 500 nafar
tekshirilganlarning 300 nafari sud-psixiatriya ekspertizasidan o’tkazilgan. 180
holatda, ya’ni ekspertizadan o’tgan har ikkinchi shaxsda aqli rasolikni istisno
etmaydigan turli nuqsonlar – surunkali alkogolizm, psixopatiya, bosh miyaning
organik kasalliklari, shizofreniya kabilar kuzatilgan.
O’z navbatida qotillik jinoyatlarini quyidagi turkumlarga ajratish mumkin.
Tasodifiy qotil jinoyatchilar . Ular o’zlarining ruhiy holatlarini
boshqarishlarida nuqsonlari mavjudligi bilan ajralib turadilar. Jabrlanuvchini
o’ldirish ular uchun fojiali tasodifdir. Lekin, aslida, bu tasodifiy emas. Bu yerda](/data/documents/36a8fc2d-2d7e-4d7b-87dd-b129f30f1136/page_38.png)
![shaxsning murakkab, nizoli vaziyatdan ijtimoiy moslashgan holda chiqib keta
olmasligi namoyon bo’ladi. Odatda bunday qotilliklar uzoq vaqt to’planib
boradigan salbiy his-tuyg’ular, zo’riqishlar zamirida yuz beradi.
Individ himoyalanishning axloqiy-ijobiy va qonuniy usullarini bilmagan
holda chidab bo’lmas tushkunlik, juda og’ir ahvolining chorasizligi, hayotiy
ziddiyatlardan qonuniy yo’l bilan chiqish mumkinligiga ishonmaslik natijasida
oxirgi choradan foydalanadi. Bunda odatda jabrlanuvchi insoniy munosabatlarning
oddiy asoslarini uzoq vaqt va qo’pol ravishda buzadi, jinoyat sodir etilishiga
sharoit yaratadi.
Ayrim tasodifiy qotilliklar qo’qqisdan, favqulodda vaziyatlarda, ayniqsa
affekt (hissiy portlash) holatida sodir etiladi. Xalq ongida la’natlangan ashaddiy
qotillar hamda ehtiyotsizlik orqasida odam o’ldirish o’rtasida katta axloqiy-
psixologik farq borligini inobatga olish lozim. Ushbu jinoyatlardagi ayni bir xil
jinoiy natija jinoyatchilarning turli darajadagi ijtimoiy xavfliligi, axloqiy-
psixologik xususiyatlari bilan bog’liqdir.
Aksariyat qotilliklar maishiy asosda, g’ayriixtiyoriy, ba’zan nihoyatda
arzimas sabablarga ko’ra sodir etiladi. Bu toifadagi qotillar ko’pincha o’ch
olinmagan alamlar uzoq vaqt to’planishining natijasi hisoblanadi.
Shaxsiy mag’lubiyat (haqorat, qo’pol tarzdagi xo’rlash, do’pposlash)
holatlarida shaxs vaziyatga batamom tobe bo’lib, natijada o’zini o’zi boshqarishga
qobiliyatsiz bo’lib qoladi.
Ko’p hollarda qotillarning hayot yo’li tajovuzkor xulq tajribasining uzoq
vaqt to’planishi bilan kechgan.
Ashaddiy qotil jinoyatchilar barqaror g’ayriijtimoiy qarashlari, yo’nalishlari
bilan ajralib turadilar. Ularning axloqqa zid ishlari, salbiy ehtiyojlarining ustunligi
zo’ravonlik harakatlarining nihoyatda qo’pol usullarini keltirib chiqaradi.
Ular, odatda, ilgari sudlangan, ozodlikdan mahrum qilish joylarida qayta
ijtimoiylashmagan (tarbiyalanmagan) va sezilarli ijtimoiy o’ringa ega bo’lmagan
shaxslardir. Ularning kundalik xulqi jinoyatga yaqin turadi, g’ayriijtimoiy, jinoiy](/data/documents/36a8fc2d-2d7e-4d7b-87dd-b129f30f1136/page_39.png)
![submadaniyat sharoitida amalga oshadi.
Ular tashqaridan bo’ladigan har qanday ta’sirni o’ziga nisbatan hujum deb
hisoblaydilar, «to’g’ri», hamma ishi joyida odamlarga nafrat bilan munosabatda
bo’ladilar. Ular surunkali ravishda hissiy-ruhiy zo’riqish, xavotirlarni his qilib,
arzimagan sabablarga ko’ra tajovuzkor harakatlarga tayyor turadilar.
Qo’pol, zo’ravonlik bilan, jinoiy usulda o’zini ko’rsatishga bo’lgan moyillik,
chuqur g’ayriijtimoiy buzilishlar – ashaddiy qotilning asosiy psixologik
xususiyatidir.
II.3.Terrorchilik jinoyatlarini sodir etuvchi shaxslar toifasi
Bugungi kunda jamiyatimizga xavf solayotgan hodisalar ichida terrorchilik
xavfi alohida o’rin tutadi. Terrorchilik eng murakkab va xavfli holatlarni o’z
ichiga qamrab oladi hamda jamiyatga katta xavf tug’diradi. Terrorchilik
odamlarda yovuzlik va qo’rquv hissiyotini paydo qiladi.
Terrorchilik (“terror” lotincha so’z bo’lib, “dahshat” degan ma’noni
anglatadi) O’zbekiston Respublikasi Jinoyat kodeksining 155-moddasida nazarda
tutilgan va portlatishlar, o’t qo’yishlar yoki odamlarning halok bo’lishi, katta
mulkiy zarar keltirish yoxud ijtimoiy xavfli oqibatlarga olib kelish xavfini
tug’diruvchi boshqa harakatlar sodir etishdan iborat bo’lgan va jamoatchilik
xavfsizligiga qarshi qaratilgan jinoyat. Mazkur harakatlarning jamoat xavfsizligini
buzish, aholini qo’rqitish yoxud hokimiyat organlarining qaror qabul qilishiga
ta’sir o’tkazish maqsadida amalga oshirilganligiga, shuningdek, ana shu
maqsadlarda amalga oshirilish xavfi mavjudligi ushbu jinoyatning muhim
jihatlarini tashkil etadi.[III; 50 -434 b]
Shu muammoni o’rgangan professor D.V.Olshanskiyning fikricha,
“terrorchilik bu yoki jismoniy, yoki moddiy, yoki ma’naviy ojizlarning qurolidir”.
[III; 40 24 b]
Terrorchilik psixologik ta’sir etish vositalaridan biridir. Terrorchilik](/data/documents/36a8fc2d-2d7e-4d7b-87dd-b129f30f1136/page_40.png)
![jinoyatlarini sodir etuvchi shaxslarning asosiy maqsadi ham insonlar ongida
qo’rquv hissini paydo qilish, jamiyatda murakkab vaziyatlarni yuzaga keltirishdan
iborat. Odamlar ongida qo’rquv hissini paydo qilish uning asosiy mohiyati
sanaladi. Ularning asosiy obyekti kim terror qurboni bo’lgani emas, balki kimning
tirik qolganidir. Terrorchilikdan ko’zlangan asosiy maqsad odam o’ldirish emas,
tirik qolgan shaxslarni ruhan sindirishdir.
Shu nuqtai nazardan bugungi kunda jamiyatda sodir etilayotgan terrorchilik
aktlari butun insoniyat uchun eng xavfli bo’lgan hodisalardan biri hisoblanadi.
So’nggi yillarda aynan terrorchi shaxsini o’rganish psixologlar e’tiborini
tortib kelmoqda. Chunki murakkab psixologik tuzilishga ega bo’lgan terrorchi
shaxsning psixologiyasidagi o’ziga xoslikni o’rganish unga qarshi kurashish
muammosini imkon qadar yengillashtiradi, degan fikrlar mavjud. Biroq, ushbu
muammo hamon hal qilib bo’lmas muammoga aylanib qolmoqda.
Tadqiqotchi olim S.Roshin terrorchi shaxsning uchta psixologik modelini
taklif etgan.
Birinchi model – psixopat-mutaassib modeli . U quyidagicha izohlangan.
Bu “o’zining e’tiqodlari (diniy, mafkuraviy, siyosiy)ga asoslanadigan va o’z
harakatlari natijasi qanday bo’lishidan qat’i nazar, jamiyat uchun foydali ekaniga
samimiy ishonadigan shaxs. Bu ong sohasi u yoki bu ta’limotlar bilan nihoyatda
torayib ketgan va uning o’zi o’z hissiy sohalariga bo’ysungandir. Shu bois u har
narsaga qodir. Siyosiy tilda u mutaassib, psixologik tilda esa psixopatdir.
Psixopat, agar intilish va qarashlari jamiyat ehtiyojlariga mos kelsa, buyuk va
ezgu ishlarni bajara oladi; ammo harakatlarining motivlari obyektiv g’ayriijtimoiy
xususiyatga ega bo’lsa, ulkan yovuzlik sodir etish ham qo’lidan keladi. Har
qanday psixopat-mutaassib terrorchiga aylanishi mumkin”. Bu to’g’ri gap, ammo
bu muammoning bir qismini izohlaydi, xolos.
Ikkinchi model – frustrasiyalashgan model bo’lib, bixeviorizmning
frustrasiya 2
–tajovuzkorlik nazariyasiga asoslanadi. “U yoki bu talablarga ko’ra
2
Фрустра ц ия (ноиложлик) – ўйлаган режа амалга ошмаганда, кўзланган мақсадга еришмаганда юз
берадиган ҳолат // Психология. Словар / Под ред. А.В. Петровского и М.Г. Ярошевского. – М., 1990. – 434](/data/documents/36a8fc2d-2d7e-4d7b-87dd-b129f30f1136/page_41.png)
![insonning o’zi uchun hayotiy muhim maqsadlarga yetisha olmasligi tufayli
yuzaga kelgan frustrasiya (noilojlik) hissi muqarrar ravishda unda tajovuzkor
harakatlarga moyillikni yuzaga keltiradi. Ushbu holda ong mazkur harakatlarni
oqilonalashtirish vositasi rolini o’ynashi mumkin, ya’ni ularni oqlash uchun u
yoki bu sabablar (bahonalar)ni tanlashda ... agar insonning tajovuzkor xatti-
harakatlarini izohlashning yagona va universal usuli sifatida mazkur
konsepsiya mutlaqlashtirilmasa, ayrim hollarda uni insonning terrorchilik
harakatlariga moyilligini tushunish uchun qo’llasa bo’lishini e’tirof etish
mumkin” .
Bu ham qisman to’g’ri. Uchinchi model – nosog’lom oiladan chiqqan
shax s. “Ota- onaning bola bilan shafqatsiz muomalada bo’lishi, uning
jamiyatdan ajralib qolishi, yaxshi munosabatlarning kamligi g’ayriijtimoiy
mayllarga ega g’azabnok shaxs shakllanishiga olib kelishi mumkin. Muayyan
sharoitlarda bunday psixologik tarzdagi odamlar terrorchilik
tashkilotlarining vositalariga osongina aylanishlari mumkin” , degan. .[III; 46 -
90 b]
Ma’lum darajada bu ham to’g’ri. Biroq, umuman olganda, yagona, aniq va
yaxlit manzara yuzaga kelmayapti.
S.Yenikolopov, umuman, muayyan umumiy psixologik tavsif
(xarakteristika)lar mavjudligiga qaramay, yagona shaxsiy terrorchilik majmui
(kompleksi) haqida so’z yuritish uchun asoslar yo’q deb hisoblaydi. U terrorchilar
orasida ko’p uchraydigan ikkita nisbatan aniq psixologik tipni ajratadi.
“Birinchisi – yuksak intellekti, o’ziga nisbatan ishonchi, o’zini yuqori
baholashi, o’zini qaror toptirishga intilishi bilan ajralib turadi, ikkinchisi esa
o’ziga ishonmaydi, ojiz “Men”ga va o’ziga nisbatan past bahoga ega bo’lgan
omadsizlar”, deydi.[III; 46 -90 b]
Terrorchi shaxs – doimiy, uzluksiz harakatga va beqaror psixologik
xususiyatga ega bo’lgan individ. Bunday yaxlitlik yoki maqsadga intilish
с.](/data/documents/36a8fc2d-2d7e-4d7b-87dd-b129f30f1136/page_42.png)
![psixologik beqarorlikning ba’zan normadan og’ish, es-hushidan ajralish darajasida
namoyon bo’ladi
Shu nuqtai nazardan hozirgi kunda terrorchi shaxsi va terrorchilik xatti-
harakatlarini yuzaga keltiruvchi psixologik mexanizmlar to’liq o’rganilmagan, shu
bois terrorizmga qarshi kurashish va uning oldini olishda psixologik bilimlar
muhim ahamiyat kasb etadi.
Terrorchilik jinoyatlarini sodir etuvchi shaxslarning o’ziga xos xususiyatlari
mavjud bo’lib, bu, odatda, diniy fanatlar, zamonaviy sivilizasiya va madaniyatga
bo’lgan munosabat, boshqa e’tiqodlarga va boshqacha fikrlovchilarga g’arazlik
bilan qarashda namoyon bo’ladi.
Ko’pchilik terrorchilar yoshligidayoq ona mehridan mahrum bo’lgan
shaxslardir. Ularning ko’pchiligida quloq a’zolari xastaliklarining ko’pligi
kuzatilgan, shuningdek, ularga tajovuzkorlik va dushmanlik munosabatida bo’lish,
ruhiy-fiziologik rivojlanmaganlik, yoshlikda olingan jarohatlar ta’siri va turli
tug’ma kasalliklar ham xosdir. Ularning ko’pchiligi ko’zga tashlanuvchi
nuqsonlari bilan ajralib turadi va shu qatori, mohirona himoyalanishga qodir
artistlik qobiliyatlari ham shakllangan. Ko’pchiligida yuqori g’oya ta’sirida
bo’lish “kasalligi” mavjud, shu bois terrorchilik harakatlarini sodir etishga ongli
ravishda qo’l uradi va uning oqibatini juda yaxshi anglagan bo’ladilar.
