«Milliy g’oya asosiy tushuncha va tamoyillar» fanining predmeti, maqsadi va vazifalari.
![« Milliy g’oya: asosiy tushuncha va tamoyillar » fanining predmeti, maqsadi va
vazifalari.
R E J A :
1.“Milliy g’oya: asosiy tushuncha va tamoyillar” fanining obyekti va predmeti.
2. “Milliy g’oya: asosiy tushuncha va tamoyillar” fanini o’rganishning asosiy
qonunlari va tushunchalari.
3. “Milliy g’oya: asosiy t ushuncha va tamoyillar” fanini o’rganishning maqsadi va
vazifalari.
4.“Milliy g’oya: asosiy tushuncha va tamoyillar” fanining ijtimoiy-gumanitar
fanlar tizimidagi o’rni.](/data/documents/f07a59c6-7297-4c5e-83cd-0f4292df4bf3/page_1.png)
![Milliy mafkura xalqning maqsad-muddaolarin
ifodalaydi, tarix sinovlaridan o‘tishda uning
ruhini ko‘tarib, suyanch va tayanch bo‘ladi. U...bu
murakkab va tahlikali dunyoda uning
taraqqiyo yo‘lini yoritadigan mayoqdir.
I .A .K arimov
Mustaqillik yillarida o‘zbek xalqining hayotida buyuk o‘zgarishlar
sodir bo‘ldi. Buni odamlarimizning dunyoqarashi tubdan o‘zgarib –
ona-Vatanda ozod va obod yashash, erkin va farovon hayot kechirish
mumkinligiga bo‘lgan ishonchi tobora ortib borayotganligi; xususiy
mulkiga bo‘lgan egallik hissining kuchayib, yanada samarali mehnat
qilishga urinayotganliklari; har xil mafkuraviy xuruj va nayranglarning
maqsad-muddaolarini tezlikda anglash borasida hushyorlik ongining
o‘sib borayotganligi; mamlakatda tinchlik va barqarorlikni saqlashga
astoydil bel bog‘layotganligi; yoshlarning sog‘lom avlod bo‘lib kamol
topishi to‘g‘risida tinmay g‘amxo‘rlik qilayotganliklari; ularning esa
ajdodlarining an’analariga sodiq qolgan halda ilm-fan,san’at va
madaniyat cho‘qqilarini egallab o‘zbek degan nomni butun dunyoga
taratishga urinayotganligida; jamiyatimiz milliy mafkurasi g‘oyalarining
kishilar hayotidan o‘rin olib,ularni buyuk maqsad sari safarbar
etayotganliklarida yaqqol ko‘rish mumkin. Demak, O‘zbekiston
Respublikasining Prezidenti I.A.Karimov tomonidan ilgari surilgan
taraqqiyotning ”o‘zbek modeli” hayot sinovlariga bardosh berib,
o‘zining bunyodkorlik kuchini ko‘rsatmoqda. Bu kuchning ma’naviy](/data/documents/f07a59c6-7297-4c5e-83cd-0f4292df4bf3/page_2.png)
![manbaini esa milliy istiqlol mafkurasining bosh va asosiy g‘oyalari
tashkil etishi, endilikda hech kimda shubha o‘yg‘otmaydi, desak
mubolag‘a bo‘lmaydi.
Madomiki, hayot rivojlanishda, o‘zgarishda ekan, milliy mafkuraga
bo‘lgan ehtiyoj yanada oshib boraveradi. Bu esa milliy g‘oyaning
jangovar ruhini yanada kuchaytirib, mamlakatimizning ichkarisi va
tashqarisida tezkor kechayotgan mafkuraviy jarayonlarning yangi-
yangi qirralarini ochish, har qanday bo‘nyodkor g‘oyalarni qo‘llab
quvvatlash, shuningdek, buzg‘unchi g‘oyalar tajovuzining o‘z vaqtida
oldini olish, yoshlarni milliy g‘oya ruhida tarbiyalashning uzluksizligini
ta’minlash ishlarini nazariy va amaliy jihatdan kengaytirib borishni
taqozo etadi.
Milliy g‘oya bugungi kunda gumanitar va ijtimoiy-iqtisodiy fanlar
qatoridan o‘ziga munosib o‘rin olgan ilm sohasi va o‘quv fani
hisoblanadi. Bu esa birinchidan, mazkur fanning ob’ekti va predmeti
doirasini, qonun va kategoriyalarini, metod va prinsiplarini, maqsad va
vazifalarini, o‘ziga xos xususiyatlarini, boshqa fanlardan farq qiluvchi
tamonlarini yanada ravshanroq yoritish; ikkinchidan, g‘oya va mafkura
tushunchalariga falsafiy jihatdan ta’rif va tavsif berish hamda ularni
tasniflashda mantiqiy izchillikni ta’minlash, shuningdek, ular o‘rtasidagi
umumiy o‘xshash va farq qiluvchi tomonlarni har tomonlama yoritib
berish, ularning ko‘zlagan maqsad va vazifalarini mustaqil taraqqiyot
yillarida xalqimizning erishgan yutuqlari misolida bayon qilish;
uchinchidan, milliy mafkuraning bosh va asosiy g‘oyalarini o‘rganish
borasida olib borilayotgan ilmiy izlanishlarning natijalari asosida](/data/documents/f07a59c6-7297-4c5e-83cd-0f4292df4bf3/page_3.png)
![ularning mazmuni va mohiyatini yanada teranroq anglash ishlarini
kuchaytirish; to‘rtinchidan,globallashuv sharoitida jahonda
kechayotgan mafkuraviy jarayonlarning mantig‘ini tezlikda anglab
olish uchun ishonchli axborot manbalaridan foydalanish, milliy
mafkuraning targ‘ibot va tashviqot ishlari bilan shug‘ullanadigan
xodimlarning yangi avlodlarini etishtirish; beshinchidan, zamonaviy
mafkuraviy kurash usullarining taktikasi va strategiyasini ishlab
chiqish; oltinchidan,yaqin kelajakda jahon xalqlari hayotida yuz
beradigan mafkuraviy jarayonlarning kechishi haqida ilmiy bashorat
qilish kabi masalalarni teranroq yoritishni talab etmoqda.
MILLIY G‘OYA VA MAFKURA FANINING NAZARIY-
METODOLOGIK ASOSLARI
XX asrning oxiri XXI asrning boshlariga kelib jahondagi barcha xalqlarning
hayotida katta, ya’ni yirik imperiyalarning parchalanib ketishi, milliy mustaqil
davlatlarning tarix sahnasiga kelishi, jamiyatni avtokratik boshqarishdan
demokratik boshqaruvga o‘tishi, inson huquq va manfaatlarini himoya qilishning
kuchayishi, odamlar ongida demokratik tafakkurning tez shakllanib borishi,
globallashuv jarayonlarining shiddatli kechishi, nanotexnologiyalarning jadal
sur’atlar bilan ishlab chiqarish jarayoniga joriy etilishi, ekologik xavfsizlikni
ta’minlashning tobora xalqchil tus olishi kabi misli ko‘rilmagan o‘zgarishlar sodir
bo‘ldi. Jamiyatda sodir bo‘layotgan bunday o‘zgarishlar moddiy va ma’naviy
ishlab chiqarish jarayoni dialektikasini chuqur o‘rganish masalasini kun tartibiga
qo‘ydi. Bu masalaning echimini topish esa jahonda yuz berayotgan g‘oyaviy va
mafkuraviy jarayonlarning tarixiy ildizi, falsafiy asoslariga nazar tashlab, ularning
asl maqsad-muddaolarini bilib olish,shunga muvofiq tarzda mamlakatimizda
g‘oyaviy va mafkuraviy ishlarni amalga oshirishni taqozo etmoqda. Bu esa o‘z
navbatida «Milliy g‘oya: asosiy tushuncha va tamoyillar» fanini nazariy jihatdan
boyitish, amaliy jihatdan esa tezkor harakat qilish ishlarini yo‘lga qo‘yishni talab](/data/documents/f07a59c6-7297-4c5e-83cd-0f4292df4bf3/page_4.png)
![qilmoqda.
1. Milliy g‘oy a v a mafk ura fanining pay do bo‘lish sabablari,
uning ob’ek t i v a predmet i.
1.1. Milliy g‘oya va mafkura fanining paydo bo‘lish sabablari . Fan –
tabiat, jamiyat va inson tafakkuri to‘g‘risidagi tushunchalarda, kategoriyalarda,
qonunlarda aks ettirilgan, haqqoniyligi amaliyotda tasdiqlangan bilimlar
tizimidir. Har bir fanning vujudga kelish, shakllanish va rivojlanish sabablari
mavjuddir. Ularni ob’ektiv va sub’ektiv, ichki va tashqi sabablarga ajratish
mumkin.
Milliy g‘oya va mafkura fanining vujudga kelishidagi ob’ektiv sabablar:
• Etmish yildan ortiqroq tarixiy davr mobaynida hukmronlik qilgan SSSR
davlatining unda yashayotgan elat, millat va xalqlarning ehtiyoj va manfaatlariga
javob berolmasdan inqirozga uchrashi oqibatida parchalanib ketishi;
• Parchalangan «qizil imperiya» o‘rnida o‘n beshta mustaqil davlatning paydo
bo‘lishi va ularning o‘ziga xos taraqqiyot yo‘lini tanlashlari;
• Mustaqil O‘zbekiston davlatining paydo bo‘lishi va uning Birlashgan Millatlar
Tashkiloti (BMT) va unga a’zo bo‘lgan davlatlar tomonidan xalqaro
hamjamiyatning mustaqil sub’ekti sifatida tan olinishi;
•Sobiq SSSRdan qolgan yakka mulk hukmronligiga asoslangan ijtimoiy-iqtisodiy
munosabatlar o‘rniga, teng huquqli xilma xil mulkchilikka asoslangan bozor
iqtisodiyoti munosabatlarining o‘rnatilishi va boshqalar.
Milliy g‘oya va mafkura fanining vujudga kelishidagi sub’ektiv sabablar:
• Sobiq SSSR davrida yakka hukmron bo‘lgan kommunistik mafkuraning barcha
xalqlarning hayotiga zo‘rlab singdirilganligi tufayli tezlikda inqirozga uchrashi
jarayonining keskinlashuvi;
•Azaldan o‘zbek xalqining turmush va tafakkur tarziga etti yot bo‘lgan
kommunistik mafkuraning mavjud hayot sinovlariga bardosh berolmasdan
tanazzulga yuz tutishi, shu tariqa uning yakka hukmronlik mavqeidan chetlatilib
xalqimiz hayotidan surib chiqarilishi;
• Jamiyatni boshqarishda rahnomalikni qo‘lga olib o‘zining diktaturasini o‘rnatgan](/data/documents/f07a59c6-7297-4c5e-83cd-0f4292df4bf3/page_5.png)
![kommunistik partiya faoliyatining to‘xtatilishi va tarqatib yuborilishi;
• Kommunistik partiyaga xizmat qiluvchi barcha tashkilot va muassassalar
(oktyabryat, pioner, komsomol va boshqalar) faoliyatining to‘xtatilishi va
tugatilishi;
• Kommunistik mafkurani keng xalq ommasiga targ‘ibot va tashviqot qiluvchi
ommaviy axborot vositalarining faoliyatiga chek qo‘yilishi va boshqalar.