Terrorchilarning aksariyat ko’pchiligi yoshligida turli ko’rinishdagi mensinmaslik,
kamsitish, xo’rlik holatlariga duch kelganlar va shaxsining to’liq
shakllanmaganligi bilan ajralib turadilar.[II; 10]
G.Ayzenk so’rovnomasi asosida terrorchi shaxsning individual psixologik
xususiyatlari, ya’ni temperamenti o’rganilganda terrorchilik aktlarining 46 % ini
xoleriklar, 32 % ini sangviniklar, 12 % ini melanxoliklar, 10 % ini flegmatiklar
sodir etganligi kuzatilgan.
Terrorchilik aktlarini sodir etishga tayyor bo’lgan terrorchi shaxs dahriylar
bilan kurashda o’zlarini o’zlari qurbon qilishga ruhan tayyor bo’ladilar. Bunday
shaxslarning ruhiyatiga ta’sir etish juda ham qiyin bo’lib, ularni qayta tarbiyalash](/data/documents/36a8fc2d-2d7e-4d7b-87dd-b129f30f1136/page_43.png)
![murakkab masaladir. Terrorchi shaxsni individual tarbiyalash zamonaviy insoniy
qadriyatlarga suyangan holda amalga oshirilsa, yutuqqa erishish mumkin. Bunday
tarbiyani esa insoniy, barcha madaniy qadriyatlar o’z aksini topgan muhitda
amalga oshirish mumkin.
Terrorchi shaxs ma’lum sabab va vaziyatlar ta’sirida jinoyat sodir etadi.
Bunday sabablarga shaxsiy (fanatik tarbiya bazasi asosida) motivlar bo’yicha
yaqin qarindoshlaridan (turmush o’rtog’i, otasi, akasi) biron birining o’limi yoki
qamalishi, moddiy boyligini yo’qotishi, mahalliy rahbar tomonidan qattiqqo’l
munosabat natijasini (agar ular boshqa millat va boshqa e’tiqodda bo’lsa) kiritish
mumkin.
Terrorchilik jinoyatlarini sodir etuvchi shaxs tabiatiga quyidagi sifatlar
xosdir:
1) tajovuzkorlik va shafqatsiz (qattiqqo’l)lik;
2) o’z-o’zini quyi baholash. Terrorchi guruh individga psixo- ijtimoiy
tenglashtirish kamchiliklaridan xalos bo’lishga yordam berish maqsadida psixo-
barqaror vazifani bajaradi;
3) o’zini oqlash. Siyosiy mafkuraviy motivlar odatda shaxsni yashirin
ehtiyojlarini tashkil etish sifatida namoyon bo’ladi.
4) shaxsiy va emosional shakllanmaganlik ko’pgina terrorchilarga o’ziga
xos imkoniyatlardan tashqari talablar qo’yish, yakka hokimlik, odatda nazariy va
siyosiy qiziqish, huquqiy yuzaki idrok etish natijasi hisoblanadi;
5) agressiv paranoyi, o’ziga to’g’ri baho bera olmasligini tushuntirishni
tashqi omillardan qidirish va o’z muvaffaqiyatsizligi, javobgarlikni vaziyatga
yuklashga moyillik;
6) terrorchi tashkilotlarga, uning vazifa va ideallariga ko’r-ko’rona sodiqlik;
7) yetarli darajada aqliy rivojlanmaganlik, qiziqishlarning yetarli darajada
anglanmaganligi, bilim darajasining pastligi;
8) yuqori agressivlik, doimo o’z «men»ligini himoya qilish, o’z fikrini](/data/documents/36a8fc2d-2d7e-4d7b-87dd-b129f30f1136/page_44.png)
![tasdiqlashga intilish, boshqa insonlarning istak va hissiyotlariga yetarli e’tibor
bermaslik va fanatizm;
9) shoshqaloqlik, o’zgaruvchanlik va ikkilanish va hokazo. Terrorchilar
bo’lib, odatda, nosog’lom oilalardan chiqqan,
shaxsning ijtimoiy patologik rivojlanishiga ega bo’lgan,
jamiyatda o’z o’rnini topa olmagan odamlar, ish o’rnini yo’qotgan yoki unga
ega bo’lmaganlar, yaqin kishilarini yo’qotganlar, jismoniy imkoniyati
chegaralangan shaxslar, og’ir psixotravmalarni boshidan kechirganlar, terrorchi
yoki diniy an’analarga rioya qiladiganlarning qarindoshlari, farzandlari yoki
nevara- lari bo’lishi mumkin.
Yosh xususiyatlariga ko’ra, terrorchi guruhlar, odatda, 16–35 atrofidagi
yoshlardan iborat bo’ladi.
Psixolog olimlar shaxslarni terrorchilik yo’liga kirishi uchun undovchi
motivlarga aylanadigan bir qator shaxsiy moyilliklarni ajratadilar:
– o’z «men»ini doimiy ravishda hujumkorlik – himoyaga tayyorgarlik
orqali mudofaa qilishga tayyor turish;
– yetarli bo’lmagan shaxsiy moslik, o’z-o’zini quyi baholash;
– guruhga yoki guruhiy aynanlikka bo’lgan kuchli ehtiyoj;
– o’zining omadsizliklariga jamiyatni aybdor bilib, ijtimoiy adolatsizlikni
boshdan kechirish;
– ijtimoiy yakkalanish va begonalashuv, jamiyatning bir chekkasida bo’lish
hissi, hayotga va kelajakka qiziqishning so’nishi.
Yuqorida keltirilgan fikrlarni terrorchilik jinoyatlarini sodir etuvchi
shaxslarning umumlashgan psixologik profili deb bo’lmaydi. Shu o’rinda terrorchi
guruhlarga kirishda bir qator siyosiy-mafkuraviy motivlar muhim ahamiyat kasb
etishini ham unutmaslik kerak. Lekin ular ko’proq chuqur shaxsiy motivlarni
takomillashtirish shakli hisoblanadi.
Terrorchilik jinoyatlarini sodir etuvchi individlar, psixologik jihatdan](/data/documents/36a8fc2d-2d7e-4d7b-87dd-b129f30f1136/page_45.png)
![qaraganda, to’liqsiz yoki izdan chiqqan psixoijtimoiy moslik natijasi ekanligini
ko’rish mumkin. Bular shaxs uchun barqarorlashtiruvchi psixologik asos bo’lib,
o’zini yaxlit shaxs sifatida his qilish, hayotiy fikrlarga ega bo’lishi va o’z-o’zini
anglashining muhim komponentlari, qudratli mexanizmi hisoblanadi.
Terrorchilik jinoyatlarini sodir etuvchi shaxslar uchun dunyoni salbiy
jihatdan tushunish bir qator omillar ta’siri ostida vujudga kelishi xarakterlidir.
Bunda o’zini o’zi boshqarish qobiliyatining rivojlanmaganligi va real faoliyatning
ideal obrazi orasidagi mos kelmaslik tegishlidir. Bu ideal bilan subyektning
shaxsiy va ijtimoiy jihatdan bilishining qarama-qarshiligidir, natijada terrorchi
shaxs uchun «Men yaxshi, dunyo yomon» degan nuqtai nazar shakllanadi. Bu
pozisiya turli xil destruktiv harakatlarni oqlash va o’z-o’zini ruhiy himoyalash
vositasi bo’lib xizmat qiladi.
Terrorchilik jinoyatlarini sodir etuvchi shaxslarni quyidagicha klassifikasiya
(turkumlash) qilish mumkin mumkin:
Tashkilotchilar. Ushbu kategoriyaga tegishli bo’lganlarni genetik
terrorchilar yoki insonlar deyish mumkin, ular yoshlik davridan terrorchilik
faoliyati bilan shug’ullanishga moyil bo’lgan shaxslardir. Hozirgi zamon tibbiyoti
nuqtai nazardan olib qarasak, genetik terrorchilar miya strukturasining tug’ma
yoki yoshligidagi og’ishlari natijasida hokimiyatni qo’lga olish, boshqarish kabi
illatlarga mubtalo bo’ladilar. Ularda siyosiy yoki ijtimoiy ko’rinishdagi
hokimiyatga erishish pog’onama-pog’ona emas, balki umuminsoniy qadriyatlarga
zid bo’lgan vahshiyona xatti-harakatlar orqali amalga oshirildi.
Tashkilotchilar o’z navbatida quyidagi tiplarga bo’linadi:
a) mafkuraviy fanatlar tipi . Bular terrorchilarning juda xavfli tipi
hisoblanadi, shaxsiy e’tiqodlari (diniy, mafkuraviy, siyosiy), shuningdek,
dunyoqarashlari, gunohsizligi hamda insonlarning taqdirini boshqarish
mumkinligiga ishonadilar. Ushbu toifadagilar notiqligi, yuqori aqliy darajasi va
boshqa odamlarga samarali psixologik ta’sir eta olish ko’nikmasi mavjudligi bilan
ajralib turadi;](/data/documents/36a8fc2d-2d7e-4d7b-87dd-b129f30f1136/page_46.png)
![b) bevosita tashkilotchilar tipi – ma’lum ma’noda barqaror va sovuqqon tip.
Aniq teraktlar, bir qancha oldindan o’ylangan va rejalashtirilgan terrorchilik
faoliyatlarini g’oyaviy ta’minlanganlik va emosional qat’iyatlilik bilan amalga
oshiradi. Lider, ushbu faoliyatdan tashqarida bo’lishni ma’qul ko’radi;
v) namoyishkorona tip – ochiqchasiga jangovar boshqaruvchi, maqtanchoq
va o’zini yaxshi ko’ruvchi «davyurak-jangchi» tipaj. Barcha narsalar va hammaga
nafrat ko’zi bilan qarab lazzatlanadi, o’zining buyukligiga ishonadi va odamlarni
ishon- tirishga harakat qiladi.
Ta’minlovchilar kategoriyasiga turli ko’rinishdagi noqonuniy yoki jinoiy
yo’llar yordamida moddiy mablag’ yig’ish bilan shug’ullanuvchi shaxslar
kiradilar. Bular ham quyidagi tiplarga bo’linadi:
a) yollovchi tip – boshqalarni terrorchi tashkilotlarga jalb qiluvchi shaxs.
Yuqori va tez psixologik aloqa o’rnatishga moyil, psixotexnologik ko’nikmalarga
ega, ishontirib (gipnoz) ta’sir qilishi bilan ajralib turadi. Ushbu toifadagilar
terrorchilik tashkilotlarida eng kuchli bo’g’in hisoblanib, ularning vazifalari
ta’sirga tez beriluvchi odamlarni aniqlash va topish hamda ularga psixologik ta’sir
o’tkazishdan iborat;
b) teraktlarni tayyorlovchilar tipi asosan sobiq maxsus xizmat xodimlari
bo’lib, ular ikki yoki undan ortiq davlatlarda maxsus xizmatlarda tayyorgarlikdan
o’tgan shaxslar hisoblanadi. Ularda uzoq yillar davomida qo’poruvchilik, ba’zan
esa antiterrorchilik faoliyati bilan shug’ullanish natijasida terrorchi shaxslarga xos
bo’lgan psixologik sifatlar shakllangan. Ular yoshi jihatidan yoki biror-bir boshqa
sabablar orqali davlat xizmatida olib borayotgan xizmatining ijtimoiy
yo’nalganligini o’zgartirib boradilar: ular odatiy faoliyat bilan «dushman tarafi»
bo’lib shug’ullanadilar. Bunday maxsus xizmat xodimlarining ma’naviy-axloqiy,
insoniy prinsiplari qo’poruvchilik faoliyati bilan uzoq yillar davomida
shug’ullanishi natijasida yo’q bo’lib ketgan. Ijtimoiy yo’nalganlikning
o’zgarishida asosiy rolni «moddiy manfaat» o’ynaydi. Terrorchilikda ushbu
faoliyat bilan shug’ullanuvchilar uchun davlat xizmatiga qaraganda bir necha](/data/documents/36a8fc2d-2d7e-4d7b-87dd-b129f30f1136/page_47.png)
![barobar ko’p haq to’lanadi;
v) pedagog-murabbiylar teraktlarni tayyorlovchilar bilan bir jabhada
faoliyat ko’rsatadilar. Bu shaxslar terrorchilikning barcha mutaxassisliklari
bo’yicha instruktorlik faoliyati bilan shug’ullanadilar. Odatda ular boylik
girdobiga tushgan sobiq maxsus xizmat xodimlaridir. Pedagog-murabbiy
terrorchilar- ning professional faoliyati o’zgarmaydi. Ular ilgari terrorchilikka
qarshi kurashishni o’rgatgan bo’lsalar, endilikda esa, o’tmishdagi tajribalariga
suyangan holda, o’zlarining sobiq shogirdlariga qarshi kurashishni o’rgatadilar;
g) texnologlar ham terrorchi tashkilotlarning a’zosi bo’lib, ularning asosiy
vazifasi teraktlarni sodir etishning texnik jihatlarini ta’minlash hisoblanadi. Ular
aniq terrorchilik xatti-harakatlarini sodir etish uchun shart-sharoitlar tayyorlash va
portlovchi moslamalarni yaratish sohasida texnik hamda boshqa malakalarga ega
bo’ladilar. Kimdir terrorchilar uchun soxta hujjatlar tayyorlaydi, kimdir transport
vositasi va samolyot uchun chipta bilan ta’minlaydi, boshqalari esa uy-joy va
portlovchi moslamalar uchun omborxonalar tayyorlaydi.
Bajaruvchilar . Bu toifadagi shaxslar terrorchi tashkilot- ning eng quyi
pog’onalarida turadilar va ularning asosiy vazifasi bevosita teraktlarni amalga
oshirish hisoblanadi. Bular portlovchi moslamani portlash joyiga olib boruvchi,
masofada turib portlovchi moslamani harakatga keltiruvchi va, o’limdan
qaytmaydigan yo’l ko’rsatuvchi, o’zini «qurbonlik» yoki «shahidlik» keltiruvchi
ayol va erkak a’zolardir. Bularga quyidagi tiplarni kiritish mumkin:
a) tajavuzkor tip. Ushbu toifadagi odamlar zo’rlashga, o’ldirishga hamma
narsani buzishga va hammani qo’rqitishga xos tajovuzkor xulqqa ega. Terror ular
uchun emosional qoniqishning asosiy usuli hisoblanadi. Ushbu kategoriyadagilar
«qotib qolgan» (otmarozka), umuman ma’naviyatsiz, vahshiy, rag’batlantirish
uchun ishlovchilar bo’lib, ular uchun kimni so’yish va kimni otishning umuman
farqi yo’q;
b) fanatik tip – terrorchilarning eng xavfli tiplaridan biri bo’lib, teraktlarni
sodir etishga borishida o’z o’limiga oldindan va ongli ravishda tayyorlanadilar;](/data/documents/36a8fc2d-2d7e-4d7b-87dd-b129f30f1136/page_48.png)
![v) zombilashtirilgan tip – o’z joniga qasd qilish vazifasini ideal tarzda
bajaruvchilar. Ta’sirga berilish natijasida dasturlashtirilgan avtomat sifatida
harakat qila- di. Vazifani bajarishda tez fikrlaydi va qo’rquvni his qilmaydi;
g) qasoskor tipning asosiy motivi o’zi uchun, yaqinlari yoki do’stlari hamda
yagona e’tiqoddoshlari uchun qasos olish hisoblanadi. Ushbu tip ichida ko’proq
o’spirinlar va ayollar uchraydi;
d) avantyurist tip – qattiq siyosiy e’tiqod va barqaror siyosiy yo’nalishga
ega bo’lmagan odam. Ushbu toifadagi odamning boshqalardan farqi shundaki, u
yakka holda harakat qiladi.[II; 13 34-36]
O’z navbatida, «bajaruvchilarni» o’z joniga qasd qiluvchi- terrorchilar
toifasiga kiritish mumkin. Ushbu toifadagi odamlarda o’lish va o’ldirishga xohish
yuqori bo’ladi, qaysiki o’zini o’zi o’ldiruvchilar o’zini juda kuchsiz yoki «xudo»
sifatida his qilishi lozim bo’ladi.
Terrorchilik jinoyatining ichki motivlaridan biri ham o’z kuchi bilan
zaiflikdan qutilishdir. Bunday odamlarda tobelik va xafagarchilik ekstremal
kechinma hisoblanadi.
O’z joniga qasd qiluvchi terrorchining maqsadi – odamlar ko’p joylarda,
shaharlarning markaziy tumanlarida o’ziga katta e’tibor qaratishni nazarda tutadi.
Agar u aholidan to’sib qo’yilsa, ko’proq huquqni muhofaza qiluvchi organ
xodimlarini yo’q qilishga harakat qiladi. Ular muzokara olib borish jarayonida
ham yon-atrofiga imkon qadar ko’proq odamlarni yig’ish maqsadini ko’zlaydi, o’z
jonini qimmatroqqa sotishga harakat qiladi.
Terrorchilik keyingi paytlarda turli ko’rinishlarda namoyon bo’lmoqda.
Agar ilgari muayyan maqsadlarga erishish yo’lida uning odamlarni garovga olish,
aholi o’rtasida vahima uyg’otish, u yoki bu davlat obyektlarini portlatish, davlat
arbobiga suiqasd qilish va hokazo ko’rinishlari kuzatilgan bo’lsa, bugun o’z
g’arazli maqsadi yo’lida to’g’ridan-to’g’ri inson resurslaridan foydalanish hollari
ham ommalashib bormoqda. Terrorchilikning bu ko’rinishi «qurbonlik» yoki
«shahidlik» terrorchiligi deb ataladi. «Qurbonlik» yoki «shahidlik» terrorchiligi](/data/documents/36a8fc2d-2d7e-4d7b-87dd-b129f30f1136/page_49.png)
![xalqaro terrorizmning bir ko’rinishi sifatida turli ijti- moiy-siyosiy tartiblarda
muayyan sabablar va omillar ta’sirida namoyon bo’ladi. Uning bunday ko’rinishi
O’zbekistonni ham chetlab o’tmadi. 2004 yil 29–30 mart kunlari «shahidlik»
terrorchiligining dastlabki ko’rinishi kuzatildi.[III; 53 – № 2. – 16–17-б.]
Odatda, «shahidlik»ka qaror qilgan shaxslar o’z jonini qurbon qilishni taklif
qilmaydilar. Ularni «ma’naviy murabbiyi» yoki sardori tanlab oladi. Shundan
so’ng uzoq muddatga rejalashtirilgan kompleks va psixologik tayyorgarlik
jarayonlari boshlandi. «Qurbonlik» yoki «shahidlik» maqomidagi terrorchilarni
odatda Yaqin Sharq, Kavkazorti, Afg’oniston va Pokistonda tayyorlaydilar.
«Qurbonlik» yoki «shahidlik»ka mubtalo bo’lgan terrorchilarni
zararsizlantirish juda mushkul, chunki u o’limga tayyor.
Bunday nobakor ishlarga qarshi maxsus xizmat xodimlarining samarali
mehnatlari orqali natijaga erishi mumkin. Mutaxassislarning ta’kidlashicha,
terrorchi har soniyada hayot bilan vidolashishga tayyor emas. U doimiy ravishda
barmog’i bilan harakatga keltiruvchi tugmani ushlab turishi mumkin emas.
Terrorchi o’z joniga qasd etishi uchun kamida yarim daqiqa vaqt kerak bo’lishi
hisoblab chiqilgan. Mana shu yarim daqiqa hal qiluvchi vazifani bajaradi.
Professional jinoyatchilarning o’ziga xos xususiyatlari
Professional jinoyatchilik odatda doimiy ravishda g’ayriqonuniy daromad
olish bilan chambarchas bog’lanadi. Biroq, professional jinoyatchilikni faqat
«daromad» tushunchasi bilan emas, balki yaxshi ishlangan, yo’nalish, izga
tushgan usullar bilan amalga oshiriladigan barqaror, doimiy mashg’ulot sifatida
tushuniladigan «professionalizm» degan psixologik tushuncha bilan ham bog’lash
lozim.
Masalan, o’g’rilik kasbga aylanganida u bilan har qanday kasb bilan
bo’ladigan hodisa ro’y beradi: mehnat taqsimoti yuzaga keladi, kasb turmush
tarziga aylanadi. Professional jinoyatchi o’z ishini yaxshi biladi va butun
intilishlarini unga bo’ysundiradi, shuningdek jinoiy ixtisoslashuvi bilan ajralib
turadi.](/data/documents/36a8fc2d-2d7e-4d7b-87dd-b129f30f1136/page_50.png)
![Professional jinoyatchilar o’z hayotlarida bir necha marta aybli ijtimoiy
xavfli qilmish sodir etib, muayyan bilim va tajriba to’plagan, faqat jinoyat sodir
etish tufayli qo’lga kiritilgan moddiy ne’matlar evaziga yashashga o’rgangan
kishilardir.
Professional jinoyatchilar ruhiy olamining mohiyati va xususiyatlari
ularning axloqiy yomonlik qonunlarida o’z ifodasini topgan. Jinoyatchilar
dunyosining axloqiy yomonlik qonunlariga quyidagilar kiradi:
1. Har bir jinoyatchining, jinoyatchilar guruhi a’zolarining asosiy vazifasi,
burchi «o’g’rilar g’oyasi»ga sadoqat bilan xizmat qilishdir . Ushbu qonun har bir
jinoyatchidan:
a) jinoyat sodir etish hayotining bosh maqsadini tashkil etishini;
b) to’plagan mablag’larini o’g’rilarning umumiy pul mablag’lari
jamg’armasi (obshak)ga topshirishni, oshiqchasini esa har xil ko’ngilxushlikka,
qimorbozlikka sarflashini;
v) maxfiylik qoidalariga qat’iy amal qilishni, har qanday ahvolda ham,
ya’ni qiynoqqa solinganda, narkotik moddalar ta’sirida, aqldan ozganda ham
«o’g’rilar birodarligi» g’oyalariga sodiq qolib, ularni sotmaslikni, huquqni
muhofaza qiluv- chilarga hech qanday ma’lumotlarni oshkor qilmaslikni;
g) jamiyat uchun foydali mehnat qilmaslikni, ya’ni umumiy foydali mehnat
faoliyati bilan shug’ullanish – «frayer uchun ishlash»ni eng iflos, hazar
qilinadigan ish deb bilishni;
d) oila qurmaslik, qarindoshlar bilan aloqada bo’lmaslikni talab qiladi. Bu
axloqiy yomonlik talablarini buzganlar qattiq jazolanadilar.
Jinoyatchilar dunyosining axloqiy yomonlik qonunlari jinoyatchining o’z
onasi bilan normal insoniy munosabatda bo’lishgagina monelik qilmaydi.
Biroq, jinoyatchining badaniga yozilgan «Ne zabudu mat rodnuyu» degan
tatuirovkaning onaga bo’lgan mehr-muhabbatni ifodalashga hech qanday aloqasi
yo’q. Bu tatuirovka ularning faqat jinoyatchilar guruhiga bo’lgan muhabbatini,
sadoqatini ifodalab, jinoyatchilar dunyosini «rodnaya mat» – «jonajon ona» deb](/data/documents/36a8fc2d-2d7e-4d7b-87dd-b129f30f1136/page_51.png)
![bilishlarini ifodalaydi, xolos.
Jinoyatchilar dunyosining axloqiy yomonlik qonunlari jinoyatchilarning
ishq-muhabbatlari, jinsiy hayoti borasida ularga faqat «shalavalar» – buzuq
ayollar bilan ishqiy-intim munosabatda bo’lishlariga, ya’ni ba’zida er-xotin
bo’lishlariga ruxsat beradi. Bunda professional jinoyatchining xotini boshqa
jinoyatchilarni ham intim jihatdan ta’minlab yurishi kerakligi, ayniqsa, «qonuniy
eri» qamoqqa tushsa, uning boshqa jinoyatchilar ixtiyoriga o’tib ketishi, ayni
vaqtda qamoqdagi eridan xabar olib turishi talab qilinadi.
Bunday «shalava» xotinlar garchand o’z erki bilan o’g’rilarning xotini
bo’lgan bo’lsa-da, o’g’rilar dunyosiga kirgandan keyin ular bu hayotdan o’z
ixtiyorlari bilan chiqib keta olmaydilar va bir umr o’g’rilar dunyosining qul
xotiniga aylanib qoladilar. Har qanday xiyonat, jinoyatchilar dunyosidan chiqib
ketishga urinish uning uchun fojiali tugashi muqarrar bo’ladi.
Hozirgi zamon jinoyatchilari bola-chaqa masalasida ham axloqiy tarbiyani
jinoyatchilar dunyosining axloqiy yomonlik qonunlari asosida olib borishga
harakat qiladilar. Ayniqsa, professional jinoyatchining bolasi jinoyat sodir etsa, u
bola va uning otasi katta nufuzga ega bo’lib, unga ishonch bildiriladi. Bundan
asosiy maqsad ana shu jinoyatchilar ichidan «qonundagi o’g’rilarni» tarbiyalab
yetishtirish hisoblanadi.
2. Har qanday professional jinoyatchining davlat organlari, ayniqsa,
huquqni muhofaza qiluvchi idoralar xodimlaribilan aloqa qilishlari, munosabatda
bo’lishlari qat’iyan taqiqlanadi.
Bu qonunni joriy qilishdan asosiy maqsad jinoyatchilarning o’z sheriklarini
sotmasligini, ularning ishiga va g’oyasiga sodiq qoldirishni ta’minlashdan iborat.
Shunga ko’ra, huquqni muhofaza qiluvchi organ xodimlari bilan qilingan har
qanday aloqa xiyonat hisoblanadi. Bordi-yu, jinoyatchi davlat organlariga, qamoq
joylaridagi ma’muriyatga biror-bir ma’lumot bersa, u jinoyatchilarning
«qardoshlik» oilasidan chiqariladi va jinoyatchilar sudi tomonidan o’limga hukm
etiladi.](/data/documents/36a8fc2d-2d7e-4d7b-87dd-b129f30f1136/page_52.png)
![Bu qonunni amalga oshirish uchun maxsus «qasamyod» qabul qilish
an’anasi qabul qilingan. Har qanday yosh, qobiliyatli o’g’ri ma’lum sinov
tajribalaridan o’tganidan so’ng, jinoyatchilar dunyosiga qabul qilinishi oldidan
«qasamyod» qabul qiladi. Bu «qasamyod»da, masalan, «men, yosh pasan,
o’g’rilar yo’lini tanlar ekanman, mana shu yig’inda ishtirok etayotgan o’g’rilar
oldida
butun umrim davomida sadoqatli o’g’ri bo’lishga, chekistlar bilan hech
qanday munosabatda bo’lmaslikka qasam ichaman...», deyiladi.
Bu qasam jinoyatchilar dunyosi axloqiy yomonlik qonunlarining eng oliy
cho’qqilardan biri hisoblanadi. Ana shunday qasamyod qilganlargagina o’g’rilar
ishonadilar. «Qasamyod»ni buzganlar, albatta o’limga hukm etiladilar. Bu axloqiy
yomonlik tilsimotini ichki ishlar idoralarining har bir xodimi yaxshi bilmog’i
zarur.
3. Har qanday jinoyatchi o’z guruhi a’zolariga nisbatan halol va to’g’ri
munosabatda bo’lishi, xushmuomalalik bilan ish ko’rishi lozim. Bu qonun teng
toifadagi jinoyatchilarning bir-birlari bilan urishishini, har xil haqoratomuz so’zlar
aytib so’kinishlarini taqiqlaydi. O’g’rilar «odobi»da teng toifadagilar o’rtasida
«qo’l siltash»ga ruxsat beriladi, xolos. Biroq, bu axloqiy talablar o’zlaridan pastki
tabaqadagilarga nisbatan qo’llanilmaydi. Yuqori tabaqadagilarning pastki
tabaqadagilarni urishi, so’kishiga ruxsat etiladi. Shuning uchun «qonundagi
o’g’rilar» o’zlarini jinoyatchilar dunyosining «knyazlari» deb ataydilar.