Milliy g‘oya va mafkura fanining vujudga kelishidagi ichki sabablar:
• YAkka hukmron bo‘lgan kommunistik mafkuraning inqirozga uchrashi tufayli
o‘zbek xalqining ma’naviy hayotida g‘oyaviy bo‘shliq paydo bo‘la boshlashi;
• Vujudga kelayotgan g‘oyaviy bo‘shliqni yangi milliy g‘oya va mafkura bilan
to‘lg‘izmasa, uning o‘rnini boshqa har hil yomon maqsadlarni ko‘zlagan g‘oya va
mafkuralar egallashi, buning natijasida xalqimizning hayotiga ma’naviy tahdid
solish xavfining kuchayishining oldini olish;
• Mustaqil O‘zbekistonni o‘zining vatani deb bilgan barcha elat, millat, xalq
vakillarini har xil mafkuraviy buzg‘unchiliklardan asrab, ularnining tinch-totuv
yashashlarini kafolatlaydigan jamiyatni barpo etishga xizmat qiluvchi bunyodkor
g‘oya va mafkuralar bayrog‘i ostida birlashtirish ishlarini amalga oshirish;
• O‘zbekiston xalqining ehtiyoj va manfaatlaridan kelib chiqqan holda, ularning
erkin va farovon hayot kechirishini ta’minlaydigan jamiyatni barpo etish sari
boshlab boruvchi yangi milliy g‘oya va mafkuralar tizimini yaratish;
• YAratiladigan milliy g‘oya va mafkuralarning milliy xususitlarini umuminsoniy
qadriyatlar bilan uyg‘unlashtirgan holda olib borish ishlarini tashkillashtirishning
metodologik asoslarini ishlab chiqish;
• Milliy g‘oyaga xalqni ishontirish va uni amalga oshirishning taktik va strategik
yo‘nalishlarini belgilab olish zaruratining paydo bo‘lganligini va boshqalar.
Milliy g‘oya va mafkura fanining vujudga kelishidagi tashqi sabablar:
• Tashqi tomondagi har xil vayronkor g‘oya va mafkuralarning asl maqsadlarini
bilish va ularning xurujiga qarshi tura oluvchi o‘zbekona milliy g‘oya va
mafkuraning nazariy-metodologik asoslarini ishlab chiqish;](/data/documents/f07a59c6-7297-4c5e-83cd-0f4292df4bf3/page_6.png)
![• Dunyo xalqlariga O‘zbekiston xalqi milliy mafkurasining bunyodkor g‘oyalardan
iborat ekanligini ilmiy va amaliy jihatdan namoyish etish ishlarini amalga
oshirish;
•Xorijiy davlarda o‘zlarining xizmat burchini bajarish uchun yashayotgan,tijorat
ishlari uchun xorij safarlariga yo‘l olayotgan yoki shunchaki sayohat uchun
borayotgan fuqarolarimizning o‘sha joylarda milliy mafkuramiz asosiy g‘oyalarini
targ‘ibot va tashviqot qilish,uning bunyodkorlik mohiyatini chet ellarda namoyish
qilishning eng maqbul yo‘llarini ishlab chiqish;
• Globallashuv sharoitida avj olayotgan «ommaviy madaniyat»ning salbiy
ta’sirlariga berilmaslikning yangicha ma’naviy va moddiy vosita, usullarini
yaratish va boshqalar.
YUqorida keltirilgan barcha sabablarni umumlashtirgan holda shunday xulosaga
kelish mumkin, ya’ni milliy g‘oya va mafkura fanining vujudga kelishidagi
asosiy sabab O‘zbekiston xalqini bozor iqtisodiyotiga asoslangan huquqiy
demokratik jamiyatini shakllantirish va rivojlantirish asosida munosib hayot
kechirishini ta’minlash sari boshlab boradigan milliy mafkuramizning bosh
g‘oyasi – ozod va obod Vatanda,erkin va farovon hayot kechirish hamda asosiy
g‘oyalari – vatan ravnaqi, yurt tinchligi, xalq farovonligi, komil inson, ijtimoiy
hamkorlik, millatlararo totuvlik, dinlararo bag‘rikenglik asosida birlashtirishning
nazariy –metodologik asoslarini va uni amalga oshirishning amaliy usul va
vositalarini ilmiy jihatdan ishlab chiqish hamda rivojlantirishdan iboratdir.
SHuning uchun ham milliy g‘oya va mafkura O‘zbekiston Respublikasining
Prezidenti I.A.Karimovning 2001 yil 18 yanvardagi ««Milliy istiqlol
g‘oyasi:asosiy tushuncha va tamoyillar» fani bo‘yicha ta’lim dasturlarini
yaratish va respublika ta’lim tizimiga joriy etish to‘g‘risida» nomi farmoyishiga
muvofiq ilm-fan sohasi maqomini olib, barcha ta’lim muassasalarida o‘quv fani
sifatida o‘qitila boshladi.
1.2.Milliy g‘oya va mafkura fanining ob’ekti. Har bir fanning o‘ziga xos
ob’ekti va unga mos keluvchi predmeti mavjuddir.](/data/documents/f07a59c6-7297-4c5e-83cd-0f4292df4bf3/page_7.png)
![Fanning ob’ekti – kishilarning maqsadi, faoliyati, dikqat-e’tibori qaratilgan
ob’ektiv borliq, moddiy va ruhiy dunyo, voqelik, mavjudot, voqea, hodisa, jarayon,
shaxs, narsa, buyum va hokazolardir.
Fanning predmetini ana shu ob’ektlar va ularni aks etgirishdan hosil bo‘lgan
bilimlarning majmui va o‘rganiladigan masalalar tashkil qiladi.
Har bir fanni o‘rganish, eng avvalo, uning ob’ektini va predmetini aniqlab
olishdan boshlanadi. Bu esa o‘rganilayotgan fanning boshqa fan-lardan farqini
ko‘rsatadi.
Barcha fanlarni ob’ekti va predmetiga ko‘ra ikkita katta guruhga bo‘lish
mumkin. Birinchi guruhga tabiat qonuniyatlarini o‘rganuvchi matematika, fizika,
ximiya,biologiya kabi tabiiy fanlar, ikkinchi guruhga esa kishilik jamiyatining
rivojlanish qonuniyatlarini o‘rganuvchi falsafa, tarix, iqtisodiyot, siyosatshunoslik,
adabiyot, huquqshunoslik, milliy g‘oya va mafkura kabi ijtimoiy fanlar kiradi.
Milliy g‘oya va mafkura fani — eng muhim ijtimoiy fanlardan biri sanaladi.
CHunki u kishilik jamiyatiga xos bo‘lgan g‘oya va mafkuralarni yaxlit ijtimoiy
hodisa va voqelik sifatida o‘rganadi.
Demak, mavjud voqelikda yuz berayotgan, g‘oya va mafkuralarga
tegishlinarsa, hodisa hamda jarayonlar milliy g‘oyava mafkura fanining
ob’ektini tashkil etadi.
1.3.Milliy g‘oya va mafkura fanining predmeti. G‘oya va mafkuralarga
tegishli narsa, hodisa va jarayonlar turlicha bo‘lib,ular
bir tomondan:
g‘oya va mafkuralarning kelib chiqish va rivojlanish qonuniyatlari;
bir g‘oya va mafkuraning o‘rniga boshqa bir g‘oya va mafkuraning vujudga
kelishi;
g‘oya va mafkura tamoyillarini ishlab chiqish va uni amalga oshirish;
ma’naviy-mafkuraviy munosabatlarni o‘rnatish ishlarini tashkil
etish;
davlatning ichki va tashqi siyosati;
jamoat tashkilotlari, ijtimoiy guruhlar, siyosiy partiyalar bilan](/data/documents/f07a59c6-7297-4c5e-83cd-0f4292df4bf3/page_8.png)
![munosabatlari;
xalqlar o‘rtasida bo‘ladigan o‘zaro munosabatlar;
ikkinchi tomondan :
mafkuralarning paydo bo‘lishi va rivojlanishi;
davlat, shaxs, jamoalar o‘rtasida bo‘ladigan mafkuraviy munosabatlar;
qonunchilik, huquq-tartibot;
mafkurali shaxs, mafkurasiz shaxs,
g‘oya va mafkuraga zid xatti-harakatlar,
g‘oyaviy mas’uliyat, g‘oyaviy madaniyat, g‘oyaviy tarbiya
mafkuraviy ong, mafkuraviy tafakkur, mafkuraviy munosabat,mafkuraviy
faoliyat va h.k.ni qamrab oladi.
G‘oya va mafkuralarga oid hodisalar, jarayonlar xilma-xil va ko‘p qirralidir.
Biroq, ularning barchasiga xos bo‘lgan umumiy, muhim, takrorlanuvchan, uzviy
bog‘lanishda bo‘lgan tomonlari va jihatlari ham mavjuddir. Ana shu jihat va
tomonlarni bilish mavjud voqelik to‘g‘risida inson ongida g‘oya va mafkuralar
haqida yaxlit tasavvurlarni keltirib chiqaradi, ushbu voqelikning umumiy
qonuniyatlarini ochish va shu asosda uni boshqarish imkoniyatini yaratadi.
YUqori malakali mutaxassis bo‘lish uchun, avvalambor, g‘oya va mafkuralar
haqidagi asosiy tushunchalarni, ta’limotlarni bilish zarur. G‘oya va mafkuralar
gumanitar, ijtimoiy-iqtisodiy fanlarning turli so-halarida o‘rganiladi.
Milliy g‘oya va mafkura fani gumanitar,ijtimoiy-iqtisodiy fanlar tizimida
markaziy o‘rin egallaydi. Bu fan gumanitar,ijtimoiy-iqtisodiy fanlarning
metodologik asoslaridan birini tashkil etadi.
Milliy g‘oya va mafkura fani g‘oya va mafkuralarning nazariy muammolarini
o‘rganadi. SHu o‘rinda «nazariya» so‘zining ma’nosi nima, degan tabiiy savol
tug‘iladi. Nazariya – jamiyat taraqqiyoti qonuniyatlarini mujassamlashtirgan
amaliyotning mantiqan ilmiy umumlashtirilishidir.
Nazariya va amaliyot – o‘zaro chambarchas bog‘liq hodisalar. Nazariya
bamisoli amaliyotning yulini yoritib turuvchi kuchli mayoq bo‘lib, amaliyot bilan](/data/documents/f07a59c6-7297-4c5e-83cd-0f4292df4bf3/page_9.png)
![uzviy bog‘langan, amaliyotga xizmat qiladi hamda amaliyotdan kelib chiqadi.
Amaliyotsiz nazariya – «cho‘loq», nazariyasiz amaliyot «ko‘r»dir.
Ijtimoiy fanlarning muhim tarkibiy qismi bo‘lgan, milliy g‘oya va mafkura fani
ham amaliyot bilan chambarchas bog‘liq bo‘lib, g‘oyaviy – mafkuraviy amaliyot
taraqqiyotining yo‘nalishlarini belgilab beradi. U g‘oyaviy – mafkuraviy amaliyot
xulosalari va tajribalarining mantiqan umumlashmasi, sintezidir.
Milliy g‘oya va mafkura fani g‘oyaviy-mafkuraviy amaliyot qonuniyatlarini
aks ettiruvchi tajribani mantiqan umumlashtiradi, ular taraqqiyotining asosiy
tamoyillarini aniqlab beradi. Milliy g‘oya va mafkura fani g‘oyaviy-mafkuraviy
amaliyot bilan uzviy bog‘langan bo‘lib, amaliyotga xizmat qiladi va amaliyotdan
kelib chiqadi.
Milliy g‘oya va mafkura fani hayot tarixiy taraqqiyot jarayonida ilgari surgan
vazifalar negizida o‘z xulosa va takliflariga aniqliklar kiritadi, ularni boyitadi va
rivojlantiradi. G‘oya va mafkura har bir jamiyat ijtimoiy taraqqiyotining muhim
ko‘rsatkichidir. Demokratikhuquqiy davlatni shakllantirishda shaxs, davlat va
jamiyatning ma’naviy-mafkuraviy madaniyatini yuksaltirish muhim ahamiyat kasb
etadi.