4. «Qonundagi o’g’ri»larning qamoq joylaridagi tartibni nazorat qilishi,
jinoyatchilar orasida butunlay o’z hokimiyatini o’rnatishi va uning ishlashini
ta’minlashi shart. Bu qonun qamoq joylarida «qonundagi o’g’rilar»
boshchiligidagi hoki- miyatni o’rnatib, jinoyatchilar dunyosining bir butunligini
ta’minlash va ularni yangi a’zolar bilan to’ldirish maqsadiga xizmat qiladi. Bu
ishni amalga oshira olmagan «qonundagi o’g’rilar» o’g’rilar yig’ini oldida
javobgar hisoblanadilar va tegishli jazoni oladilar.
5. Har bir o’g’ri-jinoyatchining asosiy vazifalaridan biri jinoyatchilar
dunyosini yangidan-yangi a’zolar bilan to’ldirish ishlari bilan muntazam ravishda](/data/documents/36a8fc2d-2d7e-4d7b-87dd-b129f30f1136/page_53.png)
![shug’ullanishdir. Bu qonun jinoyat qilishga moyil bo’lgan yoshlar orasida
«g’oyaviy- mafkuraviy ish» olib borishni, ya’ni jinoyatchilar dunyosidagi erkinlik,
chiroyli hayot, har xil qo’shiqlar, tatuirovkalarni targ’ib qilish, ularni narkotik
moddalar iste’mol qilishga, spirtli ichimliklar ichishga va buzuq ayollar bilan
jinsiy aloqa qilishga o’rgatish; shantaj qilish, qo’rqitish, ig’vo qilish, qimor
o’yinlariga jalb qilish, qarzdor qilish orqali ularni jinoyat- chilar dunyosiga jalb
etib, o’z saflarini kengaytirishni va jinoyatchilar avlodining uzluksiz davom
etishini ta’minlashni talab qiladi.
6. Har qanday professional jinoyatchining siyosiy faoliyat bilan
shug’ullanishi, ya’ni partiyalarga a’zo bo’lishi, gazeta o’qishi, tergov va sud
ishlarida guvoh sifatida, jabrlanuvchi tarzida qatnashishi taqiqlanadi.
7. Har bir professional jinoyatchi qimor o’yinlarini yaxshi bilishi lozim.
Qimor o’yinlari jinoyatchilarning aqlini peshlashdan tashqari, jinoyatchilar
dunyosining boshqa odamlar bilan til topishishining eng muhim usullaridan biri
hisoblanadi.
8. Bu o’yinlar orqali ular boshqa jinoyatchilar ustidan o’zlarining
hukmronligini o’rnatadilar, ya’ni ularning mol-mulki, xotini, bola-chaqasini va
hatto hayotini ham yutib oladilar. Yutqazib qo’yganlarni o’zlarining xizmatkoriga
aylantira- dilar va eng xavfli topshiriqlarni bajarishga majbur qiladilar.
Professional jinoyatchilarning axloqiy yomonlik qonunlari talablarini
buzganlarga va bajarmaganlarga qarshi quyidagi jazolar qo’llaniladi.
1. Oshkora tarzda shapaloq urish. Bu jazo ko’pincha qilgan mayda
gunohlari, xususan haqorat qilganligi uchun qo’llaniladi. Uni amalga oshirish
chun jinoyatchilar yig’iladilar va teng toifadagi gunohsiz jinoyatchi ularning
oldida teng toifadagi gunohkorni bir shapaloq uradi.
2. Jinoyatchilar guruhidan chiqarish yoki bir tabaqa pastga tushirish.
Bunda odamlar yig’ilib, gunohkorning qulog’i tagiga o’yin kartasi bilan uriladi.
Bu «qulog’ining tagiga tushirish bilan jazolash» deyiladi.
3. Katta pul jarimasini solish. Bu jazo chorasi ayni bozor iqtisodiyotiga](/data/documents/36a8fc2d-2d7e-4d7b-87dd-b129f30f1136/page_54.png)
![o’tish vaqtida kengayib ketdi. Ayniqsa, o’g’ri- jinoyatchilar o’g’rilar yig’iniga
kechikib kelganliklari hamda o’zlari bo’lib olgan hududlardan chiqib,
boshqalarning hududida ish olib borganligi uchun katta pul jarimalarini
to’laydilar.
4. Oliy jazo – o’lim jazosi. Bu jazo asosan xiyonat uchun qo’llaniladi.
Bunda o’ldirish quroli sifatida ko’pincha pichoq ishlatiladi.
Professional jinoyatchilarning quyidagi to’rt asosiy belgisi mavjud:
1) jinoyatchilik bilan shug’ullanishdagi barqarorlik, ya’ni biror-bir jinoyat
turini sodir etishga ixtisoslashganlik;
2) ma’lum ko’nikma va malakaga ega bo’lish;
3) jinoyat tufayli mol-mulk topish hayotining asosini tashkil etishi;
4) jamiyatdagi tartibga xilof tarzda hayot kechiruvchilar bilan aloqada
bo’lish.
Jinoyatchilar dunyosi jamiyatning illati bo’lib, undan ajralgan holda ish
ko’radi. Shuning uchun ham jinoyatchilar boshqalar bilmasligi yoki tushunmasligi
uchun o’zlarining tilini, har xil laqablarini, belgilarini ishlab chiqqanlar. Bu til
(jargon), laqab, belgi (tatuirovka)lar orqali ular sirli muloqotda bo’ladilar. Ana shu
sirni bilish va natijada ular sodir etmoqchi bo’layotgan jinoyatlarning oldini olish
va ularni fosh qilish ichki ishlar idoralari xodimlarining vazifala- ridan biri
hisoblanadi.
Jinoyatchilar dunyosi jinoyatchilardan kishilar orasida va ijtimoiy hayotning
illatlari bo’lgan boshqa qatlamlar bilan muloqot qilishda muomala qilish
elementlarini, ya’ni: a) maxsus til, ya’ni jargonlarni; b) jinoyatchilarning belgilari
(tatuirovkalar)ni; v) jinoyatchilarning laqablarini yaxshi bilishlarini talab qiladi.
A . Jinoyatchilar dunyosi «estetik madaniyati»ning asosiy elementlaridan
birini ularning nutq madaniyatiga kiruvchi tili (jargonlari) tashkil etadi.
Jinoyatchilar dunyosida amal qiluvchi jargonlarni uch guruhga ajratish
mumkin:](/data/documents/36a8fc2d-2d7e-4d7b-87dd-b129f30f1136/page_55.png)
![1) oddiy huquqbuzarlardan tortib, professional jinoyachilargacha
foydalanadigan umumiy jargonlar;
2) ozodlikdan mahrum etilganlar qamoqxonalarda ishlatadigan jargonlar;
3) professional jinoyatchilar ishlatadigan maxsus jargonlar.
Jinoyatchilar dunyosining jargonlari ikki xil vazifani:
birinchidan, jinoyatchilarning so’zlarini oddiy fuqarolar tushunmasligi
uchun maxfiylashtirish;
ikkinchidan, jargoniga qarab jinoyatchining qaysi toifaga kirishi va
jinoyatchilar dunyosida qanday o’rin tutishini aniqlash, bilish vazifasini bajaradi.
Jinoyatchilar o’zlarining tilini san’at bilan qiyoslab, ularga estetik tus
beradilar, ya’ni «musiqa sadolari ostida qadamma-qadam yuradi» («po muz ы ke
xodit») deb o’zlarining til hunarlarini maqtaydilar. Hozirgi kunda
jinoyatchilarning lug’aviy boyligi 10 ming so’zdan ortiq bo’lgan har xil
jargonlari mavjud . Shulardan ba’zi birlarini keltiramiz: masalan, polyak tilidan
kirib kelgan jargonlarga kapat – yetkazish, chaqish, ment – milisioner, turma
nazoratchisi; ukrain tilidan kirib kelgan jargonalarga xavat – yemoq, xomka –
pichoq; lo’lilar tilidan kirib kelgan jargonlarga chuvixa – suyuqoyoq; turk tilidan
kirib kelgan jargonlarga yamaniy – yomon, kicha – turma; nemis tilidan kirib
kelgan jargonalarga guten morgen – ertalabki o’g’rilik; fransuz tilidan kirib kelgan
shpana – mayda o’g’rilar kabi so’zlar kiradi.
Shuningdek, hozirgi kunda muomalada bo’lgan ba’zi bir jargonlarni ham
keltiramiz. Masalan, ayva – qoch, alkash – aroqxo’r, amba – tamom, ampula –
shisha idish, balda – nasha, ban – bozor, baban – qishloqi, baruxa – xotin, bugor
– brigadir, shayba – pul, juk – tajribali o’g’ri, shaloto – tilla, artist – firibgar,
zajigalka – to’pponcha, brodyaga – daydi, basyaki – yalangayoq, shirmoch –
cho’ntakkesar va boshqalar.[III; 54 146-148]
B . Professional jinoyatchilar olamining o’ziga xos jihatlaridan yana biri bu
jinoyatchilarning badanlariga chizilgan yoki kuydirib yozilgan har xil
mazmundagi belgalar – tatuirovkalar hisoblanadi.](/data/documents/36a8fc2d-2d7e-4d7b-87dd-b129f30f1136/page_56.png)
![Tatuirovkalar quyidagi ma’nolarni anglatadi:
1. Jinoyatchining qaysi tabaqaga mansub ekanligani anglatadi. Masalan,
badanga chizib ishlangan «xoch» (krest) – kissavurni, «gladiator» – bezorini,
«o’rgimchak inidagi o’rgimchak» – giyohvandni anglatadi va h.k.
2. Jinoyatchining qasd olishga va qamoqdan qochishga bo’lgan
mayllarining mavjudligini anglatadi. Masalan, yo’lbars boshining tasviri –
tajovuzkor jinoyatchini, «pogonga sanchilgan pichoq» – huquqni muhofaza
qiluvchi organ xodimlaridan o’ch olishga qasd qilganligini, «qurollangan echki» –
milisiya xodimidan o’ch olish, «kallaga qadalgan pichoq, xanjar» – yetkazilgan
hamma musibatlar uchun o’ch olish, «og’zida pichoq tishlash» – «faollarni
so’yaman», «yurakka qadalgan xanjar va o’qdon» – «qonundagi o’g’rilar»dan
o’ch olaman, degan ma’nolarni bildiradi.
3. Shunchaki badanni «bezash» uchun xizmat qiladi. Hattoki, jahonga
mashhur san’at asarlaridan nusxalar chizdirish, ya’ni zavq-shavq olish maqsadida
hamda o’zining yuksak estetik did egasi ekanligini, madaniyat sohibi ekanligani
ko’rsatish uchun maxsus chizilgan tatuirovkalar bor. Masalan, Vasnesovning
«Uch bahodir», Leonardo Da Vinchining «Sikstin Madonnasi» asarlarini badanga
chizdiradilar.
4. «Qahramonlik» va chidamlilikni namoyish qilish uchun chiziladi.
Masalan, jon og’riydigan nozik joylarga, ko’zning ustiga va boshqa joylarga
chizilgan tatuirovkalar shular jumlasiga kiradi.
V. Professional jinoyatchilarda laqablar ularning ikkinchi ismi hisoblanadi.
Jinoyatchilarning laqablari asosan konspirasiya ya’ni niqoblash, yashirish
vazifasini bajaradi. Shuning uchun ham har bir jinoyatchining laqabi mavjud
bo’ladi. Laqablariga qarab ular bir-birlarining nima ish bilan shug’ullanishlarini,
qayerda turishlarini, kim bilan aloqa qilishlarini biladilar.
Laqab uyushgan jinoyatchilarning ajralmas belgilaridan biri hisoblanadi.
Ba’zida laqablar jinoyatchining jismoniy jihatlarini bildirish uchun ham
ishlatiladi. Masalan, «Yaponchik» (V.Ivankov 1940 yilning 2 yanvarida](/data/documents/36a8fc2d-2d7e-4d7b-87dd-b129f30f1136/page_57.png)
![Moskvada tug’ilgan, uning bu laqabi haqida ikki xil taxmin bor: ba’zilar uning
tashqi ko’rinishi sharqona bo’lgani uchun «Yaponchik» laqabini olgan deyishsa,
ba’zilar V.Ivankov «djiu-djitsu» deb nomlangan yapon kurashining ustasi edi,
laqab shundan kelib chiqqan deyishadi), «Qora kardinal» (Otari Kvantrishvili
1947 yilda Gruziyada tug’ilgan, «kardinal» katolik dinida Rim papasidan keyin
turuvchi martabasi ulug’ligi jihatidan ikkinchi shaxs hisoblanadi) «qonundagi
o’g’ri»larning laqabi, «Masha» o’g’rilar bandasiga boshchilik qiluvchi ayolning
laqabi, «Malina» o’g’rilar uchun maxsus kvartira saqlovchilarning laqabi va
hokazo. Surgun qilingan jinoyatchilarda «Ivan»lar deganda bosqinchilik, ig’vo
bilan shug’ullangan jinoyatchilar; «Xrapn» deganda o’z ishlarini o’zgalar qo’li
bilan qiladigan jinoyatchilar; «Igroki» deganda har xil qimorbozlar tushuniladi.
Jinoyatchilar dunyosining o’ziga xos «san’ati» ham mavjud. Bularga
jinoyatchilar hayotini kuylaydigan qo’shiqlar, musiqalar, raqslar kiradi. Ularda
jinoyatchilar dunyosi «romantik» tarzda targ’ib qilinadi. Bu «romantik» targ’ibot
esa jinoyatchilar dunyosiga yangidan-yangi a’zolarni jalb etishga xizmat qiladi.
Ayni vaqtda jinoyatchilik ruhida yozilgan qo’shiqlar, she’rlar, kuylar
jinoyatchilarga zavq bag’ishlaydi. Masalan, Aleksandr Galichning «Turma
motivlari» turkumidagi she’rlari shular jumlasiga kiradi.
Jinoyatchilar dunyosidagi axloqiy yomonlik qonunlari, ularning badanlariga
chizilgan tatuirovkalar, qo’yilgan laqablar, kuylangan qo’shiqlar va boshqalar
qanchalik go’zal ko’rinmasin, ular insoniylikka yot narsalar hisoblanadi.
Professional jinoyatchilarning tarkibiy tuzilishi va toifasi . Hozirgi zamon
jinoyatchilar olamining tarkibiy tuzilishini tahlil qiladigan bo’lsak, ularning bir necha
toifaga bo’linganligini va har bir toifadagi jinoyatchilarning o’ziga xos ichki va
tashqi turmush tarzi, unda amal qiluvchi qandaydir qonunlar va axloq, xulq-atvor
me’yorlari borligini, ularning barchasi o’zining mazmun-mohiyati bilan jinoyatchilar
olamini takomillashtirishga qaratilganligini ko’ramiz.
Jinoyatchilar olamining psixologik xususiyatlarini ifoda etuvchi o’ziga xos
yozilmagan xulq-atvor me’yorlari, ko’rsatmalar, til (jargon), laqab, qo’shiq, musiqa,](/data/documents/36a8fc2d-2d7e-4d7b-87dd-b129f30f1136/page_58.png)
![tatuirovkalari mavjud. Bularni bilmasdan turib, jinoyatchilar olamida bo’layotgan
o’zgarishlarni bilish va ularga qarshi samarali kurashish mumkin emas.
Hozirgi kunda jinoyatchilar olami quyidagi toifalardan tashkil topgan:
1) «qonundagi o’g’rilar» (vor v zakone);
2) «obro’lilar» («avtoritet ы »);
3) «ishbilarmonlar» (dels ы );
4) «qimorbozlar» (katal ы );
5) «tilyog’lamachi» («shesterki»);
6) «erkaklar» («mujiki»);
7) «bolalar, yigitchalar» («patsan ы »);
8) «sho’rpeshonalar» va «pastkashlar» («obijenn ы ye i opu щ yenn ы ye»).
Ulardan dastlabki beshtasi jinoyatchilar dunyosining o’zagini tashkil
qiluvchi professional jinoyatchilar guruhlariga kiradi.
Xo’sh, “qonundagi o’g’rilar” kimlar?
Biz jinoyatchi deb biladigan olamning o’ziga yarasha odatlari, an’analari
mavjud. O’ziga yarasha martabayu “unvonlari” ham bor. Bu orlam o’ziga yarasha
ulug’lariyu xiyonatkorlaridan ham xoli emas. Jinoyat olamining eng yuqori
tabaqalaridan biri o’zbekchasiga “Toj guli” (ruslarda “Svetnaya mast”) deb
ataladi. Mana shu oliy tabaqa butun jinoyat olamini boshqaradi. Jinoyat olamida
“qonundagi o’g’ri” (“vor v zakone”) degan tushuncha ham bor. To’g’rirog’i, bu
oddiy tushuncha emas, balki martaba, unvon hisoblanadi. “Qonundagi o’g’ri”
nomini olish uchun, bu martabaga yetish uchun ko’p sinovlardan o’tish kerak.
“Qonundagi o’g’ri” atamasini “qonuniy o’g’ri” degan ma’noda tushunish kerak
emas.
Ayrimlar bu mavzuda yozganlarida “vor v zakone”ni “toza o’g’ri” deb
tarjima qiladilar. Bu ham unchalik to’g’ri emas.
“Qonundagi o’g’ri” – o’g’rilar olamining qonun-qoidalarini hech bir
og’ishmay amalga oshiradigan, o’g’rilik odatlariga sodiq, o’g’ri do’stlariga hech
qachon xiyonat qilmaydigan, butun hayotini shu olamga bag’ishlagan odamdir. Bu](/data/documents/36a8fc2d-2d7e-4d7b-87dd-b129f30f1136/page_59.png)
![nomni ularga NKVD xodimlari XX asrning 20 – 30 yillarida berishgan. U vaqtda
bu ibora “ashaddiy o’g’ri”, “ashaddiy jinoyatchi” degan ma’nolarda qo’llanilgan.
O’g’rilar esa o’zlarining “haloli” (chestnyaga) deb atashgan. Ya’ni eng yaxshi
o’g’ri – halol o’g’ri. Bu biz uchun bir oz kulguli tuyuladi, albatta. Chunki, jamiyat
ularni jinoyatchi deb hisoblaydi, ulardan nafratlanadi va ularni jazolaydi.
Ular esa o’zlarini jamiyat ustidan hukmronmiz deb his qiladilar va
jamiyatdagi hech qanday qonun-qoidani tan olmay yashaydilar.
Ikkinchi jahon urushidan keyin jinoyat olamining tabaqa- lashuvi tezlashdi.
Avvalo, jarima batalonlarida (“shtrafbat”) jang qilib tirik qaytgan jinoyatchi-
jangchilar huku- matdan qurol oldilar. O’g’rilarning hukumat bilan murosa qilishi
jinoyat olamining qonuniga mutlaq zid bo’lgani sababli ularga “qanjiq” degan
“martaba” berilgan.
Urush paytida G’arbiy Yevropaga ketib qolgan ayrim jinoyatchilar
urushdan keyin tijorat bilan shug’ullana boshlashgan. O’g’rilar qoidasiga ko’ra bu
ham mumkin bo’lmagani sababli ular “polshalik o’g’rilar” deb nom olishgan.
Mana shular va shularga o’xshab o’g’ri nomusini qadrlay olmaganlarga “egiluvchi
o’g’rilar” degan nom berilgan va ular bilan ayovsiz urush olib borilgan. Natijada
“qonundagi o’g’ri”larning soni keskin kamayib, faqat 3 – 4 % nigina tashkil
qilgan.
XX asrning 70–80 yillarida sobiq kompartiyaning kaltabinligi tufayli
jinoyat kodekslaridan “banditizim”, “shayka”, “uyushgan jinoyatchilik” kabi
tushunchalar chiqarib tashlandi. SSSRda go’yo bunday xavfli jinoyatchilar yo’q
deb ko’rsatishmoqchi bo’lishdi.
Kompartiyaning bunday nodon siyosatidan jinoyat olami unumli foydalandi
va rivojlandi. Oqibatda avval 300 o’g’ri rasmiy ravishda “qonundagi o’g’ri” tojini
kiygan bo’lsa, to’qsoninchi yillarning boshlarida ularning soni 1500 dan oshdi. Bu
malakalari oshgan, o’g’rilik nomusi qoidalariga rioya qila oladigan yoshlar safi
kengaydi, deganidir.
“O’g’rilik” deganda biz uyga bostirib kiradigan, yo’lda tunagan yoki](/data/documents/36a8fc2d-2d7e-4d7b-87dd-b129f30f1136/page_60.png)
![cho’ntak kesgan odamlarni tushunamiz. To’g’ri bu ham o’g’rilik, ammo bu olam
yo’lidagi birinchi bosqichlardan hisoblanadi. Jinoyat olami bizning halol olamga
nisbatan farqli o’laroq millat va dinga ahamiyat bermaydi. Bugungi kunga kelib
sobiq Ittifoq hududidagi “qonundagi o’g’ri”larning 33 % ini ruslar, 32 % ini
gruzinlar, 8 % ini armanilar, 5 % ini ozarbayjonlar, 22 % ini kurtlar, abxazlar,
qozoqlar, ukrainlar va boshqa millat vakillari tashkil etishlari aniqlangan.
“Qonundagi o’g’ri”lar odatda uzoq yashamaydilar. Ilmiy tadqiqotlar shuni
ko’rsatadiki, ularning o’rtacha umri ko’pi bilan 50–55 yoshdan oshmaydi.
Ayrimlari kam hollardagina 60 yoki undan sal ziyodroq umr ko’radilar. 65
yoshdan oshganlari barmoq bilan sanarli, 70 dan oshganlari ikkitagina bo’lgan.
Shulardan biri saratovlik “Mordak”laqabli “qonundagi o’g’ri” bo’lsa, ikkinchisi
amerikalik “Kas” laqabli “qonundagi o’g’ri” bo’lgan.
Shuningdek, jinoyatchilik olamida 18–20 yoshdagi “qonundagi o’g’ri” larni
ham ko’rish mumkin. Masalan: “Xudo” laqabli Gasoyan 1953 yilda Tbilisida
tug’ilgan, 1997 yilda o’ldirilgan. “Valter” laqabli Valeryan Djanashiya 1957 yilda
Abxaziyada tug’ilib, 1997 yilda o’ldirilgan. Ular 20 yoshidayoq “qonundagi
o’g’ri” unvonini olishgan
Ma’lumotlarga qaraganda, “qonundagi o’g’ri”larning 80 % ini 30 – 35
yoshdagi jinoyatchilar tashkil etar ekan.[III; 46 30-31 b]
«Qonundagi o’g’rilar». Jinoyatchilar olamining «oliy tabaqasi»ga kiruvchi
bu toifadagi jinoyatchilarni o’zining og’ir va o’ta-og’ir jinoyatlari bilan kamida 2–
3 marotaba qamalib chiqqan, jazoni o’tash joylarida 13–15 yillab o’tirgan,
jinoyatchilar olamining barcha axloqiy qonun-qoidalarini puxta o’zlashtirib olgan,
jinoyatchilar dunyosida obro’-e’tiborga sazovor bo’lgan hamda o’g’rilarning
maxsus yig’inlarida ushbu «oliy unvonni» olgan professional jinoyatchilar tashkil
qiladi.
«Qonundagi o’g’rilar»ga qo’yiladigan asosiy talablar quyidagilardan iborat:
– «o’g’rilar g’oya»siga cheksiz sodiqlik;
– jinoyat qilishda tajriba va katta tashkilotchilik qobiliyatiga ega bo’lish;](/data/documents/36a8fc2d-2d7e-4d7b-87dd-b129f30f1136/page_61.png)
![– o’g’rilarning «qonunlari»ni puxta bilish;
– «obro’sizlantiradigan» (armiyada xizmat qilganligi, par tiyaga a’zo
bo’lganligi, davlat mukofotlari orden va medallar bilan taqdirlanganligi haqidagi)
ma’lumotlarning bo’lmasligi;
– jinoyatchilar olamida nufuzga ega bo’lganlardan og’zaki yoki yozma
tavsiyanomaning bo’lishi.
Hayotning o’zgarishi bilan «qonundagi o’g’rilar»ning turmush tarzi, ularga
qo’yiladigan talablar ham o’zgarib boradi. Hozirgi kunda mavjud bo’lgan
«qonundagi o’g’rilar» 50-yillarda gilaridan quyidagi jihatlari bilan farq qiladi:
birin chidan, jinoyatni bevosita o’zlari emas, balki boshqalarning
(«pexota»larning) yordamida amalga oshirishi; ikkinchidan, katta tashkiliy ishlarni
bajarish, ya’ni huquqni muhofaza qiluvchi va ma’muriy organlar bilan aloqa
o’rnatib ishni o’zlarining foydasiga hal qilish bilan shug’ullanishi; uchinchidan,
bevosita o’g’rilik bilan emas, balki reket, qimor o’yini, giyohvandlik bilan
shug’ullanishlari.
Shunday qilib, hozirgi kunda «qonundagi o’g’rilar»ning ikki toifasini, ya’ni
eski o’g’richilik an’analariga sodiq qolib, ularning qonunlarini qat’iy ravishda
amalga oshirayotgan «nepman o’g’rilar» hamda eski qonun-qoidalarni zamonga
moslab o’zgartirgan «yangi o’g’rilar»ni kuzatish mumkin.
«Yangi o’g’rilar»ning qamoqda o’tirgan bo’lishi shart emas, ular katta pul
evaziga «qonundagi o’g’ri» rutbasi (tituli)ni sotib olib, eski «nepman o’g’rilar»ga
qarshi kurash olib boradilar. Bu kurash ko’pincha bir-birlarini jismoniy yo’q qilish
bilan tugallanadi.
Umuman olganda, «qonundagi o’g’rilar» quyidagi axloqiy yomonliklarni
bajaradilar:
– jinoyatchilar turmush tarzini, o’g’rilik «axloqi», xulq-atvori qonun-
qoidalarini targ’ib qilish, o’z saflarini o’g’rilarning urf-odatlarini yaxshi egallab
olgan yoshlar bilan to’ldirish;
– boshqa uyushgan jinoyatchi guruhlar bilan aloqa o’rnatish, bitim tuzish,](/data/documents/36a8fc2d-2d7e-4d7b-87dd-b129f30f1136/page_62.png)
![ularga o’zlarining ta’sirini o’tkazish hamda yangi xulq me’yorlarini ishlab chiqish
va jinoyatchilar dunyosiga tatbiq etish;
– umumiy pul jamg’armasini tashkil etish va uni muntazam ravishda
to’ldirib borish;
– o’g’rilar, firibgarlar va boshqa tekin tomoqlarni topish hamda ularning
ustidan o’z nazoratlarini o’rnatish;
– qamalgan o’g’rilarga, ularning oilasiga moddiy yordam ko’rsatish;
– o’g’rilarning yig’inini chaqirish va unda ko’riladigan masalalarni
belgilab olish (O’g’rilar yig’ini o’g’rilar hayotining muhim masalalarini, masalan,
pul jamg’armasini tashkil etish, uni to’ldirish, sotqinlarni yo’q qilish, har xil
nizolarni hal qilish kabi masalalar bo’yicha ko’pchilik tomonidan «demok- ratik»
asosda qaror qabul qiladigan kengash hisoblanadi);
– jinoyat qidiruv xodimlariga qarshi ish olib borish, o’zga jinoyatchi
guruhlar tomonidan tarqatilayotgan gap-so’zlarni tekshirib ko’rish, jinoyatchilar
boshliqlarining xavfsizligini ta’minlash ishlarini tashkil etish;
– jinoyatchilar o’rtasida vujudga kelgan nizolarni, ziddiyatlarni hal etish,
ularning axloq me’yorlariga, qonunlariga mos kelmagan xatti-harakatlarni sodir
etganlarni sud qilish, qilmishiga yarasha jazo choralarini belgilash, ijro etilishini
nazorat qilish va h.k.