Milliy g‘oya va mafkura fani – g‘oya va mafkuralar rivojining umumiy
qonunlari haqidagi fan bo‘lib, uning predmetini g‘oya va mafkuralarning
mohiyati, kelib chiqishi, rivojlanish prinsiplari va qonuniyatlari tashkil etadi.
: Har bir jamiyatdagi demokratik o‘zgarishlar va islohotlar muhim ijtimoiy
ahamiyatga ega. Bu jarayonlarga jahon, davlat va jamiyat taraqqiyoti talablari,
andazalari va tamoyillari nuqtai nazaridan qarash zarur. Bu, bir tomondan,
O‘zbekistondagi islohotlarning yo‘nalishlari va mezonlari, qadriyatlari va
maqsadlarini aniq belgilashga yordam bersa, ikkinchi tomondan mamlakatimizda
g‘oya va mafkuralar qachon paydo bo‘lgan, qanday rivojlangan, qayoqqa qarab
ketyapti, uning o‘ziga xos jihatlari, rivojlanishining shakl va ko‘rinishlari qanday,
mezonlari bormi yoki dunyodagi mavjud milliy va umuminsoniy mazmundagi
g‘oyaviy taraqqiyot o‘zanidan ketyapti-mi, degan savollarga javob topish](/data/documents/f07a59c6-7297-4c5e-83cd-0f4292df4bf3/page_10.png)
![imkonini beradi. Ana shu muammolar milliy g‘oya va mafkura fanining asosiy
masalalarini tashkil etadi.
Milliy g‘oya va mafkura fani g‘oya va mafkuralarga tegishli hodisa va
jarayonlarining muhim, zaruriy, umumiy tomonlarini o‘rgangan holda jamiyat
taraqqiyogining ob’ektiv qonuniyatlarini tushuntirib berish, uning ijtimoiy-
iqtisodiy, siyosiy-huquqiy, ma’naviy-madaniy maqsadlarini belgilash va mavjud
ijtimoiy munosabatlarni bunyodkor g‘oya va mafkuralarni kishilar ongi va
qalbiga singdirish yo‘li bilan boshqarish mexanizmlarini ochish, ularning
rivojlanish istiqbollarini ko‘rsatib berish bilan shug‘ullanadi. SHunday qilib, milliy
g‘oya va mafkura faniga quyidagicha ta’rif berish mumkin:
Milliy g‘oya va mafkura fani – ijtimoiy hodisa bo‘lmish g‘oya va
mafkuralarning kelib chiqishi, shakllanishi, rivojlanishi, faoliyat ko‘rsatishining
umumiy qonuniyatlarini o‘rganuvchi nazariy va amaliy ahamiyatga molik
bo‘lgan fandir.
2. Milliy g‘oy a v a mafk ura fanining qonun v a k at egoriy alari.
2.1.. Milliy g‘oya fanining qonunlari. Har bir fanning o‘z qonunlari va
kategoriyalari bor. Milliy g‘oya fanining ham g‘oya va mafkuralarga oid hodisa,
voqea, jarayonlarni o‘zida aks etgiruvchi, ularning tub mohiyatini va ahamiyatani
ochib beruvchi qonunlari, kategoriyalari mavjud.
Milliy g‘oya va mafkura fanining qonunlari deb , jamiyat hayotida mavjud
bo‘lgan g‘oyaviy va mafkuraviy hodisalar, jarayonlarining muhim, zaruriy,
umumiy, nisbatan barqaror bo‘lgan, rivojlanish xususiyati va yo‘nalishlarini
belgilaydigan, aniq bir natijalarni keltirib chiqarishga moyillik tug‘diradigan
munosabatlar majmuiga aytiladi.
Milliy g‘oya va mafkura fanining qonunlari g‘oya va mafkuralarga tegishli
hodisa va jarayonlarning barchasini emas, balki ularning o‘ziga xos tomonlarini
aks ettiradi. Bular quyidagilar:
kishilar ongi va irodasiga bog‘liq bo‘lmagan ob’ektiv, muhim, barqaror
bog‘lanishlar;
sabab oqibat bog‘lanishlaridan kelib chiquvchi, bir birini taqozo etuvchi,](/data/documents/f07a59c6-7297-4c5e-83cd-0f4292df4bf3/page_11.png)
![o‘zaro ta’sir qiluvchi sababiy, zaruriy aloqadorliklar;
ichki imkoniyatdan, mohiyatdan kelib chiqqan holda, g‘oya va
mafkuralarning rivojlanish xususiyati va yo‘nalishlarini belgilab beruvchi
tomonlar;
muayyan shart-sharoitlar mavjud bo‘lganda ma’lum bir natijalarni keltirib
chiqaruvchi munosabatlarni ochib beruvchi xususiyatlar.
Milliy g‘oya va mafkura faning qonunlariga quyidagilar kiradi:
Birinchisi – g‘oya va mafkuralarning inson va jamiyat bilan uzviy aloqadorligi,
inson va jamiyatsiz – g‘oya va mafkuralarning, g‘oya va mafkuralarsiz – inson va
jamiyatning mavjud emasligi qonuni.
Ikkinchisi – g‘oya va mafkuralarning bir-birini taqozo etishi, g‘oyasiz mafkura,
mafkurasiz g‘oyaning mavjud bo‘lolmaslik qonuni.
Uchinchisi – g‘oya va mafkuralarning jamiyat ijtimoiy taraqqiyotiga bog‘liqligi,
g‘oya va mafkuralarning inson va jamiyatni muayan maqsad sari etaklashga
harakat qilish qonuni.
To‘rtinchisi – bunyodkor g‘oya va mafkuralar bilan vayronkor g‘oya va
mafkuralar o‘rtasida o‘zaro kurashi, bunyodkor g‘oyalarning jamiyatda tinchlik
va barqarorlikni saqlash, vayronkor g‘oyalarning esa jamiyatda turli xil
ziddiyatlarni keltirib chiqarishi qonuni.
Beshinchisi – milliy hamda umuminsoniy g‘oya va mafkuralarning o‘zaro
mutanosibligi, milliy g‘oya va mafkuralarning mazmunan boyib borishi, turli
xalqlarning umumiy manfaatlariga javob berishi qonuni.
2.2. Milliy g‘oya va mafkura fanining kategoriyalari. Milliy g‘oya va mafkura
fanining kategoriyalari deb g‘oya va mafkuralarga oid ob’ektiv mavjud bo‘lgan
hodisa, voqea, jarayonlarning asosiy xususiyatlarini va qonuniyatlarini aks
ettiradigan va muayyan davrning g‘oya va mafkuralar to‘g‘risidagi ilmiy-nazariy
tafakkuri xususiyatini belgilab beradigan umumiy tushunchalarga aytiladi.
Milliy g‘oya va mafkura fanining kategoriyalarini umumiy, substansional va
funksional kategoriyalarga ajratish mumkin.
Bunda:](/data/documents/f07a59c6-7297-4c5e-83cd-0f4292df4bf3/page_12.png)
![1) umumiy kategoriyalarga – g‘oya, mafkura, bunyodkor g‘oyalar, vayronkor
g‘oyalar, milliy g‘oyalar, umuminsoniy g‘oyalar, dunyoviy g‘oyalar, diniy
g‘oyalar, falsafiy g‘oyalar, ijtimoiy-siyosiy g‘oyalar;
2) substansional kategoriyalarga – milliy istiqlol mafkurasi, mafkura
evolyusiyasi, mafkura yakkahokimligi, mafkuraviy vaziyat,mafkuraviy poligon,
mafkuraviy maqsad, mafkuraviy siyosat, mafkuraviy xavfsizlik, mafkuraviy
immmunitet, mafkuraviy profilaktika,mafkuraviy tarbiya, g‘oyaviy mustaqillik,
g‘oyaaiy ziddiyat, g‘oyaviy bo‘shliq, g‘oyaviy zaiflik, g‘oyaviy savodsizlik,
g‘oyaviy qaramlik, g‘oyaviy mutaassiblik, g‘oyaviy parokandalik;
3) funksional kategoriyalarga – ozod va obod Vatan, erkin va farovon hayot
barpo etish, Vatan ravnaqi, YUrt tinchligi, Xalq farovonligi, Komil inson, Ijtimoiy
hamkorlik, Millatlararo totuvlik, Dinlararo bag‘rikenglik kabilarni kiritish
mumkin.
Umuman olganda, milliy g‘oya va mafkura fanining kategoriyalari:
« a) shu sohadagi munosabat, bog‘lanishlarni ifodalovchi umu-
miy mazmun va xususiyatga ega bo‘lgan tushunchalar;
b) bu sohani keng va atroflicha tavsiflagani holda, bir-
birini taqozo etadi, bir butunlikda, o‘zaro aloqadorlikda na-
moyon bo‘ladi;
v) ob’ektiv mazmunga ega, ularning har biri ijtimoiy voqe-
likda ro‘yobga chiqadi, namoyon bo‘ladi, ushbu voqelikning o‘ziga xos
xususiyatlari, tomonlari, belgilarini ifodalovchi tushunchalar
sifatida inson tafakkurida aks etadi;
g) umumiy tushunchalar sifatida insonning shu sohadagi hodi-
salar mohiyatini bilishga qaratilgan bilish jarayonining nati-
jalari va ijtimoiy jarayonlarni yanada chuqurroq o‘rganishning
ilmiy vositasidir;
d) nafaqat nazariya va ilmiy bilish jarayonidagina emas, balki
amaliyotda ham o‘ziga xos rol o‘ynaydi va ahamiyatini saklab qoladi».](/data/documents/f07a59c6-7297-4c5e-83cd-0f4292df4bf3/page_13.png)
![Xullas, bu boradagi dialektika shundaki, milliy g‘oya va mafkura fanining
g‘oya va mafkuraviy narsa, hodisa, voqea va jarayonlarni o‘zida aks ettiruvchi
kategoriyalari har qanday sharoitda ham biri ikkinchisini taqozo qiladi,
uyg‘unlikda va ichki aloqadorlikdagina mavjud bo‘ladi. Demak, ular mantiqan
o‘zaro uzviy bog‘liq, mazmunan bir-birini to‘ldiradi.
Milliy g‘oya va mafkura fanining kategoriyalari o‘z manbai, tabiati jihatidan —
ontologik,bilish shakliga ko‘ra gnoseologik odiy xususiyati bo‘yicha —
metodologik mazmunga ega. Bu kategoriyalar g‘oya va mafkuralarga tegishli
hodisa, voqea, jarayonlarning mohiyatini ochib berishga hamda milliy g‘oya
fanini boshqa ijtimoiy fanlardan farqlashga xizmat qiladi.
3. Milliy g‘oy a v a mafk ura fanining met od v a prinsiplari.
3.1.Milliy g‘oya va mafkura fanining metodlari. Har qanday o‘quv fani
muayyan metodlarga, usullarga, ya’ni o‘rganilayotgan hodisalarni anglash
vositalariga ega. Bunday metodlar ikki guruhga bo‘linadi: birinchisi barcha o‘quv
fanlariga xos bo‘lgan umumiy metodlar bo‘lib, ular tabiat, jamiyat va tafakqurning
eng umumiy qonuniyatlarini bilish va ulardan foydalanishga asoslanadi; ikkinchisi
maxsus metodlar bo‘lib, ularga sistemali yondashuv, tarixiy, qiyosiy, sotsiologik
va boshqa metodlar kiradi.
Milliy g‘oya va mafkura fani fanining metodlari g‘oya va mafkuralar
rivojining qonuniyatlari, hozirgi ahvoli va mohiyati haqida bilim olishga yordam
beruvchi usul va vositalar birligidan iborat.
Jahonda ro‘y berayotgan barcha jarayonlar «inson mezoni» orqali baholanadi.