Xuddi shuningdek, jazoni ijro etish muassasalarida qamoq jazosini
o’tayotgan «qonundagi o’g’rilar» quyidagi axloqiy yomonliklarni bajaradilar:
– o’ziga rutbasi to’g’ri keladigan yoki o’g’rilarning oliy tabaqasiga mansub
yoxud shularga yaqin bo’lgan jinoyatchilar bilan aloqa qilish;
– JIEMda bajariladigan g’ayriinsoniy, axloqqa zid ishlarni bevosita o’zi
emas, balki xizmatkorlari «tilyog’la- machilar», ularning qilgan gunohini o’ziga
oluvchi «balogardonar» («fomootvodlar»), jazolash ishlarini bajaradigan
«buqalar» («b ы ki»), «soldatlar» orqali amalga oshirish;
– tashqi dunyo bilan maxfiy yo’llar orqali aloqada bo’lish, ya’ni har xil](/data/documents/36a8fc2d-2d7e-4d7b-87dd-b129f30f1136/page_63.png)
![tovarlar, oziq-ovqat, pul kabilarni olib turishni ta’minlash;
– qamoqdagi nazoratchilar ustidan har xil ig’vo gaplarni tarqatuvchi
guruhga rahbarlik qilish, qonunlarni buzib talqin etish kabi targ’ibot-tashviqot
ishlarini uyushtirish;
– kamerada, oshxonada, yotoqda, hammomda o’ziga yoqqan joyni zo’rlik
bilan egallash;
– JIEM rahbarlarining, xodimlarining xatolarini, ishdagi kamchiliklarini
topish va ulardan buzg’unchilik, ig’vo maqsadlarida unumli foydalanish;
– qiyin ishlarni bajarmaslik, yengil ishlar – brigadirlik, sartaroshlik kabi
ishlar bilan shug’ullanish;
– JIEM xodimlari va harbiy xizmatchilar orasidan g’ayriqonuniy ish
qiluvchilarni topish va ular bilan aloqa o’rnatish;
– belgilangan shakldagi kiyim-boshlardan ajralib turuvchi kiyim kiyish, har
xil maishiy hojat predmetlariga ega bo’lish va hokazo.[II; 17 – С . 175–176.]
«Obro’lilar». Bular jinoyatchi unsurlar o’rtasida katta obro’- e’tiborga ega
bo’lgan professional jinoyatchilar hisoblanib, «qonundagi o’g’rilar»dan keyin
turuvchi toifani tashkil qiladi. Bu toifadagi jinoyatchilar ham ikki guruhga
ajraladi.
Birinchi guruhga «qonundagi o’g’rilarga» yaqin bo’lgan, ular bilan bevosita
bog’langan «obro’lilar» kirsa; ikkinchi guruhga o’zlarining moddiy
imkoniyatlariga ko’ra mustaqil bo’lgan «obro’lilar» kiradi. Bu «obro’lilar»ning
o’z odamlari, qo’riqchilari, maslahatchilari bo’ladi. Bunday «obro’lilar» odatda
qallob, tamagir bo’ladilar va ular bilan «qonundagi o’g’rilar» hisoblashishga,
kelishishga majbur bo’ladilar.
«Obro’lilar» «qonundagi o’g’rilar» amal qiladigan axloqiy qoidalarni, burch
va vazifalarni deyarli bajarsalarda, biroq ba’zi jihatlari bilan farq qiladilar.
«Obro’lilar» o’g’rilar yig’inini chaqirishga, ozodlikdan mahrum etilgan joylarda
umumiy pul jamg’armasini tashkil etishga yoki tashkil etilgan
«kassa»dagi mablag’larni sarflashga, o’g’rilar yig’inida hal qiluvchi ovoz](/data/documents/36a8fc2d-2d7e-4d7b-87dd-b129f30f1136/page_64.png)
![bilan qatnashishga, «qonundagi o’g’rilar» vakolatlaridan foydalanib, har xil
qarorlar qabul qilishga, sudyalik funksiyasini bajarishga haqli emaslar.
«Ishbilarmonlar» va «sexoviklar». Bu guruhdagilarga iqti- sod va xo’jalik
yuritishda jinoyat sodir etganlar kiradi.
«Ishbilarmonlar»ga olibsotarlar, mansabdor jinoyatchilar, «valyutachilar»
kirsa, «sexoviklar»ga xususiy tadbirkorlik bilan yashirincha, davlat hisobidan
o’tmagan holda mahsulot ishlab chiqaruvchi jinoyatchilar kiradi. Nima bo’lganda
ham mahsulotni ishlab chiqarish va tezlikda sotib katta foyda olish ularning asosiy
qonuni hisoblanadi.
«Qimorbozlar» qimor o’yinlari bilan shug’ullanuvchi professional
jinoyatchilar bo’lib, bu toifadagi jinoyatchilar firibgarlar faoliyatining
davomchilari sifatida kelib chiqqan. Ularning asosiy vazifalaridan biri
jinoyatchilar dunyosining pul jamg’armalarini to’ldirish hisoblanadi.
«Tilyog’lamachilar» jinoyatchilar dunyosining eng pastki tabaqasiga
mansub bo’lgan jinoyatchilar jumlasiga kirib, o’g’rilar boshliqlarining
xizmatkorlari vazifasini bajaradi- lar, ya’ni ularning har xil topshiriqlarini
bajaruvchi mayda jinoyatchilar hisoblanadilar. Masalan, chaqimchilik, vositachi-
lik, aloqachilik, pul mablag’larini yig’ish kabi vazifalarni bajaradilar.
«Tilyog’lamachilar» ozodlikda bo’lganida, o’zlari jinoyatchi guruhlarga
boshchilik qilishi, o’z odamlariga ega bo’lishi mumkin, biroq «obro’li»ga qat’iyan
bo’ysungan holda ish ko’radi, qamoqxonalarda esa xizmatkorlik vazifasini
o’taydi.
«Erkaklar» va «bolalar, yigitchalar». «Erkaklar» asosan xo’jalik jinoyati
bo’yicha ozodlikdan mahrum qilinganlar bo’lib, ular umuman yaxshi ishlaydilar,
kun tartibini bajaruvchan, ma’muriyat bilan yaxshi munosabatda bo’lib,
«qonundagi o’g’rilar» bilan aloqasini uzib, tezlikda ozodlikka chiqishga harakat
qiladilar. Yana shuni alohida qayd qilish kerakki, qattiq, alohida rejimdagi
turmada o’tirgan «erkaklar» o’zlarining qadri-sha’nini himoya qilish uchun
birlashib «qonundagi o’g’rilar» va ularning gumashtalariga qarshi kurashadilar.](/data/documents/36a8fc2d-2d7e-4d7b-87dd-b129f30f1136/page_65.png)
![Ular o’zlarini «banditlar» deb atagan holda «qonundagi o’g’rilar»ning
yetakchilarini topib, ko’pchilik oldida nomusiga tegish – besoqolbozlik qilish
orqali «qonundagi o’g’rilar»ni sharmanda qilib, obro’sini tushiradilar.
«Bolalar, yigitchalar» qaroqchiligi, o’g’riligi uchun ozodlikdan mahrum
qilingan yosh jinoyatchilar bo’lib, ular asosan jinoyatchilar dunyosida yaxshi
obro’ga ega bo’lish uchun «qonundagi o’g’ri»larga yaqin bo’lishga, ular o’rnatgan
axloq qoidalarini bajarishga harakat qiladilar.
«Qonundagi o’g’ri»larni qo’llab-quvvatlovchilarning axloq me’yorlariga
quyidagilar kiradi:
– ozodlikdan mahrum etilganlar orasida mustaqil bo’lish, ya’ni hech kimga
bo’ysunmaslik, ularning axloqiy qoidalarini bajarish;
– o’z haq-huquqlarini boshqa jinoyatchi guruhlar poymol qilsalar, ularning
ustidan «qonundagi o’g’ri»larga arz qilish;
– jamoat joylarini supurib-sidirish, tozalash ishlaridan bosh tortish;
– taqiqlangan predmetlarga ega bo’lishga harakat qilish va h. k.
«Sho’rpeshonalar» va «pastkashlar». Bularga besoqolbozlar,
bachchabozlar, balog’at yoshiga yetmaganlarni zo’rlab nomusiga tekkanlar va shu
qilmishlari uchun ozodlikdan mahrum etilib, qamoqda o’tirganlar kiradi.
Ular odatda ana shu qilmishlari uchun qamoqxonadagi o’g’ri-
jinoyatchilarning ham tegishli jazosiga duchor bo’ladilar, ya’ni zo’rlanadilar.
Bundaylardan ko’pchilik jinoyatchilar hazar qiladilar.
O’g’rilar cho’ntakkesarlar, uy o’g’rilari, do’kon o’g’rilari, avtomobil
o’g’rilari, antikvariat o’g’rilari kabi bir necha guruhlarga bo’linadilar.
Firibgarlar esa shulerlardan, folbinlardan, «qo’g’irchoqboz»lardan,
yolg’onchi olib-sotarlardan tashkil topadi va ularning har bir toifasining o’ziga xos
axloqiy qonunlari bo’ladi.
Jinoyatchilar dunyosidagi qonunlar biror joyda yozilgan, tasdiqlangan yoki
ro’yxatdan o’tgan bo’lmaydi. Shuning uchun ham ularni qonun deb hisoblash
mumkin emas, ularni faqat jinoyatchilarning «axloq qoidalari» deb atash mumkin.](/data/documents/36a8fc2d-2d7e-4d7b-87dd-b129f30f1136/page_66.png)
![Residivist jinoyatchi shaxslar va ularning tipologiyasi. Residivist 3
jinoyatchilarning eng ko’p qismi g’arazli hamda g’arazli-zo’ravonlik
jinoyatchilari sodir etganlar orasida kuzatiladi. Ularning aksariyati guruhiy
jinoyatlar ishtirokchilaridir. Ular ushbu jinoyatlarni o’z daromadlarining barqaror
manbaiga va hayotiy faoliyatining asosiy usuliga aylantiradilar.
Bekorchilik, ichkilikbozlik, muloqot doirasining jinoiy muhit, joriy ibtidoiy
istaklar bilan cheklanganligi, vaziyatga tobelik ularning ruhiy rivojlanish
darajasini nihoyatda cheklab qo’yadi. Shafqatsiz urush-to’polonlarda ijtimoiy
jihat- dan ro’yobga chiqmagan shaxs namoyon bo’ladi.
Residivist shaxslarning aksariyatida ruhiy buzilishlar va anomaliyalar
kuzatiladi. Ularning xulqi yorqin ko’rinib turgan beboshlik, jizzakilik, beadablik,
atrofdagi odamlarga nisbatan dushmanlik bilan ajralib turadi. «Erkinlikdagi»
hayot sharoitlarining nihoyatda noqulayligi, «zona»ga ko’nikib qolish uning
jazodan qo’rqish hissi yo’qolishiga olib keladi. Yangi jinoyatni residivist odatdagi
darajada – jinoiy xulqning afzalligiga bo’lgan qarash tufayli sodir etadi.
Ozodlikdan mahrum qilish joylaridagi odatda eng yuqori maqom, imtiyozli holat
ta’minlangan hayot esa nafaqat qo’rqitmaydi, balki o’ziga tortadi.
Residiv jinoyatchilik individning barqaror g’ayriijtimoiy xislatlarining
namoyon bo’lishidir. O’zini boshqarishdagi nuqsonlari g’ayriijtimoiy qadriyatli
mo’ljallari bilan birgalikda vaziyat bilan muhitga bog’liqligi residivistning asosiy
psixologik xususiyatlaridan biridir. Residivistning jinoiy xulqida o’zini
boshqarishining ongli va ong osti mexanizmlarining o’zaro ta’siriga xos
xususiyatlar ko’zga tashlanadi. O’zbekiston Respublikasi Jinoyat kodeksining 34-
moddasiga ko’ra, residiv jinoyat deganda, muqaddam qasddan sodir etgan jinoyati
uchun sudlangan shaxs tomonidan takroran jinoyat sodir etilishi tushuniladi.
“Residiv” so’zi takroran, boshqatdan bo’lib o’tgan ishga yana qaytish ma’nosini
anglatadi.[II; 25]
Residivist shaxs – xavfli jinoiy yo’nalishga va o’ta yuqori ongga ega bo’lgan
3
Рецидивист – жиноят ҳуқуқида суд ҳукми билан ҳукм қилингандан кейин, жазони ўтаб бўлганидан сўнг
ва судланганлик муддати суд ҳукми билан олиб ташланмай туриб, қайтадан жиноятга қўл урган шахс](/data/documents/36a8fc2d-2d7e-4d7b-87dd-b129f30f1136/page_67.png)
![g’ayriijtimoiy tip. Ya’ni kriminal olamida noijtimoiy ko’rinishdagi yuqori
darajada anglangan jinoiy harakatlarga moyil shaxs.
Residivist jinoyatchi shaxsning barqaror g’ayriijtimoiy yo’nalishiga egaligi
uning qiyinchilik va nizolarni faqat kuch ishlatish orqali hal qilishga doimiy
tayyorligida namoyon bo’ladi.
Residiv jinoyatchilik ruhiy anomaliyalar, psixopatiyaning yengil darajasi,
xarakterning aksentuasiyalari, alkogolli degradasiya kabilar bilan yuqori darajada
mos keladi. Ayollarda residivlik isterik holat va alkogollashuv bilan birga keladi.
Ular erkaklarga qaraganda ko’proq hollarda nevrotik va psixopatik buzilish
holatida jinoyat sodir etadilar.
Residivist jinoyatchilarning ijtimoiy-axloqiy buzilishi ozodlikdan mahrum
qilish joylarida uzoq vaqt bo’lish jarayonida chuqurlashadi. Nevrotizm,
psixopatizasiya, xarakterning aksentuasiyalashuvi, xatti-harakatning
noadekvatligi, tajovuzkor ko’rinishlarga barqaror moyillik nafaqat jinoiy turmush
tarzining, balki ozodlikdan mahrum qilish joylarida uzoq vaqt bo’lishning ham
odatdagi oqibatlaridir.