Milliy g‘oya va mafkura fanining metodologik asoslarnni, birinchidan, g‘oya va
mafkuralar masalasiga, insoniylik nuqtai nazaridan yondashish, insonga barcha
narsalarning o‘lchovi eifatida qarash; ikkinchidan, shaxsga davlat mashinasining
bir murvati sifatida qarashga asoslangan mustabid tushunchadan voz kechib,
shaxsni faol ijtimoiy sub’ekt sifatida qabul qilish tashkil etadi.
Milliy g‘oya va mafkura fanining metodlarn g‘oya va mafkuralarni o‘rganish
usullaridir. Har qanday fandagi kabi, milliy g‘oya va mafkura fanida ham turli
yondashuvlar, har xil qarashlar mavjud. Milliy g‘oya va mafkura fanining](/data/documents/f07a59c6-7297-4c5e-83cd-0f4292df4bf3/page_14.png)
![metodlari g‘oya va mafkuralarning mohiyati, turli jihatlari va xususiyatlarini,
rivojlanish qonuniyatlari va prinsiplarini o‘rganishga imkon beradi.
Milliy g‘oya va mafkura fanining metodlari g‘oya va mafkuralarning turli
sohalari va jihatlarini ochib berishga yordam beradi. Ular g‘oya va mafkuralar
to‘g‘risidagi bilimlarni o‘rganish, to‘plash va umumlashtirish kalitidir.
Milliy g‘oya va mafkura fanining metodlari g‘oya va mafkuralarni boshqa
ijtimoiy hodisalar bilan uzviy aloqadorlikda, harakatda, miqdoriy va sifat
o‘zgarishida o‘rganishni taqozo etadi.
G‘oya va mafkuralar mavhum emas, balki real hodisalardir. SHu bois ular
muayyan vaziyat, muayyan vaqt, muayyan jamiyat bilan aloqadorlikda o‘rga-
nilishi lozim. Binobarin, g‘oya va mafkuralarni tushunish uchun ular shakllangan
sharoitlarni, mavjud bo‘lgan tarixiy davrning hususiyatlari-ni bilish va e’tiborga
olish kerak.
Milliy g‘oya va mafkura fanining metodlari g‘oya va mafkuralarning
shakllanish va rivojlanish qonuniyatlarini bilishga ko‘maklashadi, g‘oya va
mafkuralarning mohiyati va vazifalariga, funksiyalari va taraqqiyot tamoyillariga
ilmiy yondashish uchun asos bo‘lib xizmat qiladi.
G‘oya va mavkuraga oid hodisalar, voqealar, jarayonlar to‘g‘risidagi
bilimlarni egallashda qo‘llaniladigap nazariy tadqiqotlar va amaliy harakat
qilish usullari va yo‘llarining yig‘indisiga milliy g‘oya va mafkura fanining
ilmiy o‘rgaiish metodlari deyiladi.
Milliy g‘oya va mafkura fanining metodlari xilma-xil bo‘lib, ularni uch asosiy
guruhga (eng umumiy metodlar, umumiy ilmiy metodlar, xususiy ilmiy metodlar)
bo‘lish mumkin.
Eng umumiy metodlar – har tomonlama fikr yuritishning asosiy qonun-
qoidalarini o‘zida ifodalaydigan dunyoqarash shaklidagi usullardir. Ularga
metafizika va dialektik metodlar kiradi.
Metafizika metodi bilan ish ko‘ruvchilar g‘oya va mafkuralar ilgaridan mavjud
bo‘lgan, bundan keyin ham bo‘ladi, u abadiy va o‘zgarmasdir, hech qanday boshqa](/data/documents/f07a59c6-7297-4c5e-83cd-0f4292df4bf3/page_15.png)
![ijtimoiy hodisalar bilan ichki bog‘lanishda emas, rivojlanishda emas, qanday
bo‘lsa shundayligicha saqlanib qoladi deb fikr yuritadilar.
Dialektika metodi bilan ish ko‘ruvchilarning birlari — g‘oya va mafkuralar
parvardigori olam – Ollohning ilohiy kuchi ila paydo bo‘lgan va shu asosda
rivojlanadi (ob’ektiv idealizm);ikkinchilari – g‘oya va mafkuralar insonlar
ongining, ya’ni ularning ruhiyati, his-tuyg‘ulari, sezgilarining mahsuli (sub’ektiv
idealizm);uchinchilari – g‘oya va mafkuralar muayyan sabablarga ko‘ra vujudga
kelgan va shu asosda rivojlanadi (ob’ektiv materializm);to‘rtinchilari – g‘oya va
mafkuralar jo‘g‘rofiy muhitning, etnik va milliy xususiyatlarnint mahsuli
(jo‘g‘rofiy determinizm) deb fikr yuritadilar.
Metafizika, idealistik va materialistik dialektika metodlari g‘oya va
mafkuralarga oid narsa,voqea, hodisa, jarayonlarning tub mohiyatini ochib
berolmaydigan tadqiqot usulidir. CHunki g‘oya va mafkuralar sohasida yuz
berayotgan voqea-hodisalarni qotib qolgan, bir-biridan ajralgan o‘zaro,
bog‘lanmagan holda ko‘rish yoki faqat Tangri-taolo irodasiga bog‘lab qo‘yish,
uni o‘rganmasdan, o‘zgartirmasdan, qo‘l qovushtirib o‘tirish yoki hammasi faqat
moddiy asoslarning‘ mahsuli deb, ma’naviyat omillarini nazardan qochirish
bizning bilish usullarimizga, metodologiyamizga mos kelmaydi.
Milliy g‘oya va mafkura fanining eng umumiy metodini – ilmiy dialektika
tashkil qiladi. Bu metod quyidagilarni taqozo etadi:
birinchidan, g‘oya va mafkuralar sohasidagi har bir jarayonda moddiy va
ma’naviy asoslarning borligini, inson tafakkuri ularni har tomonlama to‘liq qamrab
olishini e’tirof etish;
ikkinchidan, hech bir g‘oya va mafkuraning, ularda yuz berayotgan voqea,
hodisa va jarayonlarning sababsiz sodir bo‘lmasligini, ular o‘zaro aloqadorlikda va
rivojlanishda ekanligini, eskilari yo‘qolib, ularning o‘rniga yangilari kelishini tan
olgan holda ularni hamma vaqt rivojlanishda va harakatda olib qarash;
uchinchidan, har qanday g‘oya va mafkuralarda yuz berayotgan voqea, hodisa,
jarayonlarni bilishga butun xalq amaliy faoliyatini jalb qilish;](/data/documents/f07a59c6-7297-4c5e-83cd-0f4292df4bf3/page_16.png)
![to‘rtinchidan, g‘oya va mafkuralarga oid voqea-hodisalarni bilish jarayonida
egallanadigan, haqiqatlar ob’ektiv, bir vaqtning o‘zida nisbiy va mutlaq
hususiyatga ega bo‘lib, mavhum emas, balki aniq shaklda mavjud bo‘lishini tan
olishi va shu asosda ish yuritish.
SHuning uchun ham ushbu metod milliy g‘oya fanining eng umumiy
metodinigina emas, balki metodologik asoslaridan birini ham tashkil qiladi.
Umumiy ilmiy metodlar. Ular eng umumiy metodlardan farqli ravishda, g‘oya
va mafkuralar sohasida yuz berayotgan voqea-hodisalar va jarayonlarni bilishning
ma’lum bosqichlarida qo‘llaniladigan usullardir. Ularga analiz va sintez, sistemali
va funksional yondashuv kabi metodlar kiradi.
Analiz metodi – g‘oya va mafkura sohalarida yuz bergan voqea, hodisa,
jarayonlarni tarkibiy qismlarga, tomonlarga fikran ajratish, bu tarkibiy qismlarning
mazkur hodisadagi, voqeadagi, jarayondagi o‘rnini belgilash, umumiylarini
xusu siylaridan, zaruriylarini tasodifiylaridan, muhim, asosiy, hal qiluvchi
ahamiyatga ega bo‘lganlarini muhim bo‘lmagan, ikkinchi darajalilaridan ajratish,
shu orqali ularning mohiyatini muhim ob’ektiv bog‘lanishlarini ochishga
asoslangan tadqiqot usulidir.
Sintez metodi – g‘oya va mafkura sohasida yuz berayotgan voqea-hodisalar va
jarayonlarning qismlarini, tomonlarini fikran birlashtirish asosida yangi bilimlarga,
ya’ni yangilikka ega bo‘lishdir.
Analiz va sintez uzviy birlikda bo‘lib, umum ilmiy bilishdagi analitik-sintetik
usulning o‘zaro ta’sir qiluvchi jihatlaridir. Masalan, O‘zbekiston xalqining milliy
mafkurasini ijtimoiy hodisa sifatida fikran analiz qiladigan bo‘lsak, uni, eng avvalo
bosh va asosiy g‘oyalar kabi tarkibiy qismlarga bo‘lamiz va ularning har birini
alohida-alohida o‘rganamiz. Ayni vaqtda analizdan olingan bilimlarni fikran qayta
birlashtirsak, ya’ni sintez qilsak, O‘zbekiston xalqi milliy mafkurasining
bunyodkor g‘oyalar majmuidan iborat ekanligini ko‘rsatuvchi yangi bilimga ega
bo‘lamiz.
Analiz va sintez metodlari g‘oya va mafkuralarni o‘rganishda oqilona, to‘g‘ri
xulosa chiqarishga imkon beradi. Ular ilmiy bilishning mavhum shakli bo‘lib,](/data/documents/f07a59c6-7297-4c5e-83cd-0f4292df4bf3/page_17.png)
![g‘oya va mafkuralarni mantiqiy o‘rganishning usul va vositalarini ifodalaydi
hamda tafakkur shakllariga, mantiq qonunlariga asoslanadi. G‘oya va mafkuralarni
o‘rganishda mantiqiy usullardan samarali foydalanish inson hayotida
uchraydigan turli xil ziddiyatlarning oldini olish imkonini beradi.
Sistemali metod – g‘oya va mafkura sohasida yuz berayotgan voqea-hodisalar
va jarayonlarning «gorizontal» va «vertikal» yo‘nalishlari yaxlitligini, ya’ni
ularning o‘zaro bog‘langan va yaxlitlikni tashkil etuvchi barcha unsurlarini
birgalikda o‘rganishdir. Masalan, O‘zbekiston xalqining milliy g‘oyasi
hodisalariga sistemali yondashadigan bo‘lsak, uning vatan ravnaqi,yurt
tinchligi,xalq farovonligi,komil inson,ijtimoiy hamkorlik,millatlararo
totuvlik,dinlararo bag‘rikenglik kabi g‘oyalardan tashkil topganligini, ayni vaqtda
ularning har biri boshqa shaxslar, ijtimoiy guruxdar, partiyalar, millatlar bilan
turlicha aloqada ekanligini, ular o‘rtasida bir qadar yaxlitlik borligini ko‘ramiz.
Aniq-langan mazkur yaxlitlik, shubhasiz, sistemali yondashuvning mahsulidir.
Sistemali metod g‘oya va mafkuralarni har tomonlama o‘rganishda muhim
ahamiyatga ega. Bu metod, g‘oya va mafkuralarni turli ijtimoiy hodisalar tizimida
o‘zaro bog‘liqlikda o‘rganish uchun imkoniyat yaratadi. Milliy g‘oya fani g‘oya va
mafkuralar masalasiga sistemali yondashishni hisobga olgan holda ilmiy xolislik –
ob’ektivlik, tarixiylik prinsiplari asosiga quriladi.
Funksional metod – g‘oya va mafkuralarga oid voqea-hodisalar va
jarayonlarning vazifalarini aniqlash orqali ular o‘rtasidagi munosabat-larni
tushuntirishdir. Masalan, biz milliy g‘oyani bir necha turlarga ajratar ekanmiz, eng
avvalo, ularning har birining funksiyalarini aniqlab olamiz, shundan keyin ular
o‘rtasidagi munosabatlarni tu shunib olishga o‘tamiz. Bunday usul – funksional
yondashuv hisoblanadi.
Xususiy ilmiy metodlar. Tabiiy, ijtimoiy, texnikaviy fanlarning taraqqiyoti
natijasida kelib chiqayotgan yangi ilmiy metodlarni g‘oya va mafkuralarga tegishli
voqea-hodisalar va jarayonlarni o‘rganishda qo‘llash katta foyda beradi. Bu
guruhga sotsiologik, statistik, kibernetik, qiyosiy va boshqa metodlar kiradi.](/data/documents/f07a59c6-7297-4c5e-83cd-0f4292df4bf3/page_18.png)
![Sotsiologik metod — so‘rov, anketalashtirish, kuzatuvlar olib borish,
jamoatchilik fikrini o‘rganish, kerakli hujjatlarni tahlil qilish asosida g‘oya va
mafkuralarga oid voqea-hodisalar va jarayonlarni o‘rganishning ilmiy usullaridan
biri hisoblanadi. Ana shu usullarni qo‘llash natijasida g‘oya va mafkuralar
to‘g‘risida aniq ma’lumotlar olinadi. Olingan ma’lumotlar mafkuraviy
jarayonlarni boshqarish, islohotlarni amalga oshirish, yangi ishlarni rejalashtirish,
ularning rivojlanish yo‘nalishlarini belgilash uchun keng imkoniyatlar yaratadi. Bu
usul demok-ratik huquqiy davlatni qurish va fuqarolik jamiyatini shakllantirishta
qaratilgan barcha islohotlar va amaliy tadbirlarning samaradorligini aniqlashda
yordam be-radi.
Statistik metod – g‘oya va mafkuralar institutlari to‘g‘risidagi matematik
hisob-kitoblar yordamida miqdoriy ma’lumotlarni olishga qaratilgan ilmiy
usullardan biridir. Bu usul, olingan miqdoriy ma’lumotlarni umumlashtirish
asosida g‘oya va mafkuralarni rivojlantirishning miqdoriy yo‘nalishlarini belgilab
olishga xizmat qiladi.
Kibernetik metod — hozirgi zamon axborot texnika vositalarining
tushunchalari, qonunlarining tizimi yordamida g‘oya va mafkura sohasidagi
hodisalarini o‘rganish usuli hisoblanadi. Masalan, EHQ (elektron hisoblash
qurilmalari) yordamida g‘oya va mafkuralar funksiyalaridan birontasining modeli
tuzib chiqiladi va ana shu model asosida uning bundan 10—20 yil keyingi holati
qanday bo‘lishi o‘rganiladi.
Kibernetik metod, matematika va statistika metodlarini qo‘llagan holda
mafkura sohasiga oid statistika va axborotni kompyuterlar yordamida qayta
ishlashga, turli xil texnika vositalaridan foydalanishga g‘oya va mafkuralar
sohasidagi axborot-qidiruv tizimini yaratishga yordam beradi.
Qiyoslash metodi — muayyan g‘oya va mafkuralarni boshqa joydagi, boshqa
shakldagi g‘oya va mafkuralar bilan fikran taqqoslash asosida ma’lumotlar olish,
ulardan ilmiy xulosalar chiqarish, yangi bilim hosil qilish usuli hisoblanadi.
Ushbu metod turli g‘oya va mafkuralarga asoslangan tizimlarning umumiy va
o‘ziga xos tomonlarini bilish hamda ana shu asosda g‘oya va mafkuralar](/data/documents/f07a59c6-7297-4c5e-83cd-0f4292df4bf3/page_19.png)
![taraqqiyotining qonuniyatlarini ochishga, g‘oya va mafkura sohasidagi hodisalar
va jarayonlarni o‘zaro solishtirish asosida ular o‘rtasidagi o‘xshashlik va farqlarni
aniqlashga imkon beradi.
G‘oya va mafkuralarni o‘rganishda yana tarixiylik, mantiqiylik va boshqa
metodlardan ham foydalaniladi.
SHunday qilib, milliy g‘oya fanining metodlari g‘oya va mafkuralarga
tegishli voqea-hodisalar va jarayonlarni bilishga, ularning qonu- niyatlarini
ochishga qaratilgan umumfalsafiy, umummilliy, xususiy-ilmiy usullar, yo‘llar,
qoidalar va vositalar tizimidir. Ulardan amalda foydalanish olib borilayotgan
tadqiqotning predmeti va vazifalariga bog‘liqdir.
3.2. Milliy g‘oya va mafkura fanining prinsiplari. Milliy g‘oya va mafkura
fani o‘zining prinsiplariga, ya’ni g‘oya va mafkuralarqa oid voqea-hodisalar va
jarayonlarni o‘rganishda rioya qiladigan asosiy qonun-qoidalariga ega. Bu asosiy
qonun-qoidalarga ob’ektivlik, tarixiylik, mantiqiylik, ijtimoiy yondashuv, milliy
va mahalliy xususiyatlarni hisobga olish kiradi.
Ob’ektivlik prinsipi g‘oya va mafkuralarqa tegishli voqea-hodisa va
jarayonlarning vujudga kelishi va rivojlanishini (hech bir shaxs yoki individning
xohish-irodasiga bog‘liq emasligini ta’kidlab) xolisona, hech qanday
o‘zgartirishlarsiz, aniq hujjatlar, ishonchly dalillar asosida barcha qirralarini,
qarama-qarshi, salbiy va ijobiy tomonlarini hisobga olgan holda yaxlit hodisa
sifatida o‘rganishni taqozo etadi.
Tarixiylik prinsipi – muayyan, g‘oya va mafkuralar bilan ularning tafakkurdagi
in’ikosi o‘rtasidagi nisbatni ifodalaydigan qoidalardir. Bunda tarixiylik – g‘oya va
mafkuralarning shakllanish va rivojlanish jarayoni, ya’ni voqelikda ro‘y bergan
real tarixdir.
Mantiqiylik prinsipi – rivojlangan va rivojlanayotgan g‘oya va mafkuralarning
barcha muhim qonuniy aloqa va munosabatlarini nazariy jihatdan aks etti rishdir.
Ushbu prinsip g‘oya va mafkuralarning o‘zaro ta’sirini tahlil qilish orqali
tarixiylikni fikran qayta hosil qilishni anglatadi. Mantiqiylik tarixiylikni tushunish
kalitidir.](/data/documents/f07a59c6-7297-4c5e-83cd-0f4292df4bf3/page_20.png)
![Tarixiylik va mantiqiylik uzviy birliqda bo‘lgan tushunchalar bo‘lib, bir-birini
to‘ldirib turadi. Tarixiylik va mantiqiylikni alohida-alohida olib qaraydigan
bo‘lsak, ular bilishning asosiy metodlaridan ekanligiga amin bo‘lamiz. Bunda
mantiqiy metod — g‘oya va mafkuralar ob’ektining mohiyatini, asosiy mazmunini
nazariy shaklda, abstraksiyalar, mantiq qonuniyatlari asosida o‘rganadi. U oqilona
va izchil xulosa chiqarishni nazarda tugadi. Tarixiy metod — g‘oya va
mafkuralarning tarixiy rivojlanishdagi turli bosqichlarini xronologik izchillikda
o‘rganishni taqozo qiladi.
Ijtimoiy yondashuv prinsip – g‘oya va mafkuralarga tegishli voqea-hodisalar
va jarayonlarni o‘rganishga moddiy ne’matlarni ishlab chiqa-rish jarayonida
jamiyatda vujudga kelgan barcha guruxlar, partiyalar, ijtimoiy qatlamlarning
manfaatlarini ifodalovchi milliy mafkura ta-lablariga mos ravishda yondashish
qoidasidir.
Milliy va mahalliy xususiyatlarni hisobga olish prinsipi – har bir millat teng
huquqli bo‘lib, o‘z taqdirini o‘zi belgilash huquqiga ega, degan qoidaga
asoslangan. U g‘oya va mafkuralarning institutlarini o‘rganishda, ularni
boshqarishda har bir millat va elatning dini, tili, ruhiya ti, urf-odati, rasm-
rusumlari, marosimlarini to‘lig‘icha hisobga olishni va shu asosda ish yuritishni
nazarda tutadi.
Milliy g‘oya va mafkura fanining prinsiplarini uning metodlariga qarama-qarshi
qo‘yish,ulardan ajratish mumkin emas. Ular bir-birlarini to‘ldiradi, bir joyda metod
shaklida, ikkinchi joyda prinsip tarzida amal qiladi.
4. Milliy g‘oy a v a mafk ura fanining maqsadi, v azifa v a funk siy alari.
4.1. Milliy g‘oya va mafkura fanining maqsadi – milliy istiqlol mafkurasining
bosh va asosiy g‘oyalarini yosh avlodlarning qalbi va ongiga singdirishdan
iboratdir.
4.2. Milliy g‘oya va mafkura fanining funksiyalari. Milliy g‘oya va mafkura
fani fani o‘z oldiga qo‘ygan maqsadlarini ado etish uchun quyidagi asosiy
funksiyalarni bajaradi.](/data/documents/f07a59c6-7297-4c5e-83cd-0f4292df4bf3/page_21.png)
![Birinchisi – milliy g‘oya va mafkura fanining evristik funksiyasi. Milliy g‘oya
va mafkura fani ob’ektiv voqelik – g‘oya va mafkuralarni har tomonlama bilib
olishning mantiqiy usullari va metodik qoidalari tizimiga ega. Bu funksiya g‘oya
va mafkuralarni izohlash, tushuntirish, g‘oya va mafkuralarga oid hodisalarini
sharhlash bilangina emas, balki bu hodisalarning mohiyatini ochish orqali yanga-
yangi qonuniyatlarini topish bilan ham shug‘ullanadi. Mana shu evristika
funksiyasidir. Evristika – haqiqatni topish san’ati xisoblanadi. SHunga ko‘ra,
milliy g‘oya va mafkura fani real voqelik – o‘zbek xalqi milliy mafkurasining
yangi-yangi qirralarini topish san’ati vazifasini bajaradi.
Ikkinchisi – milliy g‘oya va mafkura fanining metodologik funksiyasi. G‘oya va
mafkuralar g‘oya va mafkura jarayonlarini o‘rganish vositalari bo‘lgan qonunlar,
kategoriyalar va tushunchalarni ilmiy jihatdan ishlab chiqadi. Ishlab chiqilgan bu
ilmiy tushunchalar, ta’riflar, qoidalar, prinsiplar boshqa maxsus va amaliy
gumanitar va ijtimoiy-iqtisodiy fanlar uchun yo‘riqnoma vazifasini o‘taydi.
SHunga ko‘ra, milliy g‘oya fani boshqa fanlar uchun metodologik funksiyani
bajaradi.
Uchinchisi – milliy g‘oya va mafkura fanining siyosiy funksiyasi. G‘oya va
mafkuralar doimo siyosatning ob’ekti bo‘lib kelgan. Siyosatning asosiy maqsadi
esa hamisha davlat hokimiyatini egallash, shu orqali jamiyatni boshqarishni tashkil
etishdan iborat bo‘lgan. SHuning uchun ham siyosatni - davlatni boshqarish
san’ati deb ham atashadi. SHu ma’noda milliy g‘oya va mafkura
faniO‘zbekistondagi davlat hokimiyati va boshqa siyosiy tashkilotlarni o‘z ichiga
oluvchi siyosiy hokimiyatni amalga oshirishni tashkil etishga ko‘maklashadi. Bu
milliy g‘oya va mafkura fanining siyosiy funksiyasidir.