XX asrning 20-yillardayoq mashhur psixolog va psixiatr A. F. Lazurskiy
taklif etgan psixologik tiplashtirishga asoslangan holda residivist jinoyatchini
shaxsning buzilgan tipiga kiritish lozim, ushbu tipning turlarini esa har xil
xarakterologik og’ishlarga qarab aniqlash mumkin.
A.F.Lazurskiy barqaror jinoyatchilarni aqlli, irodasi sust, jizzaki va hissiy
beqaror turlarga ajratgan. Masalan, irodasi sust residivistlar jinoyatlarni ijtimoiy
hayotga moslashmaganligi, nihoyatda noqulay hayotiy vaziyatlar, turmushining
yo’lga tushmaganligi sababli sodir etadilar. Ular odatda har xil jinoyatlarni sodir
etadigan, vaziyatga bog’liq individlardir.
Residivist jinoyatchi shaxslarni quyidagi tiplarga ajra- tish mumkin:
Impulsiv (g’ayriixtiyoriy) residivistlar tipi – eksploziv (portlovchi) tiplar,
ya’ni o’z harakatining oqibatlarini oldindan ko’rmaydigan individlar. Ular
arzimagan sabablarga kuchli ta’sirni namoyon etadilar. Sodir etilgan](/data/documents/36a8fc2d-2d7e-4d7b-87dd-b129f30f1136/page_68.png)
![jinoyatlarning og’irligi odatda ularning sabablariga mos kelmaydi.
Ular o’z maqsadlari, qarashlari, odatlarining qullaridir. Ularning istaklari
(ayniqsa, alkogoldan mast holatda) darhol keskin g’ayriijtimoiy harakatlarga
aylanadi, yaxshi ko’rgan ishi
– bezorilik, zo’rlikka asoslangan qilmishlar hisoblanadi. Ular odatda
nevrozlar, ichkilik tufayli buzilishlar, aqliy yetishmovchiliklar, infantivizmga
duchor bo’lgan shaxslardir.
Affektiv (kuchli his-hayajon holati) residivistlar tipi nihoyatda chuqur
emosional beqarorligi, asabiy holatni hatto murakkab bo’lmagan nizoli
vaziyatlarda ham tezlashtirishi, qiyinchilikka bardosh bera olmasligi bilan ajralib
turadilar.
Ular o’zlarining kamchiliklarini o’ta tajovuzkorlik, xulqining umumiy kuchli
energetizmi bilan qoplashga urinadilar. Ular doimo fuqarolarning hayoti va
sog’lig’iga tajovuz qilishga, mulkni ishdan chiqarish va buzishga moyildirlar.
Ushbu jinoyatchilarning residivlari odatda bir xil yoki o’xshash jinoyatlardan
tashkil topadi.
Residivistning emosional tipi qandaydir barqaror, ustunlik qiluvchi hissiy-
salbiy holat (haddan tashqari kuchli alam, qasos, rashk hissi) bilan ajralib turadi.
Barqaror g’azab, qasoskorlik, shafqatsizlik, baxillik uni uzoq vaqt jinoiy
qasd rejasini ko’tarib yurishga, jinoiy maqsadga erishish vositalari va usullarini
puxta o’ylashga undaydi. Jinoiy g’arazni odatda o’ta shafqatsizlik va ustalik bilan
bajaradi. Uning yaxshi ko’rgan ishi – ashaddiy bezorilik, qiynash, nomusga tegish,
qotillik. Bunday jinoyatchilar hissizligi, achina olmasligi, shafqatsizligi bilan
ajralib turadilar. Bu tipdagi retsidivistlar odatda psixopatiya, degradasiya va
alkogollashuvning yengil darajalariga duchor bo’ladilar.
Ushbu toifadagi jinoyatchilarga xos jihatlar orasida dominantlik –
atrofidagilardan ustunlik, tavakkal qilish, soxta qahramonligi bilan o’ziga bino
qo’yish, maqtanchoqlik, savlatga zo’r berish alohida ko’zga tashlanadi.
Jinoyatchilar orasida ular shaddodlik, shafqatsizlik, nihoyatda qo’pollik, kuch](/data/documents/36a8fc2d-2d7e-4d7b-87dd-b129f30f1136/page_69.png)
![ishlatish, shantaj va tahdidlarni namoyon etadilar.
Residivist jinoyatchilarning ijtimoiy xavfliligi ularning axloqiy jihatdan
beqaror shaxslarga, ayniqsa o’smirlar va yoshlardan bo’lgan ana shunday
shaxslarga g’ayriijtimoiy ta’sirining kuchi tufayli oshib boradi. Residivist
jinoyatchilar tergovga qarshilik ko’rsatish tajribasiga egaligi tufayli o’z
jinoyatchilarini puxta yashiradilar.
Maxsus residiv (o’xshash jinoyatni takrorlash) jinoiy «ixtisoslashuv»
ning kuchayib borishi, jinoiy qilmish usul larining takomillashuvi bilan bog’liq.
O’ta xavfli retsidivistning belgilaridan biri – jinoyatni sodir etishning og’ir
usulidir. Uzoq davom etuvchi jinoiy faoliyat muayyan barqaror sharoitlarning
yaratilishi – «ishonchli» sheriklarning tanlanishi, jinoiy yo’l bilan topilgan
buyumlar, qimmatbaho narsalarni o’tkazishning tashkil qilinishi va ko’p hollarda
jinoiy guruhning tashkil etilishi bilan bog’liq.
Bir turdagi residivning ko’payib borishi jinoyatchilarning mahorati oshib
borayotganidan, ularning g’ayriijtimoiy yo’nalganligi chuqurlashayotganidan,
jinoiy faoliyatining ta’siri ortib borayotganidan dalolat beradi.
Residivist jinoyatchilar jinoyat olamining o’zagi, jinoiy submadaniyatning
qo’riqchilari, jinoyat sodir etish va ularni yashirishning nozik usullarini ishlab
chiquvchilardir.](/data/documents/36a8fc2d-2d7e-4d7b-87dd-b129f30f1136/page_70.png)
![X U L O S A
Insoniyat taraqqiyoti davomida jinoyatchilikni oldini olish, uni sodir
etganidan ko’ra har tomonlama ustun ekanligi kuzatilgan. Hozirgi kunda ham
jinoyatlarining oldini olish ularni sodir etgan shaxslarni jazolash orqali jinoyat-
chilikka qarshi kurashdan ko’ra har tomonlama yaxshidir. Bu borada mashhur
fransuz mutafakkiri Sharl Lui Montesko o’zining “Qonun ruhi haqida”gi
falsafiy-huquqiy asarida shunday fikr bildirgan: “Aqlli qonun chiqaruvchi
jinoyat uchun jazo berish haqida emas, jinoyatlarining oldini olish haqida
qayg’uradi, ya’ni u jinoyat uchun jazolashga emas, balki axloqni yaxshilashga
harakat qiladi”.[III; 36 5 b]
Jinoyatchilikning yangi jamiyat qurish uchun tug’diradigan xavfi
to’g’risida birinchi Prezidentimiz Islom Karimov shunday yozadi: «Jinoyatchi
unsurlarning yangi xo’jalik munosabatlari tizimini shakllantirish jarayonida faol
va xufiyona ishtirok etishi jamiyatda axloqsizlik vaziyatini tug’diradi. Bu esa
mamlakat uchun ham, jahon hamjamiyati uchun ham nomaqbul jinoiy bozor
iqtisodiyotining alohida turi shakllanishiga olib keladi.
Jamiyatda jinoiy «xufiyona iqtisodiyot»ning mavjud bo’lishi uyushgan
jinoyatchilikni keltirib chiqaradi. Davlat hokimiyati tuzilmalarining turli
bo’g’inlari va turli darajalari vakillari ham uning yo’ldan ozdiruvchi ta’siriga
tushib qoladi. Korrupsiya vujudga kelib, u eng avvalo uyushgan jinoiy
tuzilmalarga madadkor bo’lish yoki to’g’ridan-to’g’ri yordam berish uchun
davlat xizmatining imkoniyatlaridan foydalanadi. Bu esa jinoyatchilik va
korrupsiya jamiyatga keltiradigan salbiy oqibatlar tufayli jamiyat xavfsizligi
va barqarorligiga to’g’ridan-to’g’ri tahdiddir.
Mamlakatimizning kelajagini va obro’-e’tiborini qadrlaydigan har bir
vijdonli fuqaro bu tahdidni esda tutmog’i darkor. Halol mehnat qilish, o’z
bilimi, kuch-g’ayrati va ijobiy qobiliyatini sarflash uchun barqaror shart-sharoit
bo’lishini istaydigan, farzandlari va yaqin kishilari kelajakda ham
demokratik,fuqarolik jamiyatida sivilizat siyalashgan bozor munosabatlarining
samaralaridan to’la- to’kis foydalanishni orzu qiladigan har bir fuqaro,](/data/documents/36a8fc2d-2d7e-4d7b-87dd-b129f30f1136/page_71.png)
![jinoyat chilik va korrupsiya yo’liga o’z vaqtida zarur to’siq qo’yil masa, bu
illatlar qanday ayanchli oqibatlarga olib kelishi mumkinligini yaxshi anglab
yetmog’i lozim». [I;3 87-88 b]
«Agar hamma birdek jon kuydirib, oilalar muammolaridan to’liq xabardor
bo’lib, ularni hal etishga ko’maklashgan, jinoyatchilikning barvaqt oldini olganda
edi, bugun natijalar umuman boshqacha bo’lardi. Afsuski, jinoyatchilikka qarshi
kurashishda haligacha eskicha ishlash tizimidan voz kecha olmayapmiz. Huquqni
muhofaza qiluvchi idoralar bu faoliyatga ko’rsatkichlarni oldingi davr bilan
taqqoslash orqali baho berib kelmoqda. Aslida bitta bo’lsa ham jinoyat bo’lgani
hammamizni tashvishga solishi kerak», dedi Shavkat Mirziyoyev. [I;6]
Shuning uchun jinoyatchilar dunyosiga qarshi kurash, ularni tag-tomiri bilan
tugatish ichki ishlar idoralari har bir xodimining muqaddas burchlaridan biri
sanaladi.](/data/documents/36a8fc2d-2d7e-4d7b-87dd-b129f30f1136/page_72.png)
![FOYDALANILGAN ADABIYOTLAR RO’YXATI
I . Siyosiy a dabiyotlar , davlat farmonlari va qonunlari.
1. Ўзбекистон Республикасининг Конституцияси. – Т., 2009.
2. Ўзбекистон Республикасининг Жиноят кодекси. – Т., 2008.15- м
3.Каримов И.А. Ўзбекистон XXI аср бўсағасида: хавфсизликка
таҳдид, барқарорлик шартлари ва тараққиёт кафолатлари. – Т., 1997. – 87–
88-6.
4.Мирзиёев Ш. “Нияти улуғ халқнинг иши ҳам улуғ, ҳаёти ёруғ ва
келажаги фаровон бўлади” Т.2021
5. Мирзиёев Ш. “Қонун устуворлиги ва инсон манфаатларини
таъминлаш – юрт тараққиёти ва халқ фаровонлигининг гарови” Т.2020
6.Шавкат Мирзиёев раислигида 2021 йил 27 июль куни
жиноятчиликнинг олдини олиш, давлат идоралари ва жамиятнинг бу
борадаги масъулиятини ошириш масалаларига бағишланган видеоселектор
йиғилишидаги нутқи.
II. Asosiy adabiyotlar
7. Аванесов Г.А. Криминология и социальная профилактика. –М.,
2011 . 126-130-с
8 . Алимов С., Антонов-Романовский Г. В. Криминологическое
значение изучения конфликтов в основн ы х сферах жизнедеятелности //
Актуалн ы е проблем ы уголовного права и криминологии. – М., 2008 . – С. 61–
67.
9. Антонян Ю. М. Преступност и психические аномалии. – М., 2009 . –
С. 67.
10 .Антонян Ю. М. Криминальная патопсихология. – М., 1991.
1 1. Антонян Ю. М., Еникеев М. И., Эминов В. Е. Психология
преступника в расследовании преступлении. – М., 2000.
1 2. Арифходжаева И. Х. Ички ишлар идоралари ходимлари
психологияси. – Т., 2008.
1 3 .Асямов С. В. Психология современного терроризма // Щит. – 2005.
– № 11. – С. 34–36
14.Barotov Sh.Tarbiyasi qiyin bolalar psixologiyasi.Toshkent.2013y
15.Бурлачук Л.Ф., Психология личности,-К Здоровя,2006.
16. Василев В. Л. Юридическая психология. – М., 2011 .– С. 222–224.
17. Гуров А.И.,Прфессиональная преступность. Прошлое и
современность. – М., 1990.
18. Дашдамиров А.Ф. Нация и личност. Баку, 2003г.
19.Исмиолов И. Аҳолидан қишлоқ хўжалик маҳсулотларини сотиб
олишдаги талон-торожликларнинг тавсифи. – Т., 2013. – 21–22-б.
20.Исмоилов И., Бухаров Д. Уюшган жиноий тузилмалар шаклланиши
ва фаолиятининг олдини олишда ҳамкорликни ташкил этиш. – Т., 2007. – 3-б.
21. Еникополов.С. Психология террористов и серийных убийц.–](/data/documents/36a8fc2d-2d7e-4d7b-87dd-b129f30f1136/page_73.png)
![М.,2005.
22. Еникеев М.И. Юридическая психология. – СПб., 20 1 5. – С. 80.
23. Nishanova Z.T. Alimboyeva Sh. Sulaymonov M. Psixologik xizmat .T.
Ta`lim texnologiyalari. 2014
24. Henry Kellerman, PH.D. Anthony Burry, PH.D. Handbook of
Psychodiagnostic Testing.- Springer Science_Business Media, LLC.2007.