To‘rtinchisi -- milliy g‘oya va mafkura fanining amaliy funksiyasi. Milliy g‘oya
va mafkura fani g‘oya va mafkura hodisalari, institutlari to‘g‘risidagi bilimlarni
amalda qo‘llash vazifasini ham bajaradi. U O‘zbekistonda jamiyat, davlat fao-
liyatini takomillaigtirish, fuqarolarning huquq va erkinliklarini, tinch-totuv
yashashlarini ta’minlash, davlatning ichki va tashqi siyosatini barqarorlashtirish
bo‘yicha amaliy tavsiyalarni ishlab chiqadi.](/data/documents/f07a59c6-7297-4c5e-83cd-0f4292df4bf3/page_22.png)
![Beshinchisi – milliy g‘oya va mafkura fanining ilmiy bashorat qilish funksiyasi.
Ilmiy bashorat – mavjud voqelikning ob’ektiv qonunlarini bilish asosida, kelajaqda
yuz beradigan yoki yuz berishi mumkin bo‘lgan voqea, jarayon va hodisalarni
oldindan ko‘ra bilish, aytib berishdir. Milliy g‘oya va mafkura fani g‘oya va
mafkuralar rivojlanishining ob’ektiv qonuniyatlarini o‘rganish asosida ularning
kelajakdagi taqdiri to‘g‘risida ilmiy bashorat qilish funksiyasini ham bajaradi.
Oltinchisi – milliy g‘oya va mafkura fanining dunyoqarashni shakllantirish
funksiyasi. Milliy g‘oya va mafkura fani g‘oya va mafkuralarga oid har bir
hodisa, voqea, jarayonlarning yuzaga kelish va rivojlanish qonuniyatlarini
o‘rganib, odamlarning aql-zakovatini o‘stirish asosida g‘oya va mafkuralar rivoji
to‘g‘risidagi qarashlarning yaxlit ilmiy manzarasini yaratadi. Bu ushbu fanning
dunyoqarashni shakllantirish funksiyasidir.
Ettinchisi – milliy g‘oya va mafkura fanining g‘oyaviy-tarbiyaviy funksiyasi.
Milliy g‘oya va mafkura fani millatimizniyag istiqlol tufayli o‘sib borayotgan
o‘zini o‘zi anglash, bilish ehtiyojlarini qondirishga, davlatimizni jahon davlatlari
bilan qiyoslab o‘rganish asosida milliy ongimizni o‘stirishga, yangicha milliy
g‘urur va tuyg‘uni shakllantirishga xizmat qiladi. Bu uning g‘oyaviy-tarbiyaviy
funksiyasidir. Ushbu funksiya, shuningdek, milliy mafkuramizning huquqiy asosi
bo‘lgan – Konstitutsiya va qonunlarning ustunligini, qonun oldida barcha
fuqarolarning tengligi qoidalariga og‘ishmay amal qilishni, millatimizni
umuminsoniy qadriyatlarning eng yaxshi an’analariga sodiq holda tarbiyalashni
ham o‘z ichiga oladi.
1.3. Milliy g‘oya va mafkura faninig asosiy vazifalari.
Ilm sohasi bo‘lgan milliy g‘oya – o‘quv fani sifatida quyidagi asosiy
vazifalarni:
1) yosh avlodni Vatan ravnaqi,yurt tinchligi, xalq farovonligi kabi olijanob
g‘oyalarruhida tarbiyalash;
2) milliy istiqlol g‘oyasiningO‘zbekiston taraqqiyoti vamustaqilligini
mustahkamlashning mafkuraviy tamoyillarito‘g‘risidagi yaxlit nazariyaekanini
tushuntirish;](/data/documents/f07a59c6-7297-4c5e-83cd-0f4292df4bf3/page_23.png)
![3) yuksak fazilatlarga ega, ezgug‘oyalar bilan qurollangankomil insonlarni
voyagaetkazish;
4) o‘sib-unib kelayotgan yosh avlodqalbi va ongida mavkuraviyimmunitet
asoslarinishakllantirish;
5) yoshlarni ijtimoiy hamkorlik,millatlararo totuvlik, diniy bag‘rikenglik
g‘oyalariruhida kamol toptirish;
6) yoshlarni jamiyatimizga yot va begona, buzg‘unchi va zararli g‘oyalarga qarshi
kurashishga o‘rgatish, ularda ogohlik vahushyorlik ko‘nikmalarish hosil ishlarini
bajaradi.
5. Milliy g‘oya va mafkura fanining gumanitar va ijtimoiy-iqtisodiy
fandar tizimida tutgan o‘rni.
G‘oya va mafkura masalalari turli ijtimoiy fanlar tomonidan o‘rganiladi. Har bir
ijtimoiy fan g‘oya va mafkuraning u yoki bu jihatlarini o‘z predmeti nuqtai
nazaridan talqin etadi.
Milliy g‘oya va mafkura fani turli gumanitar va ijtimoiy-mqtisodiy fanlar bilan
uzviy bog‘liqdir. Ushbu aloqadorlik mazkur fanlar o‘rganadigan ob’ektning
umumiyligidan kelib chiqadi. Ular o‘z predmeti doirasida g‘oya va mafkuralarni
ijtimoiy hodisa sifatida o‘rganadilar. SHu bilan birga,bu fanlarning har biri
muayyan xususiyatga,o‘zi o‘rganadigan fan sohasiga ega.
Milliy g‘oya va mafkura fani ijtimoiy fanlar bo‘lmish falsafa, iqtisodiyot
nazariyasi, sotsiologiya, siyosatshunoslik, madaniyatshunoslik, ma’naviyat
asoslari,dinshunoslik, tarix kabi fanlar bilan ham bog‘liqdar. Ayni paytda milliy
g‘oya va mafkura fani bu fanlardan farq ham qiladi.
5.1. Milliy g‘oya falsafa. Falsafa tabiat va jamiyat, inson tafakkuri
rivojlanishining umumiy qonuniyatlarini o‘rganadi. SHu bois, u g‘oya va mafkura
masalalarini umumiy tarzda, ijtimoiy hodisa sifatida ko‘rib chiqadi.
Milliy g‘oya va mafkura fani falsafaning xulosalariga tayangan holda, g‘oya va
mafkura muammolarini aniqlashtiradi hamda bir qator maxsus nazariy
masalalarni o‘rganadi. Bunda fal safa bilan milliy g‘oya va mafkura fani bir-biri ni
takrorlamaydi, balki to‘ldiradi.](/data/documents/f07a59c6-7297-4c5e-83cd-0f4292df4bf3/page_24.png)
![Falsafa borliqning ongga, insonning uni o‘rab turgan atrof-muhitga
munosabatining umumiy prinsiplari haqidagi bilimlar tizimidir. Fal-safa g‘oya va
mafkuralarning mohiyati, tabiati, uningijtimoiy hodisalar tizimidagi o‘rnini
aniqlaydi va faqat shuning o‘zi bilan cheklanadi. Milliy g‘oya va mafkura fani esa
g‘oya va mafkuralarni barcha ko‘rinishlari va belgilari bilan bir butun holda
batafsil o‘rganadi. Agar falsafa g‘oya va mafkuralarning mohiyatini aniqlash
kalitini bersa, milliy g‘oya va mafkura fani falsafani ijtimoiy taraqqiyot, g‘oya va
mafkuralarning umumiy tamoyillarini ifodalash bilan qurollantiradi.
Falsafaning umumiy qonun va kategoriyalaridan g‘oya va mafkuralarga tegishli
voqea-hodisalar va jarayonlarni o‘rganishda amaliy foydalanish, bir tomondan ,
g‘oya va mafkuralar haqida to‘plangan barcha bilimlarni ilmiy jihatdan
umumlashtirib, bu bilimlarni milliy g‘oya va mafkura fanining kategoriyasi
sifatida bayon qilish imkoniyatini beradi; ikkinchi tomondan, milliy g‘oya va
mafkura fanining ilmiy tadqiqotlari natijasida olingan hamda amaliyotda
tasdiqlangan bilimlar, ma’lumotlar falsafaning ob’ektiv qonunlarni ochishi va
umumiy kategoriyalarni ishlab chiqishi uchun empirik ma’lumotlar bo‘la oladi.
SHunday qilib, falsafa fani milliy g‘oya va mafkura fani uchun tayanch
nuqtalaridan biri bo‘lib, metodologiya vazifasini bajaradi, milliy g‘oya va mafkura
fani esa falsafa uchun empirik ma’lumot manbay vazifasini o‘taydi..
5.2.Milliy g‘oya va siyosatshunoslik. Siyosatshunoslik fani siyosat, uning
shakllari, siyosiy jarayonlar va siyosiy birlashmalar, jumladan, partiyalar, siyosiy
hokimiyatga va davlat hokimiyatiga erishish vositalari, fuqarolik jamiyati, davlat
va shaxsning o‘zaro munosabati kabi hodisalarni o‘rganadi. Siyosatshunoslik inson
siyosiy madaniyatini ijtimoiy-siyosiy munosabatlar tizimi orqali, ya’ni
fuqarolarning huquq va erkinliklarini amalga oshirish orqali o‘rganadi.
Milliy g‘oya fanining siyosatshunoslik fani bilan bog‘liqligi har ikkala
fanning ham bir ob’ektni, ya’ni jamiyat siyosiy tizimining muhim elementi
bo‘lmish g‘oya va mafkuralarni ilmiy jihatdan tadqiq etishida yaqqol ko‘zga tash-
lanadi. Bunda milliy g‘oya fani g‘oya va mafkuralarning vujudga kelishi,
rivojlanishi, amaliy faoliyatining umumiy qonuniyatlarini o‘rgansa,](/data/documents/f07a59c6-7297-4c5e-83cd-0f4292df4bf3/page_25.png)
![siyosatshunoslik fani davlatning mafkuraviy siyosatini, aniqrog‘i, jamiyatda yuz
berayotgan siyosiy hodisalar va jarayonlarni, ya’ni siyosat nazariyasi va
amaliyotini o‘rganadi. Ularning har ikkalasi bir predmet – davlatning mafkuraviy
siyosatini, uning davlatg ichki va tashqi siyosatini turli tomon-lardan o‘rganadi,
ilmiy tadqiqotlar natijasida olingan bilimlar bilan bir-birlarini to‘ldiradi. Oqibatda,
milliy g‘oya fani o‘zining keng qamrovligiga qo‘ra, siyosatshunoslik fani uchun
metodologik asoslardan biri vazifasini bajaradi.
5.3. Milliy g‘oya va iqtisodiyot nazariyasi. Iqtisodiy fanlar ishlab chiqarish
munosabatlari tizimi, xo‘jalik hayotini tashkil etish, xo‘jalik sohalari, mehnat,
moliya, kredit kabi masalalarni o‘rganadi. Milliy g‘oya o‘quv fani sifatida g‘oya
va mafkuralarni o‘zining asosiy predmeti deb hisoblaydi. Iqtisodiy fanlar hamda
milliy g‘oya fanining o‘zaro ta’siri, ularning bir-biri bilan o‘zaro aloqasi, g‘oya va
mafkuralarning iqtisodiyotga qanchalik bog‘liq ekanligini aniqlashga imkon
beradi.
5.4. Milliy g‘oya va sotsiologiya. Milliy g‘oya fani sotsiologiya fani bilan
ham o‘zaro aloqada. CHunki sotsilogiya fani ham jamiyatni yaxlit, uyushgan tizim
sifatida tadqiq etib, jamiyat a’zolarining, xususan turli xil jamoalarning, aholi turli
qatlamlarining g‘oyaga, mafkuraga qanday munosabatda bo‘lishini, ularning g‘oya
va mafkuralar to‘g‘risidagi fikr-mulohazalarini «inson mezoni» bo‘lmish amaliy
ko‘rsatkichlar, aniq matematik hisob-kitoblar asosida o‘rganadi. SHunga ko‘ra,
sotsiologiya fani milliy g‘oya fani fani uchun dastlabki empirik ma’lumotlarni
to‘plab berish vazifasini bajaradi, Milliy g‘oya fani esa, o‘z navbatida,
sotsiologiya fani bergan ma’lumotlarni. umumlashtirib, ulardan nazariy xulosalar
chiqaradi.
Sotsiologiya yaxlit tizim bo‘lmish jamiyat, hamda u bilan aloqadorliqda
o‘rganiladigan alohida ijtimoiy guruhlar, sotsial jarayonlar haqidagi fandir.
Sotsiologiya o‘zining xulosalarida empirik ma’lumotlarga, ijtimoiy tajribalarga
asoslanadi. Barcha ijtimoiy hodisalar, jumladan, g‘oya va mafkuralar ham
sotsiologik tadqiqotlarning ob’ektiga aylanadi. Sotsiologiya ham, falsafa singari,
g‘oya va mafkuralarni bilishning umumiy vositasi hisoblanadi. U g‘oya va](/data/documents/f07a59c6-7297-4c5e-83cd-0f4292df4bf3/page_26.png)
![mafkuralarni o‘rganish asosida o‘zining predmetini chuqurlashtiradi va
oydinlashtirib oladi.
SHunday qilib, milliy g‘oya fani gumanitar va ijtimoiy-iqtisoiy fanlar tizimida
quyidagicha o‘rin tutadi.
Birinchidan, milliy g‘oya fani gumanitar va ijtimoiy-iqtisodiy fanlar jumlasiga
kiruvchi falsafiy fanlarining tarkibiy qismidir. U falsafaga nisbatan xususiylik,
boshqa gumanitar va ijtimoiy-iqtisodiy fanlarga nisbatan esa, alohidalik kasb etadi.
Ikkinchidan, milliy g‘oya fani boshqa gumanitar va ijtimoiy-iqtisodiy fanlar
singari jamiyat ijtimoiy ehtiyojlarining mahsuli sifatida paydo bo‘lgan. U boshqa
gumanitar va ijtimoiy-iqtisodiy fanlar bilan birgalikda g‘oya va mafkuralarga
tegishli voqea-hodisalar va jarayonlarni har tomonlama o‘rganadi, boshqa
fanlarning metodlaridan metodologik asos sifatida foydalanadi. Ayni vaqtda,
milliy g‘oya fani gumanitar va ijtimoiy-iqtisodiy fanlarni g‘oya va mafkuraga oid
aniq ma’lumotlar bilan ta’minlab, nazariy va amaliy jihatdan qurollantiradi.
Uchinchidan, milliy g‘oya fani falsafa fani orqali g‘oya va mafkuralar bilan
qiziqayotgan har qanday gumanitar va ijtimoiy-iqtisodiy fan sohasining ilmiy
tadqiqot mavzuidan o‘rin egallashi mumkin.
To‘rtinchidan, hozirgi kunda suveren O‘zbekiston davlati o‘zbek xalqining
mushtarak maqsadlariga muvofiq tarzda va mustaqil ravishda mafkuraviy siyosat
olib bormoqda. Bu esa O‘zbekiston davlatining mafkuraviy siyosatini bir necha
gumanitar va ijtimoiy-iqtisodiy fanlarning tadqiqot ob’ektiga aylantirmoqda.
Masalan, O‘zbekiston davlatining mafkuraviy siyosati jamiyatni boshqarish
faoliyatida - boshqaruv, ma’muriy fanlarning; iqtisodiy-xo‘jalik yuritish faoliyatda
- iqtisodiyot fanlarining; siyosiy faoliyatida — siyosatshunoslik fanlarining;
jamiyatni yaxlit tizim sifatida o‘rganish faoliyatida esa sotsiologiya fanining ilmiy
tadqiqot ob’ektiga aylangan. Hosil bo‘lgan bilimlar esa ushbu fanlar
predmetlarining tarkibiy qismlarini tashkil qiladi. Bu g‘oya va mafkuralarning
ko‘pgina gumanitar va ijtimoiy-ijtimoiy fanlar ob’ektiga aylanib borayotganligidan
darak beradi. Bu milliy g‘oya fanining tobora gumanitar va ijtimoiy-iqtisodiy
fanlar tizimida tutgan o‘rni yanada mustahkamlanib borayotganligini ko‘rsatadi.](/data/documents/f07a59c6-7297-4c5e-83cd-0f4292df4bf3/page_27.png)
![Milliy g‘oya fanining barcha gumanitar va ijtimoiy-iqtisodiy fanlar bilan aloqasi
ham ikki tomonlamadir. Milliy g‘oya fani gumanitar va ijtimoiy-iqtisodiy
fanlarning xulosalariga asoslangan holda xilma-xil falsafiy, tarixiy materiallarni
umumlashtirib, g‘oya va mafkuralarning vujudga kelishi sabablarini, taraqqiyot
bosqichlarini, g‘oya va mafkuralarning mohiyatini,. mazmuni va shakllariniochib
beradi. SHu ma’noda milliy g‘oya fani boshqa gumanitar va ijtimoiy-iqtisodiy
fanlarni takrorlamaydi, balki to‘ldiradi. Bu hol esa milliy g‘oya fani o‘zining
predmetiga va xususiyatlariga ega ekanligini yana bir bor tasdiqlaydi.
6. Milliy g‘oya va mafkura fanining o‘ziga xos xususiyatlari.
Milliy g‘oya va mafkura fani boshqa fanlardan quyidagi asosiy xususiyatlari bilan
ajralib turadi.
Birinchidan, milliy g‘oya va mafkura fani — ijtimoiy fan, chunki uning
o‘rganadigan sohasi muhim ijtimoiy hodisalar bo‘lmish g‘oya va mafkuralardir..
Bundan tashqari,milliy g‘oya va mafkura fani boshqa ijtimoiy fanlardan farqli
ravishda, bevosita g‘oya va mafkuralarga, milliy mafkura va milliy g‘oya,milliy
mentalitetga oid masalalarni yaxlit tizim sifatida o‘rganadi.
Ikkinchidan, milliy g‘oya va mafkura fani — nazariy fan, zero u g‘oya va
mafkuralar rivojining umumiy qonuniyatlarini ochib beradi. Binobarin, u g‘oya va
mafkuralarning paydo bo‘lishi va rivojlanishi qonuniyatlarini nazariy jihatdan
umumlashtiradi, g‘oyalar falsafasi fanining asosiy tushunchalari va qoidalarini,
ya’ni kategoriyalari va prinsiplarini ishlab chiqadi.
Uchinchidan, milliy g‘oya va mafkura fani falsafiy xususiyatga ega bo‘lgan fan,
chunki u g‘oya va mafkuralarning qonuniyatlarini yoritish bilan birga, falsafaning
shaxs va jamiyat, moddiy va ma’naviy-mafkuraviy munosabatlar haqidagi umumiy
qonunlarini ham ochib beradi.
To‘rtinchidan, milliy g‘oya va mafkura fani — metodologik fan. U gumanitar va
ijtimoiy-iqtisodiy fanlarning barcha sohalarini umumiy g‘oyaviy – mafkuraviy
metodologiya bilan qurollantiradi. Milliy g‘oya va mafkura fani ishlab chiqqan
ilmiy xulosa va amaliy takliflar barcha gumanitar sohalarini o‘rganishda
metodologik ahamiyatga ega.](/data/documents/f07a59c6-7297-4c5e-83cd-0f4292df4bf3/page_28.png)
![Beshinchidan, milliy g‘oya va mafkura fani – amaliyotga yo‘naltirilgan fan,
chunki u demokratik huquqiy islohotlarni amalga oshirishda nazariy asos bo‘lib
xizmat qiladi, demokratik huquqiy davlatni, milliy istiqlol mafkurasi tizimni
shakllantirishda amaliy ahamiyatga ega. G‘oya va mafkuralar nazariyasini
shunchaki bilish bilan cheklanmasdan, balki uni amaliyotga tatbiq etish ham zarur.
Nazariy g‘oyaviy - mafkuraviy qoidalar va ularni amalda to‘g‘ri qo‘llash
demokratik davlat qurishning muhim shartidir.
Oltinchidan, milliy g‘oya va mafkura fani – o‘kuv-tarbiyaviy ahamiyatga molik
fan, chunki u kishilarning g‘oya va mafkuralar to‘g‘risidagi tasavvurlarini,
bilimlarini kengaytiradi, ularda mafkuraviy tafakkurni, g‘oyaviy dunyoqarashni
tarkib toptirishga, g‘oya va mafkuralarning mohiyati, rivojlanishi va istiqbollarini
tushunib olishga yordam beradi.
7. Milliy g‘oya va mafkura fanini
o‘rganishning ahamiyati
O‘z oldiga malakali mutaxassis bo‘lishni maqsad qilib qo‘ygan har bir shaxs
O‘zbekiston xalqi milliy mafkurasining bosh va asosiy g‘oyalarining mohiyati-
mazmunini, milliy va umuminsoniy tamoyillarini yaxshi o‘zlashtirib olishi shart.
Mutaxassislar uchun milliy g‘oya va mafkura fanini mustaqil fan sifatida
o‘rganishning quyidagi ahamiyatlari mavjud.
Birinchidan, milliy g‘oya va mafkura fanini o‘rganish bo‘lajak shifokorlar
uchun g‘oya va mafkuralarning vujudga kelishi va rivojlanishi qonuniyatlarini
tushunib olish imkonini beradi. Mutaxassislar shu fanni o‘rganishlari tufayli
O‘zbekiston demokratik davlatining kishilik jamiyati siyosiy va huquqiy tizimida,
dunyo davlatlari o‘rtasida tutgan o‘rnini bilib oladilar, istiqlolning millatimiz
uchun naqadar buyuk ne’mat ekanligini anglab oladilar. Bu bilan milliy g‘oya
fani mutaxassislarning qalbida o‘zbek xalqiga,o‘zbek davlatiga nisbatan chuqur
ehtirom,ishonch urug‘larini ekadi. Natijada, davlatga, xalqqa uning kuch-
qudratiga ishonch har bir mutaxassisning ichki ma’naviy e’tiqodiga aylanadi.
Bu ma’naviy-ruhiy e’tiqod mutaxassislarning davlatga, xalqqa chin dildan,](/data/documents/f07a59c6-7297-4c5e-83cd-0f4292df4bf3/page_29.png)
![vijdonan, halol, sadoqat bilan xizmat qilishlarini ta’minlaydigan ma’naviy omil
hisoblanadi.
Ikkinchidan, milliy g‘oya va mafkura fani O‘zbekistonda demokratik huquqiy
davlat qurish va adolatli fuqarolik jamiyatini shakllantirishda mutaxassislarining
vazifalarini to‘g‘ri belgilab olishlariga ko‘maklashadi. CHunki milliy g‘oya va
mafkura fani O‘zbekiston xalqining turmush tarzini,uning iqtisodiy, siyosiy,
ma’naviy ishlab chiqarish hamda aholining salomatligini saqlash sohasida
mutaxassis xizmat qilayotgan muassasalari xodimlarining tutgan o‘rnini va
bajarishi lozim bo‘lgan vazifalarini ham ko‘rsatib beradi.
Uchshchidan, milliy g‘oya va mafkura fani mutaxassislar uchun jahonda va
mamlakatimizda g‘oya va mafkuralar sohasida bo‘layotg‘an voqealarning
mohiyatini tezda ilg‘ab olishga imkon beruvchi ma’naviy-ma’rifiy ko‘rsatkich
vazifasini o‘taydi. Bu mutaxassislarining kundalik amaliy faoliyatidagi har bir
voqeani g‘oyaviy jihatdan to‘g‘ri baholay olishlariga, milliy g‘oya va mafkura
talablariga mos ravishda harakat qilishlariga yordam beradi.