25. Криминология / Профессор З. С. Зариповнинг умумий таҳрири
остида.– Т., 2007
29. Криминология: Дарслик / Проф. З.С.Зариповнинг умумий таҳрири
остида. – Т., 2007. – 91-б.`
27. Ратинов А. Р. Судебная психология для следователей. – М., 1990.
28. Разинкин В.С. Вор ы в законе и преступн ы е клан ы . – М., 1995. – С.
30–31.
III. Qo’shimcha adabiyotlar
29. Муҳаммадиев Н. Э. Ички ишлар идоралари ходимларининг касб
этикаси ва эстетик маданияти. – Т., 1998
30. Самовичев Е.Г. Убийство: психологические аспекты преступления
и наказания. – М., 2011.
31. Сулаймонов М. Мирзаев Р. Юридик психология. Ўқув қўлланма.
Самарқанд. 2020.
32. Сулаймонов М. Суд-психологик экспертиза. Ўқув қўлланма.
Самарқанд. 2020.
33.Sulaymonov M. Dastlabki tergov psixologiyasi. Monografiya.
Samarqand-2022.
34.Ғозиев Э. Ғ. Умумий психология, 1- китоб. – Т., 2002.
35. Каримова В. М. Психология. – Т., 2002.
36. Зарипов З. С., Исмаилов И. Криминология. – Т., 2016 . 130-б
37. Zaripov Z.S., Ismailov I . Kriminologiya. – T., 1996. – 155–156-b.
38. Чуфаровский Ю.В. Психология оперативно-розыскной и
следственной деятельности. – М., 2004.
39. Чуфаровский Ю. В. Юридическая психология. – М., 2003. – С. 120.
40. Ольшанский Д. В. Психология терроризма. – СПб., 2002
41. Еникеев М. И. Юридическая психология. – М., 2005.
42. Еникополов С. Психология террористов и серийн ы х убий ц . – М.,
2005. – С.100.
43. Ратинов А. Р. Судебная психология для следователей. – М., 2008 .–
С. 59.
44. Рубинштейн С. Л. Основы общей психологии. – СПб., 2006.
45. Разинкин В. С. Воры в законе и преступные кланы. – М., 1995.
46. Рощин. С. Психология террориста. – СПб., 2004.
47. Қодиров А., Исмоилов М. «Қурбонлик» ёки «шаҳидлик»
кўринишидаги террорчилик // Ҳуқуқ– Право–Law. – 2004.
48. Стефаненко Т.Г. Этнопсихология. М. 2010 г.
49. Душанов Р. Х., Фарфиев Ё. А. Касбий психология. – Т., 2010.
50. Юридик э н ц иклопедия // Проф. У.Таджиханов таҳрири остида. –](/data/documents/36a8fc2d-2d7e-4d7b-87dd-b129f30f1136/page_74.png)
![Т., 2001. – 434-б.
51. Yuridik ensiklopediya / Prof. U.Tadjixanovning umumiy tahriri ostida. –
T., 2001. – 156-b.
52. Yuridik ensiklopediya / Prof. U.Tadjixanovning umumiy tahriri ostida.
– T., 2001. – 652-b.
53.Қодиров.А. Исмоилов.М. «Қурбонлик» ёки «шаҳидлик»
кўринишидаги терроризм //Ҳуқуқ – Право – Лаw. – 2014. – № 2. – 16–17-б.
54. Империя страха . – M., 1992. – S.146–148.
IV . Internet manba lari
5 5 . www . bilimdon . uz
5 6 . www . uz
5 7 . www.ziyouz.uz
5 8 . www.ziyonet.uz
5 9 . www.pedagog.uz
60. www.psixology.ru
61. www.lib.psixology.msu.ru](/data/documents/36a8fc2d-2d7e-4d7b-87dd-b129f30f1136/page_75.png)
JINOYATCHI ShAXS XULQ-ATVORIDA SALBIY XUSUSIYATLAR NAMOYON BO’LIShINING PSIXOLOGIK OMILLARI MUNDARIJA KIRISH...........................................................................................................3 I BOB. G’AYRIIJTIMOIY XULQNI KELTIRIB CHIQARUVCHI SHART- SHAROITLAR I.1.G’ayriijtimoiy xulq va «normadan chetga chiqish» tushunchasi............. . 6 I.2.Jinoyatchi shaxsi va uning o’ziga xos psixologik xususiyatlari...............16 I.3.Jinoyatchi shaxs tipologiyasi....................................................................23 II BOB. ALOHIDA TOIFADAGI JINOYATCHI SHAXSLARNING PSIXOLOGIK XUSUSIYATLARI II.1.G’arazli jinoyatlarni sodir etuvchi shaxslar toifasi...................................30 II.2.Zo’ravonlik jinoyatlarini sodir etuvchi shaxslar toifasi............................33 II .3. Terrorchilik jinoyatlarini sodir etuvchi shaxslar toifasi ............................42 X U L O S A ...................................................................................................7 1 FOYDALANILGAN ADABIYOTLAR......................................................76 1
KIRISH Mavzuning dolzarbligi : O’zbekiston Respublikasi mustaqillikka erishganidan so’ng bozor iqtisodiyoti munosabatlariga asoslangan h uquqiy demokratik davlat va adolatli fuqarolik jamiyatini barpo etishni maqsad qilib qo’ydi. Ushbu maqsadga erishishda, eng avvalo, jamiyatda jamoat tartibini saqlash va xavfsizlikni ta’minlash, jinoyatchilikning oldini olish va unga qarshi kurashish sohasidagi muammolarni hal qilish asosiy vazifalardan biridir. Respublikamiz rahbari Sh.M.Mirziyoyev tomonidan ilgari surilgan dasturiy vazifalarning o’ta jiddiyligi va mas’uliyatliligiga ko’ra tayyorlanayotgan yosh mutaxassislarni nazariy va amaliy jihatdan tayyorlashda ta’limning sifat darajasini yanada yuqori bosqichga ko’tarishni taqozo etadi. Shu ma’noda, jinoyatchilikning sodir etilishi demokratik huquqiy davlat qurish va erkin fuqarolik jamiyatini barpo etishga, jamiyatda aholining tinch, osoyishta, farovon hayot kechirishiga hamda jamiyatda har tomonlama yetuk, bilimli, mustaqil fikrlaydigan, ma’naviy-ruhiy jihatdan komil insonni shakllantirishga to’sqinlik qiladi. Mavzuning predmeti : O’zbekistonda bugun jinoyatchilik ustidan ijtimoiy- huquqiy nazorat shartli ravishda quyidagi uch yo’nalishda amalga oshirilmoqda: – jinoyatlar sodir etilishining oldini olishga qaratilgan iqtisodiy, ijtimoiy, ma’naviy-tarbiyaviy, huquqiy va boshqa tadbirlar; – sodir etilgan jinoyatlar uchun jazoning muqarrarligini ta’minlash maqsadida amalga oshirilayotgan operativ-qidiruv, surishtiruv, dastlabki tergov va sud tergovini amalga oshirish bilan bog’liq tadbirlar majmui; – sodir etilgan jinoyatlar uchun sud belgilagan jazoning ijrosini 2
ta’minlashga qaratilgan tadbirlar.[II; 20-3.] Yuqoridagi fikrlardan kelib chiqib, jinoiy xatti-harakatlarni kasb qilib olgan shaxslarning ruhiy olamini o’rganish, nafaqat huquqni muhofaza qilish organlari xodimlarini, balki ko’plab olimlarning ham diqqat-e’tiborini o’ziga qaratmoqda. Mavzuning farazlari. Tadqiqot ishining maqsadiga erishish va ilgari surilgan ilmiy farazni asoslash maqsadida ishni tizimli amalga oshirish uchun quyidagi vazifalar belgilandi: 1.Jinoiy xulq va unda “normadan chetga chiqish” tushunchasini, 2.Jinoiy xatti-harakatni keltirib chiqaruvchi shart-sharoitlarni, 3.Jinoyatchi shaxs psixologiyasi va uning tipologiyasini, 4.Alohida turdagi jinoyatchilar toifasi, 5.Professional jinoyatchilar va ularning o’ziga xos bo’lgan psixologik xususiyatlari imkon qadar bayon qilish. Malakaviy bitiruv ishining vazifalari. Tadqiqot ishining maqsadiga erishish va ilgari surilgan ilmiy farazni asoslash maqsadida ishni tizimli amalga oshirish uchun quyidagi vazifalar belgilandi: - tadqiqot mavzusiga oid adabiyotlarni tahlilni amalga oshirish; - tadqiqot metodikalarini tanlash va asoslash; - jinoyatchining ijtimoiy-psixologik qiyofasini yoritib berish; - zarur ijtimoiy fazilatlarni shakllantirishga mo’ljallangan o’yin mashqlari ishlab chiqish; - zarur kasbiy va ijtimoiy malakalarni egallashda jinoyatchilarni tarbiyalash va qayta tarbiyalash metodlarini qo’llash bo’yicha amaliy tavsiyalarni ishlab chiqish. Bitiruv malakaviy ishda qo’llanilgan metodikalar. 1. Jinoyatchi psixologiyasini tadqiq qilish bo’yicha ma’lumot to’plash. 2.“Refleksiya” testi yordamida tajriba guruhidagilarning refleksiv xususiyatlarini aniqlash 3.A.Bass va I.Darkning “Agressiya shakllari va uning ko’rsatkichlari”ni diagnostika qilish metodikasi orqali sinaluvchi insonlarning jinoyatchilikka 3
moyillik darajasini aniqlash 4.Jinoyatchilikning oldini olish dasturi yordamida psixologik trening tashkil etish va natijalarni tahlil qilish Bitiruv malakaviy ishining yangiligi. Inson xulqida tashqi omillar tizimi ichki shart-sharoitlar tizimi bilan belgilanadi. Shu bois har bir jinoyatda obyektiv va subyektiv omillarning birligi ko’rinadi, jinoyatchi shaxsini aniqlash barobarida jinoyatning oldini olish tizimi yaratiladi. Bitiruv malakaviy ishining nazariy ahamiyati. Tadqiqot ishida jinoyatchining ijtimoiy psixologik xususiyatlari muammosining nazariy tahlilida keltirilgan ijtimoiy-psixologik fikrlar yuzasidan to’plangan materiallar yuridik psixologiya, umumiy psixologiya, ijtimoiy psixologiya, psixodiagnostik, psixokorreksiya, sosial trening va amaliyot sohalarini nazariy jihatdan boyitishga xizmat qiladi. Bitiruv malakaviy ishining amaliy ahamiyati. Ishda jinoyatchi shaxs tipologiyasi, belgilari bo’yicha metodikalar va yaratilgan usullar tizimi amaliy psixologlarning jinoyatga moyilligi mavjud shaxsda zarur ijtimoiy fazilatlarni zudlik bilan shakllantirish bo’yicha faoliyatlariga tadbiq etilishi mumkin. Bitiruv malakaviy ishining tuzilishi. Ushbu bitiruv malakaviy ishi kirish, ikki bob olti paragraf, xulosa va tavsiyalar, foydalanilgan adabiyotlar ro’yxati hamda ilova qismlardan tuzilgan. Ishning kirish qismida mavzuning dolzarbligi, ishning maqsadi, ilgari surilgan ilmiy faraz, vazifalari, tadqiqotda qo’llanilgan metodikalar, yangiligi, ishning nazariy va amaliy ahamiyati haqida qisqacha ma’lumotlar berilgan. 4
I-BOB .G’AYRIIJTIMOIY XULQNI KELTIRIB CHIQARUVCHI SHART-SHAROITLAR I.1.G’ayriijtimoiy xulq va «normadan chetga chiqish» tushunchasi Inson xulqi murakkab va ko’p qirrali hodisa bo’lib, uni o’rganishda tizimli yondashuv va ehtimol tutilgan jarayonlar haqidagi zamonaviy tasavvurlarga ega bo’lish talab qilinadi. Har bir axloqiy hodisaning mohiyati uning shaxs xulqining umumiy tuzilishidagi o’rni bilan bog’liq. Individual rivojlanish jarayonida axloqiy tizimlar individual axloqiy strategiyaning murakkab majmuiga aylanadi va shaxsning axloqiy tipini hosil qiladi. An’anaga ko’ra, g’ayriijtimoiy xulq sabablari ikki guruhga – ijtimoiy va biologik sabablarga ajratiladi. Biroq, axloq-odob me’yorlari (qoida) dan og’uvchi xulqning ko’plab ko’rinishlarini tahlil qilish mazkur muammoni boshqacharoq, ya’ni tizimli-integrasiyalashgan (birlashgan) holda o’rganish zarur, degan xulosaga olib keladi. Ijtimoiylik yoki biologik omillariga «ruhiylik» nomli tizim hosil qiluvchi omilni kiritish hamda inson xulqining sababiy bog’lanishlari (determinasiyasi) bilan bog’liq barcha muammolar majmuini ijtimoiy- psixologik-biologik sabablar deb atash zarur. Bunda «psixologik» jihatning o’rtada joylashgani uning ham ijtimoiy, ham biologik omil uchun birlashtiruvchi funksiyaga egaligini anglatadi. G’ayriijtimoiy xulq sabablari haqida so’z borar ekan, avvalo, muammoni tahlil qilishning asosiy prinsiplarini keltirib o’tamiz. 1. G’ayriijtimoiy xulq, normadagi xulq kabi, ko’p omillidir, u bir yoki hatto bir qancha sabablarning oqibati emas. Biroq, alohida olingan individual axloqiy ko’rinishning ko’p omillar bilan bog’liqligi va ehtimolli xususiyati uni o’rganib bo’lmasligini bildirmaydi. Bu o’rinda shaxsning tipik individual-psixologik xususiyatlari va axloqiy qarashlarini aniqlash ustun ahamiyatga ega. Ijtimoiy va biologik omillar o’z- o’zicha emas, balki jinoyatchi xulqining tipini hosil qiluvchi uning shaxsiy-psixologik xislatlarida birlashgan holda g’ayriijtimoiy xulqning 5