To‘rtinchidan, milliy g‘oya va mafkura fanining qoidalarini, xulosalarini
o‘rganish bo‘lg‘usi mutaxassislarning boshqa maxsus va amaliy fanlarni puxta
o‘zlashtirib olishlariga zamin hozirlaydi.](/data/documents/f07a59c6-7297-4c5e-83cd-0f4292df4bf3/page_30.png)
![Asosiy adabiyotlar
1. Yaxshilikov J.Ya., Muhammadiyev N.E. Milliy g’oya va mafkura. T.,
“Fan”, 2015 yil.
2. To’rayev Shavkat. Milliy g’oya tarixi va nazariyasi. T., “Sano-standart”,
2016 yil.
3. To’rayev Shavkat. Milliy g’oya turkumidagi fanlarni o’qitish jara’yonida
zamonaviy pedagogik texnologiyalarni qo’llash. arixi va nazariyasi. T.,
“Kamalak”, 2016 yil.
4. To’rayev SHavkat. Jamiyat taraqqiyoti va milliy g’oya. T., Akademiya,
2008
5. Nazarov Q iyomiddin . Milliy istiqlol g‘oyasi: asosiy tushuncha va tamoyillar.
Oliy ta’lim muassasalari uchun qo‘llanma. –T.:“Yangi asr avlodi”, 2001 yil.
6. Nazarov Q iyomiddin . Milliy istiqlol g‘oyasi: asosiy tushuncha va tamoyillar.
(o‘quv qo‘llanma) . –T.:“Yangi asr avlodi”, 2002 yil.
7. Nazarov Qiyomiddin. Milliy istiqlol g’oyasi: asosiy tushuncha va
tamoyillar. (o’quv qo’llanma) . –T.:“Yangi asr avlodi”, 2002 yil.
8. Milliy istiqlol g’oyasi (O’zbekiston Respublikasi Oliy ta’lim
bakalavriat bosqichi uchun darslik) Ershashev I tahriri ostida.. – T.:
Akademiya, 2005 yil.](/data/documents/f07a59c6-7297-4c5e-83cd-0f4292df4bf3/page_31.png)
« Milliy g’oya: asosiy tushuncha va tamoyillar » fanining predmeti, maqsadi va vazifalari. R E J A : 1.“Milliy g’oya: asosiy tushuncha va tamoyillar” fanining obyekti va predmeti. 2. “Milliy g’oya: asosiy tushuncha va tamoyillar” fanini o’rganishning asosiy qonunlari va tushunchalari. 3. “Milliy g’oya: asosiy t ushuncha va tamoyillar” fanini o’rganishning maqsadi va vazifalari. 4.“Milliy g’oya: asosiy tushuncha va tamoyillar” fanining ijtimoiy-gumanitar fanlar tizimidagi o’rni.
Milliy mafkura xalqning maqsad-muddaolarin ifodalaydi, tarix sinovlaridan o‘tishda uning ruhini ko‘tarib, suyanch va tayanch bo‘ladi. U...bu murakkab va tahlikali dunyoda uning taraqqiyo yo‘lini yoritadigan mayoqdir. I .A .K arimov Mustaqillik yillarida o‘zbek xalqining hayotida buyuk o‘zgarishlar sodir bo‘ldi. Buni odamlarimizning dunyoqarashi tubdan o‘zgarib – ona-Vatanda ozod va obod yashash, erkin va farovon hayot kechirish mumkinligiga bo‘lgan ishonchi tobora ortib borayotganligi; xususiy mulkiga bo‘lgan egallik hissining kuchayib, yanada samarali mehnat qilishga urinayotganliklari; har xil mafkuraviy xuruj va nayranglarning maqsad-muddaolarini tezlikda anglash borasida hushyorlik ongining o‘sib borayotganligi; mamlakatda tinchlik va barqarorlikni saqlashga astoydil bel bog‘layotganligi; yoshlarning sog‘lom avlod bo‘lib kamol topishi to‘g‘risida tinmay g‘amxo‘rlik qilayotganliklari; ularning esa ajdodlarining an’analariga sodiq qolgan halda ilm-fan,san’at va madaniyat cho‘qqilarini egallab o‘zbek degan nomni butun dunyoga taratishga urinayotganligida; jamiyatimiz milliy mafkurasi g‘oyalarining kishilar hayotidan o‘rin olib,ularni buyuk maqsad sari safarbar etayotganliklarida yaqqol ko‘rish mumkin. Demak, O‘zbekiston Respublikasining Prezidenti I.A.Karimov tomonidan ilgari surilgan taraqqiyotning ”o‘zbek modeli” hayot sinovlariga bardosh berib, o‘zining bunyodkorlik kuchini ko‘rsatmoqda. Bu kuchning ma’naviy
manbaini esa milliy istiqlol mafkurasining bosh va asosiy g‘oyalari tashkil etishi, endilikda hech kimda shubha o‘yg‘otmaydi, desak mubolag‘a bo‘lmaydi. Madomiki, hayot rivojlanishda, o‘zgarishda ekan, milliy mafkuraga bo‘lgan ehtiyoj yanada oshib boraveradi. Bu esa milliy g‘oyaning jangovar ruhini yanada kuchaytirib, mamlakatimizning ichkarisi va tashqarisida tezkor kechayotgan mafkuraviy jarayonlarning yangi- yangi qirralarini ochish, har qanday bo‘nyodkor g‘oyalarni qo‘llab quvvatlash, shuningdek, buzg‘unchi g‘oyalar tajovuzining o‘z vaqtida oldini olish, yoshlarni milliy g‘oya ruhida tarbiyalashning uzluksizligini ta’minlash ishlarini nazariy va amaliy jihatdan kengaytirib borishni taqozo etadi. Milliy g‘oya bugungi kunda gumanitar va ijtimoiy-iqtisodiy fanlar qatoridan o‘ziga munosib o‘rin olgan ilm sohasi va o‘quv fani hisoblanadi. Bu esa birinchidan, mazkur fanning ob’ekti va predmeti doirasini, qonun va kategoriyalarini, metod va prinsiplarini, maqsad va vazifalarini, o‘ziga xos xususiyatlarini, boshqa fanlardan farq qiluvchi tamonlarini yanada ravshanroq yoritish; ikkinchidan, g‘oya va mafkura tushunchalariga falsafiy jihatdan ta’rif va tavsif berish hamda ularni tasniflashda mantiqiy izchillikni ta’minlash, shuningdek, ular o‘rtasidagi umumiy o‘xshash va farq qiluvchi tomonlarni har tomonlama yoritib berish, ularning ko‘zlagan maqsad va vazifalarini mustaqil taraqqiyot yillarida xalqimizning erishgan yutuqlari misolida bayon qilish; uchinchidan, milliy mafkuraning bosh va asosiy g‘oyalarini o‘rganish borasida olib borilayotgan ilmiy izlanishlarning natijalari asosida
ularning mazmuni va mohiyatini yanada teranroq anglash ishlarini kuchaytirish; to‘rtinchidan,globallashuv sharoitida jahonda kechayotgan mafkuraviy jarayonlarning mantig‘ini tezlikda anglab olish uchun ishonchli axborot manbalaridan foydalanish, milliy mafkuraning targ‘ibot va tashviqot ishlari bilan shug‘ullanadigan xodimlarning yangi avlodlarini etishtirish; beshinchidan, zamonaviy mafkuraviy kurash usullarining taktikasi va strategiyasini ishlab chiqish; oltinchidan,yaqin kelajakda jahon xalqlari hayotida yuz beradigan mafkuraviy jarayonlarning kechishi haqida ilmiy bashorat qilish kabi masalalarni teranroq yoritishni talab etmoqda. MILLIY G‘OYA VA MAFKURA FANINING NAZARIY- METODOLOGIK ASOSLARI XX asrning oxiri XXI asrning boshlariga kelib jahondagi barcha xalqlarning hayotida katta, ya’ni yirik imperiyalarning parchalanib ketishi, milliy mustaqil davlatlarning tarix sahnasiga kelishi, jamiyatni avtokratik boshqarishdan demokratik boshqaruvga o‘tishi, inson huquq va manfaatlarini himoya qilishning kuchayishi, odamlar ongida demokratik tafakkurning tez shakllanib borishi, globallashuv jarayonlarining shiddatli kechishi, nanotexnologiyalarning jadal sur’atlar bilan ishlab chiqarish jarayoniga joriy etilishi, ekologik xavfsizlikni ta’minlashning tobora xalqchil tus olishi kabi misli ko‘rilmagan o‘zgarishlar sodir bo‘ldi. Jamiyatda sodir bo‘layotgan bunday o‘zgarishlar moddiy va ma’naviy ishlab chiqarish jarayoni dialektikasini chuqur o‘rganish masalasini kun tartibiga qo‘ydi. Bu masalaning echimini topish esa jahonda yuz berayotgan g‘oyaviy va mafkuraviy jarayonlarning tarixiy ildizi, falsafiy asoslariga nazar tashlab, ularning asl maqsad-muddaolarini bilib olish,shunga muvofiq tarzda mamlakatimizda g‘oyaviy va mafkuraviy ishlarni amalga oshirishni taqozo etmoqda. Bu esa o‘z navbatida «Milliy g‘oya: asosiy tushuncha va tamoyillar» fanini nazariy jihatdan boyitish, amaliy jihatdan esa tezkor harakat qilish ishlarini yo‘lga qo‘yishni talab
qilmoqda. 1. Milliy g‘oy a v a mafk ura fanining pay do bo‘lish sabablari, uning ob’ek t i v a predmet i. 1.1. Milliy g‘oya va mafkura fanining paydo bo‘lish sabablari . Fan – tabiat, jamiyat va inson tafakkuri to‘g‘risidagi tushunchalarda, kategoriyalarda, qonunlarda aks ettirilgan, haqqoniyligi amaliyotda tasdiqlangan bilimlar tizimidir. Har bir fanning vujudga kelish, shakllanish va rivojlanish sabablari mavjuddir. Ularni ob’ektiv va sub’ektiv, ichki va tashqi sabablarga ajratish mumkin. Milliy g‘oya va mafkura fanining vujudga kelishidagi ob’ektiv sabablar: • Etmish yildan ortiqroq tarixiy davr mobaynida hukmronlik qilgan SSSR davlatining unda yashayotgan elat, millat va xalqlarning ehtiyoj va manfaatlariga javob berolmasdan inqirozga uchrashi oqibatida parchalanib ketishi; • Parchalangan «qizil imperiya» o‘rnida o‘n beshta mustaqil davlatning paydo bo‘lishi va ularning o‘ziga xos taraqqiyot yo‘lini tanlashlari; • Mustaqil O‘zbekiston davlatining paydo bo‘lishi va uning Birlashgan Millatlar Tashkiloti (BMT) va unga a’zo bo‘lgan davlatlar tomonidan xalqaro hamjamiyatning mustaqil sub’ekti sifatida tan olinishi; •Sobiq SSSRdan qolgan yakka mulk hukmronligiga asoslangan ijtimoiy-iqtisodiy munosabatlar o‘rniga, teng huquqli xilma xil mulkchilikka asoslangan bozor iqtisodiyoti munosabatlarining o‘rnatilishi va boshqalar. Milliy g‘oya va mafkura fanining vujudga kelishidagi sub’ektiv sabablar: • Sobiq SSSR davrida yakka hukmron bo‘lgan kommunistik mafkuraning barcha xalqlarning hayotiga zo‘rlab singdirilganligi tufayli tezlikda inqirozga uchrashi jarayonining keskinlashuvi; •Azaldan o‘zbek xalqining turmush va tafakkur tarziga etti yot bo‘lgan kommunistik mafkuraning mavjud hayot sinovlariga bardosh berolmasdan tanazzulga yuz tutishi, shu tariqa uning yakka hukmronlik mavqeidan chetlatilib xalqimiz hayotidan surib chiqarilishi; • Jamiyatni boshqarishda rahnomalikni qo‘lga olib o‘zining diktaturasini o‘rnatgan